Post: #1
Title: قصـــــــــــــــه لذيـــــــــــــــذة اقروها
Author: Tumadir
Date: 12-31-2002, 00:21 AM
Parent: #0
Messenger (Inbox)
Inbox - Tumadir
Inbox - New Message - Outbox
مع الاعتذار لصديقى الباعث بالرسالة
اسمك مشطوب ما تخاف
أزيك يا تماطم يا غالية والله الف مليون حمدلله على السلامة
وربنا يخليك لينا والله ضربت السودان اتكلمت مع زوجة اخوى حكت لى قصة قطعت مصارنى بالضحك
عندى جدى كبير مخرف شوية قالو وقعت الجريدة بتاعت
الخرطوم فى ايدو شاف صورتك فيها قبض الجريدة وقال
لى ود بتو القاعد جنبو:
ها شافع البنيه الحلوة دى منى الناشرنها فى الورقة دى؟
قالو ياجدى دى تماضر شيخ الدين
الفنانة.
قالو وخبارا مصورنها؟؟
قالو عاملين معاها لقاء
مالك انت بتسال يا جدى؟؟
بتدوربها شنو؟؟
قالو آجنا ماتشوفا لى آبتاخدنى؟
قالو حبوبتى راقدة بين نايمة وصاحية نطت على طولا:
آرجل ياخدك العطش
طبعا الاتنين فوق التمانين
والله قالت لى مانمنا من الضحك
مرة تانية حمدالله على السلامة
اخوك دوما
|
Post: #2
Title: Re: قصـــــــــــــــه لذيـــــــــــــــذة اقروها
Author: gadora
Date: 12-31-2002, 02:37 AM
Parent: #1
الاخت تماضر
لك التحية
طبعا بعد عزوف الشباب عن الزواج اصبحت الساحة خالية لجدودنا يسرحوا ويمرحوا ويحلموا زى ماعايزين
والله يستر من اخر الزمن
للملاحظة نسيتى تشطبى التوقيع ......لوووووول
|
Post: #3
Title: Re: قصـــــــــــــــه لذيـــــــــــــــذة اقروها
Author: Elmosley
Date: 12-31-2002, 02:58 AM
Parent: #1
وانا متبرع بالحفله بس كيف عروسنا الحديقه تقبل
|
Post: #4
Title: Re: قصـــــــــــــــه لذيـــــــــــــــذة اقروها
Author: شرير والبرتقاله
Date: 12-31-2002, 06:24 AM
Parent: #3
صباحاتكم بنكهة
قشر البرتقال
ويقين القرنفــل
وما تقولي انا ود حلتكم في السابعة
بنلم ليكم ناس الحلة
والجير ورص الكراسي
ورص البيبسي في البراميل
ودق الخيمة
دا كلوا علينا
بس كيف توافق
فاكهتنا الاستوائية
بعدين احسن حاجة في الموضوع انو
العريس (خلص)التجنيد الاجباري
يعني لمن يمشي معاك ما ح يخاف
من ناس خيمة الالزاميه
ودفارهم
شفتي كيف الحكاية ادبرت ليك
اصلوا الفرح دا قسمة
|
Post: #5
Title: Re: قصـــــــــــــــه لذيـــــــــــــــذة اقروها
Author: ابوحراز
Date: 12-31-2002, 08:05 AM
Parent: #4
ياجماعة حرام عليكم
نحن تماضر دي غالية علينا
ومابنديها لي واحد مكعكع زي دا
يا اخوانا دا والله ينوم ليها في كوشة العرس
تعرف ياشرير
النوع دا مفروض يركبوه من قدام في الدفار بتاع الإلزامية
تعرف ليه ؟؟؟
لأنو اساساً قرب يتلحس
وبدل مايموت فطيسة أحسن ليهو الحور العين
|
Post: #7
Title: Re: قصـــــــــــــــه لذيـــــــــــــــذة اقروها
Author: Tumadir
Date: 12-31-2002, 08:34 AM
Parent: #5
قدورة لا دة الامضاء بتاعى دة ما امضاء صاحب الرسالة
شرير والبرتقالة والرجل الغابة
حفلة شنو وكراسى
انا ناوية اتشلخ
اب حراز ، دة ما جد زول عزيز علينا هنا يعنى ليه تقول اتلحس وكلام زى دة؟؟؟؟خلينا نضحك ضحك
ما مضر
|
Post: #6
Title: Re: قصـــــــــــــــه لذيـــــــــــــــذة اقروها
