Post: #1
Title: صعيدى فى الخرطوم احمد بدير ورفاقه يتنصب عليهم وا فضائحنا
Author: almohndis
Date: 02-08-2003, 05:50 PM
غادر الخرطوم ظهر أول أمس على متن الخطوط السودانية الفنان احمد بدير ونجوم مسرحية (شئ من صبرى ) بعد قضاء أسبوع كامل بالسودان وحافل بالأحداث المثيرة والتداعيات الخطيرة وغير المتوقعة ، حيث قدمت الفرقة عرضها الأول مساء الأحد الماضي بخشبة مسرح قاعة الصداقة بعد أن قوبلت بترحيب حار من قبل الجمهور والأوساط الفنية والإعلامية وتفاعل معها الجميع لتأتى الطامة الكبرى في أمسية العرض الثالث حيث اختفى (متعهد المسرحية) المدعو محمد احمد خلف والذي ابرم عقد الاتفاق مع مدير أعمال الفنان اخمد بدير بعد أن رفضت إدارة قاعة الصداقة السماح بالعرض ما لم يدفع المتعهد مبلغ (عشرة مليون جنيه) بعد أن ارتد الشيك الذي حرره لهم ليتضح بان هنالك ثلاثة عشر آلف دولار بقية مستحقات الفرقة على المتعهد الذي اختفى في ظروف غامضة بعد نجاح مخططه في الاحتيال على أسرة المسرحية وانسحب الكاست ورجع على الفور لمقر أقامتهم بفندق قصر الصداقة بحري ليكتشفوا أن نفقات أقامتهم التي من المفترض أن يدفعها لم تسدد بعد وانهم لن يستطيعوا مغادرة الفندق ما لم يدفعوا تكاليف الإقامة كاملة وعقب ذلك عقدت الفرقة اجتماعا طارئا بالفندق بحضور قنصل مصر بالسودان .
حيث ذكر احمد بدير بان ما حدث لن يؤثر أبدا في العلاقات السودانية المصرية إنما هو تصرف مؤسف من فرد وبكل مجتمع هنالك الصالح والطالح ثم أضاف بأنه سوف يقدم عرض مجانيا تعويضا للذين قطعوا تذاكرهم ولم يتمكنوا من مشاهدة العرض بسبب اختفاء المتعهد ليثنى أهل القاعة الصداقة على موقفه ويشيدون بمبادرته ويستجيبون لنداءه بالتنازل عن تكاليف الإيجار مسرح القاعة لتعويض الذين لم يتسنى لهم الاستمتاع بالعرض الخير .
ومن جهة بدأت المباحث في تقصى الحقائق والبحث عن المتعهد الذي لطخ سمعة البلاد واساء ألي السودان وأهله بتصرفه .
وزير رئاسة الجمهورية يتكفل بدفع نفقات إقامة أسرة المسرحية بسداد النفقات .وذلك عقب اجتماعه مساء الأربعاء بقاعة الصداقة بالفنان احمد بدير قبل إزاحة الستار عن العرض الثالث في حضور قنصل مصر . تأسف الفريق صلاح لما حدث وهى 27 ألف دولار على حساب الشعب السوداني المقلوب على أمره .
في درشه لي احمد بدير قال والله الصعايدة بالنسبة ليكم دكاترة لان اتضح احمد بديراشترى القطار.
