Post: #1
Title: اتحاد الطلاب السودانيين الهند- معرض جامعة بونا
Author: مهاجر
Date: 01-22-2003, 00:07 AM
اليكم احبتي بعض من انجازات الاتحاد وهي وسط اكثر من 20 جالية
جعلت الكثيرين يعضوا انمالهم من هؤلاء المبدعين
لهم التحية اينما وجدوا
لجنة المعرض
مسرحية
جزء من المعرض
وزير الثقافة اله
اخوكم مهاجر من اقصي الشمال
والصورة مهداة الي اخي ابوحراز عارف ليه
شوف التربيزة
دائما نفوز بهذه الرقصة
ويالساحر لو عندك اضافة نزلها
|
Post: #2
Title: Re: اتحاد الطلاب السودانيين الهند- معرض جامعة بونا
Author: ودالعباسية
Date: 01-22-2003, 00:23 AM
Parent: #1
السلام عليكم
والله الليله رجعتنة كمية من السنين لي وراء يامهاجر ومرحب بيك
ياولدنا ولد بونا الحنونة
زكرتنا الجامعة والمعرض وناس جلال وناس بونا المسرحية يا سلام عليك
بالله لو عندك من الصور دي كتير ما تحرم اهل البورد منها ولازم ناس
البورد يل يعرفوا انة اتحاد الطلاب السودانين - الهند من اقوي
الاتحادات الذي قاوم حكم الكيزان ونحن نفخر بهذا الاتحاد العظيم
وعضويتة
ولك حبي ولد بونا
|
Post: #3
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-22-2003, 00:34 AM
Parent: #2
شكرا اخي
مين من الشباب معاي
اخوك عباس احمد
والله في صور اخري انشاء الله سوف انزلها لكم ولي كل من ناضل من سوداننا الحبيب
ولك خالص شكري
اهوا كدا نعرف وين احبابنا في المنبر هنا
|
Post: #4
Title: Re: اتحاد الطلاب السودانيين الهند- معرض جامعة بونا
Author: ودالعباسية
Date: 01-22-2003, 00:50 AM
Parent: #1
مشكور يا عبس
انت ما تقول لي عباس فداسي
واذا ما انت ما مشكلة المهم انت من بونا
اخوك جون
|
Post: #5
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-22-2003, 07:13 AM
Parent: #4
والله الواحد دائما يلقي الجميل المفيد في البورد هنا
جون وين يا راجل والله شوق ابعاد
كيف احوالك وكل الاخوة كيف
نعم معاك عباس قداسي
وادينا اخبارك دا ايميلي
[email protected]
|
Post: #6
Title: Re: اتحاد الطلاب السودانيين الهند- معرض جامعة بونا
Author: الساحر
Date: 01-22-2003, 08:50 AM
Parent: #1
الاخ عباس والاخ جون
تحية معبقة بريحة الواد باو من جنب الحديقة و البيجيا من جنب قهوة الماجستك .
طبعا يا عبس اثرت فيناذكريات لفترة كده اقل ما نوصفه بيهو انا اجمل واروع فترة قضاها الواحد في حياته ابتداء من الحياة الديمقراطية التي عشناها من خلال اتحاد الطلاب السودانين انتهاء بإنسانية الشعب الهندي ,,
طبعا الواحد اول ما شاف المسرح اتذكر النهرو هول وتذكر وليد الجباتي وابو كرنك والمر وعارف وجلال وكل الشباب .
طبعا نحنا كل سنة بنفوز وسط الجاليات الاخري والاتحادات الاخري وده دليل علي انو عندنا مخزون تراثي كبير جدا جدا بس ربنا يسهل والكيزان ما بنتهو منو لانو بداء يتضأل مع الكبت والظلام العايشين فيهو ده .
طبعا انا عايز اكتب لي بوست واحكي فيه تجربة الوحده في الهند وكيف انتصرنا علي الكيزان عندما وحدنا الاتحاد بتاعنابدل اتحادين اتحاد الطلاب السودانيين والاتحاد العام للطلاب السودانينن ده الجناح التابع للكيزان وللاسف الشديد كانو مستقطبين كمية من الشباب الغير منظم لكن الحمد لله تمت الوحده وتم دحرهم
|
Post: #7
Title: Re: اتحاد الطلاب السودانيين الهند- معرض جامعة بونا
Author: alsngaq
Date: 01-22-2003, 08:55 AM
Parent: #1
الأخ عباس فداسي تحياتي و أشواقي
طبعا مفاجأة حلوة والله. ولقد عدت بنا إلى أيام لا تنسى وستظل جونا إلى الأبد حتى ننعم بتلك الديمقراطية على ارض وطننا المحزون. بونا الحنونة والدار حيث الإبداع الحقيقي في ارض الخير والعطاء الهند الجميلة
اخى عباس لا أستطيع أن اعبر عن مدى سعادتي عندما وجدت هذا البوست الرائع. واها يا أخوى بنمد أيدينا ليك وللبلد.
الأخ جون تحياتنا وأشواقنا بحر والله
ولقدام يا أخوان النضال والكفاح
ولى عودة أحبتي الكرام
.
|
Post: #8
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-22-2003, 09:09 AM
Parent: #7
الاخوان الساحر والسنجك
زملاء الدرب
الواحد يريد ان يعطي الاتحاد حقه وانتم ايضا ناضلتم وحافظتم علي حقوق الطلاب
وانتم كيف نقوم بجمع هذا المعرض
لكن كنا الجالية الاولي في كل المناشط الرياضية
حتي البلياردوا ادخلته الجامعة في منافساتها وجاء السودان في المركز الثاني
هذه نقطة من بحر عميق
سنقوم بالتوثيق طباع اخ الساحر
ويا الساحر عادل تطش يسال عنك هو موجود بجدة وبيقول ليك سمعنا بدقن كبيرة الحكاية شنو
|
Post: #9
Title: Re: اتحاد الطلاب السودانيين الهند- معرض جامعة بونا
Author: الساحر
Date: 01-22-2003, 09:21 AM
Parent: #1
الاخ عباس تحياتي
بالله تحياتي وسلامي لتطش وقول ليهو طوالي انت مصادرك تعبانه كده ه
|
Post: #10
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-22-2003, 09:58 AM
Parent: #9
اخر اخباره
يريد انشاء جمعية اولاد بونا طبعا عندنا قهوة انا وهو وبقية الشباب
واخر اخباره ايضا قال عايز يدخل القفص الذهبي
لانوا خلاص حرق وبقي لواء عديل بع النجمة
|
Post: #11
Title: Re: اتحاد الطلاب السودانيين الهند- معرض جامعة بونا
Author: ودالعباسية
Date: 01-22-2003, 02:01 PM
Parent: #1
سلام جاكم يا ناس بونا الحنونة
كيف يا عبس والله الشوق بحر
بقية الشباب تحياتي لكم بس الواحد باين علية كبر ولا دا من الغربة عن الوطن بالله زكرونا بي اساميكم
تعرفوا يا شباب انحن لو فتحنا في الموضوع دا ما حا نقيف
لانوا اهل الهند كل ما يتلاقوا في مكان مافي زول تاني بقدر يفرقم
ويا عبس باين علينا حا نفتح لينا قهوة هنا
|
Post: #12
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-22-2003, 02:52 PM
Parent: #11
الاخ جون
كيف الحال
ارجو منكم تعريف الاخوة في البورد اتحاد الطلاب السودانيين
انا الان في العمل لا استطيع الكتابة
سلامي لكل الاخوة انت وين في الدوحة
وكيف اخبار الطيب تبس
|
Post: #13
Title: Re: اتحاد الطلاب السودانيين الهند- معرض جامعة بونا
Author: نصار
Date: 01-22-2003, 03:43 PM
Parent: #1
الاخ مهاجر و البايسابات
هيجتوا اشجانا
بالله يا مهاجر حدثنا عن الصور اكثر
الساحر انا ملتصق بتاريخ العمل النقابى فى مرحلة الانقسامات و حتى الوحدة العملاقة بالله احكى لرواد البورد نضالات الاتحاد الموحد ضد نظام الجبهة و الاعتصامات و الحاق الهزائم باتباع السلطة و سفارتهم
|
Post: #14
Title: Re: اتحاد الطلاب السودانيين الهند- معرض جامعة بونا
Author: ايهاب
Date: 01-22-2003, 08:53 PM
Parent: #13
تكاد الفرحه لا تسعني وانا ارى هذه الصور التي تزكرني باجمل الايام
و انا اري ايضا البوناب منورين البورد
تحياتي يا عباس و يا جون ويا الساحر و يا السنجك و يا نصار
بالله يا نصار انت كنتا في الهند
تحياتي يا عباس لي كل ناس بونا
و نتمنى نسمع مزيدا من الاخبار
|
Post: #15
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-22-2003, 11:29 PM
Parent: #14
الاخوة نصار وايهاب
كيف حالكم
ان اتحاد الطلاب السودانيين كان الهاجس الاكبر للنظام لانه كان يحمل في طياته قوة جبارة تحلل وتفند كل النظان من جميع النواحي لان الهند كانت تحمل هموم 7 الف طالب مشتتين.لكن اتحاد الطلاب وحدهم
كانت الندوات قوية الطرح بها شبيبة عرفوا العمل السياسي والنقابي
كان هنالك اتحادين واحد يضم كل القوي الحزبية والاخر يضم الاتجاه الاسلامي وبعض المستقلين.وكانوا لا يريدوا الوحدة لانها تفضحهم
لذلك حاولوا تعطليها.