Author: celecon
Date: 12-31-2002, 08:30 AM
Parent: #1
السلام عليكم ورحمة الله تعالى وبركاته
يا تماضر والله الكلام ده بيدل على أنك تدخلى القلوب بدون استئذان حتى
بالنسبة لذوى التجربة امثال هذا الجد ربنا يمد فى عمره
يا أبوحراز الاعمار بيد الله وقدم السمحة
|
Post: #8
Title: حبوك حب
Author: كيمو
Date: 12-31-2002, 08:54 AM
Parent: #1
مكتوبة فى الممشى العريض
واللة ياجماعة جدو معزور ومعة حق يتككب
بعدين تماضر ذاتها ما صغيرة وممكن تكون اكبر من جدو
تماضر كبيرة وكبيرة جدا بس بى فنها وتعاملهاالراقى
تماضر هى ام الشباب فى المنتدى بى حنانها واسلوبها الرائع
تماضر ام الشباب من بكرى لى محمد البارى
ما بين زمن متمنيهوا وزمن ذادنى منك اسية
|
Post: #9
Title: Re: حبوك حب
Author: Dima
Date: 12-31-2002, 09:11 PM
Parent: #8
طيب هو جدو بس شاف الصوره وقال كده، أمال لو قرأ اللقاء وسمع الكلام المنمق والصوت المميز يقول شنو؟ كل سنه وإنت بخير يا تماضر وربنا يجعل السنة دي أفضل مما سبق ويحقق اماني الجميع
ديما
|
Post: #10
Title: Re: حبوك حب
Author: Tumadir
Date: 12-31-2002, 11:19 PM
Parent: #9
كيمو
دى كلمة حق اريد بها باطل ولا شنو؟؟؟
ديما... البت العظيمة
الف شكر ليك يا ست الناس
وكل عام والجميع بخير، نحن لسة فى سنة الفين واتنين، انتو وين؟؟؟؟
مش ظاهر نحن فى السودان يانا العالم المتقدم؟؟؟ نحن فى المستقبل وهم لسة فى الماضى؟؟؟
|
Post: #11
Title: Re: حبوك حب
Author: ba7ar
Date: 01-01-2003, 01:14 AM
Parent: #10
تماضر
وانا بقرأ في البوست جاني خاطر قلت اقولو ليك
انتي ممثلة كانت علاقتنا بيك محدودة ، يادوب نقفل التلفزيون بتشتتي
لكن في البوردبقيتي اقرب لينا من اخواتنا
وانا عن نفسي لما اقرأ مواضيعك بحس كاني قاعد معاك في راكوبة والبن ريحتو طالعة والشفع بصرخو وهاك يا ونسه
كل سنة وانتي طيبة
و جد الراجل ده اريتو جدي
ودمتي
|
Post: #12
Title: Re: حبوك حب
Author: Tumadir
Date: 01-01-2003, 07:58 AM
Parent: #11
انا اختك يابحر
شكرا على كلماتك الحنينة دى
والله يقدرنى على المشاعر الجميلةالما بستاهلها كلها دى.
|
Post: #14
Title: Re: حبوك حب
Author: ود شاموق
Date: 01-01-2003, 08:32 AM
Parent: #12
الرائعة تماضر
والله ابداً القصة ما غريبة
الجد دا أوعى زول في الناس ديل كلهم
جد عينو نجيضة الله يحفظو
|
Post: #13
Title: كلمة حق
Author: كيمو
Date: 01-01-2003, 08:21 AM
Parent: #1
ام الشباب تماضر
انها كلمة حق فالامومة هى العطاء
والحنان والمحبةوانا مصر وملح بى انك كبيرة وكبيرة جدا
وام الشباب من بكرى لى البارى
وكل سنة وانتى طيبة
ما بين زمن متمنيهو وزمن ذادنى منك اسية
|
Post: #15
Title: Re: قصـــــــــــــــه لذيـــــــــــــــذة اقروها
Author: Modic
Date: 01-01-2003, 12:54 PM
Parent: #1
أنا اوافق ود شاموق ... الزول ده حيكون علي مدي تمانين سنة اللي هي لو افترضنا عمرو الحالي لو كان بيلاقي كل اسبوع زولة واحدة
يعني و بشوية رياضيات حيكون بيلاقي في السنة الواحدة 48 بت مختلفة أشكالهم و الوانهم
و علي مدي 80 سنة حيكون شاف 3840 بت ..
