طبق اليوم يا عزابة .........اذا تفضل بالدخول

طبق اليوم يا اخوانا هو شوربه المشروم بالساوير كريم

فرانكلي انتبه كويس , اصلوا انتا جنك فوول
سمااااااااااااااااا7 دا عشانك عشان تبطلي اكل البيتزا الجاهزا

الباقيين خلو بالكم كويس اصلوا دي وجبة بسيطة و مفيدة
مصدرها المطبخ الفرنسي ....عملتا ليكم فيها شويه تعديلات
بحزف المكون الرد وايين من المكونات red wein
واضافة التوم بدلا عنه .... اسلمة يعني

المكونات
=======
مشروم و يفضل ان يكون طازة
علبة ساوير كريم
بصل
ثوم
شمار اخضر
بقدونس
فلفل و شمار
وملح طبعا

الكميات
==========
يعني ربطة من كل نوع
وصندوق مشرم صغير يكفي لثلاثة اشخاص

التحضيير
========
قطع البصل دقاقة يا شاب ... بالجد دقاقة عشان ما يقيف في حلقك
بعدين و انتا بتشرب في الشوربه .......و قطع المشروم بالعرض الي شرائح
يعني قطع كل مشرومة ال اربعة شرائح.........تمام , اها قطع قليل من البقدونس و الشمار الاخضر علي جنبا كدا و انتظر قليلا ..........اها القطر قرب يقوم

اها هسي وفي حله نضيفة طبع يا جماعة خت شويه ذبدة و حمر عليها البصل و المشروم .......اقتل البصله بس ما تخليها تتحمر ....وبعد داك كب التوم و الشمار الاخضر و البقدونس .....بعد 3 دقائق كب الساوير كرييم و خليهو كدا لمدة 4 دقائق ل 5 دقائق لا اكثر ... عشان الساوير كريم دا من الالبان احسن يقوم يتقطع

انتهت كل العمليه و يفضل تقديمها ساخنة و معاها رغيق محمص و بس

سلام عيون الحرية
لكن ما كنت قايلاك كدا
بختك
بس بينى وبينك انا مافى شئ عاجبنى فى قعدتى براى دى
الا ان ما فى شى بيضطرانى اقطع بصل
فقول لى لو بتنفع من غيرو وانا جاهزة
وكمان ما حكيت ليك الليلة
قاعدة بقرا هنا فى البورد
لقيت البيتزا حرقت
*********
لكن رايك شنو
تعملها انت واجى اشاركك فيها
اصلى بحب الملح

سمااااااا7

بركا اتحرقت ...والله معدتك شكت
من البيتزا الجاهزة دي
طبعا ما بطلتي اكل الكفتيريات
و شرب القهوة بالكيك في كافتريا الجامعة
والله الله يكون في عونك و يجيب ليك اختك بسرعة

طبعا انا هنا عملتها الليله و اتذكرتكم
طبعا و قلتا اباصيها ليكم و خصوصا الي اؤلاءك الكسالي
اتفضلي يا ستي معاي هنا ...هو انا لاقي واحدة تشجعني علي الاكل

غايتو يا عيون الحرية بالغت في البوست
مش لي حق لما قلت عليك انسان مميز هسه تفتكر في حد غيرك - رجال تاني يعني- يقدر يعملها..ويكتب بوست فيه وصفة أكل..وبعدين يا عزابي هي البصلة حمروها وشوها وطلعو عينها حيكتلوها مرتين يعني؟ دي شنو القسوة الغير شكل يا ابن الحلال دي؟ المهم اليوم نجرب شوربة المشروم ونبلغك بالنتائج..يلا ســلام

عيون الحرية
قمت لى اللخبطة والسواطة
ياخوى المشروم ده شنو ذاتو بالاول
اوع تقول لى ود الواطة ولا ود الوردة فى رواية اخرى
غايتو انا اللغاويس دى ما بتنفع معاى
مرة صديق عزمنى فى مطعم فاخر وجاب لى صحن شوربة .. قلبى اكلنى .. قلت ليه يا زول ده شنو؟؟
قال دى شوربة فطر وده اكل السياح المفضل واغلى طبق..
قلت ليه يا زول عشاك ده انا ما دايره اكان عاوز تاكلنى ود الوردة ده..
الوردة بكسر الواو مش بفتحها يعنى مش وردة شقيقة الزهرة ..
والله اظنى بأذن فى مالطة ومافى زول حايعرف ود الوردة ولا ود الواطة..
المهم يازول وصف للعزابة المقطعين ديل كيف يعملوا ليهم شوربة عدس ولا سخينة..
ببتعرف السخينة اول شىء..
انتى يا سماح يا بتاعت البيتزا بتعرفيها؟؟؟
ولا رمانة كمان؟؟
اقعدوا عافية
ويا العزابة اقعدوا بى ادبة
دى العدس الجنن الطلبه
ومن غير زعل طبعا كل الكلام الفوق

وحاتك ياقرشو
انا لمن اقول كدي واقعد ليك في الواطة دي واقول انا داير اكرب لي حلة والله حريم البورد دا كلو مايسونها
وبالمناسبة انا في رمضان تعرف
والله لمن اكرب العصيدة الماغمج البي الزبادي ديك وقول كدي اظبط ملاح الروب ولا التقلية هاجنا ها والله الشباب المعاي تعرف بقولوا شنو والله جنس دا اماتنا مابسونو
وبتلاقى وبتشوف
وبرضو تقول لي بيتزا والمابعرفو شنو داك

المريود
د الكلام يا صاحبى
تعرف انت انا عندى صاحبى بطبخ احسن من زوجته ودائما يقول ليها بالله اطلعى لينا من المطبخ ده وادينا فرصة لانه فعلا ماهر..
وتعرف كمان ان فى العالم كله الطباخين رجال وشوف كل الفضائيات مين الماسك الجو فى عالم الطبيخ..
ما تزعلن يا بناتنا
والله انتن ايدكن طاااااعمه وكفى نفسكن فى الحلويات

heeeeeeeeeey ya shabab
gal qarasho gal
awal 7aja ana alsakheena alba3mala inta law rabba6ok a ta3mal zayaha
lakin na3mal shno bs hna
mafi nafs 3shan alwa7id kaman yijhid nafso o yidkhol alma6bakh
(ba3dean kalam ser ana ma ba7ib albasal)
ya3ni lamma a6ara akhouy biga6i30 lai o ana batim albagi

amma inta ya suna
sajamak o sajam 3aseedtak ma3ai
ana walahi tjareb 3aseedti wala 7atta kisrati
tani akl omak wala maratak zato ma taklo
kaman samo7a li3ib
bs ana ma daera akhaleek tajareb
3shan ma titshabbak feeni kaman

by the way
ana ustazkom bta3 al7ankasha da
zatima basma3 kalamo
ghayto miskeen 3shan ga3ed baraho ho zato

والله ياسماح انتي دايما بتقلبي علي المواجع
انا قاعد اهرب عندكم هنا عشان ما اتزكر
كدي النلم فيها مرتي دي وبعدين انشاء ملاحها يكون محرق ماعندي مانع

وكان لي التلصق والله انا سيدو ماتقولي زول زواق يعني الطبيخ البعجبني والله ستو الله قال بي قولها ماتمشي تغلطي وتعزميني

sajamna wu alkakko hajamna ya suna
ma da alkhaefa mno ana zaaaaaaaaaati
o madam kida bs bakhaleek tasma3 beaho sai
o law daer barasil leak mn shorbat eyes of liberty
as2alni mnaha kanat 1000

سمووووووحة
الكلام ساااااهل يا اختى
والفى البر عوااااام
قال عصيدتى
انتى عارفه العصيدة شنو يعنى؟؟؟
قولى التورتة .. الشنو ما بعرفوا من اكل اللغاويس داك لكن مالك ومال الكسرة والعصيدة..
حليل نسوان الكسرة والعصيدة
انتن بنات السندوتشات
برى من ضواقة اكلكن

