لـيبيــــا على الخط

07:00 PM January, 13 2019

سودانيز اون لاين
عمر التاج-KHT
مكتبتى
رابط مختصر

تحركات كثيفة على الحدود السودانية الليبية
قوات حفتر وحركة العدل والمساواة تتأهبان لدخول الملعب
100 تاتشر من الدعم السريع في طريقها لتستطلع الأمر

أتمنى ان يكون الكلام كذب يا ود التاج
فهذا الأمر فيه اجهاض للثورة
ارجو ان تكون واثق من مصدرك ولا تكون ضحية لمن يمرّر عبرك اشاعات خبيثة انت برضو

اتوقع الخبر مضروب
لأنه اي تحرك زي دا حيكون طوق نجاة للنظام من حصار الثوار
وحيشغلوا الآلة الإعلامية، ويبدأ حنك التدخل الخارجي
لا أتوقع أن جهة أو حركة تدعم الثورة تعمل جنس الكلام الفارغ دا
ومليون في المية دا خبر خاطئ جملة وتفصيلا

ههههههههه روح يا جدادة حنتظاهر وما حنقيف.
كلم اسيادك كده.
قال 100 عربية قال

Quote: روح يا جدادة

هسّي كدا كويس يا ود التاج!

ممممممصادر مممممممممؤكدة

من حركة العدل تنفي أي تحركات لها في ليبيا تجاه السودان



خلاص اقفلو البوست ده.
انتو مفتكرين الحركة تكون غبية وتكتب لنفسها النهاية والاعدام السياسي في هذا الوقت الحرج.


الخبر ده مصادره الجداد وامن الهالك البشير وكلو كذب.
ما تتناقشو فيه وتعملوهو موضوع.

دا شغل الجداد والناموس الالكتروني ..
أحلام يغظة ...

تسقط بس .

تحياتي محمد البشرى وعبد العظيم
يجب ان نضع احتمالية عدم صحة الخبر جنبا الى جنب مع احتمالية صدقيته
عن نفسي لا أتوقع للخبر تأثير سلبي علي الثورة حال ثبتت صحته
الثوار يعملون من الداخل بالطرق السلمية المعروفة
وأي تحركات على الأطراف ستضيق على النظام أكثر من تأثيرها على الثوار
وفي النهاية فان الحركات المسلحة سواء ان تحركت من ليبيا أو مصر أو تشاد
فهي جماعات سودانية لها رؤيتها الوطنية التي تطبقها على طريقتها

و الجماعات دي وبوعي شديد اعلنت وقوفها مع شعار الثورة القوي و احد اسباب نجاحها: سلمية ... سلمية!
و الذي وقف امامه جلاوزة الإنقاذ و زبانيتها عاجزين وما فضّل ليهم إلّا يحنسوا الناس تحانيس لترك هذا الشعار!
اسمع بيان عبد العزيز الحلو أدناه وأرجع للقاء غبد الواحد و ابحث عن موقف العدل و المساواة في موقعها
وأخيرا
ممكن مصدرك للخبر دا؟ بحثت عنه ولم يجد قوقل له مكان سوى هذا البوست!

مريحة

سلامات الاخ
عمر التاج وضيوفك
الكلام دا كلامك انت ولا ناقلو من جهة انت تعرفو؟
اذا كلامك انت جيب لينا الادلة وقول لينا اتكلمتا مع منو من ناس حفتر ومع منو من حركة العدل المساواة السودانية .
ولو ناقلو من جهة انت تعرفو جيب لينا المصدر .
الان الوقت وقت الجد لابد ان يكون هناك جدية لمحاربة الاكاذيب وعدم ترويجها

يا تاج الخبر منجور نجر
إذا صح دي بتكون طعنة في خاصرة الثورة
الكلام دا ذكرني ضربة مصنع الشفا.. النظام كان مزنوق زنقة وفي مظاهرات
طلع مبارك الفاضل وقتها نفس كل شئ، والنظام لقى ليه مادة إعلامية
وحشد إعلامه وعزف على وتر التدخل الخارجي والمؤامرة..
دا كلام جداد ساي وماله اي اساس من الصحة
النظام بيفتش على أي قشة يتعلق بيها... كلام عبدالواحد واضح.. كلام جبريل واضح.. كلام عبدالعزيز الحلو واضح (الثورة سلمية وشعبية) وحتستمر سلمية حتى يسقط النظام
وتسقط بس

