Post: #1
Title: ناس الشعبي : تلقينا تهديدات بالقتل والتصفية اذا سقط النظام
Author: زهير عثمان حمد
Date: 01-12-2019, 01:10 PM
Parent: #0
12:10 PM January, 12 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر المدارية
كشف نائب الامين السياسي لحزب المؤتمر الشعبي يوسف لبس عن تلقيهم تهديدات بالقتل و التصفية حالما سقط هذا النظام وقال لبس للمدارية :ان احد اصدقائه الذين ينتمون لاحد الكيانات السياسية قال له: ان مثلكم ومثل المؤتمرالوطني كالرجل الذي يلبس “طاقية” اذا اخذت الطاقية لا يتاثر الجسد انتم الجسد الذي يسند المؤتمر الوطني واذا حدث شئ سنبداء بكم “نحن ماعندنا مشكلة مع المؤتمر الوطني” انتم الجسد الواقف ونحن نتعامل معكم علي هذا الاساس وحزر لبس الاسلامين مغبة انهيار حكومة المؤتمر الوطني بقوله: اذا سقط المؤتمر الوطني سيدفع الاسلامين الثمن غاليا ولفت الي انهم اذا اردو ان يسقطو الحكومة القائمة فان لديهم خططهم وترتيباتهم في الشعبي وليس عبر تظاهرات تدعو لاسقاط الكيزان والجبهه وتساءل من هم الكيزان ومن هم الجبهه الاسلامية؟ واضاف لن ندخل في تظاهرات نحن المقصودين فيها ونجد انفسنا في “الصقية” ولا ندري الي اين نذهب
|
Post: #2
Title: Re: ناس الشعبي : تلقينا تهديدات بالقتل والتصف�
Author: Khalid Abbas
Date: 01-12-2019, 01:21 PM
Parent: #1
عايز ليهو مخرج بس وتبرير لعدم فض الشراكة من الوطني وبخوف في الاسلاميين الصادقين الواقفين مع الثوار في خندق واحد
الشعب السوداني كان بتاع تصفيات كان البشير لحق امات طه زمان لافي من عروس لطهور زول شغال بيهو الشغلة مافي
|
Post: #3
Title: Re: ناس الشعبي : تلقينا تهديدات بالقتل والتصف�
Author: Farida Mahgoub
Date: 01-12-2019, 01:56 PM
Parent: #2
السلام عليكم
| Quote: ناس الشعبي : تلقينا تهديدات بالقتل والتصفية اذا سقط النظام |
بالحيل......الجزاء من جنس العمل
|
Post: #5
Title: Re: ناس الشعبي : تلقينا تهديدات بالقتل والتصف�
Author: doma
Date: 01-12-2019, 02:34 PM
Parent: #3
الكلام دا مرفوض يا استاذه فريده لن تتم اي تصفيات لاي انسان االثوره قامت لاجل دوله القانون وليس قانون غابه الانقاذ التي تصفي وتقتل كل من يخالفها
|
Post: #4
Title: Re: ناس الشعبي : تلقينا تهديدات بالقتل والتصف�
Author: عبدالله محمد أحمد
Date: 01-12-2019, 01:57 PM
Parent: #1
لكن يا زهير المعارضة التي تقود الحراك الآن لها مشكلة مع المؤتمر الوطني. واضح ان التهديد جاء الى الشعبي من غرمائه الاسلاميين.
|
Post: #6
Title: Re: ناس الشعبي : تلقينا تهديدات بالقتل والتصف�
Author: Bashasha
Date: 01-12-2019, 04:15 PM
Parent: #4
قرقرقرقرقر!
الكيزان وحات امون، حالتم بقت تحنن!!
خت في بالك، علي عثمان رمي الترابي في السجن لما الترابي فكر يجيب علي الحاج كنائب اول!
تصرفات هؤلاء الهوجاء العبيطة الطائشة ما حتفهموها مالم تفهمو طبيعة الصراعات الدائرة بيناتم في المقام الاول!
اي كلام بقولو علنا منطلقو اولا واخيرا الصراعات المدورة بينم!
كوم الشعبي مشكلتو الاساسية كوم علي عثمان تحديدا!!
الكلام الفوق ده لاعلاقة له البتة بالدوافع الحقيقية لي رقيص الرقبة البسوو فيهو ناس الشعبي بالذات، اللي راسم جايط~!
هذا ذر للرماد، تمويه فوق للراس الجايط!
خايفين شديد من الكوم بتاع علي عثمان لو قررو الانضمام للمعارضة او خرجو عن السلطة، بالذات انو وضعهم داخل المعارضة مجهجه، او بي كده حيطلعو بي قد القفة!!
ده بوضح ليه علي الحاج ودوهو المستشفي من شدة ما الراس جاط!!
المعارضة لازم تكون مرنة او حصيفة!
ياريت تبادر المعارضة من عندها او تفرد ضراعاتا لاستقبال الشعبي، ياريت!!
|
Post: #7
Title: Re: ناس الشعبي : تلقينا تهديدات بالقتل والتصف�
Author: جمال ود القوز
Date: 01-12-2019, 04:42 PM
Parent: #6
الأمر ده ظاهره الخوف لكن باطنه محاولة ماكرة جدا ..
لتحييد دور الاسلاميين وتنفيرهم من المشاركة في الانتفاضة ..
مافي أي تهديدات بالقتل ده شغل جداد الكتروني عايز يفتت الجهود ..
الآن أي محاولة لتخوين أو لابعاد أي فصيل مشارك في الانتفاضة أو ابعاده ..
أمر مستفيد منه النظام وحده لاغير ..
|
Post: #8
Title: Re: ناس الشعبي : تلقينا تهديدات بالقتل والتصف�
Author: Omer Abdalla Omer
Date: 01-12-2019, 05:34 PM
Parent: #7
المهم هددوك ما هددوك
تسقط بس
|
Post: #9
Title: Re: ناس الشعبي : تلقينا تهديدات بالقتل والتصف�
Author: احمد حمودى
Date: 01-12-2019, 11:02 PM
Parent: #8
# تسقط _ بس
|
Post: #10
Title: Re: ناس الشعبي : تلقينا تهديدات بالقتل والتصف�
Author: Mohamed Doudi
Date: 01-13-2019, 00:50 AM
Parent: #9
الكلام دا مرفوض يا استاذه فريده لن تتم اي تصفيات لاي انسان االثوره قامت لاجل دوله القانون وليس قانون غابه الانقاذ التي تصفي وتقتل كل من يخالفها
يا سلام عليك يا دوما ويا سلام على رجاحه عقلك
ناس فريده ديل هم سبب فشل وتاخر الثوره من من الناس لم يشارك الانقاذ فى مرحله من مراحليها الا قله
نحتاج للجميع لانجاز الثوره كما احتجنا من قبل لسوار الدهب وطه ابراهيم ايوب واناس كثار شاركوا مايو ولكنهم كانوا احد عوامل نجاج الانتفاضه
مرحبا بالمؤتمر الشعبى الان فى صفوف المعارضه ولو كان الترابى حيا لكن اول من ايد التظاهر ووقف مع الجماهير كفاره عن انقلاب الانقاذ
يجيب الا نتخطى الحواجز والمراحل....المرحله الان للانتفاضه وتسقط بس
بعدها سوف يحاكم فى محاكم عادله كل من اجرم فى حق الشعب او افسد اى كان تنظيمه لان العقاب فردى
تشكرى الاستاذه دوما
|
|