Post: #1
Title: احلي انتحال شخصية ....
Author: فنجري
Date: 09-14-2002, 11:39 AM
لما مرقنا من السودان كنا بنعرف انو الناس بتنتحل شخصية ضباط الشرطة والامنجية ...وصاحبنا الح احكي عنو ده لو انتحل ديل او انشاء الله بتاع مطافئ او حرس صيد ....كان بتكون معقولة ......بس اخر شي اتخيلو انو ينتحل شخصية شاعر ....و من شعراء الشايقية الشباب ......
للاسف ضحايا هذا الافاق كلهن من الجنس الناعم .....يبدأ صاحبنا بنسج الشباك حول احدي الفتيات و يتقرب بشخصيته المزيفة وبانه الشاعر الكبير فلان ...مستفيدا من حفظه كل اشعاره الغزلية الرقيقة عن ظهر قلب....و بجميع انواع الالقاء.....التي تدخل القلوب بدون مفاتيح ....و بعد ان يتاكد ان القصة انطلت علي الضحية ...يبدأ بوعود الزواج ....
ثم تبدأ مرحلة الاستنزاف و هاتي غويشتك دي و سلستك دي لانهم عاجبني و ناوي اعمل ليكي زيهم ...غير المبالغ النقدية...
المصيبة تعددت الشكاوي علي الشاعر الاصلي و تدنت سمعته ..... و كل يوم يسمع بواحدة تقول انو فلان خدعني و طفش ....قليلات عرفن ان الخطيب النصاب كان منتحل شخصية و لا كان شاعر ولا يحزنون....
و طبعا بعد بحث مضني توصولو اليه ....وتم القبض عليه .....و لكن كعادتنا نحن السودانيين ...دخلت الاجاويد و بعد دموع غزيرة من النصاب و اهل النصاب تم العفو عنه دون الالتفات للالم النفسي السببه للضحايا و اهل الضحايا ....
و غايتو البورد ده ما شاء الله مليان اسماء لامعة الواحد من هسع يحجز ليه اسم ...
|
Post: #2
Title: Re: احلي انتحال شخصية ....
Author: Tumadir
Date: 09-14-2002, 12:02 PM
Parent: #1
والله عجبتنى فكرة انتحالو ... خصوصا فكرة السلاسل والختم
انا حامشى انتحل شخصية جوليا روبرت
وابتز جيمس... شكرا يافنجرى على البزنيس
|
Post: #3
Title: Re: احلي انتحال شخصية ....
Author: yasiko
Date: 09-14-2002, 04:11 PM
Parent: #2
فنجري
انا عارفك بتاع اشعار وكلام حلو نعل الزول دا ما عملها فيك
واعتقد دا راجل عاقل ماذا تجدي شخصية العسكري او الامنجي في هذا الزمن ما فيش زول عندو قروش يدفع ليهم
|
Post: #4
Title: Re: احلي انتحال شخصية ....
Author: فنجري
Date: 09-14-2002, 05:54 PM
Parent: #3
لوووووووول...يا تماضر بالنص ..والا ح اكلمو .....انا خايف و احدة بنات الحلة تنتحل شخصيتك ....ابقي عشرة علي الكلام الكبار كبار من هسع ...
ياسيكو ..وين انت ......و الله لو انتحل شخصيتي كان اكل ليهز كم نعلين فوق راسو ......و عاوزك تخمن الشاعر المنتحلين شخصيتو منو ...يمكن تربح بطيخة خدر ....
المهم السودان بقي فيهو ظواهر غريبة ....البيمشو يجوك من هناك بقصص غريبة ,,,,تعمل مية مسلسل وفيلم و مسرحية ......
الناس بتقول الحاجة ام الاختراع ....ونحن ح نقول الحاجة ام الانتحال....
|
Post: #5
Title: Re: احلي انتحال شخصية ....
Author: BAKASH
Date: 09-14-2002, 10:14 PM
Parent: #4
الاخ الفاضل فنجرى
والله وريتنا قصه حلوه جدا بالله ما عندك واحد مشهور من البورد ومليان قصدى مليان فلوس مش جسم عشان امشى انتحل ليك شخصيتو واقابل ناس بورداب الخرطوم يمكن نلقى لينا بوردابيه
باكاش
|
Post: #6
Title: سلبطة ....
Author: فنجري
Date: 06-01-2003, 12:34 PM
Parent: #5
انا كنت قائل نفسي جايب الديب من ديلو بقصتي دي ....بس ظهر في البورد سلبطة اخطر من قصتي .....و خلت الناس كلها متحزبة .دكين والا بت قضيم ...مع انو دكين كان بيهظر ...
