البشير يسلم السلطة لنائبه الاول لظروفه الصحية

02:49 PM January, 02 2019

سودانيز اون لاين
عمار محمد ادم-
مكتبتى
رابط مختصر

يقوم النائب الاول باداء المهام الموكلة اليه وهى

.الاعلان عن فترة انتقالية لمدة اربع سنوات بتولى خلالها الجيش السلطة .

هل هذا خبر جديد وواقع ام ان هذا اقتراح منك .!!؟؟..لان تسليم السلطة لنائبه معناه ان دماء الشهداء ضاعت هدرا...
شعب عظيم يحكمه لصوص وحرامية وقتلة ،،،ويجب رميهمىفي مذبلة التاريخ ...

#تسقط-بس

كادر العنف فى الاتجاه الاسلامى سابقا،،،
ات عارف مشكلتك و امثالك ،،انكم ما عندكم اى مبدئية فى مواقفكم ،،اتدكر ايام كت ظالع فيها فى الكفر ،ورغم انك واحد من الناس الكانو مسلحين فى كوبرى كوبر عندما استلمت هده العصابة السلظة ورغم علمك بالكثير من الاسرار ،الا انك جبنت و اثرت الانزواء
عندما قام رجال امن على عثمان بالقاء زوجتك فى الخور وكسر رجلها،،،،مشيت لى على عثمان باكيا تذلب منه السماح ،،،الشويتين ديل تجى تعملم هنا ،،بس عارفين البير و غظاه ،،،

#تسقط- بس

Quote: كادر العنف فى الاتجاه الاسلامى سابقا،،، ات عارف مشكلتك و امثالك ،،انكم ما عندكم اى مبدئية فى مواقفكم ،،اتدكر ايام كت ظالع فيها فى الكفر ،ورغم انك واحد من الناس الكانو مسلحين فى كوبرى كوبر عندما استلمت هده العصابة السلظة ورغم علمك بالكثير من الاسرار ،الا انك جبنت و اثرت الانزواء عندما قام رجال امن على عثمان بالقاء زوجتك فى الخور وكسر رجلها،،،،مشيت لى على عثمان باكيا تذلب منه السماح ،،،الشويتين ديل تجى تعملم هنا ،،بس عارفين البير و غظاه ،،،

لا حول ولا قوة إلا بالله ..
يا مرتضي، ما تقول لي دا الكوز أبو عكازاً غليط .. وبضرب الطالبات في الثمانيات ..؟!



بريمة

Quote: عندما قام رجال امن على عثمان بالقاء زوجتك فى الخور وكسر رجلها،،، مشيت لى على عثمان باكيا تطلب منه السماح ،،، الشويتين ديل تجى تعملم هنا ،، بس عارفين البير و غظاه ،،،

ده فاقد حتي للنخوة والرجولة..

#تسقط- بس

يا أعزائي كده غلط.

والنظام سكة حياتنا مهما درب السكة طول.

كبديل انت لازم تطبق او تعيش شعاراتك الرافعه كفرد اولا في روحك لتكون فعلا لا قول بديل.
عمار معارض لي نظامو واذا اجرم بمعني ارتكب جرائم مخالفة للقانون زي اي واحد ياخد فرصتو او يتحاكم ولكن من دون اي ارهاب من خوصومو لو طارحين روحم كبديل.
كانسان وكفر ليهو حقوقو المفروض نحترما.
البستحكو الرش حقيقة من دون رحمة هم امثال المجرم اخلاقيا السامي روحو فرانكلي قناصة نظام الفسقه نعم القال وكتابة وعلنا وامام الملأ الرصاص في الرصاص او بعد ده لسة عضو في هذا الفضاء يتلون بكل جبن الحربايي الداعشي الارهابي الجبان.
دعو عمار في حالو يا أعزائي.
عمار ما حصل جا هنا ليدافع عن نظامو السابق والرجل كان بي جدو لو صاح او غلط كاسلاموي او مش زي البعثي الوصولي ودالباوقه مثلا الفاسد بمعني المفردة المستنكح!

Quote: عمار ما حصل جا هنا ليدافع عن نظامو السابق والرجل كان بي جدو لو صاح او غلط كاسلاموي او مش زي البعثي الوصولي ودالباوقه مثلا الفاسد بمعني المفردة المستنكح!

