يفتح باب العضوية فقط لكل من يؤمن ايمانا كاملا باالموجهات اعلاة

بهذا ادعو انا خدر ود خدر صديقي و تؤام روحي
عماد براكة لتكوين حزب جديد لخدمة و تحقيق
الرفاهية لمؤيديننا و انصارنا بالبورد
و ادعو (سيد براكة) للتصديق و الاضافة لاهداف
و موجهات الحزب التالية في حالة موافقة سيادتة
علي الاندماج معي في الحزب الجديد
كالتالي:-

عدم فتح اشكال ......او الكتابة فية علي البورد1 ///
(توزيع جرعات دورية من المدح لبكري رئيس البورد (لضمان و سد الطريق امام الانقلابات العسكرية///
محاولة عرقلة و فضح افكار وليد الكوز الهدامة///
(التضامن مع كل الحبيبين ( خاصة عمر مهدي///
الزام الفنانين بالبورد بأحياء حفلات الزواج مجاناللعضوية///
اكمال و مواصلة محاكمة الموصلي///



الايمان بالديمقراطية.... و احترام الاخر



يفتح باب العضوية لكل من يؤمن ايمانا كاملا باالموجهات اعلاة
و دمتم و دامت قيادتكم الرشيدة
ملحوظة
سيعمل الحزب و فقا للموجهات اعلاة بالاضافة للمراسيم
الدستورية تحوطا .
ملحوظة 2 اسم الحزب هو
(يفتح باب العضوية فقط لكل من يؤمن ايمانا كاملا باالموجهات اعلاة )
التوقيع
(رئيس الحزب انا .. شهر و براكة .. شهر... و هكذا دواليك )

الكلاب تنبح والقافله ماشه

يا سيد وليد حاول هظر ... عليك اللة
علي كدة مفروض عمر مهدي و الموصلي يزعلو برضو لانهم من اركان برنامجنا
صلي علي النبي يا وليدنا

الاخ خدر
طبعا" نحن ناس قرايبك فما اظن انو حتهملنا زى ما بتاعين الاحزاب بيهملوا اهلهم وما بيعينوهم فى وظايف قيادية!!!!!! ...ف كدى شوف لينا حاجة كده نقاطة واوعدك انك ما بتندم
يا سلاااااام الله يقدرنا على اللحس

الكلاب تنبح والقافله ماشه

تلغراف عاجل
سيد خدر

موافقيين

ملحوظة
سيادتكم لم تشيرو الي المسأئل المالية

كم هي حصة سيادتنا؟

الاخ خدر لك التحية
وانا ايضاً تلفونياً وتلغرافياً اشد من ازرك لتنفيذ هذا القرار
والتحية للقائمين بهذا العمل الرائع وللاخ الفاضل بكري ابوبكر تحية واحترام

خدر اخوى ازيك


والله ماعندنا اى مانع بس عندى سؤال


خدر ..عرفناهو ... عماد براكه عرفناهو ...دواليك ده منو يا خوى ؟؟؟؟




ديك الجن

حلوين يا شباب واحشني .. ديك الجن
و ... هل من مزيد ؟
وليد ... صلي علي النبي

wo ana 3lai ajeeb laikon snadeeg alcoca for free !!

سؤال واحد يا خدر...
فترة الحكم شهر شهر دي ما فهتمتها
هل شهر ليك وشهر لعماد وتاني الموضوع يرجع ليكم وله من الشهر التالت الشغلانة مبهولة؟؟؟؟؟؟
لانو انا شخصيا خرمان للكلام والله احير ليكم الصادق المهدي زاتو
بدا لي ...وازداوجية المعايير والتركيبةالنفسية للمجتمع السوداني وسكلوجية الانسان المقهور وهلم جرااااا...عندنا كلام عايزين نقوله بعد ما نقلب بحزبنا حكومة البشير دي

اخوي خدر كما تريد ولو انه خضر
تضامنا معك
وايمانا بما تقول
وحفاظا على كل الاحباء والأصدقاء
ببصم بالعشره