ارجو من الاخوة تصار تكملة المسيرة
ولدي صور سوف ترونها للمبدعين في بونا
|
Post: #16
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-23-2003, 00:28 AM
Parent: #15
هذه الصور لاخوة الفنانين
المبدع بابكر شمس الدين
ودا يا استاذ موصلي يغتي للحقيبة الهندية حير الهنود
خريجي 92
المبدع صاحب الصوت الشجي صديق
المبدع صلاح فالولة
كورال الاتحاد بقيادة الموسيقار محمد حسن علي مختار
السكرتير الغام اسعد والسكرتير الرياضي اسامة الطوييييييييييييييل
الاولي مع العنانيين ودي مع اهلنا الحبش
ومع فيتنام ايضا برفقة اخونا اسامة جقود
|
Post: #17
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-23-2003, 01:10 AM
Parent: #16
دي الصور المانزلت لانوا الانترنت نتن هنا في المملكة
المبدع بابكر شمس الدين
خريجي 92
المبدع صديق شمبات
فالولة العسل
اهل الابداع بقيادة عصام حامد ومحمد حسن ابوصلعة
ما عندي ثور للفرق تزلوها يا جماعة
|
Post: #18
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-23-2003, 10:05 AM
Parent: #17
يلا يا جون ويا ايهاب اكتبوا عن اتحادكم
|
Post: #19
Title: Re: اتحاد الطلاب السودانيين الهند- معرض جامعة بونا
Author: abdel abayazid
Date: 01-23-2003, 12:17 PM
Parent: #18
السودانيون وعلاقتهم مع الهند طويلة تمتد الي زمن بعيد واكون شاكرا لو ان احدكم مدنا باي معلومات او دراسة عن ذلك.
سمعنا وقرأنا ان بداية دخول الطلاب السودانيين الي الهند كانت في فترةالخمسينات والستينات وخلال وجودنا في الهند علمنا ان هناك تعاون وثيق وقديم بين حكومة السودان والحكومة الهندية في مجالات مختلفة مثل الزراعة والبنوك والدفاع حيث التقينا مبعوثون سودانيون ياتون
الي تلقي كورسات تدريبية في الهند ويبدو ان العلاقة الرسمية سوف تمتد بعد ان اشترت الحكومة الهندية موخرا اسهم تليسمان الكندية التي تعمل في مجال البترول في السودان وبالتاكيد هناك علاقات رسمية وشعبية كثيرة ليست مرئية لكثيرين وعلي سبيل المثال حي الهنود في امدرمان ودورهم في السوق وايضا في بورتسودان.
نظام الدراسة في الهند معترف به في معظم انحاء العالم ان لم بكن في كل العالم وهم متفوقون في مجالات عدة
الاخ مهاجر دي بداية تعريفية عن الهند وسوف اواصل الي
ان اصل الي باب الاتحاد والي لقاء قريب
|
Post: #20
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-23-2003, 12:34 PM
Parent: #19
شكرا اخونا العزيز عبدالرحيم
وبارك الله فيك
ونحن في انتظار اخوانا في البورد يدلوا بدلوهم
ولو عندكم صور دعونا نوثق لاتحادنا تلك الفترة القوية والممتعة
والتي تعلمنا منها الكثير
اود ان احكي شي للاخوة في البرود دا انوا نحنا كنا نختلف لدرجة كبيرة جدا ومشادات في الندوات وتنهتي الندوة ونكون ساكنين مع بعض يمشي واحد يجيب العيش وواحد يمشي وين ونرجع البيت كانوا ما في حاجة خالص دا كان قبل الاندماج لكن بعدوا تعكر الجو لكن مشينا بالاتحاد رغم اغلاق الاتحاد بافتعال مشاكل وادراج الشرطة في الموضوع حتي تقوم بالاغق الاتحاد ونناضل ونفتح الاتحاد مرة اخري
وتعود التعاون بيننا
حقيقة انا تعلمت من الاتحاد لو جلست سنين طويلة لن اتعلمها
ويعلم عبدالرحيم انه كان لا يعرف انتمائ السياسي لكن كان يعتقد شي وتفاجا بشي اخر لكن هذا لم يقطع علاقتنا لكن اعتقاده بناه علي علاقتي بالزعيم والاستاذ راضي خليل وياسر زمراوي وتلك العلاقة كانت من اجل الاتحاد والتعلم منهم لانهم نقابيين وسياسيين محنكين
كنا نتعلم اسس العمل النقابي منهم وليس في نفسهم شي ودا ليه لانهم كانوا يعملوا من اجلك يا وطني
لهم التحية والتجلة وسلامنا يا عبدوا لكل الاخوة معاك
وسلامنا واشواقنا للاستاذ والاخ عصام الجاك
|
Post: #21
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-23-2003, 01:52 PM
Parent: #20
الاخوة ايهاب وجون والسنجك
يلا وثقوا ولا الحكاية ذكريات وبس
|
Post: #22
Title: Re: اتحاد الطلاب السودانيين الهند- معرض جامعة بونا
Author: الساحر
Date: 01-23-2003, 03:51 PM
Parent: #1
الاخوة تحياتي
كي سا هي ؟
طبعا يااخوانا من الفرحة الشديدة الواحد ما عارف يكتب شنو ولا يبدا من وين جد .
جون اخوي ما براك لكن كلنا كبرنا والذاكرة بدت تخرب شوية طبعا انا الساحر ما عارف احتمال تكون سافرت قبل فرقة اضواء المسرحية لكن كنت عضو فيها وعلي ما اعتقد انك جون سكرتير شئون الدار يعني الحافظ مالنا ودمنا وعندك شمار البلد كلها لووووووووووول .
لو تذكرتي بتذكر السنجك مع او ده ما لقبوه لكن كنا ساكنين مع بعض في بهواني بت في السطوح بتاع ناس اسحاق وجاء من بعده ناس وليد جاكسون .
طبعا يااخ نصار معليش ي%D
|
Post: #23
Title: Re: اتحاد الطلاب السودانيين الهند- معرض جامعة بونا
Author: الساحر
Date: 01-23-2003, 03:51 PM
Parent: #1
الاخوة تحياتي
كي سا هي ؟
طبعا يااخوانا من الفرحة الشديدة الواحد ما عارف يكتب شنو ولا يبدا من وين جد .
جون اخوي ما براك لكن كلنا كبرنا والذاكرة بدت تخرب شوية طبعا انا الساحر ما عارف احتمال تكون سافرت قبل فرقة اضواء المسرحية لكن كنت عضو فيها وعلي ما اعتقد انك جون سكرتير شئون الدار يعني الحافظ مالنا ودمنا وعندك شمار البلد كلها لووووووووووول .
لو تذكرتي بتذكر السنجك مع او ده ما لقبوه لكن كنا ساكنين مع بعض في بهواني بت في السطوح بتاع ناس اسحاق وجاء من بعده ناس وليد جاكسون .