شاهدت له رد في فيديو قبل فترة يتسم بالشجاعة والوطنية الخالصة

الغريبة الجنجويدي عديم المواقف بريمة له خنجر يمكن أن يستله ويطعن به عمار!

يقوم النائب الاول باداء المهام الموكلة اليه وهى

.الاعلان عن فترة انتقالية لمدة اربع سنوات بتولى خلالها الجيش السلطة .
....

هسى دا خبر و لا تحليل سياسى ؟
لان بينهما بعد السماء من الارض ....

Quote: يا أعزائي كده غلط. والنظام سكة حياتنا مهما درب السكة طول. كبديل انت لازم تطبق او تعيش شعاراتك الرافعه كفرد اولا في روحك لتكون فعلا لا قول بديل. عمار معارض لي نظامو واذا اجرم بمعني ارتكب جرائم مخالفة للقانون زي اي واحد ياخد فرصتو او يتحاكم ولكن من دون اي ارهاب من خوصومو لو طارحين روحم كبديل. كانسان وكفر ليهو حقوقو المفروض نحترما. البستحكو الرش حقيقة من دون رحمة هم امثال المجرم اخلاقيا السامي روحو فرانكلي قناصة نظام الفسقه نعم القال وكتابة وعلنا وامام الملأ الرصاص في الرصاص او بعد ده لسة عضو في هذا الفضاء يتلون بكل جبن الحربايي الداعشي الارهابي الجبان. دعو عمار في حالو يا أعزائي. عمار ما حصل جا هنا ليدافع عن نظامو السابق والرجل كان بي جدو لو صاح او غلط كاسلاموي او مش زي البعثي الوصولي ودالباوقه مثلا الفاسد بمعني المفردة المستنكح!

انت الحكمة يا بشاشا
عمار من الناس الذين حسب ما عرفته لا يتملقون
مواقفه في معارضة هذا النظام وما تعرض له من إعتقالات لم يتعرض له إلا القة في هذا المنبر
يكفي أنه أحد من تم إعتقاله في هذه الأيام الأخيرة
وأنه ظل يهتف وهو معتقل في بوكسي الأمن المجد للشعب السوداني
يا إخوة لماذا هذه الطريقة العنيفة واننا أوصياء على الناس وقلوبهم

هم ديل بفصلو الوطنية حسب مقاسهم بس وعندهم ازمة اخلاقية وليس سياسية ولا اقتصادية عقاب بعثيين عقاب شيوعيين عقاب ناصريين اما ايتام الترابي حدث ولا حرج وفقا للمذاج الشخصي يقبلو ده ويرفسو ده والجهل والغطرسة مستمرة لحدي 2019
الثورة نشاط راسي ينقلك من مرحلة الي مرحلة جديدة مفيدة وليس اعادة تدوير واستبدال حثالة بي حثالة وفاشلين باكثر فشلا
الفرق بين انقلاب 1969 وانقلاب 1989 شنو ؟؟؟ الفرق شنو بي قوى الاجماع الوطني المشطو الترابي بي قملو ونداء السودان والجبهة الثورية والجبهة التغيير وكل البوتيكات دي هل هي اكبر من الديك ام اصغر من الديك والديك رؤية جون قرنق التي لا تموت (الحركة الشعبية الاصلية فقط)
هسة نعتبر كلام عمار ده رؤية ونحاول نؤسسا دستوريا وفقا للدستور الساري الان
يا عمار
الالتزام من البشير والنظام والمحكمة الدستورية العليا باتفاقية نيفاشا ودستور 2005 ذى ما عمل نميري بعد جدع حثالة الشيوعيين والقوميين العرب والتزم بي اتفاقية اديس ابابا 1973 وصنع العصر المشرق التنموي والوحيد بعد الاستقلال واثاره ماثلة لحدي الان
الدستور قال ولاية البشير انتهت بالمادة 57 من 2015 وهم ملزمين بهذا الدستور والدولة مؤسسات وليس رئيس جمهورية يقعد يرفس في راس الناس لي يوم الدين ومنصب رئيس الجمهورية ما مهم ابدا نحن ما عرب بتاعين نظام ون مان شو
الحل
يرجع ملجس راس الدولة باسس جديدة في فترة انتقالية صغيرة 3 شهور بس
1- يغيير التسعة قضاة في المحكمة الدستورية العليا بقضاة محترمين وقوميين ومهنيين حقيقيين دي اول حاجة
2- يسقط المستوى الولائي ده كله وترجع الاقاليم القديمة باسس جديدة
انتخاب حاكم اقليم +نائب برلماني بتاع اقليم وطه مشكلة الاقاليم اتحلت ورجعت الفدرالية الحقيقية والاقاليم يحكمها ابناءها ويتعالج الخطا الاستراتجي الاول الذى جعل حثالة المركز دي تسيطر على السلطة واالثروة وتحكمنا بي مشاريع مصرية مشبوهة
حاكم الاقليم بصلاحية نائب اول في مجلس الراسة الجديد والبشير او الرئيس ما يدخل في الاقاليم وفقا لصلاحيات النائب الاول والمحكمة الدستورية العليا الصاحية
ولا حكومة انتقالية ولا عاطلين عن المواهب (من يختار اعضاء الحكومة الانتقالية؟؟ ) وهل في فيش وتشبيه حقيقي عشان نشوف جرائم لنخبة السودانية اودمان الفشل ديل عبر العصور من هبي هبي يا اكتوبر 1964 ولحدي الليلة ولا نقول عفا الله عن ما سلف والعلم القبيح في راسنا ده صدفة ساكت ومصر دي الغزالة الفوق في السلم وما كانت خلف كل هذه الانقلابات ومقتل وليم دينق و عبدالخالق محجوب والازهري والسيد الهادي المهدي ومحمود محمد طه وجون قرنق وهلمجرا وهي مصدر الايدولجيات المشبوهة ومخابرتها مخترقة صهوينيا من زمن عبدالناصر (الوثائق موجودة ))

