Post: #2 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-07-2019, 10:03 PM Parent: #1
جات المهدية في الاول التفوا حولها واخر ايامها قلبوا عليها جنونوها جن بس الناس نست تاريخ الحكاية دي جو الانجليز من قولة تيت مظاهرات مشو ولليلة ناس كتيرة يقولوا ياريت لو ما طلعوا ... جات اول حكومة منتخبة ما ريحوها مظاهرات لمن سلوها لعبود ... جا عبود ثاروا عليه رجعوا سلوها للادوها ليه ... واستمرت المظاهرات لمن نط فيها نميري ... في الاول فرحوا بيه لمن في اناشيدهم الهوهو ( جبت الموية للعطشان ...) وقلبوا عليه شالوا ... جو الناس البدفعوها للعساكر تاني لما تغلبهم ... كرهوهم بالمظاهرات ... نطوا فيها الصعبين ديل .. في الاول التفو حولهم وقالوا اخير ... وتاني ريما رجعت لعادتها القديمة ... القصة شنو ..
Post: #3 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-07-2019, 10:08 PM Parent: #2
غايتو ... الشي الوصلت ليه هو ... ثقافتنا بقت ... يا فيها ... يا نفسيها ... ودي الفهمتها الانقاذ ... وقدرت تشتري اي صوفة تكنجر ... بس الصوف بقى كتير جدا ... صعب ارضاؤه
Post: #4 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-07-2019, 10:19 PM Parent: #3
قديتوتونا قد كرهتونا جد عيد مايو اشرق من جديد عيد مايو اشرق من جديد زول عنده برنامج واضح يطرحوا لينا ويدعموا بعمل حقيقي نشوفوا بعيوننا هسي نسلموا البلد ... غير كده الناس ديل عندهم برنامج واضح نعصرهم لمن يجيبوا الزيت يوقفوا الفساد الفي البلد ويخلوا الناس تتفرغ للانتاج ان شاء الله يعملوا مشانق للفاسدين في الميادين ..
Post: #5 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-07-2019, 10:21 PM Parent: #4
فترنا من كل يوم حكومة جديدة ورئيس جديد والحال من اسوأ لسيئ
Post: #6 Title: Re: ناس الضهاري ديل وحات الله لو جابو ليهم الن Author: صباح حسين طه Date: 01-07-2019, 10:25 PM Parent: #5
يا بكري يعني شنوووووو ياخ ما طولت للزول دا بالك كتير
Post: #7 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-07-2019, 10:28 PM Parent: #5
والله بعرف زول .... هسي لو قلت قريبنا ووب لو قلت جارنا ووبين ... لو قلت معرفة ساي .. تشبوا لينا في حلقنا .. المهم ... اقسم بالله شاهدته عبر سنين بالتتالي ... يظهر الصادق في التلفزيون وهو رئيس يشته ويشتمه ويشتمه .. جا بعده نميري الا ما يظهر في التلفزيون .. يشتمه ويشتمه وما يخلي ليه جنبة جا سوار الدهب ....... والله جد برضو جا تاني الصادق اقسم بالله اكتر من اول ... جا البشير من اول يوم شغال فيهو لليلة ... ده هسي يقولوا عليه شنو الا نجيب النبي دانيال .... وانا خايف ....
Post: #8 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-07-2019, 10:31 PM Parent: #7
وااي يا بكري ... . . اصلوا الحقيقة بتحرق
Post: #9 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-07-2019, 11:33 PM Parent: #8
حا احترم مشاعر الناس الأخيرا طلع ليهم صوت واوقف ... بس الحقيقة كاملة مرة .... ده ما وقته ... . . وفي النهاية الله في ... وبشكر الانقاذ ال بالعصر والدردرة والبهدلة والتشرد واللجوء والتخ بالنار والفطيس عرفتني قيمة بلدي وعرفتني كيف احب بلدي صاح وكيف اعمل ليها صاح وبجد وبصدق وبثبات ... ما زي الرجرجة والوهم ... ولا زي ثقافة ناس الضهاري الجو امس العصر قالوا مناضلين عايزين يضيعوا السودان اكتر مما هو ضايع ....
