أكد الاستاذ على مهدى رئيس مجلس المهن الموسيقية والتمثيلية فى تصريحات للمركز الصحفي لقناة النيل الأزرق أن المجلس قرر اليوم الأثنين سحب رخصة مزاولة المهنة من الفنان الشاب (جبرالله ) بسبب أغنية (الشجر الكبار) التى قدمها جبرالله قبل أيام وأثارت ردود فعل واسعة بسبب ماتحتويه الأغنية من كلمات فاضحة ،وينتظر أن يقدم الفنان للمحاسبة والمحاكمة بسبب الأغنية التى أثارت غضب الوسط الفنى والجمهور والأعلام .. ويتوقع ان يمنع الفنان عن الغناء نهائيا ..
Post: #2 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-12-2018, 03:07 PM Parent: #1
يمين بالله ... علي مهدي ذاتو عندنا فوقوا راي ؟
هو العين علي مهدي المنافق ده رئيس لمجلس المهن الموسيقية منو ؟
Post: #3 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-12-2018, 03:10 PM Parent: #2
مسكين ( السمبتيك ) ... راح وطي بي قوانين فقه الضرورة ...
امة لو سرق فيها الضعيف اقاموا عليه الحد ...
Post: #4 Title: Re: مشكلة السودان اتحلت : سحبوا رخصة الفنان ال Author: Mahjob Abdalla Date: 12-12-2018, 05:45 PM Parent: #3
Quote: أثارت غضب الوسط الفنى و الجمهور والأعلام .
سلام باشمهندس يعني عملو استطلاع للجمهور؟
Post: #5 Title: Re: مشكلة السودان اتحلت : سحبوا رخصة الفنان ال Author: سفيان بشير نابرى Date: 12-12-2018, 09:20 PM Parent: #4
الأغنية شديدة عدييل يا قبقبه
Post: #6 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-12-2018, 10:26 PM
Quote: سلام باشمهندس يعني عملو استطلاع للجمهور؟
شفت كيف يا محجوب ..
ما أصلوا هم بعرفوا مافي الصدور و ما تخفي أنفسنا
Post: #7 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-12-2018, 10:28 PM Parent: #6
Quote: الأغنية شديدة عدييل يا قبقبه
و الله يا سفيان الود مسكين خرتوا حنك
الغنية لذيييذة و الشدر الكبار بي صراحة اصلي ...
Post: #8 Title: Re: مشكلة السودان اتحلت : سحبوا رخصة الفنان ال Author: نادر الفضلى Date: 12-12-2018, 10:41 PM Parent: #7
الرخصة إنسحبت ما جمدت إلى حين التحقيق
سؤال لو عندكم إجابة: الرخصة دى بترخص بشنو الغنا فى وسائل الإعلام والحفلات العامة .. أم بتشمل االتصريح بالغنا فى حفلات عرس أو سماية أو طهور؟
وسحب الرخصة هل يمنع نشرها فى اليوتيبوب والفيسبوك ومما إلى ذلك
وسؤال آخر ناس المهن الفنية ديل بيمنحوا الرخصة وفق شروط إجازة لصوت الفنان ومقدراته التطريبية أم فى جهة أخر بتجيز؟
Post: #9 Title: Re: مشكلة السودان اتحلت : سحبوا رخصة الفنان ال Author: سفيان بشير نابرى Date: 12-12-2018, 11:48 PM Parent: #8
Quote: الشدر الكبار بي صراحة اصلي ...
اصلي ساااي و كفى؟ ياخ كمان ثقافة سودانية زيو زي سب الدين للحديد
Post: #10 Title: Re: مشكلة السودان اتحلت : سحبوا رخصة الفنان ال Author: نادر الفضلى Date: 12-13-2018, 01:50 AM Parent: #9
يا دوب قدرت أفتح التسجيل
طيب الشاعر منو؟ المطرب أم شخص عيره وقد يكون أيضا شاعر أغانى منضوى فى عضوية إتحاد المهن الموسيقية وعنده رخصة
الكلمات دخلت فى وصف الفتا موضوع الأغنية فيما يفوح منها من رائحة الخمرة (بضم الخاء) ووصف الجسد بعد المحسنات البديعية الدلكة والدخان (كبرييت) .. ودى طبعاً فيها إيحاءات جنسية ( عند السودانيين) .. وحسب العادات من تستخدمها متزوجة فالغزل والوصف موجه لأمرأة متزوجة تذكرت طرفة مت بى لواقغة حقيقية بنت هافكاست سودانية ـ أثيوبية ولدت وعاشت فى السودان يعنى سودانية ميه ميه .. تزوجت بأمريكا من أثيوبى كامل الدسم لم يمر بالسودان ولا يعرف عنه شئ .. ليلة الدخلة قال لعروسه شامى لى ريحة شياط وحريق .. شرحت له قاليها تانى لأ .. كانت المرة الأولى والأخيرة االتى إتكبرتت فيها.
