Post: #1
Title: مفارقات .. اصاله نصري في السودان
Author: Bakhaf
Date: 01-15-2003, 12:10 PM
احبتي البورداب
ستقوم الفانه صاله نصري بزيارة السودان لاحياء حفله عامه في كمبيوترمان الاسبوع المقبل بالسودان ؟؟؟
طيـــــب ومالوا؟
لقد تم بيع عدد 3000 تزكرة حتي الان بسعر 150 الف جنيه سوداني
ودي فقط للناس المقربين ؟ يعني شنو؟
يعني لسه كمان في تزاكر بتاعت الجمهور الما معروف عددها كم؟
اها وبعدين؟
الغريب في الامر ان من احضر اصاله نصري لم يحضرها لاحياء حفل عام ؟
او تدرون لماذا؟
لاحياء حفل زواج ابنته والذي سيكون بالنادي السوري الخرطوم وبالمناسبه جاري الان العمل بالنادي السوري من ترميمات وخلافه ليناسب هذه المناسبه؟
عجــــــــــبي
|
Post: #2
Title: Re: مفارقات .. اصاله نصري في السودان
Author: azza
Date: 01-15-2003, 12:23 PM
Parent: #1
دي ما بت المدير يا بخاف
شنو اللخبتة كمبيوترمان دي ما ناقصة
و الله منها المتعلمين و فيها الماعندو حق الرقشة
اما عندما يكون الحديث عن دكتور ابوبكر و زواج ابنته
ف الامر دخل في حيز الشخصية
و لكن احييك
هيا اكشف المزيد و المزيد عما يحدث في بلادنا حقا انها ماساة
ربما لايكون العجب في من احضر الفنانة دا ما جابا عديييييل بالباب كعبين ناس الفلوس الفي البنوك و الله دي حارقاني حرقة
و لكن في من ذهبوا لحضور الحفل
|
Post: #3
Title: Re: مفارقات .. اصاله نصري في السودان
Author: Shinteer
Date: 01-15-2003, 12:30 PM
Parent: #1
يا بخاف ... أصالة نصر دي من وين دي؟
ناس كمبيوترمان ديل كانوا هاريننا هري باسامة المغربي .. يجيبوه خمسة مرات في اليوم .. المرة دي ما لقوه وللا شنو؟
لكن اذا كان الشغل ده لزواج بت شيخ الحلة .. نسكت بس. هات المزيد زي ما قالت عزة
|
Post: #4
Title: Re: مفارقات .. اصاله نصري في السودان
Author: ود العجمى
Date: 01-15-2003, 12:36 PM
Parent: #1
قالوا فى واحدة شايقى مجنون بصديق أحمد وكان عندو شريط عاجبو جدا فى واحد صاحبو قال ليه أدينى شريط صديق بتاعك دا وأديك شريط أصالة نصرى .. رد عليه بلكنة شايقيييى
والله ان جبتها لى تفرفر ما نى مديت شريطى دا
وهسى عليكم الله الناس ديل بالجد جابوها لينا تفرفر ؟؟ يعنى ما فى سى دى
يا سي دى الحسن تلحقنا
________
خلوها مستورة
|
|