استدعاء روبنسون الى مكتب وكالة الاستخبارات الامريكية

هنا اذاعة بورادبيات امريكا
‏ عناوين الاخبار
الاستخبارات الامريكية تستدعي روبنسون ، ولجنة خاصة من البورد تبحث وضعه الانساني.
بورداب جدة يتممون لقاءهم في وقت متأخر من ليلة امس على مذاق شاي شيري الرائع.
واخبار تؤكد حضور روبنسون للقاء قبيل القاء القبض عليه اثناء شربه لشاي شيري .‏
بتوصية من الرئيس الامريكي ، وزير الداخلية شرف لقاء البوردجيه .‏
سموه اكد حرص حكومة خادم الحرمين الشريفين على توسيع مشاركة البوردابيات .‏
تعتيم اعلامي على ما تم في لقاء البورداب .‏
هذه عناوين النشرة وابقوا معنا حتى موعد تفاصيل موجز الاخبار في الرابعة .‏

مية مسا على الناس المستمعة :‏
استضافت اذاعة البورادبيات الامريكية التي تبث ارسالها من (عشش فلاته ) بامريكا الى دول حوض ‏البحر المتوسط ، ودول الكوكاكاف ، والكومونويلث ، وما بين النهرين ، واعالي جبال الانقسنا ، ‏ودول شرق ووسط افريقيا ، ودول المهجر التي تدين للكفيل بما تملك . استضافت السيد /روبينسون ‏‏، عدو المرأة ، على خلفيه استدعاؤه من قبل مكتب الا ف بي أي ، لاخذ اقواله فما نسب اليه من ‏تعدي واضح وصريح لحقوق البوردابيات في دول المهجر التي تعرف بمنطقة جدة . ولأن هناك ‏حاجة ملحة للاجابات على ما تم التكتم عليه داخل اروقة الامم المتحده حيال اجاباته والعقوبات ‏التي من المتوقع ان تفرض عليه ، حزمنا حزمة تساؤلاتنا ورحلنا اليه :‏
سيد روبنسون ولا بلاش سيد دي ، احسن (النسوان تزعل) وتقوم حرم كلاميه لي رب السماء نحن ‏ما نقصنها . ماعلينا !‏
عموما هنالك تساؤلات كثيرة ظلت وسائل الاعلام هنا بين البوردجيه تتناقلها دون ان يكون هناك أي ‏نفي او تأكيد من سيادتكم .هلا تفضلتم بالاجابات على لفه الغموض ، والا واعتبرنا ان كل الشائعات ‏لم تكن مجرد شائعات بل هي حقيقة مسلم بها ، وانت تعرف ما الذي يمكن ان يفعله الاعلام ‏الامريكي بكم .‏
‏………………..‏
‏ سيادتك هناك اخبار اكدت ان ملثمون اوقفوا سيارتك ثم اوسعوك ضربا ، هل لهذا الامر علاقة ‏برفضك لسياسة بورداب جدة حول منعكم من (اكل ام فتفت) في انصاص الليالي ، وهل هناك اسباب ‏وجيهة تم بحثها مع سيادتك حول هذا الامر ، وهل تعتقد ان مثل هذا النوع من التصرف ربما يؤدي ‏الى مبتغاه ، وهل الجناة كانوا على علم ما كنت تخطط له ، ام انك كنت تجهل مغبة الطريق الذي ‏كنت تسير فيه ، وانك كنت ترفض باستمرار مشاركة (بوردابيات جدة) ، لا لشي بل لمجرد ان يعطي ‏اسمك لمعانا وبريقا ؟؟‏
‏………………‏
هل لطلاقك الاخير وانضمامك الى كتيبة الخوارج في خيمة الحرية ، علاقة بما جري لك .. عموما ‏يعرف عن سيادتكم ميلكم الشديد الى اتخاذ صف تشقون به رأي الاغلبية ، هل ما تم هذه المره كان ‏له علاقة حتى ولو من بعيد بما جري لك . ؟‏
