رايكم شنو؟ المرجو من الجميع المشاركة

ان نعمل على التحضير للاحتفال بالعام الرابع للمنتدى من الان بالسودان اعنى ينائر 2004
و اللقاء الاول لاعضاء المنتدى داخل الوطن و يكون شكل الاحتفال فى شكل مهرجان او اسبوع فى قاعة الصداقة او اى مكان على حسب امكانياتنا و عدد المشاركين فى الحضور ...غايتو دى فكرة خطرت ببالى و لو فى زول عجبه يكمل معاى الباقى
و فكرتى فى نقاط
1-لقاء الاعضاء من جميع انحاء العالم
2-يوم للشعر من شعراء المنتدى
3-يوم للغناء من فنانى البورد
.... وهكذا
اقامة موتمر سياسى
اقامة يوم للفنانين الناشئن على غرار مهرجان الثقافة فى 70
ان يشارك كل من الاعضاء بمبلغ 20-50 دولار لتغطية تكاليف المهرجان
و اتخيل لى انو الفترة كافية بحيث يمكن الى كل الاعضاء توقيت اجازته مع ايام المهرجان
اها يا شباب و احد يكمل

اذا حدث تغيير سياسى فسوف اكون من اوائل المشاركين فى هذا المشروع الحلم

اعتقد هذا ترسيخ لفكرة الهجرة العكسية للوطن واعتقد هذا حلم الكثيرين ولكن حتى لا ينقطع ذلك التواصل فى مناخ ديمقراطى يمكن ان تجنى الناس سماروا وعلى كل محاولة الان لاباس بها ويمكن ان يتم احتفالات مؤقتا فى المنافى على ان يشارك فيها المبدعين نت شعراء ومسرحين ومغنين على كل بكثير من النقاش يمكن ان نصل لرؤية مشتركة وادعم الفكرة من حيث المبدأ

ممكن تحسبونى معاكم ؟؟؟
انا وفرقتى
مع الماشيين

يللا اكتب عندك يا بكرى

اكتبني في اللستة

مااااشي ماشي...

نشارك وندفع يا عمدتنا مـوافق + موافق + موافق = نصرا لى هذا البورد

والله دي فكره حلوه جدا ياريت لو قدرنا ننفذها

ورغم بعدي برسل سلامي
سلااااااااااااااااام كتير
يا بكري يا امير
اها نصر زي نصار
الا ناس بش بش ديل
يعملوا الباي باي
لكن مستعد لاي
التزامات تانيه
وربنا يوفق ويساعد
ونشوف قريب سودانا
سودان البساط
في ازدهار ومنبرنا فوق فوق
وسلاااااااااااااااام شديد

سلامي
انشاء الله يا رب .... قولو آمييييييييييييييييييين

ولقدام .... مشو ما مشو انشاء الله نحتفل في السودان

شكرا يا شباب
فلنخطط الان و نطور الفكرة و لينائر 2004 ربنا يحلها

سلامات
الف شكر بكري
وتسلم ياعمدة ونحن معاك والباقية تبقي
ومن هسي سجلني تحت تماضر وفرقتا

great idea ya Za3eem.

Give me a ring when you come to Khartoum. And dont forget to invite me. My offices will be situated inside the present Republican Palace. Of course i would be the democratically elected Sudan Prime Minister.

Rest assured that nobody would be subjected to any cruel, degrading or inhumane treatment. No arrests. No detentions. No persecution or harassment.

والله فكرة جميلة جدا يا بكرى وان شاء الله جاهزين ليها تب ياغالى
ونحن على استعداد تام للقيام باى مهام تتطلب وجود اشخاص فى الخرطوم
ولقدام ياحبيب

ــــــــــــــــــ
أنا بلدى بلد الخير والطيبة

استاذنا الزعيم
موافقين
وعندي اقتراح انو نقوم بتكريم المبدعين جميعاالاحياء منهم والاموات
وعايز تكريم من نوع اخر لرجال وضعوا لبنات العمل التربوي والسياسي والثقافي
لانوا التكريم نايمين بيهوا ناس الفن بس واهلناابدعوا في مجالات كثيرة
ويا ريت لو ما قدرنا نساهم في علاج ومساعدة المبدعين وهذا هو التكريم
ايضا اقتراح اخر

اذا لم نستطيع عمل المهرجان ندعوكم باسم بورداب جدة بعمله في جدةوما تخافوا في حرية في جدة لعمل احتفالنا انشاء الله
وبالمرة اعملوا عمرة معا جميعا
ولدينا وكلاء عمرة في كل العالم
ومرحب بالجميع

الاستاذ مهاجر
اقتراحك الاول جميل لكن جدة دى دائرة فيزا و ما ادراك ما فيزا و الجواز سودانى وانت عارف الباقى لكن كان قلت سوريا دى رخيصة و ما دايرة فيزا

فكرة جميلة والهي،يعني ممكن نعمل قائمة في شكل بوست يسجل فيها الجماعة الناوين يكونو في السودان مع توقيت الاجتماع

