Post: #1
Title: لكني ما لقيتك معاي.......في الوحده والخوف والوهن
Author: Dafi
Date: 04-30-2002, 08:28 AM
Parent: #0
سلام شباب .وشابات المنتدي
اخوكم جديد....لكن بي سنونو زي ما بقولو
في البدايه كده يا اخوان انا عايز منكم نصيحه...انا الايام دي تعبان جدا
اخوكم علي قدر من الثقه بالنفس ..والحمد لله ..وعندي مبادئ .او فالنقل كان عندي مبادئ قبل ان اصدم في صديق حميم وحبيبه مفرده...انا ما وجيه شديد ..لكن مقنع للحد الكافي..محبوب من اهلي واصدقائ...حبيت حب كبر يعني في سنه رابعه جامعه ...ده كلو لاني ما بعرف اكضب ..المهم بالراحه كده ..جاها مغترب من قطر ..وجيه مقرش ..ود ناس وعندو ماجستير..وبكل المنطالمتاح ليها اتخطبيت بحجة ...كم جميل لو بقينا اصدقاء....انا هسه في امريكا ..وقربت اخلص الماجستير ...والجو السمح ده ادي الواحد ابعاد كانت داساها السخانه.....لكن بالجد والله...والله والله ..ما عايز اعرس بالطريقه العرس بيها مغترب قطر ده الله يقطر راسو هاهاهاهاهاها...عشان ما ادبرس بي زول زي ما حصل لي..اسوي شنو؟؟؟..اقوم بي خواجيه ..وانسي موضوع السودانيات الما عندهم اخلاص ديل ..ولا افضل مدور في طاحونة اشجاني دي براي ..افيدونا لو سمحتو يا فرد
|
Post: #2
Title: Re: لكني ما لقيتك معاي.......في الوحده والخوف والوهن
Author: قرشـــو
Date: 04-30-2002, 08:45 AM
Parent: #1
دافع الامريكى
اهلا بيك يا فردة معانا
خطر لكن يا ولد
تعرف انت كده عندك مؤهلات خطيرة تخليك ترجع الشاكوش الادوك ليه ناس قطر بشاكوش افظع منه..
تعرف يا دافع اى بت لو قابلتها فى سوق العرس تقول ليك يعمينى فى الحب اصلى ما شفته ولا عرفته وانا من البيت للمدرسة والجامعة والشغل وهكذا وما حاتقول ليك انا عندى قصة حب لان البنات بعتقدوا ان ذلك سيقلل من فرصهن للزواج وبى كده تلقى نفسك اديت واحد شاكوش فى ام راسه وبلا رحمة .. الحقيقة عدم الرحمة منها هى واكيد بتاع قطر ده ما عارف قصتكم وزولتك عملت ليه انها صغيرة على الحب وقلبها مغلف باوراق الورد لسع ..
هااااى يكا
والله كلامى ليك ده بقلب على بنات حواء وهسع يجن بنتفن ريشى من الصباح لكن والله دى الحقيقة يا ناس ..
عموما يا دافع يا اول من اعترف هنا بانه اخد شاكوش اقول ليك حكاية الخواجية دى ما تفكر فيها ارجوك ولن تجد مثل لاسودانية تفهمك وتقدرك وتحترمك لانها من نفس بيئتك وستجد فى امريكا سودانيات بالكوم - وبرضوا ما عاشوا قصص حب قبل كده - واكيد ستجد من تعجبك..
احي فيك قوة الباس والشكيمة وانك لم تنهزم بعد الشاكوش وتنزوى وتندب فى حظك وامالك بل مضيت مقداما شجاعا تحصل العلم والمعرفة وهذه حسنة لك وانت ما بنخاف عليك يا زول
والله معاك
>
|
Post: #3
Title: Re: لكني ما لقيتك معاي.......في الوحده والخوف والوهن
Author: Al-Masafaa
Date: 04-30-2002, 08:47 AM
Parent: #1
Ya man da almaodoo3 alwa7eed al mafi zaol bifeedak feho, lazim takol narak ya haba, adrab akhmasak fi asdasak ao tawakal 3ala allah, ao inshallah nasma3 3anak kolo khair, ao argod 3afiaa!!!!!!!
|
Post: #4
Title: قرشو يا شكل منقه
Author: Dafi
Date: 04-30-2002, 08:56 AM
Parent: #1
شكرا ليك يا قرشو علي ردك ..السريع لامن حيرني زاتو
المهم يا عزيزي...طبعا انت فهمت وضعي ..انا لافي في الطاحونه دي ما قادر اتنفس ..والعمر بيجري يا ولدي.....غير كده خلااااااص بعد عايزين نستقر...بالنسبه لي بنات السودان كلامك صح ....90 في الميه حا ازحلق واحد مسيكين زي كده لو قلت لي امي ولا اخواتي اخطبوا لي..
