Post: #1
Title: السطو المسلح
Author: بدرالدين شنا
Date: 01-16-2003, 05:18 AM
بسم الله الرحمن الرحيم
السطو المسلح
في زمن الإنفلات الأمني والتسلح والأخطار ربما وجدت نفسك فجأة وحيداً أمام معتدٍ أثيم يريد النيل منك وأنت على سيارتك فما دام هذا الشئ محتمل الحدوث فعليك بإتباع الآتي:
1 – إلتزم الهدوء ولا تظهر نوعاً من الذعر وربما ساعدك على ذلك أخذ نفس عميق مرة أو مرتين
2 – تعاون مع المعتدي ولا تبدي أي نوع من المقاومة
3 – إذا كنت غير متأكد من حوزته للسلاح أم لا فضع الإحتمال الأول.
4 – لا تشترك معه في أي حوارات إنصرافية ربما لا يفهمها أو يفسرها ضدك.
5 – أعطيه كل ما يريد ولا تتردد أو تقاوم ممتلكاتك الشخصية ( المحفظة أو الساعة ) وكذلك ممتلكات الشركة إذا دعت الحال.
6 – لا تقم بأي حركة مفاجئة وعليك إستئذانه إذا أردت فك حزام أمان المقعد حتى لا يتبادر إلى ذهنه أنك تريد الإمساك بالسلاح.
7 – لا تبرح سيارتك وإذا فعلت فعليك الوقوف على جنباتها وليس أمامها أو خلفها.
8 – لا تتعمد النظر في وجهه حتى لا يظن أنك ترسم صورة لوجهه في مخيلتك ووصفها لرجل الأمن
9 – عليك إطلاع الآخرين بعد الحادث مباشرة.
تذكر دائماً أنه يمكنك تعويض كل ما فقدت عدى حياتك
عاطر التحايا
بدرالدين شنا
|
Post: #2
Title: Re: السطو المسلح
Author: عشة بت فاطنة
Date: 01-16-2003, 06:58 AM
Parent: #1
بدر ابو البدع بتتكلم من جبال النوبة ومناطق عمليات
ولا سجمي وصلو الجزيرة
|
Post: #3
Title: Re: السطو المسلح
Author: Yassir7anna
Date: 01-16-2003, 07:17 AM
Parent: #1
بدرالدين الشين
انت يا اخوي لغيت موضوع الاجازة ولا شنو؟
يوم طالع لينا بسليمة بائعة اللبن البقت ما قادرة تبيع اللبن لأنو البقر ما فيه لبن ..سليمة بقت ماقادرة تبيع اللبن لأنو لبن البدرة متوفر وبي كثرة وفي متناول الجميع بكل سهولة ويسر
وتاني طالع لينا بقصة النهب المسلح وماعارف شنو...بعدين الهب المسلح في السودان ده انتهى من زماااااااااان هسع في النهب المصلح
|
Post: #4
Title: Re: السطو المسلح
Author: بدرالدين شنا
Date: 01-16-2003, 07:30 AM
Parent: #1
بسم الله الرحمن الرحيم
الأخوة عشة بت فاطنة وياسر حنا
سلام وإحترام
دايرين تسيسوا لي موضوعي ولا شنو؟ المسألة بإختصار شديد هي معلومات درسناها في كورس (السلامة) لأننا نعمل في مناطق حقول البترول في الصحراء في دولة خليجية .. وأنا قلت أفيد بيها الأخوة في أي مكان في العالم ولا أسألهم أجراً إن أجري إلإ على الله .. فوالله ما قصدت مكاناً بعينه وعندما تكلمت عن الإنفلات الأمني قصدت الإنفلات الأمني العالمي وشكراً
عاطر التحايا
بدرالدين شنا
|
Post: #5
Title: Re: السطو المسلح
Author: عشة بت فاطنة
Date: 01-16-2003, 09:02 AM
Parent: #1
دا شنو يا بدر الدين تخاف
|
Post: #6
Title: السطو المسلح
Author: mohmmed said ahmed
Date: 01-16-2003, 09:10 AM
Parent: #1
الاخ بدر الدين
سؤال برىء
انت ما شين
لماذا الصق بك هذا اللقب الرهيب
ولو داير تتأكد نعمل مسابقة وكل اعضاء البورد يرسلو صور حديثة والله اللقب حيفك منك
موافق
|
Post: #7
Title: Re: السطو المسلح
Author: AlRa7mabi
Date: 01-16-2003, 09:31 AM
Parent: #1
الخال / بدر
طالما الكلام عن (السطو ) الإنفلات الأمني ، طيب لو كنت في مستشفى سوبا مثلاً ، وسخّنت شوية مع باتع الباب اللئم ، قام مشى جاب ليك اتنين لابسين لبس مبرقع كده ، وقالوا ليك يلا معانا ، قلت ليهم معاكم وين ؟؟ قالوا ليك بتعرف هناك ؟؟ لسه سؤالي قائم طيب هناك وين ؟؟ أها في الحالة دي الواحد يتصرف كيف ؟؟
سؤالي التاني : هل كانت تواجهكم مضايقات في المسرح من ناس الأمن في العهدين مايو ، ويونيو؟
|
Post: #8
Title: Re: السطو المسلح
Author: Yassir7anna
Date: 01-16-2003, 12:17 PM
Parent: #1
|
Post: #9
Title: Re: السطو المسلح
Author: Ahlalawad
Date: 01-16-2003, 12:24 PM
Parent: #1
بدر الدين
يسمعن بنات مدني
عليك أمان الله مسواك ما يطولوهو مني
خلي الساعة والمحفظة ومابعيد مفتاح العربية
