ماذا قالت الخواجية .. عن كتابي "البقارة في السودان: التراث والبيئة"؟

03:15 AM November, 28 2018

سودانيز اون لاين
Biraima M Adam-أمريكا الشمالية
مكتبتى
رابط مختصر

Quote: Hi Biraima, I have just finished reading Baggara of Sudan and wish to tell you how much I enjoyed it. I lived in the Sudan in the 70s for five years, initially in Kadugli, as a teacher, where I saw many Baggara migrating through the farmlands. I loved hearing the laughter they shared with Nuban crop growers, who yelled out warnings about the cattle crushing their corn.There was usually a friendly reply. I wish that I had taken photos like your herd moving images (p151-156) - wonderful! I did take many photos of other ethnic groups and hope in the next few years to have an exhibition in London. I have a few of Baggara people and am delighted to have read so much about your culture. I will never forget this that you wrote “ Baggara’s life is inseparable from the ecosystem from which it exists”. How many other cultures recognise this؟ Well done, this was a great contribution to the modern world. Many thanks,

طبعاً أخوكم كبي ليها راندوق بقاري تقيل .. والله يكون في عونها ..

أخوكم راسه كبر لما الخواجة قالت : عمل رائع .. وهو أضافة حقيقة لعالمنا الحاضر ..

بريمة

الخواجية طبعاً قرأت كتاب واحد من الكتب الأربعة ..
البقارة في السودان: التراث والبيئة
البقارة في السودان: عادات وتقاليد الزواج
البقارة في السودان: تراث وتقاليد الشاي
البقارة في السودان: الفكاهة والحكاوي الشعبية

وأخيراً شغال بأيدينى وكرعيني .. في كتاب الشواطين والجنون والبعاعيت في تراث البقارة .. وهذا كتاب عينة: Baggara Of Sudan: the Evil Spirits


الخواجية ح تقرأ لما رأسها يصدع ..

بريمة

good done you represent your self in america quite will
حياك الله شعارنا في المنافي
الما ببقي نسفه زول ما في زول ببقيه يا بريمة
كتبك دي اثر كبير يقعد في امريكا والناس هنام بتقرا وتفهم

يعني صدقت كلام الكافرة النصرانية دي؟؟

اففوووووو
يا اخا العرب

والله كل التقدير و الاحترام استاذ بريمة و صباحات البشر و السعد
و انت تكتب و توثق لاهلك و لفصيل مهم من فصائل الوطن الحبيب
و مثل هذه الاعمال مفتاح للدخول ف عالم القبائل السودانية و فهمها و معرفة عاداتها و تقاليدها
مما يسهل التعايش السلمى و الآمن ف ربوع الوطن و يجعل التداخل و التعارف و التزواج سهلا ميسرا
و عبرك تحياتى و تقديرى لاهلنا البقارة
و مزيدا من التفوق و النجاحات و ربنا يوفقك و يجعله فى ميزان حسناتك
..... ويا ريت تترجم للعربية و تتواجد بالمكتبات السودانية
مودتى و تقديرى

بريمة
ياخ الواحد عاجز عن التعبير في هكذا حالات
لانه يا استاذنا اصعب انواع الكتابة .. تعمب عن (الواقع) وعن الحقيقة وسرد عن جماليات المنطقة وانسانها الغني
وبتوثق لتراث سحيق ضارب في اعماق التاريخ الاثني والاجتماعي لتلك القبائل ذات الوجود المؤثر
انت كتبت وبتكتب عن مرجعية غنية ممتدة عبر ازمان وازمان وفق التطور الحضاري
انت يا بريمة بتكتب عن حِراك انثربولوجى افريقى و عروبى عجيب

البقارة والسودان عموما نواتج الفِطنة و النور سيد عبد العزيز قال:

يا منبع النور و الفِطن .. يا الفقتى يعرُب و الرطن
في جوفى من حُبك قطن

الباحث في التراث والكاتب والمؤلف
الباشمهندس بريمة بلل

الله يخضر ضراعك ,,

الباحث في التراث والكاتب والمؤلف
الباشمهندس بريمة بلل

الله يخضر ضراعك ,,

where I saw many Baggara migrating through the farmlands. I loved hearing the laughter they shared with Nuban crop growers, who yelled out warnings about the cattle crushing their corn.There was usually a غfriendly repl

=========================
اديبنا الرائع بريمة .. شكراً على هذه الرسالة عن الوطن ومكوناته
لبتنا كنا مثلك يا جميل ..
لاحظت في كلام الخواجية .. الموضوع مختلف عما هو سائد عندنا في الوطن خاصة من السياسيين
العداوة بين الرعاة والمزراعين ولكن الصورة عندها مختلفة تماماً .. تبادل ضحكات ومزاح

شكراً بريمة الحبيب ..

