Post: #1
Title: ...هل الشعب السودانى قادر على ثورة جديده
Author: قرنفل
Date: 03-30-2003, 03:32 PM
Parent: #0
|
Post: #2
Title: Re: ...هل الشعب السودانى قادر على ثورة جديده
Author: ايهاب
Date: 03-30-2003, 03:55 PM
Parent: #1
Quote: لما الليل الظالم طوّل
وفجر النور من عينّا اتحول
قلنا نعيد الماضى الأول
ماضى جدودنا الهَزَمُوا الباغى
وهدّوا قلاع الظلم الطاغى.
وف ليله وكنا حُشود بِتصارع
عهد الظلم الشبَّ حواجز
شبَّ موانع
جانا هتاف من عِند الشارع
قسماً...قسماً
لن ننهار
طريق الثورة
هُدى الاحرار.
وغضب الامه اتمدد نار
والكل يا وطنى حشود ثوار
وهزمنا الليل
هزمنا الليل.
والنور فى الآخر طل الدار
والعزة اتهادت للأحرار.
|
|
Post: #3
Title: Re: ...هل الشعب السودانى قادر على ثورة جديده
Author: قرنفل
Date: 03-31-2003, 01:53 AM
Parent: #2
سلام الاخ ايهاب
شكرا للمداخله
هناك الصراعات الحزبية التى جعلت الكثيرين ينظرون اليها بانها متخلفة وهى التى
جعلت الكثيرين يشككون فى مصداقيتها لذلك الحماس من اجل التضحية لعمل شى
يهم الوطن بيكون بتردد شديد جدا ودى من اسباب تاخر الديمقراطية فى رايى انا
كفرد عادى من الشعب السودانى
هناك ايضا سوال ملح لماذا هاجر الكثير من الشباب الى الخارج ولم ينتظروا
فى حين كان من الممكن ان يقدموا الكثير
كل واحد اتخرج يحاول بقدر الامكان المخارجه من السودان لكى لا يواجه تبعات ما بعد
التخرج
انا فى اعتقادى انو الشعب السودانى ملول وعاوز اى شى بسرعه وفى نفس الوقت
ليس لديه الاستداد للمحافظة على الديمقراطية ان وجدت بحكم التجارب السابقه
لحكومات ديموقراطية فشلت على ايدى ساسه كبار وكانو على علم بكل ما يحدت
حولهم
ايضا مسالة الهوية ليست واضحة ولم تحل بشكل نهائى وبصوت عالى
قرنفل
|
Post: #4
Title: Re: ...هل الشعب السودانى قادر على ثورة جديده
Author: Elmosley
Date: 03-31-2003, 03:44 AM
Parent: #1
طبعا ياقرنفل فهو متمرس
|
Post: #5
Title: Re: ...هل الشعب السودانى قادر على ثورة جديده
Author: degna
Date: 03-31-2003, 07:14 AM
Parent: #4
الاخ الفاضل قرنفل
وحدهم من الاحرار والشرفاء والمناضلين هم الذين يقودون
هذه الثورات الشعبية الهادرة اما المتاخاذلين والنائمين
واليائسين والجبناء لن يقدموا شيئا ,علينا التعويل علي
انفسنا وكل الاشراف والاحرار في بلدي
لك تقديري واحترامي
دقنه
|
Post: #16
Title: Re: ...هل الشعب السودانى قادر على ثورة جديده
Author: قرنفل
Date: 04-05-2003, 04:30 PM
Parent: #4
سلام للجميع
عانى الشعب السودانى منذ الاستقلال وحتى الان يعانى من عدم الاستقرار
وهو لممارسات ساساتنا اللذين يعضون على الكراسى بالنواجز ولا يريدون
التخلى او التنحى بعيدا ليتيحو الفرص امام الشباب الذين يحملون الكثير
لتقدم هذا البلد وايضا تناحر الاحزاب هو ايضا جزء من هذه الكارثة
الاهم هو ان الشعب السودانى نفسه سبب ايضا فى تدهور الحالة الاستقرارية
بعجلته وتمنيه والفشخره بماضيه الذى فى رايى لا يحمل اى شى نفتخر به
قرنفل
|
Post: #6
Title: Re: ...هل الشعب السودانى قادر على ثورة جديده
Author: khalid zamrawi
Date: 03-31-2003, 09:45 AM
Parent: #1
الأخ العزيز / قرنفل
السلام عليكم ورحمة لله وبركاته ،،،
ثورة .. أنتفاضة .. إحساس بالظلم الدائم ... شعارات حماسية
