بــنــــــــــــــــــــــــــــــات النوبة .. حور الجبال.

00:47 AM December, 02 2018

سودانيز اون لاين
Biraima M Adam-أمريكا الشمالية
مكتبتى
رابط مختصر

بعد تجوال في أرض الله الواسعة .. ما يقارب الثلاثون عاماً .. أجوس خلال الديار .. لم أجد أمرأة أفضل وأرق وأكثر لطافة من النوباويات.

رفعت الأقلام وجفت الصحف.

بريمة

Quote: وقد جاء في كتاب الله تعالى وصف للحور العين في أكثر من موضع ، ومن ذلك : 1. قوله تعالى في ذكر جزاء أهل الجنة : ( وَحُورٌ عِينٌ . كَأَمْثَالِ اللُّؤْلُؤِ الْمَكْنُونِ ) الواقعة/22، 23 . قال السعدي رحمه الله : " أي : ولهم حور عين ، والحوراء : التي في عينها كحل وملاحة ، وحسن وبهاء ، والعِين : حسان الأعين وضخامها ، وحسن العين في الأنثى من أعظم الأدلة على حسنها وجمالها .

هذا الوصف .. يشمل النوباويات .. طبعاً كل زول فاهم أن الحور العين مثل بنات جون ..

هل تصدقون .. في يوم القيامة لا ألوان لنا .. أو بالأحري أبيضنا وأسونا وأحمرنا وأخضرنا .. كلنا نقوم علي لون واحد .. بسبب عدم وجود تفاوت في درجات الحرارة ..

الله الذي خلقنا لا ينظر إلي ألواننا .. وبالأحري نحن ليس لدينا ألوان في يوم القيامة .. ولذلك جاء التفاضل بالتقوي .. لا لون لا جنس . لا قارة .. لا جهوية .. كل الصفات الأرضية تزول ..


أحلم بحورية من بنات النوبة.

بريمة

بعد رجوعي للسودان بعد تجوال ٣٠ سنة
إحتكاكي بالنوبة كان في عطبرة (يوجد عدد كبير من النوبة) وما زال،
وبعد تخلصي من النظرة الجلابية للجمال؛
بنات النوبة جميلات جمال جمال شديد
هن نشيطات جداً ولهن مطاعم وكافتريات شاي كثيرة في عطبرة،
ونّاسات ونسة طاعمة زي طبيخهن، وحاضرات البديهة في الردود وساخرات سخرية لطيفة،
غير كدا لو قعدت تسوّا (تقرأ كلمة تانية)؛
بكسرنك

سلام للزعيم بريمة

ول أبا المستنير، جوني ضيوف .. قطعوا لي الموضوع .. غداً إن شاء الله نواصل مع حور الجبال.

الموضوع ذو شجون ..

بريمة

كتب بريمة:

Quote: أحلم بحورية من بنات النوبة.

هههه..
والله صحي السماك (رقاع جنب القد).. تب ما خاطي..
ده كلام شنو يا ول ابا؟
خلاص (سافروا) ولا شنو؟..
ما تنسى قول اهلك: دايما السايق الحمار ح يجيب الخبر..وحقارة ساكت..انا ح اكون السايق الحمار عشان تشرب ما تروى..!
كتر خيرك..وتضامنا معاك..
Welcome aboard
نحن ناس المناطق المحررة وكده..!
كتر خيرك..وبعد اذنك اضيف بعض الحاجات..
وممكن الحكاية تجيب ليها نقاشات فلسفية وانثروبولوجيا ثقافية..وذوق الله والرسول الواحد ده..
التحية لجيل صاعد بقوة بنات ابا (نتلينا يعقوب ، صابرين عبد الله ، روزلندا كاكا ، نهى عبد الله ، صفاء توتو)..وبالطبع زهرا ، عيشة..واخريات اخريات كثر..!



السؤال الكبير: ما هو الجمال؟


كبر

كتب ابوبكر عباس..

Quote: بكسرنك

وح يقولنا ليك: ما قلتو..!

عطبرة ما كفاية يا ول ابا..ولازم زيارة لجبال النوبة/ جنوب كردفان..

لمن كنت في الجامعة..واحدة صديقة..عندها فكرة غريبة عن النوبة..وقلتا ليها: النوبة الجوا البنادر ديل ، زيهم زي البقارة ، ديل الفاشلين..وكل واحد بيكون عامل ليهو سطية (جنية/مصيبة/فشل..الخ) وقام عرد ودقش البنادر..!
شاءت الظروف ، انو زولتي ، زارت الدلنج (قافلة رابطة جنوب كردفان بجامعة الخرطوم)..مشت حلة الدلنج..شافت نظافة البيوت والترتيب والتنسيق..تقاسيم الناس الدقيقة والعفة والكبرياء..اول انطباع قالت لي: انت متأكد يا كبر ناسك ديل في امسودان بتاعتنا دي؟..

لمن رجعنا..لغاية الليلة بتقول لي: انت كضاب يا كبر وابن ستين كضاب..لأنك ما قدرت تقول حقيقة الناس دي شنو..!!
طبعا قريبتي بتفتكر انو انا ما قدرت احكي عن الجمال بي ضبانتو..وانما حكيتو ناقص..من ديك عندي قناعة..الزول/ة لو ما شاف بي عينو..ماح يصدق..!