Post: #10 Title: Re: ناس الضهاري ديل وحات الله لو جابو ليهم الن Author: حسن ادم محمد العالم Date: 01-08-2019, 10:16 AM Parent: #9
الامير توفيق لسان حالك مثل حال كل الاسلاميين يمارسون العويل والبكاء علي قرب افول سلطة الاسلاميين ممثلة في الطاغية البشير انك بطريقة تحاول ان تبكي امجاد عيسي مكي اما السودان والسودانيين ومحاربة الفساد والاستبداد فأنتم غير مؤهلين اخلاقيا لمثل هذا الحديث اما حكاية ناس الضهاري ده تعبير ينمو عن عقلية تعاني من بؤس في التفكير مرده توهمات ذاتية وعنصرية فأهل الضهاري واهل الحضر مكون سوداني اصيل فعليك ان تترجل من هذا الوهم الذي مارسه الاسلاميين مما ترك شرخ في نسيجنا الاجتماعي
Post: #11 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-08-2019, 10:55 AM Parent: #10
Quote: لن تتحقق طفرات كبيرة الا تحت نظام شمولي قمعي يحمل برنامج اقتصادي طموح فيتحول الناس من الانشغال بالسياسة للانشغال بالانتاج حتى تصل الدول لمعدلات عالية من النموء والوفورات والنجاحات الاقتصادية من بعد ذلك يمكن ان يتم اشراك الجميع بمختلف ايدلوجياتهم وفكرهم في خلق التعايش الآمن والمشاركة من الجميع في ادارة النهضة او الطفرة التي حدثت كتطبيق نظام ديمقراطي يسع الجميع ولا يتم ذلك بالقطع الا بثورة شبابية تحمل فكر وايدلوجية جديدة لم تكن من قبل موجودة كشرط اساسي يلتف حولها جميع الشباب الرافض لكل ما هو موجود واضعا نصب اعينه على مقومات نهضة جميع الامم التي تتلخص في 1- الحرية 2- العلم 3- القيم الانسانية والاخلاق 4- العمل والانتاجية 5- المرونة
منقول من صفحتنا الشفافية للخدمات بالفيس
الملك ده بتاع ربنا بس يعطيه من يشاء ... مهما الناس نازعت الله في حاجة بيملكها لا يمكن ان ينتصروا ... لا توجد مقارنة قوى .... لكن بايدينا النصح والاصلاح والصبر والضغط للاصلاح بشتى السبل ... مشكلتنا في السودان ناس الضهاري فجأة لقوا نفسهم في قمة مفكرين البلد وهم اجهل من مشى على الارض يحرفون كلام الله ليتسق مع جهلهم ويحاربوه جهارا نهارا ولا يختشون ...
Post: #12 Title: Re: ناس الضهاري ديل وحات الله لو جابو ليهم الن Author: اخلاص عبدالرحمن المشرف Date: 01-08-2019, 11:22 AM Parent: #11
الله يرحم عزيزة مكي
التعديل لأضافة الآتي تشكر علي الاستجابة بالتوقف يا أمير
فترنا من كل يوم حكومة جديدة ورئيس جديد والحال من اسوأ لسيئ --------------------------------------------------------------- كل يوم حكومة جديدة يا كضاب الكيزان راكبين فوق ضهرك 30 سنة
Post: #13 Title: Re: ناس الضهاري ديل وحات الله لو جابو ليهم الن Author: Othman Al-Hasan Babikir Date: 01-08-2019, 11:25 AM Parent: #1
يا عمي إنت زول ما جادي في بوستاتك ، وما جاي عشان تحاور أو تناقش شايل ليك بقجة قبائن وأحقاد وعاوز تفرغها ....!!!
