من البي بي سي إكتشفت لكم من هو الحبرتجي الأعظم في تاريخ سودانيز أون لاين

05:09 AM December, 04 2018

سودانيز اون لاين
muntasir-
مكتبتى
رابط مختصر

يتقزم أمامه ودالباوقة وينحني له فرانكشستاين ولا سائل في المسلمي ولا وفد المنافي

هو بن جلا وطلاع الثنايا متى وضع *الفنيلة* تعرفوه

إنتهى

ايواااااه

أيوااا سبب لي ألم سبب لي أذية ،بسمع فجأتن كده يا ود الشيخ شنف أذناي صوت جبلي على صحراوي على حربائي فقلت هو هو أي him him ما حقت الكلاب

لقد تكاثر علينا الحبرتجية من كل شكل ولون وعنقرة...فافصح يا أخ العرب ينولك ثواب

كدي اسمع قال شنو يا حاتم قال تعديل الدستور لمنح المرشح فرصة تالتة للترشح لرئاسة الجمهورية ليس المقصود به البشير الذي قد لا يرشح نفسه بل هو مطلب جاء من القواعد والجماهير ومنظمات المجتمع المدني اَي والله منظمات المجتمع المدني ،لا نقول إلا كما قال شيخ معاوية المدير داك إسمو منو تف تف

أبي عزالدين

يا صاحب السجن نقرتو إنه أبي uk 🇬🇧 صاحب قميص ميسي الذي لم يجد فيه صاحب القصر ريحه😂

يا منص سمعت مقطع لسعودي بشكر في بن سلمان وشالتو الحمية والانفعال فقال
اياك نعبد واياك نستعين
فتذكرت بعضهم

يا شيخ العرب دي زي القالت للسيسي انت الصادق الأمين لمن قال ليها انتي قلتي انا الصادق الأمين قاطعته قالت ليه والحفيظ العليم فشنو لا نقول إلا تعالى الله عن ما يصفون عبدة الطواغيت قبل كدة مش في واحد سجد لمن بشة جا راجع من إحدى عملياته العلاجية

Quote: يا صاحب السجن نقرتو إنه أبي uk 🇬🇧 صاحب قميص ميسي الذي لم يجد فيه صاحب القصر ريحه😂

غايتو صاحبي انا بديهو العذر في السجدة


كان امام الفنان الشايقي الرقيق محمد جبارة
والراجل شالتو الطربة
وقف قدام ودجبارة
وسجد .

الذ شي يا منص انو قرأ التشهد وسلم

Quote: هو بن جلا وطلاع الثنايا متى وضع *الفنيلة* تعرفوه

فنيلة مودريتش اخبارا شنو ؟
دي بتجيب ليهو وزارة قطع شك ، بس تكون اصلية

صدّق يا منص قبيل سايق مشوار طويل في العادة بفتح اذاعة امدرمان او الرياضية بدون اي سبب ظاهر قمت فتحت البي بي سي التقرير الأول كان عن السيناتورين القالوا فلان مسوؤل عن الهناي ثم موضوع البوليساريو البعدهم كان عن مقترح تقدمت به كتلة الاغلبية البرلمانية لتعديل الدستور و سمعت كلام ابراهيم احمد عمر الله يسالني خجلت ليه براي وانا سايق!
اها قام جا زولك دا وقعد يتمهلك زي ما سمعت, الذّ حاجة المذيعة قالت ليه المواطنين الممكن يترشحوا ديل ما بحتاجو لتعديل الدستور الوحيد البحتاج هو البشير قبل ما يرد هيأت نفسي عشان أخجل ليه لكن لقيته مغسل وشو بموية مرقة ماجي مدتها منتهية النوع البفرشوها جمب الجامع الكبير ديك!
غايتو سبيت زييييين و على اساس اني براي اخدت راحتي شوية كدا في السب!

يا منتصر.

أوبي ده أنا أكتشفتو لمن كان معانا هنا في المنبر ده، وكنت مسميهو كوز (UK) وهو كان بيكتب بأسم أوبي UK

يا عبدالله الريس مشى النهائي فنلة مودريتش ما بتآكل معاه لكن لو قلت ديه دي قنلة الرئيسة الكرواتية إحتمال كلير يمسك المِغَروِد معتز الباب ويخليك رئيس وزرا

يا ودالبشرى قول لؤي داير عضة عشرين عشرين لكن إبراهيم أحمد عمر يود لو يعمر ألف سنه سمعتو كلامه هزيل كيف وخاصة لمن حاول يستدرك خطؤه لمن قال سأجيزه لكم

يا دينق كان شبلاً هسع يازول معلم كبير وحبرتجي كامل الدسم طلع من قميص عامر وأتوقع له مستقبل باهر

واحد يصحي صديقنا محمد سيد أحمد

كان أُبي دا مدقس محمد سيد أحمد وعامل فيها معارضة، ومحمد سيد أحمد كان مصدق،
يوم فتح التلفزيون لقى ليك صاحبو اللي ما بغباهو بطبل للحكومة هههههههه

يا النذير محمد سيدأحمد بي عمتو الكبيرة دي بيتدقس

ايوة دقسنى

يتصل يقول لى اليوم فى ندوة فى دبى فيها امين حسين عمر ويجى يسوقنى بعربيتو وانا اشيل واهاجم ويرجعنى للشارقة
وتانى يتصل يقول لى فى مؤتمر صحفى لكبر فى دبى وبرضو نتقاود لدبى

ثم فجاءة المستشار الصحفى لرىيس الجمهورية
ابو الزفت

انت قايل العمة تحتا فكى