Post: #1
Title: متغابي - وطيب ، وغـــايظني
Author: tmbis
Date: 10-24-2002, 12:01 PM
Parent: #0
اتـــــــــــآمر ضدك انــا والشــــــوق
وتسريحة بت الجيران
وغنـــــاء الأطفــــــــــال
ساعـــــــة مطـــــره
مكــــــــــتوب إسمــــــــــك بي خـط نديــــــــــــــــان
قــــوسين ( وفـــــــــــــلان )
تاكيت البــاب وإستنيتك
صيفين ، وشتـــــاء
ورشــــة مطــــــــرة
مــــــا صوتك كـــــــان نديـــــــــــان
وبخيـــر
والزمــــن المـــابلمني بيـــــــك
ويكــــــون منحـــاز
رحــــيتو دقيـــــــــق
نســوان الســــــــــوق
عــــــاسنو
فطــــير ميتـــــان حيلـــــو
مــــازمنك مـــــا بقبل غيرو – ولاغـــــــيرك غــــــــير
سكـــــــــــــران بالهـــــــــــــــــــــــــم
مـــــــــا ..... وعيتـك
مطعون جرحــك متسربل دم
مـــــــــــا.... داويتـك
لكنك وحدك متقابي وطيب
وغــــــــــايظني
حتكــــسر ... الليل ولآ أفوتك
للشـــــــــوق .. والبيت
يــــــ هل ــــــا
طليـــــــــت ؟؟؟
( .... )
يا ببو وين الزولة دي ؟؟؟
|
Post: #2
Title: Re: متغابي - وطيب ، وغـــايظني
Author: Tumadir
Date: 10-24-2002, 12:27 PM
Parent: #1
اى تعليق والرصة حتخرب
قصيدة ممتعة
حزينة
حلوة
مشتهية العافية
ريقها دة ، ناشف من اللهلهة
شبطهادة، مقطوع من الشلهتة
عيونا مقزعات من السهر
والوحيح
الله يهون القواسى ياتمبس
حلوة حلوة حلوة
|
Post: #3
Title: Re: متغابي - وطيب ، وغـــايظني
Author: HAMZA SULIMAN
Date: 10-24-2002, 03:42 PM
Parent: #2
الشاعره نجلاء عثمان هى كاتبه القصيده وهى من الاصوات الشعريه الجديده ولها كثير من القصائد العليه الاحاسيس وقد اعطتنى هذه القصيده فى بدايه التسيعينات على وتغنت من كورال جامعه الاحفاد
واحييكم جميعا واشكركم انكم طرقتم باب هذا الصوت النبيل .
|
Post: #4
Title: Re: متغابي - وطيب ، وغـــايظني
Author: DEEK_ALJIN
Date: 10-24-2002, 05:14 PM
Parent: #3
tmbis
ياحلو
روعه .. انت .. ورائعه نجلاء
من انت ؟ واين تقطن فى خريطة سور الانمائيه او اى ظل تردى تحت شجرة دار النشر ؟
الراكوبه؟
لك ريق الحبيبه .. صفقة نعناع
ديكو
|
Post: #7
Title: Re: متغابي - وطيب ، وغـــايظني
Author: tmbis
Date: 10-26-2002, 07:34 AM
Parent: #4
ديكو..
كلية الفنون ... معهد الموسيقي .. جامعة الخرطوم .. دار النشر .. مكتبة الإذاعه.. شجرة اللبخ .. البحر .. البحر
كـــــــــــــــــــــل الرواكيب .. أين لي من هذي التفاصيل..الموحشه
انته برضو حلو يا ديكو
|
Post: #9
Title: Re: متغابي - وطيب ، وغـــايظني
Author: tmbis
Date: 10-26-2002, 08:05 AM
Parent: #3
في نفس اليوم السمعته فيهو نص القصيدة وبنفس روعة ( نجلاء عثمان )ونفس الأحساس والموسيقي الفيها كنته حفظته جزء كبير من النص القدامك ده
بعد تلاته أيام كانت ملحنه وجاهزه عندي ومنوته ..وبي نفس أحساسه
سمعته كورال الأحفاد
وكلية علوم التقانه
وكمبيوتر مان
محتفظ بي صوته لحدي الآن من أول التسعينات وفي نفس اليوم الآقيته فيهو
وبتمني لحدي الآن لو اسمعه في اليوم 1000 مره
ديك الجن
شرنوبي
تماضر شيخ الدين
ده كان قصدي .. اللقمه كان ما قسمتها بيناتنا والله من حلقي ما بتنزل
شكرا أستاذة نجلاء ياريت لو الأقيك هنا
|
Post: #6
Title: Re: متغابي - وطيب ، وغـــايظني
Author: tmbis
Date: 10-26-2002, 07:18 AM
Parent: #2
تعرفي ... بعد ما قالته
انا اتدردقته في النجيله البتقرص ديك
قايله قاصداني...