والله يا قرشو كان برى من اكلى ما بعرف
نص عمرك ضايع
وانا كان جبت ليك الحلة زى ما طلبت
الله اعلم تقوم من الواطة القلتها دى تانى
يهنى فى الحلة ساى من شكلها حتتكسر
بعدين يا سيدى مالو ما ابقى بتاعة كدا وكدا
يعنى الا ابيض ولا اسود
ودا كلو كوم وقهوتى كوم تانى
والله بس انت احسن ليك اربط كفاحك معاى
وبطل تكتبنى مع المهرجلين
وصدقنى حتكسب

بعديت تعال هنا
كان اصلك بتفهم كلامى الفصاحة بهناك لزوما شنو

سماح
قر قر قر قر
ايوه خليك كده عربية يا ستى
تعجبينى وانتى بتكتبى بالعربى
قلتى لى بتعملى قهوة كمان كاربة؟
اها ورينى بتعملى فيها شنو :
قرنجال ولا جنزبيل ولا كمبه ولا هبهان ولا عرق ولا قرنفل ولا شنو
وبعدها انا بحكم على قهوتك
اصلى كييييييييييف قهوة

والله يا قرشو شكلى حاباريك كدا لما اسقط فى امتحانى بكرة
اما بخصوص كلامك القرنجال والكمبة والعرق ديل ما وقعو لى
لكن الباقى فهمته
بعدين انا قخوتى ما محتاجة دا كلو يكفى انو انا العاملاها
بعدين انت ما عليك الا تجرب وتحكم
لكن انا خايفاك تغازل قهوتى وتقول ليها

فاذا وقفت امام حسنك صامتا
فالصمت فى حرم الجمال كمال

ولا جمال ما متاكدة

سماح
اهاااااااااا
جينا للكلام
يعنى انتى حاتدخلى ايدك فى القهوة ولا شنويعنى ...؟
عموما كونه يكون عندك استعداد لعمل الجبنة ده براه يحسب ليك..
لكن برضو انا بسألك انتى بتعمليها بالتنكة ولا بالشرقرق؟؟؟
وبتستعملى شنو للتصفية .. الليفة ولا حبل النايلون...؟
قلتى لى يعنى بكره عندك امتحان.. اكان كدى املى السيرموس قهوة ويلا هاااااك يا مذاكرة والله معاك واوعك تسوينى السبب كمان
اصلى الليلة ساكيك ساكيك لامن تطلعى من الشبكة ..
بعدين شنو الكلام ده يعنى؟؟؟

يعمى نويت تسقطنى
اها طيب
انا بستعمل الشرقرق
بس ما عارفة انت قاصد شنو بالليفة وحبل النايلون
لكن لو بتعرف الحاجة الخشنة ديك البختوها فى الطرف
ياها دى زاااااااااااتا البستعملها انا
اها قول لى شفتة ولا لا

سماااح
لا كده فعلا انتى شفتة ومقرمة وبت حبوبتك
الحاجة الخسنة دى ياها الليفة ذاتها يا بتى ودى بجيبوها من شجر الدوم ..
لا اكان كدى ملاحك حايكون كارب ويلا رسلى لينا منه كمشة نشوف طعمه كيف بقى..
خلاص اعترفت ليك
ويلا على كده الحقى المذاكرة
ولكن اكيد بعد الامتحانات بلقاك واشوف باقى المواهب كيف

وااااااااااو
اخيرا اعترفت بى
خلاص كان كدا يادوووووووب مزاج القراية يجى
يلا سلام واكيد نتلاقى باذن الله
اما العزومة المفروض بعد الشهادة دى تجى تشرفنى هنا
واعزم اصحابك كمان

سلام

و الله ياود ليبرتي ماك هين تب.. أريتك يا يابا راجل بتي
أصلي نادرة و قاسمة بتي ما تدخل ليها مطبخ و لا تسوط ليها حلة لي راجل
و بعد ده الصف حدو زقلونا ...و الطلبات بنينا ليها مخزن

باقي الشبيبة الحلوين
العزابة و المعذبين
سلاماتكم

الاخت رومانه
سلام وشرفتي يا استاذة
و انشاء تكون استفدت من الوصفة
بس تشيت اقول ليك ختيها قي نار هاديه

الاخوان قرشو و سونا
يا عزابة يا وهم عدس شنو
و سخينة شنو , دا حاجات ما ليها
فوائد غذائية , انتوا ما قريتوا
الكتبو الاخ كووول داون ولا شنو؟

الاخت سماااااااااا7
انتي يا فصيحة اللسان
تقولي علي حنكوش و تقطعي
فوقي مع سونا وقرشو؟؟
وكمان عملتوا البوست
دار ملاكمة؟؟

الاخت السارا
انتي الفاهمة و الله
و انا من هسي واقف في الصف
لي بنتك دي, و المطبخ انا وهي
ندخلوا بالتساوي....يوم ليها و يوم علي
يلا ادينا كدا توصياتك و واسطاتك

mmmmm
eyessssssssssssssssss
iam hungryyyyyyyyyyyyyyyyyyyyyyyyyyyyyy 1000 kida
ahhahaaaaaaaaaaaa
lova yaaaaaaaaaaaaaaaaaaa

هي لكن ما قلت لينا الساوير كريم دا بدوني لي في الاجزخانه من دون رشته
ههههههههههههههههههههه يكه

والله يا عيون الحرية
خطر عديل كدا.
دا من راسك ولا من كراسك
انا غايتو الفول دا ما بطرا
وبالمناسبة اخونا الخواض دا خطر عديل في تظبيط الفول والله الليلة عمل لينا فولاية حاجة رهيبة جدا
انا غايتو تخصصي قهاوي ساي
ولو مرة مزاجي اتعدل شوية بعمل احسن بيتزا في العالم يعني سلفاتوري برونتو الايطالي زاتو مابيعمل زيها اها قلتا شنو
قرشو بيني وبينك بوش العدس دا مافي احسن منو خاصة هنا لما يكون الجو ممطر
نقلب ليك بوش بتاع عدس مسخن ونكب فيهو نص رطل زيت نباتي والديكور بالبيض المسلوق
الله الله
جوعتوني كدي النقوم اعمل لي سندويتش جبنة
عيون الحرية وطبق اليوم شنو؟

فرانكلي ما كريمه منك الفول براهو

يا الخواض لو كلمناهم بالباقي والله الا تفتح غرفتك مطعم
وبعدين انا اطلع بي قد القفة
))))

قلنا امكن لو قلتا الباقي يشفع لينا عند الدكتوره وطلبنا ما يدخل المخزن مع باقي الطلبات
ولا شنو يا دكتوره

سلام
كيفك يا عيون الحرية
الليلة مفروض اقول ليك عيون المها عديل بعد الجات منى
لكن والله ما منى من العلى
ناس قرشو و سونا ديل البعملوها فينى خليها سااااااااى
بعدين هنا يا شباب مافى كلام ساى
كل واحد يجيب حاجته ويجى ونحن نحكم
دا قرار الالفة
يعنى يا فرانكلى حضر القهوة
ويا خواض الله كريم مدام دا البتعرف ليه مجبورين نعمل شنو

سماح انا قهوة قرشو دي ما بعرفها لكن قهوة الخواجات الالمان ديل تخصص رسمي
بلا ليفة بلا دوم
)))

وانا البعرفو من الطبيخ بفتح مطعم
.
.
والمشروبات ما محسوبه
.
كفايه كدا ولا لسه

يا سلام يا فرانكلى
دا المزاج بس قرشو ما يسمعنى
خصوصا انا عندى معاه معاهدة
اها نحن نستعدين بس انا
white coffee plz

يا عمر يا رجب
يا فنان المرة الجاية
تعال معزوم عندي صينية
ماكرونة بالبشميل مضاف ليها
كروم و بسلة خضراء

حبيب الكل
الساوير كريم بالسوداني
ذي الزبادي قبل ما يتخمر
بتلقهو جنب الزبادي
واكياس اللبن

فرانكلي و الخواض
الفول الالماني ما كويس
للصحة و انتوا عارفين
الفول و العدس ديل
وجبة الحصين الاولي في امريكا!!

انتوا عارفين فكرة طبق اليوم اساسا شنو؟ اساسا يا جماعة هو
الاعتماد علي النفس في المطبخ لرفع روح المنافسة بيننا و بين زوجة المستقبل
يعني نحرجا في عقر دار و ما نديها فرصة تتطلع لينا في الراس و تلخبط العجين ساي
0000 و تهدر موارد الاسرة المادية ......نزاحما في اي مجال, و نقفل عليها باب التحرر و مناقرة الرجل , علي اساس افهم عدوك تهزمو.

