Post: #1
Title: انا مبنشر هنــــــــا
Author: garjah
Date: 01-25-2003, 05:18 PM
بكري قسم المنبر ...الواحد بقى ما عارف يقعد وين
لكن البكان ده شايفو خفيف وهواهو ضاااارب
ودي قعدة
|
Post: #2
Title: Re: انا مبنشر هنــــــــا
Author: حنين
Date: 01-25-2003, 05:32 PM
Parent: #1
والله يا عمو قرجه الواحد حاسي كانو قلبو كدا زاتو اتقسم
غايتو انا ببنشر هنا معاك نتونس
|
Post: #4
Title: Re: انا مبنشر هنــــــــا
Author: garjah
Date: 01-25-2003, 05:48 PM
Parent: #2
والله يا حنونة
بعيد من المشاكل
يعني الشغل كلو مشاكل نجي نلقى المنبر برضو مولع
الصفحة دي ممنوع فيها الشكل
|
Post: #3
Title: Re: انا مبنشر هنــــــــا
Author: ghariba
Date: 01-25-2003, 05:41 PM
Parent: #1
ياجماعة شوفوا ليكم فرشة وشوية مخدات
وياها دى القعدة
|
Post: #5
Title: Re: انا مبنشر هنــــــــا
Author: garjah
Date: 01-25-2003, 05:49 PM
Parent: #3
والله يا باشمهندس مشتاقين ليك
تجينا في الضحية
والا خروفك ماكلو براك
|
Post: #6
Title: Re: انا مبنشر هنــــــــا
Author: ابوحراز
Date: 01-25-2003, 06:38 PM
Parent: #5
انا مبنشر هنا
قال سياسة قال
لكن السنة الفاتت اشتريت خروف الضحية
الولد عامل فيها شاطر
مشيت سوق اسمو المويلح
جبت الخروف وجيت
لكن الجماعة لقوها نعجة في الآخر
زعلوا مني
قلت ليهم عليكم الله ماتاكلوا ساااااااكت الحكاية ومافيها ضحية
قال مويلح قال
|
Post: #7
Title: Re: انا مبنشر هنــــــــا
Author: bint algazeira
Date: 01-25-2003, 07:10 PM
Parent: #6
ازيكم ياناس المنتدي الاجتماعي
شكلو كده كلنا بنقعد في الضل دا معاك ياقرجه
لكن المشكله انه انا بدخل هنا ولما احاول ارجع الاقي روحي دخلت غرفه تانيه...يعني اظن المساله الغرف مفتوحات علي بعض
لكم تحياتي
ابوحراز انا ماشه البلد اديني قروش الضحيه عشان اوديها لاهلك هناك
ماتعمل فيها مضحي هنا
قال مويلح قال
|
Post: #8
Title: Re: انا مبنشر هنــــــــا
Author: ابوحراز
Date: 01-25-2003, 07:16 PM
Parent: #7
نفسي اضوق لي قروش دكتورة
بس شاطرات لي في الدواء بس
الواحد اول مايفتح خشمو يضوق المرارة
قال مرارة قال
|
Post: #9
Title: Re: انا مبنشر هنــــــــا
Author: cola
Date: 01-25-2003, 07:24 PM
Parent: #1
لكن ماضل يا ودعمتى ياعموو قرجة
اها انا معاكم اجيب معاى شنو
حروزة ضحكتنى والله الله يجازيك
عمو ياعمو ياعمو
ضلك حلو ياعمو
انت عارف يا ودعمتى بكون مبسوط كيف
لما يقولو ليك عمو لانى بتخيل شكلك وانت بتقول
اااااااااخ
 
لووووووووول
|
Post: #10
Title: Re: انا مبنشر هنــــــــا
Author: falcon
Date: 01-26-2003, 10:27 AM
Parent: #1
تعال يا عمو قرجة
ويييييين الناس يوم الجمعة
تخليني زي بتاع الحركة اعاين للعربات الماشة و الجاية
و لا انت و لا واحد من الفريقين وصل و لا حتى الو
الو حيدر دا بلعب في الامارات
قال تمارين قال
|
Post: #12
Title: Re: انا مبنشر هنــــــــا
