Post: #1
Title: اعلنها فريده وداويه داخل سودانيز اون لاين لاول مرة
Author: شمهروش
Date: 10-21-2002, 08:11 PM
Parent: #0
السلام جاكم يابورد عرب وعجم.
تحياتي وإعلاني للقاصى والدانى
الاسم: زهير محمد
العمر: 29
المؤهلات: خريج آداب,أتعامل مع اللغة الإنجليزية تعامل أهلها
كذلك الكمبيوتر والإنترنت وكل الوسائط الحديثة استمتع بابوعركى .
الموضوع:
أرغب بالارتباط مع سودانية تقدس الحياة الزوجية.بشرط أن تكون مقيمة بأي دولة أجنبية ويفضل(أمريكا استراليا كندا بريطانيا).
للاتصال: 0024912932424
E mail: [email protected]
|
Post: #2
Title: Re: اعلنها فريده وداويه داخل سودانيز اون لاين لاول مرة
Author: Wad Aljaili
Date: 10-21-2002, 08:14 PM
امانة ما وقع راجل لكن
|
Post: #4
Title: Re: اعلنها فريده وداويه داخل سودانيز اون لاين لاول مرة
Author: BousH
Date: 10-21-2002, 08:19 PM
Parent: #2
سلام يا شمهروش
بالتوفيق يا رجل .... الدور على ود الجيلي بعدك ...ههههههههه وينك يا ود الجيلي ... ما نلقاك الا في الحتات الضيقة زي دي ..
تحياتي
|
Post: #5
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-21-2002, 08:21 PM
Parent: #2
زهير ما عندك مشكله
انا عندى ليك عروسه بس من بور كينافاسو الحنب العيلفون ديك بس بتقدر على مهرها يا خووى وهى ذات حسن وجمال وجاه ومال
بس يا خووى اعملى يدك وتعال لى
|
Post: #3
Title: Re: اعلنها فريده وداويه داخل سودانيز اون لاين لاول مرة
Author: bamseka
Date: 10-21-2002, 08:17 PM
ورق طلق
ورق طلق
جد دى داويه لما بهناك يا زهير
دا الكلام
دا اسمو قهر وفراق اهل
باين عليك كرهت البلد وفرو اراب
لكن السويتة رقدت يا جنا
اها منظرين باقى الكلام
|
Post: #7
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-21-2002, 08:31 PM
Parent: #3
ود الجيلى الحبيب
يجى على ايدك ودعواتك الخير
بامسيكا وبوش الكارب وفوكس والسيد الانيق السفير
وياهو دا الحال ونحن فى انتظار المزيد
|
Post: #8
Title: Re: اعلنها فريده وداويه داخل سودانيز اون لاين لاول مرة
Author: السفير
Date: 10-21-2002, 08:31 PM
Parent: #3
على الطلاق ما كنت داير اخش لو ما موضوعك ده
والله لكن السويته رقدت يا اخوووى
ده شنو ده فاض بيك قلت اخير كده ولا شنو
لكن ما عندك مشكله لو ما فى واحده قبلت بيك انا عندى البتقبل بيك
وررروووووووووك
|
Post: #12
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-21-2002, 08:45 PM
Parent: #3
ود الجيلى الحبيب
يجى على ايدك ودعواتك الخير
بامسيكا وبوش الكارب وفوكس والسيد الانيق السفير
وياهو دا الحال ونحن فى انتظار المزيد
|
Post: #6
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-21-2002, 08:28 PM
يا ابني اسمو سودانيز اون لاين ما زواجيز اون لاين
كدي اقرا اليافتة برة ما مكتوب صندوق زواج؟.ظ؟؟؟؟؟؟ولا مكتوب ؟؟؟؟؟
كدي النمشي اشوف انا واجي
لحظات
|
Post: #9
Title: Re: اعلنها فريده وداويه داخل سودانيز اون لاين لاول مرة
Author: alhabeb
Date: 10-21-2002, 08:35 PM
Parent: #6
ـــــــــــــــــ
|
Post: #10
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-21-2002, 08:36 PM
Parent: #6
بت القبايل
دا الموبايل
0024912932424
|
Post: #11
Title: Re: اعلنها فريده وداويه داخل سودانيز اون لاين لاول مرة
Author: zola123
Date: 10-21-2002, 08:43 PM
دقيقة بس امسك نفسي من الضحك عشان اقدر اكتب
شمهشهرمشوووش انتا نصيح يا ود امي؟؟؟
ها اذا كان ولا بد احبكا ياخي
شوف البروفيل وحدة ظريفونة من سكان البلدان الباردة وسلام وونسة فصورةواعمل حبيتا فزواج لاكن مبالغة
بس قول ليها الدكتور منعني من حر السودان وكايس لي بلد جوها منعش وحانتعش اكتر لو أخذتيني في قربك في بريطانيا حقتك
في ناس صغار هنا بتحسسوا زي ود الجيلي شوف ليه طريقه هو كمان لووول
ابشرن يا بنيات جاكم راجل
انا لو مت من الضحك الزول دا تدوه الفاتورة
ابو حراز وين منك؟
زولة123
not interrested wo sakna fe balad 7ararata 55 loool betzeed al 7asasyya
|
Post: #13
Title: Re: اعلنها فريده وداويه داخل سودانيز اون لاين لاول مرة
Author: هوارى
Date: 10-21-2002, 08:52 PM
Parent: #11
الاخ الكريم تحياتي
اخاف انك تكون بتفتش لجواز سفر او لجو سياسي ن اعطى نفسك فرصة للتحقق من حقيقة مشاعرك
مع تحيات اخوك الخايف عليك
هوارى
|
Post: #14
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-21-2002, 09:03 PM
Parent: #11
يا زوله انا جادى فى الموضوع لو ما جادى ما بنزل السيرة الزاتيه والصورة والرقم الموبايل
والكلام كلو على سنة الله ورسوله صاح يا زوله
وكتير من الناس اتزوجو ؟؟؟ وعاشو فى انعيم وهناء كلامك بدلى كانك اول مره تسمعى باعلان زواج
هوارى
بفتش لزوجة وماعندى فهم فى السياسة خاااالص
وشكر ليك
|
Post: #79
Title: Re: اعلنها فريده وداويه داخل سودانيز اون لاين لاول مرة
Author: BAKASH
Date: 10-22-2002, 09:16 PM
Parent: #11
أرغب بالارتباط مع سودانية تقدس الحياة الزوجية.بشرط أن تكون مقيمة بأي دولة أجنبية ويفضل(أمريكا استراليا كندا بريطانيا
يا زهييييييييييييييييييييييييييير
دوائر الجكس مشغوله نرجو الاتصل لاحقا
انت يا اخوى لو كنت عايز تتزوج ما كنت اشترطت تكون من دوله اجنبيه لكن الظاهر عليك عايز ليك فيزه اجنبيه ما زوجه مقيمه فى دوله اجنبيه
هارد لك يا اخوى
بكاش
|
Post: #81
Title: Re: اعلنها فريده وداويه داخل سودانيز اون لاين لاول مرة
Author: BAKASH
Date: 10-22-2002, 09:19 PM
Parent: #79
بعدين يا زهير سودانيز اون لاين خلاص قسمنا الجكس حقو وانتهينا مافى واحده فرى
بكاش
|
Post: #15
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-21-2002, 09:05 PM
هههههههههههههههههههههههههههههههههههههههههه لا بالغت والله ما جادي عاين ليا يا بابا انت بتحس بشنو بعد الاكل
وبتجيك الحالة دي طوالي
بكون عندك حساسية ضد الموبايل
ههههههه
قال جادي قال
|
Post: #16
Title: Re: اعلنها فريده وداويه داخل سودانيز اون لاين لاول مرة
Author: وجن
Date: 10-21-2002, 09:31 PM
Parent: #15
|
Post: #41
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 08:39 AM
Parent: #15
بت القبايل
دا الموبايل
002491293242
|
Post: #17
Title: Re: اعلنها فريده وداويه داخل سودانيز اون لاين لاول مرة
Author: منعم
Date: 10-21-2002, 09:45 PM
لا هى من ناحية فريدة مافى اى كلام
looooooooooooooooooooooooooooooool
يا زولة 123 ارحمى نفسك شوية ياخ ماكدة
|
Post: #18
Title: Re: اعلنها فريده وداويه داخل سودانيز اون لاين لاول مرة
Author: ALZOLZATOO
Date: 10-21-2002, 09:49 PM
قع قع قع قع شمهروش اول حاجه ازيك ههههههههههههه يكه
يازول قاعد في السودان وكمان بتشرط ههههههههههههههههه يكه قال كندا استراليا بريطانيا انت داير عروس ولا بتاعة اولمبياد قع قع قع قع عليك الله لو في واحده دايره عرس من المحلات دي زمان كان عرسها ابو حراز يا انا يا حبيب الكل الحكاية صفوف يازول
يازول اقول ليك كلام وماتزعل هههههههههههه يكه شوف قرايتك قع قع قع
زاتوووووووووووو
|
Post: #19
Title: Re: اعلنها فريده وداويه داخل سودانيز اون لاين لاول مرة
Author: ABUHUSSEIN
