جميع بورداب الرياض معزومين غداء

Post: #1
Title: جميع بورداب الرياض معزومين غداء
Author: ghariba
Date: 03-01-2003, 11:09 PM

هذه دعوة لجميع بورداب الرياض لحضور الغداء في استراحة المزارع المعروفة باسم العويضة بطريق الحاير بمناسبة لايوم المفتوح لابناء واسر ابناء مدينة الابيض ويكون لقائنا هنالك وستجدون اخونا تبلدينا وانا في الاستقبال
وبالمناسبة فاليوم عائلي ويشمل حفل غنائي ومسابقات اطفال ومعرض
وتكريم للبروفسير عز الدين عمر موسي و’آخرون

Post: #2
Title: Re: جميع بورداب الرياض معزومين غداء
Author: Habib_bldo
Date: 03-02-2003, 11:26 AM
Parent: #1

الأخ المهندس صلاح
لك التحية ولكل أهل الابيض
وأنا أول الملبين للدعوة
ونشكرك على الدعوة
تلفوني للتذكير
054154409
وليد

Post: #3
Title: Re: جميع بورداب الرياض معزومين غداء
Author: albagir altahir
Date: 03-02-2003, 01:39 PM
Parent: #1

افتحو الباب كبير بالضلفتين نحن جايين
لكن ماله عزومة مراكبية لا محدد التاريخ ولا اليوم ولا الساعة

Post: #4
Title: Re: جميع بورداب الرياض معزومين غداء
Author: ghariba
Date: 03-03-2003, 05:31 AM
Parent: #1

حبيب بلدو
وينك فقدناك في الليلة الظلماء

اخي ابراهيم
معليش على تقصيرنا في المعلومات

هو يوم مفتوح من الصباح في استراحة العويضة المعروفة باستراحة المزارع بطريق الحائر بالرياض
والمناسبة هو يوم أسرى لابناء واصدقاء مدينة الابيض عروس الرمال
والبوفيه مفتوح في هذا اليوم
والدعوة عامة لبورداب الرياض والشرقية لقربهم من الحدث
يصاحب اليوم برنامج ثقافي ورياضي ومنها الفنان محفوظ عليش وآخرون
ومحاضرات ومنها محاضرة عن الفن التشيلي في السودان يلقيها الفنان العالمي / راشد دياب ومحاضرة عن الحضارة النوبية يلقيها الدكتور حسن الملك رئيس المنتدى النوبي بالسودان وهنالك محاضرات من ابناء مروي وبالاضافة الى ابناء عروس الرمال
سيتم في اليوم تكريم البروفسير عز الدين عمر موسى لنيله جائزة الملك فيصل العالمية
وبالمناسبة البرنامج حافل بمعنى الكلمة

صلاح غريبة

Post: #5
Title: Re: جميع بورداب الرياض معزومين غداء
Author: garjah
Date: 03-03-2003, 06:54 AM
Parent: #4

الدعوة لناس الشرقية

ويا ناس جدة

ما اشوف واحد فيكم يتحاوم

الكعبة دي ما بتجوها تاني؟؟؟

Post: #6
Title: Re: جميع بورداب الرياض معزومين غداء
Author: البعيو
Date: 03-03-2003, 07:30 AM
Parent: #1

ياصلاح غريبه
كيفنك
طبعا بما ان الدعوه غير موجهة لنا نحن قبيلة العزابه
فانى اتوجه بالدعوة لكل العزابه البورداب بالرياض والشرقيه وجده لوجبة الغداء بمطعم الزهور السودانى بام الحمام قرب مسجد الملك خالد والعاقبة عندكم بالمسرات وبعد داك نتوجه الى اليوم المفتوح

Post: #7
Title: Re: جميع بورداب الرياض معزومين غداء
Author: ghariba
Date: 03-03-2003, 10:19 PM
Parent: #1

اخوي البعيو
افو
العزابة اول الناس المعزومين
قال ام الحمام قال
تعال ومرحب بيك وبكل بورداب المملكة حتى ناس المهندس هواري في ينبع وقرجة
والشرير والبرتكانة ( البرتقالة بالمحلي )
بس ابقو تجوا
ومرحب بيكم
وتلقوني في الباب مرحب بيكم
بس قولوا انحنا بورداب بكري

Post: #8
Title: Re: جميع بورداب الرياض معزومين غداء
Author: BousH
Date: 03-03-2003, 11:13 PM
Parent: #7

الغالي غريبة

سلام عليكم والرحمة
اخبارك انشاء الله بخير وعافية ..... معليش والله المشغوليات كترت ولا شنو مش عارف ومقصرين في التواصل .... انشاء الله نحاول تلبية الدعوة....وقبلها يكون بينا تلفون

وتحياتي

Post: #9
Title: Re: جميع بورداب الرياض معزومين غداء
Author: ghariba
Date: 03-03-2003, 11:19 PM
Parent: #1