ام حسون

حلوين يا شباب
قمر بوبا و احلام
و ما حا انساكم في الماديات لانكم اوائل المويديين

برضو ماقتا لينا دواليك ده منو ؟؟؟؟؟؟؟



ديك الجن

كدة ضمنا التوزيع العادل للثروة...
برضو اين توزيع السلطة يا خدر...القمع اهم من الكنجالات
وبعدين انا جني وجن الاحزاب البتقوم تعمل ليها جماهير بنقد افكار الاحزاب التانية وهي ما عندها ايدلوجيات يعني ما عايزين احزاب (إحتجاجية ) واياك اعني يا حزب الجبهة القومية الاسلامية

مرسوم دستوري رقم واحد

علي السادة عضوية البورد كتابة تواريخ ميلادهم تسهيلا لاجراءت الزواج

و
التحية للاستاذ بكري رئيس البورد

حبيبنا خدر مرحب بالافكار النيرة انا معك وسوف اشد من ازرك وجوقتك ولك حبى واحترامى وبس خليك جادى فى الموضوع لان فى البداية اى عمل بتواجهة صعوبات و هنالك ايضا نقاد واللة الموفق

شكرا عثمان ...و يا ديك الجن
(بالمناسبة انت ياتو ؟ الدمشقي و لا السوداني)
دواليك معناها انا .. اللة يحرجك .. عاوز تعمل لي مشاكل

خدر حبابك اخوى

اولا انا ديك الجن السودانى صديق كل من ود النوب وعتيد الرماد


تانيا الله يكفينا شر المشاكل بس انا كنت قايل النعمنو دواليك ده عضو جديد


بعدين انت الاحرجتنا فى داعى لللغه العربيه الفسيهه دى يا شيك؟




ولك موده خاصه


ديك الجن

انا بكرى ابوبكر اعلن انضمامى لهذا الحزب اذا تم اضافة الاتى لدستور الحزب
1-الالتزام بقوانيين المنتدى و هى
-عدم استعمال كلمات بذئية
-الاحترام المتبادل بين الاعضاء
-الإلتزام بالآداب العامة والعادات والتقاليد السودانية
-يمنع منعا باتا السب والقذف والتجريح والتشهير
-في حالة تعرضك لأي نوع من أنواع الظلم في هذا المنتدى عليك مراسلة اى شخص من لجنة البورد و هم..انظر نهاية هذا البوست ، فإذا لم ينصفك عليك الرجوع فورا لشخصى الضعيف وذلك على الإيميل
[email protected]
-عدم الخوض في مناقشة الأمور غير البناءة والتي لا تخدم ولا تقدم سوداننا الحبيب
-مراعاة الاحترام المتبادل بين الأطراف المشاركة في الحوار ، وعدم ذكر الألفاظ البذيئة ، وعدم التنابز بالألقاب، مع التأكيد على اختيار العنوان المناسب للموضوع بعيدا عن الاستفزاز
- يمنع إعادة نشر مواضيع محذوفة سابقا أو مخالفه لقوانين المنتدى
-يمنع استخدام الأسماء المثيرة أو المشهورة أو المحرمة أو التي ليس لها أي معنى كذلك يمنع استخدام أكثر من اسم
2.فتح الطريق للقيادات الشابة و المبدعة لقيادة البورد و ذلك بعدم مدح شخصى الضعيف
3.تركيز النقاش و الحوار على الاتى:
1-التركيز على مشاكل السودان الاقتصادية و الاجتماعية و العرقية
2-كيفية الحفاظ على الديمقراطية و ترسيخها
3-كيفية جعل الموسيقى السودانية عالمية
4-كيفية بناء ثقة و تطوير العلاقة بين الشماليين و الجنوبيين فى السودان
5-المشاكل و الحلول للسودانيين فى الشتات
6-مشاكل المرآة السودانية فى الداخل و الشتات
7-تدهور مستوى التعليم
8- الدين و الدولة
اعضاء اللجنة المنتخبة لهم حق خذف -تعديل-فصل اى بوست /عضو
بن بنالمريودالفاضلقرشوالسارةودشداديازولتغريدالصادقولكم حبى
بكرى ابوبكر
فينكس -اريزونا - الولايات المتحدة

ابو الزفت .. الحق يا خدر
الرئيس زاتو !!! قلت ليك ما تدخلنا في مشاكل
( اها ... خم و ... صر (بالضمة