Author: garjah
Date: 01-26-2003, 11:20 AM
Parent: #10
الاعزاء
جزيرة دوتر
حروزة
كولا
فالكون
فالكون اخوي صدقني انا اتصلت بالجعلي ولقيتو في المكتب شغال يوم الجمعة...واساسي اتصل بي وقال انو فيصل الشرير والبرتقالة في مكة
وفضلت شايل همك لانو الرقم المعاي هو لمكتبك ....وليس عندي رقم موبايلك...وانا كنت جاهز اجيك...بس الاعتزارات الكتيرة فشلت اللقاء بالاضافة لانو لم يتم عمل بوست عن اللقاء
انشاء الله تكون طلقت كرعيك مع الشباب الهناك
والجايات اكتر من الرايحات
|
Post: #11
Title: Re: انا مبنشر هنــــــــا
Author: ghariba
Date: 01-26-2003, 11:13 AM
Parent: #1
اخوي قرجة
كيف كلامك دة
انا معيد في جدة وجايب لي خروف دكران من بتاع الحائر في الرياض بس انتو شدو حيلكم وورنوا حتوضبوا كيف
بالمناسبة ما عندكم ضمنة لقعدة الضلية دي
|
Post: #13
Title: Re: انا مبنشر هنــــــــا
Author: garjah
Date: 01-26-2003, 11:23 AM
Parent: #11
يا باشمهندس
بورداب جدة ما تكلمم عن خروفك
الامام قبل ينزل من الخطبة بيكون اتبلع
وكاسو غيرو
خليك زي ناس الرياض الخروف بيقعد عندهم شهر في التلاجة
|
Post: #14
Title: Re: انا مبنشر هنــــــــا
Author: ابوحراز
Date: 01-26-2003, 12:00 PM
Parent: #13
والله ياقرجة حكاية الخروف البتلحس بي سرعة دي عندنا نحن في السودان
يعني السنة الفاتت
مشيت اعيد عند الجيران لأنو عندهم واحدة عروس جديدة وزواجها ثالث يوم في العيد
وعاوز يتزوجها انصاري سنة
يعني كان ماشفتها قبل التلاتة يوم ديل
تاني الرماد كال حماد
اها جيت لقيت الخروف اتلحس
فضل الراس بس
قلنا ما مشكلة نعملوا بالفرن
تصدق بعد شوية جاء واحد فلاتي شالو بي أضنيهو
|
Post: #15
Title: Re: انا مبنشر هنــــــــا
Author: الزومـــــــه
Date: 01-26-2003, 12:10 PM
Parent: #13
حبيبنا قرجه كلنا مبنشرين و كاسرين ركبة هنا
خلي جماعة السياسة و الحزب الجمهوري براهم
ياخ الواحد جاهو سوء هضم من سيرة الحزب الجمهوري تلاته انفار منهم بكتبو مية بوست فى اليوم
الفينا مكفينا
و هاكم شوية تمرات من البلد
فى الضل البارد ده و خلى حروزة يحكي ليناعن الدقيق
|
Post: #33
Title: Re: انا مبنشر هنــــــــا
Author: garjah
Date: 01-27-2003, 03:44 PM
Parent: #15
الزومة الحبيب
قلت لي راسك سخن بيغادي
وعلى حكاية الدقيق بتاع حروزة
قال ليك حروزة في ليلة الدخلة قاعد مع عروستو
وصاحبنا شان يلطف الجو...قال ليها يا سلام الفراشة الفي فستانك
دي حلوة...قامت قالت ليهو..هه العوير ده دي ما فراشة
...ده ابو الدقيق
ههههههههه
طبعا يا حروزة بتقوم تنط من الشباك...وتقبقب ابوها وتقول ليهو
ليه اديتني العويـــــــرة
|
Post: #16
Title: Re: انا مبنشر هنــــــــا
Author: حنين
Date: 01-26-2003, 01:31 PM
Parent: #1
يا بت الجزيره تعالي نشرد يا اختي
الجماعه ديل كلهم فاتحين خشموهم للخروف....البيطبخو منو.........الخوف نتسيك انا وانت وما نضوق ليها عيد