امنا بنات السودان هنا ...المشكله يا حبيب انو انا في مدينه فيها سودانيين ما بتعرف جايبنهم من وين!!!!!قطيعه وقالو وقلنا وكلام فارغ كده ..مع انهم شويه ..عشان كده اخوك في علبو بس...وهو زاااااتو المدينه فيها بتين بس ..2 فقط ...سن زواج ...واحده ...مسيكييينه كده ومتكوزنه ...يعني الغنمايه تاكل عشاها ...والتانيه فلهمه لامن تتحير ...عينة ..اقنعني ديك...والاتنين ما بيركبو راسي ...اخوك عايز حاجه بين بين ..متفاعله لكن ما مناطحه.....مسالمه لكن ما منقاده
اقول ليك شنو!!!؟ والله اخوك طاير ليهو عديييييييييل كده
|
Post: #5
Title: شكرا يا المسافه
Author: Dafi
Date: 04-30-2002, 08:58 AM
Parent: #1
رايك برضو بنقبلو....آكل ناري ..وارقد قش ..مش عافيه زي ما قلت
لكن يمكن نلقي لينا زول صاحب خبره سابقه او مر بي نفس الموقف يفيدنا
|
Post: #6
Title: توضيح
Author: Dafi
Date: 04-30-2002, 09:00 AM
Parent: #1
انا اسمي ..دافي ..دااااااااااااااافي يا قرشو..من ادفأ .. يدفئ ادفاء...فهو داااااااااااااااااااااااافي...زي بطانية الصوف
|
Post: #7
Title: بتقولىلا
Author: بكرى ابوبكر
Date: 04-30-2002, 09:04 AM
Parent: #6
|
Post: #8
Title: Re: بتقولـــــلاااااـــي
Author: suna
Date: 04-30-2002, 09:11 AM
Parent: #7
يابكري لكن مافي السك عدييييييييييييييييييييييل كدا
========================================
وياأخونا دافي يابطانية الصوف انت
مرحبتين حبابك
المهم ياخوي أنا مامتخصص لكن شيل الصبر وربنا يديك الفي مرادك قول آمين
صراحة كدا قوة وجرأة في الطرح نتمني أن تسود
ولك ودي
|
Post: #9
Title: باااااااااااااااااالغت عدييييييييييييييييييييييييييييييل كده يا بكري
Author: Dafi
Date: 04-30-2002, 09:12 AM
Parent: #1
اقسم بالله العظيم يا بكري ..لولا اني متاكد انك ما بتعرفني ..كان قلت الزول ده شخص قريب مني شديييييييييييييييييد
لا حول ولا قوة الا باللللللللللله ..عارف ..اخوك كان بيغني زمان زمن الجامعه ..وكنا لما ننتهي من المذاكره في مكتبة هندسه القاتمه ديك ...نتوجه لي علوم حيث .....بتعرفو كويس ..ولما نرجع علي الداخليه ..كان الشباب يووومي يقولوا لي غني لينا بتقولي لا...اغنيه خاصه جدا بالنسبه لي...واي مناسبة زواج اتعملت في بيتنا لازم تتغني فيها بي طلب مني او من غيري....كتلتني عديييييييييييييييييييييل كده
|
Post: #10
Title: سونا..اشيلو اودي وين؟؟؟
Author: Dafi
Date: 04-30-2002, 09:20 AM
Parent: #1
سونا ..يا لذيذ ..شكرا ليك برضو...
اخوك والله شايل الصبر ..لكن ...شايلو ما عارف اودي وين!!!!!وزي ما قلت ربنا يدي كل زول الفي مرادو...لكن يا حبيب بتسرق عمرك اللحظات ..وبعد شويه الفيك بتنتهي...اقعد اقول يا منو!!؟ ولا برضو افضل شايل الصبر!!!!؟
|
Post: #11
Title: lee bokra
Author: Dafi
Date: 04-30-2002, 09:55 AM
Parent: #1
اها يا اخوانا ...لي بكره ودعتكم الله.....ومزيدا من الاندياحات
|
Post: #12
Title: Re: lee bokra
Author: حلم الأماسي
Date: 05-01-2002, 02:32 PM
Parent: #11
احنا ناس بكره جينا يا اخونا دافي اول شي بنقول ليك صباح الخير
والله موضوعك ده لفت انتباهي شديد وما عارفه اقول ليك شنو لكن على قول المريود شيل الصبر... مع اني لاحظت من كلامك انك زول صنديد
بس نصيحتي ليك انك ما تتسرع في حكاية الامريكيه دي عشان بكره ما تجيب ليها ندم
والسودانيات ما زي ما انت قلت يا اخوي ما عندهم اخلاص ... وما معنى انك مريت بتجربه زي دي تحكم على الكل اكيد في من بنات بلدك الحتكون مخلصه ...ولا رايك شنو؟؟؟؟
ربنا يوفقك ويديك بت الحلال والله يسامحو الكان السبب
|
Post: #13
Title: لا اعيب زماني ..ولا عيب في
Author: Dafi
Date: 05-02-2002, 06:36 AM
Parent: #1
حلم الاماسي...شكرا علي اطرائك الجميل ..