الملاحو الثانية فات تاس الحقيبة فى الوصف الحسى .. وكسر قوانينهم للمناطق المحظورة كانو يبيحون وصف المرأة من أعلى رأسها الشعر اليون الخدود الفم والأسنان والوجه الرقبة السدر الخصر وبعد داك تحت الصرة .. أووو يا ليلا .. الزول دا ما إستخدم من الحقيبة غير وصف الوجه بالقمرة .. ويمكن الشدر الكبار .. بعد داك الشغلة بقت كبرته .. ونزل تحت الصرة وصف الأرداف ونزل للساقيين مليانه وتتهز زى الجلى .. لاحظ كمان إنها إمرأة متزوجة بتتكبرت ..
** لكن أنا قايل سبب السخط على الإغنية جاى من النسوان ما عشان وصف الكبرتة والجسم عشان وصف الرجول المليانة .. عملت ليهن نفسيات مع المفاريك المنتشرة .. ههه
Post: #11 Title: Re: مشكلة السودان اتحلت : سحبوا رخصة الفنان ال Author: سفيان بشير نابرى Date: 12-13-2018, 02:13 AM Parent: #10
عاينته ليها وقلبي طار
شفته القمر نص النهار
توب كربة من تحتو الخمار
اموت أنا في الشجر الكبار
البيقن المختوم ختم
في الحنة و أشكال الرسم
اوب القوام المنقسم
عذبني و العجب الجسم
لبشتني ريحة خمرته
و المسك الأبيض بدرته
و الدلكة زادت نورته
تلمع نضييييفة مكبرته
من فوق تقول دي بتنكسر
مليانة من تحت الخصر
جمال رهيب ما بنحصر
اردافه معصورات عصر
الساق عجيب مليان ملي
بيرجف عديل زي الجلي
لونو الصفار بالحرجلي
بالبوخه الساق قالياو قلي
النصيحة يا الفضلي و يا قبقبه دا أسمو الشعر المرتاح و كده و مافيهو اي شي
Post: #12 Title: Re: مشكلة السودان اتحلت : سحبوا رخصة الفنان ال Author: عبدالحفيظ ابوسن Date: 12-13-2018, 03:36 AM Parent: #11
تحياتي للجميع الاغنية منحطة جدا جدا وتافهة لا اقصد الوصف الحسي لكن عاينو ليها بي فهم مختلف بتغزل في امرأة متزوجة وهو ليس زوجها الخمرة والدخان والكبرتة إلا للمرأة المتزوجة وزوجها معاها ! يعني لو مغترب او مهاجر تترك كل ذلك ولا تفعله . دي الثقافة السودانية البعرفها غنية منحطة جدا وفاحشة بخصوص القرار وعلي مهدي . فلا يمكن لمن مكنو للانحطاط ان يحاكموه منعو جيد الغناء وحاربوه وصاروا موظفين دولة وليس هكذا يحارب الانحطاط انا ضد السلطة وايضا ضد الانحطاط
Post: #13 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-13-2018, 03:54 AM Parent: #12
Quote: بتغزل في امرأة متزوجة وهو ليس زوجها الخمرة والدخان والكبرتة إلا للمرأة المتزوجة وزوجها معاها !
يا سنو ...
امكن كانت متزوجة ياخ ...
بعدين هو ما بتغزل فيها ... الرجل بوصف بس ...
ناس ابوصلاح وصفوا لامن فترو ... و مافي زول عارف متزوجات و لا لا ...