عشان كده أفضل مشاركة في بوستاتك الواحد يقول ليك قوم لف ...
Post: #14 Title: Re: ناس الضهاري ديل وحات الله لو جابو ليهم الن Author: محمد أبوزيد Date: 01-08-2019, 11:40 AM Parent: #13
البهم توفيق
ناس الضهاري من طيبتهم وحلمهم لا يستجيبون لأستفزازاتك الفارغة وليس ضعفاً او خوفاً زودتها شويتين وتطاولت كتير ان لم يحسمك صاحب الحوش فوالله ناس الضهاري كفيلين يحسموا قبيلتك زاتو
شابكنا ما عارف حبوبتي صافيناز وما عارف متلصق شئ في العرب وشئ في المصريين والاتراك اصلك شنو في البداية عشان تتجرأ وتتكلم في اسيادك يا نجس
توفيق البهم تطاول ووجب حسمه يا ناس
Post: #16 Title: Re: ناس الضهاري ديل وحات الله لو جابو ليهم الن Author: محمد حمزة الحسين Date: 01-08-2019, 12:12 PM Parent: #13
Quote: مكون سوداني اصيل فعليك ان تترجل من هذا الوهم الذي مارسه الاسلاميين مما ترك شرخ في نسيجنا الاجتماعي
والله يا حسن أدم الأسلامين منو براء ... ناس الضهاري هم رُكازة الإسلامين وتعال يوم الأربعاء الساحه الخضراء : : : مع التحيات لله الزاكيات.
Post: #18 Title: Re: ناس الضهاري ديل وحات الله لو جابو ليهم الن Author: حسن ادم محمد العالم Date: 01-08-2019, 01:29 PM Parent: #16
ادرك جيدا يا صديق محمد حمزة ان الإسلاميين دائماً يستثمرون في اهلنا البسطاء لانهم لا يمتلكون من الفكر الا الشعارات واستغلال عواطف البسطاء الدينية بمساعدة النخب الانتهازية من ابناء الهامش لكن أبشرك ان هذا الاستثمار سيذهب مع ذهاب البشير وجماعة الهوس التي تقاتل الان من البقاء تسقط بس
يا نور تاور ده خيط من الحقيقة الكاملة ... عشان كده قلت الحقيقة الكاملة مرة وبتحرق جد ...
Post: #22 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-09-2019, 10:29 PM Parent: #21
Quote: اما السودان والسودانيين ومحاربة الفساد والاستبداد فأنتم غير مؤهلين اخلاقيا لمثل هذا الحديث
يا حسن العالم القصة ما كلام بل افعال .... والافعال ما افعال همجية وطفولية لكن بوجودنا داخل اكثر السجون بطشا مع ابطال مقاومة حقيقين تعلمنا فقه التغيير على اصوله ... ماذنب ابنائنا الذين انقادوا ليكون كبش فداء لليسار السوداني الذي كان اشرف له ان يعلن عن نفسه بوضوح ويقود كوادره الصفوف الاولى بعد ان يقدم نفسه بمشروعه للسودان اشتراكيا كان ام وحدويا عربيا او ماركسيا صرف فهي فرصتهم ان يقنعوا الناس بجدوى ما آمنوا به فلربما من كره الناس للفساد ان يلتفوا حولهم اشرف منهم الاسلاميين الف مرة لانهم واضحين برغم فسادهم لهم طرح وبرنامج واضح يعملون فيه ويدافعون عنه ويستاثرون بنجاحاته لوحدهم
Post: #23 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-09-2019, 10:41 PM Parent: #22
Quote: الله يرحم عزيزة مكي
وابوها مكي زاتو وابو ابوها قائد معركة كرري الاسقط الانقليز اسمه من مناهجنا عشان ما يطلع واحد زيو .. واختها زكية مكي الحياهم جون قرنق الاتنين ما واحدة قال احيي الاختين المناضلتين عزيزة وزكية مكي .. والدي عيسى مكي الاسس التنظيم الحاكم يوم الليلة ما بقول ليك اترحمي عليه .. لانه البيعرفوه في كل فج في البلد قاعدين يترحموا عليه ... واغلبهم من ملح الارض .. زيو .. وقائمة النضال عندنا طويلة جدا ... اخوي منذر ابو المعالي الآن معتقل ... وانا من كل ديل ايوى ذرة ... والله يرحمني ... يا رحمن يا رحيم ..
