Post: #1
Title: كانت عاملة كده ....... لكن الليلة ...عشان راس السنة
Author: tmbis
Date: 12-31-2002, 04:39 PM
أول الحكي ... " شيري "
يللا نرقص خطوة واحده
يللا نطلع نخلة شاهقة
نرتب هم الغناء
عصافيرك تنعس التمر الرطب
مشاويرك بتفضح .. فقر الـ أنا " مجدي النور "
ركــن المحبط .. " بت قضيم "
في حضرة جلالك
يطيب الجلوس
مهذب أمامك
يكون الكلام
مسكاقرو
دبايوا .. ايتانينا
شيب واك ..
اشن كراج
سري ناقمي ..ويي بونا
راس سنتكم بي نكهة .. وطن غالي وحنين عودة " شرير والبرتقالة "
تجربة انسانية .. مابين صرخة إعلان الحياة .. وصمت الرحيل .. كنت بين البين – مساحة كبيرة من الوهم ، لحظة ضعف لي نفس روحه محرقاها تفريغ شحنة من كبرياء اليأس ...
كنت في موعد معكم .. أحتوتني كل تفاصيلكم الحميمة – جردتني من فراغ الوحدة ..
قدري السعيد أن التقيكم في هذا المكان ..
Quote: أطرد هذه الأفكار السوداء
من رأسك، لأنها قد راودتني ذات
يوم وطردتها شر طردة
والحمد لله على ذلك |
موعد مع ناس جميلين إستقلال التقنية الحديثة في خدمة النفس البشرية " أو ترويض المعتوهين الزيئ كده .
اضغط علي الماوس .. موافق .. موافق ناس أول مره تلاقيهم ..جميلين ..جميلين بشكل زى البنتعارف من سنين .. جدل انيق .. سايكلوجية مبسطه ميكانيكا سيارات ، هندسة ، طب اسنان فنون جميلة والله انا محظوظ حظ ، ويا جماعة انتو الحنيه القدر ده ، قاعدين تجيبوها من وين ؟؟؟
قلته البورد كان جاني هنا ماماشي ليهو .. Quote: خليك هنا...انسحابك لا يعني أن المشكلة في هذا المكان...لن تستطيع أن تعيش حياة سعيدة إلا ان تتدرب على الحياة المؤلمة
|
كل دقيقة يجدعوا لي لنك ..عليك الله شوف دافئ كتب ليك شنو Quote: يا الله
ما هذا!!!؟
أهنا..تضع جمالك يا ربي!!؟
سكنت روحي...بعد شحوبها..وحفني سلام عجيب |
؟؟ أنا أغمض وأضغط اللنك .. ما حالف يفتح أحس بي نفسي صغير .. لنك تاني .. شوف ود شاموق قال كلام سمح كيف ؟؟! ، أقرا أختك تماضر قالت ليك شنو ؟؟؟ أقرا نسمة ،، سكرا| Quote: عقبال ما نحرد احنا كمان ويرجعونا |
اساسي بت قضيم وشيري ،Quote: من قال ان الاحزان لا تتعرض لانتكاسه مثلنا تقصف عمر الاحباط فيها ،
فتحيلها الى شجرة يابسة من الحزن |
المهندس وديك الجن اساسي .. وأستاذ صلاح درار ، عزة وسكرة الناس ديل خلوك براك يا تمبس يا زفت ووين يا تمبس ما بترجع وكلما أضغط لنك ، اصغر انا ، انا أصغر دخلته البورد .. فتحتو وكلما يفتح يطلع رد .. اخاف منكم احس بالذنب زول معتوه غريب الأطوار .. أصغر من الحاجات الصغيرة ذاتو .