الله يبرد القلب يا استاذه تماضر الله يبردو.
بس عارفه؟؟؟؟؟؟؟؟!!
Tit 4 Tat
قربتي تسكتيني ...
|
Post: #5
Title: Re: متغابي - وطيب ، وغـــايظني
Author: sharnobi
Date: 10-24-2002, 08:52 PM
Parent: #1
مدهش
كلمات تجرجرك
على غصبن عينك
بدون اذن تخليك
منتبه بتركيز شديد
كلام
ساهل عميق معبر
بتتمنى ان يطلع من جواك
لزول فعلا بزرع فيك احساس ساهل
شكرا
للذى يرسم لنا لوحة وللذى يعرضها لنى
وللذى ينبهنا ويلفت نظرنا نحوها
شكرا
تمبس
وتماضر
وحمزة
اسد الله
|
Post: #8
Title: Re: متغابي - وطيب ، وغـــايظني
Author: tmbis
Date: 10-26-2002, 07:44 AM
Parent: #5
شــــــــــــــــرنوبي
شكرا ..وأنت تتحسسه .. ويلامس دواخلك النضيفه
|
Post: #10
Title: متغابى - وطيب وغايظنى
Author: ALMURADABI
Date: 10-26-2002, 10:49 AM
Parent: #1
الاخ تيمس
ابداع
روعة
تجدد
القرقوووور
|
Post: #11
Title: Re: متغابى - وطيب وغايظنى
Author: OmDur
Date: 03-01-2003, 06:31 PM
Parent: #10
___________
|
Post: #12
Title: Re: متغابى - وطيب وغايظنى
Author: tmbis
Date: 03-01-2003, 06:45 PM
Parent: #11
OmDur
سلامات
فتشته عليهو كتير البوست ده
قاعد اردده كتير في سري القصيده دي
بترجع بي لي زمن جميل في كلية الزراعة شمبات
شكرا يا امدر لي
الاوب
تمبس 
|
Post: #13
Title: Re: متغابى - وطيب وغايظنى
Author: OmDur
Date: 03-01-2003, 07:09 PM
Parent: #12
تسلم يارب
وربنا يجعل كل ايامك جميلة
زى جمال ( بتك ) السمحة دى
بسم الله مااااشاء الله
تعرف اخوى بيقول لى شناتكم دى
مش عشان سمر ولا عشان شعركم
عشان بشتنكم !! حسى لو كنتوا زى
البنات الفى اغانى ( الراب ) والله واحدة ما تبور
لكن اختى مدياه على رأسه
قالت ليه نحن لو بنركب عربات زى دى , ولا ضامنين
الملايين الفى البنوك , فرحة ساى نكون سمحين
لك الود
|
Post: #14
Title: Re: متغابى - وطيب وغايظنى
Author: ايهاب
Date: 03-01-2003, 07:31 PM
Parent: #13
جميله والله يا تنبس
تسلم و تسلم الشاعره كاتبه القصيده
|
Post: #15
Title: Re: متغابى - وطيب وغايظنى
Author: tmbis
Date: 03-01-2003, 07:32 PM
Parent: #13
تعرفي يا امدر
احلي مافي الزولة دي انها سمراء
والسمرة دي في حد ذاته جمال
والله لونا ده بيفتشو ليهو فتيش ما لاقينو
وشوفي المشاط ده كيف
احلي منو في
راجعي الزولة دي هنا
الناس تعيد .. انا اشخبط الحيطه
|
|