ربنا يعوض تجار سوق ام درمان . ويخلف ليهم بأبرك مما فقدوه
Post: #2 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 05:57 AM Parent: #1
وبعيدا عن نظرية المؤامرة وصحتها او كذبها السبب الرئيسي في حريق السوق هو السلطات المحلية
Post: #3 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 06:00 AM Parent: #2
جشع المحليات وفسادها هو المتسبب الاول في الكارثة الحريق يمكن ان يحدث . ليس مستبعدا بفعل فاعل او الطبيعة او كهربائي الكارثة كانت في تلافى الكارثة
Post: #4 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 06:03 AM Parent: #3
كل سلطات المحليات تتشابه في سلوكها وتنظيمها وقراراتها في كل مدن السودان تمدد الدكاكين بشكل سرطاني في اي مساحة تسمح بذلك غض النظر عن توفير مسارات واسعة وآمنة الهدف الاول تحصيل مبالغ فورية من التصاديق ثم تحصيل ايجارات شهرية وقد يدخل باب الفساد في التصديقات ذات المصلحة الشخصية
Post: #5 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 06:09 AM Parent: #4
قبل سنوات نشبت قضية بكوستي بين المحلية وبعض اصحاب الدكاكين بالسوق الشعبي كوستي قامت المحلية بالتصديق لدكاكين وسط دكاكين قائمة مستغلة مساحات وشوارع موجودة النتيجة ضيق الشوارع وضيق المحلات الفاصلة بين الدكاكين مما يجعل سير الناس صعبا دعك عن عربات المطافي او غيرها زرت مرة سوق الجمعة بالسوق الشعبي اكاد اجزم ان المسافة بين دكان وآخر لا تتجاوز المتر الواحد . لا قدر ان نشب حريق فلن يستطيع احد الدخول راجلا بجردل ماء لاطفاء الحريق
Post: #6 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 06:13 AM Parent: #5
المطافئ وهي مسؤولية السلطات المحلية قديما وشاهدنا ذلك توفر حنفيات مطافي اربعة بوصة موزعة بشكل مدروس في المدينة ومعروفا اماكنها حاليا لا يمكن التزود من المياه للمطافي الا من النيل الابيض وحسب بعض الافادات فقد كان تلكؤ المطافي سببا حاسما في الكارثة . قد يكون نتيجة لعدم توفر مصادر مياه قريبا من الحريق وايضا قرأت افادة ان المطافي وجدت صعوبة في التحرك لضيق الشوارع
Post: #7 Title: Re: بهدوء جدا حريق ام درمان Author: Hani Arabi Mohamed Date: 12-02-2018, 06:19 AM Parent: #6
عربات الدفاع المدني تخرج وتدخل لسوق امدرمان لاعادة التزود بالماء والناس ما مساعداها الشوارع مقفولة بالعربات والناس والفراجة وباقي تجار السوق فاتحين وشغالين عادي - يا ريت الناس تحس شوية وتفضي الشوارع والسوق تخلي الناس تشتغل
Post: #8 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 06:25 AM Parent: #7
مرحب هاني نعم وماوحدث يجب ان يكون ناقوس خطر وتنبيه لتلافي الامور مستقبلا
Post: #9 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 06:31 AM Parent: #8
تنظيم المدن والاسواق علم متخصص وحتي توزيع المواقف علم يضع في الحسبان اسسا علمية لذلك يجب جعل مسارات وشوارع آمنة وواسعة تسمح بمرور عربات المطافي وغيرها كعربات الاسعاف مثلا
Post: #10 Title: Re: بهدوء جدا حريق ام درمان Author: Faisal Fadhlallah Date: 12-02-2018, 06:47 AM Parent: #9
سلام يا ود أب سن
لا حياة لمن تنادي. البلد ماشه بالبركة
Post: #11 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 06:49 AM Parent: #9
