Post: #1
Title: الشخص في الفيديو الذي فبركه جهاز الأمن لم يقتل، وما يزال حي يرزق
Author: Elhadi
Date: 01-21-2019, 08:14 PM
07:14 PM January, 21 2019 سودانيز اون لاين
Elhadi-
مكتبتى
رابط مختصر نتمنى له السلامة والشفاء العاجل هو وكل المتظاهرين الأبرياء العزل الذين خرجوا للمطالبة بأبسط حقوقهم
ــــــــــــــــــــــــــــــــــ
وسلم لي على الستلايت
|
Post: #2
Title: Re: الشخص في الفيديو الذي فبركه جهاز الأمن لم
Author: Elhadi
Date: 01-21-2019, 08:43 PM
Parent: #1
المصاب في الفيديو المشار إليه هو ( اسعد عثمان )
تلقى العلاج من إصابة بالرصاص في رأسه، وأخرجت له الرصاصة من رأسه وغادر المستشفى
|
Post: #3
Title: Re: الشخص في الفيديو الذي فبركه جهاز الأمن لم
Author: Nasser Amin
Date: 01-21-2019, 08:56 PM
Parent: #2
سلام الهادي
انا قريت الكلام دا في صفحة غازي السنهوري
قبل ساعات و هو من بري،والشهيدقتل في مكان اخر
Quote:
#تسجيل_قوش
- إعترافه بالاخطاء الفي القضارف و عطبرة تعني إعتراف بقتل المتظاهرين في المدينتين، القضارف لوحدها 20 شهيد.
- إعترافه بوصول عدد المظاهرات ل 700 تظاهرة صغيرة و كبيرة.
- أهم حاجة في التسجيل تكتيك إحتواء التظاهرات و خصرها داخل الاحيا و تشديده على منع إغلاق الشوارع الرئيسية و دي نقطة في غاية الاهمية بتتطلب تغيير التكتيكات بتاعت المواكب و التظاهرات.
- نقطة إنهم "ما بقدروا يطلعوا تظاهرتين في وقت واحد في مدينتين" دي اخبث ما في التسجيل لانه راعي الضأن في الخلا عارف إنها حصلت اكتر من مرة لكن الغرض منها هنا إستفزازي لقراءة تكتيكات و تحركات الثوار و كشفها عبر وضعهم في حالة رد الفعل و الإستجابة للإستفزاز.
- اما قصة شارع النيل و محلات الشيشة و قراراتنا الغبية البنطلعها دي طبعاً بالنسبة لقوش مهمة و أهميتها إنها مصادر معلوماته الأساسية البتتجمع منها و دي سياسة إفراغ طاقة الشباب.
- معلومة قتل المتظاهرين بيتم من الثوار نفسهم و من وسطهم دي تضحيدها حتشوفوهو كلكم الليلة و خصوصاً كذبة الفيديو بتاع مركز روان او رزان التابع للامن و البشيروا فيهو لان قاتل الشهيد الدكتور بابكر فتاة كانت وسط المتظاهرين و بجانبه و دي معلومة مضللة منهم لانه الشهيد بابكر ما قُتل في نفس مكان الفيديو و الشاب الوقع دا ما مات و حي و إنضرب في راسه فعلاً و الفتاة بريئة.
- موضوع الساتلايت كذبة كبيرة جداً لانه شاهدنا النظام بعتمد على مصادر الامن الفي الارض و بوستات الفيسبوك.
- التسجيل تم بدون علمهم و دي واضحة ما محتاجة غلاط من طبيعة الكلام و الطريقة و محاولات التطمين للعضوية.
#تسقط_بس
|
الجماعة ديل مرتبكين جدا قاموا بادخال
صوت زول بتكلم في فيديو في المستشفي
للايحاء بغرضهم الاساسي.
ولكن في الاصل الثوار من يصورون و الاصل معهم
ديل نسوا انو دا جيل الديجتال
|
Post: #4
Title: Re: الشخص في الفيديو الذي فبركه جهاز الأمن لم
Author: Elhadi
Date: 01-21-2019, 09:24 PM
Parent: #3
بعيداً عن موضوع السياسة والمعارضة والحكومة و الكلام ده..