طبعا يااخ نصار معليش يعني انا ما بساوي الكتير قدام خبرتك بتاريخ العمل النقابي في الهند ابتداء من مؤتمر الخيمة انتهاء بالمؤتمر العام اسه مع عارف بقي التاسع ولا العاشر
طبعا يا نصار انا بتعتبر من الجدد هناك يعني اخر الاحداث دي في راسي ابداء انت وبنتمها ليك
ايهاب اول شئ مرحب بعودتك وانشاءالله شادي خلاص هوقيا((تكون عرست ))ز
مهاجر انت خليك من تطش ده خلاص موضوعه انتهي انت ده بتخش القفص متين ما خلاص خشيت الزوون ليك كم سنة وقربت تحرق عديل يعني ما عندك محافظة لووووووووول
اختم كلامي بنكته حصلت لي واحد انصار سنة في اورنقباد طبعا طوالي مع الخطب والدروس بالاردو وهو طالب جديد تخيل ليهو انو الاردو والعربي واحد بس الفرق في كلمة هي الفي النهاية اها ركب رقشة الميتر عامل عشرة روبيات قالوا بتاع الرقشة 15 روبية واخونا زعل وفتح ليك فيهو
توم محتاج نهي هو
توم مسكين نهي هي
ضظ (10) روبية معقول هي
اج مي اوبر اسي مانيجي اج مي اقي زماناك بجي
انا اليلة حاسي اني محلق فوق في السحاب انا الليلة حاسي انتي رجعت للطفولة
نانا باتكر فلم خاموشي
|
Post: #24
Title: Re: اتحاد الطلاب السودانيين الهند- معرض جامعة بونا
Author: ودالعباسية
Date: 01-24-2003, 03:13 PM
Parent: #1
سلام يا حلوين
كيف اخباركم
ارحب بي جميع المشاركين في هذا البورد العظيم ، وتحية لي الاخ الساحر برغم انة عمل لي فضيحة كبيرة وقال انا بتاع شمارات !!!!
يا عبس
الواحد عندة صور لكن بصراحة ما عرفتة انزله في البورد بالله علمنه كيف
ويا شباب عايزين نحكي عن معركة الشرف في بونا مع الكيزان وانت يا عبس احسن من يقوم بي ذلك
علشان الناس دي تعرف حجم الاتحاد
up
|
Post: #25
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-24-2003, 11:40 PM
Parent: #24
الاخوة الساحر والعزيز جون
دلفت ليلا بس عشان اشوف البريد وكدا
لكن بكرة في الدوام نواصل
الاخ جون اعمل scan
بعدين انزل في اخر صفحة المنتدي
تجد لتحميل صورة من هنا
افتح صفحة جديدة من المنتدي وابدا حمل الصور
حا تجد كود للصورة اضغط عليهو تفتح الصورة
اعمل copy for link
and then come here press image and put the link here
اجا هي سمستا بيا
الساحر السنة الجاية لو فتحت معانا فبها سودانية لو لا حا نمشي لاهلنا الهنود
اخونا نصار وينك
|
Post: #26
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-25-2003, 10:47 AM
Parent: #25
السلام عليكم ورحمة الله وبركاته
اتحاد الطلاب السودانيين ذلك الصرح العملاق
طبعا اخوكم وصل الهند سنة 1989
وكان هنالك اتحاد الطلاب السودانيين ssu
وايضا الاتحاد العام للطلاب السودانيين
لم نكن نعلم الفرق تماما لكن بعد ايام عرفنا الفرق
ssu اتحاد يضم كل الاحزاب السياسية
gussاتحاد يضم الاتجاه الاسلامي
بدات دعوة للوحدة في البداية من بعض الافراد مثل طارق الطاهر من الاتحاد العام واخوة مستقلين واخوة من اتحاد الطلاب السودانيين امثال الزعيم المخضرم ياسر جوكس وابوكر الصديق ونجم الدين الصيدو واخوة كثيرين
بداء الامر بعمل لجنة لراب الصدع من اتحاد الطلاب السودايين ولجنة اخري من الاتحاد العام
بدات المحاولات ولكن وقفت تنظيمات ضد الوحدة لشي معروف للكل لان مصالحها الطفيلية ستنتهي
وفي العام 1991 نحققت الوحدة بتوقيع ميثاق الشرف بين الكل التنظيمات السياسية وجميع فروع الاتحاد في الهند وكانت 28 فرع في البداية
وكان بحضور تنظيمات واتحادات عربية
ونام بشريط ذلك اليوم العظيم الجبهجي عبدالعزيز
وكان المؤتر التوحيدي الاول
عشنا فيه قمة الصراع السياسي واحب اوضح شي اننا اتحدنا رغم اختلافنا السياسي في ذلك الوقت وكونت لجنة متابعة من جميع الاحزاب السياسية لنوحد كلمتنا في المؤتمر
وكان اول صراع في المؤتمر هو اسم الاتحاد
والله ما زلت اشعر بتلك السعادة عند تثبيت اسم اتحاد الطلاب السودانيين اسما لاتحادنا الموحد
خليكم مع الوحدة في المرحلة ولي عودة ولعل الاخ نصار لديه اضافات ويمكن نحنا ذاكرتنا تكون ماسحة حقائق اخري
فهيا شباب زي
وا التوثيق
|
Post: #27
Title: Re: اتحاد الطلاب السودانيين الهند- معرض جامعة بونا
Author: أسير الغرام
Date: 01-25-2003, 11:09 AM
Parent: #1
ازيكم يا شباب بوناااا الحنونة
بونا الترطيب
بونا الابداع والفن والكورة
وكل حاجة جميلة
والله رجعتوا بي سنوات للوراء
ايام الدراسة
وحقيقي لن ننسي اياماً مضت
اخوكم خريج من مدينة بومباي
ولي عظيم الشرف في ان التقيكم عبر هذا البورد الرائع
ولنا عودة
|
Post: #28
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-25-2003, 11:53 AM
Parent: #27
الف مرحب ليك اسير الغرام
الفكرة كانت احد نشاطات الاتحاد لكن الان اصبح اتحاد الطلاب السودانيين الهند
واعتبر البوست حقك لك حرية التصرف فيه
وبونا وبومباي واحد يا حبيب
وهيا سجل لاتحادك
|
Post: #29
Title: Re: اتحاد الطلاب السودانيين الهند- معرض جامعة بونا
Author: abdel abayazid
Date: 01-25-2003, 01:02 PM
Parent: #28
والطلاب السودانيون الاوائل وضعوا ارث جميل وسط المجتمع الهندي وموسساته التعليمية مما سهل الفرص امام الاجيال اللاحقة ولبساطة الحياة وقلة التكلفة وضيق الفرص في السودان صارت الهند متجها للسودانين وتساوت مع الاتحاد السوفيتي ومصر والمغرب من حيث عدد الطلاب وكطلاب كان لابد ان بكون لهم ارتباطهم بالوطن وقضاياه فتشكلت التنظيمات السياسية وبداء عمل الاتحادات والروابط وكان
اكبر تجمع للطلاب في مدينة بونا وجد الطلاب السودانيون من سبقهم الي هناك من طلاب عرب من الاردن وفلسطين والبحرين واليمن وكان معظمهم لهم نشاطاتهم السياسية وتنظيماتهم وعلي مستوي عالي من التمثيل كمنظمة فتح وحركة تحرير البحرين والاردن وكانت كل هذه الدول او طلابها لهم اتحاديين اما اتحاد عام او اتحاد وطني وتجد احد الاتحادين مؤيد للحكومة والاخر معارضة ونحن كسودانين اثرت
فينا هذه وبعلاقتنا مع تلك الاتحادات تم قليل من التاثير علينا وساهم هذا في تعميق الانشقاق وسطنا وصرنا ايضا اتحادين واحد مع الحكومة والتاني ضد والذي مع الحكومة وجد دعما واهتماما لانه عضو في الاتحاد العام لالطلاب السودانين سئ الصيت وبارث الحركة الطلابية السودانية وعلاقات الطلاب في الهند مع التنظيمات العربية الموجودة
