Post: #1
Title: مثقف ،،، كلمة ،، وشفره
Author: tariq
Date: 01-30-2003, 08:37 AM
مثقف
**********
قرالو كتاب
حفظ اسمُه واسِم كاتبُه
وجُمَل من أولُه وآخرُه
وبِقى مثقف خَطير شأنُه
يقَعّر فى الكلام دُراب
ويقول رأيُه
فى كل الشعرا والكُتّاب
-------------------------------------------------------
وهاكم دى الكلمة
كلمة
*******
إنت راجــل عصــرى
خالــص.
مره عســكــرى
مره راقـــص
---------------------------------------------------
واخيرا الشفره ،، ولله درك يا هاشم ابن صديق
شفــــــــره
********
العنوان...
ألف..لام..سين
واو... دال...أَلِف
وآخر الكلمة
حرف النون.
أخير الشَفْره
(أمن) السُلْطة ما مضمون
وياما السُلْطة
جو (البوسته)
ليها عيون
تَفْتَح..تقرا وتقفل تكتب
تلقى خطاك ..واداك
لسجون...
الاسم
أَلِف..لام..شين
عين..باء
قف.
ألف..لام ..واو
ألف عين يا.
قف
فجر الصَحْوَة يا مولانا
ولّع وجا
منو الماسم مصير البيت؟
شباب (الجبهة)
ولا اللعنة والخُلفََاَ؟
قف.
تَجَارْب الماضى زاد للجاىْ
أخير نوعى ونقول الراى
صلاح البيت
خطير ومصير
وما كلمات فى حفلة شاى.
قف.
يمين البيت طبخ لعبة
يسار البيت أمل(جبهة)
وشارع الحلة يا مولاى
كِتِل مرات
مِرِض مرات
جروحو جروح مظالم الليلة
غُلْب الفات
قف
(بديل مافيش)
نغم مرفوض
وكت تتوحد الرايات
قف
مدارْس الحلة بقَّت نار
وصاح صوت الشباب للتار
وانت الباقى يا مولاى
تعاين فىجنازْة الجار؟
بدون تصرخ
تقول التار
نقول التار
قف
الف..لام..يا
قاف...ظا
آخر الكلمة
مربوط تا.
يوليو1975م
|
Post: #2
Title: Re: مثقف ،،، كلمة ،، وشفره
Author: azza
Date: 01-30-2003, 09:03 AM
Parent: #1
انت قريب مهاجر و لا شنو داك مسك لي كلام للحلوة من بدايتو
و انت بديت من الصفحات في الاخر
تسلم
بس يااستاذ/ طارق ملاحظ معاي التواريخ
زي كانو التاريخ بتكرر شيل 75
و خت 89
|
|