| Quote: وقصة انك ترحل بالصوره دى ده شى غير مقبول منك |
الغرفة .. في حالة فوضي عاليها واطيها .. منازلة إفتراضية لحسم القضية .. يا أنا يا أنتو نحدده قانون غاب القوي ياكل الضعيف ..بديت بيكم بود شاموق .. وزن الريشة كرفستو ..كرفستو تلاتة أربعة مرات خبطه بيهو الحيطه .. طق طق اتمطي ..تاني بقي طويل لكنو مكرفس لسه بت قضيم وشيرى . شلاليت شديدة .. اساسي في راسي الدولاب قلته ليهو حسابك بعدين لما افضي ليك .. مافي واحد قال كلمة وده الغايظني كان ارقد شوية أطفي النور .. تاني أقوم ولع يا نور تبدا المعركة تاني أمسك دافئ اجدعو هناك فررررررررررر يطير ، الزولة الأسمها سكرا دي ومعاها عزة Quote: لو كان هنا زحام فهو الزحام الذي يعطيك الدفء و يشعرك بالامان مش زي زحام الضيق الماشي ليه
|
ونسمة و عشان طويلات ارصهن مع بعض ازوغ من ود عزة يظهر لي المهندس . | Quote: معليش أخي تمبس اليوم تجرني أن افتح صفحة أحزاني |
اقطعو .. انا أقطعو تاني القاهو مرتين تحت التربيزة وفوق الدفاية تماضر تحجز .. تسكلب .. تجضم .. حتي مودك ... ميدو الجميل .. كرفستو .. كترتو علي قلته الملمكم كلكم . في الدولاب قفلتكم .. انا أرصكم في حته واحده كده أحسن أو أولع فيكم نار ... افكر أفكر ،،، ايوووووووووة بس الشنطة ،، واقفلكم .زأشان تاني ما تطلعوا خالص .. طبعتكم يا جميلين الدواخل .. كل كلامكم لي علي ورق ابيض زى قلوبكم .. مقاس " A4 "
نسختين .. نسختين واحده في الشنطة العتيقة ... أحلي تذكار .. قايلني ما بشتاق ليكم ؟ النسخة التانية معلقه في الحيطة .. وفي الدولاب وفي السقف .ز موزعين بي تنسيق جميل وكلما أدخل ألقاكم ماليين الغرفة ..
عملته معاكم تكنيك بالماوس .. " Copy& Paste "
أنسخ ديك الجن Quote: خذنى خذ اجمل هداياك لى ... حزنى
|
.. واشيلو يكطلع لي هشام صاحبي .. كوبي وبيست أستاذ صلاح درار Quote: لا أحب أن أريكم غضبي منكم ..
ولم الغضب؟؟ |
. ده ما عمي .. شيري وبت قضيم .. " طج" يا ماوس .. انا اسكت ساكت .. هسسسس ديل ما .. الكتابات للحاجات السمحات المهندس هاي لايت كبير واكبر بيست محاولة فاشلة . تاني أكرره | Quote: لكنها مشاعر حقيقيه والواحد جد بتذكركم مرات في زحمه السوق العربي |
أفتح بيك صفحة جديده .. وتاني بيست .. أخ خ خ خ ما قدرته عليك .. هات راسك يا جميل .. انا معليش يا مهندس ... أقبله مني ... مودك ... ولد ، ده | Quote: لك كل الود لأنك تستحقه |
؟؟! اكبر كوبي ليك .. بنسخك في ود أخوي الصغير الما شفتو . تعرف ؟؟!! قالو قاعد يتعلم في المشي ... بمشي خطوة وبيقع .. أنته خطواتك راسخه يا مودك وكلنا معاك بنشيل كتف الغنا الميل .. عامل قميصك السمح ده ... دافئ كوبي لمعني الأنسانية انا أنسخك في ذاتي .. ود عزة الرحمابي Quote: كلنا احبة
سلام
رحمابي |