تأهيل الدفاع المدني وجعله محترفا كما نشاهد في كل دول العالم االمطافي عندنا عبارة عن عربة وسلم وموية فقط ! السودان تمدد رأسيا يحتاج لادوات اطفاء تصل الطوابق العليا بشكل سريع وآمن الماء لا يطفئ كل الحرائق بعضها يزيدها الماء اشتعالا سرعة الاستجابة مربوط بالاتصالات وسهولة طلب الرقم وتوفر موظف 24 ساعة للرد
Post: #12 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 06:52 AM Parent: #11
حبابك فيصل وسنظل نطرق الابواب ستدق الصخر حتي شنو كدة ما عارف
Post: #13 Title: Re: بهدوء جدا حريق ام درمان Author: علاء سيداحمد Date: 12-02-2018, 07:20 AM Parent: #12
Quote: السبب الرئيسي في حريق السوق هو السلطات المحلية
وقد يدخل باب الفساد في التصديقات ذات المصلحة الشخصية
وايضا قرأت افادة ان المطافي وجدت صعوبة في التحرك لضيق الشوارع
تحياتى اخى عبدالحفيظ ابو سن
كلامك سليم وتحليل حصيف .. شكراً ليك
Post: #14 Title: Re: بهدوء جدا حريق ام درمان Author: هاشم احمد ادم Date: 12-02-2018, 07:24 AM Parent: #12
سؤال قد يبدو خارج الموضوع هل هناك تأمين على هذة المحال التجارية ؟
Post: #15 Title: Re: بهدوء جدا حريق ام درمان Author: هاشم احمد ادم Date: 12-02-2018, 07:24 AM Parent: #12
سؤال قد يبدو خارج الموضوع هل هناك تأمين على هذة المحال التجارية ؟
Post: #16 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 07:34 AM Parent: #15
تشكر علاء التأمين شخصي يا هاشم ما حكومي ولا الزامي قد يكون فيهم واحد مؤمن
Post: #17 Title: Re: بهدوء جدا حريق ام درمان Author: كمال معتصم احمد السيد Date: 12-02-2018, 07:36 AM Parent: #15
بصراحة البشوف حال البلد
يقول ما فيها جامعات بتخرج مهندسين
.....
عموما الجاتك في مالك سامحتك
وقدر اخف من قدر
وارجو أن تكون هذه الكارثة
بداية إعادة نظر
في الفوضى التى عمت البلد
في كل المجالات
ولا سيما التخطيط العمراني ..........
Post: #18 Title: Re: بهدوء جدا حريق ام درمان Author: محمد البشرى الخضر Date: 12-02-2018, 08:14 AM Parent: #17
يا قريبك المطافئ (الدفاع المدني ) مسؤوليته اكبر من اطفاء الحرائق فقط, الغرض الرئيس هو الحماية و الانقاذ, الحماية احد معانيها منع قيام الحرائق اساسا, و بالنسبة للانقاذ فا الدفاع المدني يحرص على الاجراءات التي تسهل الانقاذ و تجعل منه ممكنا لذا صلاحياتهم في تخطيط المدن و اعتماد تصاميم المباني ثم ترخيصها او السماح بان يتم شغلها اعلى من الجهات المعتمدة الاخرى ان لم تكن تساويها بامكان الدفاع المدني اغلاق شوارع و ابراج ومجمعات سكنية و تجارية و اسواق وغيرها من المنشآت إن لم تستوفي اشتراطاتهم المتعلقة بالحماية و الانقاذ و تزال المخالفات خلال فترة معينة لهم كامل الصلاحية في الاغلاق و سحب او الغاء التراخيص في الامارات مثلا الاستشاري من اول يوم بشيل هم ترخيص الدفاع المدني و بكون حريص على تضمين مواصفاتهم في التصاميم و استيفاء الاشتراطات والا سيتعرض تصميمه للرفض عدة مرات, ودي قوانين ما فيها لعب و بي تحت وبي فوق وبعرف فالن و بمسح شنب علان هنا في السودان علاقة الدفاع المدني بالتراخيص لا تعدو الرسوم الباخذها موظف الخزنة ويختم ليك ولا اعتقد انه في تيم تفتيش بطلع او اي احد يراجع.
