Post: #1
Title: شرير والبرتكان وامدر .....عندي كدارة قديمة ما وقعت تحت عينكم؟؟
Author: garjah
Date: 03-03-2003, 05:59 PM
شرير والبرتكان وامدر .....عندي كدارة قديمة ما وقعت تحت عينكم؟؟
يعني نكشتو البوش ده ولخبتوهو لخبتة
واي واحد عندو حاجة رايحة يبلغ بيها الشرير
انا غايتو عندي كدارتي البشوت بيها
لو شفتوها بالله ادوني خبر
والا اقوم العب ليكم حفيان و اشوت ليكم ضفاري
|
Post: #2
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: singawi
Date: 03-03-2003, 07:34 PM
Parent: #1
قرجة .. سلامتك
مالك محموم ولا شنو
كان فهمت حاجة اتنطر
أنا غايتو رايحة لي قدلة حافي حالق
وشمة ريحة البهارات في سوق امدرمان الكبير
مخلوطة برائحة سيطان العنج في سوق الجلود
مكحلة بي ريحة فواحة من سورج
وزاد وجدي ... نوم عيني أصبح قليل
تحياتي
ملك البرتقال الطيب
تحية وشوق
تصل للكلو رقة وذوق
|
Post: #3
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: شرير والبرتقاله
Date: 03-04-2003, 08:20 AM
Parent: #2
صباحاتكم بطعم
العرديب
قرجــه
اسمع كدارتك
دي فيها كم كديسه
؟؟
باترك
ولا اديداس
؟؟
|
Post: #4
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: garjah
Date: 03-04-2003, 08:50 AM
Parent: #3
سنجاوي الجميل
الجماعة ديل نكشو البوستات القديمة كلها
والعندو حاجة رايحة يبلغم بيها
شرير والبرتكان
ازول
اديداس شنو
دي عملتها في سوق الجلود
واحد نقلتي حريف اخد المقاس وفصلا لي
ولي زمن شايت بيها
كدايسا لايا الحبيب
ماهن دوائر
دي صفوف مثبتة بمسامير تلاتة بوصة
دحين ما وقعت تحت عينك في نكشك ده
|
Post: #5
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: أبوالزفت
Date: 03-04-2003, 09:03 AM
Parent: #1
يا قرجة
كدارتك دى جلد
و كدايسا صفوف مثبتة بمسامير تلاتة بوصة
اكان دى كدارتك عليك العوض
امبارح بالليل كنتا ماشى
بهناك شفت الكلاب بنهشو فيها
|
Post: #6
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: شرير والبرتقاله
Date: 03-04-2003, 09:22 AM
Parent: #5
صباحاتكم
بطعم
العرديب
ياسنجاوي
لا كوره بقيت تجيها
ولا شوفتنا
بقيت دايرها
مالك يا اخوي
عرست ولا شنو؟؟
اليك منا
هذا الملمس
المخملي
ما هو عارف قدمه المفارق
خليل فرح
ماهو عارف قدمه المفارق يا محط آمالي السلام
في سموم الصيف لاح له بارق لم يزل يرتاد المشارق
كان مع الأحباب نجمه شارق ماله والأفلاك في الظلام
يا دهر أهوالك تسارق منها كم كم شابت مفارق
ما علينا الفات كله فارق رقنا وله نعيد الملام
من حطامك أنا غصني وارق في شن أبقيت للطوارق
غير قليبا في همومه غارق ولسانا برده الكلام
ويح قلبي الما انفك خافق فارق ام درمان باكي شافق
يا أم قبايل ما فيك منافق سقي أرضك صوب الغمام
يا بلادي كم فيك حاذق غير الهك ما أم رازق
من شعاره دخول المأزق يتفاني وشرفك تمام
مسرح الغزلان في الحدايق والشوارع الغر والمضايق
قول لي كيف أمسيت دمت رايق دام بهاك مشمول بالنظان
مجلس اللذات في النمارق والترف لا زال وصفه خارق
ضاري حسك فاح جانا مارق وله قاطعو الريح ما هو لام