عمار لم يخن مبادئه التي آمن بها عندما كان والآن وقد اعتذر عن كل مواقفه السلبية السابقة واشهرها اعتذاره عن عبارة سقط هبل
الموجهه للاستاذ محمود محمد طه.
ومن لم يكن منا بلا خطأ فليرمه بحجر

مرحب به في صف المناضلين ضد تجار الدين

حبيبنا محمد الشيخ .. تحياتي
ما استغرب له في هذا المنبر .. الناس تعرف التفاصيل الدقيقة عن بعضها
لا اعرف كيف ذلك ؟
مع انهم من مناطق مختلفة في السودان ؟
مثلاً ( زوجته وقعت كسرت رجلها ... قابل على عثمان .. شايل عكاز في الكبري)

المهم تدوم الاخوة ..

مرحب به في صف المناضلين ضد تجار الدين

السنياريو القال به عمار _أو مايشبهه_ هو الأقرب لمخارجة آمنة للبشير والثوار
انتو قايلين البشير حايتنحى ليكم زي مبارك ولا يهرب زي زين العابدين
كلا وحاشا، البشير اما أسد حرب أو قذاف دم، أو بتاع زوغة
زي ماقال_ الرجل الصادق في الجاهلية والثورة_ عمار

Quote: عمار لم يخن مبادئه التي آمن بها عندما كان والآن وقد اعتذر عن كل مواقفه السلبية السابقة واشهرها اعتذاره عن عبارة سقط هبل الموجهه للاستاذ محمود محمد طه. ومن لم يكن منا بلا خطأ فليرمه بحجر مرحب به في صف المناضلين ضد تجار الدين

شرحوو

ومن له مظلمة ضد عمار يتقدم بها للقانون في ظل حكومة ديموقراطية

البشير زي بشار اللي قالو : إما الاسد او تحرق البلد

أعتقد عمار يشير الي ذلك

Quote: يقوم النائب الاول باداء المهام الموكلة اليه وهى .الاعلان عن فترة انتقالية لمدة اربع سنوات بتولى خلالها الجيش السلطة .

ما قلنا ليكم لا تثقو في اي كوز
اها هسي السفاح جابوه لايف ... عمار بقت عليهو قصة الزول القال :
قدر ما اقول اتوب
ابليس يقيف وينادى
ويقول لي لا تتوب
اياك كبير اولادى ..

يا جماعة عمار من زمن
عمل موقف واضح ضد النظام
تانى يسوى شنو

Quote: دعو عمار في حالو يا أعزائي.

عمار محمد أدم هو إبن الخطاب الاسلاميون في زماننا شديد وموجع أين ما وجد ...
شكراً الأرو بشاشا علي المبدئيه والحقانيه...
:
:
:
:
مع التحيات لله الزاكيات.

