خبر سار جداً فرحة كبيرة وسط المجموعات الشبابية في محلية البرقيق وعموم النوبة
وصول عالم الآثار شارلس بونيه الى محلية البرقيق وسيبدأ رحلة البحث في موقع (دوكي قيل)الاثنين القادم.. فاهلا ومرحبا به في ارض الحضارة والتاريخ ..كرمة مرحبا به في ارض النيل والنخيل ارض الملوك وهي تتأهب لاستقبال مهرجان كرمة السياحي الثقافي للحضارة النوبية
رغم سنين العمر تقريبا 87 سنة هو من مواليد 1933م ..( أن شاء الله عمر جورج بوش الكبير) صار قلب الرجل متعلق بكرمة والاثار
المشكلة مع إعلان مهرجان كرمة ظهر العشرات من الناس لم نكن نسمع بهم وحتى لم يزوروا كرمه من قبل استولوا على الوظائف الشرفية كلها ( رئيس المهرجان .. رئيس اللجان ماعارف شنو .. رئيس حاجة كده ) ومع أنهم من المنطقة ولكن شارلس بونيه أفصح منهم في اللغة النوبية ..
نتمنى العمر المديد له لمواصلة مهمته التي بدأها قبل أكثر من 45 عام
Post: #2 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-04-2018, 01:35 PM Parent: #1
Post: #5 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-04-2018, 01:45 PM Parent: #4
أهلاً شارلس بونيه .. الله يرحمهم عمنا ود بشير .. ومحمد مركب كانوا عمال حفريات وأصدقاء لبونيه الاستراحة الملاذ الجميل لشارلس بونيه على النيل مباشرة ومقابل جزيرتنا أرتقاشا بناها مؤسسة مشروع البرقيق ( مستر لانق ) اسكلندي مبنى تقليدي جميل .. لكن المشكلة ناس المحلية لا يفهموا في الحاجات دي تكسير ولياسة وتخريب بقصد التجميل
كمان الجو جميل في منطقتنا شتاء لا حر لا غبار .. والرائع كمان بمجرد وصوله بدأ الحفريات في ( دوكي قيل ) نتمنى له عمر مديد ليكمل مهمته ..
دعواتكم يا الاحباب
Post: #6 Title: Re: خبر رائع .. شارلس بونييه وصل كرمة .. الحلة ع� Author: عمار قسم الله Date: 12-04-2018, 01:56 PM Parent: #5
حبيبنا علي تحية مباركة مهما تسلق (اللبلاب- ناس لجان المهرجانات - وناس شوفوني ) لينال مناصب شرفية - سيبقي (لبلابا)وسيبقي متحف (كرمة) شاهد علي جهد شاري بونيه - وخيبة في جباه (اللبلاب المتسلق).بكل مالديك من معلومات عن (بونيه) ومجهوداته - ليتك تواصل البوست تفصيلا -- عن الحضارة النوبية وجهود (بونيه) - لك التحية والاحترام
Post: #7 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-04-2018, 02:03 PM Parent: #6
مودتي الحبيب عمار .. متحف شارلس بونيه رائع في التصميم والموقع .. زول ده مهوى فوائده كرمة حاضنة الدفوفة ترك أجمل بقاع الأرض جنيف وأحب كرمة شارلس بونيه هبة للتراث النوبي .. رائعة تسمية ( اللبلاب المتسلق ) هم هكذا ولكن مجال التراث خطير لا بد من معطيات ومؤهلات وشغف وحب للتراث
يا مراحب يا على امبس شارلس بونييه الرجل الذى تعلّم النوبية فى مناطقنا واخرج للنوبة جميعا كنوز حضارتهم الغابرة من باطن اراضيهم المباركة له دين تكريم مستحق على رقاب جميع اهل النوبة ..
Post: #11 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 08:36 AM Parent: #9
يا مراحب يا على امبس شارلس بونييه الرجل الذى تعلّم النوبية فى مناطقنا واخرج للنوبة جميعا كنوز حضارتهم الغابرة من باطن اراضيهم المباركة له دين تكريم مستحق على رقاب جميع اهل النوبة ..
======================== علاء أمبس .. لك كل الود والتحية .. الشباب في منطقة عاملين حراك كبير جداً بصراحة يا علاء شبابنا ما شاء الله أنشط من زمنا داك .. ربما التطور والتواصل التكنولوجي شارلس بونيه هناك .. وما زال الكثير في دوكي قيل .. نتنمى طول العمر له لإكمال مشروعه أرقام مهولة من القطع الاثرية في دوكي قيل ..
خوفي مهرجان كرمة يحولوها إلى عرضة ( دابي السار الرسى ) وننسى الآثار كمان في ناس إنتهازيين همهم الأول رئاسة اللجان والصف الأول والكرسي الوثير وكاميرات التلفزيون والعمم والشالات ولقاءات تلفزيونية كلها .. بإذن الله سوف .. إن شاء الله سوف .. وسنكون بإذن الواحد الأحد ... وهكذا ..
ألاحظ أن اللجنة فيها ناس لا يعرفوا جغرافيا المنطقة ولا تاريخها .. ودي المشكلة
علاء أمبس .. أهم حاجة وجود شارلس بونيه .. وعودته إلى دوكي قيل ..
كرمة منورة ( يا حلة تنوري )
Post: #12 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 08:39 AM Parent: #11
حبيبنا كوستاوي .. تحياتي يا جميل .. شكراً كثير على الاثراء أضافة جميلة للبوست ووردي في حدقات العيون وفي شغاف القلوب ولا توجد حكاية نوبية بدون وردي
شكراً كثير كثير الرائع كوستاوي ..
Post: #13 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 12:54 PM Parent: #12
علاء أمبس .. تحياتي .. رجاء خاص .. أنا شخصياً ما عارف كيف أنزل الصور .. ومن زمان إنتو ناس كرمة بالنسبة لينا في ارتقاشا ناس تكنولوجيا (ههههه ) حليل زمان مواقع الفيسبوك غنية بهذه الصور عن المهرجان صور شعار المهرجان صورة ثمثال ترهاقا في مدخل محلية البرقيق كمنار صور شارلس بونيه مع الشباب في كرمة صور الدفوفة .. موقع محمد ابراهيم يعقوب فيه الكثير ( تحياتي للدفعة أوندي موق ) على الأقل نبلغ رسالة عبر سودانيز
مع التحية ووو علاء أننقا
Post: #14 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 12:58 PM Parent: #13
علاء امبس .. تحياتي .. تمثال الجد الكبير تهارقا تم نصبه في مدخل محلية البرقيق عند كمنار في إحتجاج شديد من ناس أنصار السنة .. قالوا ده صنم ومن المفروض أن يزال كما تعلم الجماعة عندنا أقلية وأصواتهم ما مسموعة .. شوية زحمة وإنتهت
تحياتي علاء ..
Post: #15 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 01:25 PM Parent: #14
شعار المهرجان النوبي في كرمة
Post: #16 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 01:45 PM Parent: #15
Post: #17 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 01:48 PM Parent: #16
علاء امبس .. تحياتي .. تمثال الجد الكبير تهارقا تم نصبه في مدخل محلية البرقيق عند كمنار في إحتجاج شديد من ناس أنصار السنة .. قالوا ده صنم ومن المفروض أن يزال كما تعلم الجماعة عندنا أقلية وأصواتهم ما مسموعة .. شوية زحمة وإنتهت
تحياتي علاء ..