Quote: هسّي كدا كويس يا ود التاج

عادي يا ود البشرى
البجي من شيخ علي كله مقبول
اصلو في ناس في المنبر دا مابدخل راسهم الا البوستات الهتافية
وبفتكروا الثورة ممكن تنجح بالامنيات والاخبار السارة وبس
وانا خطي في كل بوستاتي السابقة ليست مجرد أمنيات لان الامنيات مكانها القلب
هذا منبر حوار عام نقدم فيه الرأي ونحلل الخبر بصورة موضوعية
ثم أقدم رؤيتي الشخصية في كيفية جعل تأثير الخبر مفيدا للتغيير
وكما قلت من قبل لا اريد من أحد جزاءا ولا شكورا
انما اريد التغيير للأفضل واحقاق دولة القانون والمواطنة ما استطعت

الناس البتشكك في مصدر الخبر ليهم حق التشكيك مع الزرع الكثير المنتشر
طبعا انا ماقاعد أفتل اخبار وغير موجود على الحدود لذا فالخبر منقول
وتم تدعيمه بشاهد عيان راى التاشرات تخرج في طريق دنقلا امدرمان مساء اليوم
خلال أسبوعين كنت أول من يكتب عن تدخلات الدول العربية في احداث السودان
و في هذا المنبر حيث كتبت عن : قطر على الخط ، مصر على الخط وبوست اخر لا أذكره
وأتوقع أن يكون التدخل الليبي أو الدعم الليبي صحيحا وان كنت أقلل من تأثيره على الثورة في السودان
بل العكس أتوقع أن يخفف الضغط على الثوار وهذا ما ألمحت له قبل يومين في بوست ( الجنجويد ما لاقين شغل)
على كل حال نترقب الصبح اليس الصبح قريب، وربما خاطرة خير من خبر.

لا اظن ان حفتر عندو ترف التدخل الخارجى يكفيهو ان يبسط سيطره الجيش الليبى على التراب الليبى ومازال يدعم عسكريا دعم نوعى من مصر.
وان صحالخبر يكون لتامين الحدود الليبيه مع السودان فى ظ لظروف توتر سياسى حرج فى السودان ودا اجراء طبيعى.

Quote: هذا منبر حوار عام نقدم فيه الرأي ونحلل الخبر بصورة موضوعية

ما قلنا شي, لكن فرق السما من الأرض بين الخبر و الرأي و التحليل و الأمنيات
التلاتة الخيرات عوس فيهن زي ما عايز ليس لأحد الحق في الحجر على رأيك أو فرض رؤيته على تحليلك أو تسفيه أمنياتك, لكن الخبر أمر آخر مختلف
عليك بتحرّي المصداقية في الخبر قبل نشره والتأكد قدر ما تقدر, خاصة خبر قد يكون له من التأثير ماله
و بالطبع ليس من حقّك "نجر" الأخبار ومن الحكمة عدم السماح باستغلالك من جهات ما ذات مصلحة في ترويج أخبار كاذبة

حفتر إيه دي هرجة بني كوز حيفتر الكيزان من شباب لم يبلغ سن العشرين

أوكي ياود البشرى اوافقك على أهمية محاربة الاخبار الكاذبة
والتي من شاكلتها حديث المنبر والفيس يوم امس كله عن تحركات الجيش الكثيفة للانقلاب
ولكن دعنا نفترض ان نسبة صحة هذا خبر البوست 1%
فشنو حق نخلي خلي الناس تعمل حساب هذه النسبة الضعيفة،
ولو بتذكر البوست اذا حدث ما توقعناه ،
نرجع لكلام الأخ عاصم
اوافقك أن حفتر الفيهو مكفيهو
ولكنه لن ينسى مواقف الاخوان وتدخلاتهم السافرة في ليبيا طال الزمن او قصر
بالتأكيد خو ينتظر لحظة رد الصاع صاعين بفارق الصبر، وقد حذر من ذلك مرارا
وهو لن يتورع في تقديم أي دعم مالي أو لوجستي او بالسلاح لاي محاولة تسعى لإضعاف نظام الخرطوم.

