الاحتفال بالذكرى السنوية لبوست "غدا الرئاسة تتدخل للجم الدولار"

01:03 PM November, 16 2018

سودانيز اون لاين
محمد حيدر المشرف-دولة قطر
مكتبتى
رابط مختصر

التاريخ: 18 نوفمبر 2018
المكان: منبر سودانيزاونلاين

تحت رعاية محمد ابوالعزائم وآخرون

مشاركاتكم مهمة
ولا يدخل ذلك في باب المناكفة وانما هو للنقاش حول محتوى الخطاب الاعلامي الكاذب للسلطة داخل المنبر.

قبل البدء،
ممكن أضحك،

ده بوست جادي لو سمحت

والله صحي !!

الحقيقة والكذب في محتوي الخطاب الدعائي للسلطة في الميزان الآن

صاحبة الفكرة الحقيقية هي ملاحظة الباشمهندس محمد الشيخ حول مرور العام على ذلك البوست .. وهذا البوست كما ذكرنا برعاية محمد ابوالعزائم بطريقته في ملاحقة اكاذيب هذا الخطاب السلطوي داخل المنبر

الموضوع تحس بيهو زي الفي مره وزوجها متشاكلين
و عايزين يصالحوهم
عشنا وشفنا الاقتصاد يديروهو بالجودية وبطاركة الاسر !

لو لا فضل الله ثم تدخل الرئاسة لكان الدولار يشتري 100 قطعة خبز

بالجديد





البشير وييييي وبترولنا في جمهورية الموز جنوبسودان ويييييي

والمعارضة تحت الجزمة القديمة

Quote: بالجديد

[/Bوبفضله برضو أصبح هناك جنيه جديد مضاعف ألف مرة من الجنيه
القديم الذي داس عليه بالجزمة
رغم ذلك كان الجنيه القديم قبل حذف الأصفار الثلاثة قيمته تعادل أكثر من أربعة أضعاف
الجنيه الجديد حينما كان الدولار لم يبلغ سعره 12 جنيه قديم بالسوق الأسود في
30 يونيو 1989م
وقال لو ما كنا جينا كان الدولار وصل 20 جنيه (بالقديم)
وجا بدل يصل العشرين وصل العشرين مضروبة في 3000 مرة
البستحو ماتو .
(أنا كوز إذاً أنا لا أستحي)
(وأنا كوز وكذلك عنصري طالبت وفرحت بأنفصال الجنوب
ولا زلت أذكره بسوء ولم أغير صورة بروفايلي العنصري
فهل أنا إنسان سوي وأحس وأشعر مثلي مثل البشر؟!)

أنا إسمي مكتوب؟

غدا الرئاسة تتدخل ( للجم ) الدولار

ذكرت في البوست المعني، إنو ده بوست أشرت ليهو على سبيل المثال فقط ... الحصر صعب.

توجد هنا أمثلة كتيرة:


ود الباوقة، وين المترو والبترول والصادق المهدي؟

يا ود المشرف أنا عندي بوست فات الذكرى السنوية الرابعة ممكن أضيفه

الدولار يهوي بسرعة أمام الجنيه السوداني ... العنده دولار, ريال يفكّهم بسرعة

بعدين في الإقتصاد والسياسات ما في "حقيقة" و"كذب"

في توقعات تصيب وتخطئ وفي نظريات افتصادية وإجراءات وسياسات تنجح وتفشل

وفي قراءة للمعطيات يفسرها زيد مؤشراً للصعود وعبيد مؤشراً للنزول.

وبالجديد

البشير وييييي وبترولنا في جمهورية الموز جنوبسودان وييييييي والصادق المهدي حبيبنا ويييييي

والمعارضة تحت الجزمة القديمة

كدي للذكري التي تنفع المؤمنين
قولوا لينا الدولار كان بكم قبل عام من الآن
وهسع بقي بكم ؟؟؟؟؟؟؟

الدولار قبل عام كان بدولار والغريبة الآن برضو بدولار

د. المشرف و المشاركين تحية واحترام
في ما يخص الجنيه تم التلاعب بوعي الناس بذكاء شديد ، تناسى الناس ان العملة تغيرت ثلاث مرات ( من الجنيه للدينار بحذف صفر ثم للجنيه بحذف صفرين واخيرا حذف ثلاثة اصفار ).
 في رد العزيز منتصر عبد الباسط مثلا ان سعر الدولار اذا كان ٢٠ جنيه الآن تضاعف ٣٠٠٠ الف مرة ، في الحقيقة قد تضاعف ٣.٠٠٠.٠٠٠ مرة . ٦٠ جنيه الآن لاتعني ٦٠.٠٠٠ بالقديم بل ٦٠.٠٠٠.٠٠٠. التضخم اكبر من رؤيته بالعين المجردة