ياخي دي في حد زاتها سقطة مهنية لا تغتفر من زول عامل فيها بتاع أمن ومخابرات والكلام ده
وكمان يقول ليك رجل المخابرات الأول
والله دي مسخرة دي 
|
Post: #5
Title: Re: الشخص في الفيديو الذي فبركه جهاز الأمن لم
Author: Elhadi
Date: 01-21-2019, 09:52 PM
Parent: #4
|
Post: #6
Title: Re: الشخص في الفيديو الذي فبركه جهاز الأمن لم
Author: Elhadi
Date: 01-21-2019, 09:53 PM
Parent: #5
والله غلطة زي دي..
وكيل عريف ما يعملا :)
هههههههه
|
Post: #7
Title: Re: الشخص في الفيديو الذي فبركه جهاز الأمن لم
Author: Nasser Amin
Date: 01-21-2019, 10:45 PM
Parent: #6
وهاك دي الاخ الهادي
من الهادي بورتسودان في صفحة فول
المواهيم ديل وزعوا فيديوهات مضروبة
لمجلس الوزراء.
من اجرام الجماعة تحاول تتملص من جرائم
قتل لشباب امام المجتمع المحلي و الدولي
وينسون ان عين الله لا تنوم.
اسلامهم دا ما حقنا و ما بنعرفوا
سؤال:الشعب السوداني عمل ليهم شنو؟
اتمنى ان اجد اجابة و لماذا الحقدلدرجة
القتل؟ديل ما مننا و لا اظن مسلمين
Quote:
الطلقة ما بتقتل ... بتقتل بلادة قوش !
البشير في الكريدة قال انو البقتلو ناس من جوة المظاهرات ...
في نفس اليوم بالليل ..قوش قال الشهيد د.بابكر قتلو بت من جوة المظاهرة ..عندنا صورها وحنجيبها وحنحاكمها وحنعدمها !
تاني يوم الصباح ..تم توزيع فيديو علي اعضاء الحكومة ..فيهو محاولة لاثبات كلام قوش وكلام البشير ...
وبالرغم من عدم ظهور اي دليل يثبت حديث قوش عن القتل من الداخل وعن الادلة المصورة بستالايت ... لكن تم تدقيق في فيديو قوش
قام هادي بورتسودان بتدقيق في فيديو قوش ... اندهش لما وجده ..ثم غالب دهشته ...ثم كتب فقال :
فبركة صلاح قوش
على الرغم من العديد من الشواهد بأن الفيديو لا علاقة به بالشهيد بابكر وإنما للشهيد الفاتح الذي اصيب في الراس وتوفي اليوم
لكن عشان تعرف سوء النية الفيديو ده تم تنوير مجلس الوزراء وقيادات الإسلاميين به اليوم من قبل صلاح قوش على إنه يظهر شيوعية أطلقت النار على الدكتور ولكن برضو تم تزويره عمل تعديل فيه بشكل كبير و قطعه و سحب صلاح قوش واعوانه عشرات الإطارت من الفيديو لخلق حالة من البلبلة في ما فعلت الشابة ولو إن فيديوهم لا يقيم حجة حتى بعد تعديل لكن القصد هو ضرب الثورة وكان يمكن أن تلحق البنت الاسير عاصم عمر
لتفهم الفيديو لا بد أن تعيدو كثير :-
1- قطع أول: مع الزوم لتضعف الفيديو ولا يظهر الصورة كاملة مع وضع إطار أسود تحتها
2- قطع ثاني : أولا لا يظهر الفتاة ثم يخفي نصف جسدها وويدها فارغة و لا يظهر حركتها
قطع ثالث : وهو قطع كبير بعد الأصابة يظهر الشابة تتحرك ويديها خاليات
4- الرابع يعود بالفيديو لوضعه الطبيعي من الزوم
...
طبعاً جزئية أتضرب من مسافة قريبة دي اصلاً ما موجودة في الفيديو الأصلي وشباب كتير وصلوا ليها
تحقيق : هادي بورتسودان
|
|
|