اها يا جماعة طبق اليوم عدلتوا كنت ناوي اعمل ليكم صينية
كنافة بالقشطة و محلي بماء الفراولة البريه ,و تقدم في اطباق مزركشة بالروز الرومانسي و كدا, لكن خايف ناس العوض
ديل يقولوا علي حنكوش و خرجت من الملة الملاحاتيه و كدا
لذلك عدلت طبق اليوم ليناسب ناس العوض و معليش لناس تامر , اوعدكم الطبق الجاي يكون من نصيبكم و يناسب ذوكم يا حلويين

طبق اليوم

دمعة لحمة بالانجيرا
===============
و الله خايف الطبق دا يفتح علي جبهات
لكن ما تمشوا لبعيد و خليكم في المكتوب
و ارجوا من سميري ان لا يقراء هذا الطبق
حتي لا يتأبط بي شرا و يفسد ود وحميمية
لقاء الخميس

المكونات
=======
ربع كيلو لحمة فخذ عجالي
3 قروون شطة خضراء حارة
بصلتين
ثوم
و جنزبيل طازة
صلصة
طماطمتين بتاعة ملاح ما سلطة
بهارات , شطة حمراء , فلفل, و شويه شمار
شويه جبنه بيضاء

التحضير
======
قبل كل شئ
نظف الجنزبيل و بلو في مويه لمدة عشرة دقائق
و بعداك اخلطو دراشة بالخلاطة

قطع اللحمة الي قطع صغيرة بحجم فم تماهين
يعني ما قدر خشمك , ثم اسلق اللحمة
بعدها اقتل البصلة في حلة فيها شوية زيت
ثم اضف عليها الشطة الخضراء و الجنزبيل
اها بعد دا ضيف الطماطمة المهروسة من قبل
ثم الصلصة و تأكد من انو الصلصة استوت
قبل اضافة اللحمة عليها
اترك الحلة لمدة ربع ساعة علي نار هادية
حتي تسبك

طبعا الانجيرا يحبز شرؤها جاهزة
و يمكن الحصول عليها من اي مطعم
اثيوبي بالقرب منك

طريقة التقديم تكون علي صحن ذو قطر كبير
تضع الانجيرا عليه في الاول و بعداك سقيها
بالزقني و علي جانبها جبنه بيضاء
يفضل تقديمها سخنة

اها انا الليله حادخلك امتحان
اول حاجه دمعتك دي لي الانجيرا ناقصه
.
.
.
ولو عرفت الناقص براك
ياكا جد جد طباخ

الخواض سلام

ما تقول لي ناقصة بيض مسلوق ...مش

يا عيو ن الحرية
اقول ليك شنو يعني خلاص وقعت لي في جرح والله انا بموت في الانجيرابس ما بالجبنة بالبيض المسلوق
وانا عندي صاحبي اريتري كل ما اشتهي لي انجيرا اتصل بيهو واقول ليهو جهزو القهوة انا جاييكم بعد ساعتين كدا
اها تقوم مرتو تعمل لي الانجيرا يعني ملعوبة تمام عشان كدا ما فكرت يوم اعملها براي لكن ممكن بعد دا الواحد يجرب براهو لاني لو قلت ليهم ادوني الوصفة خايف تاني ما يعملوها لي

عشره علي عشره
عرفتها براك
وبتكون احلي طبعا بي الجداد
وفرانكلي دا اصلو ثعلب بموت في الجداد..هنشين ..موت

عيون الحرية
ياخوى نحن ما خلصنا من الاول جايب لينا كمان كنافة بالقشطة والفراولة؟؟؟
..
عموما دمعتك دى ياخوى ياها "الزقنى" بتاع الحبش وما تنسى من المكونات وزى بودرة الزغنى وهذه تأتى من اثيوبيا وهى سر النكهة والخلطة ..وزى ما قال الخواض هى بتكون بالجداد مش الدجاج وده اهم شىء مش لحم عجل ..
عجب ناس المانيا كمان بياكلوا انجيرا ؟؟؟
سماح اصبرى لى بس
كملى امتحاناتك وتعالى
يعنى انتى بتاعت تركيش كوفى
انا ما عارف الفيك من الاول
فرانكلى
والله يا معلم الكلام عندك
انتو البتخربوا لينا البنيات
خلاص يقفلن على انكم معلمين ويبطلن يتعلمن اى حاجة
والواحدة تجيك وعينها على المأكولات السريعة
لكن شوف قهوتك دى الا الواحد يشربها براه بس لكن جبنتنا يا سيدى تعجبك اللمة فيها والنقة والشمارات وحاتك 3 ساعات ما تقوم من فجتك دى .. مش زى بتاعتكم حقت الفسالة دى يجيبوها ليك فى فنجان صغييييييير شفطتين تلقى الحرترب فى اخره..
الخواض
بالله حدك الفول بس
افو .. افو
اتاريه وانا اقول شفتك وين شفتك وين شفتك وين
وانت كنت هناك فى موقع السودانيين بتاع امريكا تكسر فى الفول..

يا قرشو
ما عجبك الطبق دا و لا شنو ياالفة؟
غايتو مجبورين نصاحبك يا الفة
و ما بنقدر نخاصمك

بس اسمها القشدة و ليس القشطة
علي حسب ما اورده الحناكيش
فالقشدة خفيف علي اللسان
اما القشطة بتاعتك فمصدرا الحلقوم شينا جدا

salaaaaaaaaaam
aha ya jama3a mosh itakkadto ino alwad da 7ankosh sai

ya qarasho ana agdar yakh
da bs 7anak sai liljama3a deil yakh
by the way my exam is in 15 mins
lakin golta lazim arod 3alek
fi aktar mn kida

بالتوفيق يا سماح ان شاء الله
وبعدين تعالي فرحينا

شكرا فرانكلى
الله يخليك
على فكرة خوفتنى امبارح
عشان كدا بكتب بطريقتك الليلة
والله الكلام دا براه ينجح
يلا سلام

يا سماح ربنا يوفقك انشاء الله
وتعالي بعدين بجاي معزومة عندي
انجيرا بالدمعة

حنكوش انا يا حنكوشة
انا الشفت زاتو..الشافو خلو
امبارح ياربي الكان بيسأل
عن معني الانجيرا منو يا ربي؟؟
ممكن تقولي لينا يا سموحة

يا سماح ربنا يوفقك انشاء الله
وتعالي بعدين بجاي معزومة عندي
انجيرا بالدمعة

حنكوش انا يا حنكوشة
انا الشفت زاتو..الشافو خلو
امبارح ياربي الكان بيسأل
عن معني الانجيرا منو يا ربي؟؟
ممكن تقولي لينا يا سموحة

ya salam ya bakht al bitad3o leaho
shofto khallasta badri keif
kan 1000 walahi
thaaanx kateer

eyes of liberty
ya rabi ykoon mno da
ghayto akeed zol ma be3ref sajam ramado
ana ghayto a3mala leak kaman
mosh bs a3ref ismaha
ghayto law lammeat feeho
jeebo lai adeeho some courses
winta 3arifni 7'a6eera 6ab3n

سمااااااااااا7
مبروك و الف حمد الله علي السلامة
يبدو كد حيكون نجاح و بأمتياز انشاء الله

يا سمااااا7
عرفنا تصدير البامية الناشفة
و اللحمة المجففة لملاح التقليه
و البهارات و البصل المجفف
بس في حاجة كدا ما فاهمها
هو انو في ناس بيجيهم
بفتيك مجفف و جاهز للطهي
من السودان ...دا اصلوا
ما سمعنا بيهو!!!