والمرا زاااتا
|
Post: #10
Title: Re: السطو المسلح
Author: بدرالدين شنا
Date: 01-18-2003, 04:50 AM
Parent: #1
بسم الله الرحمن الرحيم
آي يا عشة بخاااااااااااااااااااااف .. بس
العزيز/ محمد سعيد أحمد
إنت كان داير تعرف أنا شين ولا ما شين زح المكبّر البشوف بيهو دا
ود أختي الرحمابي
والله شوف ياود أختي البوست دا أنا عرضت فيهو 9 حالات للتصرف شوف البناسب حالتك وسويهو وأنا غيرهن ما عندي
أما سؤالك الثاني فهم بضايقونا لو نحن ضايقناهم ولك شكري وتقديري
حبيبي ياسر حنا
ويسلمك إنت كمان ويشغّل ليك عديلك ويستر غربتك .. آمين يارب العالمين
صديقي أهل العوض
هوي يازول هوي الرجالة تطير والله يلم فيك الزول البقولو ليك دا بنات مدني إلا كان يسون شاي الفراش
عاطر التحايا
بدرالدين شنا
|
Post: #11
Title: السطو المسلح
Author: mohmmed said ahmed
Date: 01-18-2003, 02:14 PM
Parent: #1
والله حيرتنى بالدفاع عن شناتك المزعومة
بعدين النظارات الجايبا لى الكلام دى ختاها بكرى اخوك نظرو تمام وتفتيحا لانو مولود فى مستشفى العيون
اها انا مصر انت ما شين
يعنى انت لو شين صلاح فرج الله يكون شنو
بالمناسبة قبل ما واحد ينط لى صلاح دا صحبى وفردة
|
Post: #12
Title: Re: السطو المسلح
Author: فنجري
Date: 01-18-2003, 05:56 PM
Parent: #11
ازيدك شوية عن النهب المسلح الحديث ....كفاية ان تقود عربية في شوارع الخرطوم المتهالكة لتعرف الكثير عن النهب المسلح او السطو المسلح او الهمبتة الحديثة سموها زي ما تسموها.....لتجد في كل شبر رجال المرور واقفين بي عربية و معاهم موتر ....والغريبة شايلين ايصالات للمخالفة وعمري ما شفتهم بيستعملوها ....يتم توقيفك لوبي عربية خاصةاو بي حافلة بي رقشة بي كرعينك ح تدفع يعني ح تدفع وتبتدي المزايدة او المناقصة ...يطلعو ليك مخالفات الدنيا كلها لو كنت سايق عربية موديل 2010 ...ويتم ملصك المعلوم و باشارة متعارف عليها او غمزة صغيرة للضابط تهرب بجيبك حتي يصطادك كمين اخر ...
اضحكني صاحب رقشة ...قال مرة اوقفوه و لم يجدوه مخالفا فقالو ليه ليه لابس شبط ....مفروض تلبس جزمة ...يا سيد انا ما بستعمل رجولي في قيادة الرقشة ....قالو ليه انشاء الله بتقودها بخشمك ....برضو مفروض ما تلبس شبط ...
نوع اخر من السطو المسلح في الخرطوم ..تدخل الجمارك تدفع ولا علي كيفك لو شايل ليك مساويك .....و يتم الدفع حسب المزاج او الواسطة
وممكن تدفع لو ما شايل اي شي ....ما هو سطو و بالقانون
تدخل المغتربين و هاك يا مليص يمرقنك كرعينك .....برضو ده سطو مقنن ....
واقول ليك حاجة حيرتني وتحيرك ....جنبنا عملو روضة صغيرة علي قدر الحلة ..بيتلمو فيها عصافير الحلة و بيدفعو شي رمزي لانو الغالبية من ذوي الدخل الماموجود ....المهم الاستاذة فاجاتني بان ناس المحلية بيجو اول كل شهر ويحسبو بالراس ....بياخدو نص راس عن كل تلميذ ...و يا استاذة عندك روسين زايدة ما دفعتي ...
لكن يا جماعة ديل صغار انا عاوزاهم يتعودو علي الروضة عشان كده اهلم بيدفعو شي رمزي وهم اصلهم بيكبو الزوغة من ساعة الفطور ...
انا ما بعرف يا نص راس يا ترسليهم اهلم هسع ده ....
عاوز ليك سطو اكتر من كده يا بدر الدين .....وورينا نعمل شنو لسطو زي او لمن سطا علي بلد بحالها ....نزوغ منو كيف....مجرد تساول
عماد بلول
|
Post: #13
Title: Re: السطو المسلح
Author: بدرالدين شنا
Date: 01-19-2003, 04:52 AM
Parent: #1
بسم الله الرحمن الرحيم
يا محمد سعيد يا تفتيحا
سلام وإحترام
وأنا مصر إني شين وكمان شنا مسلّحة
الغالي/ فنجري
بالمناسبة إسمك الحقيقي عجبني كتير وحسيت كأني بعرفو
لكن يا عماد قصة بتاع الرقشة دي مباااااااااالغة عديل كدا وذكرتني أيام الأصدقاء وفرقة الأصدقاء كان عملنا إسكتش فكرتو بإختصار بص واقف في نقطة التفتيش والراجل بيفتش في عفش الركاب فوجد بحوزة أحدهم إلبوم صور وبدأ يقلبه ويسأل دا منو؟ ودي مني القاعدة في البنبر دي وبتقطع في شنو؟ فعندما عرف أن هذه الصور كانت للرحلة قديمة طالب المسافر بإبراز تصريح الرحلة
عاطر التحايا
بدرالدين شنا
|
|