بالتالي حيكون خبير في تمييز الجمال الحقيقي 
و بالتالي انتي مفروض تنبسطي جدا من انو زول في مثل خبرتو شهد بجمالك
و دمتي لينا لي سنة جديدة ... الله يحفظك و كل سنة و انتي طيبة
محمد
|
Post: #16
Title: Re: قصـــــــــــــــه لذيـــــــــــــــذة اقروها
Author: Tumadir
Date: 01-01-2003, 01:22 PM
Parent: #15
يا كيمو امومتى لاعضاء البورد وسام شرف اشكرك عليه
ياود شاموق ومحمد الله يرفع معنوياتكم فى السنة الجديدة دى،
طبعا محمد اثبتها ليكم علميا
لوووووول
ويرفع روح جدو المعنوية ويديه طولة العمر،
وكتر خير مرة اخو الراجل اخونا الوصلتها لغاية هنا،
انا ممتنة
|
Post: #17
Title: Re: قصـــــــــــــــه لذيـــــــــــــــذة اقروها
Author: ابويوسف
Date: 01-01-2003, 07:55 PM
Parent: #16
طبيعه النفس دوما تحتاج الي ما ينقصها
رجل كبير في السن يبحث بشوق عن قرينه تنقصه باعوام
وانثى في اواخر الوسط من عمرها تبث اعجابها وصريح حبها لشاب في عقده الثاني اذا تتوازن الامور عند الطرفين
وجدو عندو حق
|
Post: #18
Title: Re: قصـــــــــــــــه لذيـــــــــــــــذة اقروها
Author: Tumadir
Date: 01-01-2003, 08:14 PM
Parent: #17
ابو يوسف
حاتكلم معاك بصورة مباشرة وفى صميم الموضوع
محمد قسم البارى فى عمر اولادى
وانا (بثيت) ليه نوع من الحب الهو الصغير ممكن يفهموا ويتذوقوا، لانه تصريحى جة بعد راى كبير ادلى بيه هو وعرف بيه ناس الجبهة، وانهم بخافوا من كلمة الحب،
وفعلا الحب عاطفة كونية يمكن تبادلها بسخاء بين الكائنات وحتى عناصر الطبيعة
حصر الكلمة فى امراً ضيق وتشخيصها وفقا لحالة الحب بغرض الزواجوالاشتهاء هو شى خانق وضيق الافق،
طفل زى محمد قسم البارى يفهم انه كلمة حب هى الكلمة التى تهزم الدكتاتورية ، هوالدفعنى لان (ابث) له ذلك الحب،
ولو كان محمد قدامى كنت شلتو ودورت بيه فى الهواء، زى ما بعمل لاولادى لما يفرحونى، من طربى لكلماته الناضجة وهو فى العمر دة..
يلا يا ابو يوسف، تعال ما نشوه صورة بعض
وانا حقيقة حبيت النقاش دة معاك، (ابث) ليك الحب دة ولا حتحسبوا على خطيئة من امراة ، تصرح بالحب على الملأ؟؟؟؟
وعافية ليك... لله والرسول
بس نقول سوء تفاهم
|
Post: #20
Title: Re: قصـــــــــــــــه لذيـــــــــــــــذة اقروها
Author: ابويوسف
Date: 01-01-2003, 08:49 PM
Parent: #18
الاخت تماضر
اولا اشكرك لانك ختيتيني في خانه شرير الفلم
واشكرك لانك عفيتي عني لله والرسول
وانا لا ادري سبب كل هذا الهجوم المباشر
والجرم الشنيع الذي ارتكبته بحقك
وزكر اسماء واشخاص انا احترمهم ولم اكتب عنهم مايشين بحقهم وبحقك
فمركب نقص الجد الطيب موجود ايضا عند النساء هذا ما كتبت واذا دار بخيالك اشياء انا لم ازكرها فهذا ما سولت به نفسك وانا برئ منه
ولا اعتقد نفسي مريضا حتى اهاجم استاذه في مقامك واتهمها بحب من نوع الاشتهاء بابن اقدره هو محمد عبد الباري في بيت اقدره هو بيت الاستاذ بكري واخوه اعزهم جمله وتفصيلا
انا ابعد عن الذي ترمي له
انا اكبر مما تقولين
ولك العتبى ان اساءت القصد
والعتبىللجميع
ونحن على الود نبقى
|
Post: #19
Title: Re: قصـــــــــــــــه لذيـــــــــــــــذة اقروها
Author: Mutwakil Mahmoud
Date: 01-01-2003, 08:37 PM
Parent: #1
ياأبوهديل
وأنا مني الخيمه والكراسي والميكرفونات وكمان حق العشاء حأدفعه اها قصرنا مع طماطم دي بس هي ذي ما قلت كيف تقبل
أخوك د.متوكل
|
Post: #21
Title: Re: قصـــــــــــــــه لذيـــــــــــــــذة اقروها
Author: Tumadir
Date: 01-01-2003, 08:52 PM
Parent: #19
ولايهمك.....
|
Post: #22
Title: Re: قصـــــــــــــــه لذيـــــــــــــــذة اقروها
Author: Tumadir
Date: 01-01-2003, 08:54 PM
Parent: #21
دكتور متوكل
طيب انت ما تسلفنى حق العشا دة وبرجعوا ليك بعد العقد....
