كان الزمن بني ومجرح بالتفاصيل المراهقة ... أين أمين صديق؟؟؟

للشعر بوح استثنائي شفيف يرتب اللوعة ويرتق خِرق الشجن والبعاد ، أمين صديق مسرحي وشاعر تنبض كلماته ألقاً خارقاً وإلفة حميمة

الشجر قربني مِنك ألف عام
الشجر عرفني بِيك
الشجر علمني أحتملك
وأبوح للوردة بالعطر الحرام
كان الزمن بني
ومجرح بالتفاصيل المراهقة

من قصائده الجميلة بالافتتاحية (يا قلم الجّن داخر حبرك لي شن؟)

وينقل عنه الصديق سمير شيخ إدريس (البنات شجرنْ دموعنْ إن نفر الحبيب دلنْ فروعنْ)

ترى أين هذا الأنبوسي العاشق الآن من دائرة هذا الشتات القلقة ؟؟؟؟؟

هل من مجيب؟؟؟؟

دمتم
نادر

شكرا يا نادر أن أعدت لنا ذكرى جميلة مع أمين صديق الشاعر المتمرد
والمرهق بالتفاصيل
رأيته آخر مرة بالقاهرة قبل عامين
أمين ..صديقي الصغير _ كان آخر عهدي به إنه يعمل بالإذاعة ...كان
هذا حتى وقت قريب
هل تفضلت بإكمال هذا النص إن كنت تحفظه؟...
وبالمرة كمان لو كان لديك نص لعثمان بشرى

نادر
فيصل.

لكم الود

والله ما عارف اقول شنو ؟؟

لكن ؟؟؟

النص(يا قلم الجن

هو نص للشاعر امين محمد صديق كم تفضلتم

وهو بعنوان "الحب ورائحة الفلنكة

ولو قلت ليكم ان مصطفى سيد احمد قد غنى هذا النص فحتما ستقولون

اننى احشر الراحل مصطفى سيد احمد فى اى نص اواى مكان

او اننى ان كتب الاستاذ بكرى ابوبكر تعليق فساقول ان مصطفى قد غناه ...

ولكن اعدكم بالاغنيات كاملة فى القريب العاجل باذن الله بصوت مصطفى

واليك النص الكامل ايها الحبيب فيصل


الحب ورائحـة الفلنكة
امين محمد صديق
************




اكتب يا قلم الجن
داخر حبرك لى شن
ما دام الفرح الزايف
زى صفق الشجر اتحت
اتمد الحزن الصايف
فى الليل الطول وشت
باقى العم الخايف
فتش عن قلب يحن
عن سكة توثل نبضك
فى الليل الجنو يجن
لى اكتر لحظات عمرك
حنية.. وفرحة.. وامن
بتفكر ليه .. بتفكر
من غير تفكير انجدد
من خوفك وابقى صريح
شايقك النخلة المدت
قامة ديوانا البهتنا
ابوابة من التجديد
لا خوفك اكبر منك
لا النبض الفيك جريح
لكنك عايز تبكى
من خوفك لما اتجدد
جواك واتسلم رايتك
وداك لى حلم بعيد
داير .. وما داير تبكى
قادر وما قادر تضحك
واقف بين الدهشة ولهفك
فى صمتك صوت بتخفى
وفى صوتك شبه عنيد
يا قلبى الجن بداوى
لو ضاع ما بيرجع تانى
خايك مستنى لوحدك
وحدك خايف من وحدك
ومداين الحب راجيانى

حبيبنا فيصل لبى كعادته دائماً المتوثب شيبا رغباتنا لكنك لاتزال ممسكاً عنا رحيقك ،،، فقط أعلم أننا سنصبر عليك رغم مرارة الصبر وطناشك الواضح

أما بخصوص الرائع عثمان بشرى فللأسف ليس بين يدي الآن شيء له لكن في حمى بحثي عن روائع هؤلاء الجوعى حتماً سأصل وحينها لن أبخل عليك وسأنتمى ساعتها لإعجابي بمقالاتك الصحفية وأنسى مؤقتاً طناش روائعك الأدبية



سؤال يا شيبا يا خطير من وين ليك كل هذا الكم الهائل من إرث آخر مصطفى ؟؟؟؟؟؟ يا خي هنيئاً لك وتسلم وحقيقي طالما في ناس زييك الواحد بيطمئن إنو الحاجات دي ما حتندثر