فرانكلي
و الخواض
سونا
وقرشو

ما تساهموا كدا بطيق
انشاء حلة عدس
ولا سخينة بالفول المدمس

bs law yidoona ma3ahom
ummm...........
ykoono mashkooreen

طبق اليوم
==========
العزابة و العزابيات
تحياتي و اشواقي العزابية
انتقل بكم الي شرق افريقيا
الي اخواننا العزابة الكينيين

طبق اليوم هو, سلطة الافوكادو
===========================
وجبة خفيفة سريعة و لذيذة, وتحتوي علي اغلب
العناصر الغذائية مجتمعة و الموجودة
في باقي الخضروات و يمكن ان تقدم كوجبة
رئيسية او مقدمة للوجبة مع شوربة المشروم
التي تطرقنا اليها من قبل في اعلي البوست

اصل الوجبة , من دولة كينيا الافريقية
وتعتبر مثل الفول عندنا في السودان
اشتهر بها اهل ممبسا و الساحل الكيني

المكونات
========
قطعتين افوكادو
بصل اخضر
قطعة طماطم
ملعقة كبيرة زبادي
شوية بقدونس وشمار اخضر
بهارات

طريقة التحضير
============
اقطع الافوكادو الي نصفين بسكين
ومستخدما الملعقة، افرغ لب
الافوكادو في صحن غريق ,
ثم اهرس لب الافوكادو
حتي يصبح كالهريس او الفول المدمس
ثم اخلطه بالزبادي و اعجنه جيد
ثم قطع عليهو البصل الاخضر و الطماطم
و البقدونس و الشمار الاخضر
و اضف عليه البهار , علي حسب ذوقك

Dears
I really enjoyed your posts especially I am wahid azabi myself.
I learnt the hard way to cook but since then I enjoyed every minute I spent in the kitchen.
My memories of the old days are many but several occasions were more embarrassing than others. These include using charcoal (faham) to reduce an over dose of salt in a "hala" during a picnic, burning rice, and believe it or not burning "foul". These were the old bad days but now akhoukom is an expert (my ego) who still hope to learn ne things.
So guys and ladies can you give us more recipes for "nawashif" and "salatat" that do not force you to spend the whole day in the kitchen as university teaching does not allow much time for traditional Sudanese cooking.
Also I am interested to understand the logic behind the Sudanese saying of "almulah wash" that is nothing -in my opinion- more than a twisted justification for living on fat.
I am a failure at using Arabic keyboard so my appologies for those with allergy to other languages
Regards
Zaki

wallhii ya eyessssssssss
you are so wonderful
iam writing this recept now
mmmmmmm i gona cook it now hahah

عيون الحرية
ياخوى انت بتجيب الاسماء دى من وين..
ده شنو كمان الافوكادو ده
قريبة من كلمة افوكاتو غايتو
المهم يا سيدى انت طلعت فعلا شفت والله لكن لا تخلو من حنكشة برضك
ولكن من خلال كلامك راجل سيد بيت تمام
العن ابوكى غربة
سمووووحة
اها النتيجة ظهرت ولا لسع
انا منتظر البارتى بتاعك
وتجينا بالك رايق وتقولى لينا بقى ما عندك
العزابة فاتحين خشومهم للوصفات اللهى
تموتو كمد يا العزابة

DEAR ZAKI
كيف حالك اخوي
و الله تشرفنا بحضوركم لطعم العزابة
و الله نحن كذلك , تاريخنا مع المطبخ مليئ بالنوادر
و الحكاوي العجيبة لا يسعها هذا البوست وحده
عشان كدا احسن استرا

الاخ عمر رجب الفنان
ويين يا ذووووق يا حبيب الكل
طيب الخاطر و معسل الكلام

الاخ قرشو الالفة
اخيرا نطقت خيرا و اعترفت بي
لكن الحنكشة ما غشتني ابدا , فقد
سهيت في دي يا منقا
عليك الله في حنكوش بيخش المطبخ؟؟
الدادة كعادة تعمل في شنو ؟؟
اسأل سماح وهس توريك

مشروب اليوم
===========
مشروب معروف للكل و لذيذ جدا
خصوصا في ظهر يوم الاحد الممل
فيا عزابي , تخيل معي , زوجتك
المستقبلية , متكأ علي كنبة
الصالون الوثيرة , وهي تشاهد
برنامجها النسائ المفضل , بينما انت
في التكل , تستعد لمفاجأتها بمشروب
يرد لها نفسها الشاردة بالتفكير
كيف ستنفق مرتب هذا الشهر,
فننصحك هنا بتقديم مشروب الافوكادو
بالموز ليشل من تفكيرها الغير مجدي
فهلا نتفضل معا بتركيب المشروب السحري هذا

مشروب الافوكادو بالموز
=======================
المكونات

قطعة افوكادو
قطعتين موز مستوي
ملعقة كبيرة عسل نحل صافي
لترا من الحليب المخفف الدسامة
ملعقة ايسكريم بروح الفانيلا
طريقة التحضير
=============
سهلة و بسيطة جدا
اخلط كل من الموز و الافوكادو
بأضافة الحليب و العسلو الايسكريم
لمدة دقيقتين تقريبا , ثم اضف علي سطحه
قليل من الكريمة الجاهزة لتضفي عليه
نكهة و شكلا جزابا , يفضل
ان يقدم في كوب رفيع من الزجاج
معا ملعقة طويلة فهو سيكون غليظ التكوين
لا يمكن شربه بسهولة كباقي العصائر

هنيالكم

سلام شباب

عيون الحرية
شكرا عاد جربتها وطلعت خطيرة
بس العصير انا اخطر منك فيه
لوووووووول

قرشو
عملت لك حلة يغنى عليها سرووووووور
لول يجى مخصوص
اها الامتحان وخلص
بس مست######## تجى تجرب وتدينى رايك

سلام زكى وعمر رجب
بس يا زكى ادينا من عندك كمان
والملاح وش دى ما سمعت بيها انا
لكن ممكن كدا

اها الليلة سورى تعبانة لكن استعدو لوصفتى بكرة ان شاء الله
معاكم سلام
سموحة

سلام زكى وعمر رجب
بس يا زكى ادينا من عندك كمان
والملاح وش دى ما سمعت بيها انا
لكن ممكن كدا

Shoia Shoia ya Samah
I want to see your recipes before embarrassing myself. Nashoof hatafooti alazaba wala la!
Regardins "alwash", it is that oily liquid resulting from animal fat, oil and tomato puree that covers most Sudanese dishes.
Enjoy your weekend.
Zaki

كيف حالك اخوي
و الله تشرفنا بحضوركم لطعم العزابة
و الله نحن كذلك , تاريخنا مع المطبخ مليئ بالنوادر
و الحكاوي العجيبة لا يسعها هذا البوست وحده
عشان كدا احسن استرا

Dear Eyes of Liberty
Thanks for your nice words.
At least we are prepared to admit our mishaps but who will convince our counterparts to tell us about theirs. Let us have some of these mishaps as I am sure we will have real fun.
Regards
Zaki

اتفضلوا يا عزابة
عما قريب سأعود بطبخات جديده
سريعه و خفيفه علي المعده
و الحناكيش يمتنعون..لان الطبق القادم
حايكون بالشطه الحبشية قبانيت

ومن يرغب بنشر طبق هنا , يتفضل بدون استأذان

الغالى عيون الحرية
يا سلام ياخى
بالله الذكرك البوست الجميل ده شنو
والله الواحد عاوده الحنين بشده وكأنه تم منه سنين مع انه ما اكثر من شهرين تقريبا لكن بقى ذكرى حلوة وجميل انك صحيت الذكرى ..

زمان غنى ابراهيم عوض اغنية
الذكرى الجميلة لو تعرف معناها

اها يا مناى جدد الاكلات وان شاء الله تكون جيتنا بى اكلة ظريفة ولذيذة وانت عارف موسم الصيف قادم ومطلوب اكلات بالملاح الفرك وثانى ما ترجع لى لى لغاويسك القديمة ديك ..
قول ملاح سلج ولا تمليكة ولا ام تكشو ولا ام شعيفة ولا حاجة كده نعرفها وتنفع فى ايام الصيف الحارة

تعرف يا عيون الحرية عندنا اخونا يا داب ضاق سكن العزوبية وساكن الله ورقبته واكيد حتاج يعرف يطبخ عشان يخلى اكل السندوتشات ده .
هاااااااى يكة

مع تحياتى اخى وكل ودى ...