نريد أن تكون الثورات و الأنتفاضات القادمة إقتصادية و تعليمية و صحية و دعونا من السياسة جانباً الأن
هذه ليست أنهزامية و لكن دعونا نعيش الواقع لحظة مرة
وشكراً
|
Post: #7
Title: Re: ...هل الشعب السودانى قادر على ثورة جديده
Author: azza
Date: 03-31-2003, 04:09 PM
Parent: #1
قرنفل يا رائع سوالك وجييييييييييييييييه و في محله كان غالبني اعبر
هناك ايضا سوال ملح لماذا هاجر الكثير من الشباب الى الخارج ولم ينتظروا
فى حين كان من الممكن ان يقدموا الكثير
كل واحد اتخرج يحاول بقدر الامكان المخارجه من السودان لكى لا يواجه تبعات ما بعد
التخرج
البتخرجوا و اتخارجوا ديل هم ناس الثورة ذاتم اقصد الذين مفروض يقوموا بالثورة
الثورة بالنسبة للفرد او في داخله هي عبارة روح يتشبع بها منذ البدايات الاولى و هذه الامر قوي الارتباط بمسالة الهوية و لي عودة
وضعت يدك على احد الجراح الشعب السوداني عاوز كل شي بسرعة....و دي مشكلة كبيرة لو فهمنا شجرة الزيتون؟؟نكون قطعنا شوط
نحنا مش محتاجين جيل ثورة و بس جيل تضحيات بكل ما تحمل كلمة تضحية من معنى يعني اليوم انا كا ام انسى قصة الذهب و التياب و الاغتراب افكر انو اولادي ياخدو احسن قدر من التعليم في برطانيا في الاردن في خلافووو و يفهموا قصة بعد التخرج دي راجعين راجعين...مش ارسل ولدي و لما يتخرج نبقى في انو المرتبات تعبانة و داير اكون نفسي لازم يفهم معنى التضحية
دا بالنسبة لي كا ام و مشش اخلى بعد درس في امريكا و برطانيا يمشي يشتغل لي فى دول الخليج او غيرو و ارجا الدولارات و ولدي مهندس وولدي دكتور يا جماعة لازم لازم نضحي
اما بالنسبة للشابت و الشباب الخريجات يا ريت لو تكون الاهداف اكثر وطنية و الدوافع يعني بعض بنات الزمن دا ما البورد دا مافي استعداد للكفاح نهائ ناس امك ما بقعد ووووو مرتبك تعبان ووو..يعني احترم جدا شابين اتزوجوا و اشتغلوا في السودان وضحوا عشان اولادم لما بعد عشرة سنين يكبروا ما يفقدوا هويتم
الافكار غير مرتبة من الرا في الكي البورد كدي لي عودة
|
Post: #8
Title: Re: ...هل الشعب السودانى قادر على ثورة جديده
Author: فتحي البحيري
Date: 03-31-2003, 08:57 PM
Parent: #7
صدق وامن يا قرنفل
الشعب السوداني الان يقود انتفاضة فعلية
امس تكلم زعيم سياسي ديمقراطي كبير لثلة من اهله ومقربيه لم اكن معهم كلاما لو سمعناه لاندهشنا وفرحنا وتفاءلنا
وصلني الكلام بطريقة ما
وزادني وجدا على وجد
صدق او لا تصدق يا قرنفل ويا كلكم
ربما كانت الطغمة الان تفاوض احزابا على تسليم السلطة لا اقتسامها
واغلب الظن بل كله
انهم يجيهون اوضاعهم الان في ماليزيا او قطر
او حتى سويسرا
صدقوا
وصدقوا فقط
الشعب السوداني ينضج انتفاضته الوردة على نار هادئة
والله يصدق السمحة
|
Post: #9
Title: Re: ...هل الشعب السودانى قادر على ثورة جديده
Author: ايهاب
Date: 03-31-2003, 09:16 PM
Parent: #8
كدا ساي
ودم الشهداء و عرق الغلابه و كرامه كل من سحقهم واهانهم و شردهم الطغاء و زبانيتهم
|
Post: #10
Title: Re: ...هل الشعب السودانى قادر على ثورة جديده
Author: قرنفل
Date: 04-01-2003, 00:00 AM
Parent: #9
سلام للجميع
الاستاذ موصلى لك الود
الاخ degna
لك التحية .........كيف لكن ..؟؟ البوادر ضبابية
الاخ khalid zamrawi
الثورة هى ثورة سوى كانت اقتصادية او تعليمية او صحية وهذه
الاشياء هى سبب كل تغيير وهى برنامج دولة كاملة فكيف تعمل به