ماذا لو قمت بعمل ملحق صغير في البورد يحوي بعض أعمال أمين صديق ومنها تكون دعوة ليهو عشان يشارك في البورد

تحياتي لكما ودمتم
نادر

الاخ العزيز نادر
سلامات
اليوم نلتقي لثاني مرة، وها قد اصبح بيننا صديق مشترك الا وهو الاخ امين صديق وطبعا امين عطبراوي صميم وزميل دراسة من ايام الثانوي، ولكن توطدت علاقتنا بالخرطوم مش غريبةظ المهم ياعزيزي هذا الرائع كان يجمعنا منزل واحد ببري ايام جامعة القاهرة فرع الخرطوم وهو بيت الاخ العزيز ابو جودة والذي جمعنا به وكنا وقتها برابطة عطبرة زاذكر جيدا كيف كان الرائع امين صديق يعطر ليالينا بالغناء الشفيف من الحانه وهو على فكرة عازف ماهر على العود وكذلك ملحن بارع وكان حتى وقت قريب يعطي جهده لفرقة الوان الطيف للاطفال بالتلفزيون ويلحن لهم0 المهم يا عزيزي كانت ايام جميلة وما زلت اكر قلقنا اليومي علىامين عندما تحين مواعيد حظر التجول وامين غائب ولا اثر له وكان اخونا ابو جودة كالاب الذي يخاف على اولاده يخرج ويدخل ويمشي آخر اشارع ولا يهدى له بال الا بعد ان يظهر امين صديق في الظلام متأبطا شنطته وهو يدندن بلحن ويكون الوقت قد تجاوز مواعيد الحظر بحوالي ساعة وحاجة ، ويتسآل ابوجودة وين يا شقي، ويجيب امين بكل بساطة والله جاي من النادي النوبي كداري وما لقيت مواصلات وكالعادة مفلس، هذا الموقف يتكرر باستمرار 0 كانت ايام ولا اجمل، وامين انسان جميل وموهوب حد الموهبة، ، وكويس انه الاخ شيبة لقى نص الحب ورائحة الفلنكة والتي اذكر ان الاخ امين ارسلها لي عندما كنت بجدة في خطاب ويعاتبني على طول الغياب والركون للغربة التي كان يكرهها جدا0 عدت قبل حوالي الثلاثة اشهر الىالسودان وبحثت عن امين طويلا ولم اجد احد يدلني وتشتت الرفاق ولم يبقى احد صامد سوى الاخ جودة اطال الله عمره وعافيته، فما زال سامقا كالعهد به0 وها انت تعيدني الى امين صديق وذكرى ايام حميمة وجميلة0
شكرا لك
والتحية لامين صديق اين ما حل 0

الحبيب /العطبراوي

هنالك أناس لا تمحوهم ذاكرة الأيام أبدا يظلون يلونون لنا الأيام أينما حللنا ، ليس لي معرفة شخصية وطيدة بالأخ/ أمين صديق بل معرفة عادية من خلال صديق مشترك وهو الشاعر الأديب الفيلسوف المغمور/ سمير شيخ إدريس ، وهو صديق وزميل دراسة بجامعة الخرطوم كلية الآداب ، وكان أمين صديق يأتينا أحياناً في البركس فيعطر ليالينا بالشعر ، ولم أكن أدري ساعتها بأننا سنفقد طعم تلك الأيام لهذا الحد وإلا لكنت وثقت له بعض من قصائده الجميلة ، والقصيدة التي ذكرتها في بداية البوست بالمناسبة تغنيهافرقة ساورا الشجر قربني منك ألف عام

وهذه دعوة لشيبا أن يأتينا بأخبار وجديد أمين صديق وعثمان بشرى

ودمت مع أصدق ودي وتحياتي
نادر

امونة مابين طارق ابوعبيدة و امين الصديق

يا نادر يا نار بتحيى الوهج الحى البنى وبينك
لقد عرفتنا بى قلم حقا جميل ورائع لك الشكر

تسلم حبيبنا حمزة الرائع جداً

ودمت نادر

خدر ياخي تسلم وربنا يخليك لينا



دمت
نادر