بالنسبه لي موضوعي ...انا ما بلومها ..ولا بلوم الزمن...لكن الحقيقه الانا مقتنع بيها ..انها من احسن السودانيات ..انا لم تكن احسنهم اطلاقا
ومع ذلك حدث مع حدث...صعب علي..انا اقتنع ياي شئ اخر ..خلاف ..ان للحب مكان اخر ...غير بلادي...ومهما كان زي ما قلت ليك ..موقعها من اعراب الزمن والظروف ليها او ليك انت ..او لي اي اي سودانيه اخري..فالحقيقه الواضحه بالنسبه لي ...انو انا فقدت كم هائل من الجمال جواي...فقد ليس بوسعه ان يحرمني الاحساس بالحياه..لكن علمني ان اتعامل معها كموظف...انا الان اريد ان اشغل منصب زوج باقل الخسائر الممكنه ...فهل من نصيحه...ابدأ كيف مع الطحن اليوماتي ده...افيدونا افادكم الله
|
Post: #14
Title: Re: لكني ما لقيتك معاي.......في الوحده والخوف والوهن
Author: elnjma
Date: 05-02-2002, 07:51 AM
Parent: #1
دافيء المحترم تحيه موجهه من النجمه..........موضوعك بيتكرر مرارا وتكرارا اكثر من اصابع الايدي في اليوم الواحد..........عمر التجارب مابتقود الانسان للتسرع في اتخاذ القرارات الحاسمه الحياتيه فمهما حصل فمن المستحيل ان تظلم نفسك وتظلم انسانه قد تكون عشمت ان تحيا سعيده بأرتباطها بيك وعمر وخذات الدواخل والمشاعر ماكانت سبب في استعجال الامور التي يجب ان تكون ي غاية الهدؤ وتوخي الحذر صدقني سيدي لاتحزن ولا تيأس فأن كانت تحبك السابقه فأكيد ماكانت لتبدلك بأي مخلوق مش لو كان من قطر لو كان من..........المهم انابرضوا مش عايزه اظلمة مرات اللوم برميه على الاهل والعالم المحيطين بيها.......وهذا الارجح واما بالنسبه لك فأحمد الله كثيرا انك واصلت واضحيت شيء اما عن زواج الاجنبيات فهانحن نسمع كل يوم عن عواقب ذلك الزواج الاجنبي وخصوصا بعد وجود بذور لذلك الزواج وخصوصا يا اخي ان الرجل الشرقي شرقي ولو طلع المريخ ومن قال غير ذلك كذب على نفسه قبل منا فلابد من وجود اختلاف في التفكير والمنطق بيننا وبين الاجنبيات وخصوصا في معاملتهم مع الجنس الاخر البوي فرند يو سي؟ فتجدان الاغلبيه تتعب من انقطاعها عن عادات كثيره بأرتباطها بالرجل الشرقي فالخوف في رجوعهن عما كان في السابق وهنا يبدأ الخلاف والمشاكل الحقيقيه الواقعيه ولن تكون ياسيدي انت الضحيه واكيد ليست هي لانها سوف تشعر بأنها عادت حياتها لطبيعتها وتنفست الصعداء بفرقاك فالضحيه هنا هم الاطفال ولذلك ارجوا منك توخي الحذر في القرارات وبعدين سؤال مهما كانت الحاله التي تمر بيها فمن المستحيل ان تكون هي الدافع في استعجالك في امر الزواج وطول بالك شويتين وبلدك تفيض بأسمى المعاني والصفات والاخلاق متمثله في بنات البلد اوكي...وصدقني بكونك في امريكا سوف تجد الف من تتمناك وهذا اقوله لك عن واقع رايته بعيني كميات البنات بقت مبالغ فيها وعمر البشير الله يديه العافيه كمل شباب السودان في الجنوب ولكن برضوا اكرر واكرر اياك والاستعجال الحذر ثم الحذر.........فالزواج ليس لعبه ويا ريت يكف الاهل عن الزن على بناتهم بأن يوافقوا على اي عريس جاهز فهذاقمة الجرم........عن واقع ملموس المهم بالتوفيق وارجوا ان اكون اوفيت ولو قليل في كلامي لك .........تحيه من النجمه
|
Post: #15
Title: radd
Author: Dafi
Date: 05-02-2002, 09:00 AM
Parent: #1
العزيزه النجمه..