وكيف تضعه وكيف تطرحه للشعب انظر الى كل هذه الاطروحات
الان وقيمها ربما لا تجدها اصلا.....؟؟؟؟؟
سلام azza
كلامك يا عازة جميل وحلو بس كبف تطبقيهو على الواقع
فى انتظارك لمعرفته
اخوى فتحى البحيرى
ايهاب قال ليك كده ساااااااااااى
التحية لك ايهاب
ناس الايام دى فى السودان تسال الواحد عن هل ممكن تكون فى مظاهرات
رده على واحد قال لى هى ياخى نحنا الصباح موية فول والمساء موية
فول يعنى الواحد لو هتف مرتين احتمال يودوهو الانعاش وقال لى تانيا
هى وينى الحنجرة دى عشان نكورك بيها ......؟
تذكرت فى الحال احد اصدقاى له التحية فى احدى المظاهرات
ذنقوه تلاتة من شرطة الاحطياتى وكان شايلين معاهم عكاكيز
الواحد ذى عكاز قرجه ده
قال ما كان فى اى طريقة الا مواجهتهم وحصل ضربه واحد من العساكر
بالقرجه بتاعتو دى اتخيلو اتكسرت( ده ما شمار) جد جد
الدهشة اصابت بتاع البوليس فى هذه اللحظة اتيحت له فرصة الهروب
وكان ما اراد ونفد بجلده وليس به اى شى فى راسه
على العموم لا يصلح السودان الا اذا عمل اهله بامانه لشعبهم ولوطنهم
والا سوف تتكرر الماسى
القرنفل
|
Post: #11
Title: Re: ...هل الشعب السودانى قادر على ثورة جديده
Author: Hozy
Date: 04-01-2003, 00:05 AM
Parent: #1
صعـــــــــب شديد
الناس هدتها المعاناة
ومافي زول قادر
|
Post: #12
Title: Re: ...هل الشعب السودانى قادر على ثورة جديده
Author: قرنفل
Date: 04-01-2003, 05:18 PM
Parent: #11
سلام هوزى
منو وشنو الجاب المعاناة
لابد ان هناك روية لكل شى ولابد من وجود حلول
اذا اردنا ذلك
قرنفل
|
Post: #13
Title: Re: ...هل الشعب السودانى قادر على ثورة جديده
Author: فتحي البحيري
Date: 04-01-2003, 05:37 PM
Parent: #12
انا ما قصدت يا جماعة انهم حيطلعوا منها كدا ساي
انا قصدت انهم الان بيحاولوا حاجة زي دي
مما يؤكد صحة الفرضية (النحن فيها)البتوكد قدرة الشعب على ازاحة اي دكتاتورية
وطبعا الاولوية المنطقية للحاجات
ازاحتهم اولا
ومعاقبتهم والثار منهم ثانيا
وممكن يكون الاتنين ان ون مومنت
لكن الترتيب كدا
ولا شنو؟؟
المهم الاجابة على الوال المطروح هي نعم والان وليس غدا
بواقع ما بحدث فعلا
|
Post: #17
Title: Re: ...هل الشعب السودانى قادر على ثورة جديده
Author: فتحي البحيري
Date: 06-19-2003, 05:04 PM
Parent: #13
up
|
Post: #14
Title: Re: ...هل الشعب السودانى قادر على ثورة جديده
Author: azza
Date: 04-01-2003, 05:43 PM
Parent: #1
لك التحية ياقرنفل و انت رائع
عن نفسي طبقتوا و اخدت قرار هيغير كل حياتي
شوف يا قرنفل نحنا مفروض نبدا من تحت ما من فوق دا الوصلت ليه اخيرا زمان قناعتي انو لازماك سلطة عشان تغير لكن دي في بلدنا مااااااااااااااا...ظبطت ما داير اسيس كلامي بالواضح كدا نحنا محتاجين لي اساس جديييييييد العمارة دي كلام نكسرها و نبني مكانا ..انسى اخير ترمي ليك ساس من اول و جديد
هتقول لي كيف الناس الواعين بالقضية تماما يرجعوا ...موت موت حياة حياة
قصة الشعب السوداني الفضل دي زي ماقالت ليك هوزي
تعلاف نبدا بالمدارس شوية شوية انا وانت و المعانا نعلم ونبني في جيل يطلع واعي و مسلح ما بي بندقية بي فهم صحيح عليك باولادك و علي بي اولادي و خلينا نشوف و على قولك مشكلتنا الشفقة و الاستعجال
|
Post: #15
Title: Re: ...هل الشعب السودانى قادر على ثورة جديده