في يمين النيل حيث سابق كنا فوق أعراف السوابق
الضريح الفاح طيبه عابق السلام يا المهدي الامام
أين مني الودعته شاهق باكي ناهد لسه مراهق
عيني ما بتشوف الا شاهق أين وجه البدر التمام
أين مني الفي زهوه باسق في شبابه نقي من مفاسق
بين ثيابه البيض المناسق حولك اشبه رتل الحمام
يا بريد الجو فوقي حالق ميل علي الروح ليها خالق
عدت سالم قول وأنت عالق مقرن النيلين كيلو كام
الحبايب لفتوا الخلايق بيني وبينهم قطعوا العلايق
ان دلال ان تيه كله لا يق نحن ما مجينا الخصام
يا جميل يا نور الشقايق أملأ كأسك واصبر دقايق
مجلسك مفهوم شوفه رايق عقده ناقص زول ولا تام
من فتيح للخور للمغالق من علايل ابروف للمزالق
قدله يا مولاي خافي حالق بالطريق الشاقه الترام
ما يئسنا الخير عوده سايق الحي يعود ان أتي دونه عايق
الي يوم اللقا وانت رايق السلام يا وطني السلام
اليك هذا الطعم
|
Post: #7
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: garjah
Date: 03-04-2003, 09:51 AM
Parent: #5
ابو الزفــــــت
قلت ليك
كــــدارة
موش
عضـــــــم
|
Post: #8
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: شرير والبرتقاله
Date: 03-04-2003, 10:39 AM
Parent: #7
عمو
قرجه
اسمع كدارتك
دي موش الكانت
معمولة من جلد التيــس ديك
وكدايس من مسامير
عاملنها في سوق الجلود بامدرمان
؟؟
|
Post: #9
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: garjah
Date: 03-04-2003, 11:11 AM
Parent: #8
بــــــــــــــــــــــس
هي؟
ما تنكشا
خلينا نجيب الونش يرفعا
|
Post: #10
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: cola
Date: 03-04-2003, 11:17 AM
Parent: #1
شرير والله عمليتى ده سببها المباراة المشئؤمة
عفصة واحده عملة لى تسمم فى رجلى
لوووووول
|
Post: #11
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: شرير والبرتقاله
Date: 03-04-2003, 02:06 PM
Parent: #10
انت عارف ياكولا
اليوم داك
عمو قرجة
ادي ليك الحكم رشوه
دي شي
والحاجة التانيه
مفروض نطالبو يدفع لينا
تعويض كامل غير منقوص
الواحد يلبس ليهو كداره بقرش ونص
يعمل ليهو عاهة لواحد
عشرين الف ريال
انا معاااك
يلااا نطالب التعويض
|
Post: #12
Title: Re: شرير والبرتكان وامدر .....عندي كدارة قديمة ما وقعت تحت عينكم؟؟
Author: robenson
Date: 03-04-2003, 02:28 PM
Parent: #10
سلام
يا قرجة كدارتك دي ذكرتني بي مصلاية جدي العاملا من خروف السماية حقت ولد بتو ودابغا هو براااااهو بي القرض والقطران وعامل ليها مسمار كبير ومعلقا في الحيطة .. أها عندنا كلب ود حرام ( اها يا جماعة انا قلت كلب ود حرام عشان ما يجيني الشرير ناطي) كل يوم نلقاهو شايلا وقارم منها حتة .. اها قام جدي اعلن اجتماع طارئ وشكل محكمة برئاستو هو شخصيا واصدر قرار برقم 2 تقسيم م/ص بتاريخ 22/1/1907
بإعدام بوبي بعد ربطة بحبل في رقبته وشده الي العمود وضربة ضرباً حتي يروح في ستين داهيه وكتب بجواره هذا مصير كل من يتجرأ علي
التطارول علي ممتلكاته وطبعاً الكلام دا لينا يا المنطرين عينينا
|
|