وهكذا..


ماهو الجمال؟..

كبر

هنا..
الملكة بت ابا نتلينا يعقوب..





تتحدث في مناسبة بتاعة ناس (تيدكس-سوبا)..يعني عنج عديييييييل يا بريمة..!

نتلينا تتحدث في هذه الخطبة الجميلة القصيرة بثلاث لغات: اولا ..لغتها المحلية (لغة ناس ام دورين الجنب الحمرا ام سرايح..) ، ثانيا..لغة انجليزية باكسنت اسكتولندي ولا شنو كده ما عارف..ثم لغة عربية (عربي امدرمان ، دي عشان يحى قباني ما يحنبك)..!

العمق في جوهر الكلام: ما هو الجمال ، ونتلينا عملت شنو عشان توصل رسالتها للعالم..طبعا اهم حاجة فكرة السلام..المهرجانات ..الإعتداد بالذات..ودي قمة التحرر لمن تصل لمرحلة انك ما محتاج الناس تعرفك وتعرف انك انت شنو..بقدر ما المهم ان تعرف ذاتك بدءا..ثم تقدمها للعالم..ودي فكرة سقراط وناس الفلسفة..!

المهم..


ماهو الجمال؟


كبر

واحدة من الحاجات الإفتقدتها في البنت السودانية في الألفية الثالثة..انو الغالبية من بنات امسودان بقن مهتمات بالتلميع وبرط الوجوه..واكتناز المؤخرات..وتضخيم السيقان (زي طفايات الحريق على قول كيكي ذات تجليات قديمة)..عشان كده افتقدنا الجوهر واللباقة والقدرة على توصيل فكرة الذات بصورة تلقائية وبسيطة..!





الجميلة في (بنات النوبة) انوعندهن رسالة وجودية بتشكل حبل سري بيربطهن مع بعض (الحبوبة/الإبنة/الحفيدة / حفيدة الحفيدة)..وتلك الرسالة هي التلقائية والحضور واللباقة والبداهة (يعني لو واحد قدر له ان يلم بلغات النوبة المحلية: بنات النوبة متحدثات لبقات بلغاتهن المحلية ، وبيعرفن كيف يتكيفنا مع الواقع..ويقدمن ذاوتهن باي لغة كانت..يعني الأصالة عندهم مش لغة فقط..وانما تعرف انتا منو..وتقول للعالم انتا منو..وده قمة التحرر)..!!

التحية لهذا الجيل الصاعد..الممثل هنا ببنات ابا (نتلينا ، صابرين ، روزلندا ، نهي ،صفاء توتو) وغيرهن..!

كلماتهن هنا يا الكومندر عبد العزيز الحلو..خير من مليون طلقة مسكوبة هدرا..لأنو الكلمة الطيبة بتمرق الدبيب من جحروا..فما بالك بكلمة بتجهجه ابو الفلسفة والثقافة والأخلاق..!


ماهو الجمال؟


لاحقا ، لو لقينا فرقة نرجع لحكاية تصور الإمبرالية الجشع عن الجمال ، القام عمل صناعة رابحة اسمها (ادوات الجمال الضرورية) ..عشان البنات تشتري وتبرط وجوهها وسواعدها..ليس من اجل الرجل او المجتمع وانما من اجل تاجر جشع لا يهمه في الدنيا سوى الربح واكتناز المال..حتى لو مات زبائنهن بمضاعفات واثار مركبات كيماوية لا تعرف المستهلكة حقيقتها..!


بالمناسبة يا بريمة: الحور العين ليست نساء او اناث..وانما هذا التجيير ناتج من بنية وعي تناسلي عن فكرة الجنة وما فيها..!..اضافة لوعي صحراوي: الحاجة الوحيدة المفتقدة عندو في الدنيا (الواقع بتاعو) هي الموية..عشان كده وصف الجنة طوالي فيهو انهار موية وانهار عسل وانهار خمر..وانهار حاجات تانية..!!!..وبالطبع انت سيد العارفين مافي صحراء فيها نهر..!!!!!!..ان شاء الله نهر صناعي ساكت مافي يا قريبي..!


كبر

Quote: بعد تجوال في أرض الله الواسعة .. ما يقارب الثلاثون عاماً .. أجوس خلال الديار .. لم أجد أمرأة أفضل وأرق وأكثر لطافة من النوباويات. رفعت الأقلام وجفت الصحف. بريمة

خلاص يا بريمة الكوزنة فكت وجدعت العقال ولبست سلفا كير ورجعت للبادية وكردفان بلد الجمال ...البركة في ابو منشار الخوفك وبطلت تجاور
كويس والله
وابراهيم عوض قال انا عمري ما حبيت غير الجمال في الروح
وهذا مستوى جمال السودانيين ...فكنا من العربان وسالفتهم وناس المركز البتمسحو بالكريمات لحدي هسة
انت نازل انتخابات في كردفان ولي شنو ؟؟

***

بريمة