Author: قرنفل
Date: 04-02-2003, 10:51 PM
Parent: #14
سلام للجميع
سلام فتحى
نعم نحن نريد سودان سلام وحوار لا ينقطع....؟
سلام عزة
بمداخلاتك احسست ان السودان بخيييييير ما دام فيهو زيك
تتناول قضاياها بجدية وحوارية رائعة لكى التحية
صحى كلامك عاوزين ساس من الاول
كفاية لهاولاء الديناصورات
اما حكاية الشعب انهده انهده
اما ان يكون جيل مسلح العلم والمعرفة فهذا ما ننادى به
لذلك فى الاول قلتا نحن مستعجلين الاشياء....؟
ولى رجعه
قرنفل
|
Post: #18
Title: Re: ...هل الشعب السودانى قادر على ثورة جديده
Author: ABUHUSSEIN
Date: 06-19-2003, 05:29 PM
Parent: #1
الأخـــوان ســــلام
الإجـابـة على السـؤال نـعـم لأنـو الشعب السوداني عندو الخبرة الكافية
و عـنـدو المعرفة الكاملة بي كيفية و متى إعملوا أي شـئ .
و عـزة قالت ليكم كــلام أنا بتفق معاها 100 % عليهو و هو حكاية إننا
نبدأ من الصغار و دي أهم حاجة يعني علشان تأسس ليك ديمقراطية سليمة
و تحافظ عليها لازم الصغار إتعلمو الديمقراطية و إمارسوها من صغرهم
أما الآن الشعب السوداني قادر على كـل شـئ لـكـن مـحـبـط
و دي حقيقة كـل الناس عارفنها لكن ما عايزين إعترفوا بيها
الشعب السوداني محـبـط من الأحـزاب كلها بدون أي إستثناء
لأنو الشعب السوداني ضحى و أداهم الديمقراطية في طبق من ذهـب
و الأحـزاب لا مارسـو الديمقراطية و لا عوضوا الشعب عن تضحياته
و لا حافظوا ليهو علي الديمقراطية .
تحياتي .
|
Post: #19
Title: Re: ...هل الشعب السودانى قادر على ثورة جديده
Author: فتحي البحيري
Date: 06-19-2003, 06:57 PM
Parent: #18
الا يقينون فيك انماسك
يا الاصرارك سطرا سطرا ملا كراسك
|
Post: #20
Title: Re: ...هل الشعب السودانى قادر على ثورة جديده
Author: فتحي البحيري
Date: 06-19-2003, 08:31 PM
Parent: #19
نغم
|
Post: #21
Title: Re: ...هل الشعب السودانى قادر على ثورة جديده
Author: فتحي البحيري
Date: 06-19-2003, 08:55 PM
Parent: #19
ارفع صوتك هيبة وجبره
خلي نشيدك عالي
عالي النبره
|
Post: #28
Title: Re: ...هل الشعب السودانى قادر على ثورة جديده
Author: قرنفل
Date: 06-27-2003, 06:33 AM
Parent: #21
سلام الاخ فتحى البحيرى
ارفع صوتك هيبة وجبره
لك التحية ولاسهاماتك
نتمنى ان ترى امنياتك وللسودان العزة والرفعه
|
Post: #27
Title: Re: ...هل الشعب السودانى قادر على ثورة جديده
Author: قرنفل
Date: 06-27-2003, 06:27 AM
Parent: #18
ABUHUSSEIN سلام
شكرا للمداخلة ولكن السوال كيف نعلم انفسنا ممارسة الديموقراطية
نحن شعب يفتقد الى الكيفية
اما ان تاتى ديموقراطية نتيجة للجوع او غيره فهذه لن تكون صحية
كما حصل فى السابق
اما احباط الشعب السودانى فليس هو العقبه لان الاشياء المحبطه كتيره
وانتظارحلها سوف يطول
اما الاحزاب فحدث ولا حرج هم اسباب كل الانتكاسات السابقة ولا تعرف من ماذا
هل هم مخلوعين ام نقص فى طريقة ممارستهم للديموقراطية ام جهلهم بها
لك الشكر اخى
|
Post: #22
Title: Re: ...هل الشعب السودانى قادر على ثورة جديده
Author: فتحي البحيري
Date: 06-26-2003, 12:58 PM
Parent: #1
انت نسيج الفدا هندامك
|
Post: #23
Title: Re: ...هل الشعب السودانى قادر على ثورة جديده
Author: AbuSarah
Date: 06-26-2003, 01:28 PM
Parent: #1
اخوتي/
الشعب السوداني فيه الخير وفيه البركة...
