ثوري ياتماضر فلم تبقي فينا الرجولة

الاخت الغاليه تماضر ,نبض البورد الثائر

قراءة لك تعليقك الساخن الثائر النابع من دواخلك التي
تحمل قلبا عاشقا مملوء بحب السودان الوطن الارضي الشعب حول ترهات وتخرصات المعتوه مجرم الحرب البشير ,ولك حق في
كل ماقلتيه حقيقة تروادني نفس الاحاسيس والمشاعر التي
بوحتي بها هنا للجميع وهي اننا لسنا بوطنين ولا يحزنون
بل اعداء لهذا الوطن والشعب ,ان لم نكن كذلك لما نتحرك
تحركات ثورية وجماهيرية هادرة في داخل الوطن وخارجه لما
لم نحطم سفارات السفاحين في جميع انحاء العالم ,لماذا لم نحتل
مبني الامم المتحدة تعبيرا عن غضبنا عن كرامتنا ورفضنا
للمهانة والذل والخنوع للقتلة والمرتزقة الجبناء ,
ثوري ياتماضر اوقظي فينا باقي الرجولة هذا اذا
كانت فينا اصلا رجولة ونخوة ,
ثوري وثوري حتي لا ننسي اننا من السودان
كم افاقون نحن وكذابون نتغني بالوطنية ونترك المجرم يتوعد
ويهدد شعبنا بالفناء المتجدد ,
لم اري وطنية بهذا الشكل ابدا ابدا
اعزروني اخوتي فاانا في حالة غاضبة ,

دقنه البجاوي

بتثوروا معاى

انا ثايرة

جاهزة
ومليانة غضب كفاية، وارادة كفاية
البجى معاى منوفيكم؟؟؟؟؟

انا جاهز
لم يعد يرهبناشئ يبست فينا عروق الكبرياء

والدبارة شنو؟؟؟؟

نبدا من وين؟؟؟
ماتقولوا لى مذكرات ولا امضاءات

فى طريقة امسك لى واقطع ليك؟؟

الثائرة تماضر

نحن علي اهبة الاستعداد لااي عملا ثوري فعال
يلا نتحرك ياشباب بكل جديه ومقاومة قوية
لتصرفات المعتوه البشير

دقنه البجاوي

وانا جاهز يدي علي يدك وصدري درقتك
لكن شفتي اول ما رقتي سالتي من الدبارة شنو وده السؤال المختلفين علي طريقة إجابته يا استاذه فلا تدعي هذا الشعور المدمر يتملكك فانت لست شخصا عابرا في التاريخ اسمه تماضر شيخ الدين بل انت رمز
كبير يااستاذه تماضر

( وتخرصات المعتوه مجرم الحرب البشير)
اكييييييييييييييد ما قاصد..اتفقنا الا نسئ لاي شخص
في هذا البورد حاضرا او غائبا
حتي لا تمس الاساءة احدا منا..فتبنوا نضالكم علي مرتكزات غير الاساءة
والسب العلني
تحياتي
سكرا

الاخ الفاضل سكر ,

عن من تدافع وتتحدث ? مرتكزات نضالنا نعرفها جيدا
وعلي ماذا تنبني ,
وماقلته في البشير اقل مايوصف بها هذا الديكتاتور الهمجي المعتوه ,
وتشكر للنصيحة
دقنه البجاوي

الثائر

وانت ثائر... بايجابية
الدبارة شنو تانى؟؟؟
مؤتمرات تنعقد وتنفض
مذكرات تترفع وتنزل
صلح ينعقد وينفض
معاهدات
مظاهرات
اضرابات
عصيان مدنى
موت احمر
موت بطىء
والزمن الاغبر جارى
ناس تكبر
فى الماساة
وناس
تنداس تحت رجول الفيل
وناس احلامها تموت فى السكة
وناس قنعت، سمنت بالهم
وناس اتشل دماغها ومات تفكيرها
والزمن الاغبر جارى

ليه اصلو المارد اقوى من ارهاصات الثورات
اكبر من تاصيل الناس لحقها فى الدنيا
حقها فى الموت او فى العيش؟؟
ليه اصلو الماردكان شيطان احمر
جن؟ كلكى مصرم؟؟
اصلو شنو؟؟
انت مصدق؟؟
ياثائر انت مصدق؟؟
الحاصل دة كلام برضاهو العقل؟؟