لم أكن لأتصور أن هناك شخص يمكن أن يتجاوز ود المشرف في القراءة الإقتصادية

شكراً بكري همت فقد صنعت نهاية أسبوعي

ود المدير، بعد العرض ده لسة قاعد تضحك؟

ما قلنا ليكم ما بستحوا من قول الزور والباطل والإنتصار للظلم وأهله
والتعصب للمفسدين ؟
عن أم سلمة رضي الله عنها قالت قال رسول الله
صلى الله عليه وسلم: ستكون أمراء فتعرفون وتنكرون فمن عرف فقد برئ
ومن أنكر سلم، ولكن من رضي وتابع»، قالوا: "أفلا نقاتلهم؟"، قال: «لا، ما صلوا»
رواه مسلم
قال الإمام النووي في شرحه لهذا الحديث في شرحه لصحيح مسلم
وقوله صلى الله عليه وسلم: «ولكن من رضي وتابع»، معناه:
ولكن الإثم والعقوبة على من رضي وتابع.
وهذا يجعل المعارضة السلمية التي وضعتها تحت حذاؤك جزء من الإيمان
الخالص وضدها النفاق البائن

الناس حينما يتحدثون عن ارتفاع سعر الدولار
يقصدون إرتفاع سعره بالجنيه السوداني
وهنا يضعون الدولار في موضع السلعة التجارية
للحاجة إليه كعملة تداول عالمي
مثلما يقولون أن سعر الخبز ارتفع
في حين أن الخبز هو الخبز بقيمته ووزنه ومحتواه الغذائي لم يتغير
لكن الذي تغير هي قيمة العملة المحلية وليس الخبز ولا الدولار
لكن لا مشاحة في المصطلح لدى العقلاء.

السغيروني منتصر

شايف البوست دا وقع ليك في جرح

وشكرا

اخونا فرانكلي ده زعلان مالو؟!

أقترااااااااااح
الاحتفال تحت شعار ألجموووو لجمو البلا كان قام بلفخك

يعني الواحد ما يبرمج للويك إند إلا يكون زعلان؟

Quote: الناس حينما يتحدثون عن ارتفاع سعر الدولار يقصدون إرتفاع سعره بالجنيه السوداني وهنا يضعون الدولار في موضع السلعة التجارية للحاجة إليه كعملة تداول عالمي مثلما يقولون أن سعر الخبز ارتفع في حين أن الخبز هو الخبز بقيمته ووزنه ومحتواه الغذائي لم يتغير لكن الذي تغير هي قيمة العملة المحلية وليس الخبز ولا الدولار لكن لا مشاحة في المصطلح لدى العقلاء.

يا منتصر الأمر بديهي.
الدولار قاعد في محلو ..... الجنيه المجنون ده هو الغاتس حجرو.
دايماً بقول: نحن مالنا ومال الدولار ينزل واللا يطلع ..... الصحيح هو انخفاض قيمة الجنية.

++++ الدولار اليوم مقابل الجنيه السوداني يساوي واحد وستين ألف.

المضحك إنو الحكومة لما تتكلم عن الصرف بتتكلم بقيمة الجنيه بدون أصفار (عشان ما يخلعوكم).
لكن لما تتكلم عن إنتاج (لو في إنتاج) بتنفخ كل الأصفار الشطبتها.

ماشة معاك باسطة يا ود المشرف

البوست ما شاء الله سالك زي *** السكين الساخن في الزبدة وأهو قطع حاجز ال500 مشاهدة والحالة بدون مناكفات

الجنيه وصل مليون جنيه وبقى كمان حكومي وبدون أصفار

دا الويك إند ولا بلاش

هو الجنيه كان يعمل كم قطعة خبر قبل 89؟


البشير ويييي وبترولنا في جمهورية الموز جنوبسودان ويييي وحبيبنا الصادق المهدي ويييي


والمعارضة تحت الجزمة القديمة

ويييييي


*** wie ein heißes Messer durch Butter

هابي ويكيند يا فرانكلي ..
والدولار يساوي دولار ..
والجنيه يساوي 1000 جنيه ..
والمعارضة تحت الجزمة .. او كما قال احتفالك بالويكيند..

الفكرة بتاعت البوست هو ذات الذي تقوله احتفالا ..
لانو يععكس وبصدق الخطاب الدعائي البائس للسلطة ..
البوست لك .. والبوست منك .. ومن اجلك كتب

بكري سلامات وكيف الحال

Quote: في ما يخص الجنيه تم التلاعب بوعي الناس بذكاء شديد ، تناسى الناس ان العملة تغيرت ثلاث مرات ( من الجنيه للدينار بحذف صفر ثم للجنيه بحذف صفرين واخيرا حذف ثلاثة اصفار ).