في ذلك الوقت وجدت الفرصةلتنظيمات سياسية ان تتعرف علي تنظيمات مماثلة لها وسط تلك الجاليات وتتبادل التجارب وتنظيمات سياسية ترفع شعارات تحرير فلسطين ومناهضة العنصرية في جنوب افريقيا ومناهضة الوجود الاجنبي في الوطن العربي كل هذاشجع السودانين وجعل لهم مناخ خصب للعمل في مناهضة الدكتاتورية وفعلا من بونا في الهند امتدت يد التضامن العالمي باسم السودان ووقعنا وتبرعنا من اجل اطلاق سراح معتقلين في العالم وخاصة العالم العربي وخرج زملاءنا في اكبر مظاهرة لاطلاق سراح نلسون مانديلا وبالمقابل ايضا تضامنت معنا جهات عديدة للوقوف مع شعبنا ووصل صوتنا الي الخرطوم مما حدا
بالسفاح نميري ان يزكر طلاب الهند في احد خطاباته المشهورة قائلا وبكل غيظ صعاليق الهند ديل انا باصلهم هناك وده يورينا كيف كانت الحركة الطلابية في الهند وكيف اثرت عليها الاجواء في ذلك الوقت ونواصل
|
Post: #30
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-25-2003, 01:17 PM
Parent: #29
دوما سباق اخونا عبدالرحيم
شكرا لك علي هذا التوثيق
نحنا هنا في المملكة دوام ومشاكل تخلي الواحد ما يركز
|
Post: #31
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-26-2003, 10:51 AM
Parent: #30
الاخوة الكرام الساحر
ارجو متابعة الكتابة
الان الاتحاد يحتاج وقفة منا قوية لمساندة اخوانا لفتحه مرة اخري
|
Post: #32
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-28-2003, 08:56 AM
Parent: #31
لعل بعد ذلك كان الهاجس الاول بناء الاتحاد
لكن حدث شي اخر شكك الناس في الطلاب المستقلين وفوزهم في الانتخابات بجانب رابطة الطلاب الاتحاديين وفجأة قام الكيزان بحركة سياسية بارعة قاموا بملازمة بعض الطلاب المستقلين وتقديم ايحاء الي الناس انهم دعموا الطلاب المستقلين حتي يبعدوا القوي الوطنية منهم وبالفعل تم ذلك في السنة الاولي للاتحاد
ولكن سارت السفينة الي السنة الثانية وبدات التنظيمات السياسية تتفتح الرؤية لهم في الطلاب المستقلين
وبداء التنفاس السياسي بين الاحزاب وزاد النشاط السياسي للاتحاد بصورة قوية بوصول بعض قيادات الاحزاب الي بونا وعمل ندوات قوية
خلال الثلاث سنوات الاولي كان هناك وعي سياسي قوي من جميع الطلاب وبداوء يهتموا بالسياسة ومشاركة بعض الطلاب المستقلين في ذلك
عندها التفت النظام الي الهند وعرف قوتها وبداء بارسال الوفود والوزراء وكلما قاموا باسبوع سياسي كان نجاح الاسبوع للقوي الوطنية
ولنا عودة
|
Post: #33
Title: Re: اتحاد الطلاب السودانيين الهند- معرض جامعة بونا
Author: ودالعباسية
Date: 01-28-2003, 12:26 PM
Parent: #1
العزيز عبس
تحياتي
والله ما بتقصر تب
احكي لي الناس دي الكان حاصل شنوا بالتفصيل
ويلا يا شباب واصلوا مع عبس
بالمناسبة حاولتة انزل صورة لكن ما نفع
تحياتي]
|
Post: #34
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-28-2003, 12:53 PM
Parent: #33
يا جون
افتح الصفحة الرئيسية
وعاين تحت خالص تلقي
لتحميل صورة من جهازك علي الانترنت
دوس عليها
بعدين اعمل استعراض للصور
بعدين اعمل ليها تحميل
او اعمل هوتميل مسنجر واضفني معاك ونعملها خطوة خطوة
|
Post: #35
Title: Re: اتحاد الطلاب السودانيين الهند- معرض جامعة بونا
Author: نصار
Date: 01-29-2003, 03:56 PM
Parent: #1
الاخ مهاجر و المشاركون الاعزاء
حقيقة قد هيجتم اشجاننا بأنعاش ذكرى اخصب مراحل حياتنا التى قضيناها فى معتركات الساحة الطلابية فى جمهورية الهند
عزراً لهذا الغياب الذى طال و العود احمد- و اعلن سعادتى لانضواء الاخ عبد الرحيم ابايزيد لهذا البورد و زى ما بقولوا السن تضاحك نديدها, فأبايزيد واحد من الذين تصارعنا معهم سياياً و فكرياً و فى رؤى العمل النقابى,مع بقاء ود صادق
فى سرد الاخ مهاجر ورد ذكر دور المستقلون فى توحيد الحركة الطلابية فى الهند و قيادة اتحاد الطلاب السودانين و هنا لزم ايراد توضيح ان المقصود بالطلاب المستقلين هو تنظيمنا العملاق الذى و لد فى الساحة الهندية_تنظيم القوى المستقلة الحرة؛ و الذى تشرف بقيادة الاتحاد الموحد متحالفاً مع الطلاب غير المنظمين سياسياً, و ذلك فى الدورتين الاولتين ثم متحالفاً مع جميع القوى الوطنية حتى الدورة الحالية و التى بدأت قبل شهور قليلة
الساحة الهندية كانت لنا بمثابة الرحم الثانى الذى و لدنا منه مع اخوة اعزاء نسعد بلقاءهم و يحرقنا لهم الشوق فى فراقهم بمختلف الوانهم السياسية و توجهاتهم الفكرية. لا يمكننى وصف مدى شوقى للرصين عصام الجاك و الودود صديق عثمان و بريقع و البوشى و طه التوم و حتى لبعض من الكيزان فعصام عمر لم يكن يشبههم فى شئ سوى انه معهم تنظيمياً
هذه مداخلة سريعة تعقبها اخريات ان شاء الله
و فيها سوف احوال تسجيل بعض من معايشاتى لتجربة
خصبة و شديدة التميز
تحياتى
|
Post: #36
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 01-30-2003, 07:41 AM
Parent: #35
شكرا الاخ العزيز نصار
انا اوردت تجربة اتحاد بونا في بداية الوحدة وليس المركزية طبعا
واخوك في المملكة هنا انت عارف المسح الذهني هنا
اما عن الاخوان بريقع ما بين الامارات والسودان
صديق عثمان معانا في جدة
عصام الجاك في امريكا وسوف يلحق به قريبا عصام ابو زيد
البوشي في ام درمان
اما برضو مصطفي ادم مرافق للسيد الصادق في جولاته اتمني ان ياتي الي الحج معه
ايضا معي في جدة عادل تطش
فائز الطاهر
وشلة كبيرة جدا
التقيت بصديق في العيد في المدينة
ايضا ابشر الاخوة البوناب
بان الاتحاد تم افتتاحه في مدرسة اكبر يعني اتحادنا القديم
والله لكم تشوقت للهند بصورة قوية جدا
نصار لو عندك صور نزلها دا توثيق للاتحاد
ولك شكري
وين جون والساحر وعبدالرحيم
|
Post: #37
Title: Re: اتحاد الطلاب السودانيين الهند- معرض جامعة بونا
Author: ودالعباسية
Date: 01-30-2003, 11:26 AM
Parent: #1
شباب الهند
كايسى هي
تحياتي ليكم جميعا
والله عايزين البورد دا يكون حافل بي المواضيع الهندية في شتى المواضيع
والاخوان عباس وابايزيد ماقصروا في توثيق بعض من تاريخ الحركة الطلابية في شبه القارة الهندية وعندهم المزيد
واتمني ان نوثق هذا العمل في موقع متكامل يكون لطلبة خريجي الهند ، وهذا ليس ببعيد عن المنال
|