Post: #14 Title: Re: مشكلة السودان اتحلت : سحبوا رخصة الفنان ال Author: عبدالحفيظ ابوسن Date: 12-13-2018, 04:03 AM Parent: #13
يا قباني الثقافة السودانية لاتسمح للارملة بالتبرج السوداني الاصيل . وان فعلت ينظر لها نظرة أخري غير كريمة اذا منع من غاب زوجها عن ذلك ف بالضرورة ان يمنع من غاب زوجها غيابا ابديا . عدم الكبرتة اشارة لعزوبية المرأة لمن يرغب في زواجها . وكم واحدة تقدم لها شخص وأكتشف انها متزوجة ولكنها في حداد او زوجها غائب ذكرت لك بداية لا اناقش الوصف الحسي ويا قباني الاغنية تعكس ثقافة الخالات المنتشرة وسط الشباب . وهي ممارسة الجنس مع امرأة متزوجة . وليست هذه الاغنية الوحيدة بل يوجد غيرها استمعت لغيرها وتتحدث عن ان الشاب لا يخسر مالا بل يكسبه من خلال العلاقة
Post: #15 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-13-2018, 04:09 AM Parent: #14
Quote: ويا قباني الاغنية تعكس ثقافة الخالات المنتشرة وسط الشباب . وهي ممارسة الجنس مع امرأة متزوجة . وليست هذه الاغنية الوحيدة بل يوجد غيرها
و ممارسة الجنس مع امرأة متزوجة دخلت السودان جديد ؟
ما طول عمرها موجوده ... منذ الازل ...
و في كل بلاد العالم ...
ما فهمت ثقافة الخالات دي شنو .؟
تقصد الكوجرز ؟ واحدة متزوجة او كبيرة في السن تجيب ولد صغير و تصرف عليو ؟
دي برضها موجودة في كل الدنيا ... بس امكن دخلت جديد مع العالم الضاق ده و بقة زي قد الابرة مع السوشيال ميديا ...
Post: #16 Title: Re: مشكلة السودان اتحلت : سحبوا رخصة الفنان ال Author: عبدالحفيظ ابوسن Date: 12-13-2018, 04:13 AM Parent: #15
طيب القتل والسرقة والاغتصاب موجودات منذ الازل يعني نغني ليهن برضو ونوافق عليهن ؟ ما قلت ليك نحن مجتمع طهراني ولا ملائكي
Post: #17 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-13-2018, 04:25 AM Parent: #16
سمح سؤال يا سنو ...
لو حذفنا ابيات الكبرتة و الخمرة و الدلكة ...
باقي الابيات كيف ؟ ممكن تتغنى لانها ما جابت سيرة زولة متزوجة ؟
Post: #18 Title: Re: مشكلة السودان اتحلت : سحبوا رخصة الفنان ال Author: عبدالمنعم الطيب حسن Date: 12-13-2018, 04:26 AM Parent: #16
اغنية تافهة جدا ومنحطة جدا وصف حسي لامراة متزوجة من يصف ليس زوجها بالضرورة الاغنية وترتني جدا ودي عكس رسالة الاغاني التي تدفع لسموء النفس والروح ...... كورتك فكت يا قبة؛ وانت كمان يا ابو السيوف العجبك في المرض دا شنو؟ تجامل ليه ..... وعلي مهدي ابيخ ممثل على الاطلاق وداعم للانظمة الشمولية تبا له من هبيل ..... قم سانيا دا وكتو الناس في البلد تقرب تموت من الجوع والفقر والظلم ونحن ندافع اساخيف مالكم كيف تسمعون؟
Post: #19 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-13-2018, 04:32 AM Parent: #18
انحنا ما بنمدح في الغنية و الولد يا منعم ...
بس بنستغرب من بلد كل شي فيها غلط ... و كل القيم فوقها انتهت ...
و الحكومة رغم فظائعها و جرايمها ...
تجي تقول ليك اغنية خادشة للحياء ...
بس زي قصة اهل العراق و الضبانة ...
Post: #20 Title: Re: مشكلة السودان اتحلت : سحبوا رخصة الفنان ال Author: عبدالحفيظ ابوسن Date: 12-13-2018, 04:35 AM Parent: #19
والباعوضة 😆😆😆 الضبان حتي كمان بعضي لامن يجيب الدم
Post: #21 Title: Re: مشكلة السودان اتحلت : سحبوا رخصة الفنان ال Author: عبدالحفيظ ابوسن Date: 12-13-2018, 04:35 AM Parent: #19
والباعوضة 😆😆😆 الضبان حتي كمان بعضي لامن يجيب الدم
Post: #22 Title: Re: مشكلة السودان اتحلت : سحبوا رخصة الفنان ال Author: muntasir Date: 12-13-2018, 04:43 AM Parent: #21
يا عمو عبدالحفيظ في زمنكم الطابق البوخة كان عاملينها في فريق كورة وما عارف شنو كدة مضرضم
Post: #23 Title: Re: مشكلة السودان اتحلت : سحبوا رخصة الفنان ال Author: يحي قباني Date: 12-13-2018, 04:46 AM Parent: #22
Quote: يا عمو عبدالحفيظ في زمنكم الطابق البوخة كان عاملينها في فريق كورة وما عارف شنو كدة مضرضم
و في غفلة رقيبي ...