وفيه من هو قادر على ان يشنق اخر جبهجي بامعاء اخر عضو في مجلس قيادة اللاثورة.
العزة لاهل بلادي
اخوكم/ ابوساره
|
Post: #29
Title: Re: ...هل الشعب السودانى قادر على ثورة جديده
Author: قرنفل
Date: 06-27-2003, 06:39 AM
Parent: #23
AbuSarah سلام
انت منحت الشعب السودانى الخير والبركة
اين خير السودان الان بعد ان صبح ما يقارب العشرة مليون خارجه طلبا فى
لقمة العيش الكريمه
وايضا نريد سودان جديد بحوار طويل وفكر يمنح الكل حقه
شكرا لمداخلتك ونتمنى للسودان الصحوة
|
Post: #33
Title: Re: ...هل الشعب السودانى قادر على ثورة جديده
Author: kamala
Date: 06-28-2003, 02:10 PM
الاخ قرنفل تحية طيبة : لا ادري ولكنك جردت الشعب السوداني من كل مقومات الثورة ولكن لا اري ان هذا مبرر كافي لمنع الشعب السوداني من القيام بثورة . ان كل مبرراتك التي سقتها هي الاسباب الحقيقية والدوافع للقيام بالثورة الوطنية .
لك الود
|
Post: #34
Title: Re: ...هل الشعب السودانى قادر على ثورة جديده
Author: فتحي البحيري
Date: 06-28-2003, 02:37 PM
Parent: #33
شكرا كمالا
إصرارك على رفع هذا البوست وحده يشكل إجابة ضمنية (أخرى) على السؤال
غير التي افترضها (بحسن نية التحريض )صاحب البوست
وبعض الناس لديهم تعريف (حبيب) للسوداني
وهو : هو الشخص الذي ليس بوسعك أن تحدس ماذا سوف يفعل في اللحظة التي تلي
فعسى هذا التعريف إن صدق
يكون لصالح ثورتنا المتخلقة الراهنة أيضا
وسلمتي لهذا الغضب الطهور
[b/]
|
Post: #24
Title: اكيد
Author: kamala
Date: 06-26-2003, 01:56 PM
Parent: #1
شليل ما راح لكن الظلم رايح
|
Post: #25
Title: Re: اكيد
Author: فتحي البحيري
Date: 06-26-2003, 02:50 PM
Parent: #24
in-sha2a-allah
|
Post: #31
Title: Re: اكيد
Author: قرنفل
Date: 06-27-2003, 06:44 AM
Parent: #25
فتحى سلام الاخ
لك التحية ولنت تناضل بقلمك
|
Post: #30
Title: Re: اكيد
Author: قرنفل
Date: 06-27-2003, 06:42 AM
Parent: #24
kamala سلام
الظلم لن يروح
الا اذا استخدمت ضوء او نور
كيف لنا ان نزيح هذا الظلم يحتاج الى ادوات
|
Post: #26
Title: Re: ...هل الشعب السودانى قادر على ثورة جديده
Author: elsharief
Date: 06-26-2003, 02:54 PM
Parent: #1
شعبنا مفجر الثورات اكتوبر وابريل وقادر على اسقاط حكومة الانقاذ بتصعيد النضال والوحدة وتكامل الظرف الموضوعى مع الذاتى ومصير الانقاذ الى مزبلة التاريخ
|
Post: #32
Title: Re: ...هل الشعب السودانى قادر على ثورة جديده
Author: قرنفل
Date: 06-27-2003, 06:48 AM
Parent: #26
elsharief سلام
ليس هو مصير من ومن
اذا كنت تريد ان ترمى مصاير من هم كانوا فى سبب تاخر السودان
فمزبلة التاريخ لن تتحمل لان سوف ياتيها سيل
|
Post: #35
Title: Re: ...هل الشعب السودانى قادر على ثورة جديده
Author: فتحي البحيري