الاخ بريمه بلل تحيه طيبه
صراحه لو ركزت في الخط انت جدا ممتاز
في الثرد والوصوف والحكي ...
تابعت لك كتابات جدا كانت مميزه عن ايامك الاولى
في امريكا وكيفية الوصول لها ...
ثم كتاباتك عن الكابوي ورحلاتك الداخلية في امريكا
وماوجهته من صعوبات ومشاكل ... اعجبتني جدا وظلت عالقه في ذهني ...
اتمنى ان تهتم اكثر فلك المقدرة على جعل المتلقي في معايشة الاحداث كانما كان جزء منها
وسيبك من اصول عربية ...... الخ ده كلام فاضي وسراب يسرق زمننا وتفكيرنا ولا فائدة منه ..
وتحياتي لك ولضيوفك ....

يا سلام ... تعليقات تشرح الصدر ..

نعم يا ول أبا علي عبد الوهاب .. ملاحظتك في محلها .. شوف الناس كانوا عايشين بأمن وأمان ... الحال تغير مع الحركات المتمردة.


بريمة

Quote: good done you represent your self in america quite will حياك الله شعارنا في المنافي الما ببقي نسفه زول ما في زول ببقيه يا بريمة كتبك دي اثر كبير يقعد في امريكا والناس هنام بتقرا وتفهم

عادل،
سلام .. هل تصدق ممكن من خلال كتاباتنا نكون رسل خير للسودان .. ناس كتار بتصلوا عليّ .. مرة من المرات لمي فيني أمريكي زنجي .. فتاني فت عجيب .. قال لي تسحب عرب في تعريفي للبقارة ونخلي فقط "بلاك" أو زنوج.

بريمة

Quote: يعني صدقت كلام الكافرة النصرانية دي؟؟ اففوووووو يا اخا العرب

نعم، أنت عارف الخواجية أنبسطت من شنو؟ الطهور الفرعوني .. ! طبعاً أنا كاتب البقارة يمارسون أسوء أنواع الطهور الفرعوني .. والموضوع مكتوب بالتفصيل ..
والشيئ الأخر .. هناك ظاهرة طهور أخري تسمي "العدل" .. وهذه الظاهرة تأتي بعد أن توضع البقارية تقوم تعمل تقويم .. الخواجية قالت ما كانت فاكرة أن الجنس يحتل حيز لهذه الدرجة في ذهنية البقاريات.

الموضوع ذو شجون ..

بريمة

ول أبا أحمد يسن،
سلامات ..

Quote: انت يا بريمة بتكتب عن حِراك انثربولوجى افريقى و عروبى عجيب

مفهوم الزنجراب .. "الأفروعرب" .. بالمنسابة مفهوم قديم .. تقدم به إتحاد أبناء جبال النوبة في عام 1965م .. وحاولوا تأسيس حزب سوداني سياسي يسمي حزب الزنجراب .. يشمل أبناء النوبة والبقارة في المنطقة .. لكن يبدو مفهوم الزنجراب لم يجد القبول من تنظيم الكمولو السري "تنظيم الشبيبة" في الجبال .. لو كان تبنينا مفهوم الهجنة الزنجية العربية .. لكنا في وضع مختلف الأن .. لكن الله غالب ..

وطبعاً نحن غير مخطئين في مفهوم أن البقارة أفروعرب .. فهو جعل للبقارة خصوصية ثقافية .. كبيرة وثرة .. تساعد في ردم الهوة الثقافية بين شعوب المنطقة.