يا مونتا ... الناس روحها محرقاها بس ... ههههه
Post: #24 Title: Re: مشكلة السودان اتحلت : سحبوا رخصة الفنان ال Author: عبدالحفيظ ابوسن Date: 12-13-2018, 04:48 AM Parent: #22
يا منص تصدق كانت في بالي وانا اكتب ردي بعدينك اتا قايلني قباني ؟ انا في حقبة عركي وعبدالعزيز المبارك و خوجلي عثمان
Post: #25 Title: Re: مشكلة السودان اتحلت : سحبوا رخصة الفنان ال Author: Ahmed Yassin Date: 12-13-2018, 05:35 AM Parent: #24
علي مهدي ..هو اكثر زول يتحدث عن ودالرضي..و(تطبيقات) البوخة..واغنيته المفضلة واﻻثيرة ( الحالم سبانا) و(محيو) الجميل..والباقي معروف لديكم بعيدا عن اﻻغنية الركيكة لحنا..بل اللحن اقل من الركيك..ﻻن نوعية الكلام المبتذل دا ،طريقة اللحنlooping وبدل مايسحب رخصة المؤدي..وليس الفنان. مفروض يعالج الفوضى من اﻻساس وحتى قمة المهن الموسيقية....ثم ماعرفنا علي مهدي دا شايت وين! مرة مع حيران الشيخ اسماعيل الولي وتاني يوم في مهرجان كان السينمائي...واحد من اعضاء اتحاد المهن قال ..(سمعت) انهم بيقولوا ان اﻻغنية بتوصف في مرة ( بيضاء) ودا توجه عنصري.....
Post: #26 Title: Re: مشكلة السودان اتحلت : سحبوا رخصة الفنان ال Author: MOHAMMED ELSHEIKH Date: 12-13-2018, 06:00 AM Parent: #25
يمكن الشاعر بيتغزل في زوجتو عرفتوها كيف ما زوجتو؟
ثم تانيا ممكن يتغزل في واحده مخطوبة مثلا ولا برضو تقولو عليه نفس الكلام؟
Post: #27 Title: Re: مشكلة السودان اتحلت : سحبوا رخصة الفنان ال Author: Ahmed Yassin Date: 12-13-2018, 02:28 PM Parent: #26
Quote: عرفتوها كيف ما زوجتو؟ ثم تانيا ممكن يتغزل في واحده مخطوبة مثلا
عرفناها كيف؟ كدة ساي ..بس ...باﻻحساس هو في سوداني بعرف يتغزل اصلا!!!؟؟ الولية دي لو مخطوبة ياهندسة . المحول حقك بكون ضرب وانت ما جايب خبر
Post: #28 Title: Re: مشكلة السودان اتحلت : سحبوا رخصة الفنان ال Author: سيف النصر محي الدين Date: 12-13-2018, 02:33 PM Parent: #26
من الواتساب قالوا الجنا ده كمل إجراءات اللوتري وجايي علينا بهني.. يعني الثورة ذاتها احتمال ما يقعد يرجاها. غايتو في شارلوت نحن ما بنجيبوا في حفلاتنا 😬
Post: #29 Title: Re: مشكلة السودان اتحلت : سحبوا رخصة الفنان ال Author: جمال ود القوز Date: 12-13-2018, 04:03 PM Parent: #28
غايتو دي غنية (بطاله) ساي ... شجر كبار يقطع رقبتو جبر الله ده ... خخخخخ .. قال ليك اردافا معصورات عصر .. ان شاء الله يعصرو حاج علي .. لحن الاغنية ذكرني ألحان أناشيد الابتدائي ..
ياقبة عليك الله ماتوسخ مكتبتك بي أغنيات سافلة زي دي .. بعدين تحذف شنو ولاّ شنو دي كلماتها كلها زفت ..
Post: #30 Title: Re: مشكلة السودان اتحلت : سحبوا رخصة الفنان ال Author: سفيان بشير نابرى Date: 12-13-2018, 04:04 PM Parent: #28
Quote: قالوا الجنا ده كمل إجراءات اللوتري وجايي علينا بهني
خشمك فيهو اللبن يا دكتور غايتو في فرجينيا بنهجج بيهو و بنعزم قبقبه و ود الفضلي.
الناس دي ح تعمل شنو لو سمعت :- (يا سحلية يا التدحلبي)
