وينو تمساح يا ناس ام درمان؟!!!!!ا

مقدمة
عندما ياتى زائر غريب الى السودان لاول مرة ويتجول ليلا فىشوارع الخرطوم المقفرة يسمع هدير غامض ينبعث من مكان ما فى ام درمان يشعر بالرعب لاول وهلة ويهرب ليحتمىبغرفته فى الفندق وينام وفى ظهيرة اليوم التالى تنبعث موسيقى فرقة الرولنج ستون المتميزة لبرنامج عالم الرياضةمن راديو ام درمان ويعرف الزائر ان ما حدث ليلا كان مباراة بين عملاقى الكرة السودانية الهلال والمريخ وذلك يفسر خلو الشوارع من المارة..هذه هى كرة القدم،اللعبة الساحرة التى تجمع بين المهارة والذكاء والروح الطيبة..معارك بلا ضحايا ونصر بلا استبداد وهزيمة بلا عار..استطاعت كرة القدم السودانية عبر مشوارها الطويل ان تنال احترام كل السودانيين على اختلاف مشاربهم واعراقهم وفئاتهم واعمارهم وقسمت الشعب الى حزبين فقط ..الهلال والمريخ نسبةلان الاداء الجيد فى هذه اللعبةيقيم مباشرة من الجمهور فلا مجال للمحسوبية وللعاطلين عن المواهب فيها..يظل اللاعب السودانى الطموح سواء ان كان فى فرق الدرجات المحلية فى الخرطوم او فى فرق الاقاليم واصقاع السودان النائيةيحدوه الامل للعب فى الهلال او المريخ وذلك وفقا لمقدراته وموهبته والطريق امامه مفتوح عبر الدورى المحلى او دورى السودان ولاتثريب ان يكون اسم المهاجم فى الهلال او المريخ جيمس او عثمان وان يكون المدافع فاروق او رتشارد،لذلك ازدهرت الرياضة وكرة القدم فى السودان عبر السنين..غابت اسماء وجاءت اسماءفى مسيرة العطاء المتجدد..ماجد ومنزول..سانتو و قاقارين..النقر وسامى ..طارق والدحيش ولازالت هناك اسماء على الدرب المضىء..احترم الشعب السودانى الذكى الرياضة والرياضيين وحملهم فى حدقات العيون واتخذ الرياضة متنفس لقيمه النبيلة الموروثة
**********
هو ذلك المواطن السودانى الفريد...بدأ حياته الرياضية كمشجع للمريخ..يحمل علم المريخ فى كل مشاويره الافريقية والمحلية..ثم انتقل الى الهلال فى مشوراه الافريقى ابان فرقته الذهبية بقيادة طارق احمد ادم...ثم توشح بعلم السودان مع صقور الجديان ..هاجر مع عصافير الخريف والتى لا تعرف لها خارطة ولا فى ايدا جواز سفر عندما خيم الابتزال على كل شىء و تدهورت الكورة فى السودان..وتمساح رجل مخضرم وذواق فى عالم كرة القدم..شاهدناه اخر مرة فى كاس العالم

مع الامارات متوشحا علمها..هؤلاء هم الاميين وحياتهم البسيطة..تمساح الانسان من اعظم المعالم الرياضية فى ام درمان ...نحن قلنا نوثق سيرته وبدايته كمريخابى عشان ما يجو ناس الهلال ويزورو التاريخ ذى ناس حزب الامة والحركة الشعبية ويقولو كان هلالابى؟
***********
انت يا الابيض ضميرك
صافى ذى قلب الرضيع
فى كلامك وفى ابتسامك
احلى من زهر الربيع