مرحبا بكل الثوار (الشارع يسع الجميع)

12:38 PM January, 12 2019

سودانيز اون لاين
عبدالعظيم عثمان-
مكتبتى
رابط مختصر

الشوارع لا تخون
تسقط بس
موكب13يناير
مرحبا بكل الرافضين للنظام، الشارع يسع الجميع
مرحبا بكل الرافضين للمهادنة مع النظام مهما كانت خلفياتهم
لا وقت الفرز أو التصنيف
الإنتماء للشارع هو استجابة لنداء الضمير والواجب
الثورة تحب ما قبلها (كما قال الحبيب محمد حسن التعايشي)
لا وصاية من احد الثورة تحتاج الجميع
الشعب السوداني في أمس الحاجة لتوحيد الصف في الشارع حول شعار واحد وهو تسقط بس
لا مكان لأي خلاف سياسي أو ايدلوجي.. الوقت وقت الثورة
اي محالة الإقصاء الآن تخدم النظام

تسقط بس

الثورة تجب ما قبلها
تسقط بس

Quote: لا مكان لأي خلاف سياسي أو ايدلوجي.. الوقت وقت الثورة اي محالة الإقصاء الآن تخدم النظام

Quote: ما سر الإصرار على التكويش على مجهودات الآخرين وتركيز الفضل في عطبرة؟

Re: تفوق شباب 19 ديسمبر على الوطني! Re: تفوق شباب 19 ديسمبر على الوطني!

ما هي رسالتك للأجنبي المأجور حاتم إبراهيم يا عبد العظيم ؟.
الثورة يجب أن تمشي في خط وآآآآآآآآآآآآحد ...

كلامك و فهمك دا عبد العظيم كويس انو دي لغة الناس الفاعلة على الأرض وفي الشارع واصحاب القرار و ما شاغلين نفسهم بأي تفاصيل و قوائم وسفن و غبائن شخصية
موضوعهم واحد وواضح: تسقط بس!
الغلبة والورجغة خلوها لناس الاسافير المرتاحين كل واحد جاب بقجة غباينه ومن منفاه وورا الشاشات شغال يفرز وينظر

الوقت للثورة
ثورة كل الشعب من بورسودان لحدت نيالا
ومن عطبرة لحدت كوستي
الشعب متحدد جدا
في كل السودان من اقصاهو لاقصاه
.........
هذه السلطة الغاشمة اذلت كل الشعب في دنقلا وعطبرة
في نيالا وفي الفاشر وفي خور برنقة
والخرطوم وبورسودان والقضارف ومدني
وكسلا وكوستي وكل دساكر بلادي الحبيبة
........،
المبادرة والمباداة الان في الارض لشباب السودان
الشعب يتقدم بخطوات ضوئية على الحكومة ومليشياتها
........
تسقط بس؛

السلام عليكم

يا عبدالمنعم الطيب حسن

Quote: ثورة كل الشعب من بورسودان لحدت نيالا ومن عطبرة لحدت كوستي الشعب متحدد جدا

دا كلام شنو!!!!!؟

ليه طلعت ناس وادي حلفا وعبري ودنقلا......

حدودنا بقت من عطبرة لحدي كوستي ولا شنو!!!!؟

لا والله يا فريدة
عبري طلعت ودنقلا وحلفا الجديدة والقديمة
وكل السودان
القرى والحضر والدساكر
حتى ذكرت خور برنقا في اقصى حدودنا مع تشاد
ونسيت قرورة حدونا في الشرق
وفي نمولي وفي حلايب وكل السودان
وفي واوسي حلتنا وفي الجيلي
لا لا
فهمتيني غلط
الثورة في كل السودان
وقام بها كل شباب السودان
ياكوز يا مغرور كل البلد دارفور
هكذا يردد شباب الثورة
هذه اعظم ثورة في العالم لان من قام بها
شعب معلم وجبار

Quote: لا والله يا فريدة عبري طلعت ودنقلا وحلفا الجديدة والقديمة وكل السودان القرى والحضر والدساكر حتى ذكرت خور برنقا في اقصى حدودنا مع تشاد ونسيت قرورة حدونا في الشرق وفي نمولي وفي حلايب وكل السودان وفي واوسي حلتنا وفي الجيلي لا لا فهمتيني غلط الثورة في كل السودان وقام بها كل شباب السودان ياكوز يا مغرور كل البلد دارفور هكذا يردد شباب الثورة هذه اعظم ثورة في العالم لان من قام بها شعب معلم وجبار

إعتذارك مقبول.....