بالنسبة لما حدث في سوق امدرمان رينا يعوض الجميع و يخلف عليهم خير فيه رسالة لبقية الاسواق البتعاني نفس الوضع, سعد قشرة و الشعبي وغيرها طبع قصة فتح شوارع لعربات المطافي صعبة لكن يمكن توفير وحدة مطافي داخل السوق افراد مدربين و توفير صهاريج مياه موزعة في نقاط مدروسة والزام كل محل بتوفير طفايات حريق و مراجعة التوصيلات الكهربائية و توفير سقوف مستعارة من مواد مقاومة للحريق و عدة تدابير يمولها اصحاب السوق نفسهم فهم في النهاية الخاسر الاكبر لا الحكومة ماشة تعوض ولا في ثقافة تأمين
Post: #19 Title: Re: بهدوء جدا حريق ام درمان Author: محمد المسلمي Date: 12-02-2018, 09:07 AM Parent: #1
سلام ود أبوسن وضيوفه ادناه تصريح معتمد ام درمان نقلته من قروب واتساب
1——- #حريق_سوق_امدرمان عاجل| معتمد أمدرمان الفريق اب شنب على قناة S24 : نحن قبل كم يوم نبهنا التجار انو "ممكن يكون في حريق" عشان كده للضمان والسلامه الناس يودوا قروشهم البنك وما سمعوا الكلام، و ان شاء الله ده يكون درس ليهم.. وده حقو يسموه سبت الندم .! - تعليق : أها يا تُجار سوق أمدرمان ده بلاغ جاهز #الرش الزول ده توقعاتو عجيبه
Post: #20 Title: Re: بهدوء جدا حريق ام درمان Author: جمال ود القوز Date: 12-02-2018, 09:28 AM Parent: #19
ده تصريح كارثي بكل معنى الكلمة .. هسه حيبريء نفسه ومحليته كيف .. بعد تصريحه الكله غرض ده .. يعني يايودوا قروشهم البنك يايحرقوها ليهم ؟ .. ويحرقوا قلوبهم عليها .. غايتو بعد التصريح ده الحريق افتعلته المحلية .. واكيد ليس من بنات أفكارها .. من أفكار النظام البيلهله وراء الكاش .. الماقدر يدخله النظام المصرفي .. رغم كل الحيل العملوها ..
بعدين النار مابتفرز بتاكل كلو دولار على عملة محلية .. يعني تخلي قروشك في الدكان يفتعلوا حريق يحرقوها ليك .. توديها تختها في البيت يضربوك فتّاشة ويبركتوها منك .. يختوها في البنك غصب عنك ويدوك دفتر شيكات .. والناس كلها رافضة تستلم شيكات يعني تعمله بقيمة اكبر .. وكان جاك شيك تمش تبدلوا بقيمة أقل .. ما هذا البؤس .. طالما ادارة البلد غلبتهم مايقولوا باااااص الناس العاجزين ديل ..
Post: #21 Title: Re: بهدوء جدا حريق ام درمان Author: محمد البشرى الخضر Date: 12-02-2018, 09:52 AM Parent: #20
بصراحة اشك في هذا التصريح ان يكون صادر من شخصية تشغل منصب رسمي! لكن ان صح فهو يعد احد اغبى التصريحات الرسمية من ناحية يكاد المريب ان يقول خذوني و من ناحية اخرى احد اخبث التصريحات ويحمل رسالة مرعبة لبقية التجار
Post: #22 Title: Re: بهدوء جدا حريق ام درمان Author: عبدالحفيظ ابوسن Date: 12-02-2018, 10:34 AM Parent: #21
حبابكم وتشكروا جميعكم بل يا كمال يقول مافيها حكومة وطنية ! متفقين يا ودو دة المفروض عشان كدة قلت تأهيل غايتو يا مسلمي ان صح يكون تصريح ما يشبه الاعتراف صحي يا ودالقوز وقد تعودنا منهم التصريحات البتفقع المرارة ياريت ودو لكن مابعيد منو
Post: #23 Title: Re: بهدوء جدا حريق ام درمان Author: كمال عباس Date: 12-02-2018, 03:13 PM Parent: #22
والسؤال ماهي الخدمات التي يجنيها التاجر مقابل الضرائب الباهظة التي تقتلعها الدولة منه؟ لاحماية ولاخدمات مطافئ - فاعلة ولاعلاج ولا تعليم ! ضرائب وجمارك وجبايات تضخ في جيوب لصوص السلطة أو توظف لحماية كراسي المتنفذيين !