شكرا علي مداخلتك الجميله
اعود ليك بكره بشئ من الاستكانه...لانو الليل اليل جدا هنا ..وانا خلاااااااااااااااااااص نعست وبقيت ..زي ما بقولو ..ما فارز هاني من تهاني..اشوفكم بكره
|
Post: #16
Title: البفوت ريدتنا يمشى
Author: Tariiq
Date: 05-02-2002, 09:54 AM
Parent: #1
التحية ليك اخ دافئ وانت تتجاوز شاكوش قطر لكن صدقنى لن تكون انت الخاسر من هذه التجربة وعلى كل حال البنات بالكوم لكن كيفية الاختيار هى المشكلة خاصة فى امثال حالاتنا نحن المغتربين وزى ما قالو القبلى ان لا تتخذ قرار وانت فى حالة ردة الفعل على الشاكوش وان لاتحكم على حواء السودانية من واقع هذه التجرية رغم ان المراة السودانية ليست بافضل من غيرها
ولك تحياتى
|
Post: #17
Title: لكني ما لقيتك معاي.......في الوحده والخوف والوهن
Author: nooralaen
Date: 05-02-2002, 12:43 PM
Parent: #1
| اخونا الجديد والله ماعجبنى ليك الحصل ليك لكن بينى وبينك حسدتك على انك اسى فى امريكا حسد شديد |
صدقنى يا اخى ان الحب شىء عظيم ولكن هنالك اعظم منه ان كان للرجل ام للبنت اما الذى يفيدنا وهو الذى للبنت هو الزواج فانا اراها لم تبيغك ولكنها فكرت بشكل صحيح اما عن رغبتك فى ان تتزوج با مريكية فهذا هو عين الخطاء لانو زى بنتنا السودانية لن تجد ولو مامصدق اسال متزوج
|
Post: #18
Title: tarig
Author: Dafi
Date: 05-02-2002, 09:59 PM
Parent: #1
العزيز طارق
اخوك صنديد يا مان ..وفي عرفي انو اي تجربه ..مفيده بغض النظر عن مقدار الربح او الخساره فيها
عشان كده ما كان ممكن حياتي تقيف عند محطه واحده...ومع ذلك ..اانا ما زلت عند رأي بانها ..احسن انسانه راتها عيناي
رقه متناهيه
عقل راجح
جمال ...كلما صابحتها اكتشفت منه المزيد
روح سلسه..وظرف مبالغ فيه
لكن يا حبيب لما جاها المغترب ..المافيهو عيب بالمناسبه ...انا اعترف بذلك
قالت لي ...انا عارفه اني اتخلقت ليك..ومتاكده احسن منك ما بلقي ...لكن....ما قادره ارفض الزول ده...وللحق ..الرجل لم يدع لها مجالا للرفض ..فهو زي ما قلت ليك لا غبار عليه....الخلاصه يا سيدي
انا ما عايز اكون مصدر الم لاي انسان في الدنيا دي..وكوني اتجاوزت محنتي بمزيد من المعرفه..فده ما معناها انو غيري بتجاوزها.....لكن اسوي شنو..ما عندي زمن لتجربه تانيه ..وفي نفس الوكت..لازم لازم نبني البيت ..ولا كيف؟؟
|
Post: #19
Title: العزيزه النجمه...
Author: Dafi
Date: 05-02-2002, 10:13 PM
Parent: #1
العزيزه النجمه
شكرا علي تطييبك لخاطري المكسور...لكن عزيزتي انا لا يائس ولا حزين...زي ما قلت ...اما قولك بانها لم تحببني ..والا ما كانت اتزوجت حتي مش لو كان من قطر ..لو كان من .....زاتو زي ما قلتي....فمع احترامي الشديد لاستنباطك ال قد يكون منطقي ....لكن انا وهي الاتنين بس البنعرف ..اذا كان البيناتنا ده حقيقه ولا وهم ..واسمعي معاي مصطفي غني فيها شنو
قال
سمحه وسمريه ..محبوبتي ولفتاتها غزاله
خضره ومسقيه بموية النيل مشتولة الناله
بتفتح فيني ..معاني غناي تديها مجالها
بهواك يا بنيه كتبتو قصيد..وبقولو مقاله
***********************
زهره وبريه ..بشوق الارض عيونها كحاله
تريانه نديه بعرق الناس والناس في بالها
يا خوفها علي عقل وثبات ماها الولواله
********************************
القصيده طويله...وانا بهديها ليك لو واحد من الشباب جابها لينا يكون ما قصر...ويا نور العيون
قلت ليها النيه متين نتلم ..والحاله بطاله
قالت لي غنيه ..وانت معاي مستورة الحاله
الفرق انها ما قالت كده...يا النجمه ويا نور العيون...........الناس ديل بغنوا ساااااااااااااااااااااااااي
|
Post: #20
Title: Re: العزيزه النجمه...
Author: waleed500
Date: 05-02-2002, 10:42 PM
Parent: #19
اخونا الدافى
جعل الله ايامك كلها دافيه
وبعدين يا اخوى الباعك بيعو
والبنات ماليات الدنيا
والف مرحب بيك
|
Post: #21
Title: Re: العزيزه النجمه...