شكرا يا جميل

سلامات على الجميع
الوقت وقت الثورة
النظام باقي سقوطه الصبر والثبات
معاوية المدير سؤالك دا ما وقته
قصة اجنبي ومأجور الكلام دا ما صح يا معاوية في حق زميل المنبر حاتم
مافي زول عنده الحق يفتش مواقف الناس في الوقت دا تحديدا
الثورة ماشة وحتصل لي نهايتها... مكان الدواس الشارع
المماحكات الاسفيرية دي ما حتهز في الثورة شعرة
الغافل من ظن أن خلافات المنبر ستؤثر على الثورة
الشارع بس
تسقط بس

الثورة تتمدد وتدخل كل البيوت
عندما تتحول مناسبات الأفراح مكانا لأناشبد الثورة
عندما يخرج الناس من المساجد
عندما يتغني الأطفال بالثورة
نحنا قريبين جدا من الإنتصار
التركيز على الزخم الثوري
ودعم الشارع حتى سقوط النظام
لاصوت يعلو فوق صوت الثوار

موكب13يناير
تسقط بس

Quote: قصة اجنبي ومأجور الكلام دا ما صح يا معاوية في حق زميل المنبر حاتم مافي زول عنده الحق يفتش مواقف الناس في الوقت دا تحديدا

أديني سبب وآحد يا عبد العظيم يخلي دا ما وكتو، وأديني سبب وآحد
يخليني ما أشُك في إنو حاتم أجنبي وهو مجهول الهوية، واللآ سبب
يخليني ما أشُك إنو أجنبي .
لا يُكن يكون عندي خلآف شخصي مع بشر لا أعرفه .
الما صح شِنو في أني أقول عليهو أجنبي ؟...

الغلط يا معاوية نقعد نهدر وقت ثمين في موضوع لايفيد الثورة الآن
ونفتح نفاج وقضية جديدة (انت عليك إثبات أن حاتم أجنبي ومأجور)
وإذا ما قدرت تثبت الكلام دا بتكون غلطت مرتين
وفي نفس الوقت دا الشارع والثوار محتاجين لأي جهد عشان تنجح الثورة

تسقط بس يا مدير
موكب13يناير

بالضبط هذ هو شعار المرحله ثوره باسم الوطن والشعب السوداني ولا مجال لاي محاوله لشق الصف.تسقط بس

كادر المؤتمر الشعبي الشاب الشواني
الذي أصيب بثلاث رصاصات في بطنه وهو يهتف في الشارع بسقوط النظام
يمثل شباب الثورة.. ودا تحول كبير في مسار هذه الثورة
عشان كدا لابد أن تكون أبواب الثورة مشرعة لكل من ينفض يده من يد النظام
دون شماتة أو مزايدة.. الشارع يسع الجميع
والثورة تحتاج كل الجهود
موكب13يناير
تسقط بس

الوطن والإنتماء للوطن يعلو على كل الإنتماءات الأخرى
اي تعصب حزبي غير مفيد الآن.. المربع الذي يقف عليه الجميع
هو مربع الوطن.. الماعون الحزبي ضيق ومقيد
الثورة رفعت الشباب الي سماوات الوطن الواحد واسقططت الخلافات السطحية
شباب الثورة تجاوزوا القيادات بوعي كبير ومسؤولية أعظم وعانقوا المجد
لابد من البناء على حالة الوعي والوجدان الموحد التي افرزتها الثورة ودا مكسب كبير
موكب13يناير
تسقط بس

Quote: ليه طلعت ناس وادي حلفا وعبري ودنقلا...... حدودنا بقت من عطبرة لحدي كوستي ولا شنو!!!!؟

الاخت فريدة تحياتى
بالله شدو حيلكم لان تخرج وادى حلفا غدا 13/1
وايضا حلفا الجديدة [ لان عبرى طلعت من قبل واحتمال تطلع بكرة عايزين وادى حلفا تطلع وبقوة /red]

Quote: الغلط يا معاوية نقعد نهدر وقت ثمين في موضوع لايفيد الثورة الآن ونفتح نفاج وقضية جديدة (انت عليك إثبات أن حاتم أجنبي ومأجور) وإذا ما قدرت تثبت الكلام دا بتكون غلطت مرتين وفي نفس الوقت دا الشارع والثوار محتاجين لأي جهد عشان تنجح الثورة تسقط بس يا مدير موكب13يناير

تسقط بس يا عبد العظيم وهي ليست مقصورة علي ذرّة تراب
بعينها من الوطن، لكن مطاردة هذا العميل للزملاء والزميلات
الذين أشاروا وكما عرف العالم أجمع أنها بدأت يوم 19 ديسمبر
ومحاولته ضحد ذلك فيها عرقلة وتعطيّل ظاهر لمسار الثورة .
تسقط بس يا عبد العظيم وإذا إنت ما متابع محاولة حاتم
لعرقلة مسار الثورة أنا مُستعد أجيبلك الروآبط هنا، الوقت
ليس وقت فلوّل إنما وقت تكاتيك بالجد جد والراحل شغال
تكاتيك ...