Date: 10-21-2002, 10:10 PM
يا زهير يا خوي شرطك الواحد دا ما بدخلك في ندم ؟؟؟؟؟؟
يالا يا البايرات جااااااااااكم عريييييييييييييييس
|
Post: #20
Title: Re: اعلنها فريده وداويه داخل سودانيز اون لاين لاول مرة
Author: willeim andrea
Date: 10-21-2002, 10:16 PM
انا عندي احساس الزول الاسمه همرووووووووووش عملها لانو انا شايف كم فراشه بتحوووووووووم حوالي النور ههههههههههههههههه يكه وربنا يوفقك
|
Post: #21
Title: Re: اعلنها فريده وداويه داخل سودانيز اون لاين لاول مرة
Author: woroorrook
Date: 10-21-2002, 10:25 PM
اهلآ شمهروش
يا السفير بتكورك لي مالك في شنو
البوست قاعد قدامي من الصباح لو عندي ليه عروس
كان عرستها انا ولا كان شوفتة لي اسم تاني
قال وروروك فال
 
|
Post: #22
Title: Re: اعلنها فريده وداويه داخل سودانيز اون لاين لاول مرة
Author: Bakhaf
Date: 10-21-2002, 10:48 PM
Parent: #21
يامان انت نصيح ؟
غايتو ما حصلت دي
دي جديده ما ادونا ليها في المدرسه لسه
هههههههههههههههه
|
Post: #23
Title: Re: اعلنها فريده وداويه داخل سودانيز اون لاين لاول مرة
Author: وجن
Date: 10-21-2002, 10:51 PM
Parent: #22
بخاف بركه الجيت بركه الجيت
وينك ياحبه
أمشى شوف بوست المفقودين
|
Post: #24
Title: Re: اعلنها فريده وداويه داخل سودانيز اون لاين لاول مرة
Author: تغريـــد
Date: 10-21-2002, 11:18 PM
Parent: #23
والله يا زهير يا اخوي كان عندي ليك عروسه ما بتتفات
لكن يا اخوي طرحك يخوف
ربنا يوفقك
|
Post: #26
Title: Re: اعلنها فريده وداويه داخل سودانيز اون لاين لاول مرة
Author: Tumadir
Date: 10-21-2002, 11:26 PM
Parent: #24
الغريبة انو انا شفت الزول دة عاقل جدا وكلامو فى منتهى الاستقامة،
لو الدنيا صعبت اساليب التواصل بين الشباب و بقوا مابعرفوا يلقوا بعض كيف، الانترنيت دى مش وسيلة عصرية وجديدة، وفعالة ولا شنو يا تغريد وصادق، ديل مش احسن نموزج؟
فى بنات كتار فى الغربة ما لاقيين الزوج المناسب، ونفس المشكلة بالنسبة للاولاد، برة البلد وجواها،
فيها شنو؟
يازول هيى ربنا يوفقك ويديك بت الحلال وما تخلى زول يسخر منك ويحرجك، الفيها خير بتبقى.
|
Post: #25
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-21-2002, 11:25 PM
مبروك
وعلي اليمين تعرسك واحده من البورد اكلم اخوي عركي
يغني ليك في الحنه في السودان وان اجيك في اي حته في اوروبا اغني ليك لكن استراليا علي العروس
اها شنو ليك
تقبلو التحدي
|
Post: #27
Title: Re: اعلنها فريده وداويه داخل سودانيز اون لاين لاول مرة
Author: sumah
Date: 10-21-2002, 11:38 PM
بعد تحليل الصوره واضح انك تتمتع بكامل قواك العقليه الا انك تنتمى الي قبيلة دعونى اعيش السودانيه والدليل على ذلك تلك الحيه غير المستعارة التى تظهر بوضوح فى الصوره وكذلك رقم الموبايل...لا اظن ان الحرائر فى تلك اليار سوف يقبلن بك شوف طريقة لاقتسام ماتبقى من الكيكه بالداخل ان وجدت نصيحه لوجة الله تعالى...
ــــــــــــــــــــــــــــــــــــ
اذا كنت كما انت عبق ...فاحترق.
|
Post: #35
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 08:05 AM
Parent: #27
عاقل و مليون المليون الحمدلله
|
Post: #28
Title: Re: اعلنها فريده وداويه داخل سودانيز اون لاين لاول مرة
Author: mo
Date: 10-22-2002, 03:03 AM
مسكييييييييييين البدأ يأمل أملو يغلبوا تحقيقو .....
|
Post: #29
Title: Re: اعلنها فريده وداويه داخل سودانيز اون لاين لاول مرة
Author: Dafi
Date: 10-22-2002, 03:31 AM
يا اخوانا مالكم!!؟
حارقين رزكم شديــــــــد كده
الراجل ده طرح موضوعو بجديه وجرأه يحسد عليها
العندو كلمة خير يقولها..والما عندو يلم عليهو خفة دمو وتريقتو ولطافتو ..يقطع وشو باختصار!!!
أول مره تزعلوني يا ناس البورد
غايتو جنس الدوس علي المشاعر ..والتجريح ده ما كان عندنا!!!الحصل ليكم شنو يا سودانيين!!!!!!!!!!!!؟؟؟؟؟؟
شمهروش
بغض النظر عن رأيي في موضوعك ده...احييك
حددت موضعك بالاشارة نحوه بالاسم
لكن ..من سيفتت الهلام!!!!!؟؟؟
|
Post: #39
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 08:21 AM
Parent: #29
الكلام بزعل يا دافى
الجدية مافى
والناس شافو الموضوع بطريقة هزليه
شكرا جزيلا على كلامك
|
Post: #30
Title: Re: اعلنها فريده وداويه داخل سودانيز اون لاين لاول مرة
Author: madani
Date: 10-22-2002, 07:15 AM
والله يا الموصلي عرضك رهيب تخلي الواح يفكر يدبل .. اسمع يا شمهروش لبدتا كدا مالك الاتصالات كترت عليك ولا شنو .. عليك الله لو عندك حبه زيادة رسلها لينا .. خلينا نستفيد من عرض الموصلي دا
|
Post: #31
Title: Re: اعلنها فريده وداويه داخل سودانيز اون لاين لاول مرة
Author: garjah
Date: 10-22-2002, 07:31 AM
Parent: #30
يا زهير
حيجيك اتصال بعد شوية
خلي موبايلك فاتح
اوعك تقول قصيرة والا نخرتا كيف والا ما عندها فلجة والا كلجة
تغمد بس وتعرس
ما تشيل هم تذاكر والا تاشيرات
بس اوعك تفط
ابو البنط
|
Post: #139
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-24-2002, 01:20 AM
Parent: #30
والله انا متفئل بشمهروش يا مدني خصوصا بعدما زهجانة دقت صدرها
وانت يامدني مدني كلها بتجي في عرسك وانا بجيب فنانين الخرتوم كمان
|
Post: #32
Title: Re: اعلنها فريده وداويه داخل سودانيز اون لاين لاول مرة
Author: حمزاوي
Date: 10-22-2002, 07:44 AM
يا اخوي شمهروش
سمعنا أن اخونا حبيب الكل حيتزوج في العيد وانا عارف انو حيطلق
وبالتلاتة كمان بعد الزواج مباشرة
انت ممكن تأخد مطلقة اخونا حبيب الكل
او بسرعة الحق عرض اخينا السفير هو الانسب
|
Post: #33
Title: Re: اعلنها فريده وداويه داخل سودانيز اون لاين لاول مرة
Author: قرشـــو
Date: 10-22-2002, 07:56 AM
Parent: #32
بالله الواحد يقول شنو يعنى ؟؟؟؟
|
Post: #36
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 08:08 AM
Parent: #33
الموصلى ـ تغريد _ تماضر
كلامكم زين دعواتكم بالتوفيق
|
Post: #37
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 08:09 AM
Parent: #33
قرشو
قول
إذا لم يكن صفو الوداد طبيعة *** فلا خير فى ود يجىء تكلفا
|
Post: #34
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 08:05 AM
Parent: #32
ممكن يا حمزاوى برضو مره ومطلقة
|
Post: #38
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 08:16 AM
Parent: #34
الباقين كلكم هزليين وعدم الجدية
والموضوع ما تاخدو على طابع المرح والضحك
|
Post: #42
Title: Re: اعلنها فريده وداويه داخل سودانيز اون لاين لاول مرة
Author: banadieha
Date: 10-22-2002, 08:41 AM
Parent: #38
Zuhir,
I cann't take your offer other than serious and serious. I wish you all good luck. And I present to you this song of Abu Araki as posted by Ensana.
|
Post: #40
Title: Re: اعلنها فريده وداويه داخل سودانيز اون لاين لاول مرة
Author: peace builder
Date: 10-22-2002, 08:36 AM
Dear Zuheir
Hello!
Not that way!
You advertise youself as if this board for "soul mate" purposes.
Discuss hot issues, write poem or article, but please do not make the board looks this way.