اخوي قرشو
تحياتي و احترامي

حبيت ارجع الماضي , ولحسن الحظ ان ذلك ممكن جدا

وبعدين انا ما قلتا ليك البوست دا بتاع حناكيش
يعني ملاحات و لقاويظ المطبخ السوداني ما حتلقي ليها
محل هنا ..يعني بس ناس بفتيك و سكلوب باني و كوفته محشية
بخلطة الارز البري وورق التوت الاخضر البنوتي و بابا قنوج
واشياء مثل هذا القبيل...وانا شخصيا معدتي لا تستحمل
الكسرة بالبامية المفروكة ولا القراصة بالدمعة

بلغ صاحبك عن هذا البوست فلعله يحجد بدايات
عشق المطبخ هنا..و انا اذكر اول مرة حاولت اطبخ فيها
بطاطس ..فشلت فشل تام و ضحكتا ناس البيت عن بكرة ابيهم
اخوك فرك البطاطس ...طلع ليك عجين بلون احمر يتاكل بالمعالق
ومن الزمن داك قسمت ان لا اطبخ شئ اسمو طبيخ سوداني ..وحرم ما
اخلي عقيلتي بتعلم جنس الطبيخ دا


تحياتي و احترامي مرة تانية يا اخ قرشو

اخوتي لكم التحية جميعا.. البوست حقيقي أكثر من رائع..وواضح يا عيون الحرية انو عندك حس مطبخي عالي, وانا دائما اقول ان الرجال لو تعلموا دخول المطبخ احسن منهم ماهم مافي بس اللي بيقنع لي زوجي منو .. غايتو كثر خيره اتعلم عمل الفول والبيض وفي رمضان الفات اضطر يتعلم العصيدة .وكلو كوم وحكاية القهوة كوم اصلو كان خالص مابيشربها قعدت اسقيه ليك معاي كل يوم لغاية ما بقي ما قادر يخليها , دلوقت وحياتكم بقي خبير دولي في كل انواع القهوة.. بس بيقول الله يجازي اللي كان السبب جزاء حسنا .. ما طبعا ما بيقدر يدعي علي

Salam Eye of Liberty
What a nice surprise. Nihna lisa muntazereen alhalat!

Salam bitalneel
Matgasri umer alrajil bi algahwa wa alasida

Regards

يا ولدنا عيون الحرية
والله لما لقيت عنوان البوست فرحت جدا
قلت اخوك خلاص لقي ليهو اكلة جديدة يقوم
يقشر بيها قدام الشباب
طبعا اخوك عذابي
وفي المطبخ ولا الشيف رمزي بتاع تلفزيون المستقبل
المهم لقيت ليك القصة مشروم وما مشروم
قلت يا معلم ده الكلام الأعوج زاته
نحنا ما بينفع معانا جنس ده

اما اكلة الزغيني بصراحة
ما بريدها نهاااااااااائي
بالذات لو اتعملت في قهوة او مطعم بتاع حبش لاني الناس ديل ما
بحبهم ليه ما عارف
المهم يا ولدنا لو
عندك لينا اكلة كده سودانية خالصة
قولها لينا خلى اخوك يقشر صاااااااااح


ـــــ
أسير الغرام يا قلبي ظلموك الحبابيب سقوك الآلام يا قلبي

Dears
Let us encourage Eyes of Liberty to come up with more nice dishes so I am adding this. It is a different way to make "dhala'a". I noticed that the recipes available on the net either talk about boiling then frying or frying. This one just uses the oven so no added fat or water.

Ingredients:
A sheep leg or shoulder
Three big onions
Spices: Cumin, corriander, pepper, salt, garlic powder, (Optional: ginger powder and/or mint). Quantities depend on your preference.
And you need an oven and an oven roasting tray.

Procedure:
1. Wash the meet under running water to clean the piece.
2. Mix the spices together
3. Make cuts on the meat piece using a sharp knife
4. Turn the oven on and set the temperature to 220C
5. Spread the spices mix onto the meat making sure some of the spices get into the cuts.
6. Cut the onions into slides and spread two thirds of them on the base of the oven roasting tray
7. Place the meat piece on the onion.
8. Spread the rest of the onion on top of the meat.
9. Cover the tray with foil.
9. Place the tray into the preheated oven
Cooking time:
This depends on your taste:
a) If you want it fully cooked then leave it there for a minimum of 2 hrs (2 and 1/2 is my way)
b) If you prefer it raw then 90 minutes may do you but I strongly advise you against this for health reasons.
Serving suggestions:
You may slam the whole thing onto a plate but consider the following:
Spread lettuce (or Rocket = Jirgeer) on your serving plate. Place the meat on top then surround it with roast (or boiled) potato, boiled carrots, and/or any other vegetables of your choice. Colours make the dish enticing.
Regards
Zaki

الاخت المحترمة بنت النيل

و الله شرفت مطعم و مطبخ العزابة
ونشكرك علي كلماتك التشجيعية..
ونحي مؤزرتك لزوجك لاقتحام مناطقكم المطبخية
ونقول العافية درجات انشاء الله شوية شوية
ويكون شيف كبير في المطبخ...نرجوك ان تنشري للعزابة
اكلات خفيفة سريعة , تغنيهم عن الجنك فوود
.... ومن ارتياد ماكدونالد و امثاله

الاخ اسير الغرام
يا هلا بيك في المطعم يا فردا

يا اخي لازم تكون عزابي انتيرناشونال
يعني مطلوب تجربة كل اكلات الشعوب الاخري
وما تنغلق علي نفسك كعزابي لانها دي الفرصة
الوحيدة قبل الزواج , ان تجرب اكلات مختلفة
فما معروف فشريكة المستقبل , قد تهريك بالطبيخ
السوداني و تقتل فيك الانتيرناشونالية المطبخية

وبالنسبة للاكلات الاثيوبية , والله حاجة مبالغة
وخصوصا تلك الدمعة ذات الشطة الحارة مع كسرة
الانجيرا الغنية بالكاربوهيدرت
...فالنتعلم حبهم فهم يحبونا لدرجة الموت دوننا
فمهم مننا و فينا.

يا عزابة العالم المتضهدة .. اتحدوا

الاخ زاكي
تحياتي العزابية و ارجو من الله ان تكون بعافية

و الله طلعت رهيب و شيف كبير جدا
تشكر علي هذا الطبق اللحومي ..ايو كدا الكلام
لحوميات و ادراك ما لحوميات

صديقي اشتري سيارة الاسبوع الماضي و نحن نحاول اقناعه
ان عمل كرامة و كدا و اقترحنا عليه ان يشتري
كراع خروف و يحشرها في الفرن...طبعا صاحبك سيقوم بمشروع التحمير
و التجهيز ووصفتك دي سأقوم بتجربتها و ابتكار الجديد

واصل يا صديقي و لك التحية فالبوست فعلا
فكرته تبادل الخبرات المطبخية حتي نكون
فعلا ازواج بمعني الكلمة في المستقبل انشاء الله
ورفع العناء عن سيداتنا و تفريغهم لحياة اخري

WOWOWOWOW
look whose here

salaaaam o moshtageeeeen ya nas
lakin ma wareatna aljadeed shno ya wad liberty
lamma afda badeekom akla (indian)
woooooooow ummmmm

abga 6ol

يا عيون الحرية تحياتي
ويمكن فعلا أن نقوم بجعل هذا البوست كمرجع لكل من يريد البحث عن وصفة أو طريقة عمل وجبة غذائية .. اي بمعني ان كل من لديه وصفة بيري انها تستاهل أن يقوم بنشرها علي الجميع حتي تعم الفائدة علي الجميع وخصوصا اخوتنا العزابة

الاخت المحترمة بنت النيل

ارجو ان يكون البوست مجال تبادل صحن وجبة
للجميع و نحتاج من السيدات و الانسات ان يمدوا العزابة
بالجديد و المستخبي من فن الطبيخ ..زبس ارجوكم ابعدا من اللقاويس

طبق اليوم يا شباب

الحناكيش يمتنعون...