بريمة

Quote: عادل، سلام .. هل تصدق ممكن من خلال كتاباتنا نكون رسل خير للسودان .. ناس كتار بتصلوا عليّ .. مرة من المرات لمي فيني أمريكي زنجي .. فتاني فت عجيب .. قال لي تسحب عرب في تعريفي للبقارة ونخلي فقط "بلاك" أو زنوج. بريمة

طيب اسمع كلام الزنجي ده احسن ليك وجدعت العقال الصفر الدولي العايز تلبسو في راسك في ممكلة ابو منشار
السودان ده ما كان فاضي لمن جوهو العرب وغير العرب ..النوبة ديل جيت لقيتهم ولى جو لقوك؟
السودان موجود قبل الله يخلق العرب ذاتهم
ارجع سوداني انصاري بس عرف بالسودان والانصار فقط في امريكا

ول ابا بدران،
سلامات ..

Quote: والله كل التقدير و الاحترام استاذ بريمة و صباحات البشر و السعد و انت تكتب و توثق لاهلك و لفصيل مهم من فصائل الوطن الحبيب و مثل هذه الاعمال مفتاح للدخول ف عالم القبائل السودانية و فهمها و معرفة عاداتها و تقاليدها مما يسهل التعايش السلمى و الآمن ف ربوع الوطن و يجعل التداخل و التعارف و التزواج سهلا ميسرا و عبرك تحياتى و تقديرى لاهلنا البقارة و مزيدا من التفوق و النجاحات و ربنا يوفقك و يجعله فى ميزان حسناتك ..... ويا ريت تترجم للعربية و تتواجد بالمكتبات السودانية مودتى و تقديرى

يا ول أبا بدران أنت إنسان جميل .. يا أخي سودانا فيه تنوع رهيب .. إنسانه وتراثه وثقافاته وحتى بيئاته .. هذا التنوع مصدر قوة هائل بالنسبة لنا لو أحسنا أستغلاله ..
لكن سبحان الله إنسدت بصائرنا .. وبدل أستغلال التنوع لمصلحة السودان .. أستغليناه في خلق الفتن والشتات .. منوط بنا دور نعلبه في إعادة وشيجة الترابط الأجتماعي والثقافي الذي يربط هذه المكونات ..

إن شاء الله لو ربنا مد في العمر .. ح أترجم كل الكتب وأودعها المكتبة السودانية حتى تعم الفائدة .. وحرضوا لينا الحبيب ول أبا علي عبد الوهاب .. للكتابة عن النوبا .. يا أخي تعرفت علي معيشة سكان الجزر في الشمال من خلال كتابات ول أبا علي .. حياة الآرتاوي و الآرتاويات ..

بريمة

ول ابا سماعين،
سلامات ..

Quote: الباحث في التراث والكاتب والمؤلف الباشمهندس بريمة بلل الله يخضر ضراعك

ألف شكر يا ول أبا .. وأنت ذاتك موثق وكاتب في التراث .. في أحد لمخطوطات التى لم أعرف ماذا أفعل بها حتى الأن : تحت عنوان "حياة الظعن والأسراج" .. كتبت في حب البقارة وتمسكهم بالطبيعية .. عن كيف نحن لدينا وجبة دسمة من طيور الزرزور التى تأتي في جماعات تسد الأفق وتخرب المزارع في الموسم .. تبيض وتفقس طيور الزرزور عندنا في أدغال جنوب كردفان .. بعيداً عن أماكن القري .. وفي أمكان تغمرها المياه طوال فترة الخريف .. ونسبة لوعورة المنطقة لا يستطع إنسان الأقتراب من أماكن تواجدها حتى تفقس وتطير صغارها في أسراب ضخمه مما يحولها إلي آفة من الأفات الزراعية .. نحن أبناء الرعاة نعرف مثل تلك المخابئ .. وأول ما يقف المطر ونحن نازلين الصعيد جنوباً .. متى ما نزلنا في منزلة نذهب رأساً إلي أماكن ولادة الطيور .. ونقوم بحصاد الطيور الزغب الصغار من الأعشاش .. نملي بيها شوالات خيش .. ونأتوا بالوليمة إلي الفريق .. تسخن موية في أناء كبير .. ثم ترمي الزرزور حقك فيه .. ثم نقوم بنزع الريش .. وبعد داك يبدأ الشغل .. في أخراج المصارين وقطع أصابع الأرجل .. ثم تأتي بالزيت وترمي فيه الزرزور وتحمره .. والله يا ول أبا تشبع تب لما تدشع .. ـ أكل حلو يذكر الواحد بالأية القرآنية .. المن والسلوي .. ولكن قسماً لو شبعت زرزور تمام .. تاني لو عرضوا ليك العسل ما تقدر تأكل ..
هذا جزء من حياة البادية وأبناء المدن لا يستطيعون توثيق مثل هذا التعامل مع مكونات البيئة .. وهنا يجئ دورنا .. لكن في بعض الأحيان نحن ما عايزين ناس المدن يعرفوا حاجاتنا .. حتى ما يجوا ويخربوا لينا معيشتنا ..

