سوريا ، اليمن ، ليبيا

02:59 PM January, 12 2019

سودانيز اون لاين
ودقاسم-
مكتبتى
رابط مختصر

سوريا ، اليمن ، ليبيا
ما حدث في هذه البلدان لم يحدث بيد الشعوب . فلم تمتد يد الشعوب إلى السلاح من يوم خروجهم الأول ضد الحكّام .
لكن الحكّام الطغاة ومن حولهم من البطانة المنتفعة زينوا الأمر لأنفسهم ، وأصرّوا على هزيمة الشعوب .
وظنوا أن الأمر ليس إلا جولة واحدة وسيسكتون شعوبهم بقوة القهر إلى الأبد .
وظلوا يرقصون فوق جماجم الشعوب حتى آلت هذه البلدان إلى خراب .
الشعوب خرجت لتقول للحكام أننا لا نريدكم ، فأنتم تسوسونا بالقهر وتسلبون حريتنا وتهدرون كرامتنا ولا تلبّون أي من تطلعاتنا . اذهبوا ودعونا نأتي بمن هم خير منكم .
لكن الحكّام زادوا في طغيانهم وظنوا أن لا أحد غيرهم يصلح للحكم . وظل الصراع يزداد يوما بعد يوم ، صراع بين صاحب الحق ومن سلب الحق .
فحدث ما حدث . لكن رغم هذا الدمار ورغما عما يحدث من الموت والتشريد في حق الشعوب ، فإن النصر في النهاية للجماهير والهزيمة للطاغوت .

Quote: فحدث ما حدث . لكن رغم هذا الدمار ورغما عما يحدث من الموت والتشريد في حق الشعوب ، فإن النصر في النهاية للجماهير والهزيمة للطاغوت .

عايز تقول شنو؟

ليبيا لغاية سقوط القذافي كانت خدمات الكهرباء والموية والغاز شغالة!
اليمن إلى الآن خدمات الإنترنت فيها متوفرة والمدارس والجامعات مفتوحة!
سوريا بعض مدنها مدمرة لكن دمشق وما حولها بخير وحالهم أفضل من حالنا!

فهل دا تخويف من مصير الدول التلاتة دي؟

ما ياهو الموت والدمار والتشريد شغالات من التسعينات في النيل الأزرق وجبال النوبة ودارفور!
المواطنين الهناك ديل ما تبع (الشعب)؟

ولا (الاحساس) بينعدم وما بيرجع إلا لما الأمور تبقى في الوسط
وبعدها نسمع التحذيرات من مصاير الدول العربية.

___
مش غريبة يا ود قاسم الصيحة المتأخرة دي!

اعتقد أن كلامي واضح ولا يحتاج مزيدا من الشرح . والدليل أنك أسميته صرخة .

اعجبتني جدا عبارة اصروا علي هزيمة
الشعوب ولكن هكذا علمنا التاريخ
ان الغلبة للحق وان طال السفر
اتمناك بخير ودقاسم

مرحبا أخي حسن
الشعوب لا تهزم مهما طال أمد القهر
وكما ذكرت أنت هذا درس من التاريخ

Quote: اعتقد أن كلامي واضح ولا يحتاج مزيدا من الشرح . والدليل أنك أسميته صرخة .

دليلك فاسد!
فالمكتوب صيحة!
__
الصراخ لسة أنت ما بديته.

سلآمات يا ود قاسم،
وألف مرحبا بعودتك .

أرجو أن لا تلقي بال للسفيه المأجور حاتم إبراهيم ...

مرحبتين معاوية
أنا والله لا أغضب لشخصي ، لكني أغضب من أجل هذا المنبر الذي أكن له الكثير من التقدير والاحترام
ألف شكر لدعمك

Quote: عايز تقول شنو؟

اقرا عشان تعرف الراجل قال شنو

Quote: فهل دا تخويف من مصير الدول التلاتة دي؟

قريت وما فهمت؟



بعدين شنو وسط
الثورة في كل السودان
تسقط بس

تحياتي ود قاسم

Quote: لكن الحكّام زادوا في طغيانهم وظنوا أن لا أحد غيرهم يصلح للحكم . وظل الصراع يزداد يوما بعد يوم ، صراع بين صاحب الحق ومن سلب الحق . فحدث ما حدث . لكن رغم هذا الدمار ورغما عما يحدث من الموت والتشريد في حق الشعوب ، فإن النصر في النهاية للجماهير والهزيمة للطاغوت .

تحياتى الأخ ود قاسم
كلامك واضح إلا لمن لا يريد أن يفهمه .