Post: #38
Title: Re: اتحاد الطلاب السودانيين الهند- معرض جامعة بونا
Author: نصار
Date: 01-30-2003, 02:27 PM
Parent: #1
شكراً اخى المهاجر على اخبار الشباب
لقد سعدت بمقابلة عدد كبير من شباب جدة فى زيارات مختلفة اشرف قسوم , مجدى عبد الله , سيد احمد الجاك , محمد خضر , ياسر يوسف زاهر ضرار من خريجى مدراس و صديق عثمان ,فايز و طارق الطاهر و صديق كلبالة من شباب بونا
و عدد كبير من المقيمين فى المنطقة الغربية و الرياض و الشرقية حاسدنكم على تجمعكم الجميل دا
مازلت عند وعدى فى ايراد جانب من تاريخ الحركة الطلابية فى الهند
بالنسبة للصور معى هنا فى المانيا الاخ كمال حسن على اول سكرتير ثقافى للاتحاد الموحد و هو يملك صور لا بأس بها سوف احاول الاستفادة منه
|
Post: #39
Title: Re: اتحاد الطلاب السودانيين الهند- معرض جامعة بونا
Author: Modic
Date: 01-30-2003, 09:28 PM
Parent: #1
العزيز مهاجر
ده شغل جميل جدا
أهنئكم علي عكس هذا الوجه المشرق للوطن
كل الخير
محمد
|
Post: #40
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-01-2003, 11:33 PM
Parent: #39
شكرا لاخوان
مودك ونصار
مودك انا اعطيك نيشان هندي من هذا البوست
لانك الوحيد الذي كتب هنا من غير طلاب العند
شكرا لك لانك انسان مبدع عاشق لبلدك
دمت دوما لوطنك
اخونا نصار
طبعا عند الوحدة ساهمت القوة المستقلة الحرة من مركزيتكم في مدراس لكن بدايتكم في بونا بعد الوحدة بصورة تنظيمية
لاننا تحالفنا مع المستقلين في الدورة الاولي
لكن كان دور نقابي ممتاز
نتمني ان نستفي منه في المستقبل لبلادنا
لكم محبتي جميعا
يا شباب نزلوا صور التخريج لو عندكم لاي غرد من ابناء الاتحاد في الهند
ايهاب نزل صور
وتحياتي لابوصلعة يا نصار
|
Post: #41
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-03-2003, 11:38 AM
Parent: #40
اخوتي نعود لفترة الوحدة الاولي
كانت قوي تحاول دائما دفن الابداع
كانت تتحدث عن الرقصات الشعبية التي نؤديها في الجامعة
ويحرموها
لكن كان ردنا لهم قويا وبعدها رضخوا للامر الواقع
وكان هنالك لفتة قوية حيرتهم فيها لديهم صور جميلة جدا عن السودان ووقتها ليس لدينا صور جديدة
واقترحت علي السكرتارية الثقافية نستلف منهم هذه الصور لانها صور تخص السودان وتخصنا
ايضا تنظيمهم عضو في الاتحاد وهذا شي وطني يجب علينا جميعا ان نقوم به
وعندها وافقوا علي الفور ودي كانت حاجة اكبرتها لهم لانهم كان ممكن يفكروا لو نجح المعرض سوف يرفع اسهم الاتحاد
ولنا عودة
|
Post: #42
Title: Re: اتحاد الطلاب السودانيين الهند- معرض جامعة بونا
Author: نصار
Date: 02-03-2003, 02:02 PM
Parent: #1
تحياتى للجميع
كما ذكر الاخوان كان الوجود الطلابى فى الهند منقسم بين اتحاد الطلاب السودانيون و الاتحاد العام للطلاب السودانيين و فى بعض المدن كانت هناك بديلاً لذلك روابط طلابية
كان الانقسام ذو طابع سياسى اكثر منه نقابى, و ذلك لصالح كلٍ من الاتجاه الاسلامى و الجبهة الديموقراطية و كانوا يستفيدوا من هذا الوضع فى عملية الاستقطاب السياسى فى غياب او ضعف التنظيمات الاخرى
فى ظل هذا الوضع ضاعت حقوق الطلاب عند السلطات الهندية و امام السفارة بدلهى,و اكبر حادثة لفتت النظر لخطورة الامر ما حدث فى بوبال حين تعرضت لانفجار معمل يونين كوربايد و ما نتج عنها من اخطار بيئة نتجت عنها امراض و تشوهات خطيرة بين سكان المنطقة, الشئ الذى اجبر الشركة على تعويض المتضريرين و تقديم العلاج لهم. و قد كان بالمدينة المنكوبة طالب و طالبة سودانيان لم يستطيعوا الحصول على تعويض او رعاية صحية و حين لجوءهما الى السفارة ردتهم زاعمه انها لا تعترف بوجود سودانى فى الهند لغياب جهاز نقابى يجمعهم و يمثلهم جميعاً
كان ذلك عام 84 و حين ذهابنا الى الهند عام 86 وجدنا الاخ بهاء الدين بوبال يقوم بتنوير المدن ذات الوجود الطلابى بما جرى له و الاخت التى كانت تدرس معه فى بوبال و يحث الناس على ضرورة التوحد تحت مظلة نقابية واحدة
يتبع
|
Post: #43
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-03-2003, 06:57 PM
Parent: #42
شكرا غزيزنا نصار
علي هذا السرد الجميل
وين الحلوين
ايهاب وين انت ياخي
|
Post: #44
Title: Re: اتحاد الطلاب السودانيين الهند- معرض جامعة بونا
Author: نصار
Date: 02-03-2003, 10:22 PM
Parent: #1
نتج عن تحرك الاخ بهاء الدين اجتماع السكرتاريات العامة لجميع الاتحادات و افرعها فى مدينة بونا عام 85 حيث تم الاتفاق على برنامج زمنى و الضوابط الدستورية التى يتم عبرها تمثيل المدن المختلفة بصيغة قريبة من التصعيد عبر المؤتمرات القاعدية التى اعتمدت عام 91_ وحدد موعد للمؤتمر التأسيسى فى مدينة ناقبور
من هنا بدأت معايشتنا لما حدث فى مسيرة الوحدة و سوف اتدرج فى سرده مع الامل فى ان يشارك الاخوة فى دفق الحيوية و المساعدة على انعاش ذاكرة انهكها الترحال
يتبع
|
Post: #45
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-05-2003, 10:57 AM
Parent: #44
شكرا الاخ نصار
هذه الفترة طبعا نحنا لم نحضرها كن اوعدك بادخال سرد مفصل من قبل الاخ عادل تطش لانوا قام بعمل كتابة بحث عن الهند والاتحاد
وقريبا سوف تري النور معنا هنا
لكن يا جون وايهاب بالغتوا
|
Post: #46
Title: Re: اتحاد الطلاب السودانيين الهند- معرض جامعة بونا
Author: elsharief
Date: 02-06-2003, 09:09 AM
Parent: #1
سلامات
والشكر على هذا المجهود الرائع وسلامى لجميع شباب الهند
وسوف اساهم معكم فى هذا المنبر الرائع
متولى
|
Post: #47
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-06-2003, 09:46 AM
Parent: #46
اخونا الحبيب متولي
كيف حالك واحوالك عساك بخير ياخي
والله كل ما الواحد يجد واحد من رفقاء الدرب يعود الحنين اقوي الي تلك الايام
نحنا في انتظارك وفي نية نعمل حاجة اعظم من كدا لاتحادنا انشاء الله
|
Post: #48
Title: Re: اتحاد الطلاب السودانيين الهند- معرض جامعة بونا
Author: ودالعباسية
Date: 02-06-2003, 02:28 PM
Parent: #1
الاخوة الاعزاء تحياتي
ومشكور الاخ نصار والاخ ابايزيد في السرد والتوثيق لي الاتحاد العملاق
يا عبس
والله انا ما عرفتة الشغالانية دي لكن حا احاول مرة تانية انزل لي صورة ...
