Post: #1
Title: الكلام ده صحي يا عبد الحفيظ ابو سن؟
Author: عثمان علي
Date: 12-19-2018, 05:22 AM
04:22 AM December, 18 2018 سودانيز اون لاين
عثمان علي-
مكتبتى
رابط مختصر
نقلا عن موقع شبكة السودان SNN:-
(ألقت السلطات الأمنية القبض على المتهم الذي قام بتسجيل وبث مقطع فيديو يهدد فيه المواطنين ويرهبهم ويسئ فيه للقوات النظامية عبر إنتحال صفتها والتلويح بالسلاح .ويواجه المتهم تهما تحت المواد (64-93-144) من القانون الجنائي (التهديد وإرهاب المواطنين وإثارة النعرات والفتن وإنتحال صفة القوات النظامية) والمادة (26) أسلحة وذخيرة . وقال مدير إدارة الإعلام ل(smc) أنه ومنذ ظهور المقطع المسئ بدأت السلطات الأمنية البحث عن المتهم حتى تم القبض عليه اليوم بمدينة كوستي بولاية النيل الأبيض حيث إتضح أن إسمه محمد زين العابدين الشهير ب(شروم) ويعمل سائقا خاصا وليست له أية علاقة بأي جهة رسمية أو نظامية .واعترف (شروم) أنه لا علاقة له بأي مؤسسة رسمية أو قوات نظامية.......الخ)
|
Post: #2
Title: Re: الكلام ده صحي يا عبد الحفيظ ابو سن؟
Author: Hamid Elsawi
Date: 12-19-2018, 06:01 AM
Parent: #1
عثمان أخوي
محاولة قولت الامن بالتهرب من المسئولية
من الجريمة التي ارتكبها هذا المأجور محاولة مكشوفة.
التهديد بالقتل و في وسائل التواصل الاجتماعي لشعب كامل
دي ما جاجة ساهله. و التظاهر حق كفله الدستور يعني الشعب
لو مارس حقة الدستوري هو ح يقتل.
بعدين زول سواق ساكت و لا ينتمي لاي حزب و لا جهة سياسية
و لا قوات نظامية و شايل سلاح و بهدد في المواطنين. دي عاوزين
يقنعوا بيها منو.
طيب لو اقتنعنا انو سواق و لا ينتمي لاي جهة حكومية
او غيرها مصلحتو شنو يعمل مقطع زي ده و عملوا ليييه في الأساس
جن سكت ام لمصلحة جهة معينه.
تهافت الجهات النظامية في تبرئة نفسها من المقطع محاولة بائسة
المسكين عمل المقطع بتوجيه من جهة أمنية
و عمل الاعتذار من جهة أمنية أيضاً و الجهات الامنية كتيرة
و قبض التمن في الحالتين
لو العاقل عمل مجنون ... المجنون بعمل عاقل
|
Post: #3
Title: Re: الكلام ده صحي يا عبد الحفيظ ابو سن؟
Author: عثمان علي
Date: 12-19-2018, 06:14 AM
Parent: #2
تسلم اخوي حامد .. عشان كده عايزين النجيضه من ناس كوستي ..
|
Post: #4
Title: Re: الكلام ده صحي يا عبد الحفيظ ابو سن؟
Author: عبدالحفيظ ابوسن
Date: 12-19-2018, 06:28 AM
Parent: #3
ابدا يا عثمان والله
لا بعرفو ولا لقيت زول قال بعرفو ولا انا ولا زول سمع بي قصة قبضو في كوستي !
المدهش ان يقام مؤتمر صحفي لمجرد القبض علي متهم وتحتفل به الصحافة لمجرد نشره لفيديو ؟!
المتهمين الخربو الاقتصاد الوطني ودمروهو ما عملو ليهم مؤتمر صحفي بل منعو الصحف من مناقشة قضيتهم
والاغتصبو وهتكو الاعراض برضو
|
Post: #5
Title: Re: الكلام ده صحي يا عبد الحفيظ ابو سن؟
Author: عثمان علي
Date: 12-19-2018, 07:38 AM
Parent: #4
تسلم عبد الحفيظ اخوي .. وفيت و كفيت .. يديك العافية.
|
Post: #6
Title: Re: الكلام ده صحي يا عبد الحفيظ ابو سن؟
Author: الطيب عباس
Date: 12-19-2018, 07:48 AM
Parent: #1
تحياتي لصاحب البوست والضيوف الافاضل
التمثيلية واضحة الزول دا قال سواق ومن الدويم ..
طيب الطبنجه عادي بشيلوها الملكية ؟
طيب وين الماده () بتاعت انتحال شخصية .. الزول دا عصرو وجابو زيتو وورطهم فقالو احسن نعتذر .. بالمناسبة في واحد تاني شايل كلاش وبهدد برضو اتوقعو يجيبو يعتذر وينكر حطب انو تابع لاي جهه .. المهم ما احترمو عقولنا كلو كلو ..
|
|