لووووووووووووووووووول
|
Post: #23
Title: Re: قصـــــــــــــــه لذيـــــــــــــــذة اقروها
Author: المسافر
Date: 01-02-2003, 00:31 AM
Parent: #1
ياناس سلامات
أنا ما عارف قصة الجماعة المعمرين مع وسائل الإعلام ومقترحاتهم دايما تجلب الضحك
سمعت قصة واحدة معمرة في خريف العمر ودائما تقعد تشاهد التلفزيون وخاصة بالمساء عندما يطلعو ليها سريرها في الحوش يظهر مع موعد النشرة المسائية، وكل مرة تشاهد صورة الرئيس ومرة سألت ولدها أنت يا جنى الجنى الرايح ده أهلو ما لقو؟
|
Post: #24
Title: Re: قصـــــــــــــــه لذيـــــــــــــــذة اقروها
Author: مشتاق
Date: 01-02-2003, 00:46 AM
Parent: #1
loooool
والله يا تماضر قصه لذيذه
الله يديك العافيه
وجد الزول ده الله يديه العافيه لانو بالجد عندو بعد نظر وخبره
وزوق
مع احترامى
|
Post: #25
Title: Re: قصـــــــــــــــه لذيـــــــــــــــذة اقروها
Author: Tumadir
Date: 01-02-2003, 00:59 AM
Parent: #24
المسافر
والله المرة صدقت... دحين الجنة، مارايح؟؟؟
مشتاق
بركة القصة العجبتك
وشكرا ليك انت برضو للتامين على راى الجد لووووول
|
Post: #26
Title: Re: قصـــــــــــــــه لذيـــــــــــــــذة اقروها
Author: Modic
Date: 01-02-2003, 10:59 AM
Parent: #1
أبو يوسف
خلينا نتعامل بشوية رياضيات
| Quote: تبث اعجابها وصريح حبها لشاب في عقده الثاني |
أولا
لو افترضنا انو في زول اسمو محمد قسم الباري عمرو 17 سنة ... بالتالي هو حيكون عاش سبع عشرة سنة حتي اللحظة دي ... و العقد يعني : 10 أعوام .. في حين انو محمد عاش عقد واحد وسبع سنوات .. يعني أقل من عقدين ..بي ثلاث سنوات .. بالتالي لا يصلح قول : في عقده الثاني .. لأني ما أكملت عقدي الثاني
20-17 = 3 years
موافقني ولا لسه ؟؟
بالتالي أهم شيئ في اللحظة دي اننا نضع ألف خط تحت كلمة عقده الثاني ..
--------------(1)
ثانيا :
محمد ولد تماضر عمرو حاليا 10 سنوات ... و أنا عمري 17 سنة .. يعني و بي رياضيات أبسط من الازم حيكون الفرق بيناتنا هو 7 سنوات
17-10=7 years
بالتالي تماضر في مقام أمي و انا بعتز بالأمر ده جدا جدا .. و بعتبرها انسانة أكثر من رائعة .. و لو ما مصدقني أسأل ناس البورد كلهم ... و بستشهد هنا بكلام كيمو الحقيقي جدا :
Quote: تماضر هى ام الشباب فى المنتدى بى حنانها واسلوبها الرائع
تماضر ام الشباب من بكرى لى محمد البارى |
-------------(2)
ماذا أقول ؟؟
هل لي أن أستشهد بكلمة دقنة البجاوي لتماضر :
| Quote: ثوري ياتماضر فلم تبقي فينا الرجولة |
علي كل بيعجبني ثباتك و قوتك ... و الصفة دي موجودة عند أمي أيضا .. و أستشهد بجملة قالها لي زول كبير في الجيش السوداني :
| Quote: أمك يا محمد امرأة حديدية |
و يبدو اني ما برتضي غير امومة النساء الحديديات .. و تماضر دوما واحدة منهم
كوني سماء و لا تسقطي .. كوني شمسا .. حتي يعمي من يتطاول نظره اليك ..