الاخ ايهاب نحن برضوا ما لامين فية هنا
مرحب بالاخ متولي
|
Post: #49
Title: Re: اتحاد الطلاب السودانيين الهند- معرض جامعة بونا
Author: elsharief
Date: 02-07-2003, 03:20 PM
Parent: #1
سلامات بالشباب
اتطلعت على مشاركه الاخوه ولدى ملاحظه حول كلام الاخ علاء الدين نصار
ان الانقسام الثانى فى صفوف الحركه الطلابيه بشبه القاره الهنديه هو نقابى
وليس سياسى وكان الخلاف حول عدم شرعيه مايسمى بالاتحاد العام
اما حول المستقليين هم وحدوا الساحه معلومه غير سليمه لان كان الاسم
للمستقليين هو المستقليين الاحرار ولاحقا القوى المستقله الحره وتاسيس
27.9.1991الاتحاد كان بتوقيع ميثاق الشرف للوحده وكان فى
11.11.1991وقعت كل التنظيمات فى هذا التاريخ اما المستقليين الاحرار وقعوا فى تاريخ
متولى
|
Post: #50
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-12-2003, 08:46 PM
Parent: #49
الاخ العزيز متولي
كيف حالك
يمكنك ان تبداء في التوثيق انت والاخوة لانوا نحنا هنا قاعدين في جو تعبان جدا وما في طريقة ننجر راسنا كل التواريخ
وكل سنة وانتووا طيبيين
|
Post: #51
Title: Re: اتحاد الطلاب السودانيين الهند- معرض جامعة بونا
Author: ودالعباسية
Date: 02-13-2003, 03:14 PM
Parent: #1
شباب الهند الرايع
كل سنة وانتوا طيبين ،
ويا عبس البورد دا لازم
يكون نشط جدا من الشباب
تحياتي
|
Post: #52
Title: Re: اتحاد الطلاب السودانيين الهند- معرض جامعة بونا
Author: نصار
Date: 02-14-2003, 03:37 PM
Parent: #1
كل عام و انتم بخير
الاخ متولى
شكراً لمداخلتك القيمة و التى توحى بأنك تملك الكثير الذى يمكن ان تسهم به فى هذا الموضوع فأرجوا ان تواصل_ اما بخصوص مشاركاتى السابقة فليس المقصود منها التعصب الى جهة معينة او تحوير الحقائق او حتى الدخول فى جدل كما انى لم اقل بأن تنظيم القوى المستقلة الحرة هو الذى اتى بالوحدة. فقط اردت ان اثبت له دوره فى تحقيق الوحدة و قيادة الاتحاد الموحد
مع الود للجميع
|
Post: #53
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-15-2003, 10:33 AM
Parent: #52
الاخوة نصار ومتولي
للحقيقة والتاريخ
المستقلين وهم امتداد للقوي المستقلة الحرة لهم اسهامات مهمة وجبارة في ترسيخ الاتحاد وقيمه
لان التنظيمات انزوت في الدورة الاولي كانت الرابطة فقط مع المستقلين
وبعدها تواصلت المشاركات من الاحزاب الاخري
ايضا لها اخفاقات خاصة في بونا
ومن اخونا اسحق احمد لانه لم يوفق في بعض القرارات المهمة تجاه الشغب الذي كان دائر من بعض الجهات المؤيدة للنظام
ايضا موضوع تزوير العضوية هذه هي كانت قاسمة الظهر لاتحاد لانها ادخلت الاتحاد في متاهة الاغلاق
والحرب الشرسة التي دارت مع الكيزان
وبعدها اضعنا وقت طويل ومصاريف في المحاكم
وواصلوا اصلوا الهند والاتحاد شي لا يمل ابدا
ولكم التحايا وكل سنة وانتوا طيبيين
|
Post: #54
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-26-2003, 12:34 PM
Parent: #53
السلام عليكم احبتي
ناتي لمشاركات اتحادنا مع الجاليات العربية
قبل الوحدة كان اتحادنا دائكا كشارك مع اتحاد البحرين وفلسطين
وكان ايضا تم انشاء لجنة التنسيق العربية وكانت لفتة بارعة لكن لم تستمر طويلا وكان من نتائجها مساعدة الطلاب وحل مشاكلهم بصورة جماعية وايضا قمنا بعمل حفل ضخم جدا كان في قمة الروعة
ايضا كان اتحادنا دائما متضامن مع الاخوة في الاتحاد العام لطلبة فلسطين
عموما مشاركات اتحادنا وتمثيله الخارجي كانت قوية وجبارة
يلا يا شباب بونا عطروا سماء البورد بابداعاتكم
|
Post: #55
Title: Re: اتحاد الطلاب السودانيين الهند- معرض جامعة بونا
Author: نصار
Date: 02-26-2003, 04:49 PM
Parent: #1
عودة للاخ متولى
تأخر التنظيم فى التوقيع لم يكن عدم قناعة فى ضرورة قيام الوحدة او لعرقلة مسيرتها, بالعكس من ذلك فقد فقد طرح تنظيمنا مشروع رأب الصدع و عرضه على التنظيمات و كان حريص على الالتزام بالمشروع بصورته التى خرج بها اخيراً الى حيز التطبيق بعد توقين التنظيم عليه
العزيز مهاجر
قضية التزوير كانت تلفيق و اختلاق من جهات ناصبت التنظيم العداء منذ نشأته و المؤسف ان بعض هؤلاء كانوا اعضاء فى التنظيم و خرجوا عن خطه فدعتهم المكابرة لحد تكوين جسم غرضه الوحيد الكيد لنا فى ندوات و مطبوعات و العمل فى الخفاء, هذه المرحلة كنت لصيق بها لحد كبير فى بونا و ربما تذكر الاصلاح الاسلامى الذى وصفناه فى ردنا على افتراءات التزوير التى اخرجوها, بأنهم( تناقض غريب يقع فى المساحة الشاسعة الفاصلة ما بين الاصولية الاسلامية و الاباحية الراجنيشية) و بعد هذا البيان لم يقوموا بنشاط و تفرق جمعهم
اما ما ذكرته عن الاخ اسحاق و احداث بونا فللحقيقة لم اعايشها شخصياً و لا اريد ان اجادل بمعلومات سماعية حتى و ان اتتنى عبر التنظيم
مع صادق الود
|
Post: #56
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 02-27-2003, 10:05 AM
Parent: #55
شكرا الاخ نصار علي التوضيح
اولا مسالة التزوير نعم هو عضو معكم كان لكن المشكلة هي انه تلاعب بالعضوية وعند الاستجواب في الجمعية لم يستطع اثبات تزوير العضوية حتي يدخل الاتحاد في متاهات لكن تلك الزمرة المأجورة وهم اشخاص وليس جماعة نحسبهم بالاصابع لا هم لهم سوي مين جيبوا مليان اكتر
عموما هذه الاشياء يمكن للجميع ان يستفيدوا منها في المستقبل لحماية احزابهم
اما الاتحاد كان قوي تصدي لهؤلاء المتاسلمين وهزمناهم شر هزيمة
وتصدق يا نصار انا بعت باقي الجرايد وبياناتهم لما ما في زول اخدها لبتاع الورق طبعا عارف علاء الدين كان ولدنا وبعد يسافر كنا نجلس في بيتوا
والي الامام حتي نعطي اتحادنا حقه
