Post: #1
Title: الـــــــنهاية
Author: bamseka
Date: 12-26-2002, 08:12 PM
Parent: #0
النهاية
ليه بتحرمنى السعادة وتهدم الحب البنيتو
اصلى غيرك.. مابريد وغيرك انسان ما رعيتو
وماحصل.... بدلت حبك وانت ماالزول الهويتو
ورينى اسباب صدودك ورينى الذنب الفيك جنيتو
ورينى..... مين غيرك بفضل ومتين حبك نسيتو
ليه بظلم هواى ليك وليه بتجرح حبى البديتو
ولهجة كلامك معاى تغير وليه تبدل دربى المشيتو
اسأل قليبك عنى مرة ... ماانا البى هواك سقيتو
وانا... اللى هواك صاين كم رعيتو وكم فديتو
ليه بتجفى وتبقى ظالم وانت عارف ريدى وعيتو
كان قليبك على.. حنين وبالحنان حبك شريتو
الا انت قسيت بقلبى.... اشعلت نيران كويتو
انا الزارع فيك حبى وانا البى سيل دماى رويتو
اصلك الريد ما بتصونو... ما حصل وعدك وفيتو
اخر المطاف بديك وصية ماتفكر فى زول نهيتو
خلينى اسبح فى خيالك الملم الماضى السليتو
يا زمان صبر قليبى ويا زكرى اشفعى للنعيتو
|
Post: #2
Title: Re: الـــــــنهاية
Author: bamseka
Date: 12-26-2002, 09:04 PM
Parent: #1
|
Post: #23
Title: Re: الـــــــنهاية
Author: faisal44
Date: 03-06-2003, 11:29 AM
Parent: #2
.
|
Post: #3
Title: Re: الـــــــنهاية
Author: bamseka
Date: 12-26-2002, 09:05 PM
Parent: #1
راحــــل
راحل بعيد عن حياتك
لو خلاص حبيتى ارحل
واحجب خطاى عن لقاك
والمسافة البينا تطول
لو كان مناك اكون بعيد
اكيد مناك باكر بحصل
الخداع فى الريد عذاب
اصلو بيرضاه يقبل
والمصير لازم نعيشو
لو جراج باكر بتدمل
كان مناى تكونى لي
اعيش معاك فى الريدة اطول
كنت اضحى بكل غالى
وكل لحظة نعيشة اجمل
بس قريت اسرار عيونك
شفت فيها الريد تبدل
وشفت فى الاعماق سراب
كيف بنقدر منو ننهل
عارفك كمان غيرتى دربى
وما اظنى لدربك اوصل
***
ياربى ارحم لى حبى
ارفع ايدى ليك اسأل
تحقق ليهو كل مناه
ولى سعاتو ياربى اكمل
واجعل عزاي فى زكرياتو
وصبر قليب بالحب محمل
وصبر قليب بالحب محمل
|
Post: #4
Title: Re: الـــــــنهاية
Author: mulhim
Date: 12-26-2002, 09:34 PM
Parent: #3
بامسيكا يا اخو بعد الشر مالك .......دا شاكوش ولا اناغلطان غايتو الله يكضب الشينه..و ما يكون الفى بالى..ملهم
|
Post: #5
Title: Re: الـــــــنهاية
Author: bamseka
Date: 12-27-2002, 07:34 PM
Parent: #4
الحبيب ملهم
ماك غلطان ياحبيب
وياهو الفى بالك
|
Post: #6
Title: Re: الـــــــنهاية
Author: AL BOOS
Date: 12-27-2002, 07:58 PM
Parent: #5
عجبني ليك والشمار وصلني قبل البوست
|
Post: #32
Title: Re: الـــــــنهاية
Author: bamseka
Date: 04-13-2003, 06:45 PM
Parent: #6
.
|
Post: #7
Title: Re: الـــــــنهاية
Author: noha_g
Date: 12-27-2002, 08:08 PM
Parent: #1
سحبوا فردتي انا تاني ما بجي
و زادوا غمتي أنا تاني ما بجي
كر يا يمة كر
مالك يا بامسيكا يا وليدي
أحسن الله عزاءكم
و الصيوان مدقوق وين؟
لووووووووول
|
Post: #8
Title: Re: الـــــــنهاية
Author: raheel
Date: 12-27-2002, 08:21 PM
Parent: #7
تبــا.. أراك
منهوك القوى
و القذى ..
في مقلتيك
و الشعث ..
يملأ حاجبيك
و الحزن .. من
أسف لديك
تسطر في أخاديد
الجبين .. وساد
في ساح الوجن .
كفك الحيرى ..