يا معاوية الحراك الثوري للشعب السوداني بدأ قبل عطبرة
تحركت الدمازين وتحركت الفاشر قبل عطبرة
المهم الآن أن ندعم الثورة ونترك اي شيء يصرف الناس عن تسقط بس
مافي وقت
حالة الثورة تعم كل أرجاء الوطن
موكب13يناير
تسقط بس

نعم يا عبد العظيم

الناس لازم تتوحد في اللحظات الحاسمة دي
دي فرصة ذهبية لازالة النظام واماطة الاذى
الاقصاء و التخوين الان يصب في مصلحة النظام.

سلمية...سلمية... سلمية وتسقط بس

Quote: يا معاوية الحراك الثوري للشعب السوداني بدأ قبل عطبرة تحركت الدمازين وتحركت الفاشر قبل عطبرة المهم الآن أن ندعم الثورة ونترك اي شيء يصرف الناس عن تسقط بس مافي وقت حالة الثورة تعم كل أرجاء الوطن موكب13يناير تسقط بس

الكلآم دا يُفترض يُوجه لحاتم يا عبد العظيم لأنوا هو البيعمل علي
العرقلة . الحقيقة تحركت مُدُن كثيرة لكن الحِرآك كان لا يعدُو كونه
مظاهرات، لكن الحراك الذي حدث في عطبرة كان هو الشرارة التي
أشعلت هذه الثورة وهذا ما يشهد عليه العالم أجمع وعندما نقول
هذا الكلآم نقوله علي أنه حقيقة وليس تحيُزاً لكن هذا العميل
يسعى جاهداً لعرقلة الناس ومحاولة زرع الفتنة بينهم وأصبح
شايل مسألة من أين بدأت الثورة لزرع الفتنة بين الناس وهو
يقوم بهذا العمل لأنه شخص مأجور يأخذ ثمن مقابل هذا
العمل لزرع الفتنة بين الناس، خليكم عارفين ...

موكب13يناير
تسقط بس

دقوا النحاس من ضي
صوب الشوارع هي
مافيش تخاذل تب
ما فينا زولا ني
مترس وجودك جد
عبي الهتاف يا جني
لا ترجا آخر الصف
قدام وأنت الضي
سوى الصفوف كالسيل
شعبا هميم بالحيل
ما اظنو يحكم يوم
دقنا بتلب ليل
اعوج وشوفه كمان
عاوز يعدل الميل
قدام وعازة هواك
قالت يمين جيد لي
حاشاه فاشي الضيم
عارفاه ولدا لي
ابدا بشيل همي
وبمسح عذابي البي

تسقط بس
موكب13يناير

دا الكلام.

Quote: الوطن والإنتماء للوطن يعلو على كل الإنتماءات الأخرى اي تعصب حزبي غير مفيد الآن.. المربع الذي يقف عليه الجميع هو مربع الوطن.. الماعون الحزبي ضيق ومقيد

تســــــــــــــقُط بس.

كتب د. محمد الطالب:📝📝📝


هااااا آديجانقو أفرز

🍁لكل المتفاعلين مع الحراك الشعبي الحادث الان والرافض لسياسات الحكومة والمطالبين بالتغيير -

نقول:

🍁إن من أكبر الأخطاء السياسية التي تضر بمسار ونتائج هذا الحراك - تبني فكرة اقصائية شاملة وتصور استئصالي معمم يطال كل عضوية الحركة الاسلامية ..

🍁إن التوجه العدائي المفرط التعميم يغلق ابواب الانشقاقات والانسلاخات امام جمهور غفير واعداد كبيرة من الاسلاميين الرافضين لهذا الواقع والراغبين في التغيير والانضمام للحراك- ويحاصرهم في خانة الاستعصام بالنظام والصمود معه حتى النهاية - لان خطاب الحراك الثوري لم يتح لهم فرصة التراجع والمراجعة- بل وجرمهم تجريم مطلق. لذا فتحديد القضية بعيدا عن الوعيد بالويل والثبور والتشفي والانتقام الشامل يستقطب كثيرين من مناصري النظام ويفتح الافاق امام حالة وحدة وطنية ووجدان قومي يسرع بتأسيس نظام معافى قائم على غايات وطنية مشتركة ... ويعصم كثيرا من الدم والدموع ..