أنا معاااااااااااااااااااااااااكم

إن شاء الله تعالى


و ربنا يتم المنى


آمين

اكتبوا اسمي معكم ضمن القائمة
لكي لا يفوتني شرف اللقاء
بهذه القامات السامقة

وفي لقياكم عناق الوطن

طيب ما بالمرة تخلوها في يوليو 2004

تكون الدنيا خريف ونضمن مشاركة كل ناس الخليج في عطلة المدارس

نزار

القكره رائعه
قليل من الجديه و المتابعه و تصبج واقع

من هسه ايدي معاكم
فكرة رائعة
ارجو ان يتمكن الجميع
31-12-2003
اخذت اجازتي

المبدعة عزة
شكرا ليك كدى اصبرى شوية فى ناس بقولوا نعمل الحاجة دى فى يوليو 2004

الفكره حلوه وانا مشتاق للبلد ولكن ؟
اظنك فاهم يابكري

اعتقد يا استاذ بكري ان نقسم انفسنا لفئات متخصصة مثلا الممثلين، الفنانين الكتاب والصحفيين ونشوف رؤية كل فئةللاحتفال، واتمنى الا يكون هناك مانع (سياسي) وقتها من حضور الكل.. وطبعا يمكن حسابي معكم، هل أدفع بالدولار أم الدرهم؟

وانا احسبني معاكم انشاء الله
البورد الودود نفديك بالارواح نجود
تحيات ............ واحشني

الاستاذة رجاء العباسى
مرحب بيك جديدة و نشيطة انشاء الله ما تكون جكت اول ايام و الزوقة الياها كلامك كلام جميل وده الكلام الدايرنه
شعار المهرجان..لجان المهرجان-برنامج المهرجان الاتصال بشحصيات وشركات لدعم المهرجان...الخ وكدى حتة المانع السياسى نخليها شوية علشان ما تعكر لينا الشغل و الى الوقت داك ربنا يحلها

سجلوني معاكم يا استاذ بكري وربنا يحقق الاماني

و أنا معكم يا أحباب .. و تقديم الحفل المهرجان على منوت ، إنجليزي عربي ، هل توافقون ؟




منوت المشتاق لكباية ليمون من يد بائع متجول في السوق العربي غرب الجامع الكبير ، جنوب سوق الخضار

الحبيب منوت
ونحن حا نلقى احسن منك يا منوت وعليك من الان البدء فى الاعداد لبرامج المهرجان يعنى مداخلتك الجاية فى البوست دة تكون هى مقترحاتك لبرامج المهرجان احذ راحتك و ما دايرين شغل كلفته و حا اجيب ليك ليمون من حق مدرسة العلوم الادارة

الاخ بكري

اقترح تكوين لجنة للنظر في الاقتراحات وتقيميها و البت في بعض النقاط مثل الميزانية و البرنامج الثقافي المقترح و مكان اللقاء علي حسب ظروف غالبية الاعضاء

سلام مليون مربع استاذ بكري
الفكرة حلوةة جدا جدا وعندي زيادة اقتراح انو الناس مابتقدر تمشي علي البلد لي ظروف هم اعلم بيها انهم يجتمعوا في بلد تاني في نفس الفترة .وليك وللجميع تحياتي
ودالحاج

الحبيب oudenoord
اقتراح جميل و يا حبذا لو تعمل لينا بحث عن اسعار الفنادق...المطاعم...الخ فى الدول البديلة التى اقترحها بعض الاعضاء مثل الامارات و سوريا و ما تنسى موضوع الفيزا و الجوار السودانى

اقتراح جميل يا بكري وحلم الكثيرين
بس اعتقد الوقت يكون احين لو في الاجازة الصيفية عشان مشاركات الناس تكتر
تحياتي زولة123

دائماً صاحب أفكار هائلة
وبحق انت الزعيم
نرجو أن يكتمل الحلم
ونلتقي في يوم البورد بالسودان

وإنشاء الله إذا لم أتمكن من الحضور
سوف يحضر من يمثلني

والتحية للجميع

الاستاذ نزار حسين و د.الزولة123
اقتراح جميل و هناك اقتراح من المشرف الصادق فى بورد الادارة بان يكون اللقاء ضمن مهرجان دبى الدولى و ايدته الاستاذة انسانة

كلنا نحلم بان نلتقى فى ربوع وطننا الحبيب ولكن من الواضح بأن هناك فئة تصعب عليها تحقيق هذا الحلم وان شاءالله اذا تغير الوضع هناك فليس هناك عائق ولكن الا ان يقضى الله امرا كان مفعولا دعونا نبوب الاعضاء حسب اماكن تواجدهم فى المنافى الاختيارية او الاجبارية واين تكون الاغلبية نقترح بتحويلها هناك وما اعتقد انها صعبة فرغم حال جواز سفرنا الغائب الا الذين متواجدين بالخارج يسهل لهم حركة التنقل بين البلدان
( حسب شروط الدولة المقترحة)

وبعدين يا بكرى اخوى القصة ما 20-50 دولار بس القصة يا اخوى ضرائب وزكاة وفضائية وغيرة والحاجة التانية
انت قاصد يناير حقنا و لا يناير تانى ال انت قاصده ده
ينائر

جد بكرى فكرة رائعه وجميله

وحلم جميل يا رب يحقق

اقترح رائع ويجب التحضير لة من الان
واذيد اقتراح بتكوين رابطة منتدى الحوار الحر
وتكون لها لجنة تنفذية وفروع فى كل لدول
وتكون مهامة رابطة اجتماعية ثقافية لها الحق ان تتحدث بى اسمهة امام جميع الجهات
وتعمل على جمع الشتاتات من السودانين
وان تكون لها برامج ولوائح وهذة اتركها للمختصين فى هذا المجال
وان تكون العضوية بدون شروط او اى انتماء لى جهة او حزب اوقبيلة
وان تكون العضوية للجميع حتى لى الذين ليس اعضاء فى المنتدى اوليس لهم علاقة بالنت
ودرو الاعضاء ان يعرفوا اعضاء الرابطة بى المنتدى واهدافوا
اتمنى ان اكون وصلت الفكرة والباقى يتموا الشباب

