الإستئناف

سيدى الملا عمر

حكمتم علينا بكتابة ستة بوستات فى خلال أسبوعين بمعدل ثلاثة بوستات للأسبوع الواحد ، وقد قضينا بحمد الله نصف (العقوبة) وحيث أن موكلى تجاوب مع قرار محكمتكم المحترمة وباشر فى وضع البوستات المحكوم بها عليها دون تردد أو ضجر ، وحيث أنه آثر أن تكتب عناوين البوستات بإسمكم مباشرة بادئاً بالتسلسل الرقمى كالبوست الأول والثانى الخ ، وحيث أنه التزم المدة المحددة فكتب البوست الأول فى يوم السبت والثانى فى الإثنين والأخير فى الأربعاء

لذا نلتمس من مقامكم الكريم إصدار قراركم بالعفو وإسقاط العقوبة المتبقية على وعد من موكلى الذى دخل فى الفورما أن يعطر ثنايا المنبر ببعض ما تجود به الليالى دون قيد أو شرط

نرجو أن يجد إستئنافنا هذا رضى ومباركة الجميع

يازول يازول

اعترض

واطلب شهادة العمدة

أكيد عايز بلصة

اذا دخل الناس ستزيد العقوبة

احسن ليك تنفذ وانت ساكت

نرجوا من المحكمة الموقرة عدم الالتفات لتخرصات هذا المتهم وتمديد فترة حكمه الي أجل غير مسمي والتحفظ عليه في بوست حكومي حتي يبت في أمره أو اعدامه اذا لزم الامر.

شوف الحاقدين يا قرجو ظهروا

جبت لينا الكلام والفضائح

داخل على زى شانتير كدة

استئنافك ده لو ما زاد ليك العقوبة
انا احلق باقي شنبي ده

يا قرجة

ألم تسمع بحكاية رئيسنا الذى قبقب الرئيس اليوغندى فى أحد ممرات الفندق الذى أقيمت فيه إحدى المحادثات مما أربك رجال الأمن السودانيين واليوغنديين حتى تم فك الإشتباك بسلام

نحن نطبقها ديمقراطية صرفة هنا
فلماذا تريد أنت وهذا الآخر سنتمنتال وأساسى تحويلى لأكون ديكتاتورا لا يتعامل معكم الا بتلكم القبقبة التى تأتى أكلها فى مثل حالاتكم المريضة

looooooooooooooooooooooooooool

يعني لازم تجيب سيرة البحر

عارفك روحك محرقاك لشكلة

قضيتك خاسرة ويلزمك تنفيذ حكم الملا

وانتظار حكم الاغلبية الذي لم يصدر بعد

وعليك التنفيذ تباعا

والقبقبة دي الا تشوف ليك هندي تقبقبو

لا يا قرجة القبقبة ستتم فى المخبز السودانى ببنى مالك حيث يوجد مقر وزارة الدفاع القريب من القصر الجمهورى وستودع بعدها سجن الكرنتينة لتطبيق منهج النفى من الأرض

أما هذا الآخر المدعو
something
سنتمنتال

على وزن
something
الكد

لخالد الكد

فهو خارج عن القانون ويبحث عنه أمن الرئيس شخصيا فى كل بقاع السودان

وسنضرب عليه بيد من حديد
حتى لا تسول له نفسه الخروج عن القانون ويكون عبرة لمن لا يعتبر

ألا هل بلغت اللهم فأشهد

القاعدة القانونية تقول أنه يجب ألا يضار أحد باستئنافه

وهذا يعني أن الأستئناف لا يمكن أن يؤدي لزيادة العقوبة اللهم إلا في محاكم النظام العام أو الطوارئ أيام سئ الذكر المكاشفي طه الكباشي

ولكم جميعا كل الود والتحية

دالي

عزيزى قرجة:

انت بس دخلو لي الغابة وخلي الباقي علي. حرم جنس قبقبة لما يقتنع بسينتمنتال.

