Post: #1
Title: الحمد لله الذي عافى المنبر من السلفية..واستصبروه على تحمل بواقي حتارب العنصرية فلا معين وسواه..
Author: HAIDER ALZAIN
Date: 01-12-2019, 10:54 AM
Parent: #0
09:54 AM January, 12 2019 سودانيز اون لاين
HAIDER ALZAIN-
مكتبتى
رابط مختصر أما بعد..
فلله الحمد والمنة ان مدّ في ايامنا فرأينا الشيب والاطفال ينصرون الشباب في ثورة التغيير وكنس الدجل والضلال والكجور ..
والحمد لله ان جعلنا شاهدين على سقوط تجار الدين ولحى الضلال والأفك المبين..
وحكمته وكرمه وعدالته تجلت ان اضلهم حتى على اتباع النفس البشرية السوية في رفض الظلم وسفك الدماء وغصب حق العالمين فأركسهم بفتواهم واراءهم بحرمة خروج المظلوم على الظالم المشين..
ومن نافق نفسه وشعبه فقد جعل نحره كيد لسانه فنافق ودلس وابلس ثم ارتد على عقبه فظهر كذبه امام المشاهدين..
وكذلك آيات ربك في المسترزقين..
ولقد مررنا بمنبركم العامر بكل كريم .. فسرنا ما رأينا من غياب تلك الخطب العقيمة والاقلام الصديئة المدافعين عن الدجالين..
ونتساءل خفوتاً وجهراً عن أولئك القوم من الدجالين اصحاب القلوب الميتة والاقلام الماجورة والوجوه المغسولة بمرق النفاق ان ما زالو في مكانهم لا يبرحون..
اعني امثال السيدح وغريبة وباوقة وامثال اصحابه ام كانوا من التائبين الاوبين..
وجزء الله القائمين على امر المنبر خيراً على حسنات افعالهم وتجاوز عن ذلاتهم واخطائهم واثابهم بثواب المجتهد في صوابه واخطائه وجعله اجراً ماجوراً له ولوالديه..
وحيا الله الشباب وثورتهم..
وكفاهم شر الشيب وضغائنهم واجتراراتهم وتخاريفهم والههم حكمتهم وصبرهم وثمرة تجاربهم ..
وابعد عنهم زعطات المثقفين وصوالينهم وجلساتهم وتنظيراتهم وان لا يحملهم اي من صفاتهم.. ويارب وان كان فيهم خيراً فابعدهم بخيرهم وشرهم عن الشباب ..
اللهم عليك بهم .. وبصراع هويتهم.. اللهم عليك بالمثقفاتية المازومين.. اللهم ومن ناصرهم وأيدهم ولم يفقه كلمهم فتبلم ثم قال آمين..
اللهم عليك بعنصريتهم.. االللهم عليك بدونيتهم .. الللهم اخسف بدارون ونظرية النشوء واشكال الاشكال بالارض.. اللهم اخرس السنتهم عن القومية والعروبية والاسلاموية والسلطوية والنخبوية وصراع الهوية والدولة البشاشوية ..
ياكريم يا ناصر الشباب ويا صانع الايام وخالق الاجيال ويا معمر الديار وباني الاوطان .. عليك بناس جدي وجّدتي .. وحقتك وألّتي.. عِصبتك وفخذتي .. وغلامك وجاريتي.. اللهم دمرهم ..اللهم اجعل كيدهم في نحرهم
وانصر عليهم الاحباب.. انصر عليهم السودان واجعله قوله اجمعين وطن شامخ عادل .. حرية دستور وقوانين ..وسلام يسود كل الربوع بوادي مدن وحضر .. ونعود من حلفا الي نمولي راجعين..
اللهم اجعله تغيير وحدة ولم شتات واعادة الاخوة في جنوب الوطن موحدين..
اللهم نجنا من كيد الكائدين واجعل الحسرة على الظالمين ..
ولك الحمد والمنة اولاً واخيراً ان دحر ابان دقون تجار الدين..
وقوموا الي وطنكم ونضالكم فلا صلاة خلف أئمة الضلال
وله الامر من قبل ومن بعد..
|
Post: #2
Title: Re: الحمد لله الذي عافى المنبر من السلفية..واس
Author: عبداللطيف حسن علي
Date: 01-12-2019, 11:08 AM
Parent: #1
اللهم عليك بهم .. وبصراع هويتهم.. اللهم عليك بالمثقفاتية المازومين.. اللهم ومن ناصرهم وأيدهم ولم يفقه كلمهم فتبلم ثم قال آمين..