برانا برانا نشيل الشيله
ونتشمر ونصبر

معااااااااااااااااكم بالخط العريض
وين نحنا نلقي السودان
يا رب نرجع سالمين غانمين

الاخ بكري
تحياتي
فكرة جميلة ونحنا (قصدي ناس جوا ) بنايد الفكرة

بشدة ومستنينكم علي احر من الجمر ...بس تعالو انتو

تحياتي

سكرا

الاستاذة سكرا
نسقى مع ناس الداخل و شوفوا لينا اسعار القاعات كيف ..و حاول ادعوا لينا كل الشخصيات الفنية و الادبية...الخ داخل السودان للانضمام للمنتدى

اقتراح ممتاز
الى ذلك الوقت اتمني ان تنكشف الغمه
ونستطيع التنفس بكلتا رئتينا
نستطيع التحليق في سماوات الوطن و العوده الى دفئه وحنينه
اتمني ان القاكم جميعالنغرد معا

تسلم يا استاذ بكرى ..والله كالعادة عودتنا على اقتراحات وافكار رائعة ومدهشة.. يديك الف عافية
ومن هسه معاكم ولو التنظيم بدا من بدرى كما ذكرت حا تطلع منتهى الابداااع ..وحا يكون برنامج يسجل فى التاريخ ..ونبل شوقنا وسط اهلنا بيكم ومعكم سلام بالايدى بدل البوستات وتهانى حاره بمناسبة اللقاء ..اتمنى النجاح لمشروعك الهادف وربنا يدينا الصحة والعافية جميعا ونلتقى باذن الله
لك الف تحية واحترام

شاعرتنا العظيمة اسماء بت الجنيد
شكرا ليك من اسع ابدى اكتبى قصائدك بتاعه المهرجان

الأستاذ بكري
الفكرة رائعة ونوافق عليها دون قيد أو شرط وانا أوّل المشاركين فيها واعلن تبرعي المبدئي بمائة دولار كبداية عندما تطلبونها.
وعلى استضافة 2 من الأعضاء المشاركين بمنزلي بالخرطوم إذا لم يكونامن سكان العاصمة.
وبالله التوفيق

الشكر لك
الاخ بكرى
على هذا المقترح الذى يدل على روح وطنية صادقة
مؤكد اذا كنا بالوطن حينها
ستكون المشاركة فعلية
نتمنى ان يكون الوطن حينها سالما
اما عن المشاركة المادية نتمنى ان تكون واجبةحتى لو لم يستطع العضو المشاركة بالحضور
هذا وجه مشرق للسودان
نتمنى ان ينجز

الاستاذ و الشاعر الجليل عبد المنعم
شكرا ليك و يا ها دى المحرية فيك

المهندس الصافى
شكرا ليك و ده الكلام البودينا لى قدام يلا يدك معنا البوست ده دائما فى الاول و اعمل لينا كم خطة هندسية للمهرجان بس ابعدنا من هندستك الكيمائية دى بجيب لينا لجنة انموفيك

والله يا شيخ بكري الفكرة كويسة، بل الأفكار في الحقيقة، فكرة ملتقى او منتدي للتفاكر حول قضايا الوطن، وفكرة تكريم الناس القدموا في كل مجال، الجنود المجهولين المنسيين، وفكرة التمويل الذاتي الجماعي
ولكن
أضم صوتي لنصار والموصلي
مستعدين للمساهمة المالية بكل ما يلزم، والمساهمة الفكرية والتنظيمية
ولكن نقترح عقد الملتقى خارج السودان، أو على الأقل حصر الناس لمعرفة مكان وجود أكبر عدد منهم وعقد الملتقى في مكان أو عدة أمكنة يسهل للغالبية الوصول لها، ولا بأس من عقد ملتقى للناس الجوة السودان داخل السودان، لكن في الحالة دي ح يحرم الكثيرون من الإلتقاء ببعض

اما اذا حصلت الأماني السندسية وأشرق علينا عيد الإستقلال الجايي وقد تنفس الناس حرية واستقلالا حقيقيين، فالمشكلة صدقوني ستكون في كبر العدد، وكيف سننظم الأمر، وهل توجد مواصلات بعد الحفل ؟!!ا

واعجبتني فكرة انو في واحد سوداني بفكر في حاجة قبل سنة كاملة وبخطط ليها، والله دي روح جديدة وكانت وما زالت مفقودة عندنا لكن الحمد لله التغيير جايي بالتدريج
ولكم السلام

الاخ العزيز بكري

فكرة قيمة جدا وتستاهل ان نغامر من اجل تنفيذها
وعملاق انت اخي بكري ,واهميته هذا المهرجان تاتي من انه
في السودان في ارضي الوطن الحبيب وبين اهلنا الطيبين الحلوين وفي حالة نجاح الفكرة واتمني ذلك من كل القلبي
وعلي بااذن الله التكفل بجلب فرقة فنية من الشرق الحبيب
والفنان الكبير محمد البدري فنان الشرق الاول,
في حال تعزر اقامة هذا المهرجان في السودان عليه اقترح اقامته في دولة الامارات المتحدة , ودمت لنا

دقنه البجاوي

الابن بكري تحيه طيبه
امنياتي ان يتحقق مشروعكم هذا. قدحي برسلوا مع اي زول من الرياض بس لما تبقواعليها قولو عوووك .
خالتك دومه أو اصبع الملك
Daeumchen or thumbalina the Sudanese version.