أية غابة يا هذا؟؟؟؟

ألا تدرى أن بالغابة أسوداً وسباع

ألا تدرى أن للغابة قوانينها ورجالها؟؟؟

ألم تدرك مدى خطورة الخروج عن القانون وأن تبيع قضيتك وتصبح عميلا ومرتزقة وتجوع وتعرى وتقتل فجأة دون كفن أو قبر يأويك؟؟؟؟

لماذا تزرع أرضنا بالألغام بدلا من أن تبدلها زهورا يانعة وقطوف؟؟؟؟

لماذا كل هذا الحقد الأسود؟؟؟؟؟

يعني يا سنتمنتال

على هامش قضية يازول

اخوانا في الجنوب كلما زعلو دخلو الغابة

واتجدعو فيها

ناس باقي البلد علا يمرقو يخلوها

نرجع لقضيتنا

انت يازول

البونية في السقط ده يدوك ليها بالليل تقول يا اخوانا ودوني الضل

طيب مين طفى النور؟؟؟؟؟

looooooooooooooooooooooooool

والله يا قرجة عندك جنس محن تحير

يا زول . انت ما داير تخش الغابة مالك هارش ولا كيف. بعدين كلام طفي النور وولعو ده خليوه عشان اعصابنا ضعيفة شوية.

سنتمنتال

حكايتك دي زي حكاية طالعني السهلة بتاعتنا زمان

فاحسن حاجة تطالعو ميدان الملك عبدالعزيز في جدة

وسنكون حضورا لزوم المديدة حرقتني وكدة

وسنحضر سيارة اسعاف مجهزة

قرجة
ميدان الملك واسع والجرى فيه هين وبعيدن الجودية بتخش. قلت ليك بس اليخش الغابة... يا زول كدى طالعنيـــــــــــــــــــــــــــــــــــ الغابة.

ولا نامت اعين الجبناء

هوى يا وليد

لما تبقى من الرجال البطالعهوهم

لأنك من الرجال العصافير

آل عصافير آل

looooooooooooooooooool

يا تتشاكلو لينا كويس

يا تخلونا نشوف شغلتنا

نص يومنا راح

وما شفنا خدشة ساكت

وانا خايفك يا سنتمنتال بعدين تقول بنادي ليك القدرك

انا اصلو قدرك والا لحم سدرك

ناس يازول ديل كانو بيقضو يومم خنق

والرمة والحراس كانو بيلعبوها بقماش الخيمة

وحرينا بدل رجل واحدة كانو بيرفعو ليهاالاتنين

والبينق بونق بكورة الباسكت

وام الصلص بيلعبوها بالبراميل

والبلي بالجلل

ماحضرو البلي الالموظ

والبلاي استيشن

انصحك اختاهو

والله بالغت ورقدتنى واطه عديـــــــــــــــــــــــــل كده

قرجة العجوز وى وى

انا عجوز

اصلو ايامكم دي حكى لي بيها جدي

الف رحمه عليه

يا قرجة قالو ناس يازول ديل
ما دقتم الا المطره
لووووووووووول
و يازول بطل الجرسة و نفذ حكمك
و الحبس للجدعان
يا سنتمنتال
اي دعم خارجي نحن قواتنا علي اتم الاستعداد

حتى أنت يا بروتس؟؟؟؟


loooooooooooooooooooooooooooooool

ًًًََيا ريسنا ويا حارسنا دى عواره عديل

بس قاعد مصاقر لي البورد النهار كلو

looooooooooooooool@
يا زول
قرجة
sentimental


لكن بتبالغوا


لقيتكم شكااااااااااااااليييييييييييين


هههههههههههه

نهى . انا عارف انو هسه مرق اتغدي وبرجع الساعة اربعة ونص لكن اول ما يجي ليك علي اشاكل ليك شكلة لرب السماء. هو زايغ من الشكلة لكن انا بعمل ليه كمين فى الغابة بتاعتى.


ابوقرجه العجوز وى وى ولالي ليلي والله دى بالغت فيها عديل كده . اتخيلتك جارى فى الشارع باللباس وبتكورك....بكلم ليك خطيبتي.

سنتمنتال

انا ما قبلت عليك

احسن ليك اقعد ساكت

قال اكلم ليك خطيبتي قال

يا زول يا زول كيفك يا فرده ... قرجه ده يذكرنى بى ود دوله ههههههه من كلامه لك التحيه ياقرجه

قرجة:
دى كانت غلطة كيبوردية غايتو اكلا فى اللباد.انا قاصد يا زول لما كان صغير جارى باللباس مقدد شوارع ودنوباو كلها وبكورك وى وى ابوقرجة العجوز. لكن انت ما عجوز مش؟!
.
بالمناسبة فول بني مالك ده بعمل ليك ارتكاريا فى المعدة.