طيب اها؟؟؟ حنسوى شنو؟؟؟
ما تقول لى نصبر
شان بين النفس الطالع والبعدو
بموت كائن حى
عارف يعنى شنو يموت؟؟؟
يمشى خلاص
لا بصرو يشوف
لااضانو بتسمع
لاياكل لايشرب
لايحب الدنيا
ولا يحلم
يمشى
اعضاو تتكلس
وما يتنفس
ودمو يسيل يجرى ويسقى الزرع الاخضر
وخلاياه تتحلل
تبقى صفيحة بترول فى القرن الجاى
لعالم اول ومتمدن
ويموت جور
ضد الانسانية
يموت
شان نخجل من اهمالنا
ويتنافى وجودنا مع موتو
ونكون الانعام نحن
المابنستاهل نحيا انحنا


؟؟؟؟؟؟؟؟

مش ياها المهلة؟؟؟ الجابت لينا الموت ؟؟؟؟

ما عارفة
بس انا ما عارفة

( وتخرصات المعتوه مجرم الحرب البشير)
اكييييييييييييييد ما قاصد..اتفقنا الا نسئ لاي شخص
في هذا البورد حاضرا او غائبا
حتي لا تمس الاساءة احدا منا..فتبنوا نضالكم علي مرتكزات غير الاساءة
والسب العلني
تحياتي
سكرا

اخي الفاضل سكر

لم تضيف شي ,,,,,,,,,,,,,,,,,,,,,,,,,,,

دقنه البجاوي

سكرا اختك ما سكر اخوك
يا اندروس

تحياتي للجميع

عندما لا يجد المفلسون شئ ليقولوه يسعون الي اساليب لا تليق ومستوي المواضيع ,لا يضيفون شئ اللهم الا لا شئ

دقنه البجاوي

الدبارة يا تماضر
مش زمان حلمنا و قلنا نرجع كلنا كدا
و لو رجعنا كلنا كدا بنسقط جورج بوش زاتو مش عويرنا البشير يا سكرا
نرجع يا ناس كلنا كدا فى يوم واحد
ياهو دى الثورة
ياها دى الدبارة يا تماضر

الاخ /اسامة الخاتم
تحياتي وكل سنة وانت طيب
اها ورجعتو كلكم وثورتو !!!وبعدين ؟؟
حتخلوا السودان كلو واحد يحكم نفسو براو؟؟
والا بعد كل قيصر يموت قيصر جديد؟؟؟
دي اسمها احلام المغتربين
تحياتي
سكراا

يا سكر كلمة مغتربين دى كلمة مترفة ومبحبة على حالتنا
نحن مهاجرين
ودى بتفرق كتير
وما اندروس يا اساسى

الفورة دى بتجيب نتايج

والغضب ان مات القلب بموت

صاح الدبارة لازمة
يا اسامة...
وترانا بنقاوم ...فى مهاجرنا... بالبنقدر ليهو

بس اننى اؤمن بالثورة، قلبا نابضا للتغيير
والثورة فيها اشراك للشارع
وفيها طاقة تصدى للدكتاتورية المحتملة الجاية
وفيها صمام امان من الغدر
وبعرف على الوجوه العدوة، والخيانة

الثورة، حلنا المصيرى وحنرجع ليهو لو طال الزمن او قصر

لان الديكتاتورية اتمركزت وجثمت على جسد البلد واستشرت

اهو برضو نحلم يا سكرا
الحلم ما عيب لو كان حلم ديمقراطى
و السودان طريقة حكموا مكتوبة من زمان
كتبوها ناس التجمع الوطنى الديمقراطى و يا رين تقريها كويس
عشان تعرفى انو نحن ما بنحلم بس رغم مشروعية الحلم
و تسلمى

تسلمي تماضر ,
هم يريدون حتي مصادرة احلامنا يااسامه ,لم يكفيهم مايفعلونه في شعبنا , انهم يريدون وئد ذرة اي املا قادم
اه حقا من اين اتي هؤلاء ?

دقنه البجاوي