Author: waleed500
Date: 05-02-2002, 10:45 PM
Parent: #19
اخونا الدافى
جعل الله ايامك كلها دافيه
وبعدين يا اخوى الباعك بيعو
والبنات ماليات الدنيا
والف مرحب بيك
|
Post: #22
Title: Re: العزيزه النجمه...
Author: waleed500
Date: 05-02-2002, 10:45 PM
Parent: #19
اخونا الدافى
جعل الله ايامك كلها دافيه
وبعدين يا اخوى الباعك بيعو
والبنات ماليات الدنيا
والف مرحب بيك
|
Post: #23
Title: Re: العزيزه النجمه...
Author: shargawy
Date: 05-02-2002, 10:49 PM
Parent: #22
يا اخوان خلو الراجل ينفس عن نفسه صحي الشاكوش حار والداير يعرف عليه عمر ودمهدي
|
Post: #24
Title: Re: العزيزه النجمه...
Author: khider
Date: 05-02-2002, 10:54 PM
Parent: #22
عرفتك يا دافي يا لذيذ....
انت بتعرف عا... و الج.... و ع.جب.... و ابو اللي.. صاح؟
لو ما فهمتني ... قول او....اكتب لي و انا اكتب ليك
|
Post: #25
Title: شباب
Author: Dafi
Date: 05-02-2002, 11:11 PM
Parent: #1
وليد...هاهاهاهاهاهاهاهها...والله ضحكتني...المسأله اعمق من كده بي شويه
بس يا فرده في البنات الماليات الدنيا ديل...انا ما عايز اخش لي في واحده...اقوم بدون ما اشعر ادي واحد مسيكين من الادوني منو...تقوم تجيهو ارتكاتريا في القولون ..ولا التهاب في العصب الخامس...فهمتني
|
Post: #26
Title: شرقاوي وخضر
Author: Dafi
Date: 05-02-2002, 11:14 PM
Parent: #1
شرقاوي...معليش ياخ ناس الماسنجر جدعوني بره ..ولما رجعت لقيتك شتت...بعدين يا اخوي ..انا نفست زماااااااااااااااااااااااااان...هي هيييييييييييييييي
خدر بالدال...علي بالطلاق ما فهمت الحبه من كلامك ..وضح ..افصح ..ابن...جوزيت خيرا
|
Post: #27
Title: Re: لكني ما لقيتك معاي.......في الوحده والخوف والوهن
Author: HABOOB
Date: 05-03-2002, 01:07 AM
Parent: #1
الأخ / دفى
تحيه لك
سؤالى من اين لك هذا الدفء ؟
هل مكتسب ومن اين ؟ ام فعل ربانى ؟
ربك قادر
عن موضوعك الاخوه ادلو بما فيه الكفايه
فأذيد على ما قالوه :.
وعين الحب كليلة عن كل عيب ** وعين المحب لا ترا الأعيبا
حاول جرب / حواء والده
دمتم وسلاميا بلدي يا حبوب يا ابو جلابيه وتوب
|
Post: #28
Title: Re: لكني ما لقيتك معاي.......في الوحده والخوف والوهن
Author: Sudany Agouz
Date: 05-03-2002, 04:27 AM
أخونا الدافى
أو بمعنى أصح .. أخونا المقرش .. سيبك من حكاية البطاطين دى ..
أنا أويد الاخوان فى عدم زواجك من أمريكية .. مش عشان حاجه .. عشان طباعنا وعاداتنا بتختلف تمام الاحتلاف .. وما داير أشوفك بكره متحير بعد ما ربنا يرزقك بولد أو بنت .. تبدأ فى قصص طويله ما ليها حد .. حكاية حقى وحقك زز وكلبى وكلبك ..
أحسن امش بالمثل القائل .. الجنس على الجنس رحمه..
وود بطنى يعرف رطنى ..
وبالمناسبة .. ليه يا استاذ قرشو .. ما تعملوا باب للناس الكايسين عرايس .. ولا للبنات الكايسين عرسان .. والحكاية ما فيها عيب
وزى ما قال المثل:
" يا بخت من جمع راسين فى الحلال"
بس خلاص يا دافى.. ده كله كلام ونسه ..
المهم ترفع يديك للهادى
وباذن الله لو كان لك ايمان سيرزقك ببنت الحلال
.. بس خلاص
.. خذوا الحكم من أفواه ال..
والعجايز كمان
عمك العجوز
|
Post: #29
Title: habob
Author: Dafi
Date: 05-03-2002, 05:23 AM
Parent: #1
الاخ حبوب
الدفء المقصود ..دفء المشاعر..والحميميه الصادقه.اكثر حاجه بحبها في بني البشر..