ـــــــــــــــــــ
طيب دي مازعطة سلفية برضو ، لاتنهي عن زعة وتأت باسوأ منها
سلامة العودة ياحيدر زعمطة
|
Post: #4
Title: Re: الحمد لله الذي عافى المنبر من السلفية..واس
Author: محمد البشرى الخضر
Date: 01-12-2019, 11:55 AM
Parent: #3
اووو حمدا لله ع السلامة, دي كم سنة دي
الجابك يجيب الاحباب الباقين قيقا و نوتة ووهبة و الكثيرين
اسي داروين سألك, مالك عليه
|
Post: #5
Title: Re: الحمد لله الذي عافى المنبر من السلفية..واس
Author: doma
Date: 01-12-2019, 12:18 PM
Parent: #4
عودا حميدا وربنا يقبلك دعاءك
|
Post: #7
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-13-2019, 12:02 PM
Parent: #5
يا سلام الخالة دوما ..
علك طيبة واهلك وبخير وشداد ولضاض ..
اللهم امين و ييختونا يمشو يودعو
فِقَراً علينا إتربعوا
ديل لا بِيخافوا من الإله .. لا بختشو
لا بشبعو
تحياتي
|
Post: #6
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-13-2019, 11:58 AM
Parent: #4
سلام عليكم الاخ محمد البشرى .. ولك التحية
ماعارف اظنو من الفين وخمستاشر او حاجة
الناس دي كلها ضاربة الفيسبوك .. خفيف وساهل :)
داروين سقيطة تسقطو تلحقو البشير .. دا من اسباب البلاوي برضو ..
|
Post: #8
Title: Re: الحمد لله الذي عافى المنبر من السلفية..واس
Author: ABUHUSSEIN
Date: 01-13-2019, 01:22 PM
Parent: #6
الطريفي أهلاً و سهلاً
و قوم لف ....
|
Post: #9
Title: Re: الحمد لله الذي عافى المنبر من السلفية..واس
Author: معاوية المدير
Date: 01-13-2019, 01:25 PM
Parent: #8
الكنارة ظهرو !،
سقطت بس ...
|
Post: #15
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-14-2019, 12:38 PM
Parent: #9
حباب ود المدير .. وينك يازول
تسقط ويسقط حنانا ..
سقطت تب#
|
Post: #14
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-14-2019, 12:35 PM
Parent: #8
ابوحسين الوهم .. سلامات يآخ وتحياتي لك وللأبناء..
ماشاء الله عليك لياقتك فل ومواصل :)
بالله كم لبثنا في هذا الثبات ؟
انت بقيت معارضة وثورجي وكمان بتهتف 
غايتو الجابك يجيب وهبة للصف الوطني !
|
Post: #10
Title: Re: الحمد لله الذي عافى المنبر من السلفية..واس
Author: عبد الصمد محمد
Date: 01-13-2019, 05:19 PM
Parent: #1
*
|
Post: #11
Title: Re: الحمد لله الذي عافى المنبر من السلفية..واس
Author: سفيان بشير نابرى
Date: 01-13-2019, 05:29 PM
Parent: #10
يا فقر...
تسقط بس
|
Post: #12
Title: Re: الحمد لله الذي عافى المنبر من السلفية..واس
Author: Biraima M Adam
Date: 01-13-2019, 06:07 PM
Parent: #11
Quote: حيدر الزين طول عمرك تدافع عن الكيزان
خلاص قربت تسقط جيت تغير جلدك
يا حليلك يا هشام هباني. تعال شوف صاحبك بغير جلده |
هو لكن من الرجال الذين يثبتوا علي موقف!
بريمة
|
Post: #13
Title: Re: الحمد لله الذي عافى المنبر من السلفية..واس
Author: shaheen shaheen
Date: 01-13-2019, 06:48 PM
Parent: #12
ليك وحشة يا حيدر .
حمد الله على السلامة .. وحمد الله على سلامة الوطن اللى لسه بخير .
|
Post: #18
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-14-2019, 01:24 PM
Parent: #13
عمنا شاهين ..
اريتك طيب ياحبيب ومشتاقين كتير والله ..
الوطن دوماً وابداً بخير طالما ختا هؤلاء المتأسلمين والمخادعين وتجار الدين والانسانية
سيعود اجمل مما كان بإذن الله وإرادة الشباب
تحياتي
|
Post: #16
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-14-2019, 01:18 PM
Parent: #11
حبيبنا نابري...
التحايا والود
سقطت تب#
|
Post: #17
Title: Re: الحمد لله الذي عافى المنبر من السلفية..واس
Author: عبدالمنعم الطيب حسن
Date: 01-14-2019, 01:24 PM
Parent: #16
اوووه حيدروف
شرفت شرفت
يا رجل
كتر الغيبات
جاب الغنائم
تسقط بس؛
.......
