Post: #1
Title: تأبين الفنان الخالد محمود عبد العزيز في الشارع حسب تصريح الحواته #
Author: زهير عثمان حمد
Date: 01-08-2019, 11:50 AM
10:50 AM January, 08 2019 سودانيز اون لاين زهير عثمان حمد-السودان الخرطوم مكتبتى رابط مختصر ندما تكون الحصة (وطن )* ويزامن هذا الدرس ( محمود) ويكون التاريخ (17/1) فأعلم أن (تأبين) محمودنا حيكون في (الشارع) من الأستاد الي (القصر) بأذن الله تعالي (قائم).
الذكري الثورية الحواتية ( الأولي) لتوصيه محمود لنا السودان (اولا) والسودان (بيكم)،،
حتكون تحت شعار (حواته ضد البشير) و بدون تصاديق ، بدون تصاريح ، بلا قيود ، بوسترات اعلامنا راسخة في ( صدور الحواتة ) الساون حيكون (اصواتنا) والأغاني حتكون (هتافاتنا) والمسرح حيكون (الشارع) ، موقف العزه والكرامة وتخليدا لذكراه العطرة .
واول عمل خير حي يعتبر لمسه وفاء وعرفان الي أن #تسقط_بس .
اكتر زول (اتظلم) من النظام دا محمود له الرحمة والمغفره ، ولو كان (حي ) كان أول زول طلع الشارع ، عشان الجوع وعشان الظلم وعشان الحرية ، القصه مافي صوتو بس ي أخوانا ولا أغانيو ، القصه بتكمن في ( زاتو) ، ونحن ما جانا عشقو من فراق محمود (وطن) .
(مجموعة أقمار الضواحي) علي نهج ناصر العدالة ، والأنسانية والنضال (موقفنا) بعيدا عن (السياسة) واضح جدا من الشعب والي الشعب ومع الشعب . ناس (مروق) وناس (ميدان) وناس (شارع)✋
ظلت المجموعة علي مدار الخمسة سنين الفائتة علي الحرص علي قيام التأبين بأكمل وجة ، الى أن اتت الذكري السنوية الخامسة ، وفوجئنا جميعا بأستغلال هذا اليوم العظيم المبارك لنا ، وتوجيههو توجية سياسي عبر دعوه الحواته من داخل مسرح استاد الخرطوم من ممثلين للحكومة لترشيح البشير ، وبرئت أقمار بعدها زمتها (ببيان) رسمي مما يفعلون .
الفينا مشهودا ما (فخر) ولكن (حقيقة ) ، الناس ما تكون نص نص ي جماعة ، لابد انو نتحرر من (الخوف) يا الحقيقة ي الظلام.
كان في احساس عدم وطنية طبعتو فينا الحكومة لكن والله الزول طلع انو بريد الوطن شديد .
محمود عبدالعزيز قال ( وهبت روحي وفني ليكم ) .
يا محمود.. (مهما يكون زكراك باقية وما بتهون يا منبع الاخلاص ويانور العيون)
صباح الخير ي وطن /// عزه جاية ومافي خوف.
17/1
#تأبينافيالشارع
|
|