غايتو النت و الكاميرا الأمامية دي بتجيب جنس محن! في نوع كدا بتضربه الطراوة شكله لامن يشوف رقبته في شاشة التلفون و يتابع عدّاد اللايكات! واحد يومتها قال قناة اس 24 هدف مشروع وفي نهاية المقطع عمل بتاعة قودفاذر كدا ومعاها لفتة قال: شباب .. شوفوا شغلكم!! تخيّل اها اليوم لقيت عاهة جديدة و الأدهى مقدم نفسه كرئيس للحكومة الانتقالية المهم في المقطع ادناه في الدقيقة 3:29 قال ما معناه: السودان الله وهب له تنين أسود كبير جدا, التنين دا اسمه فاروق كسباوي !! أحيييييا !!!
أنا .. أنا .. أنا ,,, الانا بتاعته (باظه) لي بره خالص .. اتحيرت من الثقة البيتكلم بيها .. اشتراها من من ياتو سوق ؟ غايتو بي لغة الجسد الزول ده .. عايش في عالم حقه براااااهو .. ما بيشاركه فيهو زول ..
تسقط بس ... وسلمية سلمية ضد الحرامية ..
Post: #3 Title: Re: كسباوي ... التنين الأسود!! Author: محمد أحمد الريح Date: 01-02-2019, 01:18 AM Parent: #2
Post: #14 Title: Re: كسباوي ... التنين الأسود!! Author: الوليد محمد Date: 01-02-2019, 10:10 AM Parent: #13
Quote: دا هناي مجنون ..... 😂😂
😂 😂 😂 😂 😂 😂
Post: #15 Title: Re: كسباوي ... التنين الأسود!! Author: عمر التاج Date: 01-02-2019, 10:20 AM Parent: #13
ده اسمه جنون العظمة بيصيب الأمنجية وأبناء أهل الذوات بالذات، جاني واحد منهم وانا موظف جديد في مؤسسة تمويلية واستقر في الكرسي قدامي بكل هيبة وقدم لي ورقة صغيرة مكتوب فيها: ارجو تمويل زواجي بمبلغ مليار جنيه فقط، مليار الزمن داك بساوي ١٠٠ من حق الزمن ده، طبعا رديت عليه بكل ذوق، للأسف مؤسستنا مابتمول مشاريع زواج. شركات تجارية فقط قام طوالي طلع لي بطاقة قديمة بتاعة الجماعة وقال لي: انا عارفكم بتمولوا تحت تحت، قمت وجهتو للمدير، المدير اتصل بي زعلان وقال لي: انا فاضي تحول لي المجانين، الزول ده انا برجعوا ليك تتصرف معاهو، المهم جاني مكتوب على الورقة للإجراء، قلت ليهو بتعرف رئيس الجمهورية، قال لي بالحيل، بتعامل معاهو زي اخوي، قلت ليه بس مشكلتك اتحلت، تمشي ليهو يوقع جمب توقيع المدير ده وتجي تستلم قروشك كاش، شكرني بحرارة وقال لي خلاص بجيك راجع هسه وطلع وتاني ما رجع، عقبال البشير هههه. تحياتي
عاهة جديدةقالت فنانة منزلها ليها فيديو سخيف تشتم فيه الشعب و تقول البشير ابونا في زول بغير ابوه!! لكن اتصرف ليها من البركاوي ما ندر! غايتو جاتها كمية حسنات هي وأمها ما تحلم بيها :)
Quote: عاهة جديدةقالت فنانة منزلها ليها فيديو سخيف تشتم فيه الشعب و تقول البشير ابونا في زول بغير ابوه!! لكن اتصرف ليها من البركاوي ما ندر! غايتو جاتها كمية حسنات هي وأمها ما تحلم بيها :)
المنبرشات جابن خبرها ... فنانة من دبي في لقاء صحفي قالت حا تكون اول إمرأة تحكم السودان يعني التنينة السوداء 😂😂😂😂
Post: #22 Title: Re: كسباوي ... التنين الأسود!! Author: محمد البشرى الخضر Date: 01-03-2019, 03:42 AM Parent: #21
خلي منبرشات, أم حتوت عرفتها جات مرّة في عيد كدا العين اشتغلت حنّانة في واحد من الصوالين قالت رغم انّها حنّانة وجاية بارتايمر لكن كان عليها فلسفة ومنظرة كأنّها صاحبة الصالون!
Post: #23 Title: Re: كسباوي ... التنين الأسود!! Author: سيف النصر محي الدين Date: 01-03-2019, 02:25 PM Parent: #22
ود البشرى عليك بزيارة قناة التنين أبو جلابية سودا في اليوتيوب. جميع الفيديوهات اتحملت قبل شهر والبداية جميلة وفي فيديوهات ذات محتوى جيد شكلا ومضمونا وغالبها يدور حول بناء الثقة بالنفس وامور موتفيشنال أخرى.. بس فجأتن الموضوع قلب للانت شايفو ده.
Quote: خلي منبرشات, أم حتوت عرفتها جات مرّة في عيد كدا العين اشتغلت حنّانة في واحد من الصوالين قالت رغم انّها حنّانة وجاية بارتايمر لكن كان عليها فلسفة ومنظرة كأنّها صاحبة الصالون!