يلا الراجل يدق صدروا في الكمونيه
لووول
|
Post: #17
Title: Re: انا مبنشر هنــــــــا
Author: azza
Date: 01-26-2003, 02:31 PM
Parent: #1
انا ذااااااااتي هنا
دقايق الم عدتي و حاجاتي البهناك و شكلي ها استقر هنا
خلي البنات ديل يمرقوا المراتب و يفرشوا الحوش
انا برش
|
Post: #18
Title: Re: انا مبنشر هنــــــــا
Author: garjah
Date: 01-26-2003, 03:46 PM
Parent: #17
الجرسة العليكن شنو
نحن بنشوي
وبنظبط حلة الكمونية
بس انت لمن تاكلن حتقبلن على وين
اخجل ليكن انا عاد
بنات اخر زمن
|
Post: #19
Title: Re: انا مبنشر هنــــــــا
Author: ابوحراز
Date: 01-26-2003, 04:33 PM
Parent: #18
المحيرني ياقرجة دكتورات البورد ديل
ياكلن الشية
وياكلن المرارة
وياكلن الكمونية
وياكلن الكبدة
وياكلن الكباب
وياكلن الراس
وياكلن الضنب
اها مما تمشي للواحدة تشكي ليها من مغص وللا اي حاجة
الحاجات الفوق دي كلها تقول ليك ماتاكلها
عشان كدا انا قبل عيد الأضحى ماقاعد اراجع اي دكتور
|
Post: #20
Title: Re: انا مبنشر هنــــــــا
Author: ghariba
Date: 01-26-2003, 05:05 PM
Parent: #1
والله صدقت خروفنا بيقعد شهر بعد العيد ومسيخ مساخة
ويا ابو حراز من بدري بدري شوف حل لمشكلة جلابيتك مع الترزي علشان مش يقفلها جوة ويمشى الحج
وجهزوا الفرشة من هسع والعشاء ما خمج داك
واتصلوا بصلاح الباشا وخالد عويس
ونكبر الحكاية
والمرة دي اسرية والعذابة نعمل ليهم فرشة براهم بعيدة شوية
|
Post: #21
Title: Re: انا مبنشر هنــــــــا
Author: ابوحراز
Date: 01-26-2003, 05:17 PM
Parent: #20
قال جلابية قال
المرة دي احرام سااااااااااااكت
برتاج جداً للبس الإحرام دا
لأنك مابتكون لابس معاه جزمة
ومابتكون لابس معاه فنيلة
ومابتكون لابس معاه شرابات
ومابتكون لابس معاه 0000
يعني مريح جداً
|
Post: #22
Title: Re: انا مبنشر هنــــــــا
Author: ghariba
Date: 01-26-2003, 05:25 PM
Parent: #1
اخوي ابوحراز
وقرجة
عليكم الله مش هنا احسن من هناك
احسن من الاخوانالجمهوريين والاخوان المسلمين
خليكم في لمتنا وحنجيب لينا ناس زيادة
بس جهزوا الشاي والقهوة
|
Post: #23
Title: Re: انا مبنشر هنــــــــا
Author: حنين
Date: 01-26-2003, 05:29 PM
Parent: #1
لكن يا عمو قرجه ماممكن اي راجل جاري لينا خروفو وجاي واحنا يا دوب مرتين تلاته
اكان خروفين تلاته كنا اتكربنا لكن دا والله الا تنكربو معانا بيهو
وبعدين يا بو حراز نحنا بناكل كل شي ااااي لكن حته حته لكن انت من جضيماتك دي شكلك مجضم الخروف المسكين كلو بالشطه والمراره
احجز ليك من حسه
|
Post: #24
Title: Re: انا مبنشر هنــــــــا
Author: ghariba
Date: 01-26-2003, 05:35 PM
Parent: #1
حنين
افو
ام أحمد قاعدة تعمل شنو
ماتشيلي هم بس ختوا بالكم من أبو حراز قاعد ينشل اللحمة من الصاج وكمان ما تدهوا يشوي لانوا حياكل نصها
|
Post: #25
Title: Re: انا مبنشر هنــــــــا
Author: bint algazeira