صاحبك من امبارح الضهر تاني ما شفناهو

الناس الكبار ديل قومتم الصباح صعبة

حليلنا في السودان الواحد كان يقوم يتمغى تمام

في شقق البلد دي الا تمرق الشارع تتمغى وترجع

قرجة
اصبحنا بالله القطيعة مع الصباح شنو.

ااااى صاحبك انا امس مشيت ليه في البيت المساء كده. قال اتفضل اتفضل يا سينتمنتال الاهل كيف فلان كيف وانت اخبارك والله مشتاقين ويا حميدة جيبي الشاى . انا كنت هارش لكن قلت والله شكلو ما متزكر. حرم خشيت ليك كده الصالون طوالى نادى اولاد عمو اتنين كده من العتاولة لموا فيني قبقبة شديدة لما قلته انا خشيت بيت ناس تانين ولا شنو. المهم شيل خت شيل خت الجودية خشت مرقت يالله يالله . والله قبقاب جنس قبقبة!! لكن بختها ليو بس انت جروا لي علي الغابة.

عامل عربيتو الصفراء دى...

الزول القبقاب. طبعا خجلان علي فعلتك دى وما قادر ترد.. لكن اصبر...

سنتمنتال

دعاية حزب الامة دي

دفعتو فيها حاجة لبكري

والا ملحتو الراجل

وبعدين شان الواحد يقرا ردودك يفضل بالماوس ماشي وجايي

اتضاير شوية

متشبح كدة

الزول القبقاب: سرقت الباسورد بتاعتى ورسلته بيها والان سرقت شعارى بتاع حزب الامة.

طيب يا جماعة طبعا كلكم عرفتوا المؤامرة السيئة التي قام ويقوم وسيقوم بها صديقي اللدود يا زول ضد مكتسباتى البوردية. فقد قام بحزف كل رسائلى وتوقيعى الشهير ومن ثم وضع رسائله الخاصة به التي تظهر خضوعى وامتثالى لاوامره الديك تاتورية .

نحن من هنا نهيب بكل قطاعات الشعب البوردى للوقوف يدا واحدة فى وجه الجبروت والظلم والاقطاعية والرد بيد من حديد على كل من تسؤل له نفسه الاخذ من مكتسباتنا واغتنام فرصة ذهابه للغداء لارسال شجبهم وإداندهم للهجوم الغاشم على سينتمنتال الطيب الذى لا يؤذى احدا الذى تعرض للظلم والارهاب (فى صمة خشمو) وهو الان يرقد طريح الاندهاش والفزع بعد أن اتصل به يا زول يا زول مرارا وتكرارا مهددا ومتوعدا بمذيد من القهر والارهاب وحجر الفكر

المستنير.
أن ما يقوم به ناظر البورد لهو اعتداء صارخ على الديمقراطية التي تأسس عليها ومن اجلها البورد. اعتداء صارخ على مؤسس البورد نفسه وتهميش لدوره المتقدم فى الاداره والمحافظة على سلامة الاعضاء حتى يعودوا الى اهلهم سالمين غانمين بما اتاهم الله من فضله وما اغتنموه من فرص اللقاء والمفاهمة عبر العالم.
ايها البورداب الاعزاء. لنقف صفا واحدا ونتحد ضد النميرى الجديد (كلهم دناقلة) وان لا ندع التاريخ يعيد نفسه والا هوينا الى مزابله العديدة.


لووول لووول يا زول يازول
يسقط يسقط حكم الزول

All against agression

تضربو الكسرة المسكرة بتاعت بني مالك

وتجو تتشاكلو لينا زي الكدايس

ياخوى انت فى الكسرة ولا فى الملاعمر الرفض يرد على الإستئناف مثل حال الإستئنافات فى المحاكم السودانية والقضية الواحدة تجر الى سنوات وسنوات

يا ملا عمر عووووووووووك

ومازال الملا عمر مختفيا لا يرد على استئنافاتنا

الشى شنو؟؟؟؟؟؟

بسم الله الرحمن الرحيم

الزعيم المبجل والحبر المسجل يا زول يا زول. إن الهرش الشديد يسخن العصيد ولا بد من الرقة وتقليل النقة لان الورى هلكوا أنهم اذا كانوا انفركوا (اتغاظوا) أعتركوا. سيد المطاع صاحب الهرشة والسيف القطاع الرحمة الرحمة

الملاء عمر وينو
اكلو الدودو

والله شكلها قضية خسرانة احسن ليك بس تطلب اللجوء السياسى

خلاس تانى نكتو للمشاكل عشان ناس قرجة يجوا شايلين هرواتم وعكاكيزم


ادور ليك قرجة?