بالنسبه لي انو حواء والده ..لا شك في ذلك..لكن يا حبيبنا ..مافي طريقه بعد ده...اخوك لو كان عندو فرصه كان بفتش وبلقي...لكن نحن هنا بقينا..الواحد فينا لافي زي كلب الحر...ومدور مع الخواجات ديل..وما عندو زمن لي اي حاجه..وده المجنن بوبي زااااااااااتو....النسوي غلبنا ..الواحد لو كان عندو قدح كان غطاه وانتهي.....وقع ليك يا حنين
|
Post: #30
Title: عجوز يا عجوز يا حرف ال....اس
Author: Dafi
Date: 05-03-2002, 05:33 AM
Parent: #1
عمنا السوداني العجوز...وكلنا في الهواء سوا بالمناسبه ..نحن ماشين علي الكبر بخطي حثيثه
قلت لي يا مقرش ..واخونا نور العين قال حاسدنا علي ...بوريكا دي..اسمها طبعا قلبوهو بوريكا..كوووووويس
قالو الما عارف يقول عدس....والله مغتربين امريكا ديل ..الا من رحم ربي ....شغالين 16 ساعه في اليوم...قصاد الفواتير ...والمصاريف ..وناس السودان طبعا....الود في امريكا ..بتاع ابو ظبي يعمل نايم ..وبتاع قطر برضو ..يلملم في القروش ..ويجي يخطب بنات الناس هاهاهاهاهاهاهاهاها
المهم يا عزيزي..انا بصراحه كده..جاتني عقدة العريس الجاهز....حاسي اني حا احتقر نفسي لو عرست بالطريقه التقليديه بتاعة اكلم امي تشوف لي واحده حلوه وقاريه وطيبه..و...و..الخ
لكن في نفس الوكت الاسوي غلبني ما في طريقه تحك راسك ....خليك من اكتشاف امرأه مفرده ..جديده...ترغب فيني لذاتي ..لا لكوني عريس جاهز.....شكلي اتسيكت صح ..يا عجوز يا خبره!!!؟؟؟
|
Post: #32
Title: Re: عجوز يا عجوز يا حرف ال....اس
Author: Sudany Agouz
Date: 05-03-2002, 06:20 AM
Parent: #30
يا دفيان
حقيقة .. أنا مقدر موقفك .. لأن مشكلتك دى عمك العجيز ..كان قرب يقع فيها ..
طبعا أيام الجامعة .. كانت عز أيام وسنين الحب .. الحب العذرى بتاع أختنا النجمة .. وأخوك .. كان بيحب 4 سنين .. والوقت داك .. أبونا الشريف الهندى ..لم الطلبة كلهم وختاهم تحت بند سماه " بند العطالة " وكان المرتب المبروك 28 حنيه وكم قرش .. ما متذكر بالضبط .. المهم .. أول ما اتعينت ، دخلت وزارة من الوزارات .. مافى داعى لذكر أى وزارة .. المهم خشيت المكتب وجا الباشكاتب .. وقال اى أقعد فى الطربيزة دى ..وللمعلومية كان حول الطربيزه 3 أشخاص .. لكن المشكلة كانت فى الكرسى .. أصبحت موظف بدون كرسى .. المهم وجدت الكرسى وقعدت .. وفى هذا الوقت .. تقدمت لخطبة زميلة الدراسة .. وبعد أيام لقيت خطيبتى تبكى فى حوش الجامعة .. مالك يا بت الناس .. فى شنو .. مافى حاجه .. طبعا فى الآخر عرفت انه أخوها جاب ليها عريس دفيان .. " مش زيك " وقال ليها مالك ومال الكحيان ده .. بتاع بند الادارة العمومية .. لكن بت الناس طلعت ضكرة ورضت بالكحيان بدلا عن الدفيان .. وهاهى زوجتى الحاليه .. وان شاء الله توفق يادفيان ..
قلوبنا معكم ,,
عمكم العجوز
|
Post: #45
Title: Re: عجوز يا عجوز يا حرف ال....اس
Author: tmbis
Date: 12-19-2002, 07:39 AM
Parent: #30
الحب
وما ادراك ما الحب
**
دافي كان محبوب
دافي كان..ما محظوظ
***
دافي كان مفروض يحب
******
يا حنين
ضرسي الباكل بيهو .. قبل يومين
اتقلع مني ..