‏………………………‏
هل ذلك يعني انك غير موافق على حضور المرأة ومشاركتها في مثل هذه الاجتماعات كنوع من ‏المبادي المطرفة التي تدين لها ، ام ان ما جري لك من تحت رأس (حرمكم المصون) سلمك الى ‏هذا الموقف المتشدد تجاه مشاركة بوردابيات جدة ؟‏
هناك اخبار تؤكد انه قد تم استدعاؤك ليلة امس قبيل اجتماع بودراب جدة على خلفية اعتراضاتكم ‏الكثيرة _ وتهديكم المستمر (بتفليق) وطقيع المجتمعين في حال منعكم من اكل (ام فتفت) واشياء ‏اخرى _ الى مبني وزارة الداخليه السعودية بحضور السفير الامريكي ومبعوث الامم المتحدة ‏للحصول على معلومات ، اكدت الانسة شيري للامين العام للامم المتحدة كوفي انان انك تملك الكثير ‏منها .؟؟‏
‏…………………‏
يتساءل كثير من الناس هنا حول تهربكم من لقاء (البوردابيات) في اكثر من مناسبة اتيحت لكم ، ‏لكنكم اثرتم الالتفاف حول عدم مشروعية هذه المشاركات ، مع انكم كنت تحصلون بصورة مستمرة ‏على ميزانية من هيئة حقوق المرأة ، تدعم هذا التوجه ومع ذلك ، كنتم تتحجون بانكم غير مستعدون ‏لمثل هذه اللقاءات للاعلام المحلي ، وحينما واجهتك في مرات عديدة مسئولة حقوق الانسان في ‏اللجنة التابعة لهيئة الاامم المتحدة تهربت بصورة واضحة عن الاجابة واكتفيتم بالقول انكم مستعدون ‏لاستضافة (بوردابيات جدة) ومع ذلك تلككمت في المرة التي تلتها في تقديم دعوات الى البوردابيات ‏‏، مما ادي بالانسه شيري برفع الامر مرة اخري الى السيد كوفي عنان مباشرة ؟؟‏
‏………‏
‏، وقمتم من جانبكم بتقديم ما يثبت انكم قدمت دعوات الى البوردابيات مع ان هذا يجافي الحقيقة، ‏لكنهن طشين من مكان اللقاء والبعض الاخر منهن تحجج باداء الاعمال المنزلية والتي منها مسك ‏الشفع ، والحناء ، والشمارات ، لانكم وحسبما ذكرتم قلتم بالحرف الواحد على لسان النسوان(ان ‏الشمارات تحلي يوم الخميس ) ..‏
‏……..‏
تأسف اذاعة بوردابيات امريكا ، لمستمعيها في الشرق الاوسط ودول المهجر من قيام سلطات بوراب ‏جدة بحجب اجابات السيد روبنسون كنوع من التعتيم الاعلامي وتشويه صورة اذاعتنا .‏
وعلى مستمعينا في القارات الاخري تحويل ارسالهم الى ذلك خط الاستواء للاستماع الينا بوضوح ‏‏.شكرا ، ميرسي ، وتصبحون على خير ؟؟‏

_____
نتلاقي : نهرين من تسامي واشتهاء

والله يا شيرى نحن حنشكل أتيام من المحامين للدفاع عن روبنسون من أى تعدى
الشاى والقهوة بتاعنك طبعا كانو فاتحة اللقاء، وأكتر زول اتلتل بيها كنت أنا، لأنه صغير القوم خادمهم، حجما طبعا مش عمرا، وهاك يا حوامة بالسكر والملاعق ، وانت أكب ليك كم وإنت عايز كم ملعقة، وفى الآخر بقيت أخت ليهم علبة السكر قدامهم وكل واحد يعبى، وما شا الله الحلقة كانت قطرها نصف ميل، وفى المرة الجاية لازم نجيب مكبرات صوت