|
Post: #2
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: مارد
Date: 02-08-2003, 06:03 PM
Parent: #1
والله حاجة مؤسفة فعلاً
ومع إنى أعرف بأن السحر قد ينقلب على الساحر فى أحيان كثيرة.. لكن ما كنت أتخيل إنه يمكن لسودانى أن يخدع المصريين على الإطلاق .. لأنه ديك الكلية الكبيرة " للنصب والإحتيال " .. أكرر حاجة مؤسفة وإشانة سمعة .. ومع ذلك أقول عشنا وشفنا
|
Post: #3
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: bamseka
Date: 02-08-2003, 06:16 PM
Parent: #2
مهازل
فى مثل قديم
بقولو اهلنا الرباطاب
تعالى يا المحنة سلمى على ابوك
محن والله انو سودانى يعمل كدا
لكن يا جماعة احتمال الحكاية فرقت معاه وعمل نايم
|
Post: #4
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: abas
Date: 02-08-2003, 06:57 PM
Parent: #1
سلام يا اخوان
مع كل ماشفناه من خداع وغش لكن الزول ده بالغ عديل كده
لكن برضو نقول عييييييييييييييييييييب في حقنا وحق الضيوف وحق الشعب
|
Post: #5
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: HAMZA SULIMAN
Date: 02-08-2003, 08:49 PM
Parent: #4
لا حوله ولا قوه الا بالله
|
Post: #6
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: ابو يسرا
Date: 02-08-2003, 09:26 PM
Parent: #5
مصيبة والله
بكدة نكون بدأنا نغير الصورة المعروفة عننا في الخارج
|
Post: #7
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: khal fatma
Date: 02-09-2003, 10:56 AM
Parent: #1
العيب مش من الحقير دة
العيب الان على اجهزة الامن
الماقدرت تلقاهو لسع
ودة شي مؤسف ومخجل جد
|
Post: #8
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: Elmosley
Date: 02-09-2003, 11:33 PM
Parent: #1
والله يالمهندس ان رديت امبارح وحكيت حاجه طريفه نص صفحه تقريبا كي نعيدها بعد ماردي راح
اولا ده اسلوب دخيل علينا الاحتيال العلني
لكن مره في مصر انا وحنان النيل كان عندنا حفل في مسرح البالون في القاهره
تعاقد معانا متعهد مصري علي ذلك الحفل
وكان شرطنا ان يدفع لنا قبل طلوعنا الي خشبة المسرح مباشرة
وفعلا امتلأ المسرح ولم يكن هنالك موطن لقدم
وجاء صاحبنا يطلب منا الغناء فرفضنا الا ان يدفع اولا فما كان منه الا وان استجلب مجموعه من البلطجيه
وعملو شكله وضرب تمثيلي علي خشبة وكواليس المسرح
وضرب المتعهد تلفونا للبوليس المصري
قائلا ان الفنانين السودانيين اتعاركو مع بعض
واتفرتقت الحفله ولا من شاف ولا من دري
|
Post: #9
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: almohndis
Date: 02-10-2003, 10:45 AM
Parent: #8
الأخوان
مارد
بامسيكه
عباس
حمزة سليمان
أبو يسرا
خال فاطمة
الموصلي
لكم التحية
الادها وامر
انه المسرحية تحت رعاية وزير الدولة للثقافة صديق المجتبى
وبرعاية سودا تل ومويبتل وفى إطار فعاليات الخرطوم عاصمة للثقافة 2005
بالتالي أصبحت الخرطوم عاصمة للفضيحة كما كان اسم البوست قبل اللحسه
بالمناسبة قيمة التذاكر 75 الف و 50 الف و30 الف جنيه سوداني
ونحن شعبنا في عرض الخروف للضحية
وأنا ما عارف الرعاية هنا دورها شنوا
|
Post: #10
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: EXORCIST7
Date: 02-10-2003, 03:29 PM
Parent: #8
الأخ الموصلى وبقية الإخوة الكرام
العيد مبارك عليكم وكل سنة وأنتم طيبين
والله شئ مؤسف لكن الحمد لله رئاسة الجمهورية تداركت الأمر
وبعدين أحمد بدير شنو اخد الحكاية سياسة بقوله الحادثة لن تؤثر على العلاقات بين البلدين !!!! لكن يا الموصلى ضحكتنى جدا رغم حرصكم على تسلم المبلغ كاملا قبل العرض لكن برضو المصرى عملها فيكم وفى الجمهور !!!! دى لكن فاتت عليكم أووووووووووووووى
ها ها ها ها ها ها ها ها ها هخا هخا
|
Post: #11
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: Elmosley
Date: 02-10-2003, 06:29 PM
Parent: #10
EXORCIST7
كل سنه وانت طيب والسنه الجايه زيما عايز كده
المهم انو انحن اخدنا مقالب قبل ناس احمد بدير وطبعا ده ما اعتبارناهو تعدي مصري علينا
اعتبرناهو محتال ممكن يكون في اي بلد وياما احتال علينا البعض حتي في بلدنا هل تصدق ذلم يا
EXORCIST7
لك الود
|
Post: #12
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: EXORCIST7
Date: 02-11-2003, 09:11 PM
Parent: #11
الأخ الموصلى
طبعا أصدق ذلك ، والحقيقة الناس فى السودان أخلاقها تغيرت كتير والغش والخداع وركوب التونسية ليس ببعيد وفلان دا فورهو ساااااكت يعنى زول فارة ، يازول ألقاب ومسميات أنا ماعارف الواحد لما يرجع نهائيا للسودان حا يجد نفسه مسطح جدا جدا
وخاصة فى مجالكم دا تركيب التونسية ساهل جدا !! غايتو الله يستر
سلام
|
Post: #13
Title: Re: صعيدى فى الخرطوم احمد بدير ورفاقه يتنصب عليهم وا فضائحنا
Author: Elmosley
Date: 02-11-2003, 09:31 PM
Parent: #12
EXORCIST
كدي بالله اشرحو لينا المصطلحات ديه
اصلو نحن مسطحين ولينا 13
سنه من البلد
|
|