السلام عليكم وجميع الحضور

دكتور جبريل اراهيم طلع لايف اليوم المساء فى الفيس

لو احد يتمكن من نقله

اكد على سلمية الثورة و كررها

المحافظة على الممتلكات

تكلم عن دولة المواطنة و القانون

رائى الشخصى كان موفق فى حديثه و مواكب الشارع

رغم اني اخذت موقف بسبب حذف بوستاتي بدون مبرر او سبب مقنع
الا ان ما دعاني للدخول
بوستات عمر التاج
ما عارف بتكتبها بحسن نية ام انك فعلا كوز في شكل قلبة
المهم في كل الاحوال القارئي حصيف

مرحبا عبد القادر
راي أي زول فيني ما قاعد أوليه أهمية
ولكن ساكون سعيدا لو مسكت بوستاتي القلت عليها أنت دي
من بداية ثورة 2013 وحتى الان ونتناقش فيها بكل حرية وموضوعية
أوافقك أني غير ملتزم بخط معين لاني اعتبر نفسي حرا في الرأي والكتابة
ولكن في النهاية خطي واضح في تغيير النظام بكل الوسائل
ومابهمني مين حايحكم بعد النظام الشمولي القائم،
شيوعي إسلامي علماني خواجة كافر، ما مهم بالنسبة لي.
ولن تجدني انافس امثالكم وكل هتيفة المنبر في كعكة السلطة لاحقا
البهمني ان يقوم في السودان نظام ديمقراطي حر شريف تحرسه مؤسسات وطنية

يا عمرالتاج
الثورة دي سلمية، المتظاهرين حريصين على سلميتها
وما قاعدين يدافعوا عن نفسهم ولا حتى بطول الأرض
لأنه دا التكتيك الأنجح مع قوات مدربة على القمع وإستخدام العنف
سقط خطاب التخريب وسقط خطاب الموساد وسقط خطاب المؤامرة
المسار الذي تسلكه الثورة مسار منضبط جدا وبي إلتزام شديد
قادة الأحزاب والحركات المسلحة واعين تماما للكلام دا وعارفين كيف يدعموا سلمية الثورة.. عشان كدا موضوع البوست بتاعك دا بيهدد سلمية الثورة وينقل الصراع إلى مواجهات عسكرية بين السودان والغزو الأجنبي (هكذا سيصورها النظام) عرفت قدر شنو ممكن البوست بتاعك يأذي الثورة

الكلام دا كلامك انت ولا ناقلو من جهة انت تعرفو؟
اذا كلامك انت جيب لينا الادلة وقول لينا اتكلمتا مع منو من ناس حفتر ومع منو من حركة العدل المساواة ؟ .
ولو ناقلو من جهة انت تعرفو جيب لينا المصدر .
الاخ
عمر التاج ما جاوبتا علي الاسئلة الفوق ديل

Quote: طبعا انا ماقاعد أفتل اخبار وغير موجود على الحدود لذا فالخبر منقول

طيب يا التاج ممكن لو ما فيها حرج وكدا توريني منقول من وين!
شاهد العيان خلينا منو اسي

Quote: عمر التلج

لما الناس تعرف تتناقش بادب تجي تسال عن المصدر
وكأنه عمر التاج هو الشغل المنبر يوم أمس كله بتفاهات بله الغائب وشتلات الانقلاب العسكري
وعشان نكون واضحين ، الحركات المسلحة خطابها الإعلامي مضبوط حتى الان ، وده فعلا من أجل إنجاح الثورة السلمية فقط
ولكن ما حا أقول ليكم الخطاب الميداني الفعلي شكلو شنو؟ ولا حا أقول ليكم خلال الأسبوع ده البيحصل شنو !
أنتو تتمنوا وأنا بقرأ بموضوعية .

- كلامك الأخير أعيه تماما يا عظيم ، وشكرا للتذكير
- الإجابة عن أسئلتك موجودة في البوست يا محمد نور ، راجع مداخلاتي الأوائل
- مافي حرج اقولك خاص يا ود البشرى ، ولكن المنبر ليس مكانا لكشف المصادر الخاصة
أو خليك صبور وبكره يفعل الله مايريد .
- شكرا لكل أصحاب النوايا البيض ، والتحية لكل من يحلم بحرية بحجم وطن شاسع واسع
وشكرا لكل المتداخلين

ااعمل صورة من الموقع الانت ناقل منو؟
عشان نشوف مكتوب الساعة كم وانت نقلتو الساعة كم
وعشان نشيل منك اتهام انك جدادة.

اانت قريبك يقول ليك في تاتشرات مشت على دنقلا طوالي تضربها في راسك و تقول ليبيا وحركة االعدل؟!!


يازول حركة العدل نفت الكلام ده ... وبوستك ده احسن تمسحو طالما انك بتدعي انك صادق و تنقل معلوماات صحيحة وانك مع الثورة.