يا فقر قلت ليك فيها حاجات تانية حامياني .... 😂😂😂😂😂
سلام شباب عرفت ليكم سر التنين - أو أظن! التسجيل ادناه رسالة كسباوي التنين الاسود الكبير لأتباعه التنانين! أثناء الرسالة ورد اشارات و اقتباسات من مسلسل Game of Thrones
وضح انو أخينا دا متأثّر بالمسلسل شديد
وديل الـ white walkers الأجانب البقتلوا المتظاهرين
ودي الـ kings landing البوصي بتاجيل الزحف نحوها حتى اسقاط كل القلاع الأخرى
Post: #28 Title: Re: كسباوي ... التنين الأسود!! Author: يوسف الطيب احمد إدريس Date: 01-05-2019, 05:11 PM Parent: #27
Quote: يا كسباوي .. نحن الفترة الفاتت كلها كنا فاضين وساكين الفارغة .. لا خلينا مشاغلات الكورة .. لا حمادة عباسية .. لا المكوة ام ديك لا تراجي . . الوقت داك لو جيتنا كان ونستنا تمام .. واحتفينا بيك أشد إحتفاء .. لكن يا اخوي تقوم تجينا وقت الثورة المشتعلة والكبسيبة دي .. والناس بتجمع أطرافا لتركل أكبر نظام دموي في تاريخ السودان إلى مزبلة التاريخ .. صدقني يا كسباوي ده ما وقتك .. كنت فين من زمان .. يلا أقطع وشك .. زي ما بقولو شباب الايام دي ....
..منقول
ود البشرى كيف حالك
Post: #29 Title: Re: كسباوي ... التنين الأسود!! Author: يوسف الطيب احمد إدريس Date: 01-05-2019, 05:15 PM Parent: #28
هلا يوسف حقيقة أمر محيّر, هل في زول واعي بهبّل روحه بالشكل دا كدا من تلقاء نفسه! هل هو مدفوع من جهة ما, هل يتعمّد شغل الناس و يسعى للشهرة كما فعلت الحنانة تاجوج! الله أعلم صراحة كدا بعد اعدت قراءة البوست بعين تانية لقيتني غلطان و ساهمت بشكل أو بآخر للترويج له يعني إن كان له غرض ما فقد خدمته دون أن اقصد!
Post: #31 Title: Re: كسباوي ... التنين الأسود!! Author: يوسف الطيب احمد إدريس Date: 01-05-2019, 06:10 PM Parent: #30
Quote: حقيقة أمر محيّر, هل في زول واعي بهبّل روحه بالشكل دا كدا من تلقاء نفسه! هل هو مدفوع من جهة ما, هل يتعمّد شغل الناس و يسعى للشهرة كما فعلت الحنانة تاجوج! الله أعلم
كنت شغال في واحدة من الجرايد كان في كاتب عمود صحفي مشهور عندو قريبو (أظنو مريض نفسي) متلح الجريدة بأنه الكاتب دا بسرق أفكارو وبنزلها في عمودو \ عدا فترة من الزمن ووقف براه ،، غالباً ما يكون من النوعية دي
Quote: صراحة كدا بعد اعدت قراءة البوست بعين تانية لقيتني غلطان و ساهمت بشكل أو بآخر للترويج له يعني إن كان له غرض ما فقد خدمته دون أن اقصد!
في رأيي انت ما غلطت وبالعكس نبهت الناس للأشكال الزي دي ونبهتهم ، دا يعتبر من الظواهر السالبة فأفضل الناس تلقي الضوء عليه وتوضح حقيقته عشان ما يلقى ليه ناس بسيطين سذج يمشي فيهم أفكاره المهببة .
هسع البزعلكم شنو معتوه زي البشير حكم 30 سنة. أصلوا السودان من اخد استغلاله حقل تجارب..
Post: #34 Title: Re: كسباوي ... التنين الأسود!! Author: محمد جلال عبدالله Date: 01-06-2019, 07:13 AM Parent: #33
توفيق عكاشة السوداني بس وبرضو في رسالته لحميدتي ذكرني بي بلة الغايب حسيت الزول ده مشعوذ مشعوذ كده
واضح عليه متأثر بالمسلسلات والبلاي ستيشن في رسالته لي السيسي وبعد ابتسامة هازئة قال: طبعا انتهت أيام محسن ممتاز ورأفت الهجان هههههههههههه عرفتو ليك الزول ده ما نصيح طوالي محسن ممتاز الضابط الجند رأفت الهجان في المسلسل وكان لعب دوره يوسف شعبان ههههههههههههههههه
Post: #35 Title: Re: كسباوي ... التنين الأسود!! Author: Yousuf Taha Date: 01-07-2019, 10:28 AM Parent: #34
Quote: white walkers
لا لاستهداف الزعماء
Post: #36 Title: Re: كسباوي ... التنين الأسود!! Author: محمد حمزة الحسين Date: 01-07-2019, 12:30 PM Parent: #35
Quote: ودي الـ kings landing البوصي بتاجيل الزحف نحوها حتى اسقاط كل القلاع الأخرى
وهو إنتو شوفتو حاجه دي المناظر بس ... : : : : مع التحيات لله الزاكيات.