مرسوم دستوري رقم اتنين:
اركز يا براكة
مرسوم دستوري رقم تلاتة :
تقبل عضوية الاخ بكري و تضاف اقتراحاتة الي برنامج الحزب لانها تقع ضمن القضايا الجوهرية التي يؤمن بها اعضاء البورد لذلك لم يرد زكرها سابقا و التحية للاخ بكري ليقظتة

ملحوظة غير جادة
شايف يا براكة .. اخوك سياسي كيف .. ماكان في اي حل غير كدة

ملحوظة اخري جادة جدا

الاخوة في البورد الوسيم بقيادة الحكيم بكور .. يمكننا حل الكثير من مشاكلنا الجادة... فقط بقليل من الضحك و بعيدا عن المواجهة و تضخيم الاشياء ... اذا لم يحب احدنا الاخر لانلزمة بحبة لكن نلزمة باحترام هذا الاخر
واحترام رأية
هذة قناعاتي ... اذا احترم كل منا الاخر سنكون قد خطونا بهذا الوطن الجميل واسعا
تلك كانت مساهمتنا ... و اعطينا فيها نفسنا الحق في مداعبة من نراة اهلا لدعاباتنا بكل ادب
و هذا دأبنا ... بكري و وليد و استاذ يوسف... تقبلو منا مزاحنا المؤدب رجاء
اهااااا... نسيت شيئا اخيرا .. استاذ بكري لقد اصابك رشاش مزاحنا سهوا فنحن نعلم ان غزل القيادة العسكرية يكفل لاي حزب البقاء امنا و لو فعل الصادق المهدي ذلك لكان قد كفانا شر المنافي
عزيزي بكور انت بكل شفافيتك ابعد ما تكون عن الجيش لكن..تزكر...نحن ايضا نحتاج لقيادة نمازحها جهرا علي الاقل ..... لتاكيد ديمقراطيتنا

اناشد بعد فصلي لسيد براكة و بوصفي الرئيس الازلي للحزب كل من وليد الكوز و ود عزة و بخاف و غزال الانضمام الي الحزب فورا
ودمتم
اخوكم خدر

تحياتى خضر وليس خدر
اوكى يا رجل نقف معك ونشد من ازرك
والى الامام ورايحن نستحمل كل شى وانشاء الله الزعل ما يدق با بنا مره اخره

اها يا شباب ابباب بفتح بتين عشان انا عايز ادخل
طبعا في الباب مافي غفير
البوابه فاتحه كده للطيش
والدخول مجاني ولا بي تزاكر اعملوا حسابكم في سوق اسود (كيزان يعني) والله ديل يهود عديل كده
اديكم رقم التلفون عشان نتكلم
برحتن مش احسن عشان في ناس بتاعين شمارات مالين الدنيه ملي هارين الخلق هري ديل ما جماعت ال...... الشمارات ماعرفتو ناس ال......................الشمارات ما عرفتوا جماعت الشمارات بكلمكم بعدين

التلفون :- تلاته اربعات اربعتين اربعه
انا داير اكون عضو من الاعضاء داير اكون يد
لوووووووووووووووووووووووووووووووووووووووووووول نكات انا مش

شكرا يا وليد علي سعة صدرك
يا امدرمان التسجيل بالحزب خاضع لموافقتك بالبورد اعلاة ( بالمناسبة الحزب في حوجة الي منكتاتية زي سعادتك لذلك قررت انا تعيينك دراعي الشمال) لانو اليمين لازم يكون من النقابات او التنظيمات النسائية

الحزب من رئيسو ... حتي الخائن براكة
في انتظار انضمام غزال و بخاف و ودعزة
.للحزب و الا فستكون هنالك اجراءت جديدة .. ربما تطيح بالحزب
....هذا
و سيرسل الحزب ماسينجر شكر لوليد الكوز لتفهمة و تعاونة

والله شكرا يا خ ض ر طبعا انا بكتب ليك بي الاختصارات
يا خ.د.ر.
انا عضو يعني
يا شباب البورد الحاضر يكلم الغايب انا عضو في الحزب الجديد
وكمان يد من اليدين بتاعات الحزب يعني انا كان مشيت الحزب بيكون عندو يد ناقصه
لووووووووووووووووووووووووووووووووووووووووول
وكمان اليد المهمه في الحزب الشمال الشمال عديل كده