ومنتظرك اذا أمكن

اعمل صورة من الحتة الانت نقلت منها واخفي اسم الزول
ما تشبكنا خاص وتخمنا


والا اتهام انك جدادة حيكون ثابت عليك حتى تثبت العكس
انت كده بتتهم حركة العدل و الحركة نفت الكلام ده!

عمر التاج رجل مشبوه، وتاريخه في هذا المنبر تاريخ مشين.

أرجعوا الى الارشيف منذ تسجيله في المنبر وسوف تعرفون جيدا عن ماذا أتحدث أنا.

#تسقط بس.

انت ما جاوبت يا عمر واذا تفتكر انك بي قول الخبر منقول دا ف دي مااجابة ياعمر التاج دا واحد.
انت قلتا الخبرمنقول وتم تدعيمه بشاهد عيان راى التاشرات تخرج في طريق دنقلا امدرمان مساء اليوم .
الكلام ما عندو اي علاقة بموضوع البوست لانو دنقلا مدينة سودانية ما مدينة ليبية يعني شاهدك دا اذا اصلا في شاهد شاف تاتشرات داخل الاراضي السودانية تتحرك من مدينة دنقلا في طريقها الي امدرمان يعني من سودانية الي سودانية ما قال من مدينة كفرة الليبية الحدودية مع السودان ولا اي مدينة ليبية تانية حتي ماحدودية زاتها الي داخل الاراضي السودانية.
انت قلتا الخبر منقول اها ورينا ناقلو من منو ووين مصدرك؟
وبكرر ليك الاسئلة تاني وتالت الي ان تثبت صحة كلامك دا او تعتذر
الكلام دا كلامك انت ولا ناقلو من جهة انت تعرفو؟
اذا كلامك انت جيب لينا الادلة وقول لينا اتكلمتا مع منو من ناس حفتر ومع منو من حركة العدل المساواة ؟ .
ولو ناقلو من جهة انت تعرفو جيب لينا المصدر .
الاخ
عمر التاج ما جاوبتا علي الاسئلة الفوق ديل

يا محمد نور انا لست في مؤتمر صحفي حتى اشفي غليل السائلين
انا في منبر حر وارد على النقاش بما أراه مناسبا، وان كان لديك رد اخر فتفضل به فالبوست مفتوح دون الحجر على رأي احد، الخبر انا قلت منقول من مصدر خاص، ولست ملزما لاكشف عن مصادري، والتاتشرات التي قلت انها تحركت في طريق امدرمان دنقلا الغربي كانت متجهه للحدود الليبية ، بقى ان تحدثنا انت او اي من أعضاء العدل والمساواة عما يحدث في الحدود السودانية الليبية، ولا اقولك وانت الخبير، خبرنا عن مكان جبريل ابراهيم وقواته في هذا الصباح، وبالمناسبة لو انت ولا فلان اعضاء في الحركة فأنا وجبريل كنا بناكل في صحن واحد، واعرفه واعرف المرحوم خليل أكثر من جوع بطني.
أما الشباب المتداخلين بسذاجة كعادتهم فأقول لهم هنيئا لكم فقد انجزتم ثورتكم وبقيتوا تصنفوا كمان، انتم من تكتبون وفق املاءات معروفة لذا لاتعرفون مايصلح الثورة ومايضرها، اما انا فاكتب بحرية، اعارض من اعارض واوالي من اوالي وفق ارادتي ومنهج تفكيري ولست في حوجة لاحد أو حزب ابدا، وليكن في علمكم، عمر التاج سيكون اول معارض للحكومة القادمة كما عارض الحكومة الحالية، لاني اقرا الواقع جيدا واعرف ان اول حكومة سيستغلها التافهون أمثال من يوزعون التهم جرافا في هذا البوست ويغيرون عناوين البوستات، ولا يهمني تصنيف احد او غباء زميل يظن أن الدجاج الإلكتروني ترك مواقع الحراك الاسفيري الحقيقي وجاء يضيع زمنه في منبر ساكن، بالله ديل ما بهائم، انتو بهائم زي ماقال عادل امام.
اخيرا الرسالة للثوار وكل راغب في التغيير، الثورة تحتاج ارادة عظيمة وليست بوستات هتافية فحسب، وليكن في بالكم ان الثورة ماضية في طريقها مهمها كان رد فعل النظام أو المجتمع الإقليمي، فإذا حدث تدخل من قطر أو مصر أو ليبيا أو حتى امريكا، أو من أحد الحركات المسلحة فهذا تدخل له وسائل ويجب ألا يؤثر في حركة الثورة من الداخل، ولو اقتتل جيش النظام أو مليشياته مع أي جهة كانت على تخوم الخرطوم فلتكن الثورة في مكانها والهدف إقامة دولة العدل والمواطنة وفقا لقانون مدني عادل ومنصف. حسبكم.