Post: #18 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 02:00 PM Parent: #17
احب النوبة وأرض النوبة وإنسان النوبة فبادلته ده كله
النوبة مهد الإنسانية و نبع الحضارة الأول والاخير كمان
صدقنى يا على كل مجرى النيل من حلفا لغاية نيمولى و لغاية الرصيرص لسه مليان بكل آثار ودلالات و معانى و حضور انسانى فريد
بس مين يهتم ومين يعمل ؟
وعبرك ارسل السلام والاشواق للاخ والصديق العزيز فى البرقيق الفاتح محمد عبد الله
مع كل التقدير ليك مجددا يا على
اخوك/ أبوذر
تلت نوبى محسى
هههههه
Post: #20 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 03:27 PM Parent: #19
صدقنى يا على كل مجرى النيل من حلفا لغاية نيمولى و لغاية الرصيرص لسه مليان بكل آثار ودلالات و معانى و حضور انسانى فريد بس مين يهتم ومين يعمل ؟
وعبرك ارسل السلام والاشواق للاخ والصديق العزيز فى البرقيق الفاتح محمد عبد الله ===============
حبيبنا أبوذر .. تحياتي يا جميل .. يا سلام إحساس رائع لأنسان محب لأرضه نعم مجرى النيل من حلفا إلى نمولي الحب والولاء في اللاشعور من أقصى غربنا الحبيب لشرقنا الجميل شكرا لهذه المداخلة التي تنم عن الحب والمودة ============== الفاتح محمد عبدالله نوري موجود هنا في جدة ولأننا في جزيرة كلنا أهل وأقارب أنا بالنسبة له بمثابة خال الفاتح إنسان طيب ومثالي ورقيق أبوهم كان زعيمنا وقائدنا رحمه الله تحياتي الحبيب أبوذر ولك كل الود
محبتي لكل أهالي كرمة و اكل أهل الشمال و السودان الكبير و تحية و تقدير للمعلم الكبير شارلس بونييه
Post: #26 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 05:16 PM Parent: #23
علاء أمبس .. منظر جميل جداً عند مدخل محلية البرقيق عند مفرق الظلط في انقري .. المهم الشباب عندهم نشاط مكثف
تابع الاخبار مع التحية
Post: #25 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 05:14 PM
إمبس علي عبد الوهاب ... نحتاج تمثال تكريم لهذا الرجل ... متابعه لصيقه للبوست ... =============== محمد أمبس .. تحياتي وو حمزنتود شارلس بونيه عشق المنطقة حتى كمان يتحدث النوبية أكثر 45 سنة معنا في كرمة والبرقيق يسافر سويسرا في الصيف دعواتكم معنا يكمل حفريات دوكي قيل
تحياتي يا جميل .. شكراً حبيبنا محمد حمزة
Post: #27 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 05:21 PM Parent: #25
محبتي لكل أهالي كرمة و اكل أهل الشمال و السودان الكبير و تحية و تقدير للمعلم الكبير شارلس بونييه ============== الحبيب سفيان .. شارلس بونيه أحب المنطقة وناسها أذكر أول ظهور ليه كان عام 1971م كل فصل شتاء عندنا في البلد طبعاً اليوم الدنيا وسعت بعد المتحف الذي بناه بنفسه ونفقة المنظمات الدولية غربية كل زوار المتحف والدفوفة من الاجانب .. بالمئات في الشتاء كمان عشان المنطقة آمنة تجدهم على راحتهم حتى الخواجيات شابات بالشورتات
صدقني يا سفيان .. ديل بشر .. والانسانية عندهم فوق الوصف أحبوا تاريخنا أكثر مننا ..
بحاول أنزل صورة المتحف مودتي سفيان الحبيب
Post: #28 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-05-2018, 05:31 PM Parent: #27
رجاءا طول بالك شديد، البوست ده حيولع، لاني وكالعهد بنا، حاختو علي بلاطة، علي قول جيرانا من احفاد الهكسوس، لانو او زي ماقال هاشم صديق،
كل زول يحمل رسالة، امينة، صادقة، بعيــــــــــــــد مداها،
فليعرف، التاريخ حيحسب كل خطواتو المشاها!
نعم والحدود الفاصلة هي، تبقي عندنا مسؤلية!
المسؤلية تقطي ان اكون صريح جدا، او واضح جدا جدا، والحقيقة دايما مرة!!
يا عزيزي، هذا مركب نقص، جوانا كلنا تجاه كل من هو ابيض البشرة، وبالذات الخواجة، الانسان الكامل جوانا، بحكم قرون القهر والعبودية من امثال هذا الخواجة تحديدا، وبخلاف كده فليس هناك مبرر واحد احد لمثل هكذا انبهار، معليش طفولي، دوني بهكذا رجل بمثل طرح المعسكر الاخر في الحرب الكونية الاشعلوها امثالو علي ارثنا نحن، او كوشو عليهو شغل قلع، نهب، هبر، وبعد ده كلو لم يفتح امون علي هذا المستنكح المستهبل، نافخ كير خبوب الوعي القبلي الحالي المستعر مابين ال العباس وال الاوس والخذرج، دعك من بقية السودانيين او بقية الافارقة، ولو بي شلوة واحدة عن رفاقو من امثال الحرامي، النازي جورج رايزنر مثلا!
معليش لن اجامل غط، (قط) واتمني اهلي افارقة امريكا وافريقيا يغفرو لينا ككوشيين، نوبيين، سودانيين مثل هكذا جحود وبصق في وجه من افنو حياتم منهم ودون ادني معرفة دعك من اعتبار من اهلهم في السودان، وقبل ميلاد هذا الوافد دفاعا عنا وعن ارثنا، ليتغني به البعض الان دون ادني ادراك او المام بتاريخ هذا الصراع الكوني، شغل خيل الافارقة يجقلب، والشكر للخواجات شغل مركب نقص، ليس الا!
حسب المقرر الرسمي اللي صاغوهو مستعمرينا بمايخدم مصالحم هم اي امثال السويسري ده هذا المقرر وبخبث استعماري بصور تاريخ السودان كلو افريقيا كلها بل العالم باسره كارث وانجاز خاص حصريا بمن يسمون شغل خبث استعماري مرة اخري ب"النوبيين" حصريا اي المحس ثم الحلفاويين ثم الناقلة اكرر حصريا!
انا شاهد عيان علي الكلام ده كعضو جمعية الدراسات النوبية ورئيس اللجنة الثقافية لأسبوع التراث النوبي في الثمانينات!
التراث النوبي كان خاص بالمجموعات دي حصريا ولاعلاقه لبقية السودانيين او حتي بقيه الحلابة بالجسم الكان بنظم المناسبه سنويا الا كفراجه!
دعك من الثمانينات في المنبر ده والي هذا التاريخ حتلقي القيح ده منشور في المنبر ده كتابة باقلام غلاة قبليي المحس القالو النوبة حدهم القدار اي دنقلا العجوز ولكنهم تكو الضنب واختفو مع ظهور الكوشيين كنتيجة مباشرة لهكذا خبوب وعي فرذ وطرح قبلي صاغه بخبث امثال هذا السويسري الاب الروحي لهكذا عار او خبوب وعي قبلي اشعل نار الفتنة حتي فيما بين الشماليين دعك من بقية السودانيين او بقية الافارقه!
هذا يمثل والي الان ذبده وخلاصة إسهام هذا الخواجة وامثالو شغل خبث استعماري اتي اكله مره بعد مره!
لاحظ ده زاتو برز مؤخرا كنتيجة مباشرة لي نضال فرسان المدرسة السودانية اي الأفريقية لو تعلمون!