الأخوة الأحباب

دعونا نعمل من الآن على تنفيذ هذا المشروع الجبار

أولا تحديد المكان

الأفضلية للسودان وإذا تعذر الأمر فالأمارات وخيار آخر لسوريا أو أى مكان آخر ترونه

ثانيا أنت كعضو فعال لدينا ماذا يمكن أن تقدم لهذا المهرجان الكبير حتى نصيغ البرنامج؟؟

ثالثا بورداب الداخل يمكن مساعدتنا فى معرفة الإجراءات اللازمة من تصاديق ورسوم ومتى وكيف تسدد وماهى طبيعة هذه التصاديق التى يمكن أن تطلب منا؟؟؟؟؟

وأى إقتراحات أخرى مفيدة لنتدارسها فيما بيننا

ويلا بينا يا شباب ننجز هذا العمل الكبير والغير صعب التنفيذ

يا
باشمهندس بكري والصادق
دبي للتسوق ليه انتو غيرتو رايكم ونقلتوه دبي وانا ما لاحظت
بالعكس اذا تزامن مع صيف دبي للتسوق بتكونوا حرمتو ناس كتيرين من الحضور

اولا لان معظم مهاجري الخليج لن يتمكنوا من الحضور الي السودان
بسبب المدارس وصعوبة الحصول علي اجازات في هذه الفترة
تانيا
بتصادفو لينا ناس الضرائب وقد هبو في بداية العام لتامين الربط الضريبي لكل العام من اولو

والبيجو في اخر المراح زي شهر سبعة بتساهلو معاهم لانهم بيكونو شبعو من شهر اتنين وتلاتة

والي شهر سبعة بنكون ادينا مشاكوش زمن كافي والناس زهجو من المفاوضات وباسو الكتشينة وجمعوا البرش؟؟؟؟؟؟؟؟؟؟؟؟؟؟؟؟؟؟
وامكن نلحق لينا قيم قبل ما يفرقو وتعزل يا بكري الزميل الحلو
وانا العب مع ابوحراز

كما ارجو ان يؤخذ صوت انسانة 123
كصوتا مرجحا في هذا الالتماس للتاجيل لشهر سبعة
اما موضوع المساهمة ارجو ان لا تكون اختيارية اجبارية عديل كده للماشي والمتفرج

وان يحدد لها زمن بان يكون اخر موعد لارسال المساهمة
هو شهر سبعة من هذا العام
بعد ما الزول يكون سفر اولادو السودان وحسب الباقي ليه
كم
وبحد ادني تحدده الادرة

دون اشتراطها بحد اقصي

وانا معاكم يا استاذ

بسم الله الرحمن الرحيم

كثير من الاوقات ينتابني الشعور بان هنالك فائده من موقعكم الرائع

وحقيقة يزداد الشعور يوم بعد يوم

الاقتراح جمـــــــــــــــيل ويحتاج للدراسة ووضع كل المقومات

والعوائق في الحسبان

واتمني ان يكون المشروع واقع ويبتعد عن السياسة

اتركونا نجتمع اولا ونتفاكر بعيدا عن من هو متواجد في سدة الحكم

حاليا حتي تكون نقطة بداية لمشاريع اخري تاتي تباعا

وانا من ضمن المشاركين فارجو تدوين اسمي



اخوك امير الجيلي

الزعيم بكرى والاحباب

ما اجمل ان نجد شىء ما يجمعنا ونتفق عليه اضافة الى حب الوطن وما اجمل ان يكون التلاقى فى رحاب الوطن الجميل ..

ارى ان الكثيرين يتخوفون من زيارات منتصف الليل او الاستقبال فى المطار من اولئك ولكن الا نستطيع الحصول لهم على عهد امان كما حدث للاستاذ نقد من نميرى ايام اليوبيل الفضى لمدرسة حنتوب الثانوية وكيف انه (أى نقد) منح الامان من لنميرى حتى قضاء الاحتفال وكانت هى اخلاق السودانيين فى نميرى رغم كل شىء آخر ؟؟
هل يستحيل ذلك ؟؟
وهل احبتنا متأكدين انهم على قوائم الحظر ام انها تخوفات فقط ؟؟

اعرف زميل لنا من رواد حزب الامة وكان متخوفا جدا من العودة حتى شاء الله ان تتوفى والدته فاضطر للعودة ولكن قضى كل ايام العزاء وعاد ولم يسأله أحد .. ربما سقطت القوائم احبتى ولتكن لنا اياد خفية نعرف خلالها هل احبائنا فى القوائم ام لا ؟؟؟
ربما لان يدى فى الماء اتحدث بهذه البساطة ؟؟

مقترح آخر بخصوص التمويل
كنت اود الاستئثار به لنفسى ولكن داعى الجماعة يجعلنى اطرحه للبحث وللصالح العام وهو الاستفادة من مواد البورد المنشورة هنا واخذ موافقة الجميع لنشرها فى سلسلة كتيبات مثلا كان تكون بعنوان

سلسلة مطبوعات سودانيز اون لاين تقدم

ماذا يقول ابناء السودان عن
اتفاقية مشاكوس

وتتعدد العناوين والكتيبات ولتكن بسعر زهيد مثلا 10 ريالات او ما يعادلها ويلتزم الاعضاء بتوزيع اكبر قدر على المعارف والزملاء ..

بذلك نكون قد ضمنا تمويلا ذاتيا من اقوالنا واراءنا وضمنا نشر اراءنا وافكارنا على الاخرين حتى يعرفنا الناس اكثر خاصة الذين لا يتعاملون مع الانترنيت..
ما اكثر المواضيع الجميلة المنشورة على الصفحات ولا اظن ان اصحابها سيبخلوا بها على دعم هذا المشروع الرائد ..