هناك عملية داخلية في الجنوب الليبي ولا اعتقد أن لها علاقة بالسودان

Quote: أطلق القائد العام للجيش الليبي الجنرال، خليفة #حفتر، اليوم الأحد، عملية عسكرية واسعة لتطهير منطقة الجنوب من العصابات التشادية والسودانية، وملاحقة تنظيم داعش، وذلك ضمن مهمة جديدة لضبط الأمن في البلدات الجنوبية. وجاء الإعلان عن هذه العملية، بعد هجمات شنّتها الجماعات التشادية والسودانية على مواقع وتمركزات تابعة للجيش جنوب البلاد، وتوسع ميداني لتنظيم #داعش في المنطقة، التي تمثل ثلث مساحة البلاد، وتضم أغلب الحقول النفطية في البلاد. وأكدّت الكتيبة 166 مشاة التابعة للجيش الليبي، في بيان، اليوم الأحد، أنها انتقلت بأمر من القائد العام للجيش الليبي، بكامل عتادها وأفرادها لتنفيذ "أمر الموت" في جنوب ليبيا ضمن مهمة جديدة لحفظ الأمن، كما توجهت كتيبة طارق بن زياد المقاتلة بجميع آلياتها وتجهيزاتها العسكرية ومقاتليها، لمساندة القوات المسلحة الموجودة في الجنوب في السيطرة على العصابات الشادية والتنظيمات المتطرفة، واستعادة أمن المنطقة

المصدر : العربية دوت نت

Quote: اعمل صورة من الحتة الانت نقلت منها واخفي اسم الزول

نؤيد.

Quote: الكلام ما عندو اي علاقة بموضوع البوست لانو دنقلا مدينة سودانية ما مدينة ليبية يعني شاهدك دا اذا اصلا في شاهد شاف تاتشرات داخل الاراضي السودانية تتحرك من مدينة دنقلا في طريقها الي امدرمان يعني من سودانية الي سودانية ما قال من مدينة كفرة الليبية الحدودية مع السودان ولا اي مدينة ليبية تانية حتي ماحدودية زاتها الي داخل الاراضي السودانية. انت قلتا الخبر منقول اها ورينا ناقلو من منو ووين مصدرك؟

دا الكلام.

تعرف يا أخ محمد
أنا دائماً بقول إنو أصحاب الذكاء المتدني لا يجيدون التلفيق
لأنهم بيهتموا بإيراد التفاصيل وبينسوا المنطق!
منطق ربط الأشياء.


فالراجل (يعتقد) أن "الختمية مركز ثقل الأرض"
فبالنظر إلى معتقده أعلاه تكون أمدرمان مدينة خارج السودان الذي نعرفه
فتصبح دنقلا ليبية وأمدرمان تشادية.

==============

تاج الفهم!

الأعضاء وجهوا أسئلة بسيطة ومباشرة وتستحق الإجابة!

يا كمان نجيب رصد لكل البوستات والمداخلات للتلاتة أسابيع الفاتن،
لاهتماماتك الاقتصادية والدولار و و و، في جدول طبعاً.
دا لو ما جريت مسحتهن زي بوست (خط مية غرب).

___
جدول قشيب يا حبيب.

سلامات...
ماورد في البوست ذهبت به إلى قيادي بارز في حركة العدل والمساواة و كذبه تماماً
و احتفظ باسم القيادي حسب طلبه.
أخونا عمر التاج عليه بكل احترام النقل أن يورد مصدره.
تحياتي

القرادة الالكترونية ظهرت؟
لا خلاص الموضوع الأصلي ننساه ونتفرغ للغلاط
لكن حقو في البداية تبقى راجل يا الشبح، وتكشف عن نفسك النقاب
وبعدين تجي تغالط
وكان بقت على الأسئلة عندك خمسة بوستات مفتوحة في اسمك
كلها أسئلة واتهامات مدعمة بالقرائن ليها سنتين لسه زايغ منها
نفتحها ولا حاتزوغ يا معروف؟

بوست غير موفق

الناس في شنو و الحسانية في شنو؟
ـــــــــــــــــــــــــــــــــــــــــ
ده مثل شعبي متداول
ذكرته هنا ليس من موقع عنصري
لكن من موقع ان ثقافاتنا تأتي من عفويتنا
و احترامي الكامل للأعزاء و الاخوان الحسانية

مما بدأت هذه المظاهرات بوستات عمر دي فيها استهداف للثوار ، و كنت قد علقت على كل بوستاته إنها غير مفيدة الآن .