نعم نكتة مايسمي بالحضارة "النوبية" الخاصة بالتلاته مجموعات مش قبائل كما نتوهم انفسنا ده زاتو برذ مؤخرا كالتفاف سريع حول الضربة القاضية اللي تلقاها المعسكر الاوربي في ملحمة اليونسكو في القاهره أوائل السبعينات!
لو جيت أخوض في كيف ده حصل فهذا يحتاج لي مجلد مش مداخلة!
السويسري هذا عارف اكتر من جوع بطنو انا بتكلم عن شنو ولكن السوداني الغير متخصص ومن منطلق المدرسة السودانية الماوصلت السودان زاتو الي اليوم لا يعلم ايا من هذا اطلاقا كقاعدة!!
Post: #31 Title: Re: خبر رائع .. شارلس بونييه وصل كرمة .. الحلة ع� Author: محمد محمد قاضي Date: 12-05-2018, 09:20 PM Parent: #1
بشاشا أمبس
إنت بتقول :
Quote: المدرسة السودانية الماوصلت السودان زاتو الي اليوم
طيب متين المدرسة السودانية دي حتصل السودان؟؟؟ إنت والبقية دوركم شنو في أرض الواقع؟؟؟
Quote: طيب متين المدرسة السودانية دي حتصل السودان؟؟؟
قاضن تود امبس، سرن اقمن؟
زمن قريب ده ما حتصل السودان بمعني يحتفلو بيها في السودان وهي حقا مدرسة سودانية، اليس هذا عجيب؟
ليه؟
الاجابة عايزة كتاب!
دعك من الجلابة من امثلنا، حتي بريمة ادم حايم في المنبر ده بالعقال!
لما يغير، بلبس طربوش "الكاوبويات"!
نعم مرة يعمل عربي، او مرة ود بيضا!!
قد تسال ماعلاقة هذا بي قضية غياب المدرسة السودانية عن السودان؟
دقيقة!!
رايك شنو في شكل مزيعات تلفزيون السودان، وهل هذا النموذج المتبع، اصلا سوداني؟
نعم القاسم المشترك بينن، والمعيار الغير معلن، في ظل دولة رسالية، قرانية، سماوية اسلامية هو اللون الابيض!
لهذا اخواتنا بغسلن اللون الاسود، اي المادة المسؤولة من سواد اي سودانية البشرة اي "الميلانين"، غسيل عديل كده!
كنتيجة ما حصل يوم من الايام شفنا نوباوية، او فوراية كا"Anchor" في تلفزيونات السودان من قمنا!
معليش، لا ادري ماهو مقابل هذا المصطلح بالعربي!!
ماعلاقة هذا بالمدرسة السودانية؟
روق المنقة!!
نعم رواد هذه المدرسة، "ذنوج"!
نعم ما خواجات او عرب، كالسيدة موزة!!
لهذا لا احد في جمهورية الذنوج، يعبا بالذنوج كمرجع لي اي شئ اطلاقا، لانهم مابشر زاتو، ولهذا في جمهورية الســـــــــــــــــــــــــــــودان افتراضا،امثالم يبادون ليل نهار!!
في واحد من اعلام هذه المدرسة، ابانا، كانسلر ويليمز غلط او جا السودان في الستينات، ايام ناس حسن بشير مشعل محارق الابادة في الجنوب، بالله كرهو اليوم الفكر يجي فيهو السودان، وهذا طبيعي!
قارن هذا بمثل هكذا تبجيل، تقديس حبي علي الركب، لامثال بوني هذا بقيادة الصادق المهدي، اللي طالب بي بناء هرم للخواجة ده!
معقولة، حفيد مقبولة القال جانا من العراق، يحتفي بامثال شيخنا انتا دياب، من السنقال اللي تعود اصولو لاهلنا النوير في السودان؟
وقع ليك، ليه الي الان المدرسة السودانية ماوصلت السودان؟
كيف مدرسة الاحتلال الثنائي هي الصاغت المقرر الحالي لتاريخ السودان القديم؟
Post: #33 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-06-2018, 06:05 AM Parent: #32
انت يا بشاشا خدمت الحضارة السودانية بي شنو هسة اكبر ازمة في السودان جهل الشعب بحضارة كوش واصولهم التارخية الحقيقية وبسبب دولة رديئة قاعدة في راسنا لحدي هسة سيبك من ثرثرة الفارغة وعرف بي كوش او اسكت ويا جماعة كوش هذه الستيتن منت الكوشي مهام جدا جدا للتعريف بحضارة كوش كلام خليوت بعانخي يا ريت يكون بروشور ايضا للتعريف بالحضارة السودانية عبر العالم
https://up.top4top.net/
Post: #34 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-06-2018, 06:07 AM Parent: #33
وهذه النسخة الانجليزية ايضا https://up.top4top.net/
Post: #35 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-06-2018, 06:11 AM Parent: #34
بعدين الكوشيين في قطر يستفيدو من دعم قطر للحضارة السودانية واعلامها الجبار في تغطية فعاليات الاثار السودانية وانتاج افلام تسجيلية عن حضارة السودان وهذه فرصة لن تتكرر ان نستفيد من قطر في التعريف بالحضارة السودانية القديمة وينتهي الخواء المزخرف الذى ضيع السودانيين وافقدهم هويتم ودخلهم في متاهة هم في غنا عنها بسبب النظم المركزية الغبية والحديث ذو شجون
https://up.top4top.net/
Post: #36 Title: Re: خبر رائع .. شارلس بونييه وصل كرمة .. الحلة ع� Author: محمد بدرالدين Date: 12-06-2018, 07:15 AM Parent: #35
على خفيف كدة و عطفا لكلام دكتور عادل اعتقد ان من اسباب المبطنة و المخفية و الرئيسية للنظام المصرى لحصار قطر هو اهتمام قطر بالاثار النوبية ( ايا كانت اهدافهم و مصالحهم ) و براكم شفتو الهجمة الاعلامية الشرسة من النظام المصرى للسودان و للاهراماتنا .. هذا بعد التحايا و التقدير للجميع و اولهم تاح الراس و الفخر استاذنا شيخ على ,,,
و نواصل مودتى و تقديرى
Post: #41 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-06-2018, 07:58 AM Parent: #36
حبيبنا محمد بدرالدين صحيح لقد وضع دكتور عادل يده على الجرح كمان يا محمد ما في اهتمام من الدولة بالاثار فقط النشاط مقتصر على أبناء المنطقة
مودتي بدر
Post: #40 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-06-2018, 07:56 AM Parent: #35
حبيبنا عادل أمين .. يا سلام إضافة حقيقية للبوست .. هكذا أنت دائماً كلامك موثق بكل التفاصيل قبل اكثر من خمس سنوات كنت في إجازة في البلد وجاءت شيخة قطرية اسمها ( ميسا بنت حمد ) وبطائرة هيلكوبتر وكان في استقبالها بعض الشباب وتبرعت مبلغ معتبر للابحاث في الدفوفة
تحياتي حبيبنا عادل أمين ..
Post: #38 Title: Re: خبر رائع .. شارلس بونييه وصل كرمة .. الحلة ع� Author: بدر الدين الأمير Date: 12-06-2018, 07:25 AM Parent: #33
Quote: المشكلة مع إعلان مهرجان كرمة ظهر العشرات من الناس لم نكن نسمع بهم وحتى لم يزوروا كرمه من قبل استولوا على الوظائف الشرفية كلها ( رئيس المهرجان .. رئيس اللجان ماعارف شنو .. رئيس حاجة كده ) ومع أنهم من المنطقة ولكن شارلس بونيه أفصح منهم في اللغة النوبية ..