لكم التحية جميعا وارجو ان نتدارس الموضوع بجدية

بكرى والاخرون

تدفعونى الان لاعلن لكم ما كنت ادخره الى حينه

تدور مناقشات بينى وهاشم صديق والقدال لعمل منتدى شهرى لسودانيز اونلاين بالخرطوم

نحدد فيه مكان معين وتاريخ معين من كل شهر يجتمع فيه الجميع ويقدم فيه اعضاء المنتدى اعمالهم للاساتذة لتقييمها وتوجيههم للافضل وتشجيعهم

بالاضافة الى استضافة فنانين او سياسين او شعراء اخرين فى كل مرة لتنويع النقاش وتعميم الفائدة

من هنا

اعتقد ان هذه الفكرة ستكون بذرة لتحقيق هذا الحلم وستمكننا من مساعدتكم اكثر

وفى كل الاحوال

احنا جاهزين لكل التفاصيل

تسلمو

والله الفكرة جميلة ورائعة يا بكري
ويار يت لو تكون في السودان، وعلى الجماعة المتخوفين من السودان والله لو تعرفوا الحاصل هناك كان بقت عليكم نكتة محمد موسى بتاعة الراجل المشى شاف بته بتقرا مع حناكيش امدرمان الاهلية وكان خايف عليها ولمن شافهم قال ليها لو ديل زملانك اقري ساكت واللهالحبة ما بتجيك!!0 هسة والله ده حال السودان الحكومة من يوم 11 سبتمبر بقت والله ما بتخوف ومش كدة وبس بقت هي زاتا تخاف من ضلها، وسالوني انا جيت من هناك قبل ثلاثة شهور وقبلها كنت غايب ستة سنوات ، والو خاجة حسيتها هناك انه مافي حكومة ولا يحزنون، واي مواطن عادي يقول ليك يا زول ها والله انت زول قديم خلاص انت من زمن الجبهة والحكومة؟ ديل زمان سفوها وزاغو وخلونا لافين صينية0

هسة تعالاكم هناك هو صحيح بتكون في مضايقات بتاعة تصاريح وحاجات من النوع ده بس في النهاية بتلقى الغرض رشاوي وكدة يعني في ناس عاوزة تاكل والسلام وفي الاول يحمروا ليكم عيونهم لمن يهجموك وفي النهاية تلقى المراسلة يثول ليك يا ود العم ما توسع مخك!!!!0

فكرة ممتازة جدا احييك عليها يا بكري
بشوية تخطيط و تنظيم كل شيئ حيتم بشكل جميل
ما تخلي زول يكسلك من الفكرة .. و نحن وراك

محمد

الاخ المناضل / بكري ابوبكر
موافقين ياعمقنا الوطنى على الفكرة + ونحن ندعمها بكل مانملك

ديمقراطي

كعادتك يا بكري دائماً اقتراحاتك متفردة

الفكرة ممتازة واعتبروني من المشاركين فيها بجهدي المتواضع واري أن يتم تقسيم البورداب حسب مواقعهم يعني ناس الداخل تتكون ليهم لجنة وناس الخليج وناس أوربا وناس أمريكا وهكذا عشان حتى مسألة تجميع المساهمات تكون أسهل وفي النهاية يتم تجميعها للجهة التي ستقوم فعلياً بتفعيل الفكرة وإنزالها لأرض الواقع لأنو الفكرة بدون دعم مادي حتظل فكرة وبس

ودمتم
نادر

الاخ بكرى
اعتقد الفكرة جيدة والزمن كافى
لترتيب الامور واعتقد انوا السودان
افضل مكان لعمل الاحتفال ماعشان نحن هنا
لكن الايامات دى نسمع برفع قوائم الحظر
دى بتكون فرصة للجميع للقاء حتى الاهل
ونحن فى السودان مستعدين لى تكليف فى
اى شى يخص الاحتفال او غيره

نحن هنا فى السودان نتلزم انو نقوم بكل الترتيبات اللازمه لهذا المهرجان بس انتو ساعدونا
والله العظيم ما بنقصر تب
ونحن لها وابشر عزيزى بكرى نحن من خلفك نسير
ومن اسه نحن معاك بس انتو قولوا عوك

اليكم امنيات باتساع الكون وحلم دافئ بغد افضل وعام اكثر انسانية
لكم ما تشتهون ولي حق الحلم معكم بهذا الغد واول الموافقين والمساهمين بمبلغ 75 دولار وجاهزة بعيد.... وانشاء الله لي الزمن داك يكون عهد جديد ووضع جديدومزيدا من الديمقراطية والرفاهية وننزل نشوف ناس حلتنا التحت الفوق الليهم الله وعيشة السوق، ونشوف الزين والضوء ومريم ونسلم على عمنا ود عجبنا وعم عبد الرحيم ونجلس في تلك الشجرة الوارفة الظلال ونشرب الشاي والقهوة مع أمونة والشول ومن هنا بناشد الزملاء والزميلات بالوقوف مع هذا الحدث الجميل الرائع

فكرة رائعه وجميله يابكرى وحلم جميل

أتمنى ان اكون معكم فى ذاك الوقت
واتمنى من الله ان يعطى الجميع الصحة والعافية
ويسهل احوال الجميع ليتم اللقاء
جزاك الله كل الخير يا بكري

اول من يشارك فالفكرة قوية وبتفرض وجودها رغم كل شىء
جميل ان نلتقى فى الوطن يا احبة


ام واصل ومرافىء

العزيز بكري ..

فكرة جميلة تساعد على لم الشمل .. وبالتأكيد سوف تتوج هذه اللقاءات عبر الشبكة بلقاءات مباشرة على الطبيعة ..

أسأل الله تعالى أن يكون جميع من في هذا البورد بأتم الصحة والعافية لتكتمل المعرفة ..