|
Post: #57
Title: Re: اتحاد الطلاب السودانيين الهند- معرض جامعة بونا
Author: BAKTASH
Date: 02-27-2003, 04:55 PM
Parent: #55
شباب الهند الرائعين سلامات الف تحية وشوق اعدكم بالتواصل انشاء الله. بكتاش ناصر
|
Post: #58
Title: Re: اتحاد الطلاب السودانيين الهند- معرض جامعة بونا
Author: elsharief
Date: 02-28-2003, 07:50 AM
Parent: #1
الاخ نصار
ذكرت فى حديثك ان القوى المستقله الحره ادت بمشروع الوحده وهذا يتنافى مع التاريخ لان المشروع نبع من بونا مبادره من الجبهه الديمقراطيه وتم عرض المشروع اولا لتنظيمات السياسيه بعد النقاش توحد الجميع حول المشروع ومن ثم للجنه رآب الصدع واصبح مشروع للجنه رآب الصدع المشتركه هذا هو التاريخ لاننسى دور المستقليين فى الوحده ووقوفهم مع جميع القوى الوطنيه
الاخ عباس
لك التحيه بالنسبه للنزوا للتنظيمات السياسيه اتفق معك حول ابتعاد بعض من التنظيمات من الدوره ولو بتتذكر النقد الجماهيرى للجبهه الديمقراطيه لشكل المقاطعه والسب الاساسى هو بعد الوحده مباشره انفراد القوى المستقله الحره بمقاعد الاتحاد
اما بخصوص رئيس الفرع سابقا اسق احمد والتزوير اتفق معك لم تكن هنالك اى ادله للتزوير وكانت مؤامره من االسفاره نهايتها بالاعتداء للجمعيه العمويه لفرع بونا بالضرب وبعلم السفار ه
|
Post: #59
Title: Re: اتحاد الطلاب السودانيين الهند- معرض جامعة بونا
Author: نصار
Date: 02-28-2003, 09:30 AM
Parent: #1
عزيزى متولى
حقيقة ليس من شيمى اللجاجة كما لا اهدف الى تغبيش الوقائع و الذى اجزم به لك ان مركزية جنوب الهند لتنظيم القوى المستقلة الحرة قد تقدمت بمشروع لرأب الصدع و اطلعت عليه التنظيمات الاخرى قبل ان ترى مقترح الجبهة الديموقراطية و هذا لا يقلل من مبادرة الجبهة الديموقراطية بأى حال من الاحوال
الود
|
Post: #60
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 03-05-2003, 11:06 AM
Parent: #59
الاخوة والزملاء
اخونا بكتاش كيف حالك ووين اراضيك
عموما مرحب بيك في بيتك وحقيقة رغم اختلاقنا لكن استفدنا من بعضنا كتير والله نقابيا وسياسيا
الاخوة متولي ونصار نعم قدم المستقلين من مدراس مشروع وحدة لكن لم تقبل به التنظيمات بشكل كامل اعترضت علي اشياء من ضمنها الشكل المركزي وتمثيله علي ما اذكر
والمستقلين لم يغيروا شيئا بعدها وتناسي الجميع المشروع وايضا الوحدة اتت من الجبهة الديمقراطية وبعض الاخوة الحادبين علي مصلحة الطلاب من الاتحادين ولم يكن لهم ولاء سياسي لاي جهة في ذلك الوقت
ولكم كل الود احبتي
بكتاش في انتظار المشاركة
واتمني تقرد لينا بالتفصيل لانوا هنا في الخليج مسحنا مسح ما عادي من المعلومات
|
Post: #61
Title: Re: اتحاد الطلاب السودانيين الهند- معرض جامعة بونا
Author: BAKTASH
Date: 03-05-2003, 03:44 PM
Parent: #60
الاخوة الاعزاء جميعا استميحكم عذرا في السماح لي بالمساهمة في التأرخ للحركة الطلابية السودانية بشبه القارة الهندية ..أود أن ألفت نظر الجميع الى أن تحليل الوقائع التأريخية يختلف بأختلاف الرؤى والمنطلق الفكري أما الأحداث نفسها من حيث صحتها فلا خلافافي ذلك.أولا أحي الأخ عباس على دقته في رواية الاحداث فهذا شئ يد يدع بالعمل قدما .كانت الهند هي القبلة الثانية ـبعد مصر ـ للطلاب السودانيين لتلقي العلم وبدأت طلائعهم في القدوم للهند آواخر السبعينيات حيث كان وقتها لا يتجاوز عددهم ال 30 طالبا و كان هنالك وقتها اتحاد الطلبة السودانيين وكان اسما فقط اذ لا نشاط له وكان على قيادته مجموعة من الطلبة الانتهازيين يحاولون ربطه بتنظيم نميري حينها ـ الاتحاد الاشتراكي ـ ولم تكن له لوائح أو دستور يحكم عمله بل ساد الطابع الاجتماعي والشللية عمله ولم يكن له دور في حياة الطلاب .
|
Post: #62
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 03-06-2003, 12:44 PM
Parent: #61
شكرا الاخ بكتاش
ونتمني ان نري السرد الجميل لنضال كل الزملاء والاشقاء والاحباب والرفقاء والكل مستقل حادب علي مصلحة السودان ورفع اسمه عاليا
البوست لكم ولي اتحادنا العملاق
انا قلت لطارق نيبر ساهموا وادونا احداث الاتحاد الان
|
Post: #63
Title: Re: اتحاد الطلاب السودانيين الهند- معرض جامعة بونا
Author: BAKTASH
Date: 03-07-2003, 03:02 PM
Parent: #61
كان هنالك عدم رضا عن هذا الواقع لدى بعض الطلا ب فكان ان دعوا لاجتماع عام لكل الطلاب السودانيين حينها وكونوا لجنة لصياغة مسودة دستور وتم تغيير الاسم الى رابطة الطلبة السودانيين وتم تشكيل مكتب من 7 اعضاء فكان 4 منهم من تنظيم الجبهة الديموقراطية /فلم هنالك تنظيم آخر / وقامت الرابطة بالعديد من النشاطات بل انها اقامت علاقات مع الجاليت التي كانت في الساحة وقتها مثل الفلسطينيين والبحرانيين والايرانيين والعراقيين ...الخ بل انها قامت بربط الطالب بما يدور في أرض الوطن واتخاذ موقف واضح من النظام المايوي بل انها ذهبت الى حد ادانة اتفاقية كامب دافيد التي وقعها السادات مع العدو الصهيوني ..في هذه الفترة ـ اوائل الثمانينات ـ برز تنظيمي الطلاب المستقلين السودانيين والاتجاه الاسلامي ليأخذ الصراع منحنى آخر فبرزت دعوة / لا سياسة مع الدراسةـ وأخذ الاتجاه الاسلامي يحاول استغلال الرابطة لخدمة خطه المؤيد لنظام نميري فكان أن تم طرد جميع أعضاء لاتجاه الاسلامي والذي قام بانشاء نقابة أخرى هي اتحاد الطلبة الطلبة السودايين ليتشتت شمل الطلاب وتحدث القطيعة الى أن جاء عام 1985 لتتوحد النقابتان ـ رابطة الطلبة السودانيين واتحاد الطلبة السودانيين ـفيما عرف ب ـمؤتمر الخيمة ـ ليبرز اتحاد الطلاب السودانيين ـ بونا .للموضوع بقية .