تهش على الذباب
تعبا .. أراك
قد استرحت على
العذاب
ذهلا .. تئن
من الألم
غيم رؤاك من
الضباب
ما كنت تعقل أن
يدور بك الزمن
يوما ..
|
Post: #9
Title: Re: الـــــــنهاية
Author: DEEK_ALJIN
Date: 12-27-2002, 08:21 PM
Parent: #7
بامسيكا .... انا لله وانا اليه راجعون
والجاتك فى راسك سامحتك
مالك ياخوى انت زاتك البوديك تحب شنو عشان يحصل ليك جنس ده
لكن ياولدى مابسالها البينه دى العملتو فيك نجار فى الخشب ماعملها
بعدين راسك ده مابقى زى الصفيحه القديمه ياخوى
كلو معفص من جراء الشواكيش
دى منطقه صناعيه ولا راسك
لووووووول
اللهم ماشماته
ديكو
|
Post: #10
Title: Re: الـــــــنهاية
Author: ابويوسف
Date: 12-27-2002, 08:46 PM
Parent: #9
العزيز بامسيكا
ما رضيت ليك الشمار
الله يكون في عونك
واصلو الشاكوش الاول كده
وتاني بتتعود
اسأل مجرب
ونحن نبقى
|
Post: #11
Title: Re: الـــــــنهاية
Author: AL BOOS
Date: 12-27-2002, 08:57 PM
Parent: #10
Quote: واصلو الشاكوش الاول كده
وتاني بتتعود
اسأل مجرب
ونحن نبقى
|
اساسي يا ابو يوسف
|
Post: #12
Title: Re: الـــــــنهاية
Author: faisal44
Date: 12-28-2002, 08:23 AM
Parent: #11
يا ربى تكونو فارشين وين
شاكوش الظاهر نوعو فريد
|
Post: #13
Title: Re: الـــــــنهاية
Author: dreams
Date: 12-28-2002, 11:10 AM
Parent: #12
فيصل ما تنسى تغشانى
نمشى سوا
|
Post: #14
Title: Re: الـــــــنهاية
Author: zico
Date: 12-28-2002, 06:05 PM
Parent: #13
كتير حاولته انساكا لا نسيتك ولا قدرت
وقدر ما قلته ما بشتاق غلبني الشوق واشتقت
وبعد فكرته ما أرجع بكل مشاعري ليك عدت
***
زمن راجيك تحن مره وتشعر بي حناني عليك
وتدلل عليّ برضك تقلل في المحنه الفيك
وأزعل حبه يوم يومين ومن كترة شوقي أنسى وأجيك
انت صبحت ليّ قدري تقسى علي وأفتش ليك
وريدك بالعذاب الفيهو ما في أحنّ من عينيك
***
تمر أيام تكون وافي وترضى عليّ تفرحني
وأخاف أنا لو جرحتك يوم ودائما أنت جارحني
أجيك مشتاق ملان أفراح وللدمعات تروحني
وأعيشو وراكا ليلى حزين والآلأم تصابحني
وبرضى أعود أنا المظلوم وأقول ليك أنت سامحني
***
بقيت يا ريدي ليّ دنيا وزي دنياي عليّ قسيت
بحسك إنت أطيب زول وحتى جفاك كمان حبيت
وريدك ما في منو خلاص بطراك برضى مهما نسيت
وأنا نسيتك عشان أطراك ما انت معاي مشيت أو جيت
مقدر ليّ أعيش حبك رضيت بالفيهو ولا أبيت
بامسيكا حبيب البي
بدو انو الجماعة اتفقوا عليكم
انت وصديقي
لانو التوقيت واحد
كفارة والبيك يزول
مع انك مجرب
ولا يلدغ المؤمن من جحر مرتين
|
Post: #15
Title: Re: الـــــــنهاية
Author: AL BOOS
Date: 12-28-2002, 06:57 PM
Parent: #14
برضـو عاجبـني لـيك
|
Post: #16
Title: Re: الـــــــنهاية
Author: faisal44
Date: 12-29-2002, 03:01 PM
Parent: #15
AL BOOS
حلوه منك
|
Post: #17
Title: Re: الـــــــنهاية
Author: bamseka
Date: 12-30-2002, 05:51 PM
Parent: #13
|
Post: #18
Title: Re: الـــــــنهاية
Author: noha_g
Date: 12-30-2002, 08:41 PM
Parent: #17
لكني لما رأيتك مودعا
بكيت دما حتى بللت به الثرى
فصار خضابا باليدين كما ترى
لكن يا بامسيكا كفاك نزيف
يا ولدي ما فضلت فيك قطرة دم
كر
|
Post: #19
Title: Re: الـــــــنهاية
Author: faisal44
Date: 12-31-2002, 07:49 AM
Parent: #18
up
|
Post: #20
Title: Re: الـــــــنهاية
Author: أبوالزفت
Date: 12-31-2002, 08:35 AM
Parent: #1
الحب وما ادراك ما الحب
اننا اليوم لا ندري نحن فيه في جد
ام في لهو ولعب
وما عليكم ان تعلموا
وما عليكم ان تعبدوا الجمال
ان ما هو حرام ان تضلوا الدرب
شئتم ام ابيتم فان الدموع
لابد فية جارية
وسواء ان عملتم له او لم تعملوا
فلا اجور لكم ونفوسكم لراضية
سكن الداء في قلوبكم
وما لداء دواء او آية
واذا بالليل يسألكم سائل
مالي ارى عيونكم ساهرة
واذا بالنهار تسألون لماذا
اعينكم باكية
يا ايها المحبين
ما انتم فيها الا ضائعين
وما انتم في بحورها الا غارقين
وستعرفون كيف كان يبكى
قيس بالسنين
والى ما صار اليه فانكم ستصيرون
|
Post: #21
Title: Re: الـــــــنهاية
Author: قرشـــو
Date: 12-31-2002, 12:18 PM
Parent: #20
الحبيب بامسيكا
انها ليست النهاية بدلالة تدفق مشاعرك رسما على الورق وحرفا نديا يحكى حكايات العمر الغض النضير ولو كانت النهاية لكان الصمت الابدى والعزوف عن الحياة وعن الاخرين ..