نتمنى العمر المديد له لمواصلة مهمته التي بدأها قبل أكثر من 45 عام
على يابوب سلام يغشاك وضيوفك بتاعين المآكل الفوق ديل خبرناهم وعرفناه متطفلين خلقت الله لكن معنا بشاشة دا مالو جايط وشايل عكازو يفلق من طرف
Post: #42 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-06-2018, 08:03 AM Parent: #38
حبيبنا الامير .. تحياتي .. كلام صحيح .. لم تظهر أسماءهم إلا مع المهرجان ما عارف رئيس لجنة الاعلام محي الدين تيتاوي صدقني ما عارف أين كرمة وموقعها خايف يحولوا الموضوع إلى ( يا جبل الضرا ) حقاً وبدون أي مواربة .. القطريين أحسن مليون مرة حتى من الحكومة الشيخة إسمها ميسا بنت حمد .. جاءت بطائرة هيلكوبتر وتبرعت بمبلغ مقدر وقناة الجزيرة ما قصرت .. وشيخة موزة في البجراوية
تحياتي الامير بدر
Post: #37 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-06-2018, 07:24 AM Parent: #32
حبيبنا بشاشا .. تحياتي .. البوست حلالك تداخل كما تريد .. أنا لم أتخصص في التاريخ ولكن هذه الاحداث تجري على بعد 2 كلم من منزلنا
بما أنك متخصص في التاريخ ولديك دراسات وبحوث فنحن فقط سوف نقرأ ما تجود به دون أي مقاطعة فأنت في عالم متقدم كل سبل البحث متاحة لك
نحن ناس ترابلة نعشق التراث .. هو عشق فقط بدون أي نظريات أكاديمية
والهاوي والعاشق ليس مثل المتخصص
فضل يا الحبيب خذ راحتك البيت بيتك ونحن فقط سوف نكتفي بالقراءة
تحياتي الحبيب بشاشا
Post: #39 Title: Re: خبر رائع .. شارلس بونييه وصل كرمة .. الحلة ع� Author: عمار قسم الله Date: 12-06-2018, 07:50 AM Parent: #37
لتحتفل (كرمة) وليحتفل السودان التحية لك علي عبد الوهاب ولشارلي بونييه وللجميع
Post: #43 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-06-2018, 08:07 AM Parent: #39
حبيبنا عمار .. تحياتي .. شكراً على الاضافة .. دعم جميل للبوست والشباب اصبح لديهم اهتمام بالتاريخ كمان تأسست كلية للاثار والسياحة ضمن جامعة دنقلا على بعد كيلومترات بسيطة من الدفوفة
شكرا كثير الحبيب عمار ..
Post: #44 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-06-2018, 08:14 AM Parent: #43
مع التحية للحبيب بشابشا قرأت مداخلاتك عدة مرات .. ليست لدي القدرة اللغوية والمعرفية لمجاراتك وأكرر لك أيها الحبيب هذه رسالتي إليك :
حبيبنا بشاشا .. تحياتي .. البوست حلالك تداخل كما تريد .. أنا لم أتخصص في التاريخ ولكن هذه الاحداث تجري على بعد 2 كلم من منزلنا فقط شوق وحنين وحب
بما أنك متخصص في التاريخ ولديك دراسات وبحوث فنحن فقط سوف نقرأ ما تجود به دون أي مقاطعة فأنت في عالم متقدم كل سبل البحث متاحة لك
نحن ناس ترابلة نعشق التراث .. هو عشق فقط بدون أي نظريات أكاديمية
والهاوي والعاشق ليس مثل المتخصص
فضل يا الحبيب خذ راحتك البيت بيتك ونحن فقط سوف نكتفي بالقراءة أنا معلوماتي في التاريخ زيرو .. بس بحب عادات وتقاليد وغناء وشعر أهلنا
تحياتي الحبيب بشاشا
Post: #45 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-06-2018, 11:11 AM Parent: #44
شكرا للاحبة علي هذا البوست الكوشي وفعلا المركز المشوه ده عمل حتى وزير السياحة انصار سنة ومشكلة المركز ومن فيه وما فيه بالنسبة لي معروة لذلك لا يمثل السودان والسودانيين لا حضاريا ولا فكريا ولا ثقافيا ودي ازمة السودان كله مع المركز والمشاريع المصرية الفيه دي
Quote: على يابوب سلام يغشاك وضيوفك بتاعين المآكل الفوق ديل خبرناهم وعرفناه متطفلين خلقت الله لكن معنا بشاشة دا مالو جايط وشايل عكازو يفلق من طرف
يا بدر الدين الامير سلام انت في الدوحة وعارف البير وغطاها عايزين فقط عرض مسرحية نبتة حبيتي بنجوم جدد عبر المسرح القطري وتكريم الرعيل الاول لها الصراع مع نظام بشهع ذى الانقاذ يتطلب جهود كل المبدعين في المرحلة القادمة اطلقو مسرحية نبتة حبيتي من قطر في موسم عيد الاستقلال والكورة في ملعبك
أخ علي عبدالوهاب سلام ما قدمه البروف شارل بونيه للسودان من المتعذر تقيمه فهو مفتون بحضارة مروي ويعتبرها الحضارة السابقة للحضارة الفرعونية ويكفي انه انشأ متحفا على نفقة الحكومة السويسرية كما انه نشر كتابا وثائقيا ضخماً باللغتين الانجليزية والفرنسية عن الفرعون الاسود وحضارته وقد كان هناك معرض عن حضارة مروي بمتحف جنيف استمر لعام كامل كما أنه طاف بهذا المعرض في متحاف اوربية شتى من بينها متحف اللوفر بباريس وانشا جمعية صداقة سويسرية سودانية بسويسرا وكان من نشاطها اقامة محاضرة كل شهر وهي تتناول شتى افرع الحياة في السودان تعرض اعمال وثائقية قام باخرجها وتنفيذها سويسريون من محبي اسودان ولكن مشكلتنا في السودان لا نعرف تعميق مثل هذه الانشطة وتفعليها لتفتح نافذة على وعن السودان وقد كنتُ عضوا بها عند تواجدي بسويسرا فهذا الرجل لا يستطيع السودان واهل السودان رد جميله مهما فعلنا له من تكريم لك الشكر اخ علي عبدالوهاب لطرح مقدم البروف شارل وبونيه وفريقه إلى السودان لمواصلة بحثه واستكشافه لحضارة قبرت فرفع عنها اثقالها ليرى انسان السودان اولا وانسان العالم ثانيا أن أهل الشادوف هم من الحضارات القديمة لك ودي
Post: #47 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-06-2018, 12:41 PM Parent: #46
كما انه نشر كتابا وثائقيا ضخماً باللغتين الانجليزية والفرنسية عن الفرعون الاسود وحضارته وقد كان هناك معرض عن حضارة مروي بمتحف جنيف استمر لعام كامل كما أنه طاف بهذا المعرض في متحاف اوربية شتى من بينها متحف اللوفر بباريس وانشا جمعية صداقة سويسرية سودانية بسويسرا وكان من نشاطها اقامة محاضرة كل شهر وهي تتناول شتى افرع الحياة في السودان تعرض اعمال وثائقية قام باخرجها وتنفيذها سويسريون من محبي اسودان
==================
حبيبنا الكنزي .. شكراً يا جميل . كل هذه النشاطات ولا أحد يعلم عنها شيئاً في السودان كمان بعد التكنولوجيا والاجهزة الحساسة .. تم إكتشاف مجموعة ضخمة جداً من الاثار في منطقة دوكي قيل في كرمة .. فالرجل لديه إصرار على إتمام ما بدأه قبل 45 عام وهو مشارف الـ 90 من عمره .. ماذا لو بثت قنواتنا كل هذه النشاطات بدلاً من ضياع الوقت في الخواء فقط شركة زين نظمت تكريم ومحاضرة لشارلس بونيه والنقل التلفزيوني كان مختصر جداً ليت أمثالكم من لديهم خبرة في اوربا و أهلها .. تستفيد الدولة منهم ..