لا يزال رئيس الحزب ( انا ) في انتظار طلبات انضمام غزال و بخاف و ود عزة ... للحزب

hi mr khider
i wish u can write about samthing more bitter than this
i hope i can enderstand what u tolking about
we need sameting to help us(sudanese)and our homeland(sudan
we have 2 be more seriouse about our problems
we need 2 think together about what we need and how 2 get it
iam sure u will agree with mi that we have alat of things
important than what u segast.
iam sure that bakery don`t need thanks 4 what he did(the god know
and will thank him)let leaved 2 the god hand.
mi respect
player

أخى الكريم ( خدر ) وليس خضر
نحن فى البورد لنج ، فى طريقة دخول فى ح######م
ــــــــــــ
والله ياخدر انت بتكيفنى جدا ، باسلوبك المازح ودمك الخفيف
لكن لو خليت الشمار دة شووووية ، برأسك البيقابض كل الاتجاهات دة
وعليييييك الله ماتزعل منى
نحن يادوووب فى بداية معرفة وطريق بيكم ومعاكم

Dear Khider And Osman You have no Idea that
Who I was before being musician

astaz almosaly
u r bigger than what they say about u
it less u add samething 2 sudanese music(no bady will 4get
that)
keep do what u believe and god bless u
player

اتفقــــــــــــــــــــــــــــنا

سجل سجل يا تاريخ

يا خضر/خدر أخوى
ما عندنا مانع ننضم لح###### ده لكن
خايفين باكر تنقلب ويقوم واحد يقول فيك زى قصيدة صلاح أحمد أبراهيم دى
تودى وشك وين؟؟؟؟

فيهم قوة
فيهم نخوة
فيهم راس وفى مجلس رفاقا عزاز
بساط وظراف
مازى زولكم الزهجى الظلوم الظق
خادم الباشا
دقاق المساكين دق
تيلات جدو
فى التركية فيه مرق
لا بحس بالكرامة
ولا بهمو الحق

يشتم فى البشر أموات على أحياء
ويشتم كل مغضوب منو فى الوزراء
وحتى الماتو أذكروا كيف اليهم أساء
وعاد يبكيهم التمساح وأى وفاء

غلطانين وصدقنا الوعود الخانا
لامن شفنا ازداد بى ورانا تخانا
عندو أمور تحت أسأل بهاء وسخانا
مافى معاها مادامت أمل فى رخانا

ثروات بحرنا الأحمر تنازل فيها
زى مويتنا ما عبود تبرمك بيها
عجبن لى حراميها وصبح حاميها
يقهرنا ويقول للغير أهجموا عليها

أسرع يا سليم
(سليم مستشارو الاقتصادى واحد لبنانى محتال ابن كلب)
أسرع يا سليم ساعد أخوك عدنان
وهاك الشيك وهيك ملعون أبو السودان
خبراتنا العزيزة الطاشة فى البلدان
طفشا بى عمايل ما بتسر انسان

يابايع الوطن للغير

يابايع الوطن للغير أريت لو بعتو
بالتمن النقول يمكن يطابق نحتو
كل صاحب جنيهين أجنبى وطمعتو
بالهوبلى خم وقال أريتكم جعتو

ماكان العشم قط يا الأبوك مسكين
تتكى الشعب تدنا عليه بالسكين
باكر تفنى لكن تبقى فينا سنين
آثار فعلتك شوف البسامحك مين

برطعت وعتيت
(قطع فى الشريط)
شعب البلاد شحات
بددت الأمل والمال نصيبنا فتات
وليك انت النياشين ترقش الدهبات

سبحتو من حبال المشنقة المرفوعة
جلابيتو من كفن الشهيد مقطوعة
صحة عضلو من مرض الأهالى وجوعا
الفاتورة من لبن الرضيع مدفوعا

(صاح فى مقديشو بصوت عالى قائلا)
الرحمة

(فرد عليه صلاح)
الرحمة بتكورك فى بلاد الغربة
والرحمة بتكورك والعمايل كعبة
فاكر رحمة الله يا أب مشانق لعبة
ولا الرب رهو منك بتدخلو رهبة

سبحان مكرو اسمو المنتقم لعبادو
واسمو شديد عقاب ويل للذين تمادو
يمهل حبلو داك سلبة وطويلن مادو
ما بهمل وقط ظلم النفوس ما واردو