شوفة حرفك تفرح؛
|
Post: #20
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-14-2019, 01:37 PM
Parent: #17
سلامات الاخ عبدالمنعم ولك التحايا
الله يكرمك يا حبيب .. ولكم بالاكتر والله..
نعم سقطت تب وشبعت سقوط.. وسقطت معاها كل الدقون الضلالية ..
|
Post: #19
Title: Re: الحمد لله الذي عافى المنبر من السلفية..واس
Author: Biraima M Adam
Date: 01-14-2019, 01:34 PM
Parent: #16
يا حيدر،
| Quote: (سفر رؤيا يوحنا اللاهوتي 2: 5) فَاذْكُرْ مِنْ أَيْنَ سَقَطْتَ وَتُبْ، وَاعْمَلِ الأَعْمَالَ الأُولَى، وَإِّلاَّ فَإِنِّي آتِيكَ عَنْ قَرِيبٍ وَأُزَحْزِحُ مَنَارَتَكَ مِنْ مَكَانِهَا، إِنْ لَمْ تَتُبْ. |
دا كلام كنسي .. ليه تعمل شعار كنيسة؟!
بريمة
|
Post: #21
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-14-2019, 01:44 PM
Parent: #19
بريمة ..
انت بالله لسه واقف في محلك وما اتطورت...
يآخي اقرأ اقرأ ثم أقرا .. واذا لم تفهم فلا تخجل ولا تستحي ان تسأل .. وفي الأول والاخير لا تبتئس ولا تكفر
فذلك ما وهبك الله وهو قدرك..
تحياتي
ـــــــــــــــــــــــــ..
كنت عاوز اسألك من موقفك من الثورة لكن اتذكرت انه لا رأي لك ولا امر لك طالما فوقك رجال يقومون بولاية امرك :)
عشان كدة بحول السؤال
موقف حميدتي من الثورة شنو يا بريمة ؟؟!
|
Post: #22
Title: Re: الحمد لله الذي عافى المنبر من السلفية..واس
Author: Biraima M Adam
Date: 01-14-2019, 01:59 PM
Parent: #21
Quote: كنت عاوز اسألك من موقفك من الثورة لكن اتذكرت انه لا رأي لك ولا امر لك طالما فوقك رجال يقومون بولاية امرك :)
عشان كدة بحول السؤال
موقف حميدتي من الثورة شنو يا بريمة ؟؟! |
يا هو أنت ذاتك .. لم تتحرك شبر ..
شوف يا حيدر، المؤمن الموقف بتاع ثورتكم دا من؟ .. ومن أوصل الناس أن تطمئن ضد حاجة أسمها حركات مسلحة تأتي وتستبيح أعراض الناس؟
من زمان نقولوا ليكم أنت ها داك الخرطوم ..
أها النتيجضة .. داوسوا دواسكم .. وخلونا نحن واقفين ليكم في رأس المردة والخارجين عن أرادة الوطن من حملة السلاح.
شايف أنا أخوك .. يا المقلننج!
بريمة
|
Post: #23
Title: Re: الحمد لله الذي عافى المنبر من السلفية..واس
Author: HAIDER ALZAIN
Date: 01-17-2019, 02:46 PM
Parent: #22
بريمة تمام التمام
ياللا كدي املا قاشك وقول معاي :
تسقط بس#
|
Post: #24
Title: Re: الحمد لله الذي عافى المنبر من السلفية..واس
Author: عمر التاج
Date: 01-17-2019, 02:55 PM
Parent: #23
انتو الطبلة مابتشوف مواضيعكم الانثرافية دي ليه
ولا كمان دعوات السلفيين، ادونا رتينزه معاكم يا اخي
|
Post: #25
Title: Re: الحمد لله الذي عافى المنبر من السلفية..واس
Author: Bashasha
Date: 01-17-2019, 03:05 PM
Parent: #24
| Quote: والدولة البشاشوية .. |
قرقرقرقرقر!
سلام يا حيدر، مشتاقين. اها والدولة البشاشوية دي، شن نفرا الخرابة؟
|
Post: #26
Title: Re: الحمد لله الذي عافى المنبر من السلفية..واس
Author: عزالدين عباس الفحل
Date: 01-17-2019, 06:42 PM
Parent: #25
HAIDER ALZAIN
سلام صديقي الهميم ود الزين .
لعلك بخير والاسرة الكريمة.
ليك وحشة ،،
كنت عندكم في السعودية.
3 يوم بس ،،
عزالدين عباس الفحل
ابوظبي
|
|