|
Post: #64
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 03-08-2003, 08:54 PM
Parent: #63
شكرا الاخ بكتاش
ونرجو من الاخوة في الهند المشاركة
|
Post: #65
Title: Re: اتحاد الطلاب السودانيين الهند- معرض جامعة بونا
Author: elsharief
Date: 03-10-2003, 05:09 PM
Parent: #1
وقف القلب العامر بحب الناس
فقيد شباب الهند امين بوليس اجروف
نفقد اليوم اخ وصديق عزيز محبوب وسط زملائه وهو من دفعه 1988 سيمبويسس غادرنا الى امريكا عام 2001
وكان يحلم بسودان للجميع وله اسهامات غنيه فى جانب العمل النقابى والسياسى افتقدناه فىريعان شبابه ونحن فى اشد الحوجه له والقضيه التى ناضلت من اجلها سوف تكون فى حدقات عيونا واحر التعازى لاسرته واصدقائه وزملائه بالهند
انا لله وانا اليه راجعون
متولى
|
Post: #66
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 03-10-2003, 07:45 PM
Parent: #65
للفقيد الرحمة والمغفرة
حقيقة فقد غالي لاخ عاش معنا عمر باكلمه بحلوه ومره
نسال الله ان يلهم اله وذويه الصبر الجميل
شكرا اخ متولي علي هذا التواصل
|
Post: #69
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 03-22-2003, 10:54 AM
Parent: #66
الاخوة الكرام تم افتتاح موقع الدار بتاعنا من قبل الاخوة ماوكلي وجمادة وعصام حامد
نتمني التواصل في ذلك الموقع
www.sudindia.net
|
Post: #70
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 03-22-2003, 10:54 AM
Parent: #66
الاخوة الكرام تم افتتاح موقع الدار بتاعنا من قبل الاخوة ماوكلي وجمادة وعصام حامد
نتمني التواصل في ذلك الموقع
www.sudindia.net
|
Post: #67
Title: Re: اتحاد الطلاب السودانيين الهند- معرض جامعة بونا
Author: نصار
Date: 03-10-2003, 09:32 PM
Parent: #1
خبر فاجع اخى متولى
رحم الله امين و تقبله قبول حسن
كان حقاً اخ للجميع و منزلة
ملتقى لشباب بونا و المدن الاخرى
|
Post: #68
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 03-14-2003, 08:02 PM
Parent: #67
يا ناس وين ختا الصورة دي
ودي صورة منو دا
|
Post: #71
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 03-30-2003, 11:21 AM
Parent: #68
حصل شي غريب شوية
وجدت صور لا تخص البوست
لذلك سوف انزل الصور مرة اخري حسب طلب بعض الاخوة
الاخوة ايهاب وراستا وجون وين الصور يا جماعة خلاص ودوها موقع الاتحاد
|
Post: #72
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 04-01-2003, 02:53 PM
Parent: #71
اين الاخوة ابناء الهند
ازف اليكم وصول العريس الزعيم راضي خليل وعروسته الي المملكة
وعلمت مصادرنا ان الزعيم رفض اخذ عروسوا في جولة في جدة خوفا ان ترفض ان تبقي معه في تلك الفيافي
|
Post: #73
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 04-19-2003, 11:16 AM
Parent: #72
لعل فترة الوحدة شهدت تنافس قوي تجاه قيادة الاتحاد في بونا
لذلك كانت التنظيمات تحاول دوما اللعب علي بعضها تجلس معك في طاولة مفاوضات وبعدها تجلس مع تنظيم في نفس المجموعة جلسة ثنائية
هل هذا هذا هو العمل النقابي النزيه
بعض التنظيمات ايضا كان يحفظ لها حق ادبي لكن ليس لديها حتي وجود عددي وفعال في الاتحاد مثل المؤتمرجية
ايضا من مفارقات المنافسة كانت العلاقات الشخصية لبعض الافراد تكسر جبهة بكاملها وكان هذا من بعض الاخوان ويمارسوا به ضغطا من اجل اهداف محددة لمصلحة ما
اريد هنا ان اشير الي سقوط تنظيم الجبهة الديمقراطية طيلة فترة الوحدة وحتي خروجي
وذلك لعدم التحليل الفكري لوجودها في الساحة الطلابية واستخدامها شعارات سياسية ذات اسلوب يجذبك في البداية وبعدها تعرف الحقيقة المرة في طرحهم للنقابة لكن رغم ذلك انتقدوا نفسهم لمقاطعتهم الاتحاد في الدورة الاولي وايضا شاركوا من خلال السكرتاريات وهي من مفهوم الواجب تجاه الاتحاد ومن مفهوم اخر هو مواكبة ومتابعة اعمال الاتحاد ومحاولة خلطها باعمال او افكار الجبهة الديمقراطية
لكن في نفس الوقت يحاولوا في بعض المرات تفشيل بعض الاعمال خاصة الثقافية منها
ولي عودة
|
Post: #74
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 05-03-2003, 10:30 AM
Parent: #73
نأتي مرة اخري لمحاولات الجبهة الديمقراطية لزج طرحها
داخل اعمال الاتحاد الثقافية حتي اتي زمان اعتقد فيه البعض ان اي عمل ثقافي لا يمكن نجاحه الا بوجود كوادر الجبهة الديمقراطية
لكن مع تكشف مسالة الاحتواء لبعض المبدعين انهم ليسوا اعضاء في الجبهة الديمقراطية
لكن كان اسلوبهم مثل الكيزان يكونوا معك في كل مكان حتي يعتقد الناس انك تنتمي الي هذا التنظيم
لكن تذمر بعض الاخوان وابدوا اعتراضهم بتصنيفهم مع هذا التنظيم وفعلا بدات تظهر في السطح فرق مسرحية وفرق موسيقية
والفرق الموسيقية لي فيها مقال منفصل لان بعض الاخوة تلاعبوا في التعامل مع الاعضاء واستقلت التنظيمات جهل الاعضاء باللائحة التنظيمية للفرقة
ولي عودة
|
Post: #75
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 05-11-2003, 12:00 PM
Parent: #74
الاخوة اباء الهند اين انتم
|
Post: #79
Title: Re: اتحاد الطلاب السودانيين الهند- معرض جامعة بونا
Author: sign
Date: 06-27-2003, 00:56 AM
Parent: #74
اخي المهاجر..اشهر مضت و انا أقاوم اغراء المشاركة في هذا البوست..ما أحب توضيحه ان مرارات الماضي ذهبت دون رجعة فلا اري اي داعي لشكل التحرش التاريخي بالتنظيمات السياسية علي خلفيات المشاركات الثقافية..لو داير تسخن دلوكة البوست ممكن تنجح بدون السعي للاثارة لانو الكلام دة حيرجعنا لمواضيع (الطرحة الحمراء) والجوطة الفارغة..ولك الاحترام
|
Post: #76
Title: Re: اتحاد الطلاب السودانيين الهند- معرض جامعة بونا
Author: abuguta
Date: 05-11-2003, 12:45 PM
Parent: #68
اخى مهاجر
تحياتى
يوم الخريج
كتبها فى بونا يوم تخريج رابطة ابناء الجزيرة بس القصيدة
طويلة والنص ما معاى كامل.هدية منى لكل خريج
تعبت ياهند من دربك الشاق
وقولك الزائف عند الطلاق
وسنينا قضيتها فيك من عمرى
فما جنيت شيئا حلو المذاق
كرهت اهلك وكل من فيك
واعلنت ثلاثا عليك الطلاق
مالىارى البوم اليوم وجوم
وغاب الغراب وصوت النعاق
وفاح اريج مع نسمة هبت
وصفير بلابل باصوات رقاق
فبانت فتاة فى جمعكم هذا
فتم العناق فى لقاء عشاق
فكانت بلادى هى العروس
ودوت طبول ودفع الصداق
فولدت شباب اليوم خريج
فى ظل اتحاد مارد عملاق
فحيو الخريج فى يومه هذا
فانا له مغنى واليه صفاق
ابوقوتة
بونا 94
|
Post: #77
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 05-12-2003, 09:51 AM
Parent: #76
كرا حبيينا ابوقوتة
حقيقة يوم الخريج يوم جميل ومميز وكان له طعم خاص في بونا
|
Post: #78
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 06-07-2003, 10:08 AM
Parent: #77
يتقدم اعضاء اتحاد الطلاب السودانيين
باحر التعازي لوالد الاخوان
متولي وادريس
ونسال الله ان يتغمده بالرحمة والمغفرة
ونعتذر للتعذية المتاخرة في هذا البوست
|
Post: #80
Title: Re: اتحاد الطلاب السودانيين الهند- معرض جامعة بونا
Author: sign
Date: 06-27-2003, 00:58 AM
Parent: #78
اخي المهاجر..اشهر مضت و انا أقاوم اغراء المشاركة في هذا البوست..ما أحب توضيحه ان مرارات الماضي ذهبت دون رجعة فلا اري اي داعي لشكل التحرش التاريخي بالتنظيمات السياسية علي خلفيات المشاركات الثقافية..لو داير تسخن دلوكة البوست ممكن تنجح بدون السعي للاثارة لانو الكلام دة حيرجعنا لمواضيع (الطرحة الحمراء) والجوطة الفارغة..ولك الاحترام
|
Post: #81
Title: Re: اتحاد الطلاب السودانيين الهند- معرض جامعة بونا
Author: sign
Date: 06-27-2003, 01:05 AM
Parent: #80
اللهم تقبل -والد الأخوين متولي و ادريس- قبولا حسنا..واغفر له وارحمه وصبر آل بيته علي كروب الزمان..وارحمنا جميعا اذا ما صرنا لما سبقنا عليه الأولون..
|
Post: #82
Title: Re: اتحاد الطلاب السودانيين الهند- معرض جامعة بونا
Author: مهاجر
Date: 06-29-2003, 02:02 PM
Parent: #81
الزميل صاين علي ما اعتقد
كان تعرف نفسك ونبدا نقاش
الطرحو ما لبسناها لانوا تركنا الفستان كلوا
اما تاريخ الحركة الطلابية معروف لكل الناس حتي خارج الهند لانوا كل تنظيم عندوا مركزية
اذا عنك اعتراض علي المعلومات مرحب بيك
حقو تعرف نفسك عشان اقدر اناقشك واعرف تاريخك
|
|