أتمنى أن تتوقف

نشوف الصورة الكبيرة!

	التاريخ	البوست	ملحوظة
1	24-12-2018	Re: استطلاع: هل تؤيد تدخل المجتمع الدولي لحما�Re: استطلاع: هل تؤيد تدخل المجتمع الدولي لحما�	Quote: وان لم ينحاز الجيش يبقى سؤال البوست مهما، عن ما هي الخطة الأخيرة للشعب وماهي الخيارات المقبولة لديه.
2	25-12-2018	المظاهرات أثبتت أسباب الأزمة الاقتصادية التي تمر بها البلادالمظاهرات أثبتت أسباب الأزمة الاقتصادية التي تمر بها البلاد	Quote: فإن أعداد قوات الشرطة والمرتزقة في شوارع السودان المشتعلة وكميات سيارات الشرطة التي صاحبت البشير للجزيرة والمتحركات الشرطية والأمنية التي انتشرت في شوارع الخرطوم وبقية المدن
3	26-12-2018	Re: الجيش معذورRe: الجيش معذور	Quote: إذن فمن هم الذين يقتلون المتظاهرين السلميين في الشوارع؟ ومن أين تلقوا التعليمات؟ ومن يتحمل جريمة قتل الروح التي حرمها الله إلا بالحق؟ هذا ما ستؤكده الساعات القريبة القادمة Quote: حتي يأمن النظام مكر اولاد الترابي في هذه الاجهزة
4	26-12-2018	شهداء النظامشهداء النظام	Quote: مش غريبة أن نجد أن عدد شهداء النظام خلال ثورتي ٢٠١٣ و٢٠١٨ التي فاق عدد شهداء الشعب ٢٥٠ مواطنا أعزلا، صفرا كبيرا ! طيب المندسين المسلحين والمخربين وعناصر الموساد القالوا عليهم ديل، كانوا جايين من إسرائيل عشان يصوروا؟
5	30-12-2018	خلية عبد الواحد التابعة لجهاز الأمنخلية عبد الواحد التابعة لجهاز الأمن	Quote: إذن صراع عبد الواحد التاريخي ومنذ الأزل كان مع جهاز الأمن وليس الشعب السوداني عندما خرج الشعب في مظاهرات عارمة تسللت خلية عبد الواحد ومعها كمية ضخمة من الاسلحة وكان عينها في قوات الأمن والشرطة ولكنها لم تقتل اي فرد منهم ثورة الشعب كانت لاقتلاع النظام، وكذا حركة عبد الواحد إذن فالخلية التي قتلت المتظاهرين أن كانت تتبع لعبد الواحد فقد حققت أهداف جهاز الأمن بقمع المظاهرات وقتل المتظاهرين وان كانت تريد الفتنة فكان الأولى بها إطلاق النار على الشرطة حتى يردوا على المتظاهرين برد أقوى يسقط المئات. Quote: النظام دا لازم يرحل اليوم قبل بكره... لانه عايز يفتن ويهتك النسبج الإجتماعي بالسودان. كضب وتلفيق بصورة ابيخ من بايخة. . أنا بنقل بس. Quote: أنا بنقل بس. Quote: أنا بنقل بس. Quote: أنا بنقل بس. Quote: إضافة لما ذكرت، فإن هذه الخلية المزعومة قتلت أكثر من ٢٠٠ متظاهر عام ٢٠١٣ وظلت متخفية ترزق حتى ظهرت في مظاهرات نهاية العام وقتلت أكثر من ٣٠ متظاهر دون ان يراها احد، ورغم الأمن الكثيف وعربات الشرطة الغزيرة في الشوارع لم يقبض على هذه الخلية أثناء التظاهر بل بعد أن ذهبوا لمنازلهم والأغرب انها ترى أعداءاها الحقيقيين الذين قتلوهم في دارفور وكردفان ولكنها تركتهم وتركت كل القوات الحكومية التي تحرس النظام وقتلت