و كلام حاتم إبراهيم أوضح و أبلج:

Quote: عايز تقول شنو؟ ليبيا لغاية سقوط القذافي كانت خدمات الكهرباء والموية والغاز شغالة! اليمن إلى الآن خدمات الإنترنت فيها متوفرة والمدارس والجامعات مفتوحة! سوريا بعض مدنها مدمرة لكن دمشق وما حولها بخير وحالهم أفضل من حالنا! فهل دا تخويف من مصير الدول التلاتة دي؟ ما ياهو الموت والدمار والتشريد شغالات من التسعينات في النيل الأزرق وجبال النوبة ودارفور! المواطنين الهناك ديل ما تبع (الشعب)؟ ولا (الاحساس) بينعدم وما بيرجع إلا لما الأمور تبقى في الوسط وبعدها نسمع التحذيرات من مصاير الدول العربية. ___ مش غريبة يا ود قاسم الصيحة المتأخرة دي!

سوريا واليمن وليبيا حصلت المرحلة دي يا ود قاسم عشان تحذرنا من مصيرها؟





بل الواقع يفرض عليك تحذر البلدان التلاتة من مصير السودان، مش كدة؟

__
مالم يكن في وعيك أن المواطنين أعلاه ينتمون إلى دولة أخرى.


==========

يا أخ محمد سليمان
الإخوة يعوزهم الوعي والمصداقية
فالأمور لا تحتاج لتوضيح من شخصي أصلاً
فقط بالنظر للنموذج الذي يحذرون بعضهم منه.

___
يحذرون الآن فقط وليس عندما كانت الأطراف تحترق.

سلامات ود قاسم

تعرف يا حاتم وقت البشير كان بخوف السودانين في الساحة الخضراء
بأن يصبحوا لاجئين (عاوزين تبقوا لاجئين) نسي الدكتاتور أن السودانين لاجئين
في معسكرات اللجوء في تشاد من زمان..وهو المتسبب في ذلك .. ومر الموضوع وكأنما السودان هو فقط الشريط النيلي

العقلية واحدة يا عبد العظيم، العقلية واحدة! والفايروس لا دواء له إلا التحصين.

نفس العقلية الحتظهر بعد شوية تكلمك عن مآسي سوريا وفلسطين ودمشق،
لأنو جبال النوبة ودارفور والنيل الأزرق خارج مفهوم (الوطن) لدى أولئك، تماماً وحرفياً
ولنفس السبب دا حاتم لازم تلفق ليهو تهم التجسس والعمالة والارتزاق وبأنه (أجنبي) تصور!
دا بيحصل مجرد ما نتكلم عن ضرورة النظر للسودان الكبير بدل الإنكفاء على المفاهيم الضيعت البلد وقسمته.

___
بيعيدوا انتاج الأزمة، بلا وعي وبلا ضمير، الضمير الذي لا تحركه إلا كوارث بلدان العرب، فيا لهول فجيعتنا المتجددة.

سلام على الجميع ،حقيقة يا ود قاسم كل الثورات والحركات بدت سلمية شباب عزل بيظاهرو بتقابلهم الحكومات بالسلاح فلابد من انهم يدافعوا عن أنفسهم ، ولابد من وجود جهات جاهزة لمدهم بالأسلحة البدافعوا عن نفسهم ،ود قاسم خايف انو المتظاهرين عندنا يتسلحو ويحدث ما لايحمد عقباه....واكيد جهات كتيرة مراقبة وممكن تسلح هؤلاء الشباب

اليمن ماعارفو لكن سوريا وليبيا هسع دا في سودانيين لاجئين ونازحين قاعدين يفتشوا في اي طريقة توصلهم هناك ومالاقينها.. عشان يستنشقوا ومضة من نعمة الأمن ويتحصلوا علي لقمة العيش الكريمة لسد رمقهم، وعلي الدواء والكساء وعشان يقدروا يدخلوا ابنائهم في المدارس ليفكوا الخط بس عشان يعرفوا يكتبوا ويقرأوا.
هم فقط يبحثوا الحد الادني لمتطلبات حياتهم كبني آدميين..

حقو الناس ماتخاف لسودان مابعد الإنقاذ ...مؤكد... أيا كان هو .. سيكون أفضل بكثييييير .

Quote: ولنفس السبب دا حاتم لازم تلفق ليهو تهم التجسس والعمالة والارتزاق وبأنه (أجنبي) تصور!

هههههههههههه،
قال تُهم قال !!!...

Quote: ومر الموضوع وكأنما السودان هو فقط الشريط النيلي

!!!؟؟؟...

دمشق لا زالت جنة وسكانا حور