Quote: يا جماعة عمار من زمن عمل موقف واضح ضد النظام تانى يسوى شنو

يا محمد ما عايزين عمار دا يسوى حاجة تانية
عشان كدا ما يقعد يروج في الشائعات والبلبلة ...

المعارضة لمن تكون سفلة النظام بقعد 30 سنة ويزيد
مشكلة السودان الاخوان المسلمين ووعهيم من ناحية والشيوعيين من الناحية الاخرى
هسة قلتو البشير يمشي ويطفي النور مش كده
ويخلي الجنجويد وعفن الاخوان المسلمين ده وراه والبلد المعصودة من 1989 سا كت كده
انتو اتجملو معاه شوية ادوه خارطة طريق يمرق بيها ان شاء الله الاس بتاع الاتو
الاستقلال الحقيقي نتحررمن مشاريع الصرف الصحي والضفادع الجاتنا معاها من مصر
هسة الحاجات دي دايرة 4 سنة عشان تتصلح ؟؟ يا النخبة السودانية وادمان الفشل ولي النرجسية فاتت حدها
تحدد برنامج التغيير الملزم للنظام ودستور 2005
1- انتهت ولاية البشير بالمادة 57 ولا فرصة جديدة له اطلاقا
2- الغاء الولايات واعادة الاقاليم باسس جديدة
3- تغيير التسعة قضاة في المحكمة الدستورية العليا
4- الغاء الرقم الوطني والعودة لقانون الجنسية قبل 1989=اوهذا يهم سودانيين المنافي ومعسكرات النزوح
5- الخروج من كل الاحلاف الفطيرة في العالم العربي واستعادة الجنود من اليمن
6- الحريات الاربعة والجنسية المزدوجة لدولة جنوب السودان
اما يلتزم النظام نصا وروحا بهذه المطالب او يسقط بائي كيفية ؟؟ المهم البديل يكون جاهز

Quote: لظروفه الصحية.. ترويج شائعات مغرضة. الهدف منها شنو!.. انه تاب وشنو ما عارف كلام عاطفة ما بيأكل عيش.

قالا قبل ده الوكت
ناس سودانيز اون لاين ديل ترمى ليهم كلمة و تمشى تخليهم يطّاقشو
وفعلا ده الحصل

المدعو عادل مين كدة ،،ما امين ،،،سافل انت ايها المنحظ،،ات شايل بقج قباينك وحايم فى البورد ،لا رائحة لك ولا ظعم ،،،
ات بالمناسبة فى كفة واحدة مع صاحب البوست ،،،بوستاتك البتكتبا براك البتمارس فيها استمناء اسفيرى ،اخير تقرض عليها ،،،
انا لا يهمنى المدعو عمار ،ان ترك الاسلاميين او ترك الاسلام ،انا وجهة نظرى واضحة جدا ،انو عمار ادم،لم يكن كادرا اسلاميا عاديا ،الزول كان كادر اساسي من اللذين امنو انقلاب البشير الذى يعانى منه الشعب السودانى الى اليوم ،،
عندما اختلف هدا الشخص مع نظامه وهو يملك الكثير من الاسرار التى كان ممكن ان تساعد هذا الشعب على جلاديه،،اثر انو يحتفظ بيها لنفسو ،،عشان اسيادو هددوه ،،،وين عمار مقارنة بعلى فضل الذى استشهد فى سبيل مبادئه ولم يلن رغم المسمار الحاد فى راسه ؟؟
هذا العمار يعرف كل شاردة واردة عن الامن الشعبى و عن قوات ما يسمى بالظوارى وهى عبارة عن مليشيات تابعة لما يسمى بالحركة الاسلامية ،،وهى القوات التى اغالت شهداىسبتمبر والان ديسمبر ؟
فهمت انا بقول فى شنو يا تور،،

السلام عليكم
لو عمار بعرف اسرار الاحسن يؤمن و تعرف منه الأسرار لانو الناس
الان بتضرب بالرصاص وبتموت ، الانتصار للنفس يعني ضياع الأسرار
والشتيمة والتعريض بعمار ما عندها معني ، المشوار في بدايته وناس
بتموت والإعاقات تلازم كثير من الجرحي ، اختصار معاناة شعبنا
واجب

بعد التفكير وحسب ما رشح من شخصية عمار ، عمار ما بعمل شئ
عشان يكسب منو يعني عمار لوحده ح يمشي يضارب ناسو .