Date: 01-26-2003, 06:15 PM
Parent: #24
ازيكم ياناس الضل الظريف
قرجه
باشمهندس غريبه والمدام
ابوحراز والمدام
كولا
حنين
عزه
زوله
فالكون
الزومه
كلكم اتجهزتوا للعيد خلاص
انا غايتو الحمد لله المره دي الله مارقني من عيد الغربه
المسيخ دا وماشه اعيد في حلتنا مع اهلي اهل العوض يعني
الخروف زي ماقال ابوحراز ولا شئ مابيفضل للصباح
بعدين انت يابوحراز ماتاكل المراره ولا الشيه ولا الشطه
كل عام وانتم بخير
واعاده الله عليكم بالخير والبركات
وابقوا عشره علي الكمونيه ياحنين وعزه
لكم تحياتي
جزيرة دوتر
مراسلة سودانيزاونلاين من اهل العوض
|
Post: #27
Title: Re: انا مبنشر هنــــــــا
Author: garjah
Date: 01-26-2003, 06:38 PM
Parent: #25
والله يا جزيرة دوتر
دي ما ياها حندوكة زاتا
|
Post: #26
Title: Re: انا مبنشر هنــــــــا
Author: garjah
Date: 01-26-2003, 06:24 PM
Parent: #24
واحد اخونا في ايام الضحية الاخيرة
جا بالليل مهوي شديد
دخل المطبخ ما لقى غير ربيت
وهو شحم الخروف مجفف زي البسكويت
اخونا نزل في الربيت ضرب مظبوط لامن بطنو طمت
مرق من المطبخ امو كوركت ليهو
انشاء الله تكون غتيت حلة الرب.......ي
قام كورك في امو شديد
يمة عليك الله ما تتميها.....كان تميتها بطرش
|
Post: #28
Title: Re: انا مبنشر هنــــــــا
Author: falcon
Date: 01-27-2003, 07:44 AM
Parent: #1
العزيز قرجة
طبعا طلقت الرجلين مع الشباب و علي فكرة لقيت كل فريق
مضرب علي كمارا و سألو عنو
قات ليهم مشي يعمل اختبار مع ناس النجمة
الغريبة يوم الخميس اتصلت على يازول
و اكد حضوره
و اظن المسألة ماكانت محتاجة بوست تاني
و لا شنو؟
ابو حراز
قلت لى بترتاح في الاحرام
ذكرتني جدك داك
التحية للمبنشريين معانا
|
Post: #29
Title: Re: انا مبنشر هنــــــــا
Author: ابويوسف
Date: 01-27-2003, 11:18 AM
Parent: #28
وانا مبنشر معاكم بس ما معيد معاكم
ارسلو لي الشيه بالبريد الاكتروني
والله يا حروزه قطعته مصاريني من الضحك
قال نعجه قال
واهم حاجه في القعده الجبنه والشماااا ..اقصد (والشيه)هههه
قال شيه قال
وبعدكده التمرين العصر بكون كيف بعد الكمونيه الرهيبه
دي يا عمو قرجه الجعلي بغلبك 50/ صفر
|
Post: #30
Title: Re: انا مبنشر هنــــــــا
Author: ابوحراز
Date: 01-27-2003, 11:45 AM
Parent: #29
ابويوسف
اظرف شيء ناس حلتنا بعملوا الشربوت في رمضان
وفي عيد الضحى ماقاعدين يسوووه
دي يفسروها كيف
قال كمونية قال
|
Post: #31
Title: Re: انا مبنشر هنــــــــا
Author: alsngaq
Date: 01-27-2003, 11:59 AM
Parent: #1
صديقي العزيز قرجة تحياتي
ده كلام شنو ده، راحتك ما بنعكرها ليك. لكن بنشرة ما معانا والله انت عايز تزعلنا ولى شنو يا حبيب. ومنبر السياسة والفكر ده داير تخلي لناس الشوت الضدفارى ديل ولى شنو. اها نحن معاك وبنجيك برضو. لكن حكاية تبنشر بجاى وما تجي بهناك دى انسي يا حبيب
فى انتظارك يا عزيزى
لك تحياتى
لقد فرغ كأسي فمن