🍁إن من طبائع المجموعات السياسية أنها لا تجمع اشرارا بربطة المعلم - فهناك الاخيار في كل كيان سياسي - كما فيه الاشرار والفاسدين...

🍁- وان من حقائق الأمور ان هناك ضمن عضوية الحركة الاسلامية شباب على قدر عالي من الوعي والوطنية والانفتاح على الآخر والقابلية للتثوير ضد الراهن الآن - فمن الخطأ شيطنتهم علي الاطلاق والعمومية ..

🍁اذا كنا نريد التغيير فلا يمكن ان نستبدل خطابا اقصائيا وممارسة احتكارية للفضائل والوطنية بأخرى بذات الخصائص...

🍁طالما التغيير ينشد قيام دولة عدالة وقانون - يجب ان يسلك منذ طور تخلقه طريق هذه القيم ويعتنقها دستورا هاديا لمساره .. ولنتفق على اقامة دولة القانون وبعدها الحساب ولد ...

🍁كلنا نتفهم الروح الثورية التي تجتاح الشارع الان - لكن تحشييد واستعداء الاخر وتعبيئته ضدك ليس من المصلحة - واعني به شباب الاسلاميين الرافضين لواقع الحال والراغبين في التغيير- ودفعه للمواجهة دفعا ...

🍁لذا ارى تجنب شعار (اي كوز ندوسه دوس) - ونركز قضيتنا في القضية نفسها وهي اقامة دولة القانون والعدالة والمساواة لا دولة الانتقام والتشفي ..

🍁وان نعلم ان ليس كل الاسلاميين اشرار ومنتفعين .. وليس كلهم راضين عن النظام ... وليس كلهم ضد الحراك والتغيير ... لكن باستعداءهم نضطرهم لأن يلوذوا بالحائط القديم ...

🍁يجب ان يأخذ الصراع منحي موازي ايضا يكون باستقطاب ابناء الحركة الاسلامية أنفسهم وضمهم لصوت التغيير ...

يجب ان نرشد حراك التغيير بتركيز القضية وليس بتشميلها..

🍁نحتاج صوت يجمع الاخيار من كل حدب وصوت - حراكا يضم كل راغب في التغيير مهما كانت خلفيته ... طالما أن الغاية دولة العدالة والقانون..

🍁يجب ان يكون هذا الحراك الثوري قيمة في نفسه يستوعب تصورا لما بعد - ويستوعب كل راغب في التغيير وساعي لبناء دولة العدل والقانون...

🍁اعرف كثير من الاسلامين الحانقين جدا علي اوضاع الدولة الراهنة ولديهم قناعة ان امانيهم اختطفت منهم وان الدولة بوضعها الراهن لا تمثلهم ولا تعبر عن رؤاهم- وقد فرحوا واستبشروا بهذا الحراك الثوري - ولكن لما استشعروا ان انتماءهم لفكرتهم تلك يشكل لدى الشارع الثائر جريمة - لاذوا بجماعتهم لانهم حتما منبوذين ومرفوضين من قبل الثوار - فكسبهم الآخر وخسرهم حراك التغيير ...

ونواصل ..

النظام لم يكن يوما بهذا الضعف
ولم يتصدع كما الآن
استنفذ كل الحلول الممكنة لبقائه
صراع التيارات الداخلية على أشده
النظام الآن جذر معزولة أشبه بالعصابات المتحالفة
سقوطه أمر حتمي
اي أخطاء من قبل الثورة ستكون بمثابة أكسجين للنظام
اي أخطاء في خطاب الثورة أو في شعارات الثورة ستمثل طوق نجاة للنظام المتهالك الآيل للسقوط.. عشان كدا لابد من تقفيل الموضوع دا بيقظة شديدة
وقفل أبواب الخلاف من بدري والتركيز على الفعل الثوري
وتسقط بس

في هذا الظرف العصيب الذي تمر به بلادنا
لابد أن نستحتضر برنامج الحد الأدنى حول الثورة
دفع جماعي لتحقيق هدف رئيسي هو إسقاط النظام
كل المطلوب أن تؤمن بهذا الهدف وتركب من اقرب محطة
الثورة تجب ما قبلها.. مافي صكوك نضال ومافي اي شرعية نضالية محتكرة
كل الأبواب مشرعة، لا وصاية، الشارع يسع الجميع، سقططت كل العبايات
وكل الطرق تقود إلى ثورة الشعب
موكب13يناير
تسقط بس