السفلى يقتل الأبرياء فى الخرطوم

حكى لى أحد الأصدقاء موضوعا عجيبا لم أجد له أى تفسير فقد ذكر لى أن تلفزيون البلو نايل قد استضاف قبيل فترة ليست بالبعيدة رجلا كان يستخدم السفلى لأغراض عديدة وتاب من هذا العمل المشين الذى يتطلب من صاحبه أن يتبع الشيطان والعياذ بالله بأن يأتى بعمل مشين ومخالف للشريعة وذكر تفاصيل وعجيبة كدليل قاطع على توبته استغرقت عدة حلقات ثم طلب منه المذيع فى آخر حلقة أن يحضر هذا السفلى فقال الرجل للمذيع أن السفلى فى حالة غضب وهياج شديد بسبب توبته هذه وأنه ربما سيأتى بعمل فظيع كنوع من الإنتقام منه وعندما ألح المذيع فى الطلب قام الرجل بتحضير السفلى فتزامن فى نفس اللحظة أن قامت عاصفة شديدة ضربت العاصمة كان من نتاجها غرق الباخرة المشهورة فى النيل وموت عدد كبير من ركابها وكذلك كارثة المقرن التى حدثت فى ملاهى الأطفال وكذلك وفى نفس الوقت تطايرت الأطباق الفضائية من رؤؤس المنازل فى العاصمة وكان أن أوقف البرنامج بسبب ذلك

فهل من تفسير الى ذلك ان كان صديقى صادقا فى ما قاله؟؟؟؟

وهل للسفلى قوة بحيث يقتل ويفتك البشر أم أن هذا جزء من مسلسل الشعوذة الكبير الطاغى فى عقول الناس؟؟؟؟

بربكم ماذا دهانا؟؟؟؟؟

قمنا يازول 3؟..السفلي دا ما يطلع مريخابي ويقد شبك الهلال بالسبعة وما يخلي الهواء يمر في شباك المريخ؟ أو يخلي الصادق يبقى رئيس الوزراء مدى الحياة؟ أو يخلي الجنية يبقى دولار؟
لا للتمنيات الما بتحقق..ولكن هل سمعت بالماء الممغنظ..البداوي الما بداوى؟ ومددي يامام..أقصد يامامان

والله يا بناديها إنى أتعجب لما وصل اليه السودانيين فى الداخل من هرج ومرج فكرى وإجتماعى حتى تبوأت الشعوذة والخزعبلات مكاناً مرموقاً فى أوساط بناتنا وأولادنا وشيبنا وشبابنا ففلان كتب فلانة وفرتكانه عرقت علانة وشيخ فلان ظهر جديد وهو يداوى بالكى بعد رؤية تمنحه الصلاحيات بالعلاج ولفترة محدودة
discounted period
ويتقاطر الناس اليه بالألوف حتى أن أبن عمى ذهب اليه وكواه لإنزال الضغط عنده وقد كان ابن عمى يستخدم خلطة خاصة قوامها التوم ومواد أخرى أخذها من مشعوذ سابق فقام فى صبيحة اليوم التالى للكى وطلب من شقيقته أن تأتيه بالخلطة المعتادة

فردت عليه شقيقته
انت امبارح مشيت كويت هدومك ولا شنو؟؟؟؟

خزعبلات خزعبلان خزعبلات والناس يجرون خلفها ويدفعون آلاف الدنانير التى يحصلون عليها بمشقة كبيرة يدفعونها لمهرجين ومشعوذين وفى سهولة ويسر فقد ضعف الإيمان بالله والتوكل عليه

فماذا تسمون ذلك يا بناديها؟؟؟؟؟

آيات الله تهد الجبال. قبل آلاف السنين كان أحد أعمامنا يشجع احد الأندية الأمدرمانية وبالرغم من ذلك كان لا يذهب لدار الرياضة لحضور مباريات هذا النادي..تعرف ليه؟ لأنه كان يستضيف في بيته الأنطوان..الفكي..الذي كان ينفرد بنفسه في خلوة طيلة زمن المباراة في صالون البيت..وكان محظوظا ما في ماتش واحد جلا منه وتصادف أن ماتشات الغلب صادفت غيابه في مدينة تانية..وكانوا يتندرون على ذلك بإدعاء أن ناس الخصم خطفوا الفكي..المهم في بيت عمنا هذا كانت توجد شجرة لا مثيل لها في أم در..صفقها مأخذ شكل العقرب..وعرفنا أن الفكي دا هجنها من ذنب عقرب كتميمة تمنع العقارب من دخول بيت عمنا او أن تلدغ فيه..حصلت لدغات..ولكن آخر أخبار الرجل أنه مات عندما اصطدم به موتر فسبا في حي العمدة

أنا قلت أن آيات الله تهد الجبال وبقصد: وما هم بضارين به من أحد إلا بإذن الله

برضو اكيد تكونوا سمعتوا بي ناس المريخ
طبعاً ديل مشوا للفكي
وقالوا ليهو : الليلة عندنا مبارة كاس مع ناس الهلال
وعاوزين منك حاجة واحدة بس
قال ليهم شنو ؟؟
قالوا ليهو تكتف لينا الدحيش دا
اها بدأت المبارة
وناس المريخ كانوا مبسوطين
فجأة واحد رفع كورة كورنر من ناس الهلال
قابلها الدحيش بي راسو
وطوالي ختاها في المرمى هدف أول وأخير
وشال الهلال الكاس
الجماعة ناس المريخ زعلوا جداً
ومشوا للفلاتي وقالوا ليهو
نحن مش قلنا ليك تكتف لينا الدحيش
الفلاتي قال ليهم
انتو قلتوا كتف كراع دحيش
ماقلتوا كتف ليهو راسو

والله يا زول انا ما عندي فكرة عن موضوع السفلي ده لكن عندى نكته داير احكيها بما انو المقام مقام مقام شواطين وكده. قالو في ناس بيشتغلو فى تجارة القوافل ، اها بمشو االهند فى تجارة الحرير المربحة جدا ، اها قام واحد قال ليهم انا السنة دي داير امشى معاكم للتجارة قاموا قالوا ليه ما في مشكلة لكن انحنا فى طريقنا بنقطع جبال والجبال دي مسكونة وكل واحد فينا لازم يصارع شيطانو ويغلبو عشان اقدر يعدى وكمان في الرجعة نفس الشيئ بحصل . قام الراجل قال ليهم ما في مشكلة . هم قالوا ليه خلاص كان كده جهز نفسك للسفر. بدت الرحلة ووصلوا الجبال وفجاءة كل واحد نط ليه شيطان من الجبل وقعدوا يتصارعوا ... هاك هيك هاك هيك صاحبن الجديد قنب يكورك يا اخوانا ما تغيروا لي شيطاني ده. واحد قالي ليو ليه انت قايلة دى من سيربح المليون.


معليش ممكن تكون ما )ريلفنت( للموضوع لكن بتمشي الحال . ولا مش هيك يا زول.

loooool@اب حراز

طيب تعليقكم شنو علي موتة يوهانس الاراتري وجنو قبل ما يموت وهلوستو باللون الاحمر والاصفر

طبعا الاعمار بيد الله اها جنو دا جاء من شنو؟؟