أبو مهيار .. كوبي .. وبست في مدرج جامعة الخرطوم .. أستاذ بكري " خدر بالواو قال مايهظرو معاك بتشيل سلوكك وتمشي .. أكبر كوبي أنسخك لي طلبة كلية الفنون قسم النحت خريجين السنة دي .. نسمة| Quote: الإحساس ده جاني من لحظة ما كنت في مطار الخرطوم إلى اللحظة |
.. كوبي وبيست في صالة العودة مطار الخرطوم بين الناس الجايين ... سكرا ..كوبي وبيست في أروع أخت .. سكرة Quote: 00كلنا جداد وبنعاني من نفس المشكله لكن ده ما بيعني الانسحاب00
سكرة00
|
.. كوبي وبيست في نفسك يا شفيفه .. عزة كوبي وبيست في ملامحك يا بهجة .. تماضر شيخ الدين | Quote: انا اختك تماضر قلت ليك اقعد معانا حتكسر كلامى؟؟؟ |
.. كوبي وبيستك .. في ضئ غنواتك ديباجة وطنك .... دقنه| Quote: ثانيا دخول البورد مازي خروجه |
.. كوبي وبيست ..في جدك في عروس في هدل .. في همشكوريب .. ود شاموق .. يا ود شاموق .. كوبي وبيست تطلع ادريس جماع .. يا مرتب التفاصيل .. اسمك مالو عامل زى اسمي كده ؟؟؟؟!! أساسي .. كوبي وبيست في زوقك يا معني الأنسانية .. استاذ موصلي .. كوبي وبيست .. تطلع سمندل .. اسماعيل عبد المعين .. باخ أو شوبان .. مازورتين في القدر ..في وينك أنتي أ, في الأماني السندسية ،، يا معني التواضع ...هاى لايت كبير جدا ... واكبر كوبي بمساحتكم .. في سودانيز اونلاين ... وفي لمتنا الحلوة ..
حنين .. ووليد ليكم رجعه
|
Post: #2
Title: Re: كانت عاملة كده ....... لكن الليلة ...عشان راس السنة
Author: اساسي
Date: 12-31-2002, 04:50 PM
Parent: #1
تمبس الرسام بريشتك اخرجت لنا اجمل مسرحية
مساءاتك وهج الشمعة الميلاد
وسنة حلوة
وسمعنا
|
Post: #3
Title: Re: كانت عاملة كده ....... لكن الليلة ...عشان راس السنة
Author: shiry
Date: 01-01-2003, 00:06 AM
Parent: #2
اول الحكي
اطفئوا الشموع
اطلقوا البخور
افتحوا شرفات
للامل
للامنيات
للمحبة
وكل سنة
وحميع
الناس
الحلوة
اللي هنا
بالف خير
اخر الحكي
انا في اولى ساعات
2003
وبارب اجعلها سنة
كلها خير
وبركه
علينا كلنا
|
Post: #7
Title: Re: كانت عاملة كده ....... لكن الليلة ...عشان راس السنة
Author: tmbis
Date: 01-01-2003, 02:55 PM
Parent: #3
العزيزة شيري
من جوه الحكي
للأمل ... للأمنيات .. والمحبه
ولمة الناس الحلوة ..
عامك سعيد
مطلوب حضورك .. ومعاك خبيز السنه الجديده دي
افرقي محتويات اللغة .. بسعة إدراكك
أو شخبتي
بتطلعي .. حاجات سمحه
بس ما تطولي الغيبه
تمبس 
|
Post: #6
Title: Re: كانت عاملة كده ....... لكن الليلة ...عشان راس السنة
Author: tmbis
Date: 01-01-2003, 02:47 PM
Parent: #2
اساسي جدا
سلامات
عام جميل احلي من كده بكتير
والسنه الجايه اشوفك بي عيوني .. ديل
وثنائي العاصمة ديل ان شاء الله في عرسك .. وما تكون عملتها من ورانا
لانو انا ناوي ليك .. وحالف ليك جنس حليفه ..