ولكن أرجو يا منظم الملتقى أن يكون اللقاء وطني غير مسيس .. حتى لا توغل الصدور ويفقد اللقاء هدفه النبيل.

نريد تعارفاً ودياً .. يمثل بحق مجتمع السودان مثالي المتسامح ..

أعتقد بذلك سيكون اللقاء أنموذجاً يحتذى في لم الشمل الكبير ..

ولك يا أستاذ شرف هذا الاقتراح كما حصلت من قبل على شرف إيجاد هذا المنتدى .

التحية للجميع ..


جـــاد

الرائع ابو بكر

والله اقتراح جميل جدا وايدكم ومن اسى انا معاكم

الله يسهل

اها ونحن مشمرين سواعدنا


ربنا يديكم العافيه

وباقترح انو يكون اسبوع ثقافى اجتماعى شامل كل النشاطات

وبالمره عياده مفتوحه عشان نقدر نشارك والبورد كمان مليان دكاتره

فكرة جيدة وياحبدا لو كان معاها إنشاء مشروع قابل للنمو في الوطن

الأخ الرائع بكرى
إنت طلبت من الجميع المشاركة
هاك رأيى
ماقلته أمنية جميلة .. ولكن على ذمة " ديك الجن " فى البورد فى واحد
" قال لزوجته "كل عام وانتى حبيبتى فتعرض للتحقيق فى السودان

عشان كدة أنا ماماشى معاكم

لك الود

الرائع دوماًالاستاذ بكرى
الفكرة رائعة بروعة ريحة البلد وريحة الدعاش والمطر واتمنى ان نلتقى فى اى مكان جميعاًوأتمنى أن لايكون البعد السياسى حاجزا بيننا عشان شوقنا للبلد أقوى من اى دافع آخر مع احترامى للاخوة المعارضين اللين قالوا ان لايكون اللقاء داخل السودان . وإ تخيل لى أن احب مكان لأى واحد فينا بلده المهم ماعايزه اطول الكلام بس الفكرة موافقة عليها إنشاء الله
الأمدرمانية
أحب مكان

سلااااام للجميع

حقيقى فكره رائعه يا بكرى كما عودتنا

وباسم بورداب الداخل

بقول ليكم جهازين ابتداء من الاشتركات

مرورا باستضافه بوردبيات من خارج الخرطوم

انتهاء بتنظيم المهرجان وليكن مهرجان لا مثيل له

معاكم قلبا وغالبا

فاطمه
ـــــ
ان الحروف تموت حين تقال

الاستاذ بكري
دي روية صادقة مش حلم.. انا جديدة ممكن امشي معاكم؟
اثني اقتراح ان نبتدي مشروع يكون مستقبلا لدعم عمل خيري
وخاصة في اطار الاطفال المشردين او الملاجي ...

موااااااااااااااااااافق
ولى عودة

والله يا زعيم دى فكره حلوةوجميله
ودى دائماً افكار العظماء انت عارف يا زعيم انا اول ما قريت الخبر فرحت فرح شديد لانى متمنى فى حياتى اشوف اخوانى البورداب جميعهم بربطة المعلم وانا اؤيد الفكره واقف معها بشدة وانا من بورداب الداخل لكن فى كلام تانى خلانى اخاف انو ده ما حيحصل زى الجماعه البيقولوا واحد قال لمرتو ديل حيثبطوا الهمه وانا برى انا افضل مكان لهذا العمل السودان وانا جاهز لاى عمل تطلبونه منى
واقول نقف من خلفكم ونشد من ازركم عندك

شرقاوى يجرح ويداوى

الأخ المناضل بكري
فكرة جميلة ومقبولة جداً
وأنا شخصياً مستعد للمشاركة بأي شكل كان حتى لو لم نتمكن من الحضور شخصياً لظروف العمل خارج أرض الوطن وأتمنى أن يكون موعد هذا اللقاء مصادفاً للإجازة السنوية
أرجو التوفيق للجميع

الأخ الرائع بكرى
إنت طلبت من الجميع المشاركة
هاك رأيى
ماقلته أمنية جميلة .. ولكن على ذمة " ديك الجن " فى البورد فى واحد
" قال لزوجته "كل عام وانتى حبيبتى فتعرض للتحقيق فى السودان

عشان كدة أنا ماماشى معاكم

لك الود

الفكرة رائعة وغير الاحتفال حتكون فيها
روعة اللقاء والدهشة بالناس البتلاقيهم في البورد وتخلق معهم مناقشات
من غير ماتعرف ملامحهم والله فكرة يا بكري نوطد علاقتنا في قلب الوطن
انا معاكم مستعدين للسفر والدفع

الفكرة رايعة .. و كل مرة اعاين في الردود و ازوغ لاني ما ح اقدر امشي السودان عديل كده .. نفسيات ياخواننا .. الى أن تتحقق الشروط المحفزة للعودة

يا جماعة ما في طريقة تعملوا اللقاء ده في فيجي؟ و الله جزيرة حلوة و هادئة و و وادعة و التكاليف فيها رخيصة .. و قريييييييييبة بيجاي

طبعاً ما في زول ح يوافق على فكرة فيجي دي .. لكين و الله اللمة الزي دي مشتهيها

salam
ana makoooooooom awal zaol
wallhi fikra tamam
wa yarait takon fe alsudan
fe alkhartoum kaman
love u allllllllllllll
thx ustaz bakry