Post: #24 Title: Re: بهدوء جدا حريق ام درمان Author: ناصر حسين محمد Date: 12-02-2018, 03:19 PM Parent: #23
Quote: نحن قبل كم يوم نبهنا التجار انو "ممكن يكون في حريق" عشان كده للضمان والسلامه الناس يودوا قروشهم البنك وما سمعوا الكلام، و ان شاء الله ده يكون درس ليهم.. وده حقو يسموه سبت الندم .!
دي واحدة من اكاذيب العاجزين
اصلا المعتمد ما قال كلام زي ده وانا شاهدت الفيديو كامل
المعتمد كان يتحدث عن ضيق الطرق وذكر انو زار السوق واتكلم مع التجار بضرورة ازالة المظلات وقال ليهم بالوضع ده ممكن يحصل حريق او اي حاجة وعجلة ما حتقدر تخش
Post: #25 Title: Re: بهدوء جدا حريق ام درمان Author: Mustafa Mahmoud Date: 12-02-2018, 03:21 PM Parent: #22
قبل كم يوم قلنا لناس السوق ودو قروشكم البنك عشان ما يحصل حريق ، و ما سمعوا الكلام و ده الحصل . ( معتمد امدرمان )
Post: #26 Title: Re: بهدوء جدا حريق ام درمان Author: ناصر حسين محمد Date: 12-02-2018, 03:31 PM Parent: #25
هههههههههههههه اعمى مسكوه عكاز
ده فيديو تصريح المعتمد
Post: #27 Title: Re: بهدوء جدا حريق ام درمان Author: أحمد الشايقي Date: 12-02-2018, 04:15 PM Parent: #26
شكرا أخ ود اب ســن
فما بالك يا أخي .. لو هناك مدن سودانية مخططة منذ 100 سنـة وأكثـر بأسواق وخارطة تنظيمية متكاملـة
فتأتي المحليات وما أدراك ما المحليات :
أولاً تبتدع اسلوب ايجار (طبليات) أمام الدكاكين فتصبح لكل دكان طبلية تدفع للمحلية الجبايات الباهظة وتخصم من
مساحـة الشارع (بالاتجاهـيـن) ولا يستطيع صاحب الدكان الاعتراض على صاحب الطبليـة رغم أنه ينافسـه ويعوق
حركة مرتادي دكانـه
ثانياً تخطط صفوف من الدكاكين كلما كان الشارع بين صفوف الدكاكين المخططة قديماً واسعاً أو في أي ميدان أو موقف
شاحنات النقل والتفريغ أو في محطات الوقود القديمـة (بعد مصادرة اراضيها)
ثالثاً: أما أذا كانت هناك مصلحة حكومية أو مدرسـة مجاورة للسـوق فـ (عليك أمان الله) تتباع الضحى الاعلى ... وطبعاً
في النيل الابيض الشعار (الارض مقابل التنميــة) لتجميل الاعتداء على الاراضي والمقار الحكوميـة أو ذريعـة (انتهاء
الترخيص) اذا كانت دار سينما (تنشر الرذيلــة)
يا ود اب ســن أكلنا يوم أكل الثور البنفسجي .. وانتهينا لما سمحنا للكذابين المزايدة على ديننا وعقيدتنا ووطنيتنا وفي النهايـة
وطنـنــا ......