Regards
|
Post: #43
Title: اعلنها فريدة وداوية داخل سودانيز اون لاين
Author: ALMURADABI
Date: 10-22-2002, 08:46 AM
الاخ زهير عزبا كيف معاك وعمرها 55 سنة نشوفها ليك
القرقوووووور
|
Post: #45
Title: Re: اعلنها فريدة وداوية داخل سودانيز اون لاين
Author: Bakhaf
Date: 10-22-2002, 10:32 AM
Parent: #43
| Quote: .بشرط أن تكون مقيمة بأي دولة أجنبية ويفضل(أمريكا استراليا كندا بريطانيا |
اشمعني الدول دي ؟ يعني ناس السودان والخليج بره ؟
يامان انتا كايس لك مخارجه ساي من البلد
ماتخجل يامان قولها بالله كان لي امريكا بنجيبك
http://www.sudanforum.net/forum/viewtopic.php?topic=15939&forum=1&27
كدي شوف الطريقه دي كان نفعت معاك ما بتقصر معاك تب
|
Post: #44
Title: Re: اعلنها فريده وداويه داخل سودانيز اون لاين لاول مرة
Author: almulaomar
Date: 10-22-2002, 10:20 AM
والله فعلاً شمهروش عاوز تجكس أون لاين يا مان وفعلاً هذا هو العصر الإنترنتي إن جاز التعبير بس ليه لازم تكون مهاجرة وفي الغرب تحديداً ما في جكس شديد في السودان وفي الدول العربية وأخطر منك في اللغة وفي الكمبيوتر ، المهم وريتنا طريقة جديدة في عصر العولمة والفلهمة ورأيك شنو نجي نعمل لينا ويب سايت نسميه سودانيز سنجلز وأى صورة زي صورة أب حراز أو صورة بكري أبو بكر ما نسمح ليها بدخول الموقع كصورة الثاني أى بكري لأنو متزوج والأول لأنو أب حراز. المهم أتمنى لك التوفيق ودبل كليك يوصلك لى فتاة الأحلام كان باي إيميل أو في أى شات رووم أو حتى بي رسالة أوف لاين.
|
Post: #46
Title: Re: اعلنها فريده وداويه داخل سودانيز اون لاين لاول مرة
Author: اساسي
Date: 10-22-2002, 11:03 AM
Parent: #44
الزواج ارقي العلاقات الانسانية
ماتعرضه انت صفقة تجارية
تريد من تخاف العنوسة
وانت تريد ان تهاجر الي دول الثلج
لذا توقع التهكم من الكل
|
Post: #48
Title: Re: اعلنها فريده وداويه داخل سودانيز اون لاين لاول مرة
Author: ebrahim_ali
Date: 10-22-2002, 11:18 AM
Parent: #44
شمهروش سلام يارجل والله اشيد بجراءتك وفعلا داوية وفجرت اركان البورد واشيد بالموصلي والطرح الراقي لتماضر واتمنى ان لا نحطم من يريد ان يكمل دينه في هذا المنبر هنالك من ليس متزوجون ويريدون الارتباط وهنالك ايضا اللؤاتي الغير متزوجات ويريدن الارتباط فتجربة الصادق ـ تغريد ، يجب ان تكون تجربة مفيدة وناجحة لكل من يريد ان يلج عالم الازواج ..ولكن طلباتك حاول خففها شوية
مبروك مقدما وعرسك لو في العيد من حسي احسبني معاك حتى ولو كان في اي حتة في السودان بصلك موبايلك اخذناه بس اركز يارجل
|
Post: #50
Title: Re: اعلنها فريده وداويه داخل سودانيز اون لاين لاول مرة
Author: bamseka
Date: 10-22-2002, 11:55 AM
Parent: #44
والاخوان الاعزاء
تعرفت على الاخ زهير قبل خمسة اشهر
تم التعارف من خلال مهنتة التى يمارسها بكل جدية وتقانة حقا يمتلك مهارات عالية .. فى مجال الكمبيوتر والانترنت وحقيقة الشى الذى عرفتة من الاخ زهير فى الفترة الماضية انة يعانى باسباب ما ... من عام 1997 حين كان معلما بعدة مراكز ومعاهد تعليم كمبيوتر وحتى الان يمتلك معهد بة جميع الدراسات فى تقنية الحاسوب
ويجيد اربعة لغات
الانجليزية
الفرنسية
الرومانيه
والروسية
حيرنى الاعلان يا زهير ونفسى اعرف انك عملت كدا ليه
|
Post: #47
Title: Re: اعلنها فريده وداويه داخل سودانيز اون لاين لاول مرة
Author: abujjux
Date: 10-22-2002, 11:14 AM
Dear Zuhair
you did it in the wrong place
many people lack sensetivity
Allah yisabbirak 3ala al aza
|
Post: #49
Title: Re: اعلنها فريده وداويه داخل سودانيز اون لاين لاول مرة
Author: Mandingoo
Date: 10-22-2002, 11:48 AM
يا جماعة الزول وضع شروطو العايزا، الناس كلها عندها شروط، لكن ما بتفصح بيها، بتدسها ولما تنطبق على واحدة بيختار الواحدة دي، مشكلة اخونا زهير انو واضح شديد، وعلى فكرة في دول مجاورة الناس بتخت شروط أوضح من كده، ولما يتم الزواج بيكون كل واحد عارف بالضبط هو شنو بالنسبة للثاني، عشان كده الزواج بيستمر، ما زي الشروط المغتغتة اللي بتنكشف بعد الزواج الرومانسي شديد داك
وبعدين الراجل حدد الدول دي لصالح البنات الفي الدول دي، مالكم مزعلينهن عليكم الله
|
Post: #54
Title: Re: اعلنها فريده وداويه داخل سودانيز اون لاين لاول مرة
Author: nooralaen
Date: 10-22-2002, 12:21 PM
Parent: #49
والله يا اخوى علمتها واضحة بس بينى وبينك كده شكلك خاشى البورد ده على طمعوالله يا الزوووووووول يا زاتو ماخليت لى الزووووول ده حتة يقبل عليها
|
Post: #52
Title: Re: اعلنها فريده وداويه داخل سودانيز اون لاين لاول مرة
Author: abas
Date: 10-22-2002, 12:12 PM
اوووووووووووووووك الراجل وقع
والله العظيم انا لو عندي اختي بره السودان وفي المناطق الحددتها اعرسها ليك وبدون مال كمان
|
Post: #53
Title: ابشر
Author: الزومـــــــه
Date: 10-22-2002, 12:15 PM
شمهروش أحييك و أحيي فيك شجاعتك
و ألى الامام هي دعوة صريحه و سليمه و أنا اعرف كثير من البنات و الأسر مستعدين للزواج اذا اتاكدو من الجدية و ما تسمع كلام الجماعة البتريقو عليك ديل البورة بتشكل 90% من بنات المغتربين و تعددت سنهم فوق 25 سنه بلا خاطب حتى و يوم الخميس الفات كنت فى مناسبة زواج تعرف العريس على العروس فى الخميس اللى قبلو بواسطة فاعل خير و كان زواج فى غاية الروعه و الانسجام و الاسرتين اسر اصيلةو يوجد كثير من الاسر حتى فى السودان مستعدين لمساعدة من يتزوج منهم و تحول الامكانات من تكوين الشباب لبيت الزوجية
يلا يا شباب و يا شابات الراجل دعوتو حلوه و اهى بداية
و انا متاكد مسنجرك مليان الان
|
Post: #55
Title: Re: اعلنها فريده وداويه داخل سودانيز اون لاين لاول مرة
Author: noha_g
Date: 10-22-2002, 12:24 PM
شمهروش
عن رسول الله صلى الله عليه و سلم
فيما معناه
تنكح المراة لاربع
لمالها
و جمالها
و حسبها
و خلقها
فاظفر بذات الدين تربت يداك
و على العموم هو المفهوم من طرحك دا
اقامتها
يمكن ما مالها
لكن يا سيدي
لم تكذب عليها منتهى الصدق في التعامل المادي مع الروح
هنا هي مجرد جواز مرور
و طبعا طرحك من واقع وجود كثيرات في الغربة ممن يتهافتن على زوج أو رجل
على العموم
ربما تجد مرادك
لأنها دنيا غير
أحسست بالألم المبرح و أنا اقرأ أعلانك هذا
يا لسخرية القدر عندما يصبح الزواج جواز سفر
وثيقة
تحياتي للجميع
|
Post: #56
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 12:24 PM
اخوي شمهروش ما تجدع موبايلك ساكت يا وليدي انا خارج المنافسة بكل المقايييس
اولا سودانية بحتة داعكة في السودان لما شبتي اتقطع
تانيا زي ما قال اخونا ده تجاوزتها ال45 سنة بكتير وكدي لكن يا اخوي انا بساعدك بالدعوات ما بقصر معاك تب ياشمهروش
عندنا كم شمهروش احنا
|
Post: #57
Title: Re: اعلنها فريده وداويه داخل سودانيز اون لاين لاول مرة
Author: zahjana
Date: 10-22-2002, 12:42 PM
Parent: #56
الاخ شمهروش....
انا سودانيه جعليه عمري 22 سنه وساكنه في امريكا ..وكمان انا حلوه وست بيت جد وتاني شنو ياربي
وزهجي ده كمان بخليهو بعد الزواج ان شا الله المهم المواصفات كلها موجوده عند اختك زهجانه...اها قلته شنو ....بس عندي طلب بسيط اذا اتزوجنا تغير اسمك لانو شمهروش ده حا اعوج لي خشمي
[email protected]
|
Post: #58
Title: Re: اعلنها فريده وداويه داخل سودانيز اون لاين لاول مرة
Author: قرشـــو
Date: 10-22-2002, 01:04 PM
Parent: #57
زهجانة
وده كله داساه من زمان ليه
يعنى ما عارفه البورد ده مليان عزابة ولكن خجلانين يقولوا الكلام ده..