يا سفاح عشان تهنأ وتعيش فرعون
يا داسى الجثث يا الفى الفجر (سورة الفجر) ملعون
يا سارق الفقير مانع على الماعون
يا عارض عرض فوق البلد طاعون

قولة أضربوهم
(قالا للجامعة هنا لو تتذكروا)

أضربوهم
قولة أضربوهم كيف يرجعا فوك
ووين تلقى العدالة ودا العهدنا سلوك
أحكام ظل بلا بينة وحكم متروك
لا للمادة لكن لى مزاج صعلوك

متهمك يشر دمو وأمام القاضى
يضربو فيه يكفيهم وفخامتك راضى
كيف يتهنا جفنك ساعة بالاغماضى
من يوم يندهوك ويواجهوك بالماضى

ما تتحوى بى آيات عزل معزولة
ما تغشك سبح متسولات بى قولا
ما فيش اليقيك وكتين تجيك فى تولا
نوح نوحن كثييييير وأطرأ القيامة وهولا

أعزل لى دجل آية وتفادى الأخرى
قالت آخر الظلم الجحيم فى الأخرى
يا العاجباك أمارتك تنقز فخرا
ربك كيدو أكبر يوم يزنقك تخرا

خلى الدين بعيد ما تجروا توب فى دنيتك
ما قال ليك جوعو عبى فى صينيتك
ما قال ليك أسرف وسف وعلّى بنيتك
وعربد وعير وعاند وخلى انسانيتك

خلى الدين بعيد ماتزيد جرايمك سيئة
راعى وبسألوك كيفن ظلمت رعية
يا الحمل الأمانة ظلوم جهول مادية
بتجيب الخبر عند البيقرا النية

إنت المُلهِم الملهَم دوام تتوطح
ما بين مهبط الحكمة وتقوم تتفولح
وين إلهامك؟ البلد التراهو ملولح
غشك ثعلبان حاجتو إنقضت واترورح

فى ضهرك طلع وطلعت إنت فى ضهرو
شيلنى وأشيلك السايس بغاير مُهرو
ينفخك إنت ناصر وإنت تيتو ونهرو
باكر تمشى فى غيرك يمارس عهرو

وين إلهامك؟ الفكر القفلت دروبو
ولا شقاوة الشعب النفضت جيوبو
ولا سقوط قيم فى جيل مفرهد دوبو
حسب الشايفو قدامو بيتم تدريبو

وين إلهامك؟ إلا إن كان كذب وأونطة
أمل الشعب فيك راح زى قتيلة الشنطة
مشدوه بى مواقفك نطة عكست نطة
زى قرد الطلح يوم يسألوك رطنت

صدق القالو منصور (جعفر المنصور)
صدق القالو منصور
نصرة ضد آمالنا ضد أولادنا
ضد أحفادنا ضد عمالنا
ضد الشعب كلو القالو مالك ومالنا
حلال بلة من القيد يكون حلالنا

صدق السمّا قائد (الرئيس القائد)
صدق السمّا قائد
للخراب والفرقة
للخلق الرزيل لى بيع عرض للسرقة
لى سف التراب للمحقة يوت للحُرقة
زى إبليس يقود الساقطين للحَرقة

زى السامرى ما برضو قائد ملهم
شال عجل الدهب قال موسى خائن مجرم
وزى قائد الضلال مذموم صحائح مسلم
قائد ماشى وين؟؟ دربك ملولو ومظلم

الأخ الرئيس
قالك
الأخ الرئيس
قالك
رئيس لى عصابة حاكم بالعضل بالبنية بالدبابة
تبت إيدو يحكم بى شريعة غابة
بالجمهورى صائل فى تعابة غلابة

الأخ الرئيس
كل يوم يفاجىء شعبو
بى شيتن يمحن للبعيد والجمبو
مرماه الوحيد كيفن يوهط صلبو
فى كرسى الحكم والباقى شن يعملبو

تمثيلية فينا رئاسة بعد رئاسة
قايل الشعب بى قمبورو ولا دباسة
ماناقصلو غير يعمل عمل بوكاسا
سبورة بعضل متأبط الحداثة

ربنا وابتلانا عشانا نخش الجنة
نزل لينا دجال ايدو ماكنة مكنا
جانا فى شكل منقذ مرفعين ضللنا
بى فروة حمل لمن أمِنا أكلنا