المواطنين الذين ينادون بسقوط خصومها وفي الحالة فهي تخدم النظام ولايسعنا الا ان نقول هي خلايا أمنية وان ارسلها عبد الواحد أو إسرائيل ذات نفسها. Quote: عندما يضرب الأمنجي معتقلا ويهينه فإنه لا يفعل ذلك من باب التشفي الشخصي المعتقل المقهور لايستطيع الرد على الأمنجي وهو في المعتقل، ولكنه يحول كل طاقته إلى هدفين رئيسين: التحمل والترصد. وبمجرد خروجه من المعتقل تحدثه نفسه بالثأر ممن ضربه وأهانه شخصيا وليس لمن أعطاه الأوامر. فإذا وجد اي فرصة للثأر كالتي تتوفر عند المظاهرات أو الفوضى العارمة فإن طاقاته واسلحته كلها تتوجه لمن ترصده وهو في المعتقل وبالتأكيد لن يأبه لأي من المتظاهرين حوله حتى يأذيهم أو يقتلهم، بل العكس سيدعمهم حتى يكونون له وجاءا وتغطية وهذا السنياريو هو المتوقع من أي خلية معادية للنظام سواء أكانت حقيقية أو وهمية.
6	06-01-2019	الجنجويد ما لاقين شغلالجنجويد ما لاقين شغل	Quote: عشان كده كاسرين ركبة في العاصمة والمدن الكبيرة أكتر من ٤٠٠ تاتشر محملة بالجنود والعتاد باركة في الخرطوم والمجاهدين برضو، والشرطة الشعبية، والقوات الخاصة، و الخ. وين ناس المعارض (س) يشعلوهم شوية خلوهم يحللوا مرتباتهم وحوافزهم خايفنهم يعملوا نفرة، اليعملوها، هم فاضين في الايام دي؟ Quote: الجنجويد ديل اصلا وظيفتهم الأساسية معروفة ومكان شغلهم معروف فما في داعي تخلوهم عطالى في الخرطوم اشغلوهم شوية يا شباب خلوهم يرجعوا يا حليلك يا خليل
7	08-01-2019	حشود البشير وسقوط الخرطومحشود البشير وسقوط الخرطوم	Quote: في غمرة انشغال النظام بمسيرة السلام، المزمع قيامها يوم غد الأربعاء، واستغلالا لفرص تواجد إعداد هائلة من أنصار النظام في مكان واحد في قلب الخرطوم، فإن جهة ما من حركة١٩ ديسمبر- لم تسم نفسها- تبنت خطة خطيرة من محورين : الخطة أ: نعود لها في حينها... الخطة ب (سقوط الخرطوم) : ففي ظل غياب أنصار النظام من محليات ام درمان وأم بدة وكرري وبحري وشرق النيل وجبل أولياء، سيتم استلام أربع من محليات العاصمة المثلث في آن واحد، من قبل جمع غفير من المتظاهرين من أبناء المحليات نفسها، وبعض بالتعاون مع بعض منسوبي القوات النظامية، و بالتزامن مع عمل شبيه منظم في بعض مدن السودان الكبرى. Quote: فإن جهة ما من حركة١٩ ديسمبر- لم تسم نفسها- تبنت خطة خطيرة من محورين
8	10-01-2019	المرحلة التالية .. والأخيرةالمرحلة التالية .. والأخيرة	Quote: التجمع مطلب عاجل غير آجل ، وإذا بدأ الناس بالمئات فسوف يفوقون الملايين خلال بضعة أيام. وإذا مر هذا الجمع بسلام فسيسقط النظام حتما لا احتمالا وإلا فالمرحلة الأخيرة حتمية الموت Quote: وارشح شارع النيل من المقرن وحتى قرب القصر ليكون ميدان المعركة على أن تكون منطقة كبرى توتي مركزا للجان الاعتصام الطبية والسياسية