ملوخية

المكونات
=======
ورق الملوخية الخضراء
قطعتين بصل
ثوم
لحمة فخد
او فراخ
بهارات , كسبرة , فلفل وشمار

طريقة الطبخ
===========
تحمر البصلة جيدا بس اوعي تحرقا
ثم تضاف اليها اللحمة او الفراخ
وتترك لتستوي قليلا ..ثم يصب عليها
قليل من الماء البارد و ينتظر حتي
يغلي , ثم تضاف اليها الملوخية و تترك
لمدة من الزمن حتي تستوي , ثم يضاف اليها
القليل من الصلصة و البهارات حسب
الزوق و تترك علي نار هادية لمدة ساعة

عملية القدحة
============

يقطع التوم دقاقة و يحمر علي قليل من الزيت
حتي يحتمر ثم يكب كبا علي حلة الملوخية و تغطي
لمدة عشرة دقائق لكي يسري رحيق القدحة في جوانح الحلة


يفضل اكلها مع الرز او الكسرة ان توفرت او الانجيرا

وما تنسي يا عزابي صحن السلطة
بالجنبة فهو يعطي الصفرة شئ من التنويع

ملحوظة
======
تضاربت الاراء حول الصلصلة و الملوخية
حيث اصرت بعض النسوة الذين تمت استشارتهم
في عملية تحضير الملوخية بعدم جواز الصلصة
بينما اجاز بعضهم الصلصة و هذا هو الراي المرجح
استنادا علي راي ام احمد فهي يشهد لها بالخبرة
في مجال طبخة الملوخية

يا عيون الحرية سلام
يا خوي ملوخية شنو الساعة واحده ونص صباحآ؟ قلبت بطني
مبروك البيت الجديد ، عقبال ما تجيب ليه مره، قول آمين

آمييين يا نوبا

لكن كيف عرفت بيتي الجديد؟؟؟
هل انت مقيم معنا هنا ؟؟
افيدنا يا نوبا

ياراجل
تكون نسيت منو الدلاك علي البورد ده؟ كنت مفتكرك عارف

و الله يا نوبا تقول عرفتك

فعلا في واحد اخبرني بهذا البورد
كنت يومها معزوم عنده لافطار رمضان
تكون دا انتي يا ربي ؟؟ ود عبري ؟؟

اولا السلام عليكم ورحمة الله

والله يا شباب انا لي فترة متابعاكم على البورد وكل ما اقول اشارك ولو بتعليق احس اني زي الداخلة في النص بين افراد اسرة واتراجع، ارجو انكم تضموني لاسرتكم
والحقيقة المرة دي الموضوع استفزاني جدا ما قدرت اتحمل
مع احترامي الكامل لغربتكم يا شباب لكن كمان احترموا شعورنا نحن اللا بنعرف المشروم ولا الساوير كريم نحن القابضين على جمر القضية (زي ما كانوا اخوانا بتاعين السياسة بقولوا في الجامعة)وقاعدين حارسين ليكم البلد بالبوش والسخينة وملاح الويكة.

سلام و الف مرحب بيك يا ابو الزيز

كيف الكلام دا ؟؟
و الله نحن نتشرف بوجودك معنا

وما يستفزك الساور كريم و المشروم
دي حركات ورد ساي النسي قديمو تاه يا زول
ومطبخنا دا عامر بكل الالوان من الاكلات
الفرنسي و الحبشي و الالماني و الايطالي
واخيرا السوداني ..ولكن لصعوبة وجود عناصره
اكثرنا من الافرنجي لحدي ما نرجع للبلد و نستلم الحراسة منكم
ونشد حلة السخينه و البوش بمويه الجبنه و
رشة زيت السمسم
مرحب بيك مرة تانية يا ابو الزيز
يا عزابة العالم المتضهدة ..اتحدوا

اشكرك على الترحيب يا عيون الحرية
اولا احب اصحح : ابو الزيز ده زولة كان المفروض تكون ام الزيز لكن متطلبات المرحلة والوضع الراهن والخ....خلاها ابو الزيز وممكن تستمر تخاطبني بصيغة المذكر انا ما عندي مشكلة بس حبيت اصحح المعلومة.
بعدين انا متأكدة ان السودانيين مهما الغربة طالت بيهم ما ممكن تتشوه ملامحهم المميزة وسمعت كثير عن بحث المغتربين المضني عن كل ما هو سوداني في الخارج، الموضوع كله كان حقد طبقي ما اكثر محرومين بقى اعذرونا
واتمنى ان ترد غربتكم على الاقل عشان حريتنا العميانة دي تفتح

الحبيب عيون الحرية و كل الاخوان و الاخوات
يا اخى عندك فكرة الزغنى بعملوها كيف؟

اخونا بكري ابو بكر

ادخل لي جوا يا زعيم
الظاهر حا نغير اليافطة و نزيل التخصيص
من العزابة ليشمل المتزوجين كمان

شكرا للاغنية و الله دا الكان ناقص المطعم
شوية موسيقي للزبائن

هاك الوصفة و التي سبق نشرها بهذا البوست و لكن لا مانع
من اعادتها حتي يقراءها الرواد الجدد

زقني بالانجيرا
===============
و الله خايف الطبق دا يفتح علي جبهات
لكن ما تمشوا لبعيد و خليكم في المكتوب
و ارجوا من سميري ان لا يقراء هذا الطبق
حتي لا يتأبط بي شرا و يفسد ود وحميمية
لقاء الخميس

المكونات
=======
نصف كيلو لحمة فخذ عجالي
او ارجل فراخ و انا شخصيا احبز اللحمة
3 قروون شطة خضراء حارة
بصلتين
ثوم
و جنزبيل طازة
صلصة
طماطمتين بتاعة ملاح ما سلطة
بهارات , شطة حمراء , فلفل, و شويه شمار
شويه جبنه بيضاء
بيض مسلوق لغمله مع الدمعة بعد نضجها
ويقال هناك مادة او بهار اثيوبي
خصيص للزقني دا ما عندنا بيهو خبر
استشير الاخوة من اثيوبيا في هذا الشأن يكون افضل
التحضير
======
قبل كل شئ
نظف الجنزبيل و بلو في مويه لمدة عشرة دقائق
و بعداك اخلطو دراشة بالخلاطة

قطع اللحمة الي قطع صغيرة بحجم فم تماهين
يعني ما قدر خشمك يا عزابي, ثم اسلق اللحمة
بعدها اقتل البصلة في حلة فيها شوية زيت
ثم اضف عليها الشطة الخضراء و الجنزبيل
اها بعد دا ضيف الطماطمة المهروسة من قبل
ثم الصلصة و تأكد من انو الصلصة استوت
قبل اضافة اللحمة عليها
اترك الحلة لمدة ربع ساعة علي نار هادية
حتي تسبك

طبعا الانجيرا يحبز شرؤها جاهزة
و يمكن الحصول عليها من اي مطعم
اثيوبي بالقرب منك

طريقة التقديم تكون علي صحن ذو قطر كبير
تضع الانجيرا عليه في الاول و بعداك سقيها
بالزقني و علي جانبها جبنه بيضاء
يفضل تقديمها سخنة

شكرا ليك يا عيون الحرية و يا الزقنى جاك زول الويك اند ده

بالهنا و الشفا انشاء الله يااخ بكري

با شباب و شابات

ارجوكم الترحيب بضيفة المطعم الجديدةو المحترمة ابو الزيز

looool @wad liberty
malo aklak kolo without (salt) or even (maggi)
i think u have to change al name
lakin mn al 3azzaba lil babies
loooooooooooooooool

listen al mulokheya shaklaha 1000
i wanna make it
bs tell me mili7 gadr shno ya walady
ba3dean ana badum 9oti lilnas algali bil9al9a

aw3a tzoog o tgool lai 7asab ma daeraho inti
3shan 3arfak niseeto
alleala ma3zoomeen 3ndi mulookheya ya shabab

salaaaaamz

الأخت بت الهناء
تعرفى يا ستى ذكرتينى اول ما اتزوجت المراة طوالى ادتنى العين الحمراء وقالت لى شفت يا قرشو انا جنى وجن الرجال البدخلوا المطابخ ويفتحوا فى الحلل ويضوقوا فى الملحات ...
وحاتك من ديك ثانى كراعى ما عتبت المطبخ لما اجيبب ليها انبوبة الغاز اختها ليها بره الباب واجرى بسرعة عشان ما اتهم بانى بفتح الحلل..
انتى ديمقراطية بتخلى راجلك يدخل معاك ..