Post: #24 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-09-2019, 10:53 PM Parent: #23
Quote: يا كضاب الكيزان راكبين فوق ضهرك 30 سنة
ما الانقليز ركبوا في ضهرك ستين سنة لمن مسحوا هويتك الاسلامية وقبليهم الاتراك مية سنة لمن مسحوا سودانيتك بقت على تلاتين سنة العالم كله بيحارب فيهم من قولة تيت ما قدروا عليهم الا قالوا نشوف ناس منهم يهدوهم لينا ويخلخلوهم ... وبرضوا للآن ما قادرين ولا حا يقدروا ... الدنيا دي فيها اسرار روحانية ما اي زول بفهمها وصعب في بوست بتاع ضهاري الزول حتى يشير ليها ... كمن يكتب ويقرأ وسط قبيلة وثنية حتى لا تعرف اللباس والزي ....
Post: #25 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-09-2019, 10:57 PM Parent: #24
Quote: شايل ليك بقجة قبائن وأحقاد وعاوز تفرغها ..
البشوفوا فيك يا بلدي بخليني اعمل اكتر من كده ...... بس الواحد ماسك نفسه ... ودي حاجة ما داير اوريك اتعلمتها وين .... عشان ما بتصدقها لمحدودية تفكيرك
Post: #26 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-09-2019, 11:00 PM Parent: #25
Quote: انت عمله ما حا تسير مع جيل الاي باد و الاي فون
في حاجة اسمها مؤسسة الشفافية اقرأ عنها وبرامجها .... وشوف انا بسوى شنو للشباب النهضوا بيها ...
Post: #27 Title: Re: ناس الضهاري ديل وحات الله لو جابو ليهم الن Author: Othman Al-Hasan Babikir Date: 01-10-2019, 11:53 AM Parent: #1
قوم
قوم
قوم
لف
Post: #28 Title: Re: ناس الضهاري ديل وحات الله لو جابو ليهم الن Author: كمال عباس Date: 01-10-2019, 02:51 PM Parent: #27
الضهاري خرجت ثائرة والمدن إنتفضت النظام- ريف وحضر - قرية ومدينة ! خرج نسيجنا الإجتماعي والمهني ! وبقيت أنت ياتوفيق تناصر القتلة واللصوص ! علما بأن هذه العصابة التي تناصرها يقودها - أهل الضهاري من ود بانقا ! - ليس فيك شئيا من أصالة القرية ولاحداثة المدينة -ولانبض الأنصار والصوفية والإسلام الشعبي وإنما تابع لإسلام حسن البنا - إسلام الإرهاب والقتل ! خليك ضهاري السودان وحواضره "فدا ودعمي ودا ضريب دمي وإنت شنو طفيلي دخيل كما قالها إبن أمدرمان والسودان خليل فرح !
Post: #29 Title: Re: ناس الضهاري ديل وحات الله لو جابو ليهم الن Author: كمال عباس Date: 01-10-2019, 03:00 PM Parent: #28
خليك من عوار ضهاري ومدن الذي تطرحه بهذه الصورة المرضية والمتعالية التي تفضح نقص ذاتي - خليك من عوار ضهاري ومدن -الذي تمزق به النسيج الإجتماعي وتشعل به الفتن الجهوية تماما كما فعل قادتك ناس مثلث حمدي وحديث الغرباوية ! فما أنت إلا كوز - كوز مهمش !
