انا كفيف

01:52 PM December, 21 2018

سودانيز اون لاين
جلالدونا-
مكتبتى
رابط مختصر

المخبز قفّل مافى رغيفة
عاوزين عِيشة حلال و نضيفة
عاوزين لقمة حلال و شريفة
و اتخرجّنا و مافى وظيفة
نحنا اللهب الواقد نارو جمرو صنوبر
نحنا البنشيل فوق الدوبر
نحنا الشّهدو الله و كوبر
نحن القرشي الكبس الموت
نحنا الدلقو الدم فى اكتوبر
و خلّا التاريخ ياخد وقفة
وقال انتو سيوف العز يتعزّم فوق اكتاف
الغازى الطفّر
و متّو معاها لأنه اتنفّر
و هبتو الدم .. الدم الغالى الما بتوفر
ياما ابدعتو و ياما افزعتو
انت تلّبتو الدلج يتحفّر
وانتو مهيرة الماب تدّفر
وانتو الموت الرحّل و سفّر
انتو المدفون فى مطمورة
و الدفّيق الشايل و صفّر
انت قبايل و قصة خيالا رهاب
انتو مناصير و انقرياب
انتو هدندوة من شدياب
انتو ريزقات انتو دناقلة
انتو المحسى و الصادقاب
انتو اب حمد انتو اب ديس
انتو بظاحين و الشكرية
فور جعلية و حسانية
انتو كواهلة و الشايقية
نحنا ال اللوح عمار و كتاب
نحنا تعايشةو عبدلّاب
نحنا البجة و نحنا الكسلاب
نحنا مسيرى و نحنا بديرى
و نحنا الشعب الزّح نميرى
وغير الضيف الدّقّ الباب

الله اكبر
الله اكبر
لا استطيع مشاركتكم ايها الشباب
يحكمنا شباب و لا الاحزاب
يحكمنا شباب و لا الاحزاب
يحكمنا شباب و لا الاحزاب
اشركونى معكم .. اشركونى معكم
انا كفيف
اهتفوا بهذه الهتافات
دى كتابات قديمة اسقطت كل النظم
بارك الله فيكم
حفظكم الله
قوّاكم الله
حفظكم الله
حفظكم الله
وهبناكم
نحن الذين تدتفعوا نحو المدافع و المعارك
بل وجادوا بفلذة الاكباد
دفعناكم
إمّا حياه كريمةو إمّا الموت
الله كبر

بهذه الكلمات الضادقات و النابعات من قلب عامر بالايمان و الحكمة
و التى طافت بكل ربوع و بوادى و قرى و حضر السودان
مذكّرا بتاريخ هذا الشعب العظيم عند الملمّات و الإحن
تستنهض الهمّة لانجاز النصر المبين
خاطب عمّنا الضرير شباب الثورة
وقفت كثيرا عند كلمتى
وهبناكم
دفعناكم
و تأكدّت تماما
ان نور البصيرة يضيئ طريق الثورة
و ان النصر لآت لا محالة
وصدق رب العزّة حين قال فىمن عميت بصيرتهم
فَإِنَّهَا لَا تَعْمَى الْأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُورِ
فهنيئا لك بهذا القلب المبصر
و عمّا قريب يبشرونك بالنصر ان شاءالله