الله غالــب أمـــره
Post: #28 Title: Re: بهدوء جدا حريق ام درمان Author: أحمد الشايقي Date: 12-02-2018, 04:38 PM Parent: #27
يعني باختصار
لو كانت الاسواق مخططة منذ مائة عام ومرتبة (تتكـفــل) المحلـيـات .. بتضييق شوارعها وزيادة اعداد الافتراش
والطبليات وملؤها بالكوارو والدرداقات وكل وسيلة من شأنها زيادة الـ (جبايات) ليركب السادة الصحابة النبلاء الفارهات
وليرتادوا دول العالم شرقاً وغربا مع اسرهم في الاجازات وعلينا نحن أن نصارخ (تهلييييل ... تكبيييييــر ) ويقول ليك
المكرفون انه (فلان دا) ابقوا عليهو عشرة (بجيب ليكم التنميــة)
كل الاسواق لا يستطيع الدفاع المدني الدخول إليها في حال الحرائق ولا يستطيع البوليس الدخول اليها (اذا قامــت شكلة)
لغاية ما النيران تستمتع باهلاك الرساميل والانفس ولغاية ما المشاجرات تزهــق الارواح والسبب (الهردبيســة) الاسمهــا
سووق ..
تعال مروراً باسواق ســنــار والدويم وحتى ربك مثلاً .. ياخي الطريق القومي يتوقف عند المرور بســوق ربــك (يحلك
رب العالمين) عشان تمرق بي عربية من زحمة السوق (سالماً) وللاحتياط كدا .. بس تعال بي لاندروفر قديم وصداماته
من الحديد المدود بعيداً في كل الاتجاهات وإلا يلم فيك حمار كارو وصاحبه بعيد يغالط في السعر والحمار يحتك بالعربية
ويخدشها وهو (لاهي عنك) وراء حزمة جرجير معفنة مرمية من ثلاث ايام وهلمجـرا
يعني هذا الكوكب السوداني الكيزاني في عالم تاني والدول والعواصم والحضارة في مجرات أخــرى تماماً لا يشتم منها
عفـن الاسواق ولا رهقها
يا سيدي كل الذين يغالطون بضيق شوارع سوق أم درمان نقول ليهم يا اخوانا مسؤولية السلطة بس تركب تحكم يعني ؟؟؟
يعني مش من مسوؤولتهم (ينظـمــوا) وهــم اليد (القويـة) ويستطيعون فعل أي شئ (أي شئ) .. ؟؟؟؟؟؟؟؟؟؟؟؟؟؟؟؟؟؟؟؟
وللناس الـ (شافــــوا) لــندن مثلاً .. لا بــل خلـيــك بس في (امســتردام) فيكم زول تجــول في الاسواق شمال محطة السكة
الحديد وشرق منطقة الضوء الأحمـر وحوالي ســوق الورد ؟؟؟ .. بالله في أضــيق من شوارعهــا ؟؟؟؟ هل سمعتم بحريق
ياكل السوق أمام أعين (الدفاع المدني) ؟؟؟ يا أخواننا كل شئ وليهو حلول وكان ما بتعرفوا .. اسألوا وسوحوا في الارض
وتعرفوا على حلول التعامل مع الشـــوارع الضيقة شنـــو ؟؟؟ (ولا مــا كــدي ؟؟؟؟)
.......
دا كله كــوم والمخلفات التي تفترش الشوارع الامدرمانيــة (بالكــامـــل) كوم أخــر ...
Post: #29 Title: Re: بهدوء جدا حريق ام درمان Author: امتثال عبدالله Date: 12-02-2018, 05:06 PM Parent: #28
ود ابو سن الاشاعات الطلعت في الواتساب...وطبعا اخبار الواتساب اربع ارباعها فشنك ..ان المحلية طلبت من تجار امدرمان ايداع اموالهم المكدسة في ادراج الدكاكين في البنوك..ولمن التجار رفضوا المحلية صرت وشها وقالت ليهم : كده...انتظروا شوفوا العقاب،،،، وحصلت الكارثة.. والبطء في اطفاء النيران متعمد... يا ود ابو سن عربات المطافئ في نيويورك لمن تجي مارة في الشوارع بصفافيرها البتقد الاضنين لازم العربات التانية تزح من الشارع بسرعة وتقيف والا عربات المطافئ الضخمة حتكسرها حتة حتة وهي منطلقة بسرعة الصاروخ وما بتقيف، حتى عربية الرئيس لازم تقيف وتجنب لعربية المطافئ....