Post: #30 Title: Re: ناس الضهاري ديل وحات الله لو جابو ليهم الن Author: Abd Alla Elhabib Date: 01-10-2019, 05:28 PM Parent: #29
(مشكلتنا في السودان ناس الضهاري فجأة لقوا نفسهم في قمة مفكرين البلد وهم اجهل من مشى على الارض يحرفون كلام الله ليتسق مع جهلهم)
يا توفيق .. إنتا لو قاصد البشير ما تقولها عديل ... خايف من شنو ؟؟
Post: #31 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-10-2019, 10:04 PM Parent: #30
Quote: - ليس فيك شئيا من أصالة القرية ولاحداثة المدينة -ولانبض الأنصار والصوفية والإسلام الشعبي وإنما تابع لإسلام حسن البنا - إسلام الإرهاب والقتل !
في حاجة اسمها تنظيم الرايات الاربعة السري ... سمعت بيها ... لو ادوك عمر سيدنا نوح ما حا تفهم الحاصل في الدنيا دي شنو ولا انا موقعي وين من الاعراب ... عالم جاهلة ...
Post: #32 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-10-2019, 10:09 PM Parent: #31
Quote: يا توفيق .. إنتا لو قاصد البشير ما تقولها عديل ... خايف من شنو ؟؟
لو قاصد البشير بقولها عديل عمري ما خفت من كلمة قصدتها لزول ... مش انا القلت حواء السودان عقمت ان تلد بعد الاربعة الذكرتهم مرة في بوست هنا ... اها عقمت ولا ولدت تاني ...
Post: #33 Title: Re: ناس الضهاري ديل وحات الله لو جابو ليهم الن Author: كمال عباس Date: 01-10-2019, 10:18 PM Parent: #32
توفيق ضهاري .
Quote: في حاجة اسمها تنظيم الرايات الاربعة السري ... سمعت بيها ... لو ادوك عمر سيدنا نوح ما حا تفهم الحاصل في الدنيا دي شنو ولا انا موقعي وين من الاعراب ... عالم جاهلة ..
.. خليك مع أفكار الإرهابي حسن البنا أم سودان الصوفية والأنصار وخليل فرح وعلي المك دا خليك منو بعيد ! ما أعرفه إنك - أخواني -وجهوي تستجدي الكيزان ليمنحوك إرثا تنظيميا تقول إنهم نزعوه منك ! - اللي بسمعك تتحدث عن الخرطوم يظنك أنك سكنتها قبل الفتح التركي يعني زي جموعية أمدرمان وبطاحيين شرق النيل ومحس العيلفون وتوتي وحلة حمد ! أو شوايقة وعبدلاب قري والحلفاية - أو بقايا أهل سوبا القديمة ! * أقرأ التاريخ - الإجتماعي - ثقف نفسك ! أعرف تاريخ الخرطوم والتركيبة السكانية القديمةحتي لاتفضح نفسك بجهلك ! .
Post: #34 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-10-2019, 10:33 PM Parent: #33
كدي النسأل حبوبتي صوفيا ( صافيناز هانم كما يحلو لي هنا ) جو متين الخرطوم وبنو بيتهم فيها ( وزارة الثقافة حاليا ) وبالمرة اسألها عن اسم المهندس الرسم خارطة الخرطوم اجي اوري الجاهل بتاع الضهاري ده معلومة ما كان عارفها عشان انا عارفه لو عاش عمر سيدنا نوح برضو حا يفضل زول ضهاري جاهل وبي قلة ادب بيتطاول على اسياده ناس الخرطوم الاصليين حتى لو داير معلومة عن مهندس القاهرة الهندسها برضو على العلم الانجليزي ممكن اثقفك مع انو الزيك مخو ما بقبل ثقافة ... #سخافة بس ...