شكراً كثير حبيبنا كنزي على المعلومات تحياتي .. ومودتي ..
Post: #49 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-06-2018, 02:22 PM Parent: #48
جمال أمبس .. سيرناقمي .. الايامات دي عندنا في كرمة والبرقيق نشاط كثيف جداً .. أنا مبسوط شديد من شبابنا اصبح لديهم عمق في التراث والتاريخ وحريصين على حفظ هذا التاريخ ولديهم تواصل جميل جداً مع السواح الاوربيين وهم كثر مع بداية الشتاء لدرجة عزائم .. شوف بالله في البلاد الأخرى السواح عبارة عن غنائم عندنا كرم وضيافة وكمان متحف بونيه في الدفوفة حاجة جميلة جداً جداً حتى العاصمة ما في تصميم من هذا النوع لو لا ظروف العمل لقضيت إجازة كم يوم رغم أن الموسم زراعة الشتوي والناس مشغولة للاخر ولكن ما قرأه عن النشاطات حاجة تسر القلب .. خاصة بعد إنشاء كلية السياحة والاثار هناك كل النشاط ده بسبب اكتشافات شارلس بونيه .. زمان أهلنا كان يقولوا الدفوفة مسكونة بالشياطين وكانت توجه إليها اللعنات حتى بالليل كان ينتابنا الخوف منها ..
اليوم أصبحت قبلة للزوار يتباهى بها أبناء المنطقة .. حبيبنا جمال بعدين المسافة من الخرطوم ممكن 5 ساعات سيارة دفع رباعي وتقضي ساعات جميلة وتصعد فوق الدفوقة وترى غابات النخيل والنيل .. وتزور ( دوكي قبل ) والترجمة ( القوز الاحمر )
Quote: فهو مفتون بحضارة مروي ويعتبرها الحضارة السابقة للحضارة الفرعونية
قرقرقرقر!
علي الكيزاني جاب ضقلا يلولح!
قتا لي الخواجة ده قال حضارة مروي سابقة للحضارة "الفرعونية"؟
عزيزي القارئي،
هذا بعض ماعنينا لما قنا الخواجة ده مستنكح ولايختلف عن رفاق السلاح في المعسكر الاخر في الحرب الكونية الاشعلوها هؤلاء علي ارثنا الكوشي النوبي السوداني الافريقي!
لاحظ حتي الجيفة دي، رموها لينا لما اتهزمو في الميدان شر هزيمة، شغل انسحاب منظم لي كمت اي مصر بالعربي!
مالم تكون ملم بخلفية الصراع الكوني حول تاريخنا، كلامنا ده ما حيقع ليك عزيزي القارئي، لانو الاساليب المستخدمة غاية في الخبث!
نعم لمان المستهبل شارل بوني هذا، نافخ كير الفرذ والوعي القبلي حتي فيمابين الجلابة انفسم دعك من بقية السودانيين او الافارقة حط رحالو في ديارنا، الطرح المتداول حينها فيما بينم كاوربيين، كمحتلين كمستعمرين، كمستعبدين لامثالنا، انو حضارة السودان اسسوها خواجات عديل كده، انطلاقا من نكتة الاصل الاري اي الاوربي للحضارة ايام الزحف علي افريقيا، ولهذا اهل بوني قالو احتلال، استعمار، واستعباد امثالنا:
is the white man's burden
نعم كل هذا كان بغرض "تحضيرنا" من حضارة، نحن وحوش، سوائم، وبهائم العالم، نعم "النقروووووز"!
دي الخلفية التاريخية لقدوم امثال هذا المستهبل لديارنا، حيث مفردة نوبي في القاموس البريطاني كانت تعني "عبد" لغة عند قدوم بوني واشباهو لي ديارنا كجنود ومحاربين في جيش المعسكر الاخر، ضد محاربينا نحن، اي المعسكر والجيش السوداني اللي مافي سوداني حتي سمع بيهم مجرد سمع، لانهم "ذنوج" كما يصفهم بريمة ادم يا لسخرية الاقدار، او هو دارع العقال!
نعم لانهم "ذرقة"!
الي هذا التاريخ احدهم وهو فرنسي بردد وصف "عبيد" في الاشارة الي النوبيين، ولكن المرة دي درع المفردة دي في خشم من اسموهم "كوشيين"، قال طبقا للغة المروية قال!!
نعم الان وياللكارثة كوشي ناس جعلي "حر" وكرد فعل طبيعي لي تنطع غرور وغنج متطرفي قبليي المحس بقيادة دكتور علي عثمان، مصرين ان لاعلاقة للنوبة بي كوش!
فيما يبدو كما قبليي المحس، شيخم فرنسي!!
حولا ولاقوة الا بامون!!
يا للمغسة بحق!!
اذن استهبال بوني بتاع الحضارة "النوبية" سابقة للفرعونية، فهذا ذر للرماد واعادة شك لاوراق اللعبة، كتكتيك انسحاب منظم من نكة وفرية الاصل الاري للحضارة "النوبية" لما انهزمو في الميدان شر هزيمة للاحتفاظ بي كمت اي مصر!
نعم ده هو السبب المستنكح ده لازال مصر يضع الحضارة "النوبية" في شكل موازي لي وهمة، نكتة، نجر، هبر، مايسمي حضارة فرعونية!
وقع ليك كلامنا عزيزي القارئي؟
نعم اليهود، العرب، الاسيويين، الاوربيين، كلهم عايزين يحتفظو بي كمت اي مصر كحضارة قوقاذية اي ارية وباي ثمن ومهما كلف!
لهذا هم اضطرو يجدعو لينا جيفة الحضارة "النوبية" للانفراد والمحافظة علي كمت والخطة نجحت داخل السودان نجاح كبير وانا شاهد علي هذا كرئيس للجنة الثقافية، لاحتفالية "اسبوع التراث النوبي" في الثمانينات في جامعة الخرطوم الكان ضخم جدا حينها!!
لهذا الجيش السوداني وبقيادة سيدنا ومولانا انتا دياب، من قولة تيت فتح للسودان ، التف في حركة سريعة حول الجيش الاوربي واقتحم كمت علي نحو مباغت لتحريرا، وقد نجحت الخطة نجاح منقطع النظير!
احنا في السودان لاندري ايا من هذا، اكرر لانو مصدر هذا كله "ذنــــــــــــــوج" او مش الشيخة موزة او الخواجة!
والعجيب جدا جدا، انو المعسكر الاري ايام حملة انقاذ اثار النوبة في مصر، هم اللي اكتشفو او بالصدفة الادلة المادية الدامغة مصداقا لي طرح المدرسة السودانية انو الحضارة الســــــــودانية ولا نقول النوبية، هي الاصل ولكنهم تكتمو علي هذا حينا من الدهر كما متوقع!
باختصار مافي حاجة اسمها حضارة "فرعوية" كمان موازية لما يسمونه حضارة "نوبية" بالصورة الخبيثة الملعوبة اللي بروج ليها السويسري ده او رفاقو في السلاح من الهمباتا من امثال رايزنر،نعم مستعمرينا، مستعبدينا!
هي حضارة واحدة مش فقط في كمت وانما في قارات العالم اجمع،وهي ســــــــــــــــودانية100%، كوشية، نوبية، افريقية، وهي اصل الحضارات!