فهنالك الكثير لتوضيحه، فهذا الخبر الأخير والنتف أعلاه كلها تخرج من مشكاة واحدة.

___
حتى لو كنت (بتنقل بس).

تنقل بس.

Quote: أوكي ياود البشرى اوافقك على أهمية محاربة الاخبار الكاذبة والتي من شاكلتها حديث المنبر والفيس يوم امس كله عن تحركات الجيش الكثيفة للانقلاب ولكن دعنا نفترض ان نسبة صحة هذا خبر البوست 1% فشنو حق نخلي خلي الناس تعمل حساب هذه النسبة الضعيفة، ولو بتذكر البوست اذا حدث ما توقعناه

أنا (ما بنقل براي) معاي جاموس
وانتو بس أمسكوا من كلامي الفرد 1% والباقي بجي براهو، نقل بس!
هههههههه

بعدين أرقامك النضيييييييفة دي ذاتا تحدث عنك وعن مجهوداتك!
100
250
200
30
400

__
أوترها ياااااخ، صلحا، أصلو شنو هو! باينري؟

======

أها يا أخوانا أنا مشيت بعد دا
ثم كوع فأوصاهم قائلاً أن:

___
اضربوا الفلول.

سلام مجددا
الاخ عمر التاج
معليش خاصية الاقتباس ما شغالة عندي .
1-نعم انت منبر حر لكن يا اخي المنبر دا ما سوق ام دفسوا ولا سوق الملجة عشان اي زول يجيب بضاعتو ولحم كيري ويكورك علينا جاي جاي ويبيع لا رقيب ولا حسيب.
لا يا اخي الكريم انت هنا في المنبر ملزم لامن تجيب كلام زي كلامك دا تجيب المصدر والدليل لمصداقية الخبر ولمصداقية المنبر بكري ما عمل المنبر دا عشان تجي تغرقو باخبار كاذبة وتضرب مصداقية المنبر.
2-في مداختلك الاخيرة قلتا التاتشرات متجه الي الحدود الليبية
دا تاكيد منك ان التاتشرات دي متحركة من الا راضي السودانية الي حدود الاراضي الليبية.
ويظل الاسئلة قائمة يا عمر حتي تثبت كلامك هذا اوتعتذر.
الكلام دا كلامك انت ولا ناقلو من جهة انت تعرفو؟
اذا كلامك انت جيب لينا الادلة وقول لينا اتكلمتا مع منو من ناس حفتر ومع منو من حركة العدل المساواة ؟ .
ولو ناقلو من جهة انت تعرفو جيب لينا المصدر .
الاخ
عمر التاج ما جاوبتا علي الاسئلة الفوق ديل

سلامات
الاخ الفاضل
حاتم ابراهيم
التريس والتاكد من الخبر قبل نقلها امر مهم ما عارف الناس مستعجلة لشنو ؟
تحياتي

مامحتاجه سقوطها على الابواب
بالسلميه ساقطه

تحياتي مجددا للجميع
واسمحوا لي بالتعقيب جملة لان الوقت لا يسمح بالتفصيل ، كما أن البوست عندما يمتد ويكثر تخريبه يخرج من غرضه الأساسي
والهدف من البوست كما قلت نشر خبر جديد و الرسالة واضحة ان لا يتحسب الثوار لكل احتمال وان لا تتأثر الثورة او تحيد اذا حدث تدخل خارجي او اشتباكات
بالنسبة للشبح المدعو حاتم والملقب بالقرادة الالكترونية فقد كان خطه مكشوفا خلال هذه الهبة ، وبوستاته ومواقفه تحكي عن خيبته ، أقول له العب غيرها يا بليد
أولا الاقتباسات الانت جبتها كلها مافيها غير واحد فقط منقول وانا وضحت عليه منقول ، الباقي كله اجتهادات مني ومستعد لمناقشتك في أي مداخلة اذا عندك رقبة للنقاش
وتاني حاجة ماتفتكر الناس بليده لما تجيب اقتباسات مبتورة وتفرغها من الصياغ الكانت فيه ، ابقى شاطر واختار أي بوست وتعال ناقش فيه فكرتك
ولرغم اني ما فاضي للنقاشات الطويلة وبفضل طريقة البوستات القصيرة لاوصل أي رسالة لكن بتبرع لوجه الله اناقش شبح باستفاضة في أي بوست من الاتي:
{
اخونا سفيان جزاه الله خير لم يقتنع بكلامي عندما قلت انني ساحتفظ بمصدري الخاص، وقام جاب كلام عكس كلامي وقال حايحتفظ باسم المصدر حسب طلبه هههه طيب مانفس كلامي ياسفيان.

Quote: ماورد في البوست ذهبت به إلى قيادي بارز في حركة العدل والمساواة و كذبه تماماً و احتفظ باسم القيادي حسب طلبه. أخونا عمر التاج عليه بكل احترام النقل أن يورد مصدره

أخونا ياسر احمد وكل الطيبين ، وحاتم العولاق وكل السيئين حا أفتح لهم بوست منفصل
أجمع ليهم فيهو البيض كله في سله واحدة وماعليهم الا يشاوروا باصبعهم ويقولوا أهو، انت خنت هنا ..
فال هناك:
الثوار الآن على أبوب القصر الجمهوري
}