تتمه

بسم الله الرحمن الرحيم


اخوتي الاعزاء بمنلسبة عيد الاضحى الامبارك بعض الابيات من قصيده بعنوان عيديه والان ارسل لكم القصيده كامله

لما الفراش عانق خديد الورده مفتون بي نداها
بي لهفة في موسم ربيع يرشف رحيق الزهرة في حلة بهاها
طار في اختيال داعب الياسمينة واتنسم شذاها
فاح الدعاش ، واتقطرت حبات رذاذ
هفهفت نسمة عبير
شايلة اخبار ناس عزاز سيرتهم راحة النفوس ، لي قلوبنا ذكراهم ملاذ
**********

أمشي يا طير للثريا الحالمة فوق نجم السما
حتى لو في الطيف تزوره وتحلمه
حيّ واتلطف بشيشك ناغمة
وبي نغم حالم تغني تكلمه
قول ليها ما الملهوف وراك بالحب سما
واسال سؤال ، كيف الوصال ؟
ما المسافات والمشاوير والحروف
قول ليها ريدك الجما
وصف الحال من قريب
واشكي ليها الزمن الصعيب
واشرح الحب النما
فرهد واينع بالثمار
بالقيم الرفيعة الملهمة
طمني يا طير بالخبر
وافيني مع نسمة سحر
جيب ليا من طرف الحبيب أحلى التباشير والدرر
وعذب الكلام ، وكل اللي يريح البال يسر
مستني راجيك يا ولوف
على شوق احر من الجمر
يفرح القلب القبيل
طال انتظاره مع الصبر

واشرح الحب النما
فرهد واينع بالثمار
بالقيم الرفيعة الملهمة
طمني يا طير بالخبر
وافيني مع نسمة سحر
جيب ليا من طرف الحبيب أحلى التباشير والدرر

ياسلام المزيد يادكتر ولى قدام

رائعه رائعه رائعه يا دكتور
وما تغيب كتير بالله

وفى انتظار ست الودع

ام الاء