فقط كوني كما أنتي
محمد
|
Post: #29
Title: Re: قصـــــــــــــــه لذيـــــــــــــــذة اقروها
Author: ابويوسف
Date: 01-02-2003, 04:54 PM
Parent: #26
وانثى في اواخر الوسط من عمرها تبث اعجابها وصريح حبها لشاب في
عقده الثاني اذا تتوازن
ـــــــــــ
الاخ محمد
قالوا الفي راسو بطحه يحسس عليها
انا جبت اسمك في الموضوع اعلاه دا
او حتى وصفك
او حتى اشاره لك
انا بعقب على موضوع للاستاذه تماضر
انت الدخلك شنو في لب الموضوع
عشان تديني حصه في الرياضيات
وانا الذين درستهم نفس الماده
يفقونك عمرا ونضجا
اما اعتزازك بام مثل الاستاذه تماضر فدا برجع ليك
انا لم اوجهه اي حديث لك لذلك
اترك نقاشي وتوجهه الي ما يخصك
مع الاحتفاظ بالود الذي بيني وبينك
ــــــــــــــ
وانا الحليت بله زاتوووووو
|
Post: #30
Title: Re: قصـــــــــــــــه لذيـــــــــــــــذة اقروها
Author: Modic
Date: 01-02-2003, 05:50 PM
Parent: #29
| Quote: لو افترضنا انو في زول اسمو محمد قسم الباري عمرو 17 سنة |
أنـــا قلت لو افترضنا .... و يبدو انك افترضت
أحسن نغير الموضوع ولا رأيك شنو ؟
محمد
|
Post: #31
Title: Re: قصـــــــــــــــه لذيـــــــــــــــذة اقروها
Author: ابويوسف
Date: 01-02-2003, 06:05 PM
Parent: #30
احسن
|
Post: #32
Title: Re: قصـــــــــــــــه لذيـــــــــــــــذة اقروها
Author: Modic
Date: 01-02-2003, 06:22 PM
Parent: #31
أنا برضو بقول أحسن نتكلم في موضوع مفيد أكثر من الافتراضات خاصة لو كانت غلط
محمد
|
Post: #27
Title: Re: قصـــــــــــــــه لذيـــــــــــــــذة اقروها
Author: اسامة الخاتم
Date: 01-02-2003, 11:21 AM
Parent: #1
قصة فعلا لزيزة
و يا ابو يوسف والله انت تعبت و يحلك الحلا بلة
يا موديك انت ح تجيب 100 فى الرياضيات
و يا تماضر يعنى ما تبقى حساسة كدا كلنا بنحب موديك و عديل كدا و الله فاهمين حبك ليه دا معناه شنو
الود دا كتب كلام فى الكيزان يخلى كل امهات العالم يحبوهو
و لى قدام يا موديك
و انا بحبكم كلكم بى ابو يوسف
|
Post: #28
Title: Re: قصـــــــــــــــه لذيـــــــــــــــذة اقروها
Author: Tumadir
Date: 01-02-2003, 01:47 PM
Parent: #27
موديك
تانى بقولها ليك اها انا بحبك
ويا اسامة ما تخاف على ابويوسف، هواتحل خلاص
وشكرا على رسالتك المسالمة
الحالة دى كانت قصة لذيذة ... لو كانت قصة ما لذيذة، كان الحوار دة جاب طوب ودراب ولا شنو؟؟؟؟
|
Post: #33
Title: Re: قصـــــــــــــــه لذيـــــــــــــــذة اقروها
Author: Modic
Date: 01-02-2003, 06:31 PM
Parent: #27
أسامة الخاتم
يا زول يا لذيذ يا مسالم
ولا يهمك .. نغير الموضوع عشان خاطرك
أقرأ فوق شوية حتلاقينا سوينا المسألة
تسلم لينا
مودك
|
Post: #34
Title: Re: قصـــــــــــــــه لذيـــــــــــــــذة اقروها
Author: WAD ELGAALI#4
Date: 01-02-2003, 08:00 PM
Parent: #33
سلام يا شباب وكل سنة وانتو طيبين ومفرفشين
آناس الهلولة فى شنو تماضر دى نجمة ومن حق اي زول يحبها والنجوم بالمناسبة ملك عام للبلد (بس الله يستر ما
يقرو الموضوع دا ناس الحكومة يقومو يخصخصوها)
عشان كدة النجوم ملك عام لكل الشعب لا يجوز خصخصتة
الا باختيارهم زى ناس القيقم واسماعيل حسب الدايم
اما امثال تماضر والموصلى وكل النجوم ابناء بلدى الاحرار
فسيظلون دوما فى قلوب الشعب وفى حدقات عيوننا
وحمدا لله على سلامتك يا تماضر وكلنا بنحبك لكن ما
مكسرين فيك
مع كامل المحبة والاحتراموالتقدير
|
|