يا جماعة بت قضيم يا ها بت قضيم لا يمكن ان تخفي علي احد .....و لو كتبت بدون اسم
لكن الحمد لله الجات الدعابة دي عليهالانها زولة مصادمة ...و نفسها طويل ....و موضوع دي ده كان حرد لينا كتيرات .....
|
Post: #7
Title: Re: احلي انتحال شخصية ....
Author: بت قضيم
Date: 06-01-2003, 12:54 PM
Parent: #1
تسلم يا فنجري
بصراحة الموضوع بقى مسلي
لماذا اغضب واحرد؟؟؟
مش كفاية الشهرة دي؟؟
بس البضايق ردود البعض ذات الصيغة التريقية،، دي من تريقة،، كأن كل من رد عليا في بوست سابق رد عليا لأني بت قضيم،، انثى تكتب،، لاجل نوعي ليس لاجل ما كتبت
وهذا شئ محبط
الغريبة انا داخلة بي بت قضيم،، لو كنت دخلت بسماهير كان قالوا شنو؟؟
الله يعين
سلامي الكتييييير لشهد
وتسلم يا أمير
|
Post: #8
Title: Re: احلي انتحال شخصية ....
Author: بت قضيم
Date: 06-01-2003, 12:56 PM
Parent: #1
تسلم يا فنجري
بصراحة الموضوع بقى مسلي
لماذا اغضب واحرد؟؟؟
مش كفاية الشهرة دي؟؟
بس البضايق ردود البعض ذات الصيغة التريقية،، دي من تريقة،، كأن كل من رد عليا في بوست سابق رد عليا لأني بت قضيم،، انثى تكتب،، لاجل نوعي ليس لاجل ما كتبت
وهذا شئ محبط
الغريبة انا داخلة بي بت قضيم،، لو كنت دخلت بسماهير كان قالوا شنو؟؟
الله يعين
سلامي الكتييييير لشهد
وتسلم يا أمير
|
Post: #9
Title: Re: احلي انتحال شخصية ....
Author: قرشـــو
Date: 06-01-2003, 03:02 PM
Parent: #8
الاخ فنجرى
والله فيك الخير
اهو اديتنا افكار جديدة ممكن عند اللزوم تنفع
غايتو الريس وقع معاى فى زول شافو ولا شافنى ماهو كله كلام فى كلام بس..
مع تحياتى
|
Post: #10
Title: سلبطة عديل.......
Author: فنجري
Date: 06-01-2003, 07:30 PM
Parent: #9
بت قضيم كلامك ده اثبت انو كلامي في محلو ..كونك اخدتي الموضوع من الجانب المشرق فيهو ..... و يا ريت دكين كان انتحل شخصيتي ..
كنت بشكرو علي قولتك للشهرة المجانية ...
سلامك وصل ...شكرا شديد
عميد البورد قرشو ...تعرف قبل كده حصل لي موقف ...ممكن اكون انتحلت فيهو شخصية او انتحلو لي شخصية ..مشيت المعهد العسكري الواقع جنوب العمارات ....عندي ملازم صاحبي ...المهم شلت ليك هم من ناس الباب ...و السعالات ...في الباب لاقاني ليك رقيب و خشي ليك فيني تحية قوية ..وحمد الله ع السلامة سعادتك ...متين جيت ...معاهو عسكري برضو بالتاثر برضو عمل نفس الشي ...احترت و عملت فيها تقيل ....وهمهمت بكلمات ....قلت ليهو ماشي لي الملازم فلان ...يا زول رسل ليك معاي عسكري ......طبعا طنشت قدام صديقي من الموضوع عشان ما يبقي ليهم موضوع ...
نصيحتي ليك اتبع الموضة و اتسلبط ليك في قلم ناعم ....
|
Post: #11
Title: Re: سلبطة عديل.......
Author: Ahmed satoor
Date: 06-01-2003, 08:29 PM
Parent: #10
الاستاذ فنجرى
ليك ولكل الزملاء - الزمبلات التحية
بس عايز اتكلم عن واحد صاحبنا ، الكلام ده بداية الثمانينات ،كنا ماشين بى عربيتو امدرمان وتفتيش فى الكبرى ،صاحبنا ده نزل من العربية (ما عايز اقول سيارة)وطوالى قال للعسكرى وبدون مقدمات انا العقيد فلان الفلانى ، العسكرى إتلفت وحاول يتذكر الإسم ده ما عرف ،وكمان لاحظ إنو شكلو ما عسكرى ،كروش وبلاوى وكانت ليلة ما عايز احكى عن تفاصيلها.
العزيزة بت قضيم : والله لو إنتى بت قضيم قبلانين بيكى ولو إنت دكين برضو قبلانين بيه المهم الموضوع اللى بينكتب وإذا دكين قدر يتقمص الشخصيتن ده إبداع ما بعده ، لكن انا مع الفئة اللى بتقول إنو دكين ما بت قضيم ، مع تحياتى الخالصة لكى وللاخ دكين
|
|