ماذا تعني كلمتي تسقط بس

10:27 AM January, 14 2019

سودانيز اون لاين
بشير حسـن بشـير-
مكتبتى
رابط مختصر

منقول من روائع الواتساب

ماذا تعني عبارة:-

تسقط بس

ت : تنظيف البلد من الفاسدين

س : سلطة مدنية ديمقراطية

ق : قانون مستقل للجميع

ط : طاقة شبابية واعدة في بناء وطن يسع الجميع

ب : بلادي مسروقة

س : سوف نبني تاج مجدك يا بلادي

#هل كنت تعرف هذا؟؟؟؟؟؟؟؟
#تسقط بس

#تقعد_كيف_بياتو_فهم🤔

تقعد بس بياتو فهم
ترحل بس ما عندك دم

لا عيش لا غاز ولا حتى فحم
وقفنا صفوف شيلتنا هم
اديتنا الجوع جلبت الغم
سويتها رقيص طرب ونغم

تقعد بس بياتو فهم
تسقط بس ما عندك دم

عذبت الشعب وزدتو ألم
بكل بجاحه وكل ظلم
قسمت بلدنا بعد كنا علم
ومن القمة بقينا عدم

تقعد بس بي ياتو فهم
ترحل بس ما عندك دم

سلبت الشعب من اغلي حلم
عشان السلطه حلفت قسم
تحمي ترابنا شبر وقدم
وخنت العهد طلعت وهم

تقعد بس بي ياتو فهم
ترحل بس ما عندك دم

غليت العيشة رفعت الدعم
لحستنا كوعنا واي عضم
أكلنا صفق بقينا غنم
انت مفخخ ولا لغم

تقعد بس بي ياتو فهم
ترحل بس ما عندك دم

عملت كتائب ناس الدعم
عشان يحموك من الغم
ابادو الشعب بكل سهم
يتمت أطفال عشان تنجم

تقعد بس بي ياتو فهم
ترحل بس ما عندك دم

نحنا شعب مش نحنا بهم
شعب حضاري ليهو قيم
شعب صمود جلمود اشم
وما بحكمنا عولاق وسجم

تقعد بس بي ياتو فهم
ترحل بس ما عندك دم

كل ثائر عندو عشم
يحرر بلدو من الظلم
هسة مرقنا جاك الغم
وما بنتراجع يمين حرم
وما بنتراجع لو سال الدم

تقعد بس بي ياتو فهم
ترحل بس ما عندك دم

لا دين لا اخلاق لا حتى كرم
خبوب وربوب عولاق وسجم
تسقط تسقط تسقط باي فهم
تسقط تسقط تسقط بنقولا نعم