ولكن بعد ده شغل خبث ضحك علي عقولنا ووعينا المسترق، الساجد العابد لذوي البشرة البيضاء، المستنكح ده يسوي سابقة قال للحضارة "الفرعونية" هولتم طبعا!
Post: #51 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-07-2018, 04:54 AM Parent: #50
Quote: اطلاقا لا!
هل لانو ماعارف؟
عارف، وباكثر منا!
ولكن بعد ده شغل خبث ضحك علي عقولنا ووعينا المسترق، الساجد العابد لذوي البشرة البيضاء، المستنكح ده يسوي سابقة قال للحضارة "الفرعونية" هولتم طبعا!
انت العارف ما كلمتهم ليه قاعد في العالم الحر 30 سنة ؟؟ نحن اول حاجة نتحرر من اصر مصر ودروها الرخيص في تقزييم السودان حضاريا وفكريا وثقاقيا عبر العصور من جو مع الباش بذوق 1821 وصنعو حثالة في المركز تقدس يحمدهم وفرضو علينا مناهج تمجد اثارهم على حساب اثارنا هسة اول حاجة يجو ملايين السياح للسودان كيف عشان يشوفو حضارة كوش وما في اي بنيات سياحية حقيقية في الشمال وما في اي نظام بعد الاستقلال حاول يجعل للحضارة السودانية مكان وعنوان عالمي يليق يها فقط فتافيت متحف في الخرطوم ومتحف في كرمة دون فنادق او سكة حديد او مطار دولي يجلب السياح لها بعدين التظير الكثير خليه امريكا تحركا نظرية صدام الحضارات ومعروفة اوروبا نظرية عب الرجل الابيض ومعروفة ودي ما عندها علاقة بالسودان او كوش وشارك بونيه نحن ذى ما قال علينا باقر العفيف نعيش متاهة شعب اسود وما عايزين نزح من مصر والعرب ونعولم نفسنا عشان نكون طرف في صدام الحضارات او حوارها برثنا الحضاري والديني والفكري ايضا وخلي التنظير وما تضيع زمن الناس ساكت اعمل حاجة تعرف بحضارة السودان عشان نتحرر من كابوس المركز نحصل اثيوبيا الجبمنا دي اذا ما قلنا الصين والهند ودول الكومونولث يا نقول ليك وزير السياحة انصار سنة تقول لينا احلبو فعلا انت دنقلاوي حلاب تيس ومخستك كمان الحضارة دي يجب تكون في العملة السودانية والخطوط الجوية والفضائيات السودانية اول حاجة
Post: #52 Title: Re: خبر رائع .. شارلس بونييه وصل كرمة .. الحلة ع� Author: Biraima M Adam Date: 12-07-2018, 05:31 AM Parent: #51
خضر ضراعك ول أبا علي عبد الوهاب .. لا تهتم لأمثال النطيحة وما أكل السبع .. من أمثال بشاشا والكوكلكس كلان عادل أمين ... لم يساعدوا ولن يساعدوا في تعريفنا بأنسان الشمال .. أنت والحبيب بدران .. ما تقدمونه يعرفنا بأنسان الشمال .. ونحن نتابعكم ..
بريمة
Post: #53 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-07-2018, 06:57 AM Parent: #52
Quote: من أمثال بشاشا والكوكلكس كلان عادل أمين ... لم يساعدوا ولن يساعدوا في تعريفنا بأنسان الشمال .. أنت والحبيب بدران .. ما تقدمونه يعرفنا بأنسان الشمال .. ونحن نتابعكم ..
بريمة
كويس يا بريمة عملتي ما اكل السبع احسن من النطيحة بشاشا عليك الله في زول دعم حضارة السودان في البورد ده اكثر مني ...ارجع الارشيف او نظرية المعرفة الكوشية عنوان في البورد ده
Post: #54 Title: Re: خبر رائع .. شارلس بونييه وصل كرمة .. الحلة ع� Author: محمد بدرالدين Date: 12-08-2018, 09:01 AM Parent: #53
و نواصل محبة للجميع و لنستزيد و نعرف اكثر و الهدف السامى معرفة الحقيقة و التصالح مع النفس و الاستقرار الذى يؤدى للامن و السلام الذى يفضى لعبادة الله ... هههه دون ان يشغلك الاسئلة الداخلية الحائرة .. و ارض الشمال مازال بكرا كمعظم اراضى السودان ف البحث و التنقيب و غبر اسرار دواخلها ف حلفا جاء الخواجات من كل فج عميق استجابة لنداء اليونسكو لانقاذ اثار النوبة و للاسف كانت هناك نوبة مصرية و اخرى سودانية المهم جاءوا .. و كل يحمل مصلحته و الحقائق مذهلة من افواه من لا نكذبهم من ابناء البلد و هم على سجيتهم و سجلوا للتاريخ ما راتهم ام اعينهم انهم راوا مؤمياءات ف كهوف الجبال و انهم عندما يصلوا ف الحفر لمناطق معينة او عندما يعترض معاولهم شىء ياتى الخواجة مسرعا و يوقف الحفر و يعطيهم يومايتهم و يتركهم يذهبون حتى قبل ان ينتهى دوامهم او ساعات عملهم راؤا اشياء تحمل .. طيارات تهبط و تقلع و روا صلوت غريبة تهمهم به الخواجات .. فسرت لاحقا بانها تراتيل يهودية .. .... و ثم انطوت الصفحة و استودعت حلفا فى قاع النيل عروس بكر لم تحضر و لم تشهد ليلة زفافها و انشغل ساسة السودان بمصالحهم و مصالح احزابهم .. و اثار الاجداد يئن تحت ثرى كل السودان ان اخرجونى للاحفاد ليعرفوا قيمة انفسهم و تاريخهم و يمضى القطار ... مرة حاملة الاحزاب و محطاتهم قصيرة و سريعة النزول .. و تارة العسكر و محطاتهم عصية النزول .. و ربما ظروف المعيشة و الحال جعل الاهتمام بالاثار بسيطا و عظيمنا بروف نجم الدين محمد شريف كان من القلة التى وعبت نفسها و حملت عبء اظهار الحقائق بالبحث و التنقيب و تعرض لحادث حركة (مشبوهة و قبل انها مدبرة) جعلته مشلولا و اقعدته .. و اتمه وزير الثقافة عبدالله محمد احمد ف حكومة الصادق الاخيرة و طرده من بيت الحكومة و ردت له الجموع الاعتبار بتكريمه بالنادى النوبى و جاء الصادق و قلده وسام ابن النيلين ربما تكفيرا لسؤءة وزيره ... كتر خيرو ... ما اريد قوله اننا كسودانيين و وطنيين لم نهتم كثيرا باثارنا و تاريخنا و لم نكتب له كما ينبغى و تركنا الاخرين يكتبوا .. و شارل بونيه ... ان اتفقنا او اختلفنا نعه و فى مقصده و نيته الان موجود بين ظهرانيينا و قبله موجود بامكتبات بما كتب علينا ان نستفيد منه ك حديث انصر اخاك ظالما و مظلوما . و نلحقوا قبل ما نفقده ...و هنا كتابتك و نقدك و رؤاك مهمة جدا تصل لشارلى و ناس مدرسته .. كما ان كتابك و مباحثك اصبحت ضرورية جدا لترى التور باقرب فرصة يا استاذنا الجليل بشاشا و علينا الاستفادة القصوى من هذه المناسبة و افى راس الصياد حاجة و فى راس الصيد حاجة تانية ... و مراحب بالحبيب الغالى الباحث استاذ بريمة .. و نتمنى ان نرى كتبك عن اهلنا البقارة و قد ترجمت للعربية تزين مكتباتنا كما زانت البقارة السودان و للجميع تقديرى و احترامى و مودتى و معا لسودان آمن متصالح تنوعه قوة و اتحاد و منعة