بريمة

يا بريمة يا ريت تكتب كتاب عن ثقافة الدواس عند البقارة.

Quote: وسيبك من اصول عربية ...... الخ ده كلام فاضي وسراب يسرق زمننا وتفكيرنا ولا فائدة منه .. وتحياتي لك ولضيوفك ....

ألف شكر علي المرور يا محمد عبد الله الأمين، كلام سمح .. وبعدين صدقني يوماً لم أقل البقارة عرب خلص .. دايماً أقول أفروعرب .. هجين عربي أفريقي .. وهكذا .. وأنا أدعم التنوع بكل أشكاله .. وأي إنسان حر ومؤتمن علي نسبه ..

بريمة

ول أبا دكتور محمد الأمين موسي،

سلامات

Quote: يا بريمة يا ريت تكتب كتاب عن ثقافة الدواس عند البقارة.

بدأت أكتب منذ سنوات عن ثقافة الحرب والسلام لدي البقارة .. توقفت تماماً عن ذلك الأتجاه .. خايف أفتح جراح مازالت لم تندمل ..
وأظن بعد هذه السنوات ربما استطيع مراجعة النصوص .. بحيث أنقحها مما يقلل إثارة النعرات .. معادلة صعبة ..

في الكتاب الذي أنا بصدده .."الأرواح الشريرة في تراث البقارة" .. يا أخي تكتشف الشعب السوداني لديه موروث خربان .. خراب لا يوصف .. إعتقادات باطلة لا أنزل الله بها من سلطان .. ونعرات تورث في العقل الباطن .. ومحفوظة ..
والله يا دكتور لم أجد كوم "تراش" أكثر مما وجدت في عقلنا الباطن الجمعي .. وأظن حان الوقت أن نواجهوا ذاتنا .. نقوموا بتقويم مثل تلك الخزعبلات علي أسس الحقائق .. يعنى .. ببساطة نتصالح مع أنفسنا ..

والأهم من ذلك "الخوف" .. مثل ما قال الفنان أبو عركي "الجووووع .. الجوووع" .. تلقوني أقول ليكم "الخوووف .. الخوووف" .. شعب يمتلك أدوات الرعب .. وينشيئ أجيال مرعوبة ..

الحبوبات .. مفروض يدخلونهن مصحات للعلاج النفسي .. ديل سبب أساسي في التنشئة الخاطئة ..

بريمة

طبعا العجاجة دي كلها، الهستريا والانبهار، عشان فد خواجية قالت حاجة!

اما "الزنجي" اي "النقرو" اي "الفرخ" الامريكي، فقطعا العربي الشريف بريمة ما حيفتح ليهو بوست، وهو الجنجويدي المراحيلي، اداة القتل والابادة لامثال هذا "الزنجي" الانتبه مباشرة لي عقدة امثال بريمة "الذنجي" بالمعني الحرفي المقصود في مرجعية النازية، من حيث وعي الاسترقاق العروبي الولع بلدنا!

عوووع!

العروبى بريمة مسكاقمى

تهانينا القلبية واصل فى سبر اغوار تراث اهلنا البقارة

بقاري، اصولو من نوبة الجبال، عايش في امريكا، او بعد ده يسوي "ذنجي" الجنجويدي ده، اداة الذبح، وكانو انجلوساكسون عيونو خدر، لي اهلنا افارقة امريكا.