بعد شوية كده والناس كانت مشغولة، روبنسون قام وأشوفه ليك قاعد يلهط فى العشاء براهو، قرشو قام حمر ليهو وقعدو يوشوشو، وبعد شوية اظنهم اتفقو مع بعض، عليك امان الله لمن بقينا خلاص على العضة، ما لقيناإلا بقايا العدوان، شى زيتون وشى جبنة وشى مخلل، وبقايا مذبحة وكوم من العظام يبنى ليهو هرم

منكم لله يا قرشو وروبنسون

المرة الجاية أنا حاجيب معاى سيكيوريتى لحراسة الوليمة، ما بنلعب بى روحنا انصاص الليالى

the rain
جمعة مباركة


ومع ذلك تكتمتم على اخبار اللقا
ومنعتم الصحافيين من دخول
خيمتكم
المهم ..كنا عايزين مزيد من الاخبار
والناس تحكي لاذاعتنا كل ماتم
في هذا اللقاء..
وعموما الف مبروك انكم اتلاقيتم
لكن روبنسون ،الله يجازيهو
دا شنو العملوا مع ناس الاستخبارات
ما قنا ليهو بلاش تعادي النسوان
وتنضم الى خيمة الحرية
ومحل مايسري يمري
الف مبروك

ده كلو من الشاي

إنتي عارفة الحصل شنو؟؟؟
أصلو لقينا تفتيش جمبنا علي طول ، أها جيت وقام العسكري سألني قال لي بتعرف روبنسون ؟؟؟ قلت ليهو أول مرة أسمع بالإسم دا .. طيب مالو روبينسون عمل شنو ؟؟ قال لي في بلاغ ضدو إنو شايل ممنوعات ، قلت ليهم إكون الزول الي في العربية الوراي دي فتشوهو كويس ... أنتو عارفين كان وراي منو؟؟؟ دا الشرير ، قلت أخلص منو بالمرة وأريح الناس من شرورو

أين البرتقالة والشرير..عارف الشرير والبرتقالة..هل حضر لقاء
جدة؟ ثم وثم وثم إنني أتصدى للدفاع عن روبنسون خاصة عندما يكن
المدعيات بورديات غير إمدرمانيات..يعني الإذاعة دي ياشيري ما لقت
ليها مكان في أمدرمان كلها عشان توديها عشش فلاتة؟

شيرى

رغم استمتاعى بقهوتك الما خمج لكن احسن ليك تخلى روبنسون ده فى حاله ولا اقوم افتو؟؟؟ بعدين انتى الخسرانة ولا شك..
افضل شىء ترفعى الراية البيضاء وتخلى روبنسون فى هدوء وسلام فقد عقدنا خلال اللقاء اجتماعات جانبية تمخضت عن اتفاقات قادمة لا نريد لها اى فركشة من جانبكم ولذا اطالبك فورا بالاتى
الاعتذار لروبنسون عن كل التهم
التزام الصمت التام تجاه المذكور اعلاه
عدم التلميح بادخال أجهزة أمنية فى الموضوع
عدم استشارة جهات اجنبية


والا

بقوم افتو

اها كلامك شنو

أنا كلمتك ياشيرى
ناس أم درمان ديل مافي زول يلمسم . لو كانوا صاح ولا غلطوا. أنا قلت لى حمزة حسابي معاكم مؤجل من زمن إعتذارات خليل فرح. أهو بناديها مادي أصبعوا ليك
يابت أمي إنت,,, انا عاوز حكايات سكبنة وحلتها
..وحياة الغالين عندك ما تبطليها

أحسدكم ياناس جده
عليكم الله ورسول البقيع سلموا لي على مهلب علي مالك... إني أشتاقه .لو يعلم
لكن يمكن يكون ما رجع من إجازته في السودان.
ومع ذلك له ولأهل جدة جميعا كل الحب.

مجرد احتفاء
ببوستات
قديمة
لها طعم
الفواكه
الاستوائية
وكل سنةوانتم بالف خير