بوش وينك
واله فقدتك الايام الفاتت
الجماعة هجموا علي في البورد لمن قربت اقدم استقالتي لولا تخدل اخونا الجيلي
الجماعة اصبح همهم كلوا سياسة
انا منتظرك يوم الجمعة
ولازم تجي
ومعاك كل بورداب الرياض
عارف الوصف بتاع الاستراحة
او اتصل بي لاوصف ليك أكتر
052440171

Post: #10
Title: Re: جميع بورداب الرياض معزومين غداء
Author: BousH
Date: 03-03-2003, 11:52 PM
Parent: #9

شكرا يا باشمهندس على سرعة الاستجابة

والله لي زي شهرين شبه غايب يعني حاضر غايب اكون موجود على المنتدي وفاتح الموقع وكل شيء بس المشكلة ما في وقت للقراءة والرد الا المواضيع الساخنة ودي كمان بعد الطباعة ..... زحمة شغل بطريقة غير عادية .... والله يا باشمهندس حسب معرفتي بيك ما اظن الهجوم مشكلة بالنسبة ليك ..... لانك صاحب عزيمة قوية نسال الله لك الصحة والعافية وانشاء الله أراجع البوستات القديمة وأشوف الموضوع شنو .... وانشاء الله يوم الجمعة ح اكون معاكم وشكرا مرة على سرعة الاستجابة والاهتمام

الاخ حبيب بلدو اخبارك ... انشاء الله بالف خير وعافية ... وانشاء الله نتقابل يوم الجمعة في ضيافة الباشمهندس غريبة وكل بورداب الرياض
لكم تحياتي جميعا

الاخ غريبة شوف الموقع ده .... فكرة جديدة وتصميم جديد .... وبالمناسبة الاستاذ خالد عويس انضم الى هذه الصحيفة
صحيفة الحقائق اللندنية
ولامن اشوفك يوم الجمعة اقول ليك بقية القصة.... والموقع تصميم سوداني من ألف الى الياء

Post: #11
Title: Re: جميع بورداب الرياض معزومين غداء
Author: ghariba
Date: 03-04-2003, 05:29 AM
Parent: #1

اخي بوش
اشكرك على الرد
اعجبني ردك المنطقي والواقعي
واتذكر المقولة المشهور
الاختلاف لا يؤدي الى الانتصار ولكن الى التغيير
وياريت المثقفين في بلدي يفهموا ادب الحوار والاختلاف
ولا لكنا من مصاف الدول المتقدمة
وبخصوص اخونا خالد فاكن له كل الاحترام ولقد فقدانه في الايام الاخيرة ونثني على انضمامه لمجلة الحقيقة وهو اثراء لهم وسلامي لخالد عويس اينما كان
ولنلتقى يوم الجمعة لاقول لك الكثير وبخاصة وانني بصدد فتح منبر حر للحوار مع الاعضاء المتواجدين وفي شتى المواضيع وبعيد عن التطرف الأحمق

Post: #12
Title: Re: جميع بورداب الرياض معزومين غداء
Author: ghariba
Date: 03-05-2003, 05:39 AM
Parent: #1

عذرا لاني وسط الاحداث نسيت ان اذكر لكم العنوان

سيكون في استراحة العويضة والمشهورة باستراحة المزراع وهي في طريق الحاير
وبعد تشليح الحايرعلى يدك اليمين ويوجد لوحة كبيرة لها
والمناسبة يوم الجمعة 7 مارس
من الصباح وحتى المساء ويتخللها وجبة الغداء
لمزيد من التفاصيل لااتصال على الجوال 052440171
صلاح غريبة

Post: #13
Title: Re: جميع بورداب الرياض معزومين غداء
Author: alsngaq
Date: 03-05-2003, 07:24 AM
Parent: #1

الاخوان الاعزاء بوردابنا فى الرياض تحياتي

الاخ صلاح غريبة كل عام وانت بخير

نشكرك كثيرا على هذه الدعوة الجميلة، واتمني من كل الاخوة البورداب ان يوفقوا فى الحضور، عشان نتقابل

الاخ حبيب بلدو
تحياتنا وكيف الاخبار ، اتخيل لى الفرصة دى جميلة وياريت ما نفوتها يا اخي

لقد فرغ كأسي
فمن يملأ كأس أحلامي

Post: #14
Title: Re: جميع بورداب الرياض معزومين غداء
Author: البعيو
Date: 03-05-2003, 08:43 AM
Parent: #1

سلامات ياسنجك
دحين انت سنجك النزهه ولا واحد آخر
على العموم حنتقابل فى العزومه

Post: #15
Title: Re: جميع بورداب الرياض معزومين غداء
Author: ghariba
Date: 03-06-2003, 05:23 AM
Parent: #1

اخي البعيو
السنجك

نحن في الانتظار لنلتقى
وبالمناسبة يكون معنا اخونا كباشي القادم من بريطانيا
وهنالك محاولة لاحضار اخونا الفنان عبد الرحمن عبد الله رغم ظروفه المرضية
ولنلتقى هنالك