قرجة العجوز قوز العجوز وىى وىىى

يازول يازول وسنتمنتال

الواحد الفكرة بتاعت انو نعمل منتخبات ونتنافس

جاتني من البوست دة

اللي لغاية هسع الزول المعنون ليهو البوست وهو الملا عمر

لم يشرفه بكلمة ضافية

وعلى قول بت قضيم انتو ضافية دي معناها شنو

المهم خلونا من ضافية ونجي للمهم

نحن شكلتكم دي جهزنا ليها الميدان يوم الجمعة

اها بتجو والا بتجرو واطي زي الجمعة الفاتت؟؟؟؟

بنجى لكن الملا عمر وين؟؟؟؟؟

فنجــــــــــــــــــــــــــــــاطــ

والله الملا عمر تانى الا يجيبو الجيش

قرجة

جايين جايين لحماية الدين. لكن بعدين ما تبطبطوا . والله حيكون فى جنس كبع ولبع وما دايرين حكم زاتو

لوووووووووووول على الدافــــــــــــــــــــــــــــــــــــــــــــــورى يا حمورى

من هسع كلم خطيبتك البحراوية

وقول ليها الجمعة ما فينا

بصراحة يا قرجة لو قالت لى مافى كورة بقول ليها مافى مافى . أنا بقدر يا قرجة احىىىىىىىىىىى من بحرى. بالمناسبة بتعرف ناس الـ محمد الصادق فى بحرى الشعبية

ياخوى انت فى محمد الصادق ولا فى الملا عمر

غتس وين الجنا ده؟؟؟؟؟؟

مش سؤالي ده سحبتو

والله تانى الا تجيبو بالشرطة العسكرية

الأخ العزيز يا زول يا زول
لقد حبسني حابس طوال الفترة الماضية ولم ألتفت لهذا الموضوع الخطير والذي لا يجب أن أفتي فيه أو أصدر حكماً قبل الدراسة المتأنية لدفاعاتكم.
وسوف أرد عليكم بإذن الله تعالى خلال أربعة وعشرون ساعة من تاريخ بوستكم هذا في مقامكم هذا وفي حالة عدم الرد يكون إستئنافكم مقبول ويصدر الحكم لصالحكم ووقتها سنتمينتال حا يكون أكل نيم

بعد جهد جهيد وسك ولك وحك وانبراش ، بعد لكلكة وفذلكة ومحركة وانكراش ، بعد لول وزول وجرسة ...هبجى ولبجى وطراش... بعد عكننة ومكننة ودكننة وغباش ظهر سيدى حبر الاحبار وقائد الغر الاخيار ما بين الجنة والنار ...ظهر كالسحار من بين الغبار علا وعلا وعلا ثم طار في وضح النهار . بعد ان جرجر يا زول يا زول بين المحاكم والكلام العاتم وجعله يشاتم يشاتم ويسب ويلاكم ردحا من الزمان . بعد ان جرعه مر العلاقم جاء من تورا بورا يحمل شابورة ويقلب فى صورة ، قال: كنت مشغولا اصلح فى ماسورة . كيف تصلح ماسورة وريسك ملطوع كل هذا الوقت مقطوع ميت من الجوع ينفذ فى الاحكام دون ادنى اتهام?
ايها الملا الكريم يا صاحب التكريم والنون الصاد والجيم، الحقنا وانجدنا افزعنا يا فزاعة مختوتة فى قاعة بها يا زول يا زول يؤدى سلام وطاعة واعا واعا واعا اعا اعا عا عا عا

الملا الكريم يلحقنا وينجدنا وينقذ يا زول يا زول من المؤبد...الليلة هوىىىىىى يا عشاىى ...انجفففف جنفففف سنييف سنييف سنيف

معليش
لانن انقطعت هنا بدون استئذان
الحاجب الفي الباب بترشي
..
سنتمنتال انتا مالك ومال النمل وبعدين انتا صقرك دا ما شفناهو عند اساسي في زول احتج عليهو..



بس خلاص انا ماشي

استمتعت بالمرافعات اعلاه

والله السكر معاكم لذيذ يا شباب

دكين.
النمل شنو مع الصباح. الله يكفينا شر النمل والنمالين

يا زول يا زول .
الملا عمر تانى طفش وىىىىىى

ما رديت على سؤالي


يا سنتمنتي

اى سؤال يا قروجى!! سييييييييييييييييييب الشمار