يملأ كأس أحلامي
|
Post: #32
Title: Re: انا مبنشر هنــــــــا
Author: garjah
Date: 01-27-2003, 03:37 PM
Parent: #31
السنجك اخوي
انت قالوك راسنا الكبير ده شيب بشنو غير السياسة
ووجع السياسة والتفكير الكتير
ودايرين نريحو شوية.....بقينا نفتح المنبر من الصباح
ونشوف ديمـــا كتبت حلقة جديدة ....ولاول مرة بدلا عن العنوان
بقينا ننظر للكاتب....كلامو مهضوم ولا يسبب لينا طمام على الطمام
العلينا......بندخل......اثر وايز يانا المارقين بدربنا زااااتو
|
Post: #34
Title: Re: انا مبنشر هنــــــــا
Author: AlRa7mabi
Date: 01-28-2003, 09:34 AM
Parent: #1
حبيبنا قرجا
أها لخبطوا ليك الكيمان تاني ؟؟
بس أوعك المرة الجاية من الكربريتر،
البوبينا وعرفناها المكنة ديزل
|
Post: #35
Title: Re: انا مبنشر هنــــــــا
Author: garjah
Date: 01-28-2003, 10:16 AM
Parent: #34
الرحمابي
بكري قفل مننا الهوا
البكان هنا النفس.....في تلتلة
|
Post: #36
Title: Re: انا مبنشر هنــــــــا
Author: مهاجر
Date: 01-28-2003, 10:25 AM
Parent: #35
عمنا قرجة
البلدية جات وقفلت ليكم
كان تعمل ضلك دا غميتي وكدا
|
Post: #37
Title: Re: انا مبنشر هنــــــــا
Author: bushramk
Date: 01-28-2003, 11:41 AM
Parent: #36
والبنشــره فى ضـلكم سمحه وعجبتنى حكاية الربيت ونعجة أبو حراز
وجماعة فى الثوره جابو ليهم حمل يربوه من بدري عشــان الضحيه ... ولدهم الصغير بقى يلعب معاة ويدنقر يناطحه لغاية ما الخروف كبر واتعلم على لعب المناطحه ... يوم جاهم حـرامى وراح لابد مدنقر تحت الحيطه ... الخروف شــافه فاكره بلعب مناطحه معاه جــاء طاير ليك وكفتو .. الحرامى طار فوق ووقع غمران جو الجماعه خبتوا كويس وفكوه ... الحرامى زعـــل جدا من الخروف وقرر يســرقوا بعــد كم يوم راح ناطى فى البيت ولـبد تحت الحيطه يتلفت للخــروف ماشــايفه... الخــروف نقشـــه ليك وجا طــاير ... كووووووف الحرامى طــار فوق ووقع غمــران والجمأعه لمو ليك فـيه قـال ليهم والله دى تــوبه نصوحه لكن عليكم الله تعزمونى يوم العــيد
|
Post: #38
Title: Re: انا مبنشر هنــــــــا
Author: ابويوسف
Date: 01-28-2003, 12:23 PM
Parent: #37
عمو
صلح كفراتك في اقرب بنشر
واملاها هواء وتعال سريع
المكان قفلوه والهمبريب الضارب راح
تعال محل الزحمه
والزحمه فيها الرحمه زي ما بقولوا
|
Post: #39
Title: Re: انا مبنشر هنــــــــا
Author: garjah
Date: 01-28-2003, 03:43 PM
Parent: #38
ابو يوسف اخوي
رحمة شنو هسع يجيك كرسي طاير
والا بونية طاشة
|
Post: #40
Title: Re: انا مبنشر هنــــــــا
Author: garjah
Date: 01-28-2003, 03:48 PM
Parent: #37
بشرامك
ارجو ان اكون كتبتها صاح
انت عارف حكاية مصادقة الاطفال للخرفان دي
ولمن الخروف يبقى على الضبح تلقى صاحبو اخر جرسة وحزن
وممكن ان لايقرب الطفل لحم صديقه الخروف ولا يذق له طعما
وعشنا ايام يا غالي في السودان عندنا مراح لا تمر جمعة الا وسحبنا
