شهادة بحث عقار مساحته ٥٠ مليون متر مربع باسم نافذ انقاذي

09:27 PM January, 01 2019

سودانيز اون لاين
عمر التاج-KHT
مكتبتى
رابط مختصر

٥٠.٠٠٠.٠٠٠ متر مربع
شهادة بحث ملكية باسم شركة
تخص عبد الباسط جمزة
حسبنا الله فيك يابشير

أحسن الظن إمكن وارثها من سيدنا حمزة

مرحبا منتصر،
يا أخي المواطن لما يلقى في السودان الواسع ده ٣٠٠ متر بطير من الفرح
َقمة السعادة لما المواطن يكدح ويتعب ويتحصل على شهادة بحث لقطعة فاضية ٥٠٠ متر،
لكن دي لا ٥٠٠ ولا ٥٠٠٠ ولا ٥٠٠٠٠ ولا ٥٠٠٠٠٠٠ ولا...
يا اخ اتأملوا الصورة الفوق واحسبوها براكم

عمر كيفك
ما قدرت اقرا موقع العقار
لو واضح عندك ورينا

مرحبا اخ عبد الله
القطعة تم تخصيصها كمنطقة حرة بوادي حلفا
تابعة لشركة الزوايا المملوكة لعبد الباسط حمزة
ماخد بال حضرتك، منطقة حرة داخل دولة باسم زول
والغرض كما زعموا تشييد طريق دنقلا ارقين

خلا دنقلا البرقيق يا عبد الله ادريس عايز ...
:
:
:
مع التحيات لله الزاكيات.

قلت لي حتى الخلا اتقسمتوهو يا محمد حمزة
يعني الأجيال الجاية الا تقع البحر
حسبهم الله ونعم الوكيل
مع التحيات الطيبات

مساكين ما عارفين أن كل الذنوب بعد الشرك الأكبر قابلة للغفران إلا الغلول
وهو سرقة واختلاس المال العام والملكيات العامة
قال الله عز وجل (وَمَن يَغْلُلْ يَأْتِ بِمَا غَلَّ يَوْمَ الْقِيَامَةِ)
الخمسين مليون متر سيأتي يحملها على ظهره
ومثلها يحمل الذي سمح له بذلك وهو هذا القشير الذي سيحمل في ظهره الكثير
لكن مؤكد أنهم لا إيمان لهم لأنه ثبت أن الغال ليس في قلبه مثغال ذرة من إيمان
ولأنه منافق خان الأمانة وخلف الوعد وكذب وخاصم وفجر في الخصومة بقتله للمحتجين
وقبلهم قتل الكثير من ابناء الوطن لا سيمى في دارفور وغيرها من ربوع الوطن
فاكتملت فيه خصال النفاق في أقصى حالات الكمال.

الزول ده عندو عزبه في القنطره البعد كافوري ، حاجة خرافية ، تمتد من الزاط لحدي البحر ، بجوة قصور وحدائق ومرسى بتاع مراكب على البحر ، عز أظن أمراء الخليج ماشافو زيو .

هلا بالشباب،
٥٠ مليون متر مربع دي حايقدر يحملها يوم القيامة كيف يامنتصر،
المساحة دي لو قسمناها قطع ٣٠٠ متر مربع بتعمل ١٦٦ الف قطعة وشوية
وإذا قسمناها مرابيع كل ١٢ قطعة تشكل مربوع
بتعمل ١٣،٨٨٨ مربوع يعني اكتر من مربعات مدينة كبيرة
وممكن براحة تسكن سكان الكلاكلة وامبدات أجمعين.
غايتو قادر الله وبس.
.
.
إضافة لما ذكرت ياعمر عبد الله، الراجل ده ماسك مشاريع ومحاجر غرب امدرمان تفوق الخيال، وممكن تتأمل كلامه بنفسه عن مشروع ارقين وشركة mtn فقط.

Quote: وذكر حمزة أن مع الطريق ستنشىء شركة الزوايا منطقة حرة مساحتها 50 كيلومتراً، ومحجرا بيطريا للثروة الحيوانية لحجزها نحو ثلاث اسابيع لتحسين وضعها واصدار شهادة بذلك قبل تصديرها. وأضاف أن المشروع المرافق للطريق هو مساحة زراعية تبلغ 1.8 مليون فدان، شرعت الشركة في خطوات عملية لاستصلاحها، بشراكات استثمارية مع مؤسسات من السعودية والبرازيل، لافتاً الى ان المشروع سيكون على امتداد الطريق من حميد وغربي دنقلا والدبة. وعن الاستثمار في الاتصالات، قال حمزة الذي يرأس مجلس إدارة شركة (ام تي إن) إن الشركة التي بدأت عملياً منذ العام 2004 استثمرت 200 مليون دولار وتوسعت في نشاطها، ونمت اصولها التي تضاعفت لكنها لم توزع أرباحاً طوال السنوات الثماني الماضية،لكن تدهور قيمة الجنيه خفض قيمة أصولها المحددة بالجنيه،مشيرا الى أنه على رغم ذلك فإن استثمارهاا في الاتصالات أفضل من أي استثمار آخر.

غايتو ده فايت أحمد الشايقي بسنين ضوئية.

السلام عليكم سيد الخيط وضيوفه الاكارم

Quote: القطعة تم تخصيصها كمنطقة حرة بوادي حلفا تابعة لشركة الزوايا المملوكة لعبد الباسط حمزة ماخد بال حضرتك، منطقة حرة داخل دولة باسم زول والغرض كما زعموا تشييد طريق دنقلا ارقين

يا خي دي في ارقين ونحن ناس ارقين ......إذن ترجع لناس ارقين.....

يعني الحلفاويين يتظلموا كم مرة!!!!؟

أجيييبة زي ما كانت تقول حبوبة الله يرحمها

سلام يا عمر التاج والجميع

عبدالرحمن الأمين يهتف: الشعب يريد إرجاع الفلوسعبدالرحمن الأمين يهتف: الشعب يريد إرجاع الفلوس

مرحبا اخت فريدة،
غايتو بعد الثورة عندكم منطقة حرة بتسكنكم كلكم
..
..
حبابك دكتور ياسر،
وعذرا التكرار ولكن عسى
أن يتكامل الخيطان