يا استاذة اخلاص
عمار الكوز دا جاب كلامو دا من تسجيل الكوز الاكبر الشفيع احمد محمد
ولا استبعد انو عمار قريب جدا من المجموعة دي وحكاية انو عمار ( كوز منفرد ) زي حكاية
الذئاب المنفردة دي فرية يروج لها عمار شخصيا للحفاظ على صورته المستقلة ليؤكد على توبته .
المهم ما عندى زمن هسي انقل الملف الصوتى للكوز الشفيع الى اليوتيوب
فكل من استمع الى تسجيل الشفيع يلاحظ ذلك ....

Quote: .مرحب به في صف المناضلين ضد تجار الدين

قانون المعرفة هو التعلم من الخطأ هكذا قال الله تعالى و المعصوم وهكذا قال جون ديوي ، والطريق لمن صدق وليست لمن سبق
وعمار كان صادقاً في جاهليته واتمنى أن يكون صادقا في إسلامه والتغيير هو سنة الحياة ومن لا يتغير فهو من أحجار الكلس وعلينا
الإبتعاد عن الثقافة الاسلامية العربية السائده ثقافة الاستئصال ومع أو ضد وحكاية المعرفة دي فيها درجات الى الاطلاق فلا يمكن
محاكمة شاب غر في الجامعة يظن كل الحياة ابيض واسود بعقلية رجل ناضج كابد الحياة وخبر كدحها وتحير في معراجها !!!!!!؟.


:أبو حمــــــــــــــــــــــــــــــد

Quote: ،،عشان اسيادو هددوه ،،،

تحياتي اخ مرتضى .
ألا توافقني ان الخوف على الحياة وعلى الأبناء موجبا للصمت والتجاوب مع طالبيه ! وهل تتوقع من عمار ان يكون في شجاعة العارف بالله الاستاذ محمود !!!!؟
ملاحظة ثانية : شتيمتك للأخ عادل امين ليست كريمة !!؟

ابو حمـــــــــــــــــــد

Quote: مشكلة السودان الاخوان المسلمين ووعهيم من ناحية والشيوعيين من الناحية الاخرى الاستقلال الحقيقي نتحررمن مشاريع الصرف الصحي والضفادع الجاتنا معاها من مصر هسة الحاجات دي دايرة 4 سنة عشان تتصلح ؟؟ يا النخبة السودانية وادمان الفشل ولي النرجسية فاتت حدها

يا عادل مشكلة السودان ليست الفكر المستورد من مصر والسعودية أو البلاشفة فقط ، مشكلة السودان أنه منطقة ضغط منخفض تهب عليه التيارات من كل حدب وصوب !! السودان بلد متخلف في حركته التاريخية ومكانه في ذيل القافلة البشرية وعناصر تخلفه دي بتشمل المتعلمين القال عليهم منصور نخبة الفشل وبتشمل شعبهم أيضاً فهو التربة الخصبة التي أنبتت هذا الفكر البائس ورعته ، المتعلم السوداني متأخر في وعيه عن صنوه المتعلم في بقية أنحاء العالم بعشرة عقود ولم أجد انسانا يعاني من النرجسيه وتضخيم الذات كالمتعلم السوداني خاصة من تخرجوا قبل الانقاذ وكان الأستاذ محمود قد نبه لذلك في الخمسينات عندما اوصى بعدم التوسع في التعليم الجامعي لأن الخريجين سيسكنون العاصمة ولن يفيدوا اهلهم بشيئ في الاقاليم بل سيحتقرونهم وهذا ما أبرزه الانقاذيون بقيادة عرابهم الترابي!! وقد لا تخطئ ملاحظتك تخلفنا في شتى المجالات ، الإدارية ، العلوم الانسانية ، البيطرة ، الهندسة ، الزراعة ، إذن لماذا لا نكون متخلفين في وعينا السياسي !!!!؟

أبو حمـــــــــــــــــــــــــــــد

عثمان عبد القادر
تحليل منطقي اوسكار ،،،
ومع وافر التقدير والاحترام والامتنان،،،
شعب عظيم يحكمه اقزام ولصوص وحرامية