صحيت الصباح
لقيتو شتت
تاني وين
ضيق المحل
لو انتي في
تشرنق .. تشرنق .. يا صديقي
الدنيا
ليل
غربه
ومطر
وتلج
وبيع
(تمبو)
|
Post: #31
Title: Re: لكني ما لقيتك معاي.......في الوحده والخوف والوهن
Author: الشاعر
Date: 05-03-2002, 06:17 AM
Parent: #1
إنت مشكلتك إنك بتجي متأخر ،، دائماً بتجي متأخر
يا دافي المواعيد أهم حاجة ،، الزولة الزمان دي أكيد أديتها كم شرة كدة وكل يوم تحلم بإنك ح تتقدم ، مرة في سنة (الفاينال) ومرة بعد التخرج، ومرة كدي أشتغل، وبعداك ألم قريشات ووووو وعيك لما تصيبها الهلاويس والنقاقة فوق راسها ، كبرتي، القطر، راجية شنو، دة ما جاهز، عيبي لينا ووو وعيك
أقول ليك حاجة أمشي السودان إجازة زيارة وأدي نفسك فرصة كافية يعني ما تنزل عريس زي ما بقولوا، وبعداك ح تلقاها (أنا غايتو ناوي أعمل كدة)، إتخيلي الحال ده حال الأغلبية هنا، وأنا لما قريت كلامك ده رجعت قلت أشوف الكتبو منو ما أكون أنا ذاتي ونسيت،، ههههه هااااي
بس إنت ما تتأخر المرة دي أمشي السودان وسيبك من حكاية الأمريكيات ديل (نسوان ورق) هههه هااي بالمعنيين، أمشي أتذكر الجامعة والبركس وأجدع ليك لحاف في النجيلة وجامل ليك ناس إسبوع كدة في دار الإتحاد،، بس ما تتأخر عشان الناس ما يمشو،،
|
Post: #33
Title: Re: لكني ما لقيتك معاي.......في الوحده والخوف والوهن
Author: khider
Date: 05-03-2002, 09:58 AM
Parent: #31
حرام عليك يا ابو الدا ... ديل زملاء اجمل ايام العمر
زمن الشاكوش الاول ... تهراقا.. و كدة
راجع الاسماء و انت تعرف
|
Post: #34
Title: لكن ما لقيتك..
Author: malaz
Date: 05-03-2002, 01:07 PM
Parent: #1
الاخ دافى ..سلام والف مرحب...
حقيقى احزنتنى ..برغم من إنو تجربتك مكررة للكثير من رجال ونساء...ونرجع ونقول قسمة ونصيب، وانا في راي البنت السودانية محكومة بضغوط إجتماعية كثيرةبالزات فى مسالة الزواج ,فالقرار مابكون عندها كزلك بعض الرجال.لزلك كثير من العلاقات تكون محكومه بالفشل.وزكرت اخي إنو فرصتك ضيقة للزواج من سودانية...إذآ ماهو المانع من زواج الامريكية ،واللة انا بعرف سوداني تزوج من امريكيةوحاليآ هو اسعد البشر ..وله اطفال في غاية الادب،وزجتة ملتزمة جدآ..وزكر في القران الكريم..وجعلناكم شعوبآ وقبائل لتعارفو إن اكرمكم عند الله اتقاكم،،،صدق الله العظيم.ولا فرق بين عربيآ ولا اعجميآ إلابالتقوي..
|
Post: #35
Title: شكرا..مع التحيه
Author: Dafi
Date: 05-04-2002, 00:38 AM
Parent: #1
عجوزنا يا ...مرتاح
والله قصتك دي ...حرقت روحي عديييييييل كده...ليه بس الحاجات الجميله ..كملتوها..وخليتونا للكيزان ..والجهجهه..وسقوط القيم النبيله...غايتو شغلك ده حندقه عدييييييييييييييييل كده..لكن برضو ..سعادتي لسعادتك لا توصفها كلمات..علي الاقل اكدت لي انو كان ممكن يحصل لي زي ما حصل ليك...ولكن.............اااااااااااااااااااااااه..الله كريم
|
Post: #36
Title: خدررررررر...
Author: Dafi
Date: 05-04-2002, 00:42 AM
Parent: #1
غايتو يا خداري....عا...ممكن تبقي عادل ولا عازه...او عافيه للصحه والعافيه
الج...ممكن تكون الجيلاني..او الجيلي ابو قرون
ابو اللي ده ما عرفتو
لكن ع.جب ..دي قطع شك...وليد العجب
لكن برضو ما عرفتني يا خدر ..ويا حليل ايام تهراقا ياااااااااااااااحليلها
|
Post: #38
Title: Re: خدررررررر...
Author: waleed500
Date: 05-04-2002, 00:50 AM
Parent: #36
ترهاقا ولا البركسى ولا فلسطين
ولا الميدان الشرقى ولا النشاط
|
Post: #37
Title: الشاعر ..وملاذ
Author: Dafi
Date: 05-04-2002, 00:46 AM
Parent: #1
اخونا الشاعر
شكرا لي اقتراحك ..والاقتراح قيد الدراسه....بس احجز لي معاك ...مع انو البركس بقي مااا بنقعد..انت الظاهر عليك طولت شدييد
ملاذ ..شكرا يا رقيقه علي انفعالك الرقيق..
اقتراحك برضو قيد الدراسه
|
Post: #39
Title: re: لكنى ما لقيتك معاى ......... فى الوحده والخوف والوهن
Author: غدى
Date: 05-04-2002, 11:08 AM
Parent: #1
الأخ : دافئ
الآن فقط فهمت معنى ردك لى .... ولك العذر
حقيقه قصتك تقطع نياط القلوب ...