بكري
الكلام كتر وأنا دائما أتخوف واتشائم من الكلام لمن يكتر
لقد رحب معظم الأخوان بالفكرة رغم علمهم بالصعوبات الكبيره التي تواجه مجهود كهذا مثلا
الأتفاق علي
الزمان /المكان/الأجنده لكل مجموعه
يجب أن يعطي الزمن الكافي لأكبر عدد من تحضير نفسه زمنيا وماليا لأن السفر مشقة وقطعة من نار ومكلف لكثير من لأخوة في الغربة
رجائي أن تشرع فورا في تحديد لجنهExploratory Commitee to decide the feasibility of holding such a conference for the Muntada members in the Dispora and what are the preparation that should be taken by each one of us starting now and when is the dead line for participation so that we decide whether it is doable practically at the designated time by the Number of participants or not .This is the crux of the matter.
في أنتظار أعلان لجنتك للبحث والتقرير
شكرا ودمت
أخوك د.متوكل

من ثلاثة سنين وارتباطي بالشات والبورد حلمت باحتفال يضمني ويضم كل من رسمت له لوحة في خاطري واعددت له برنامج والوان كتيرة عشان تكتمل الصورة اتمنى ان يصبح الحلم حقيقة وانا في الخدمة لاي شي يطلب مننا

ودام البورد وكل ما يحمله من روائع

بكري ، الزعيم الرائع:
معاك قلبا وقالبا ، بس الطلبة الزينا بنص القيمة ولا هسي بنقوم نطلع ليك مظاهرة.

في حال فشل اقتراح السودان ، فسوريا تفتح ذراعيها لاستقبالكم ، وكل امكانياتنا تحت تصرفكم.
دمتم لنا

UP

ـــــــــــــــــــــــ
أنا بلدى بلد الخير والطيبة

up

الاخ العزيز بكري
والاخوان في بلد الشتات
تحيه معتقه برائحه النيل
اولا الفكره اكثر ممتازه ونؤيدها بشده
اقترح انشاء لجان في كل بلد من بلاد الشتات
لحصر وتسجيل وجمع التبرعات من المشاركين
مثلا لجنه الامارات تكون فى ابو ظبي تتابع من هناك
لجنه السعوديه من جده والرياض
لجنه سوريا دمشق
وهكذا
يقدم كل الاخوه انفسهم وعناوينهم وتلفوناتهم للجنه
تبداء اللجنه بنشر تلفوناتها ومقر اقامتها في المدن المختاره
تقدم لجان المدن المختاره تقريرها للجنه المكونه من رئيس المهرجان ومعاونوه وبدورهم يكونوا حلقه وصل لجمع البودراب في جميع العالم
تقوم الجان الفرعيه المختاره بورشه عمل لشكل المهرجان ومايمكن تقديمه وجدوله المشاركين فيه بحسب مجالاتهم شعراء اوفنانين او غيرهم،،،، متابعه المواد المقدمه وعمل بروفات لهاحتى تظهر بصوره لائقه باهل البورد
ودمتم احبتي

سلام يا قرشووو
اهو دة الموضوع اللى انت بتفتش عنه
بس اوعى تانى تغيب
والله لاااايجيب ظروف وموانع .. الا الخير , وكل الخير يارب

عزيزي بكري

تحياتي يا رائع......والله فكره رائعه وجميله....وانا من المشاركين قلبا وقالبا

وشكرا

الفكره رائعه
ولاتوجود صعوبه لتحقيقهاالمهم الاتفاق على مكان الالتقاء وعندنا ثلاثه دول ماعدا السودان الوطن وهى العراق وسوريا وليبياوهى الدول الوحيده التى نتمكن من دخولها من غير فيزا
وتبقت منها دولتين فارجوان نتفق على واحدة لئلا نفقدهم
اتمنى نجاح المشروع واشد من ازركم
دمتم

الاخ بكري
اقتراح اتر من رائع
و انا مع الاخت انسانةانو يكون شهر 7
و كلنا بنحضر لو في السودان
و لو محتاجين اي حاجة انتو بس اطلبوا
و احنا ننفذ
و تسلم

الاخوة زملاء الكرام
الاستاذ بكري
انا اقترحت برنامج في بوست منفرد وقام بعض الاعضاء بتثنية الاقتراح
واقترحوا اشياء اخري ايضا
ارجو الاطلاع عليه
عنوانه
مقرتح للمهرجان رايكم يا جماعة

الاخ بكرى تحيه طيبه
فكره رائعه وجميله
وزى ما قال اتبراوى السودان اصبح فاضى يعنى ما حتكون هناك مشكله التصاديق مقدور عليها اخدنا فيها خبره
اقترح اجتماع كل البرداب فى كل منطقه من الان والعمل على كيفه دعم الشروع عشان ما نكون زى كل السودانين يشتروى الحاجات يوم التاسوعه
نحن فى الداخل راقبتنا سداد لكى شى يدعم البورد
ودمتا يا كبيرنا
ودعقاب

الاخ بكرى تحيه طيبه
فكره رائعه وجميله
وزى ما قال اتبراوى السودان اصبح فاضى يعنى ما حتكون هناك مشكله التصاديق مقدور عليها اخدنا فيها خبره
اقترح اجتماع كل البرداب فى كل منطقه من الان والعمل على كيفه دعم الشروع عشان ما نكون زى كل السودانين يشتروى الحاجات يوم التاسوعه
نحن فى الداخل راقبتنا سداد لكى شى يدعم البورد
ودمتا يا كبيرنا
ودعقاب

ياريييييييييت ونحنا هنا علينا الإستضافه والذي منو
دوما
Zaria

اقتراح اكثر من رائع نبدا نحضر للرحيل
الى الوطن
وكان جيتونا هنا ماعندنا مشكلنا سدادين