والله امريكا مغرية لانه الدخول ليها بقى صعب جدا عشان كده انتى سوقك بكون حار وعليك وضع شروطك كمان..
يعنى بقت عليكم جدادة الخلا طردت جدادة البيت ..
والله لسع ما عارف اقول لاخونا همروش ده شنو
|
Post: #59
Title: Re: اعلنها فريده وداويه داخل سودانيز اون لاين لاول مرة
Author: Bakhaf
Date: 10-22-2002, 01:07 PM
Parent: #57
اهاوالعصمة حاتكون عند منوا يازهجانا
|
Post: #72
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 08:14 PM
Parent: #57
لوترى صورتى لو تسمعين لون الحزن فى أنفاسى لو فقط ترتابين فى جنون تفاصيلى ستعرفى اننى رجل
وأى حزن عطيم هذا الذى لايرضى بعير قلبى
اشكرك
واتمنى ان تكون المواصلة كبيرة
وممكن تعملى بريد فى الهوت ميل ويمكن نتقابل
وممكن تكون المدام ارسلت ليك مجموعة من الرسايل
الباقى فى الايميل
|
Post: #60
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 01:08 PM
كدي يا شمهروش انت مالك ما حددت اخلاقها كيف الببت دي وشخصيتها ولا ما مهم؟؟؟؟بس برة كفاية؟؟؟
|
Post: #61
Title: Re: اعلنها فريده وداويه داخل سودانيز اون لاين لاول مرة
Author: zahjana
Date: 10-22-2002, 01:21 PM
Parent: #60
معقوله يابت القبايل ده كلام شنو ده ياختي.
|
Post: #62
Title: روقي المنقه يا بت القبايل
Author: الزومـــــــه
Date: 10-22-2002, 01:43 PM
الاخت بت القبايل روقي المنقه سالت بربك
مالك يا اختى واقعه فى الراجل كده و مالك الحارق رزك شنو فى الموضوع جميع ردودك تريقه و تقليل من شأن الراجل يا اختى رايك وضح من اول رد مافى داعى للباقي و اذا عمرك فعلا 45 ديل شباب جو فى الزمن الردىء و الوضع الصعب و الزمن الزمان عدى و فات بخيرو و شروو اهو اختك زهجانه باركت و الله يسهل على الجميع
|
Post: #63
Title: Re: روقي المنقه يا بت القبايل
Author: banadieha
Date: 10-22-2002, 02:10 PM
Parent: #62
بت القبايل ياختي شبيتي في حلق زهير ساكت وقلت ماشة
تتأكدي من العنوان وما رجعتي تاني..شمهروش دا جاء بالباب
عديل..المهم ست الكل وهجانة لعبت حريف وقدمت أوراقها لكن
أنا ما بخليها وقدمت أوراقي كمان ليها وانتي صلحي العلاقات مع
زهير والعمر 45 سنة دا عمر السرور والنضج والقويشات المتلتلة
|
Post: #64
Title: Re: روقي المنقه يا بت القبايل
Author: سماهر
Date: 10-22-2002, 02:12 PM
Parent: #62
ازيـــكم
انـا جديده زيك لكن انتا عملتها ظاهرة
زواج مبارك بيت مال وعيال ياخوى ما تسمع كلام الناس دى
سماهر
|
Post: #65
Title: Re: اعلنها فريده وداويه داخل سودانيز اون لاين لاول مرة
Author: rani
Date: 10-22-2002, 03:16 PM
سلام يا شمهروش
هل عندك مانع ان تكون العصمة بيدها
لأن الدول لتى ذكرتها تعمل بهذا النظام؟
كبر
|
Post: #66
Title: Re: اعلنها فريده وداويه داخل سودانيز اون لاين لاول مرة
Author: koky
Date: 10-22-2002, 05:11 PM
Parent: #65
أنا زاتي داير واحدة
أنا زاتي داير واحدة
أنا زاتي داير واحدة
|
Post: #67
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 06:06 PM
Parent: #66
أعزائى وأحبائى سكان البورد الجميل....
ليكم منى كل التحايا .
حقيقة أول بالتبادى أحى كل من هاتفنى فى صباح شتاء وطنى الجميل
الذى تغاذله تللك النسمات البريئة
وشد ماأعجبتنى تلك الردود الرائيعة من الأخت /تماضر الأنيقة وذلك النغم المنساب من بوست الموصلى وتسلم لى انت وعركى ودكتورة عفاف الصادق وكل العصافير التى تغرد بعد ان بح صوت الناى*****
والتوصل الممتد بيننا عبر الانترنيت أعظم رباط وليس هنالك غرابة فى هذا الطرح
بل هو اسلوب به الكثير من الحداثة وكسر بيروقراطية طريقتنا بالزواج.
*******
ومن الممكن ان تصلح للأدباء وكتاب القصة
يعنى قولة خير بالايميل
والشيلة من الهوت ميــل
والعريس ب دى اتش ال
وباقى السيرة باى اير ميل
*******
وكل المواقع بها خدمات تعارف صداقة زواج وكل الاشياءالتى لها علاقة بامور الانسانية ونحن فى هذا الموقع لانقل عنهم فى أى شى فى رأى الخاص انها أسهل طريقة للتقابل وبداية مسيرة ناجحة ولمن دايما نحن نترك كل الامور التى يجب أن نناقشها بصراحة فى أكثر المواضيع حساسية
( ولكن نعمل شنو!!!!! مع جماعة النعام)
واننى مصر على طلبى هذا لان الامر بالنسبة لى نزهة هو قرار جاد ولايقبل التراجع
** وبينى وبينكم الحنة جاهزة والفنان عسل والعروس بتتجهز
وربنا يحفظنا من العين
شمممهههروووووش
|
Post: #69
Title: Re: اعلنها فريده وداويه داخل سودانيز اون لاين لاول مرة
Author: بكرى ابوبكر
Date: 10-22-2002, 07:19 PM
Parent: #67
الحبيب زهير
احيك لشجاعتك وجراتك واتمنى لك التوفيق
ويا ناس الموضوع ده عادى مالكم مكبرنه و محبطين الزول ...الطرح الذى طرحه زهير احتمال يكون طرح متقدم علينا شوية لكن معظم المواقع العربية و الجرائد العربية فى المهجر يوجد بها مثل هذه الاعلانات و كثير من الاسر العربية والاسلامية فى المهجر يشجعون ابنائهم على الزواج من اوطانهم وكمان لا يفوتنى ان اشكر زهجانة لموقفها الرائع والاستاذ الموصلى
ويا زهير سر الى الامام واعتبر كل امكانيات سودانيز اون لاين تحت تصرفك كما يمكنك و ضع اعلانك هنا
http://www.sudaneseonline.com/penpal
و اتمنى لك التوفيق
اخوك بكرى
|
Post: #71
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 07:56 PM
Parent: #69
هلا ياريس
قد أصابتنى كلماتك بشى من الفخر والاعتزاز وهذا ليس بعيد على ربان السفينة وحادى ركبها ااششككرك كتير ودى دعوة صريحة لمزيد من تعاطى الديمقراطية المنضبطة وفقك الله أخىبكرى
والاراء المختلفة دوما تولد الابداع
ونحن ان لم نقبل الراى الاخر ستكون الحكاية هرجلة
وينفرط العقدومن ثما يعب علينا التمييز بين الغث والسمين
أكرر شكرى
أكرر اعجابى اللامتناهىبهذه الشخصية المتفردة
|
Post: #136
Title: Re: اعلنها فريده وداويه داخل سودانيز اون لاين لاول مرة
Author: ابو يسرا
Date: 10-23-2002, 09:15 PM
Parent: #69
وين اخونا الحبير ابو حراز هذا وقت تدخلك
|
Post: #148
Title: Re: اعلنها فريده وداويه داخل سودانيز اون لاين لاول مرة
Author: الأمدرمانية
Date: 01-13-2003, 03:42 PM
Parent: #67
الاخ العريس
إرتباطك بالطريقة دى يفتيك فيه الوقور المحترم شرنوبى وبقول ليك نسبة النجاح كم بالمائة وربنا يوفقك
الأمدرمانية
|
Post: #68
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-22-2002, 07:14 PM
الزوله
دقيقة بس امسك نفسي من الضحك عشان اقدر اكتب
شمهشهرمشوووش انتا نصيح يا ود امي؟؟؟
ها اذا كان ولا بد احبكا ياخي
زوووووووووووووولة1
بت الققققققبايل2
حقيقة ليس هنالك داعى لكل القرقرة السويتنهادى
أأسف حدا لهذا الفهم وهذا التناول الغير جادلامور تربطكم مع من حولكم.