والله يقدرني علي خلق .. اي نوع من البهجه في قلب اي واحد هنا ده
سلمت يا جميل
تمبس
|
Post: #4
Title: Re: كانت عاملة كده ....... لكن الليلة ...عشان راس السنة
Author: ود شاموق
Date: 01-01-2003, 07:51 AM
Parent: #1
فعلاً يا أساسي دي لوحة يا تمبس أبداً ما كتابة
ما عارف راودني الاحساس إني قاعد أسمع مقطوعة موسيقية أو أتفرج في لوحة لرسام عظيم، جد والله دون مجاملة، يا علاء والله والله بعيد ليك الكلام، كتابتك أرقى من إنها تتلوث بمثل ردودي الفاترة، كتابتك رائعة وممتلئة بالحيوية بحس بي كتابتك زول واقف قدامي قاعد يتكلم بلسان عربي مبين، كتابة حية منطلقة مندفعة مثل النهر فحرام ياخي أرد ولا أكتب حاجة، جد يعني اخجلت كلماتي عن الرد عليك، وجد زيي ما مفروض يرد عليك ابداً والله حرام دا يبقى ظلم حتى لي فنك يا فنان.
|
Post: #5
Title: Re: كانت عاملة كده ....... لكن الليلة ...عشان راس السنة
Author: tmbis
Date: 01-01-2003, 02:41 PM
Parent: #4
ود شاموق الرائع
غدا اذوب مهجتي
في حر أنفاس الغرام
ارنو إليك
وآ لوعتي
ظمآ تأجج في ضرام
وابيت اعشق في الدجا
صوتا ينادي في منام
ابدا أعيش علي حبه
انا دون أحبابي حطام
كل ما اسمع دي .. بتخيل انك كاتبه
فيك حاجه من ادريس جماع
بس لسه ما قادر اعرفه هي شنو
..
وبعدين الكلام القلتو ده كتير
روحك السمحه يا ود شاموق
وكل سنة وانت طيب
تمبس
|
Post: #8
Title: Re: كانت عاملة كده ....... لكن الليلة ...عشان راس السنة
Author: SUKARA
Date: 01-01-2003, 07:46 PM
Parent: #1
الاخ تمبس 00
سعيـــــــــدة بعودتك معنا من جديد00
سكرة00
|
Post: #10
Title: Re: كانت عاملة كده ....... لكن الليلة ...عشان راس السنة
Author: tmbis
Date: 01-01-2003, 07:49 PM
Parent: #8
سكرة
انا كمان
كل سنه وانت طيبة
تمبس
|
Post: #9
Title: Re: كانت عاملة كده ....... لكن الليلة ...عشان راس السنة
Author: SUKARA
Date: 01-01-2003, 07:49 PM
Parent: #1
وكل عام وانت بخير00
|
Post: #11
Title: Re: كانت عاملة كده ....... لكن الليلة ...عشان راس السنة
Author: Tumadir
Date: 01-01-2003, 07:56 PM
Parent: #9
وما كسرت كلامى
وما دنقرت وشى قدام حبايبنا سوا
وما خليت ليهم صفحة ابيض يقبلوا عليها
ومليت حيطانك بالحب
ومليت وجداننا بحبك يا تمبس
اهلا بيك مشعال للفال
وانت بتعدم فى شبح الكابة بعروق الزهور، وامشاط التفهم
واوراق النصاع
ويللا خباكم
اسرعوا الباقى لينا اكتر والشمس بتتثاءب،
والنجوم بتعد فينا من عشقنا والسهر
|
Post: #12
Title: Re: كانت عاملة كده ....... لكن الليلة ...عشان راس السنة
Author: tmbis
Date: 01-01-2003, 08:05 PM
Parent: #11
ابشري
وفالك .. ما بفتر
وكان فتر
بنسندك
ويلالا
ماشين
لي قدام
|
Post: #13
Title: Re: كانت عاملة كده ....... لكن الليلة ...عشان راس السنة