ألأخ بكري
أوافق وبشده،وأعد بتنفيذ أي تكليف يعهد إلي

أقترح أن يكون المهرجان في السودان،،وتحديدآ في الجنوب،،جوبا،واو،ملكال ،وذلك يكون جزء من مساهمتنا في عمل شعبي وأهلي يرفد الجهود الجارية من اجل السلام،ولفتح نافذة للتعاطي المباشر مع إخوتنا في الجنوب،،وليكن المهرجان أولى قوافل السلام،وليكن كذلك لجعل الوحدة خيار جاذب

ومن ناحية اخرى يشكل الإحتفال في الوطن إختبار لسلوك النظام تجاه المبادرات العبية بعد المتغيرات الآخيرة

أرجو إيلاء الاقتراح منتهى عنايتكم،وبخاصة من بارونات المنبر الموصلي وتماضر لأنني لحظت أن موقفهم من أي بوست،إما صعد به إلى السماء،او خسفو به للقاع،والمغالط يراجع عدد المشاركات في أي بوست كان لهما فيه أثر سواء إيجابي أم سلبي

ألأخ بكري
أوافق وبشده،وأعد بتنفيذ أي تكليف يعهد إلي

أقترح أن يكون المهرجان في السودان،،وتحديدآ في الجنوب،،جوبا،واو،ملكال ،وذلك يكون جزء من مساهمتنا في عمل شعبي وأهلي يرفد الجهود الجارية من اجل السلام،ولفتح نافذة للتعاطي المباشر مع إخوتنا في الجنوب،،وليكن المهرجان أولى قوافل السلام،وليكن كذلك لجعل الوحدة خيار جاذب

ومن ناحية اخرى يشكل الإحتفال في الوطن إختبار لسلوك النظام تجاه المبادرات الششعبية بعد المتغيرات الآخيرة

أرجو إيلاء الاقتراح منتهى عنايتكم،وبخاصة من بارونات المنبر الموصلي وتماضر لأنني لحظت أن موقفهم من أي بوست،إما صعد به إلى السماء،او خسفو به للقاع،والمغالط يراجع عدد المشاركات في أي بوست كان لهما فيه أثر سواء إيجابي أم سلبي

العزيزة ام در

تسلمى يا ستى
وكده جبتى الغائب والتائه والله
تعرفى اعيانى البحث عن هذا البوست فجميل منك العثور عليه ولا شك انك بذلت جهدا كبيرا

ارجو ان يحاول الناس ثانية نبش الفكرة ومحاولة تنفيذها وليتفق الناس اولا على المكان والزمان ويقينى ان كل الاحباب لن يقصروا فى بذل ما يملكون..

اذكر الاخوة ان هنالك مبلغ عشرون دولارا مقترح لتفعيل الفكرة وعمل الاجراءات الاولية ..

ليت الجميع يأخذوا الفكرة محمل الجد ونراها غدا على ارض الواقع واجمل تجمع لاروع ناس

تحياتى للجميع

جاهز + مستعد +فكرة رائعة + أحييك بكري،،، وكان رحنا فيها النروح
لك التحية بقامة ذاك الوطن

الاخ بكري احييك على هذه الفكرة الجميلة والواعية ومستعدون للمساهمة
اذا تعذر السودان ونتمنلى الا يحدث ذلك اقترح سوريا
لا تحتاج الى فيزا
اسعار الفنادق من ارخص اسعار الشرق الاوسط مع امكانية استئجار شقق سياحية وتقسيم الاقامة لمجموعات والاسر لوحدها وهكذا
المطبوعات المرافقة للاسبوع يمكن طباعتها هنا وباسعار اقل من رخيصة
وبذلك نكون قسمنا المشوار وحضور المبدعين من السودان اسهل من رجوع المشتتين في منافي الغياب الى السودان طالما القصة غير الخوف القديم فيها ضرائب وذكاة وغيره
نوعدكم بعد انتهاء الاسبوع برحلة سياحية لم تحلمو بها حيث التاريخ المديد والطبيعة الخلابة والطقس اللطيف
وبرضو اعملو حساب السودان الوطن واللمة فيه طبعا احلى
ولكم الشكر

:- وإقتراح

قدمت إقتراحات عديدة ، لذا أقتراح أن يقفل الموضوع بعد مهلة محددة أو بعد بلوغ المساهمات عدد معين،150 مثلآ،،،ثم يتم تجميع وغربلة ودمج الاقتراحات،وتصدر قائمة الإقتراحات النهائية لحسمها بالتراضي او التصويت،وطبعآ تصنف الاقتراحات إلى
المكان ،،الزمان ،، المساهمات المادية والدعم ،، المساهمات الفكرية والإبداعية ،، التحضير والبرنامج

أن تكون لجنة الموقع بكري وزملائه هي اللجنة الموكل لها تنفيذ الاقتراح اعلاه

:- إقتراح ثان
حقيقة ليس إقتراح بل لفت الانظار إلى إقتراحي السابق وهو؛:
أ، يكون المهرجان /الإحتفال في السودان ،وتحديدآ في الجنوب ،،جوبا مثلآ بإعتبارها مساهمة شعبية في إطار الجهود الجارية لعملية السلام بدءآ من مشاكوس ولتمتين الاواصر مع ابناء الجنوب ،ولكي نجعل الوحدة خيارآ جاذبآ ومرجحآ

القــدم ليهو رافع

الاقتراح عندك يا سيد الناس، لكن لو ممكن يتعدل شويييييييية، يعني بما انو في ناس مغتربين ما بقدرو يحضرو في السودان، لظروف قد تكون سياسيةاو اجتماعية او..، ممكن يحتفلو بيهو في بلدهم، يعني مثلا ناس بريطانيا يحددو مددينة يحتفلو فيها، ناس امريكا، ناس الخليج، وهكذا؟؟؟؟؟