وحقيقة لو كان هذا ديدنكم ليكم حق تمشطو البيضا مع الرمادية وليست السودا ولو جنبك حبوبة أسأليهاعن هذا المثل الشعبى خالص
أكررررر الأسف لمدينة تجهز فستان زفافها لتكون عروس المدن للثقافة
او لتقولوا خيرا أو اتصمتو
|
Post: #70
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-22-2002, 07:31 PM
Parent: #68
الاخ بكرى كتر الف خيرك ودة عشمنا فيك والله
|
Post: #73
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 08:44 PM
بسم الله الرحمن الرحيم
الاخ الكريم شمهروش
اوريك يا اخوي ليه الموضوع ده انا ما قادرة اخدو جادة
يا وليدي السبب بسيط جدا
انت اتعاملت مع علاقة من ارقى العلاقات الانسانية على اساس مصلحة بحتة يعني بمقابل
واي زواج بنى على مصلحة فهو زواج مشوه
يا اخي لما انت عاوز تسافر برة قدم ياخ للتاشيرة ولا غيرو لازم تظلم اخرى حرام عليك والله
هسي كده انا قلت خيرا لكن اصمت دي صعبة وان كان خيري ما جا على هواك فانا اسفة يا ود العم
ولكنه خيري
تحياتي
|
Post: #74
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-22-2002, 08:56 PM
Parent: #73
بت القبائل
انت مالك طالعه لينا فيها كدة مالك انتى يا زولهالزول دة ما غلط قال كلام يا تقبلى يا تسكتى كفايه مهترات وكفايه تريقهوتهزئ خلى عندك منطق
|
Post: #75
Title: Re: اعلنها فريده وداويه داخل سودانيز اون لاين لاول مرة
Author: bamseka
Date: 10-22-2002, 08:59 PM
Parent: #73
الاخت العزيزة / بت القبايل
حقيقة انتى اختى الموضوع لدرجة هزليه ما وزى ما زكرتى انو ما قدرتى تاخديهو بطابع الجدية مع نفسك ليه لانو نحن السودانين بعيدين عن ما طلبة الاخ شمهروش وكتير من الدول نجد الملايين من الشباب يرنون على اوتار الزواج اى كانت بواستطة المجلات الشهيرة او عالم النت
وبعدين الزول دا ما طلب تاشيرة وانتى بكلامك مصرة على احباطة على موضوعة المطروح
لنا عودة
|
Post: #76
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 08:59 PM
فيصل يا ود العم
هسي الاتهاتر منو يا ود الناس
بعدين انا ما بهزيء حاشا لله ما طالباهو حاجة علشان اهزئو
انا بس ببين ليهو رفضي للفكرة
مالك علينا يا ولدي جايب مهاترات وشكلة وكراسي وكده
قولو بسم الله
|
Post: #77
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-22-2002, 09:08 PM
Parent: #76
بت القبائل
شنو بسم الله انتى شفتى شنواصلوا ولا عاينتى لنفسك فىالمرايه
|
Post: #83
Title: Re: اعلنها فريده وداويه داخل سودانيز اون لاين لاول مرة
Author: BousH
Date: 10-22-2002, 09:26 PM
Parent: #77
سلام يا حلوين
يمكن تاني شخص رد على البوست .... طرحتك يا شمهروش متقدم على بعض العقول في المنتدى .... ارجو ان لا تلتفت ليها كتير ...واحي الاخت زهجانه ... ونقول مبروك مقدما ... وربنا يتممها بخير .... رغم اختلافي مع الاختين زولة و بت القبايل .. الا انني احيهن على طرحهن لارائهن بكل صراحة ... ايضا محمدة ... على الاقل عرفنا جزء من تفكير البنت السودانية وكيفية تعاملها مع الوسائط المتوفرة ... واقول احسن من السكوت كما قالن ... والى الامام ... بالتوفيق يا رجل
تحياتي
|
Post: #78
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 09:12 PM
والله يا فيصل بيني وبينك كده المراية دي انا من طفلة علاقتي معاها ما اااااااااااااااااا تمام علشان جنس ده
لكن الليلة زي الاتهورت وعاينت فيها
جاتني هرشة نفس وهسي بطلع في الروح
|
Post: #80
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-22-2002, 09:18 PM
Parent: #78
بت القبائل
نحن شكلنا طلعنامن الموضوع وانا اسف لوانفعلت معااك جد اسف
|
Post: #82
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 09:25 PM
اخوي فيصل ما بينا يا ود العم
اخوان والله ماجاب اعتذارات بس انت ما تاخد الموضوع شخصي
تحياتي
|
Post: #84
Title: Re: اعلنها فريده وداويه داخل سودانيز اون لاين لاول مرة
Author: منعم
Date: 10-22-2002, 09:57 PM
الحبيب بوش
انا كان ما طرحة الاخ شهمروش هو فهم متقدم فنحن نحمد الله على ان جعلنا متاخرين .. فما زلنا نرى ان للزواج قدسية لا تطالها يد الحداثة الانتهازية هذة .. ونرى ان الزوج لم يكن فى يومآ من الايام تاشيرة خروج او صفقة تجارية.
الاخ شهمروش
مهما صغت من العبارات الجميلة وتوسلت بكل الاقوال البراقة من حداثة وتقدم ورقى ... اقول لك ان ما تفعلة الان هو من ما يندى لة الجبين خجلآ ...ارجو ان لا تكون جادآ وان يكون الامر كلة عبارة عن مزحة
وختامآ لكم رايكم ولى رايئ
ولكم كل التحايا والاحترام يا اهل الفهم المتقدم
|
Post: #131
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-23-2002, 07:41 PM
Parent: #84
أخ منعم
عمر الزواج ما كان شى مخجل الخجل البنعرفومابذكره فى هذا الصرح
الذى ينادى بعوالم من الحرية وليست الافلات او تناول الظواهر السالبة من تلك المجتمعات
الحمد لله على نعمه الكتيرة ووجودى بينك واحد منها
لم أقصد الاقامة أوماتلمحون اليه باننى تنقصنى القرعة واقعد جنب الجامع الكبير (أقول كرامة لله . الحمد 10000*10000 والله جد والايام بيننا دول
|
Post: #85
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-22-2002, 10:52 PM
شوف ياحبة
اما انك ما نصيح
او فاكرنا مهترشين
دة كلام شنو البتعمل فيهو دة
حسع حصل سمعت ليك بسوداني
سوا سواتك دي
ما تقول عاوز ليك واحدة
غنية ومريشة وبس
وبعدين كدي انت حسع مواصفاتك شنو زاتو
الكمبيوتر والا نجليزي دة بقت قاسم مشترك
وتاني يا خي يا همرشوش استغفر ربك وارجع لعقلك
واسحب بوستك دة ما تشمت الناس فيك
|
Post: #86
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-22-2002, 11:11 PM
Parent: #85
خال فاطمه اسمح لي اختلف معاك مع احترامي كلو
انا بفتكر شمهروش شجاع وبفتكر رد زهجانه اكثر شجاعه ليه مانجمع اتنين في شيئ كلو خير كدي فكر معاي براحه
وبعدين الاسئله عن الاخلاق وغيرو اسئله مامفيده لسبب واحد
انو كل واحد لما يلاقي الداير يعرسها او واحده دايره تعرسو الكل حيكون ملاك لكن يااخوانا نحن بني ادمين لنا اخطائنا وما ننسي عبس وتولي ولا شنو وبعدين لو الاتنين اتفقو يمكن واحد فيهم يغير التاني
انا والله متفائل ليك ياشمهروش ووالله لوعندي اخت ما متزوجه وموافقه الا اعرسها ليك
وانا جاد جدا في كلامي الاول وتسلمي يازهجانه الله يفرحك
|
Post: #88
Title: Re: اعلنها فريده وداويه داخل سودانيز اون لاين لاول مرة
Author: BousH
Date: 10-22-2002, 11:17 PM
Parent: #86
ههههههههههههههه خال فاطمة لا تعليق
والله يا استاذنا نتمنى ليهم التوفيق من قلوبنا
|
Post: #87
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 11:16 PM
بسم الله الرحمن الرحيم
فناني العزيز الموصلي
اول حاجة السلام عليكم كتيييييييييييييييييير
لكن سيدي اسمح ليا اختلف معاك في حكاية السؤال عن الاخلاق غير مجدي دي
لانو مهما حاول الانسان تصنع كونو ملاك الا ينكشف والطبع يغلب التطبع والاصل في العلاقة الانسان الطيب والاخلاق الحسنة
تحياتي سيدي
|
Post: #89
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-22-2002, 11:23 PM
Parent: #87
بت القبايل العزيزه انا متفق معاك تماما
لكن هسع لو افترضنا ان واحد هو الجن الكلكي وسالوه اها كيف اخلاقك
حيقول والله انا وبتواضع زول في حالي وانا وانا وانا الخ
ولو سألو زول تاني برضو من قبيل المجامله وعدم الدخول في مشكله اكتر حاجه حيقول والله ماعندي عنو كبير معرفه
المهم كتير من ناس حبو بعض بشده نتيجه لظهور كل من الطرفين في اجمل هيئه ولكن لما يتقفلو التنين في بيت بيرجعوا لي طبيعنهم الانسانيه وكتير بتحصل الصدمه لكن ما اكتر من التوافق
غايتو انا كنت محظوظ وزواجي تم حتي الان غشرين سنه اها صامد ولا لا
|
Post: #132
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-23-2002, 07:55 PM
Parent: #87
بت القبايل مساك الله بالخير
أشكر عزيزى الموصلى على ردوده الأنيقة
والله الذى لامعبود سواه بقولو العز أهل والسيرة باذن الله أولها المحطة الوسطى بحرى واخرها فى المتمة