يا عيون الحرية بمناسبة الملوخية
اتذكرت نكتة كمان
واحد بخاف من مرته (زوجته) خوف شديد فى نص النهار تقول ليه يا راجل قوم انزل البحر جيب لينا ملوخية .... الراجل ينقنق تهرشو ليه يقوم يمشى ويقول بعد ما يطلع من البيت والله اكان جبتها ما اورقها..
اول ما يجى فى النهار الحار داك تقول ليه يا راجل ورق الملوخية ينقنق يقول ليها والله اكان ورقتها ما افركها..
اول ما ينتهى من وريقها تهرشه وتنهره تقول ليه يا راجل افرك الملوخية دى
يقوم ينقنق .. تقول ليه يا راجل بتنقنق مالك افرك وانت ساكت ... بعد ما هى تمرق وهو يفرك فيها ويقول ليها انقنق انقنق ما انق نق انا منو انا المر ..

يا اختنا ابو الزر
والله اسمك عجب
وزى ما غنىالكابلى ما اصلو زمن العجائب
لو قريتى البوست من الاول انا زمان قلت لى عيون الحرية رايك ده وقلت ليه خلينا من اللغاويس بتاعتك دى
لكن الراجل ليه مبرراته اذ ان جل البورداب هنا يقطنون فى اوربا وامريكا ويسمهم الملوخية ولا الويكة ذاتها .. يشموها قدحة ..
اقعدوا عافية

الاخت سماااااااااا7

سلامات و بطلي النقد الغير مجدي
وورينا انت بتقدري تطبخي شنو .. ولا حركات
بنات ساي ما عرفن التكل "بضم التاء" و اراهنك لو عرفتي
التكل دا شنو

الاخ قرشو
تحياتي و اشواقي

اها رايك في الملوخية شنو ؟
هل هناك اية اضافات ؟
لكن النكته رهيبة ذكرتني بتاعة العجين
اكيد تكون سمعتها

العزابة
تحياتي العزابية الموقرة

الطبق دا هدية من اختكم رومانه
و ستأتيكم بالمزيد عما قريب انشاء الله

بس ناس قرشو و جماعتوا يختونا دا شغل مخصوص للحناكيش
ولما يجي وقت القراصة بالدمعة حا نناديكم

ويا سمااااااا7
شايفا الشغل دا يا بتاعة البتزا الجاهزة؟؟

البســـبوسة
===========
يلا أحسب معاي عدد أربعة ...أكواب
كوب سكر (عارف كوب يعني شنو ولا أشرح ليك ) كوب ماء، كوب لبن بودرة والرابع كوب سامولينا، أي سميد، ناعم
من نصف الى ثلاثة أرباع كوب جوز هند
لو ما بتحب جوز الهند ولا يهمك ..ما تحرد، أنساه، بس قلل كمية الماء الى ثلاثة أرباع كوب (في حد في الدنيا ما يحب جوز الهند ؟) ء
ملعقتين شاي بيكنج باودر
وملعقتين كبيرتين سمن أو زبــدة
نخلط المقادير الجافة معا ثم نضيف السمن والماء
نقوم ننادي النحلة الصغنونة الفي البيت ونقول ليها يلا صوطي وجوطي وهي حتقوم باللازم
لو فضل حاجة في صحن الخلط بعد ما تتعب النحلة نقوم نصبه في صينية فرن زجاجية مدهونة بمادة دهنية (يعني سمن أو زبــدة أو مارجرين..الخ..مش زيت فول أو بذرة) ء
نترك الخليط لحوالي 10 دقائق تقريبا ونسخن الفرن لدرجة 350 درجة ف. بعد ذلك يمكن أن نرش سطح البسبوسة بأي مكسرات مبشورة أو مفرومة --لوز مبشور، فستق مفروم أو نوزع حبات اللوز على السطح بحيث تكون كل قطعة بها لوزاية عندما تجهز البسبوسة ونقطعها
ندخلها الفرن لمدة نصف ساعة تقريبا ..لو وجدنا السطح لم يحمر بعد نرفع حرارة الفرن الى 400 ولا نزوغ من أمام الفرن مطلقا والا ندمنا أشد الندم ثم نخرجها من الفرن
نسكب على البسبوسة السكر المعقود أو القطر أو الشيرة أو السيرب أو كيفما كانت تسميته وهو عبارة عن
كوب ماء مقابل كوب سكر وندعهما يغليان لمدة .. هممم ..امكن عشرة دقائق فأكثر (قدر انت أحسن أنا ما قاعدة أحسب). أضف ملعقة شاي فانيلا وقليل من عصير الليمون. ثم أرفعه عن النار. أسكب السكر على البسبوسة على أن يكون واحد منهما على الأقل حار

وهنيئا..


___

Dears
Today Glasgow is enjoying the nice atmosphere of the big match between Rael Madrid and Bayer Leverkusen. It is a real festivity especially when we are waiting to watch the magic of Z. Zaidan.
But before the match let me give you this quick and thoroughly enjoyable dish.

Chicken breast with peanut butter

Ingredients:
These depend on the number of people who are going to gobble the dish but let us talk about the following:
Four chicken breasts (four pieces not four chickens)
Two medium size to large onions
4 medium size tomatos (or a can of peeled tomato)
Spices and salt according to taste
Three large spoons of smooth peanut butter (Yani bi alsudani dagat foul madamas)
Little oil

Method:
1. Heat the oil (very little do not make a swimming pool) in a deep frying pan (preferably with a cover)
2. Cut the onion into small pieces then add to the hot oil.
3. Cut the breast pieces into thin slices or cubes
4. Stir the onion in the hot oil for 5-7 minutes (You must stir continuously to avoid burning the onion)
5. Add the chicken and keep stirring for 5-7 more minutes. Ensure that the temperature is hot.#
6. Chop the tomatos into small pieces (if you use a can also chop them) then add to the mixture.
7. Add the spices and salt and mix thoroughly
8. Reduce the fire to the the setting next to minimum and cover the pan. Leave to simmer for 15 minutes.
9. Add the peanut butter and mix thoroughly
10. Reduce the heat further and leave to simmer for 15 more minutes stirring occasionally. If it becomes very thick then add a little bit of water (do not over do it. It is not Umrigaiga)

Serving:
You can eat this with rice or bread. As peanuts give a sweet taste you may need to adjust the taste by adding more salt.
Enjoy the match it is now R. Madrid 1 - 1 Bayer Leverkusen
Regards

Zaki
salam

That's really delicious Zaki, It seems you are
an experienced chief ..
keep up the good work brother...

cola

salam , we did not get your comments !!!

Salam Jakum
Before being reported to the animal rights groups I feel I should provide a vegetarian dish that can be made by our friend in Sudan who was angry about the sour cream and the avocados.

Vegetarian rigla (or its substitute the spinach for those who can not get the real McCoy)

Ingredients:
1. 5 large spoons of vegetable oil (you can use any type but sunflower and groundnut are the best)
2. 3 large spoons of lentils (Adas)
Three large onions
3. 4 medium size tomatoes
4. 1 kg of rigla or a pack of 500g shredded spinach (only shredded spinach not whole or cut spinach)
5. Spices (including garlic) and salt according to taste
6. Tomato puree (see the comments later)

Procedure:
1. Wash the lentils under running water until the water becomes clear
2. Cut the rigla roots and throw them away (you do not need to do this with the shredded spinach)
3. Shred the rigla into small pieces (in the West you can buy the spice shredder which is miniature form of famous ‘maframat almolokhia’)
3. Shred the onion into small piece (and I mean small pieces)
4. Shred the tomatoes into small pieces
5. Heat the oil in a non-stick pan
6. Add the shredded onion and keep stirring until the onion pieces become soft
7. Reduce the heat then add the lentils (no water) and cover the pan – do not run to the messenger and keep watch to ensure things are not burned.
8. Keep heating (and stirring) until the lentils become soft.
9. Add the shredded tomatoes and keep stirring until the tomatoes become soft.
10. Add a little bit of the tomato puree (about two tea spoons) and mix thoroughly
11. Add the shredded rigla (or the shredded spinach)
12. Add the spices and salt
13. Mix the contents thoroughly then add about 200 ml of water (half a cup)
14. Leave to simmer over medium fire for about half an hour but keep a watch
15. At this point you should check the consistency and the taste using a mall spoon. If you feel it is too runny then add more tomato puree and keep it simmering.
If after tasting you feel more salt is needed then add some but be careful.
Keep the mixture simmering until you get the consistency you like.