بصراحه أنا ما قريت كل الردود لأنها ماشاء الله ..... كثيره وكمان طويله
ومافى وقت ...... بس بحب أقول رائى .. وما عارفه لو كان فى شخص
سبقنى بنفس الرئ أم لا .....
( فواضح جدا نبل وصدق عواطفك .. ولكن اكيد انها لم تكن تحبك( وعذرا
ذلك الحب الحقيقى..الحب الذى لايقبل بديل لقلب الحبيب .. لأنها
لو احبتك بصدق ما ارادت غيرك بديل ...... ولك العتب انت ايضا
فلم تعلمها كيف تحبك.... واكتفيت بحبك لها فقط
واخيرا....أحي فيك شجاعتك
وأتمنى أن تجد من تحبك بصدق .....
غـــــــــــــدى .
|
Post: #40
Title: Re: re: لكنى ما لقيتك معاى ......... فى الوحده والخوف والوهن
Author: khider
Date: 05-04-2002, 12:57 PM
Parent: #39
انت مش الداف بتاع هندسة .. السمين
الا اقولها ليك كدا .. مسخت النكتة
يلا راجع الاسماء تاني..عادل .. منو
اها ... عرفتني؟
|
Post: #41
Title: khadary
Author: Dafi
Date: 05-04-2002, 07:53 PM
Parent: #1
هاهاهاهاهاهاهاهاهاهاه..يا خداري...انا سمين!!!!!؟؟
والله بالغت عديييييييييل كده..ما قلت ليك انت شايت بره العارضات !!!!!!!!...علي اي حال التحيه ليك ولي كل الشباب
|
Post: #42
Title: غدي
Author: Dafi
Date: 05-04-2002, 08:14 PM
Parent: #1
الرقيقه غدي
شكرا علي مداخلتك الارق منك...لكن كلامك ده قالتو النجمه قبلك
وهكذا انتن معشر الجنس اللطيف....دايما
|
Post: #43
Title: ابوشاكوش
Author: قرشـــو
Date: 12-18-2002, 01:49 PM
Parent: #42
يا جماعة وين الزول ده ؟؟؟؟
|
Post: #44
Title: Re: غدي
Author: أبو شهد
Date: 12-18-2002, 05:58 PM
Parent: #42
الأخ دافي سلامات
عاجباني فيك شكيمتك
والعاجبني أكثر كمان ردودك
ربنا يقويك كمان وكمان
تنكح المرأة لمالها وجمالها ولشرفها ولدينها فاظفر بذات الدين تربت يداك
ويقول الله تعالى (الخبيثات للخبيثين والخبيثون للخبيثات والطيبات للطيبين والطيبون للطيبات
استخير ربك وحاول مرة أخرى
وربنا يعوضك بالزيها لو ما أحسن منها قول آمين
|
Post: #46
Title: Re: لكني ما لقيتك معاي.......في الوحده والخوف والوهن
Author: omdurmani
Date: 12-19-2002, 11:09 AM
Parent: #1
dafi
inta kol awlad handassa khasheen fi elhalla di...
ba3deeeeeeen shino ma jibta seera ...
you know me man ,but i don't know you ???
just tell me your name man???
shereef
|
Post: #47
Title: Re: لكني ما لقيتك معاي.......في الوحده والخوف والوهن
Author: tmbis
Date: 06-10-2003, 07:06 PM
Parent: #46
البوست ده لقيتو باللفه التانيةديك
فوووووق
|
Post: #48
Title: Re: لكني ما لقيتك معاي.......في الوحده والخوف والوهن
Author: Tumadir
Date: 06-11-2003, 00:50 AM
Parent: #47
عاد ما متيمنة ومتنضرة
ما بتخت ايدك فى الخواجية
الليلة يا دافى كان دايرنى انفضك، اسمع بيط عرست خواجية
والله لا عنصرية ، لاعرقية ، لاغربية لاشرقية
بس اولاد السودان ديل ، الخواجيات ما بنفعن معاهن
وما تشوف الرقة والزهور وكروت المعايدة والهدايا والظرافة دى
آخرتها محاكم وقلع شفع ونفقة ، وروحك دى تكوسها ما تلقاها
انا دى بعرس ليك ، بت متل الصيدة ، بنكت ليك الاسر السودانية دى الفى امريكا دى بيت بيت
كلهم زرتهم وعرضت ليهم وبيناتنا الاحطرام
انتظر
ما تاخد
انا بجى اساعدك على الاخيدة
والشفقة تطير
مع انهن بنات اهلك متل الغزلان ، بس البعد حااار
ويا ياناس البورد هوى ، دافى دى ود اهلى
لو فى واحد قال ليه عرس خواجية ، بقاطعوا
|
|