Post: #55 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-09-2018, 07:55 AM Parent: #54
اهمال التاريخ وتشويه السودان قامت به مصر بصورة متعمدة وروجت للعروبة البائسة بين اقليات المركز المنبتة او الوافدين على السودان وطارئين عليه في 200 سنة الاخيرة مع الغزو التركي للسودان 1821 وظن هؤلاء بان انتماءهم للعرب افضل من ان يكونو سودانيين وهذا ناجم عن الجهل والعقد وقلة الاصل ايضا وهذه هي ازمة المركز مع كل السودان وليس الشمال فقط السودان حضارة ودولة قديمة والكوشيين جنس راقي احفاد كوش بن حام بن نوح واقدم من العرب من نسل اسماعيل بن ابراهيم بن هاجر الكوشية والعرب الاصليين الفيهم النبوة هم اليمنيين احفاد كوش الاصليين والعرب المزيفين في الخليج ومصر لا يعنينا امرهم الوعي الحضاري بالسودان يبدا من نزول ادم الي ارض والي اليوم تاريخ السودان من غير ثغرات وتشويش وابتزال ايضا السودان مرحلة الاديان الطبيعية السودان مرحلة الاديان السماوية اليهودية المسيحية الاسلام
وفي هذا الفيديو شاهد التاريخ اليهودي للسودان
Post: #59 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-09-2018, 08:22 AM Parent: #54
الحبيب محمد بدرالدين .. خطير يا ميمد دي معلوماتك خطيرة جداً عن نجم الدين خاصة يا أسفي أول مرة أسمع هذا الخبر .. نعم فالرجل الجميل اختفي بعد ظهور طاغي شغل مخابرات .. واصل بدر مع التحية
Post: #58 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-09-2018, 08:18 AM Parent: #52
الاديب الرائع بريمة بعد قرار الرئيس الغاء المهرجانات انتابني حوف بأن لا يقوم هذا المهرجان مع المهرجان سياحي وتوثيقي وليس تجاري
مع التحية ،،
Post: #57 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-09-2018, 08:16 AM Parent: #51
الحبيب عادل أمين واضافة معتبرة للبوست واصل يا عادل قلمك رشيق ومعلوماتك مهمة للبوست مع التحية
Post: #56 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-09-2018, 08:14 AM Parent: #50
الحبيب بشاشا .. أمبس حبيبنا علي ده زول جميل وجاء بمشاركة لأن لديه معرفة ببونيه بحكم وجوده في سويسرا تحياتي .. لك راي وله رأي
مع التحية
Post: #60 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-09-2018, 08:24 AM Parent: #56
لوعي الحضاري بالسودان يبدا من نزول ادم الي ارض والي اليوم تاريخ السودان من غير ثغرات وتشويش وابتزال ايضا السودان مرحلة الاديان الطبيعية السودان مرحلة الاديان السماوية اليهودية المسيحية الاسلام ====================== حبيبنا عادل أمين .. مودتي شكرا على الاثراء .. واصل لنجعل البوست توثيقي
مع التحية ،،
Post: #61 Title: Re: خبر رائع .. شارلس بونييه وصل كرمة .. الحلة ع� Author: محمد عبد الله الحسين Date: 12-09-2018, 08:28 AM Parent: #60
الحبيب علي كيفك يا صديق بختكم .. و نهنئكم بعودة هذا العالم المجتهد... نسأل الله أن يمتعوا بالصحة و العافية ليكشف لنا المزيد .. و شكرا لك لتنويرنا حول عودة بونيه.. و أكيد سوف تتحفنا بأخبار الرجل و جولاته و انجازاته.. لك الشكر ياحبيب..
Post: #62 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-09-2018, 09:25 AM Parent: #61
حبيبنا محمد عبدالله .. الزول الجميل .. مودتي لو سمحت أهديك بعض خواطري عن تعامل أهلنا الطيبين مع هؤلاء الخواجات وجون الاستكلندي كان من مرافقي شارلس بونيه .. لم يكن خبير اثار ولكنه كان مدير أعمال يلبس سروال وعراقي .. ويتحدث العامية السودانية .. وحضرت هذه الجلسة أيام عملي كمعلم في البلد في مدرسة البرقيق الثانوية العامة كان في منتصف السبعينات .. وكنت ألاحظ أن جون لم يكن لديه ذلك العمق الذي يتمتع به شارلس بونيه .. كان زول تربال عديل ما عارف في أستكندا في تربالة .. ربما تنقله في أنحاء السودان جعله ملم بكل حركات أهلنا .. دي كانت جلسة عصرية .. في الزمن الجميل .. أيام السودان بخيرو .. والجنيه يساوي أكثر من دولارين والريال السعودي 13 جنيه
===================== حبيبنا محمد عبدالله .. مودتي ..
في السابق كان ينظر الى الدفوفة انها منطقة مهجورة تروى عنها حكايات واساطير غريبة وان سكانها من الجن وهي تجلب الاذى واللعنة لمن يقترب منها .. وتقول الاسطورة ان الدفوفة كانت داخل كرمة ومسكونة من قبل سيدة شريرة اسمها ( فاطنة دفوفة ) .. ولأنها تمادت في ايذاء جيرانها فقد وجدت ذات صباح مسكنها خارج نطاق القرية واصبحت معزولة تماماً عن كرمة .. وظلت هذه الاسطورة تثير الرعب في نفس كل من يقترب من الدفوفة .. حتى جاءها العالم السويسري ( شارل بونيه ) مكتشف آثار الكوشيين .. وعرف الناس ان هذه الاثار هي عزهم ومجدهم وانهم ابناء أقوام ساهموا بالعلم والمعرفة في بناء الحضارة الانسانية .. وتغيرت نظرة الناس تجاه الدفوفة كما إزداد احترامهم وتقديرهم للبعثات الاوربية .. ونشأ نوع من التواصل والتقارب بين اهلنا واعضاء هذه البعثات وخاصة مدير اعمال الحملة وهو استكلندي الجنسية ( جون ) .. لقد اندمج جون في مجتمع قريتنا بصورة تدعو للدهشة يجالس الناس يتبادل معهم الاحاديث وكان يجيد العربية افضل من كثير من أهلنا .. وبحكم عمله في تجهيز المواد التموينية للحملة فقد كان في تعامل مباشر مع بائعات البيض والدجاج في سوق البرقيق ( كمبو السوق ) مما جعل علاقة بينه وبين أهلنا وثيقة جداً .. كنت أراقب ( جون ) وهو يساوم في اسعار الدجاج ويدخل يديه بين ريشها ليتأكد من حجمها ووزنها وتسمع منه عبارات مثل ( يفتح الله ) ومن خلفه عمنا ( ود بشير ) مرافقه الخاص وهو يحمل اناء مملوء بالماء لتجربة البيض وفرز الصالح والطالح منه وعندما يشتد النقاش والمساومة بين جون والباعة ينفجر عمنا ( ود بشير ) في نوبة من الضحك حتى تظهر نواجذه الصدأة من آثار ( التمباك ) بل ويتعدى ذلك احياناً للعب دور الوسيط غير النزيه لصالح الخواجة جون مما يعرضه الى مواجهة من بائعات البيض .. وكان جون يلفت الانظار بمجرد دخوله الى السوق بقامته الفارعة ونظارته السوداء وزيه المميز ( عراقي وسروال ) وكان كثير الاعجاب بالمنتجات الزارعية