انها تجربة اعطت بسخاء شعرا جميلا ودوما المعاناة سيدى تخرج الروائع ممن هو مستودع لها ولكنه ينتظر من يحفزه ويستفزه ليكتب ويخرج اجمل واحلى الكلام..
كما قال الاحباب انها تجربة وتجربة جميلة جدا لنتاجها البدئع
لك تحياتى
وصبرا جميلا
|
Post: #22
Title: Re: الـــــــنهاية
Author: bamseka
Date: 01-22-2003, 05:13 PM
Parent: #21
| Quote: انها تجربة اعطت بسخاء شعرا جميلا ودوما المعاناة سيدى تخرج الروائع ممن هو مستودع لها ولكنه ينتظر من يحفزه ويستفزه ليكتب ويخرج اجمل واحلى الكلام |
عزيزى قرشو
اشكرك على احاسيسك النبيله الطاهره ..
دوما انت صاحب اليراع الفياض الملهم بالكلم والمعنى السامى
لك التجل والتقدير
|
Post: #24
Title: Re: الـــــــنهاية
Author: bob
Date: 03-06-2003, 12:03 PM
Parent: #22
عزيزى زاهر
دوما رائع لك كل الود
بـــــــوب
|
Post: #25
Title: Re: الـــــــنهاية
Author: bamseka
Date: 03-06-2003, 08:01 PM
Parent: #24
الرائع / بوب
لك كل الورد عزيزى
تشكر كتير يا مصعب
مع خالص تحياتى يا عظيم
|
Post: #27
Title: Re: الـــــــنهاية
Author: bamseka
Date: 03-06-2003, 09:11 PM
Parent: #26
العزيز
woroorrook
صاحب اللمسات الملهمة
في مثل اذا بتكون شاكوش دق واذا بتكون مسمار اصبر على دق
فصبر ذاك الرجل
اسمعني
ح أقول لك أسراري
لو شلت الشكوى على لساني
و رميتها قريب
ما ح تكورك جراحي مآلماني
أبدا ً يا طبيب
ما انا دقت الجرح
و خدت عليه
يسقيني المر و برضه اسقيه
من بحر الصبر
اللي ف قلبي
حتقول لي بتشكي امال من إيه؟
و لا من أوجاع
و لا شوق لمتاع
دانا عمري إن ضاع
مش ح أبكي عليه
تحياتى
|
Post: #28
Title: Re: الـــــــنهاية
Author: Teeta
Date: 03-06-2003, 11:30 PM
Parent: #1
العزيز بامسيكا
انا ما فاهمه حاجه لكن زى الفهمت كدى
انت تبرى من الشوكيش يا ود امى
ولا يهمك حواء والده
ام الاء
|
Post: #29
Title: Re: الـــــــنهاية
Author: bamseka
Date: 03-07-2003, 06:40 PM
Parent: #28
ام الاء
شطرت عواطفى الى نصفين نصف يحمله جوادالالق ونصفى الاخر يسافر مع بحور النبض
وحقيقة حواء والده
وتحياتى ياام الاء ياعظيمة
|
Post: #34
Title: Re: الـــــــنهاية
Author: faisal44
Date: 06-24-2003, 04:15 PM
Parent: #28
|
Post: #30
Title: Re: الـــــــنهاية
Author: Teeta
Date: 03-07-2003, 07:34 PM
Parent: #1
حياك الله يا غالى
ام الاء
|
Post: #31
Title: Re: الـــــــنهاية
Author: bamseka
Date: 03-08-2003, 07:40 PM
Parent: #30
الله يخليك يارب
تسلمى يا ام الاء
تحياتى وتقديرى ياعظيمة
|
Post: #33
Title: Re: الـــــــنهاية
Author: faisal44
Date: 06-23-2003, 01:40 PM
Parent: #1
u
|
|
