Post: #1
Title: انطلاقة كرة القدم النسائية بالسودان
Author: Elkhawad
Date: 02-25-2003, 06:31 PM
كتبت: هنادي الصديق
أقام قطاع المرأة بنادي الهلال مساء أمس إحتفالاً بصالة هاشم ضيف الله بمناسبة يوم المرأة العربية شرفه بالحضور حسن سيد أحمد ممثل وزارة الشباب والرياضة وعصام عبد الله حامد مدير إدارة الشباب والرياضة بالوزارة ود. كمال شداد رئيس الإتحاد العام لكرة القدم بجانب د. علي قاقارين الأمين العام للنادي ونائبه البلولة وأحمد عبد القادر أمين المال وقيادات القطاع النسوي.
هذا وقد تحدث في الحفل د. قاقارين والبلولة ورئيسة القطاع النسوي فاطمة عجباني كما تحدث د. كمال شداد وكشف لأول مرة خطة تكوين فرق كرة قدم نسوية سودانية وأبان أن الإتحاد الدولي أوصى بصرف «27» مليون جنيه سنوياً لكرة القدم النسوية وأكد شداد إهتمامهم بكرة القدم النسوية وأعرب عن سعادته بما شاهده أمس.. وقد كانت هناك مباريات في الكرة الطائرة بين رائات الأحفاد وناشئات الهلال إنتهت لصالح الأحفاد 2/صفر وفي السلة فازت رائدات الدفاع على الأولمبي 5/4 وفي كرة القدم النسائية تعادل الأولمبي والدفاع سلبياً.. وقدمت الأساتذة حنان النيل فاصلاً غنائياً بجانب محي الدين أركويت وفرقة تيراب.
صحيفه المشاهد
___________
بدون تعليق
|
Post: #2
Title: Re: انطلاقة كرة القدم النسائية بالسودان
Author: Rose
Date: 02-25-2003, 08:40 PM
Parent: #1
الجماعة ديل يالخواض يا أخوي أظنهم أصابتهم حالة يأٍ مننتائج فرق كرة القدم الرجالية المحبطة فقالو يجربو النساء ، عملاً بالمثل المصري القائل
( ما يجيبها إلا ستتاها )
يمكن نجيب كاس العالم للنساء
|
Post: #3
Title: Re: انطلاقة كرة القدم النسائية بالسودان
Author: toona
Date: 02-26-2003, 00:35 AM
Parent: #1
والله يا الخواض ياخوي ، خلي بالك ، سامعني اتا ؟ ايا ، علا الناس ديل تلقاهم في شان السبعة وعشرين مليون ديك ، قالوا كدي النشوف الحاصل شنو ، الدنيا ما بقت مصالح ساااااكت ياخوي ، أيا ، قال الحريم يمرقن يدفرن في وسط العالم قال ، أمانة ما نتكيهم كدي ونضبحن ، المدفرينلا شنو ؟ ما يتلمن يعوسن الكسره ديك اخير ليهن !! بعدين آآآ الجنا ، هن فاضياتن ليك من القطيعة والتلفت جاي وجاي ؟ ها يا زول هييييي ، الكلام ده كلام جرايد سااااااكت ، علا برضو نعيش ونشوف !! سبحان الله
لووووووووول
|
Post: #4
Title: Re: انطلاقة كرة القدم النسائية بالسودان
Author: Elkhawad
Date: 02-26-2003, 07:45 AM
Parent: #3
مافيش حاجه بعيده علي ربنا
مش المصرين برضو بقولها كده ياروز
تونه يا اخيتي
عليك الله هن الحريم فاضيات شي دفير في المواصلات بعد ما بقت الايد الواحده ما بتصفق
وشي دفير في الشفع علي المدارس .. اها كمان بدرو يدفرو في الميدين
المشكله انو المباره تكون شغاله والناس متحمسه بفتشو علي الحكم يلقو مجكس حارس المرمي
لوووووووووووووووووووووووول
وبعد ينتبهو للحكايه ويعملو الشغله اسلاميه اها يقمو يمنعو الرجال من دخول الملعب
وشويتين يطلع الشيخ فلان بن فرتكان يهنق في الجوامع ويطلع البسون فيه جت عليه حرام
|
Post: #5
Title: Re: انطلاقة كرة القدم النسائية بالسودان
Author: KOSTA
Date: 02-26-2003, 07:38 PM
Parent: #1
ود العم
هو الرجال ما نجحوا فى كرة القدم
يعنى حاينجحن الحريم ؟؟؟
عجبى !!!
قال 27 مليون قال !!!!!!!
|
Post: #6
Title: Re: انطلاقة كرة القدم النسائية بالسودان
Author: coca
Date: 02-26-2003, 10:40 PM
Parent: #5
عشان كلامك ده يا كوستا انشاءالله بركة النبي النسوان يجيبوا كاس العالم
عشان نشوفكم حتعملو شنو
|
Post: #7
Title: Re: انطلاقة كرة القدم النسائية بالسودان
Author: raheel
Date: 02-26-2003, 10:56 PM
Parent: #6
عـــــــاد ما داك يا اللعب الما خمج يا كوستا وتعال وشوف براك نحنا ما حنتكلم وكمان حنكون فريق سودانيز اون لاين
|
Post: #8
Title: Re: انطلاقة كرة القدم النسائية بالسودان
Author: Auditor
Date: 02-27-2003, 06:50 AM
Parent: #1
good news
|
Post: #9
Title: Re: انطلاقة كرة القدم النسائية بالسودان
Author: KOSTA
Date: 02-27-2003, 12:38 PM
Parent: #1
كوكا
سلام
كأس العالم مرة واحدة ؟؟؟؟
اها ورونا البيان بالعمل
و على الاقل و كمرحلة اولى جيبوا كاس افريقيا عشان يلمن فيكن النيجريات و اول حاجة يدقنكن و يجضمنكن و بعد داك يغلبوكم 100 / 0
راحييييييييييييييل
سلام يااختنا منذ زمن سودانت
و الله ليك وحشة
اها
عايزك يا رحلة تكونى فريق بورد سودانيز اونلاين
من حارسة المرمى الى راسة الحربة
و اقترح تعملوا مبارة ودية مع فريق بورد سودانت
و الحكم حيكون عنصر نسائى من بورد سودانايل
ودالعم
ماتمسك العوين ديل منى
|
|