بالضبط ..
ولكن ليس في الامر ذكاء الا اذا فرانكي مقياسا في اعتقادي ..

منتصر سلامات

Quote: (أنا كوز إذاً أنا لا أستحي)

لا يستحون نعم
ولكن الغباء موجود برضو ..

اخونا وقريبي عمر ممن لا يستحون فقط ولكن فاهم الاشياء بصورة كويسة .. يؤدي دوره بالمسطرة وخطابو موجه بدقة نحو الذين قد لا يمتلكون الوعي الكافي والحس النقدي ... وطالما الامر كذلك فهو لا يكترث بايراد معطيات او تحليل او ارقام الخ .. فقط خبر دعائي يجد طريقه للنشر ..

مثل مجادلة اخونا فرانكلي لا تعنيه في شيء .. وتحت تحت ممكن يسخر منها شانه في ذلك شاننا جميعا

اخي فرانكلي

نحن محاصرون منذ اوائل التسعينات حتى يومنا هذا

ارادوا تركيعنا ولكن لن نركع الا لله

ارادوا خنقنا فتحديناهم بان يحبسوا عنا الهواء

مع ذلك قهرنا الصعاب وتخطينا المتاريس التي وضعوها امامنا

واقتصاد اي دولة لا ينهض بعزل عن اقتصاديات العالم
مع ذلك حققنا نموا اقتصاديا اعترف به الاعداء قبل الاصدقاء
ما زال التآمر يتواصل والتحدي قائما وارداة الله هي الغالبة
ولو كره المنافقون

انتهي

التحية للاخ المشرف

وضيوف البوست

وشكرا

( لن نركع الا لله)
،،

هو إنتو بتعرفوهو؟؟

يا ود الباوقة البوست دا ما بيستاهل كتير كلام

محمد حيدر المشرف زول بتاع ونسة ساااااكت والبوست دا خير دليل على عمق تفكيره واهتماماته

عشان كدا نحن دخلنا ليه بمدخل الونسة وبرنامج الويك إند فدا اقصى مراميه.

ما تأخذه مأخذ الجد!

هسع الناس تخلي الهموم الوطنية والإقليمية والدولية وتبقى في ذكرى بوست ومناكفات ومهاترات؟

أها ود المشرف دا دي همومه وأقصى ابعاد تفكيره, نعمل ليه شنو؟ ننهره؟ ما ممكن الزول زميل منبري برضو

عشان كدا نضحك معاه ونخليه يكون مبسوط ويشعر بالإنجاز من بوسته العميق دا

😂😂😂😂😂😂😂😂

تماضر

اتق الله

وشكرا

Quote: 15 شهر فقط لاغير تفصلنا عن الرفاهية ورغد العيش .... 04:49 PM November, 17 2018 سودانيز اون لاين ود الباوقة- مكتبتى رابط مختصر معتز موسي يكشف تفاصيل برنامج الإصلاح الإقتصادي في 15 شهراً أعلن رئيس الوزراء، وزير المالية والتخطيط الاقتصادي معتز موسي عن تحسين وإحكام إدارة الذهب بهدف الإستفادة منه في الخزانة العامة .وأكد موسي خلال مخاطبته مؤتمر حول المشكل الاقتصادي السوداني الراهن نظمته جامعة الخرطوم يوم السبت، المضي قدماً في تنفيذ برنامج وسياسات الإصلاح الاقتصادي للبلاد لمدة 15 شهراً وذلك عبر التحكم في سعر الصرف وخفض التضخم وإحكام الولاية على المال العام والتمويل للقطاعين الزراعي والصناعي وزيادة الانتاج. واشار إلى أن البرنامج الإقتصادي لمعالجة الإختلالات يقوده الصادر، والتنمية يقودها التعليم وذلك بزيادة الإنتاج والإنتاجية، بجانب تحسين مدفوعات الميزان الخارجي ومعالجة الدين الخارجي.وقال موسى، إن واجبات الحكومة والدولة في حسن ادارة الاقتصاد الكلي وتحقيق الرفاه للشعب، بحسن الإحاطة بالموارد وتصنيفها ووضع السياسات الصحيحة والاهداف للمؤسسات الاقتصادية والنقدية والقطاعية التى تشكل اقتصاد البلاد.

ود المشرف ...

بالله خت دي انت و ابو الريش في الكالندر حقتكم ...
و باكر بجي الخريف و اللواري بتقيف ...
ده البوست الجديد ...
15 شهرا فقط و معاها شوية كلام فارغ كده ههههه