ويسمعن بنات دار جعل البره والجوة
|
Post: #90
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-22-2002, 11:26 PM
اخوي الموصلي
شوف دي بدعة سيئة
وتاني الاخلاق دي اول شي
مفروض يحددها
لو كان الهمروش دة جادي
لان الامم الاخلاق
وتاني انت الانسان الشاعر
من المفروض المشاعر والاحاسيس
لابد ان تكون لها مكانة كبيرة في
تفكيرك
لان طرح الزول دة يخلو من اي
مشاعر واحاسيس
لذا كان من المفروض ان تكون
اخر من يؤيده يا موصلي
وشكرا يا بتنا بت القبايل
وصحي اسمك دهب
|
Post: #91
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-22-2002, 11:31 PM
Parent: #90
خال فاطمه العزيز كدي اقرا كلامي كويس
الاخلاق مهمه ولكن السؤال عن الاخلاق هو الموضوع
يعني مافي زول بيتقدم لي واحده ويقول ليها انا ماعندي اخلاق اظن الدور ده وصلت ليك كلامي وبت القبايل بت قبايل ونحن برضو اولاد قبايل ولا شنو
|
Post: #92
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 11:36 PM
فناني العزيز انت القبايل زاتا ووين نفوت حسك احنا
سيدي الكريم الزعل مرفوع ولك العتبى حتى ترضى
|
Post: #94
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-22-2002, 11:41 PM
Parent: #92
مشكوره انا حبيت في احترام شديد اقول ليهو نحن نتكلم مع الناس في ارائهم مافي ذاتهم يعني نحن بناقش قضيه الاراء قابله فيها للخطأ والصواب وأنا بشر قابل لكل مايحدث للناس
ولكن الان معتقد في صدق وصحة رايي ومافي عوجه كلنا قاصدين الخير وتسلمي يابت القبايل
|
Post: #93
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-22-2002, 11:40 PM
اولا انت يا استاذ
الظاهر المافهمت كلامي
انا قصدي هو في مواصفات
العروس اللقطة دي
ليه ما طلب تكون ذات اخلاق ودين
وتاني انا كتبت اقول بان طريقتو دي
جافة ومتحجرة وخالية من المشاعر
واظن كدة وصلت ليك كلامي
وتاني ياخي انت ود قبايل واصل
وعذرا ان وصلك مني غير ذلك
|
Post: #97
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-22-2002, 11:54 PM
Parent: #93
لا بالعكس ياخال فاطمه
بس انت قعدت تنصح فيني انا بدل تركيزك في الموضوع وانا والله بقدرك وبقدر مساهماتك جدا واهو كل واحد فينا يدلي بدلوه ومسألة الصحيح والخطأ مسأله نسبيه وبرضو تفنكر في واحده سودانيه حتقول انها ماعلي خلق ودين وليه نحن نفترض الجانب السلبي من الموضوع اكيد الناس حتتعارف قبل الزواج والمسأله ماحتكون ضربو رماه كدي هسع كان الناس اتفقت انت موكل لأان تكون مسئول عن الضيوف وانا بدق الصيوان وبضبح الخرفان وبغني
اها يابت القبايل القديره والذوق لو الاتفاق تم علي كل شيئ
واجيبت كل التساؤلات حتقيفي مع العريس ولا العروس
وياخال فاطمه البيناتنا عامره تب
|
Post: #95
Title: Re: اعلنها فريده وداويه داخل سودانيز اون لاين لاول مرة
Author: abujjux
Date: 10-22-2002, 11:43 PM
لسّة بتهزروا
مافيش فايدة
|
Post: #99
Title: Re: اعلنها فريده وداويه داخل سودانيز اون لاين لاول مرة
Author: يانكي
Date: 10-23-2002, 00:00 AM
Parent: #95
صراحه انا اشارك الاخ خال فاطمه الراي لان الواضح في طلب الاخ زهير
يوضح انه عايز يهرب من وضع ما لان الشرط الوحيد للقبول ان يكون الطرف الاخر خارج السودان لكن مواصفاتها الاخرى ما ليها اي اعتبار وهذا ما فهمت من طريقه العرض نعم زي العارض بضاعه في سوق الله اكبر
حمانا وحماكم الله
|
Post: #96
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-22-2002, 11:50 PM
اخوي البهزر منو
خلاص قلبنا جاديييييييييييييييييين قبيل
ولا حتى جديتنا ظاهرة هزار
تحياتي
جادة
|
Post: #98
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-22-2002, 11:59 PM
الزول البيهزر الوحيد
في نظري هو صاحب هذا البوست
ربنا يهديهو
|
Post: #100
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-23-2002, 00:02 AM
سيدي الموصلي اختلافي في الفكرة لا يمنع اني احضر الحفلة
ووزيرة عروس كمان
واظل مختلفة في المبدا
تحياتي
|
Post: #101
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-23-2002, 00:07 AM
Parent: #100
تسلمي والاختلاف لا يفسد للود قضيه
وعلي فكره كم زيجه تمت خارج السودان اعتمادا علي الفديو
والصوره الفوتغرافيه وكم زواج اعترض عليه الاهل بمختلف الحجج ونجح وكم زواج اصر عليه الاهل بنفس الحجج وفشل
عشان كده الزول يختار بنفسو ويتحمل مسؤلية الاختيار براهو
ولو زهجانه جاده واجزم انها كذلك فعليهم التعرف اكثر وهما علي درجه كبيره من الثقافة والوعي وربنا يوفقهم
|
Post: #102
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-23-2002, 00:16 AM
اميييييييييييييييين يا استاذنا
|
Post: #103
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-23-2002, 00:27 AM
Parent: #102
تعرفي يا بت القبايل انا بغني وانا طالب ثانوي عالي سنة اتنين وسبعين محترف الغناء ومعظم المناسبات الغنيت فيها
بكون بعرف ناس العروس او العريس واحيانا الطرفين
كتير من زيجات تمت عن حب يفوق بتاع الهنود ذاتهم لو شاهدتي الافلام الهنديه طبعا ابن الملوح لو شاف افلامهم
لتعجب من هذا الحب
ويمر زمن بسيط بعد الزواج يقولو ليك الجماعه حصل بيناتهم الطلاق بينما الحب بينهم يكون قد استغرق
خمسه سنوات قبل الزواج وهناك زيجات تمت سريعه ونجحت
وطبعا ده ما حكم عام لكن حصل والله وانا شاهد عليهو
ولو كان بيصح كنت ضربت ليك امثله باسماء
المهم انا استمتعت بالحوار معاك والله يالمستمده صمودك من
ارض النيل تسلمي
|
Post: #104
Title: Re: اعلنها فريده وداويه داخل سودانيز اون لاين لاول مرة
Author: اسامة الخاتم
Date: 10-23-2002, 00:32 AM
المشكلة يا جماعة فى اسلوب الطرح
ولا فى تبعاته
ليس المشكلة فى الاعلان
ولكن فى مكانه سواء كان جريدة ولا بورد زى دا
و الفكرة دى لا متقدمة ولا حاجة لانو كتير فى اعلانات زواج زى دى فى وسائل كتيرة
يبقى المشكلة وين؟
دا اذا كان فى مشكلة اصلا
|
Post: #105
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-23-2002, 00:41 AM
سيدي الموصلي
ليس اعتراضي على وجو دالحب او عدمو
اعتراضي على الشروط الغريبة يعني الواحد بضع تحتها مية خط
تحياتي يا فناني
اخوي الخاتم
الاشكالية ما في المكان الاشكالية زي ما قلنا في العرض زاتو
تحياتي برضو
|
Post: #106
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-23-2002, 01:45 AM
همروش هاك الشاكوش دة
مع التحية لكل من ايد
Re: جنيت من قعاد البيت يا أب شرا
|
Post: #107
Title: Re: اعلنها فريده وداويه داخل سودانيز اون لاين لاول مرة
Author: degna
Date: 10-23-2002, 02:29 AM
Parent: #106
تحياتي الاخ همروش ,
طرحك لطلبك هذا متقدم وصريح جدا ,فالافضل لمن هاجموك
لو عندهم مايلبي طلبك ان يقولوا عوووك او يسكتو احسن
ليهم لانك جاد وهم ماخدنوا هزار او نقاش ,
والف مرحب بيك في البورد
دقنه البجاوي
|
Post: #108
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-23-2002, 05:24 AM
ادخلوا هنا
Re: جنيت من قعاد البيت يا أب شرا
|
Post: #109
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-23-2002, 05:30 AM
قالت زهجانة
الاخ شمهروش....
انا سودانيه جعليه عمري 22 سنه وساكنه في امريكا ..وكمان انا حلوه وست بيت جد وتاني شنو ياربي
وزهجي ده كمان بخليهو بعد الزواج ان شا الله المهم المواصفات كلها موجوده عند اختك زهجانه...اها قلته شنو ....بس عندي طلب بسيط اذا اتزوجنا تغير اسمك لانو شمهروش ده حا اعوج لي خشمي
[email protected]
الا انها نسيت انها قائلة ذات مرة
العزيزه نهي ...لكي كل التحايا وتسلمي انتي من الزهج الزهج خليهو لي ناس زهجانه ...وبعديد الحاله دي عامه يعني مابراك وشايفه الشباب ديل شبكوك زواج وكدا هل ده الحل ابدا اسال مجرب انايا نهي اختي عندي احلي بنتين تومات واحلي زوج وحاجات تانيه كتيره حلوه لكن برضو بحس بي نفسي زهجانه في كل ثانيه وكل دقيقه لكن بس انا عارفه سببي شنو وتبقي المشكله وين؟ انو الحاصل ماعندو حل ...وربنا يسهل علينا كلنا واول حاجه نرجع بلدنا تامين وسالمين يارب وتسلمي.
