تكريم الطيب صالح

قرات ماكتبه الاخ خالد عويس عن ضرورة تكريم الاستاذ الروائي الطيب صالح وطبعا لن اتطرق هنا للنقاش حول احقية هذا العملاق في التكريم فهذه منطقة مغلقة ولكنني احاول ارباك بداهات الفكرة نفسها باثارة بعض الاسئلة التي لا اطالب لها باجابة بقدر مااتأمل فيها ان تدعونا للتفكير فيما تم الاتفاق عليه في العقل الثقافي الجمعي
هل عندما كتب الطيب صالح موسم الهجره الى الشمال وباقي روايته الاخرى كان يقصد تمجيد الشعب السوداني ام انه مارس ذاته من خلال نصوصه أي امعن في الاستمتاع بما انكشف في داخله من سياقات ،أظن ان هذا ماحدث والا لكانت روايته اشبه باناشيد العلم ولخلت من القيمة الجمالية .
هل للعمل الفني حقوق لدى من يتلاقاه ومن المدين للاخر الطيب صالح ام من يكتب عنهم اذا كانت العلاقة محاسبه
هل يزيد التكريم في جمالية العمل الفني اقصد هل يعطيه بعدا فنيا اخر ويزيد مساحاته الجمالية
هل يحتاج العمل الفني الى تكريم ام نقد( النقد من حيث هو عملا فنيا موازيا لعملية الكتاية أي عملا فنيا اخريضيف ولاينقص)
كون الطيب صالح يعيش في لندن هل هذه ماساة واذا كانت المطالبة بتكريمه لهذا السبب الن يكون الدافع هو الشفقه وليس الاعجاب.

توب تونتي
مشكلتك أنك قلت للبورداب هنا إتأملوا ما تردوا , وهم طبعا بطيعوا الأوامر , بعدين ياخي لو صبرت تلاتين سنة كمان الحكومة دي حتكرم الطيب صالح وكل المبدعين , وما تخاف ما تقول لي البوست ده حيقعد مع البوست بتاعك داك الوصل للدرك الأسفل من البورد بي فعل إنعدام الجاذبية في الموضوع وده عكس قانون نيوتن الرابع وقانوني التوالي والعمل الحزبي ,يعني الحكومة شغالة تفاوض في الناس البرة واحد واحد بس الصبر يعني علي الأقل لو ما فاوضوك قريب حيفاوضوا غيرك هنا وكدة حتلاقي بهد شوية البورد فيهو الإدارة وتلاتة بس انا وانت وأبنوسي لأنو ده الإسم الكنت دايرو بس لقيت في زول سبقني عليهو , بس تعرف ما حأخليهو ليهو , دي معركة الكرامة زاتا و يعني كيف أتخلى عن هويتي , ما ممكن بس حأصبر لامن نفضل نحنا التلاتة ,انا وانا وانت وبعدين حنناقش فكرة تكريم الطيب صالح دي , بس لو لحقت اللحظة ديك سرقت مني إسم أبنوسي ده إلا أكلم ليك الحكومة تفاوضك وتسوقك وندخل انا والإدارة هنا رأس ونناقش تكريم الطيب صالح برانا

بورد تكريمي
كرمتني وحدك
لا أحتاج تكريما
يكفيني أعمالي



أبنوسي مع سبق الإصرار والترصد