Post: #30 Title: Re: بهدوء جدا حريق ام درمان Author: منتصر عبد الباسط Date: 12-02-2018, 05:40 PM Parent: #29
من حق أصحاب الأموال التي احترقت أن يستبدل لهم بنك السودان العملة المحروقة لأن العملة تعتبر قيمة لغيرها وليست قيمة لذاتها في حال عدم الإستبدال تكون قيمة النقود المحترقة ذهبت لخزينة الدولة وهذا حرام المفروض كل من اثبت احتراق نقود بقيمة معينة يعطى ذات المبلغ أو بالكثير يدفع رسوم الطباعة عند استرداد نقوده من بنك السودان الذي هو الضامن لقيمة النقود ومتعهد بذلك الذي لم يحميها من التضخم فعلى الأقل يضمنها في عضمها.
Post: #32 Title: Re: بهدوء جدا حريق ام درمان Author: منتصر عبد الباسط Date: 12-02-2018, 05:45 PM Parent: #30
بس يبدل لهم كاش ولو لم يفعلوا يكون البسميهم مسلمين كذاب ومنافق
Post: #31 Title: Re: بهدوء جدا حريق ام درمان Author: علاء سيداحمد Date: 12-02-2018, 05:44 PM Parent: #29
اولا : حولاااااااااااااااااا طالما انّ هناك شخصيات حاكمة بهذه العقليات فانتظروا مزيدا من الحرائق .. والله حرام الزول دا يجلس فى المعتمدية يوم واحد ..ياخ ماقادر يدلى بجملة مفيدة .. ثانيا : حسب كلام رئيس لجنة الخدمات بسوق امدرمان فانه كان هناك اموال بالمليارات - جنيهات سودانية وعملات اجنبية فى المحلات لان اصحابها لايثقون فى البنوك. ووقت حدوث الحريق ابتداءا من الساعة مساء - يعنى السوق فاضى من الناس ماعدا الجهات الامنية وفى هذا احتمال كبير بأن الحريق بفعل فاعل. ثالثا : كان الله فى عون هذا الشعب المنكوب
.
Post: #33 Title: Re: بهدوء جدا حريق ام درمان Author: علاء سيداحمد Date: 12-02-2018, 05:49 PM Parent: #31
ووقت حدوث الحريق ابتداءا من الساعة الثانية عشر مساءا حسب افادة احد التجار فى الاستطلاع
Post: #34 Title: Re: بهدوء جدا حريق ام درمان Author: Arif Nashed Date: 12-02-2018, 08:14 PM Parent: #33
Post: #35 Title: Re: بهدوء جدا حريق ام درمان Author: Asim Ali Date: 12-02-2018, 08:35 PM Parent: #34
Post: #36 Title: Re: بهدوء جدا حريق ام درمان Author: عبدالحفيظ ابوسن Date: 12-03-2018, 05:56 AM Parent: #35
لاشئ يا كمال لا يقدمون شيئا يا ناصر قد لا يكون قال ذلك ولكن ليس بمستبعد عنهم فقد قالوا اسوأ من ذلك ليس بمستبعد عنه مصطفي يا الشايقي التخطيط مافيهو اي علم . عشان يرفعو سعر منطقة معينة لمصلحة ما ممكن يحولو ليهو موقف مواصلات رغم عدم معقولية الموقف ويسيل لعابهم لكل منطقة استراتيجية يا امتثال هناك رجل الاطفاء نجم يعجب به الاطفال وهنا ؟ يا منتصر حق شنو يا اخوي وهم حقهم الواضح بناتلوهم فيه للاسف يا علاء لم اشاهد اللقاء تشكر عارف مأساة حقيقية عاصم