Date: 06-28-2003, 03:54 PM
Parent: #32
في اعتقادي ان محاولة تفكيك سؤال السهلة لا تنفصل عن مقاربات السؤال التالي
السهلة...................!!!!ـ
|
Post: #36
Title: Re: ...هل الشعب السودانى قادر على ثورة جديده
Author: Gazaloat
Date: 06-28-2003, 04:11 PM
Parent: #35
معليش ياقرنفل
ولكن السؤال هو هل انجز الشعب السودانى ثورة قديمة حتى نبحث له عن واحدة جديدة
حسب علمى ان اخر ثورة انجزها شعب السودان كانت تلك التى قادها بنجاح تام محمد احمد اعنى الامام محمد احمد المهدى
ماقولك
لك الود حتى الثمالة
منعم الجزولى
|
Post: #37
Title: Re: ...هل الشعب السودانى قادر على ثورة جديده
Author: اساسي
Date: 06-28-2003, 04:17 PM
Parent: #36
لا طبعا
ثورة عشان يجيب منو
الصادق والميرغني وقرنق
؟؟؟؟
يجيبهم يسوي بيهم شنو
قلت لي منو احمد ولا حاج احمد
ولا موية ولا ماء
لكن والله اي زول مشي السودان
بيقول بامانة الكيزان صلحوا البلد
هههههه وصلحوا جيوبهم
ما احسن من البصلحوا جيوبهم بس
تعويضات منو
ال وال وال ول البيت
|
Post: #39
Title: Re: ...هل الشعب السودانى قادر على ثورة جديده
Author: أبوالزفت
Date: 06-29-2003, 12:08 PM
Parent: #1
نجح الشعب السودانى البطل
فى اسقاط عبود
ومن بعده نميرى
واهم اسباب سقوتهما
انهم عساكر وصلوا للسلطة
وزمنهم كان غير
اما الانقاذ فهو تنظيم
وصل الى السلطة بالسلاح
واعلن منذ البداية
انو العاوز السلطة
يجى يأخدها بالسلاح
وطبعا التنظيم على علم
ودراية بالاسباب التى ادت
الى سقوط الانظمة السابقة
فعمل منذ البداية
على ضمانها او اضعاف دورها
كمثال القوات النظامية
معظم افرادها من النظام الحاكم
وسرح للصالح العام كل من له
ولاء الى اى نظام آخر
جامعة الخرطوم
اعتقالات وقمع شديد
وبالرغم من ذلك خرج طلاب
الجامعة اكثر من مرة
لم يجدو اى دعم من الشارع
العصيان المدنى
فى كل موقع من مواقع
الخدمة المدنية يوجد
من هو تابع للنظام
بحيث اذا حدث اضراب عام
كوادر النظام تقوم بتسيير
العمل
اما عن الشباب
اقول لك ما قالته
خالتى سعيده وهى من
الرعيل الاول المتعلم فى السودان
الشباب القادر على التغيير
قتلو فى الجنوب والباقين
?????? قاعدين وراء
???? امهاتهم
فثورة اكتوبر البيضاء
(نعم سالت فيها دماء
ولكنها تظل بيضاء
لانو لم يكن هناك قصاص)
والانتفاضة لن يتكررا
فالشعب السودانى الان
غير قادر على عمل انتفاضة
وممكن يكون ما عاوز يعملها
علشان مايرجع الامام المنتخب
وولد عسكرى الانجليز للسلطة
|
Post: #40
Title: Re: ...هل الشعب السودانى قادر على ثورة جديده
Author: zahjana
Date: 06-29-2003, 12:19 PM
Parent: #39
اكيد غير قادر والجواب من عنوانه....
|
Post: #42
Title: Re: ...هل الشعب السودانى قادر على ثورة جديده
Author: Yasir Elsharif
Date: 06-29-2003, 12:48 PM
Parent: #1
فصل الدين عن السياسة
وسلامي لكم
|
|