منه عتود غليد.....وسط بكاء صديقه الذي لازمه اللعب والنطح الجميل
|
Post: #42
Title: Re: انا مبنشر هنــــــــا
Author: bushramk
Date: 01-29-2003, 01:10 PM
Parent: #40
يـابقرجــــه ...طبعأ عتـود الا............. مدوعــــــــل ومقـرشــه
|
Post: #41
Title: Re: انا مبنشر هنــــــــا
Author: garjah
Date: 01-28-2003, 03:51 PM
Parent: #36
انت عارف يا مهاجر
كنا عايزين بكري يطور فكرة التقسيم
وكل ناس قسم يحكمو نفسهم بنفسهم
ويتم في نهاية كل شهر اختيار القسم المثالي الما فيهو مشاكل
وافتكر المنافسة كان ممكن تعمل شغل جميل وندية
|
Post: #43
Title: Re: انا مبنشر هنــــــــا
Author: شرير والبرتقاله
Date: 02-27-2003, 10:20 AM
Parent: #41
ظهيرتكم بنكهة
البرتقال
لحظاااات مع صلاة الظهر
ونعود اليكم
ابقواا معنا
عمو قرجة
عمو عمو عمو
انت بتشرب ايه؟؟
يا رحمابي
بالله سلاااام شديد
لامورتك السكره
دي ..
الله يخليها ليك
|
Post: #44
Title: Re: انا مبنشر هنــــــــا
Author: karim
Date: 02-27-2003, 10:33 AM
Parent: #43
أخوى / قرجه
كان أنت بنشرت نحنا نكن شنو
على الطلاق دى سكينى و ده كفرى بنشرته زيك
و يا ولد جيب القهوه و الشاى لعمك قرجه
و أهى دى قعده
|
Post: #46
Title: Re: انا مبنشر هنــــــــا
Author: garjah
Date: 02-27-2003, 11:39 AM
Parent: #44
يعني يا كـــــريم
لو ما اسمـــــــــــــــــــك كــــــــــــريم
كان مشيتنا بصمة خشمنا
مواعيد غدا وتقول يا ود جيب الشاي والقهوة
عالم منكم جكة
|
Post: #45
Title: Re: انا مبنشر هنــــــــا
Author: garjah
Date: 02-27-2003, 11:32 AM
Parent: #43
شرير والبرتكان
البوست ده نكتو من وين
انا شلت عليهو الفاتحة زماااان
اسمع الاجتماع ده كيف مع السقط ده
ما تشترو مقر من الميزانية
الناس الجعلي بيقدرو على السقط ده
لكن نحن بيرقدنا اسبوع
هسع يجينا بكري طاير
عملتو اشتراكات ومقرات من ورا منبري
|
Post: #47
Title: Re: انا مبنشر هنــــــــا
Author: karim
Date: 02-27-2003, 06:39 PM
Parent: #1
يا قرجه يا أخوى
أول كدى أشرب القهوه و الشاى
و بعدين شوف حنعشيك شنو
و القهوه عندنا نحنا مهمه
شربك ليها ليهو معنى
و رفضك ليها ليهو معنى
كدى أنت أشرب
و يا ولد جيب العجل من الزريبه
و أتكيهو لئ هنك
حرم يا قرجه ما تقول حاجه
|
Post: #48
Title: Re: انا مبنشر هنــــــــا
Author: Teeta
Date: 02-27-2003, 08:39 PM
Parent: #1
والله يا اخوانى قعدتكم دى سمحه بالحيل
لكن دحين مو شايفه لى ست شاى قريب
ولا جك شربوت الحكايه شنى
ام الاء
|
Post: #49
Title: Re: انا مبنشر هنــــــــا
Author: omdurmani
Date: 02-28-2003, 11:44 AM
Parent: #1
ياقرجة اخوى
انت البنشر دا كان مكان التكيل ولا شنو ...
بعدين الكالوت دا ماحينزل من كتفك ....راجي بيهو منو
............
بعدين...شاغلتك في بوست تانى....واعفي لي لو غلطت في حقك....بس انا شايف روحك رياضية..
shereef
|
|