وياعجبي
وهذا دليلي
Re: جنيت من قعاد البيت يا أب شرا
|
Post: #110
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-23-2002, 08:34 AM
Parent: #109
الاخ خال فاطمه
انت حقيقه ما خال لان خال والد وانت مخلول فى عقلك افتكر انت فاكر تفسك ايه كفايه تجريح وكفايه تريقه وتهزىء ليييه كل كل الاكلام القلت دة لييه عشان زول زول قال عاوز عروس ويعنى شنو طلب عاادى ونحن هنا فى منتدى وهذا قال رايهو ومشى انت مالك ماسك للزول دة كدة بتعرفوا عندك معاهو شى مفروض تقول رايك بدون تجريح واساءة ووكلامك دة البخلىالواحد يطلع من طوروا ويوقل كلام مش فى محلوا كل الناس دى كانت ارائهامتباينه ومازول قال كلام جارح
|
Post: #111
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-23-2002, 10:06 AM
فيصل 44
سلام
اولا يجب ان
تتعلم ان لا تسيء للناس
وبعدين تكلم معي
انا دافعت عن حق
وقلت وجهة نظري
سواء وافقت لديك قبول
ام لا
فقط قول رايك ان كان لديك
ونحن نحترمه
اما ان تسيء فلا
والف لا
وانا اطالب بحقي من الادارة
يا ناس بكري
وشكرا
واخيرا اقول كل اناء بما فيه ينضح
|
Post: #112
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-23-2002, 10:51 AM
خالي العزيز خال فاطنة والكريم فيصل
يا جماعة احنا بنتناقش في موضوع
مافي داعي نقلبو شخصي
ومع اعتذاري فيصل لكن مشكلتك بتفقد اعصابك سريع
فيا ريت حبة رويةلو امكن
تحياتي
|
Post: #113
Title: Re: اعلنها فريده وداويه داخل سودانيز اون لاين لاول مرة
Author: zahjana
Date: 10-23-2002, 11:02 AM
Parent: #112
اهلي ناس البورد وزوج المستقبل شمهروش...صباح الخير
جميعا..
وياناس عريسي ده مالاقياهو الزول ده شرد ولا شنو وده كله..من خال فاطمه طفش الراجل خليتك لي ربك الخلقك
وبالمناسبه انا ما متزوجه وانا جاده جدا مع شهمروش
وبعدين انا زمان حبيت شويه ارفع من معنويات نهي يعني كلامي مع نهي ليس اكثر من دعابه ويااخوي تاني بقول
ليك انا زهجانه رايح لي عريس ...معقوله ياخال فاطمه تعزبني كدا ياخي انا بكتب بالماوس ماتخليني اصرف عربي
كتير ولو بتحب عمل الخير لمني في العريس الرايح ده ...خلينا تزوج قبل مارمضان يدخل وتسلمو كلكم بدون فرز.
|
Post: #133
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-23-2002, 08:13 PM
Parent: #113
حقيقة طيلة هذا البرلمان القوى
كان زهجك هو يدفعنى على تحمل المزيد
متاسف جدا لان طيلة النهار من محاضرة الى أخرى بجهز ليك فى الشيلةمن العاج ولما قلت سوداني مرت بخاطرى كل صور نساء العالم وجدت وجه أبنوسى بنكهة الفافاى وطعم المانجو
بدون مواصفات لان العفة تكسوكل بنات عمى
يابت القبايل الجد جد جد
|
Post: #114
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-23-2002, 11:16 AM
اختي زهجانة
اكان العرس بيفك زهجتك دي
مافي مشكلة
ومعليش بس كدي روقي المنقة شوية
وفكري شويتين ونص
ومعليش لو زهجتك زيادة
بس انت القلت انك متزوجة
وانا ما جبت شي من عندي
واعتذاري لك يا عروس البورد
بس مش بالطريقة دي
|
Post: #116
Title: Re: اعلنها فريده وداويه داخل سودانيز اون لاين لاول مرة
Author: الزومـــــــه
Date: 10-23-2002, 11:33 AM
Parent: #114
خالد فاطمة
زى ما قال اخونا بلير
انت خال فاطمة ول خالة فاطمة يعني ولد ول بنت لانو حرقت ما حرقت اولاد دى حرقت بنات ظاهرة زكرتنى واحدة بعرفها
و اتنين لو قالو ليك راسك مافى اهبشو
يا اختى ادعو على الولايا بالسترة الله يسترة معاك دنيا و اخرى
|
Post: #117
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-23-2002, 11:36 AM
Parent: #114
اخوي ود الزومة
اسمح ليا انك في دي زدتها شوية
فلنحافظ على هدوء اعصابنا وفعلا مافي داعي للتجريح
تحياتي
|
Post: #115
Title: أبشري
Author: الزومـــــــه
Date: 10-23-2002, 11:27 AM
أبشري يا زهجانة و ياكي انت بت القبايل
و قلت الكلام البغطغطوهو البنات
أبشري الف كمان
و يا أبو الزهور امسك عروسك عليك و أسرعو فى الاجراءات قبل ما البلد يقفلوهو على الناس لانو اتفاق مشاكوس اذا تم فعلى السودان السلام و اذا لم يتم فعلي الناس القيام و امشى على بلاد الحرية و الديمقراطية و ربي عيالك فى سلام و أبقى على البت دى عشرة لانها بت قبايل جد( صفه)
أبشر و اخوانك معاك
( احسب هديتي : جميع اجراءات وزارة الداخلية على حسابي زائداً الرسوم
|
Post: #118
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-23-2002, 11:40 AM
الزومة
تحياتي
واكيد بناتنا كلهم
بنات قبايل
بس الاسم دة بقى حقر على زولة
واحدة هنا
وتاني ربنا يتم لزهجانة
بس بالطريقة العدييييييييل
|
Post: #120
Title: Re: اعلنها فريده وداويه داخل سودانيز اون لاين لاول مرة
Author: الزومـــــــه
Date: 10-23-2002, 11:55 AM
Parent: #118
خال فاطمة ما تفتن بيني و بين بت القبايل
كل شيء حكر الا الصفات لانه ربنا سبحانه و تعالى لم يحكر على الصفات الكريم - الخبير - العزيز
و هي صفة نستخدمها كسودانيين عند اعجابنا بافعال البنات
ول شنو يا بت القبايل ( الاسم
|
Post: #121
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-23-2002, 12:03 PM
Parent: #118
خال فاطمه
انا حقيقه لم اسى اليك وانك انت المسىء وانت حديثك الجارح ورغم انى لا تربطنى علاقه مع الاخ زهير ولكن كلامك كان كلوا تجريح
وعلى العموم خال فاطمه لك العتبة حتى ترضى اذا فهمتنى غلط
وكلنا اخوان واولاد سودانيز اون لاين
ولك كل احترامى وتقديرى
واختلاف الراى لا يفسد للود قضيه
|
Post: #119
Title: بت القبايل
Author: الزومـــــــه
Date: 10-23-2002, 11:50 AM
اختى بت القبايل
لم ازود شيئا لكن انا خال و بعرف طبع الخلان
و كتير من الاولاد بدخلو باسامي بنات و بنات باسامي اولاد و لا ينكشف امرهم الا فى هذه الحالات
و اعرف كثير من الناس بهذه الطريقه
يعني البنات فى الموضوع ارئهم ظاهرة و كذلك الاولاد
عشان نطلع من الجو الملغم ده احكى ليك نكته حقيقيه
عندنا واحد جارنا لذيذ جدا كنا زمان بنطلع رحلات حلوة و الرحلات كانت مختلطة و كان هناك فقرة تسمى البرقيات يعني كل واحد يكتب ورقة و يشرح فيها رايؤ فى اى شيء عن الرحله و مرات ناس بتعبر عن ارائها بدون ذكر اسمهم
و جارى بكتب اعجابو بنفسو يعني يكتب يا خوجلي يا وجيه التوقيع معجبة يعني اكتر من عشرة اوراق و الناس تفتكر انو البنات بموتو فى صاحبي و هو زول جايب خبرو مافى
و ابقو عافيه
|
Post: #122
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-23-2002, 12:04 PM
عزيز ود الزومة
الحركة دي واضحة وظاهرة لكن بس تعديل بسيط احتمال غايب عنك
عزيزي خال فاطمة رجل ورجل شهم جدا وقف جنبي في العديد من المواقف
وساعدني كثيرا
واستغل الفرصة واشكرو بشدة
وشكرا على النكتةوموقف عمك المبدع
تحياتي ليهو
معجبة
|
Post: #123
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 10-23-2002, 12:40 PM
على كل يا فيصل
44
مافي مشكلة
والشر برا وبعيد
ويا الزومة
الموضوع ما فتنة
بس تصحيح
وتسلمي لي يا بتنا
بت القبيلة
ولا شكر على واجب
|
Post: #124
Title: Re: اعلنها فريده وداويه داخل سودانيز اون لاين لاول مرة
Author: وجن
Date: 10-23-2002, 12:46 PM
Parent: #123
|
Post: #125
Title: Re: اعلنها فريده وداويه داخل سودانيز اون لاين لاول مرة
