ساعدونى فى اختيار فنانى المفضل ... مشكورين

ياناس البورد سلام .. الكلام ده جد جد .. وانا زول قاصدكم بدور الفزعه .. انا حتى الآن آى مين فى هذه المرحله المتأخره فى العمر التى بدأ يتكشف فيها الميس (رهاب رهاب) ماعندى فنان مفضل والقصه دى مسببه لى حرج شديد بالحيل .. انا بينى وبينكم زول امعه يعنى انا مع الراى الجمعى يعنى بشوف كفة ياتو فنان مرجحه وببقى مع الناس لانى ما من انصار خالف تذكر .. يعنى بالعربى لمن امشى مع اخوانا الشوايقه بقول صديق .. ولمن اجى البورد هنا المرحوم مصطفى سيد احمد .. ولمن امشى مع اولاد الخوجلاب المرحوم خوجلى عثمان مامتله مثيل .. وفى مصر ستونه وجواهر .. ولقد صدق والدى حين قال الفن ماعنده وطن ولا زمان .. طبعا برتاح جداً مع الرباطاب والجعليين لضعف عطائهم الفنى .. فدحين ياجماعه دايركم ترسونى على بر وتورونى فنانى المفضل منو والمعايير التى استخدمتها فى تحديده حتى استطيع مناضمة الناس واقناعهم خاصة المثقفين .. الله لايحرمنا منكم .. وكل سنه وانتم طيبين

والله ضحكتني
اها امشي لي دناقلة الخرطوم عشان تكون مع الموصلي
تسلم

عايز فنان مفضل تناضم بيه المثقفين

اختار فرقة الصحوة

لانهم فنانين جدا في المديح

وما في زول بيقدر يغالطك في مدحة ادوها
بهارموني واللا طلعوا برة المترنوم
واللا الزمن بتاعهم ما كويس
واللا الحانهم ما كويسة

وكان للاشعار دي تب ما في زول بناضمك فيها حتي لو كان العقاد زمانو

داير شنو اكتر من كده

بس قول فناني المفضل الصحوة وخلي الباقي علي الله

البعيو
اسمعا نصيحة من اخوك وعشان الناس ما تتجاهلك
قول ليهم تريسي شابمان
وبعد كده اتفسح فيهم
ودي هديه صغيرونه من اغانيها

والله ياستاذ يوسف لمن كنت بقعد مع اهلنا الدناقله بقول عمنا ادريس ابراهيم هو فنانى المفضل اسع انت كده ختيتنى فى مطب لكن بالمناسبه دى كدى ماتورينا الفنانين الدناقله منو......... والله يانزار فرقة الصحوه دى مابعرفها بعرف اولاد حاج الماحى اها رايك شنو..... اما بالنسبه لتريسى شابمان دى ماعلافتها هى من النيجر ولا من وين على كل ايام الشباب والشارلستون نحن مرقناها فى جمايكا وبوب مارلى ده حفظناه والرقى ده اولاد بمبه مايرقصوه زينا ولما مات البوب كان الفراش حقه فى ديم سلك مع انه البوب كان شين اشنا من بدر الدين شنا ومن ستونا لكن كان الفنان المفضل للبشرية جمعاء

زكي عبد الكريم ويوسف الموصلي
ومن الشباب رشا شيخ الدين عادل مسلمي
وعاطف انيس وعماد الكاشف
وادريس ابراهيم يقال انه ليس من دنقلا

انت متحير مالك؟؟؟

ما فى فنان اسمو البعيو عدييييل كدة

بس انت قول ليهم البعيو
ومافى زول حيزعل منك

ولوفى اى سؤال ارجع لى

أنا فى رأيى ما بالضرورة إنه يكون عندك فنان " معين " مفضل ولكن هنالك روائع لكثير من الفنانين تقف شاهقة كالإهرامات .. يعنى ممكن تختار من كل بستان زهرة أو عدة زهرات .. ذلك فى تقديرى أفضل من الإنحصار فى اسم واحد .. لكن طبعاً حب الناس مذاهب كما يقولون

الاستاذ يوسف والله عمنا الفنان ادريس ابراهيم على ماعتقد انه من منطقة الخناق وربما يكون مادنقلاوى لكن عاصر على الدناقله شديد والتحيه والتهنئة والتبريكات للفنانين الدناقله وتحيه خاصه للعم زكى عبد الكريم
الاخت تماضر اسعد الله ايامك بكل خير تعرفى البعيو بيجمع بين الغناء والتمثيل وبقولوا اهلنا راكب سرجين وقاع
الاخ العزيز مارد كلامك جميل ولكن فى نهج جديد الا وهو الحديث عن الفن السودانى من خلال نافذه واحده وبالتالى بتكون شايف جزء من الحديقه وهذا مادعانى لكتابة هذا البوست ... لانى اعتقد ان الحديقه جميله ومليئه بكل انواع الورود بس عايز الناس التشوف وتشم وتضوق
كل عام وانتم ب 1000 خير

نحي كل مبدعي السودان في هذا العيد بمافيهم البعيو

الأستاذ الكريم البعيو
ده سؤال فعلاً محير شديد وبالذات لمن تطرحو إنت يا بعيو بعد كل هذا العمر يوم كده رشح ليك عشرة فنانين بي مزاجك وأعمل تصفية يعني اقعد أسمعهم بمزاج في النهاية حا ترسى على بر بس حكاية أنا مع الناس دي ما بتنفع يعني لازم تحدد موقفك إنت معانا ولا مع التانيين.