انظر نابو بى دم الشباب كيف دامى
وانظر جسمو بى تنميتو كيف متنامى
وانظر مخلبو الفوق المساكين رامى
واسمع عوتو جِعان ولا جنن رامى

خدر والله في ملامح ما واضحة...
وبعدين الشمار الصاح انو عبدالرحيم حمدي استقال(الله) لا رده....شوفوه واحد حنكه سنين يفاضوه عشان يجي يمسك ماليتنا....بس يوروه انو انو ده حزب وما بيتخصخص لانو هو مبرمج علي الخصخصة وبدل يعملوا (انتر) عملوا ليه (إسكيب) فهو مدور في الخصخصة.
وتوزيع المكاتب....
برضو في حاجة مهمة...عايزين (كونداليزا رايس) للحزب.


سلام

حبيبنا خدر


صباحاتك بيض بضم الباء والياء

ممكن بعد ازنك كده يا ريس نضيف للدستور معاقبه الاعضاء الغائبين من البورد بدون عزر عشان انحن مابنقدر على فراقهم .. وحقو نبدا بى

بامسيكا
حبيب الكل
الزول زاتو
وبرضو سوف نعاقب الغالى ود عزه وغزال لانهم ما استجابو لرجاءات اهل البورد



لكن دواليك ده منو ؟




ولك الود

ديك الجن

خدر الشين تحياتى اليك يا اجمل الشينين ، انضمامى ، لكن قلته الديمقراطيه هى وانتا هسى بتقول انك الرئيس لازم تكون فى انتخابات نزيهة لرئاسه والبرلمان وله عاوز تعمله لينا زى بتاعت البشير جواطه وسواطه

بــــــــــوب

الحزب قيادة و قاعدة يرحب بانضمام الوجهاء ام در و سنرايس123 و يازول يازول الي مسيرة الحزب
يا قمربوبا اذا انضم لينا ع.حمدي ما حايخلي لينا التكتح في الخزنة و احتمال يخصخص الحزب زاتو
ديك الجن .. اوافق علي اقتراحك و سوف يصدر مرسوم دستوري بذلك لاحقا
يا بوب ... قمة الديمقراطية في حزبنا هي انك توصف رئيس الحزب بالشين دون ان تخاف علي نفسك من الاعتقال
الحزب يحذر المتربصين و الخطرين علي وحدة الحزب من امثال استاذ الموصلي انة سيضرب بيد من حديد و ربما يضطر الي الطلب من مجلس الامن(بكري ابوبكر)التدخل لحسم هذة المحاولات الانقلابية .
و تأمين رئيس الحزب و بطانتة من بطش الموصلي

خدارى القاصد ودارى بريدو/

اجمل حاجه ان يكون رئيس الحزب شين عشان يخوف لينا الكيزان ديل هههههههه يكه

وتانى حاجه لازم تكون عندك معتقلات شديده وضرب الف يعنى استاذنا الموصلى حيستفيد استفاده غصوى

اها ماوريتنى ياخدر قبلتنى وله لسه

بوب

الأخ :خــــــــــــــــــــــــدر

حمد الله على السلامه وكيف الأمتحانات :

انا اخت جديده انضمت ليكم .. وصراحه اول حاجه قراته فى هذا

البورد قبل ما ادخل .......... هو( اسم شين وعاوز تغيره) وكنت

متابعه الردود وكان الأسم أسمى .. وصراحه ما قدمو ليك اى حل

المهم اناايضا بنضم ليكم ..

وبتشرف ان اكون عضوه معاكم ..

غـــــــــدى

مرسوم دستوري رغم اربعة

تم امس تعيين الاخوة الكرام بوب و غدي رؤسا امانات بالحزب
.. غدي امانة الشؤؤن الدينية و بوب امانه
امانة عليك

يا خدر نقطة نظام....
في تجازوزات...وتعينات فوقية...
احذر القيادة بأن مثل هذه الممارسات يمكن ان يشق الصف القومي والوطني...مازلنا نحمل المبادي علي اكفنا...ولكن القيادة الثورية ستأخذ (آكشن) اذا استمر الوضع بهذا المنوال.
وحكي ليك النكتة دي...بمناسبة التعامل مع القيادة...قالوا الفيل بيخاف من الاسد في الغابة وبعد داك هو ما قادر يعبر بشكل مباشر...النملة جات قاطعة بجنبه ففتش ليه سبب عشان يوري النملة انو قوي...قام وقف ليها قال ليها بتحدري لي مالك؟؟ النملة اعتذرت..فالفيل قام داسها بكراعه واتأكد من انو ماتت قال ليها انا ما بخاف من الاسد ذاتو!!!
فلذا واعتمادا علي النكتة (المنصرمة) يجب علي القيادة ان تتعامل مع قواعدها بشيء من الديمقراطية...