Author: بت القبايل
Date: 10-23-2002, 01:04 PM
وجن يا خيتي ما تتحسسي راجل ما راجل نختلف على مبدا ما اشخاص
وورانا ايه يا خيتي قاعدين احنا
تحياتي
|
Post: #126
Title: Re: اعلنها فريده وداويه داخل سودانيز اون لاين لاول مرة
Author: السفير
Date: 10-23-2002, 02:52 PM
Parent: #125
ياسلالالالالالالالام عليك استاذ الموصلى والله راجل
وياها المعروفة فيك من زمان يا استاذ
كلامك عجبنى شديد اتجاه شمهروش
والاخت زهجانة
كمان لازم العرس يتم
ولازم اسرة سودانيز كلها اليوم دا تكون قاعده
مبررررررررووووووووووووك
|
Post: #127
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-23-2002, 02:59 PM
Parent: #126
شكرا ياسفير الذوق والتراحم
والله الخير يعم
وحتي المختلفين معانا دايرنو لكن يخيل لي نحن وجهة نظرنا صاح يديك العافيه
|
Post: #128
Title: Re: اعلنها فريده وداويه داخل سودانيز اون لاين لاول مرة
Author: mohsin_alsla7aby
Date: 10-23-2002, 03:20 PM
يازول
حرم
ارجل
منك
ما
فى
|
Post: #129
Title: Re: اعلنها فريده وداويه داخل سودانيز اون لاين لاول مرة
Author: sodania
Date: 10-23-2002, 04:48 PM
Parent: #128
الاخت وجن
والله بالغتي عديل كده
زهجانه دي والله و حياة ابوي بنت و ست البنات كمان
بس الفرق بينها و بيننا انها واضحه شديد
زي ماقال الاخ بلير مافي داعي للاستهتار و احترمي نفسك
|
Post: #135
Title: Re: اعلنها فريده وداويه داخل سودانيز اون لاين لاول مرة
Author: وجن
Date: 10-23-2002, 08:28 PM
Parent: #129
|
Post: #130
Title: Re: اعلنها فريده وداويه داخل سودانيز اون لاين لاول مرة
Author: sudani
Date: 10-23-2002, 05:23 PM
غايتو لو العرس في امريكا بنجي نحضر الف مبروك مقدما
|
Post: #134
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 10-23-2002, 08:25 PM
Parent: #130
زهجــــــــــــــــــــانة
حقيقة طيلة هذا البرلمان القوى
كان زهجك هو يدفعنى على تحمل المزيد
متاسف جدا لان طيلة النهار من محاضرة الى أخرى بجهز ليك فى الشيلةمن العاج ولما قلت سودانية مرت بخاطرى كل صور نساء العالم وجدت وجه أبنوسى بنكهة الفافاى وطعم المانجو
بدون مواصفات لان العفة تكسوكل بنات عمى
يابت القبايل الجد جد جد.....
سودانى** وسودانية
حقيقة كنتوا معى اخوان فى الانسانية
احيكم واحبكم وخليكم الايام دى مع العروس زهجانةعلشان محتاجة لسودانية معاها على بال مايصل شمهروش
محسن الصلحابى محسن الصلحابى
يكفى هذا الاسم الممزوج بين الاحسان والصلح
محسن لك حبى لك تقدير على تلفونك الرايع
|
Post: #137
Title: Re: اعلنها فريده وداويه داخل سودانيز اون لاين لاول مرة
Author: BousH
Date: 10-23-2002, 10:47 PM
Parent: #134
الاخ زهير والاخت زهجانه ..... مبروك مقدما .... والى الامام .... واي شئ نحن حاضرين .... وربنا يتممها بالف خير.... ما تشغلو انفسكم بكلام الناس ... قالو ما اشتغل بالناس مات هما .... دائما انظرو الى غدا ... وغدا اجمل من اليوم .... ولكم التحية
|
Post: #138
Title: Re: اعلنها فريده وداويه داخل سودانيز اون لاين لاول مرة
Author: sudani
Date: 10-23-2002, 11:31 PM
Don't worry Sham,
we are going to take care of the business
until you arrive safely, Insha Allah.
You are more than welcome to the land
of endless opportunities
|
Post: #140
Title: Re: اعلنها فريده وداويه داخل سودانيز اون لاين لاول مرة
Author: dalihabboub
Date: 10-24-2002, 09:54 AM
لا يمكن بالطبع الاعتراض على فكرة استخدام الانترنت أوأي وسيلة أخرى للتعارف أو حتى الزواج لكن ما يقلقني حقيقة هو أن يختزل طالب الزواج صفاته في إجادته للغة الإنجليزية والكمبيوتر
لا أعتقد أن هاتين الموهبتين على الرغم من عظمتهما كافيتين لحمل شخص آخر على قبول المتقدم ليشاركه رحلة من المفترض أن تستمر للأبد
وفقك الله في الحصول على من ستشاركك رحلة الحياة بعد أن تعرف صفاتك الأخرى التي تمتلكها بجانب اللغة الأجنبية والكمبيوتر
وتبا لك يا زمن النزوح الذي حرم الناس من فرصة التلاقي الحقيقي فأخذوا يلجأون لوسائط لا علاقة لها بالعاطفة أو الحب وتبا لزمان جعل الأفضلية في إختيار الزوجة هي أن تكون مقيمة في أمريكا أو كندا
لكن الله يا بنات أمدرمان
دالي
|
Post: #141
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-24-2002, 10:15 AM
Parent: #140
الاخ دالى
كونوا الانسان يكون واضح بالشكل دة افتكر قيمه الصدق و الامانه وعندما زكر مؤهلاته او صفاته فهذا الصدق بعينوا ولكن نحن بصدد طرح الفكرة فى حد زاتها ايه المانع منايجاد من ترتبط به عبر التكنولوجيا العصريه وياما من تزوجوا عبرها
ولكى شكرى وتقدرى
|
Post: #142
Title: Re: اعلنها فريده وداويه داخل سودانيز اون لاين لاول مرة
Author: zahjana
Date: 10-24-2002, 11:06 AM
Parent: #141
اهلي الطيبين ازيكم...
وزوج المستقبل صباح الخير...
ويا وجن سودانيه دي وزيرتي والوزيره بتتكلم باسم العروس وانتي ماتزعلي كتير لانو انتي حاتكوني من الشباين بتاعين العروس وتسلمو
|
Post: #143
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 10-24-2002, 11:11 AM
Parent: #142
اها نحن منتظرين يا زهجانه
ويا شمهروش بالله ماتتاخر
عليها وعلينا اركب الطياره وتعال زياره
|
Post: #144
Title: Re: اعلنها فريده وداويه داخل سودانيز اون لاين لاول مرة
Author: faisal44
Date: 10-24-2002, 09:00 PM
Parent: #143
شمهروش
مبروك يا خووى
اهاا يا خوى السيرة بالطيارة ولا كيف ؟؟؟؟؟؟
|
Post: #145
Title: Re: اعلنها فريده وداويه داخل سودانيز اون لاين لاول مرة
Author: المسافر
Date: 10-25-2002, 01:03 PM
Parent: #144
والله موضوع عجيب
وبعدين ياربي ياسيدي كان قلت الفي قلبي
شن بحصلبي
التاعبني افكاري ضيعت دربي
العرس قالو شن بسوو بيه
عرسنا وفترنا
اتحيرنا وودرنا
كان طريناه تاني
باقيلكم بتسمعو بيه
اها الشايب ده
كان طرى العرس
مين بترضى بيه
كان للتعب تعبان
كان للفلس فلسان
كان للزهج زهجان
وكان بتسألوا
زمان قالوا
الفيك بدر بيه
|
Post: #146
Title: Re: اعلنها فريده وداويه داخل سودانيز اون لاين لاول مرة
Author: شمهروش
Date: 01-13-2003, 02:56 PM
جاهز يا ناس للعرس
ولو ربنا سهل يكون فى عيد الاضحى
بس هى تقول عوووووك وجاهزه
وكل شى على بركة الله
شمهروش
|
Post: #147
Title: Re: اعلنها فريده وداويه داخل سودانيز اون لاين لاول مرة
Author: Elmosley
Date: 01-13-2003, 03:15 PM
Parent: #146
كدي اول حاجه قول لينا كنت وين
|
Post: #149
Title: Re: اعلنها فريده وداويه داخل سودانيز اون لاين لاول مرة
Author: المسافر
Date: 01-15-2003, 08:55 AM
Parent: #147
أكيد كان بيشاهد في فيلم تجربة قبل الزواج
|
Post: #150
Title: Re: اعلنها فريده وداويه داخل سودانيز اون لاين لاول مرة
Author: khal fatma
Date: 01-15-2003, 10:21 AM
اخي يا موصلي
ما هو زااااااااتو
المجنن بوبي شنو
غير الزيارة دي
|
Post: #151
Title: Re: اعلنها فريده وداويه داخل سودانيز اون لاين لاول مرة
Author: ba7ar
Date: 01-16-2003, 05:10 PM
Parent: #150
والله قصة
لكن ماعرفنا نهايتها كانت كيف
الجماعة اتلمو والا اتفرتقو
ان شاء الله تكون الاولي
|
|