التي تجلب الى سوق البرقيق من مزارع اخواننا الصعايدة في منطقة امبابة بوادي الخليل وخاصة الخضروات الشتوية مثل ( الجزر والبنجر ) جازماً ان هذه النوعية من الخضار من حيث الجودة والطعم غير متوفرة في اي مكان آخر الا في سوق البرقيق .. لم يقتصر اجتماعيات جون على السوق فقط ولكن امتدت لجلسات الانس في القرية وله مناظرات مع ( محمد مركب ) وهو من اشهر مساعدي اللواري في المنطقة وكان ( مركب ) يطلق الكلام على عواهنه لأنه غالباً ما كان خارج الوعي بفعل اشياء يستخدمها .. واكثر ما يثير جون عندما يتحدث ( مركب ) عن المجتمع البريطاني حسب مفهمومة المتواضع وعالمه الخاص ويكرر جملته المعهودة ( يا جون .. قالوا في بلدكم .. مافي بوليس .. والواحد بيعمل على كيفو ) وينهض جون ثائراً وكأنه اصيب في كرامة بلده وهنا يأتي دورنا لنشرح لجون مؤهلات ( مركب ) ومستوى فهمه واداركه للحياة .. عندها يبتسم الرجل ويربت على كتف ( مركب ) التائه في عالمه اللامحدود .. لم يكن جون يتحفظ في تناول الوجبات المحلية وكان يحبذ تناول الفول ولكن مشكلته كانت تكمن في طريقة الاكل التي تبدو وكأنه يخوض معركة حقيقية ومواجهة بكلتا يديه .. هكذا دخل جون في قلوب اهلنا كما كان يدخل بيوتنا ويحضر المناسبات .. وأكثر ما كان يستمتع به هو حضوره جلسات ليالي الشتاء مع ( مركب ) وشلته وهم متحلقون حول مدفأة النار وسط الغرفة .. ولا مانع لديه من تناول قرعة من الدكاي او النبيذ المعتق .. فطابت الاقامة للخواجة جون بيننا الى ان غادر المنطقة مخلفاً أجمل الذكريات التي مازال صداها في العمق وأكاد أستحضر تلك العبارة التي كان يرددها دائما ( مركب قال .. النار فاكهة الشتاء ) .. حقاً كان جون فاكهة ذلك المجتمع البسيط
رحم الله هؤلاء جمعياً لقد ذهبوا من هذه الفانية باقي شارلي بونيه وبلغ من عمر حوالي 90 عام .. نتمنى له طول العمر ليكمل رسالته
تحياتي الحبيب محمد ..
Post: #63 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-10-2018, 12:01 PM Parent: #62
مازال هناك شك في قيام المهرجان بعد قرار البشير إلغاء المهرجانات مع أن المهرجان للاثار وليس تجاري
اهلا ومرحبا بعالم الاثار المعروف شارلس بونييه في وطنه الثاني السودان، وقد جاء يشارك السودانيين فرحتهم بالاحتفال بالمهرجان الثقافي للعاصمة النوبية كرمة،،،ونرجو له اقامة طيبة ونتمنى ان يجد التكريم اللائق من سلطات الشمالية وهو الذي قضى جل عمره في صحاري ووديان وجبال الشمالية وفي مواقع حفر الاثار... الاستاذ بشاشا لا نوافقك الراي فيما قلته عن عالم الاثار شارلس بونييه، وهو الذي ترك ملذات الدنيا ونعيمها في واحة اوروبا سويسرا وجاء الى جبال وصحراء الشمالية وشمسها الحارقة وعاش بين النوبيين جل عمره وهو ينقب ويبحث عن تاريخ واثار النوبيين حتى اتقن اللغة النوبية ،،،واذا كان لدينا علماء اثار من السودان واكتشفوا ما اكتشفه شارلس بونييه لما جاء هو ينقب ويبحث من اجل مصلحة السودان وشعب السودان ، ،، وهو الذي صحح لنا تاريخ الفراعنة بعد ان كنا نعتقد ان فراعنة مصر هم الذين حكموا السودان ، واكتشفنا ان الفراعنة السود هم الذين حكموا مصر والشام،،، والتحية من هنا لعالم الاثار شارلس بونييه ،،،ومرحبا به في السودان،،،
Post: #65 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-11-2018, 09:26 AM Parent: #64
ترك ملذات الدنيا ونعيمها في واحة اوروبا سويسرا وجاء الى جبال وصحراء الشمالية وشمسها الحارقة وعاش بين النوبيين جل عمره وهو ينقب ويبحث عن تاريخ واثار النوبيين حتى اتقن اللغة النوبية
================ الابنة إمتثال .. شكرا على المداخلة حقيقة بونيه إنسان غريب جداً .. متواضع إلى أبعد الحدود عاش معانا في ضواحي الدنيا في زمن لا كهرباء وشارع ظلط يعني لو جاه مرض هناك خلاص .. أكثر من 45 سنة .. غير الاثار كنا نشعر أنه أحب البشر والطبيعة في المنطقة ============ الخوف أن يتم إلغاء المهرجان حسب قرار رئيس الجمهورية الاخير حيكون هناك إحباط ويأس من الشباب المتحمسين لهذا التراث
تحياتي الابنة إمتثال
Post: #66 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-12-2018, 08:12 AM Parent: #65
Quote: الخوف أن يتم إلغاء المهرجان حسب قرار رئيس الجمهورية الاخير حيكون هناك إحباط ويأس من الشباب المتحمسين لهذا التراث
يلغيه بي ياتو حق مثلا والله مفروض اي زول من الاقليم الشمالي يستقيل من نظام الكعوك ده
Post: #67 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-12-2018, 08:16 AM Parent: #66
بالله عليكم الله ادعو معاكم سفير ايطاليا في السودان العمل لفتة بارعة هو وزجوتو وعمل نفسو بله ود عشة السايق الركشة اعزمو يزور الحضارة السودانية وتدعكم السفارة الايطالية كمان في المهرجان
تناقلت مواقع إلكترونية مقطع فيديو للسفير الإيطالي لدى السودان فابريزيو لوباسو، وهو في جولة غير عادية جاب بها شوارع العاصمة السودانية الخرطوم على متن عربة "توك توك" يقودها.
وظهر السفير الإيطالي بالزي السوداني، وهو عبارة عن جلباب أبيض وغطاء رأس، وهو يقود عربة "توك توك" زرقاء اللون وتحمل العلم الإيطالي، فيما تجلس زوجته في المقعد الخلفي.
ورافق أحد المواطنين السودانيين السفير الإيطالي وجلس الاثنان في أحد المقاهي الشعبية، وتحدثا بلهجة سودانية.
Post: #68 Title: Re: خبر رائع .. شارلس بونييه وصل كرمة .. الحلة ع� Author: adil amin Date: 12-12-2018, 08:18 AM Parent: #67
بله ود عشة السايق الركشة رايك شنو يا بشاشا برض موامرة من الرومان او حوار حضارات فريد
Post: #69 Title: Re: خبر رائع .. شارلس بونييه وصل كرمة .. الحلة ع� Author: علي عبدالوهاب عثمان Date: 12-12-2018, 08:29 AM Parent: #68
حبيبنا عادل أمين .. تحياتي وشكراً لاثراء البوست لقد أثرت موضوع مهم هو ( الأمن المجتمعي ) في السودان شكراً عادل لم أنتبه إلى هذه النقطة التي ربما تكون الأهم للاجانب في السودان رغم كل ما نعانيه من مشاكل وفقر وحاجة .. نجد أن حوادث المخلة محدودة شكراً الحبيب عادل على الملاحظة المهمة