Post: #35 Title: Re: ناس الضهاري ديل وحات الله لو جابو ليهم الن Author: كمال عباس Date: 01-10-2019, 10:46 PM Parent: #34
توفيق ضهاري
--
Quote: كدي النسأل حبوبتي صوفيا ( صافيناز هانم كما يحلو لي هنا ) جو متين الخرطوم وبنو بيتهم فيها ( وزارة الثقافة حاليا ) وبالمرة اسألها عن اسم المهندس الرسم خارطة الخرطوم اجي اوري الجاهل بتاع الضهاري ده معلومة ما كان عارفها عشان انا عارفه لو عاش عمر سيدنا نوح برضو حا يفضل زول ضهاري جاهل وبي قلة ادب بيتطاول على اسياده ناس الخرطوم الاصليين حتى لو داير معلومة عن مهندس القاهرة الهندسها برضو على العلم الانجليزي ممكن اثقفك مع انو الزيك مخو ما بقبل ثقاف
الخرطوم والسودان إنت عندك فيهو شنو ؟ التاريخ الإجتماعي للخرطوم أسال منو ديل اللي سكنو الخرطوم قبل التركية: ( زي جموعية أمدرمان وبطاحيين شرق النيل ومحس العيلفون وتوتي وحلة حمد ! أو شوايقة وعبدلاب قري والحلفاية - أو بقايا أهل سوبا القديمة !) سمعت بالتاريخ دا؟ خليك مع أفكار الإرهابي حسن البنا ! فما أنت إلا كوز - كوز مهمش !
Post: #36 Title: Re: ناس الضهاري ديل وحات الله لو جابو ليهم الن Author: توفيق عيسى مكي Date: 01-10-2019, 11:48 PM Parent: #35
Quote: ( زي جموعية أمدرمان وبطاحيين شرق النيل ومحس العيلفون وتوتي وحلة حمد ! أو شوايقة وعبدلاب قري والحلفاية - أو بقايا أهل سوبا القديمة !) سمعت بالتاريخ دا؟
زول يقولوا ليهو الحلمية والباطنية والغورية والقلعة يجي يقول ليك قنا والمعادي وحلوان والجسر .... هسي بتاع الضهاري ده يفهموا كيف ...!!! اتخيل بيتنا كان في قاردن سيتي واتا جيت من الصعيد تطاول على سكان مصر .... وقت بالسوداني ما عايز تفهم .... اها ده بالمصري ....
Post: #37 Title: Re: ناس الضهاري ديل وحات الله لو جابو ليهم الن Author: كمال عباس Date: 01-11-2019, 01:18 AM Parent: #36
يازول أنت مآب تفهم ديل سكان الخرطوم منذ دولة الفونج يعني قبل الهوانم والباشوات والأتراك !!فهمت مخ تقيل خالص ! قبل ما أسلافك يجو بي بقجهم وشنط الحديد بتاعتهم او علي ظهر الدواب من الشمال - بس أسلافك نحتوا الصخر واكلوا من عرق جبينهم مازيك !
بعدين منو القال ليك انا بتاع ضهاري او مدن ؟بتعرفي من وين !؟ماتضحك عليك الناس ساي ؟!! انا زي وزي الأغلبية جذوري عميقة جدا في التربة السودانية اعتز بالريف والحضر والقرية والمدينة وبعتقد ان السودان وطن الجميع لكل حق الإقامة والتوطن في أي مكان يختاره ..ويهمني ان يكون الزول منتج وصاحبة بصمة وعصامي لا إمعة ولا زول عايش علي كان ابي — الانتماء عندنا للوطن الذي يسمو علي القبليات والجهويات والأعراق ،،الإنسان الوطني بقيم ويعرف بالانتماء للوطن وبالوطنية ودا شعرا ماعندك ليهو رقبة !! يازول خلي الإسفاف والعوار دا وأمشي اقرا واتعلم فأنت مصاب بأمية ثقافية !