Serving:
You can have it with rice or bread in whatever form you want.

Some of you may like to add stock cubes (your spice mixture may make this unnecessary).
If you got a fatty taste then at the end you may add oil or ghee (samna) while the dish is hot; I won't.

But before saying good night I got to say to Samah that Inti bigaiti fashank. Despite the talk we are still waiting for your dish!
regards

الاخ زاكي

نحي نشاطك العزابي وكما ذكرت
لك من قبل فيبدو انك مخضرم

الاخ كولا
الآن فقط ظهرت الصورة
المطعم في حاجة الي مثل
هذه اللوحات لاضفاء رونق
وجمال علي جدرانه

Salam Zaki

I don't see any proleme with loading the page , however we can start another post and link it with this one , as you have suggested in your previous massege. I still need to know the Know-how.

طبق اليوم من الاخت المحترمة رومانة
تهديه الي العزابة و العزابيات


ام علي
=======
ابنائي الطلبة سلامات

والله يا عيون لا أدري سبب غرام الناس بأم علي
بالنسبة لي هي مجرد رقاق باللبن وأنا ما بحب الرقاق..أنا قدمت أم على لبعض ضيوفي بطلب خاص كذا مرة وكل مرة أفاجأ بانفصامهم بها..لكن ذلك لم يغير رأي في أم علي التي صنعت هذا الرقاق ووزعته على العالمين تشفيا وشماتة في قتل ضرتها..وأنا لا أحب الضرر ولا الضرار ولا الضرات
وهذه هي الوصفة..ان شاء الله أعملها ليك يوم القيدومة تبعك
بس شيل شيلتك فيها فرد للعجين بالنشابة وكدا

واحد باكيت من عجينة الباف أو الفيلو بتاع البقلاوة
بالنسبة للباف نقطعها بعد اذابة الثلج الى شرائح ونفردها حتى تصبح رقيقة جدا. نخبزها في الفرن على درجة حرارة عالية حتى تصبح ذهبية اللون وتنتفخ
أما الفيلو فندهنها بقليل من السمن ونحمرها بنفس الطريقة هذا يستغرق فترة قصيرة جدا من الزمن...وتجب مراقبة الفرن والا..ماذا؟؟؟ الندامة الشديدة
ملحوظة: عجينة الباف تستوعب أو تحتاج الى كمية أكبر من الحليب
نكسر الرقائق..نهرسها يعني.. ونضع نصفها في قاع اناء الخبز ثم نرش عليها الكمية التي نحب من المكسرات المفرومة...لوز فستق فول سوداني.. وأيضا جوز هند وقليل من الزبيب ..صراحة أجد هذه الاضافة أجمل ما في أم علي نضع الكمية الباقية من الرقاق ونرش السطح بباقي المطيبات

الآن جاء دور الحليب... نسكب الحليب (الدافئ) المضاف اليه السكر ببطء على الرقاق..(حوالي أربعة أكواب) ونتركه قليلا ثم نضيف المزيد حتى يتشرب الرقاق جيدا ..وعندما نطمئن الى كمية الحليب ننتقل للمرحلة التالية
يجب أن ننلاحظ أن يكون الحليب حمادة سكر زيادة والا أصبحت أم علي بغير طعم

نستعمل علبتين من القشطة..عفوا القشدة طويلة الأجل مضافا اليها ملعقتين من العسل... أبو أسدين مش عسل نحل والا حنكون كترنا النكهات في التحلية الواحدة ولا يستحب هذا. نفرد القشدة على وجه أم علي وندخلها الفرن 300درجة لمدة قصيرة عشرة دقائق او سو وتقدم وهي دافئة
ملحوظة وجدت البعض يستبدل الباف باستري بالتوست بعد ازالة الكراست..جرب ..يعني..امكن

هنيئا

___

رب زدني علما

wowowowow
salaaaaaaaaamz ya nas

ZAKI:
raheeeeeeeb wallahi
yesterday i made the chicken breast with peanut butter
it wz delicious
thanx alot it gave me a good credit
and we had a nice time


eyes of liberty:
i next time i will try al(mulokheya)


Rummana:
thank it seems to be delicious

عيون الحرية
الليلة لكن ما جبت الفيل من ديلو
ياخى رمانه دى مبدعه عديييل كده
رغم اختلافى معاها فى ام على فانا اموت فيها ولو المراة عاوزة تسممنى بس تسممنى بى ام على ..
لكن ام على بتاعت رمانة دى عجب واول مرة اعرف انه ممكن يضاف ليها العسل و"القشدة " على رأيكم مع انى مصر على القشطة ياخى حتى فى علبتها مكتوب قشطة لكن نعمل شنو مع الحناكيش وسميناها رضينا..
بصراحة الوصفة هائلة ويا ام على جاك زول

ايوه كده حاجات حلوة
تعرف انا بشفف المراة من البوست بتاعك ده
هاااااااى يكة
بس ما تسمعنى

قرشو
سلام شديد

الحمدلله الظاهر اتحنكشتا و بقيت تاكل
Ali's mama = ام علوبه

و بعدين ما تنسي رسوم التشفيف
اصلي مسجل حقوق النشر في البوست دا


سماااااااااااااااااااااااااا7

و الله نشوف كان بتقدري علي الملوخية
انا اشك في ذلك يا حنكوشة و بعدين انتي عارفه
الملوخية دي شكلها كيف ؟؟؟؟
اوعك تمشي تشتري جرجير يا بت
اصلو بيشبه الملوخية

salamz el3azaba,

It has been a long time,
Im glad to see you all back to contribute
to elminate poverty and suffering from el3azaba and our follows 3azabiyat...

Well , just wait for the next post; we will bring you the dish , you all have been waiting for..
best regard

الحبيب عيون الحرية

عودا على الملوخية وفى رواية الشريفية او الخدرة كما يسميها العوام
اقول لك وجه اخواننا العزابة ان لا يتحيروا ابدا فى اعداد الوجبة ويمكن ان تكون من اى شىء واليك هذه الحكاية..

كان عندى ضيوف كتار ولذا كنت فى السوق ووجدت فجل اخضر جميل قلت يلا خلى اهلنا يتذكروا السودان وشلت كم ربطة منه وديتها البيت .. فى اليوم الثانى وجدت ملاح اخضر وانا لم احضر ملوخية وذقت طعمه وكأنه ملاح ورق وبلدنا دى يخربها من الورق الاخضر الا فى الدولار بس وعندما سالت عرفت ان احدى الحاجات قامت بفرك ورق الفجل الأخضر فكان ملاح عجب بالكسرة ..
نا سماح طبعا يمتنعون خالص

والاحظ فى سوق الكرنتينة (وهو سوق شعبى خالص خالص) ان بعض النسوة يقمن ببيع اوراق شجر خضراء وعندما سألتهن قالن انه ورق الكركدى وانه يفرك كذلك ملاح ..
انا ما ضقتو لان الفكرة لم تقع لى بعد

ولكن هذا يعنى انه الزول ما تكون عنده قشة مرة وياكل اى شىء يلاقيه

والسلام عليكم

سلام قرشو

ملاح ورق فجل ؟؟؟ و الله دا ما سمعنا بيهو لسه
اما ملاح ورق الكركدي دا حاجة غريبة و الله
حقو يدخلوا كتاب العجائب و الغرائب....وانت يااخوي
مغترب ويين اصلوا الواق الواق ولا شنو يا قرشو
اسمك غريب و حكاويك غريبة كمان....

حبيبنا عيون الحريه
في الطبق ده مافي قراصه بي دمعه حاره

سلام يا الخواض

رمضان كريم

انتا عارف , القراصة دي من اصعب الاطباق, العجينة تحتاج خبرة
ما بعدها خبرة , و بصراحة فشلت فيها بجد , و اعتزلتها
نهائيا ,

عيون الحريه
قبل فتره اكلت لي اغرب
ملوخيه في الدنيا
ملوخيه بي عرديب
وكانت حاجه رهيبه
اتاريهم السورين يستوردوا مننا العرديب
وما مقصرين مره جلي ومره طبيخ
ومدلعنو مسمنو تمر هندي كمان


وينك حبوب
طولت الغيبه