السلام عليكم ورحمة الله
وجزاكم الله خير
اكرر
جزاكم الله خير

يا خدر انت ده حزب ولا فلم هندي
اسمع انا مش عضو معاكم عايز ارشح نفسي واكون وزير ماليه انا الايامات دي مفلس فلس كده ما تتخيل عايز اسف القروش واكسح
بصفتك انت الناهي والامر في الحزب عليك الله رشحني وبعدين البيناتنا عامره تمام يا فرده

خدر..
البوست جميل
والانضمام أجمل
مشكلة دستورية ..نحن مفروض نرجع البورد فى الأول بعدين نجيكم فى الحزب

تحياتى
ود عزة

بيان رقم واحد
الاخوة ابناء وطني الحبيب
في جمهورية البورد
تلاحظون كثيرا ذك التردي الذي اصبح يعم
مختلف الجمهورية وها نحن نشهد نشؤ احذاب تعسي الي الفتنة
عليه رات القيادة العليا ولانها تحتكر الحقيقة
والدين وتعبر عن تطلعات هذا الشعب
قررنا الاتي
الاستيلاء الكامل علي البورد لمنع كل اشكال
التخريب والتحزب البغيض
ونعلن هنا اننا قد عينا الاستاذ وليد رئيسا للبورد
لما لمسناه منه من تدين ودأب
و,,, و...
كوزنه
ةقررنا اعتقال كل من انضم لهذا الحزب
ونقولها باعلي صوتنا
لقد ان للحق
يعلو
فهي لدعم الثورة
فريق ركن
ر ص

والله يا خدر رقم صفر ده الداخل بى انقلابات وحاجات تانيه حامينى
والله منو خوف خلو بالكم منو

أنا معارض
..
.. لا تسألوني عن السبب
أو
دعوني اوضحه لكم
طالما أننا سودانيون
وتم تكوين حزب ما
فحتي ان لم أقرأ لوائحه وأنظمته
فسيتجه تفكيري فورا للمعارضة
والا فسأكون كائنا لا يعتز بسودانيته
والمعارضة هي احدي السمات الاساسية التي تجعلنا من الشعوب المتحضرة
وانطلاقا من هذه القيم الحضارية ( ليست لها صلة بالمشروع الحضاري _ بالمناسبة لو في واحد فيكم فاهم فيهو شىء فليلقني وراء هذا الجبل
)
عموما انا اشجب وادين واستنكر و(بشدة) محاولات المرتزقة و(صغار الضباط) والمنشقين والعملاء الذين يروجون لهذه الافكار الهدامة التي لا تتماشي مع منجزات الامة السودانية ، واؤكد انها دعوة مشبوهة تقف وراءها اسرائيل في محاولة مفضوحة لشق الصف العربي ( المشقوق اصلا) ومن هذا المنبر فانني ادعو الجميع الي مقاطعة هذا الحزب وعلي المواطنين اتخاذ الحيطة (!!!!) والحذر الكامل من المخططات الرامية لجر بلادنا الي الحرب والدمار واعلن عن تشكيل مجلس لحزب آخر ليس له مهمة الا معارضة الحزب المذكور واعلان العصيان عليه ، ومن ثم التمتع بكل مزايا المعارضات واولاها انتظار الفرصة المناسبة لبلوغ السلطة وتكريسها لمصلحة اعضاء حزبنا الشخصية نظرا لأنهم اجهدوا انفسهم في النضال

.... من يجد في نفسه القدرة علي الاسترسال في هذا المزاح فليسترسل
وللاخوة في حزب خدر العتبي علي هذا المزاح