هو لونوعك ده ما اصل الذنج، فمن هم الذنوج؟

نعم لو ده:



ماذنجي، فمن هم الذنوج من اساسو؟

او ده:

طبعا عربي شريف، سيد الخلق، مش كده، واهلنا افارقة امريكا ذنوج!

اما هذا ف"ذنجي" امريكي اي حتة "فرخ":

علاء الدين،

Quote: العروبى بريمة مسكاقمى تهانينا القلبية واصل فى سبر اغوار تراث اهلنا البقارة

مسكاقمي، علاء شوف، ممكن بسهولة ممن نخلق تنوعنا السوداني الثر دون الحكومة .. أي ناس منطقة يتجتهوا في أبراز خصائص تراث مناطقهم .. الملتيميديا وفر لينا الفرص لخلق واقع جديد.
المنتديات النوبية .. والله أبداع رهيب في فن التواصل .. وربط الناس بواقعهم .. القري والمدن الصغيرة كلها حاضرة .. والناس تكون معايشة للأحداث ..

هل تصدق في مرة مرات .. الحرامية سرقوا البقر .. وأتجهوا من جنوب كردفان ناحية شمال كردفان .. شيوخ القري كلهم أعلمناهم أن هناك أبقار مسروقة وسلمناهم الأوصاف .. ضيقنا الدنيا الوسيعة علي الحرامة .. في النهاية فكوا البقر في الخلاء وجروا نجياً بأنفسهم .. وأنت براك تتذكر قصة ثعابين الأصلة التى ظهرت في الشمالية ..

بريمة

بشاشا،

أنت قصتك طلعت "فجاسو" .. يعني صفر معاك الواحد.


بريمة

***

بريمة

وحرضوا لينا الحبيب ول أبا علي عبد الوهاب .. للكتابة عن النوبا .. يا أخي تعرفت علي معيشة سكان الجزر في الشمال من خلال كتابات ول أبا علي .. حياة الآرتاوي و الآرتاويات ..

================
الحبيب الاديب بريمة ..
إنت إنسان رائع محب للتراث لا أنسى عندما جمعت مقالاتي التراثية وأرسلتها لي عبر الايميل
اصيل يا بريمة .. يا سلام زول قاعد في العالم الاول أمريكا رغم كل الزخم لا ينسى أهله وتاريخه
شيئ جميل

الكتاب الذي جمعته لي سوف يرى النور قريباً بإذن الله وإسمك سوف يكون مسطر في الصفحة أولى وفي أسفل الغلاف
لأنك كنت الحافز والدافع والمساعد لي في هذا المنحى ..

هذا هو الحبيب بريمة المبدع
لا خير فيني إذا لم أعلنها هكذا للجميع ..

الحبيب علي عبد الوهاب
سلامات .

Quote: الحبيب الاديب بريمة .. إنت إنسان رائع محب للتراث لا أنسى عندما جمعت مقالاتي التراثية وأرسلتها لي عبر الايميل اصيل يا بريمة .. يا سلام زول قاعد في العالم الاول أمريكا رغم كل الزخم لا ينسى أهله وتاريخه شيئ جميل الكتاب الذي جمعته لي سوف يرى النور قريباً بإذن الله وإسمك سوف يكون مسطر في الصفحة أولى وفي أسفل الغلاف لأنك كنت الحافز والدافع والمساعد لي في هذا المنحى .. هذا هو الحبيب بريمة المبدع لا خير فيني إذا لم أعلنها هكذا للجميع ..

شعبنا السوداني يا ول أبا علي، وبعيداً عن السياسية .. ليس هناك شعب أجمل منه .. شعب يعرف كيف يصنع الجمال .. كتاباتك مملوءة بجمال هذا الشعب.

بالتوفيق بإذن الله .. ونحن معك في التسويق وتوصيل الكتاب للقراء ..

بريمة

الزول الراقي بريمة

بشاشا المريض المعقد
شخص متناقض مع نفسه
يعتز باصوله الأفريقية


وفي نفس الوقت

لاجيء مع اسياده الخواجات

الظاهر العب بريد سيده
أو بعبارة أخرى
الكلب بريد خانقه

....


قدر ما قلت له

تعال اندرش معنا
في افريقيا السوداء دي


ما داير يقتنع