Author: ba7ar
Date: 01-01-2003, 08:23 PM
Parent: #12
انا ما حضرتا طلعتك من البورد
لكن اتكيفت جدا برجعتك وبعد الكلام القريتو ده حادمن عليك
وهسي احسن اسكت بس ، وحأرجع اقرا البوست تاني
لو فرفرت تاني انا البتصدي ليك
ودمت
whisper :انت صورة البت السمحة دي جبتها من وين؟
|
Post: #14
Title: Re: كانت عاملة كده ....... لكن الليلة ...عشان راس السنة
Author: tmbis
Date: 01-01-2003, 08:27 PM
Parent: #13
بحر
سلامات ياخ وكل سنةوانت طيب
تاني فرفره مافي يا جميل
وكان لاقتني اي قرفه زي دي بكبها ليكم هنا بي ترابه
اها قمنا للتهبش يا بحر
الزوله دي .. اساسي مقدم اوراقو
وحاجزنها ليهو 
|
Post: #15
Title: Re: كانت عاملة كده ....... لكن الليلة ...عشان راس السنة
Author: حنين
Date: 01-01-2003, 09:21 PM
Parent: #1
عارف انت انسان شجاع
لانك قدرت تبتسم في عز رغبتك للبكاء
دمت لنا يا غالي
|
Post: #16
Title: Re: كانت عاملة كده ....... لكن الليلة ...عشان راس السنة
Author: Modic
Date: 01-02-2003, 01:52 PM
Parent: #1
tmbis الرائع
انت فنان حقيقي يرسم بالكلمات ... ما يعجز أروع فنان تشكيلي أن ينجزه
دمت لي أخ كبير رائع .. و فنان
تسلم لي دائما
محمد
|
Post: #17
Title: Re: كانت عاملة كده ....... لكن الليلة ...عشان راس السنة
Author: Modic
Date: 01-02-2003, 05:56 PM
Parent: #1
و القميص و سيدو بيعزوك
و لو عاوزو : علي بالطلاق ألفو ليك ..
مودك
|
Post: #18
Title: Re: كانت عاملة كده ....... لكن الليلة ...عشان راس السنة
Author: wadazza
Date: 01-02-2003, 06:29 PM
Parent: #17
تمبس
جد كنت ناوى تقلع من ايدينا تشكيلاتك الجميلة دى؟؟؟...
مكانك هنا...وواجبنا نقراك صح...
فلتستمر بيننا بطعمك المدهش
تحياتى
ودعزة
|
Post: #19
Title: Re: كانت عاملة كده ....... لكن الليلة ...عشان راس السنة
Author: سمندلاوى
Date: 01-02-2003, 06:39 PM
Parent: #1
تمبيس
ياود ياخطير انت
دى اهازيج يعجز قلبى عن مجاراتها
عارفك من صغير انت وبتجى تتاوق لينا بى هناك انك فيك شئ ماهين
واهو الليلة انا سعيد وفخور بيك
يلا اتحفنا وونسنا بى الحاجات الطاعمة دى
بكرى
|
Post: #20
Title: Re: كانت عاملة كده ....... لكن الليلة ...عشان راس السنة
Author: tmbis
Date: 01-04-2003, 03:58 PM
Parent: #19
مودك ..
تسلم يا زوق
انا كمان بعزك والله
ما تجي جياتك الصغيره دي وتمشي
دايرنك طوالي هنا
شد حيلك
اخوك المشتاق ليك
تمبس
ود عزة
لغة البورد
كل سنة وانت طيب
الماسينجر يوم راس السنة خزلني والله معاك
اظهر .. ونشوفك
اخوك
تمبس
بكور الباشمهندس
العيال كبرت يا باشمهندس
والشوق ذاتو كبر
وان كمان سعيد بيك يا جميل
اها الإمتحانات خلصت
ومنتظرين حاجاتك الحلوة .. الداسيها مننا دي
سلم علي الحلوين
اخوك
تمبس
|
|