(بيان من القيادة التاريخية ( خدر
تلاحظ في الاونة الاخيرة نمؤ و تذايد محاولات بعض المغامرين للاطاحة بالقيادة التاريخة .. . الجدير بالزكر
ان قيادتكم قد افشلت مخطط قمر بوبا الاخير الرامي الي زعزعة الامن و ترويع المواطنين

كما و نزف لكم خبر عودة ود عزة امنا و عقبال البقية
و تم تعيينة كوزير دفاع للحزب و الانتاج الحربي

اما فيما يتعلق بمعارضي الفنادق فلا خوف منهم و لا انتم تحزنون فهم تاريخيا لا يذهبون ابعد من ذلك

اه انا شايف الصفحه ملينه كلام كده وكده يعني زي ما تقوووول الناس مختلفين بس علي شنو ما فاهــــــــــــــــــــــــم بس زي ما بيقووولوا اخلاف الراي لايفسد والمختلفين اكيد حيتفقول علي تكملة المثل والا شنو الراي

اللهم اصلح حالنا وحال بلدنا وليقدم لتنمية الوطن

الاخ خدر ...انا معارضه لهزاالحزب
ولا اتفق معك تمامآ..

انا اضم صوتي الي صوت الاخت زهجانه...يعني برضو معاضه.

الله يكفينا شر الناس الزهجنين قادر يا كريم

الله يكفينا شر الناس الزهجنين قادر يا كريم

الله يكفينا شر الناس الزهجنين قادر يا كريم

اللهم ادعوك يا اللة ان تكفيني شر
معارضة البنات الجميلات... اما الانقلابات العسكرية فانا كفيل بها
الكلام ليكم يا زهجانة و سودانية

اقتراح
اية رايكم يا جكس تنضمو لي و اديكم حقايب وزارية ؟

*****************بيان هام من القيادة الثورية**************
ظللنا نراقب منذ امد ليس بالقصير ممارسات القيادة التاريخية لهذا الحزب،كما نما الي طرفنا (حلوة نما الي طرفنا) مش كدة...ان القيادة التاريخية لم تراعي مصلحة هذه المؤسسة ،كما انها سعت الي تفريغ محتوي بعض الاشخاص الجيدين في هذا البورد مثل (ودعزة) بتعينه وزيرا للدفاع وتمليكه سلطة وهذه محاولة لرشوة لحماة الديمقراطية في هذا البورد بإعطائهم آليات القمع ومن هنا تطرح القيادة الثورية منصب وزير ثقافة وإعلام للسيد ودعزة ...كما وان القيادة الثورية وإذ تطرح نفسها كبديل تشجب وتندد محاولات القيادة القديمة في محاولة التفريز بين العنصر النسائي والرجالي في العمل بإطلاق القاب الدلع مثل (جكس ) وإعطائهم طابع الاهمية ،والتلويح بإعطائهم حقائب وزارية.فالنساء شقائق الرجال ولا فرق بينهم.

والله يا خدر الانقلاب ده ينجح والله ما تلقي اي مناصب وزارية...ممكن نحن عليك نشغلك مدرب للمريخ ودي نفكر فيها...


تحياتي....

سلام يا احباب
ولله يا زعيم
زكرتني بي انقلاب عبود
ما عارف اوجه الشبه بين تايد الرئيس للحزب وتسليم السلطه لعبود

اعلن انا رقم صفر
باننا بعد استيلاءنا علي السلطة
نفتح الباب لكل من تسول له نفسه سرقة
قوت الشعب
وملح الشعب وطريق الشعب
ونحن نقولها لكل من تنطبق عليه الصفات
اعلاه
(نضيف الملتحين لهم الافضلية"
ولا ثبات ذلك نقول لكم
كم كان محجوب شريف متواضع
عندما "في ناس بتسرق ولاية
نزيد عليكم بان سرقة اموال طريق عام
تعد جريمة يعاقب عليها القانون
لانها اقل من الحد المسموح
اسرق بلد
اقليم
ينعطيك وساما
هيا الي ابناء الشعب
فالثروة عفوا الثورة تناديكم

ولا نامت اعين الجبناء
فريق ركن
ر ص

خداري
مشتاقين يالذيذ
الحال وقف والسرعه بقت صاروخيه
اخبار الحزب وبراكه والقهوه

بوست قديم بتاريخ
7-5-02
اها يلا نتونس